Tattoo ideas

◾️ပြည်သူ့ရှေဆောင်ပါတီဥက္ကဋ္ဌပါဝင်ယှဉ်ပြိုင်ခွင့်မရှိတော့သော်လည်း ပါတီအတွက်စိတ်ဓာတ်ကျစရာမရှိဟုဆို
ပါတီဥက္ကဌဒေါ်သက်သက်ခိုင်ရွေးကောက်ပွဲတွင် ပါဝင်ယှဉ်ပြိုင်ခွင့်မရှိတော့သော်လည်း ပါဝင်ယှဉ်ပြိုင် မည့်ကိုယ်စာလှယ်လောင်းများအနေဖြင့် စိတ်ဓာတ်အားလျော့စရာမရှိကြောင်း ပြည်သူ့ရှေ့ဆောင်ပါတီ ဒုဥက္ကဋ္ဌ ဦးစောဟန်အေးကပြောသည်။
“ကျွန်တော်တို့ပါတီကစုပေါင်းဆောင်ရွက်တဲ့ပါတီတစ်ခုပါ။ တစ်ယောက်မရှိလို့မဖြစ်ဘူးဆိုတာမရှိပါဘူး။ ဥပမာအနေနဲ့ပြောရရင် ရထားခေါင်းတွဲပြုတ်သွားလို့ ရထားထွက်လို့မရဘူးဆိုတာမရှိဘူး။ ဆက်သွားလို့ ရပါတယ်။ ဘာဖြစ်လို့လဲဆိုတော့ ကျွန်တော်တို့ပါတီမှာ​ ဒေါ်သက်သက်ခိုင်အစိုးရအဖွဲ့ထဲမှာ လေးနှစ် တာဝန်ထမ်းဆောင်နေတဲ့အချိန်မှာတောင်ကျွန်တော်တို့ပါတီကဆက်လက်ရှင်သန်ပြီးတော့ ပါတီမှတ်ပုံတင်တောင်အသစ်ပြန်တင်နိုင်သေးတာပဲ။ ဒါကြောင့် ကျွန်တော်တို့ပါတီဝင်တွေရော၊ ကိုယ်စာလှယ်လောင်းတွေပါရွေးကောက်ပွဲမှာ ပါတီဥက္ကဋ္ဌမပါဝင်နိုင်ပေမယ့် အားလျော့သွားစရာမရှိပါဘူး" ၎င်းကပြောသည်။
ဒေါ်သက်သက်ခိုင်သည် ရန်ကုန်တိုင်းဒေသကြီးအမျိုးသားလွှတ်တော် FPTP မဲဆန္ဒနယ် အမှတ်(၂)တွင် ဝင်ရောက်ယှဉ်ပြိုင်ရန် အမည်စာရင်းတင်သွင်းခဲ့သော်လည်း UEC ကရွေးကောက်ပွဲဥပဒေပုဒ်မ ၈ (ဃ) ပါ ပြဋ္ဌာန်းချက်နှင့်ငြိစွန်းသဖြင့် ပြီးခဲ့သည့်အောက်တိုဘာ ၂၁ ရက်တွင် ကိုယ်စားလှယ်လောင်းအဖြစ်မှ ပယ်ဖျက်ကြောင်း ထုတ်ပြန်ခဲ့သည်။
ပြည်သူ့ရှေ့ဆောင်ပါတီဥက္ကဋ္ဌ ဒေါ်သက်သက်ခိုင်သည် ဘဏ်ချေးငွေကြွေးကျန်နှင့်ပတ်သက်ပြီး ရွေးကောက်ပွဲပါဝင်ယှဉ်ပြိုင်ခွင့်ရရေးအတွက် အောက်တိုဘာ ၃၀ ရက်တွင် ကမ္ဘောဇဘဏ်သို့ ကျပ်ငွေ သိန်းပေါင်းငါးသောင်းပေးသွင်းခဲ့ပြီး ရွေးကောက်ပွဲကော်မရှင်ထံသို့ အသနားခံစာတင်ပြခဲ့သော်လည်း ထပ်မံပယ်ချခံခဲ့ရသည်။
သတင်း - ပိုင်လေး
ဓာတ်ပုံ-PPP

◾️နှစ်ဖက်တင်းမာမှုများမြင့်တက်နေစဉ် တရုတ်သင်္ဘောအုပ်စု ဂျပန်အုပ်ချုပ်သော ကျွန်းများအနီးမှ ခုတ်မောင်း
ဂျပန်ဝန်ကြီးချုပ်၏ ထိုင်ဝမ်နှင့်ပတ်သက်သောမှတ်ချက်စကားများကြောင့် နှစ်နိုင်ငံကြား တင်းမာမှုများမြင့်တက်နေစဉ် တရုတ်ကမ်းရိုးတန်းအစောင့်တပ်ဖွဲ့မှ ရေယာဉ်အုပ်စုတစ်စုသည် ဂျပန်ကစီမံခန့်ခွဲနေသော ဆင်ကာကူကျွန်းစုအနီး ရေပြင်မှ ဖြတ်သန်းသွားခဲ့ပြီး ယင်းမှာ အခွင့်အရေးစည်းကြပ်သည့်ကင်းလှည့်မှု ဖြစ်ကြောင်း တရုတ်ကမ်းရိုးတန်းအစောင့်တပ်ဖွဲ့ က ထုတ်ပြန်ပြောကြားသည်။
ထိုင်ဝမ်အား တရုတ်က တိုက်ခိုက်ခဲ့ပါက တိုကျိုထံမှ စစ်ရေးအရတုံ့ပြန်မှု ဖြစ်ပေါ်လာနိုင်ကြောင်း ဂျပန်ဝန်ကြီးချုပ် မစ္စက်ဆာနာအဲ တာကာအိချိက နိုဝင်ဘာ ၇ ရက်တွင် ပါလီမန်၌ ပြောကြားခဲ့ပြီးနောက် တရုတ်နှင့်ဂျပန်ကြား သံတမန်ရေး တင်းမာမှု မြင့်တက်လာခဲ့သည်။
ယင်းမှတ်ချက်များကြောင့် ပေကျင်းထံမှ ဒေါသတကြီးတုံ့ပြန်မှုများ ဖြစ်ပေါ်ခဲ့သလို တာကာအိချိက ၎င်း၏ပြောကြားမှုကို တစ်နည်းနည်းဖြင့် ပြန်ရုပ်သိမ်းရန် ပေကျင်းက မျှော်လင့်ထားသည်။
တရုတ်က ထိုင်ဝမ်အား ၎င်းတို့၏ကိုယ်ပိုင်နယ်မြေအဖြစ် သဘောထားကာ ယင်းကျွန်းနိုင်ငံအား ပြန်လည်ရယူရေး အင်အားသုံးမည့်အလားအလာကိုလည်း ပစ်ပယ်မထားပေ။ ပေကျင်း၏ ပိုင်ဆိုင်ကြောင်း ပြောဆိုမှုများကို ပယ်ချထားသော ထိုင်ဝမ်သည် ဂျပန်မှ မိုင် ၇၀ ခန့်သာ ကွာဝေးကြောင်း သိရသည်။
တရုတ်ကမ်းရိုးတန်းအစောင့်တပ်မှ ရေယာဉ်အုပ်စုသည် ဒိုင်အိုယုကျွန်းစုရေပြင်တွင် ကင်းလှည့်ခဲ့ကြောင်း နှင့် ယင်းမှာ ၎င်းတို့၏ အကျိုးစီးပွားနှင့် လုပ်ပိုင်ခွင့်များအတွက် တရုတ်ကမ်းရိုးတန်းအစောင့်တပ်မှ လုပ်ဆောင်သော ဥပဒေနှင့်ညီညွတ်သည့် အော်ပရေးရှင်းဖြစ်ကြောင်း ထုတ်ပြန်ချက်က ပြောကြားသည်။
ဂျပန်က ဆင်ကာကူ ဟု ခေါ်ပြီး တရုတ်က ဒိုင်အိုယု ဟု ခေါ်ဝေါ်ကြသော ကျွန်းစုများနှင့် ပတ်သက်၍ တရုတ်နှင့်ဂျပန်တို့ အကြိမ်ကြိမ် ငြိစွန်းခဲ့ကြသည်။
မှတ်ချက်ပေးရန် တောင်းဆိုမှုကို ပေကျင်းမြို့မှ ဂျပန်သံရုံးက ချက်ခြင်း မတုံ့ပြန်ခဲ့ကြောင်း ရိုက်တာသတင်းက ဆိုသည်။
တာကာအိချိ ၏ မှတ်ချက်များထွက်ပေါ်လာခဲ့ပြီးနောက်တွင် ဂျပန်သည် တရုတ်ထံမှ ဖိအားများပိုမိုရင်ဆိုင်လာခဲ့ရပြီး ‘သူ့ဘာသာပြူထွက်လာတဲ့ ညစ်ပတ်တဲ့ ခေါင်းကို ဖြတ်ပစ်ရမယ်’ ဟု အိုဆာကာမြို့ တရုတ်ကောင်စစ်ဝန်အကြီးအကဲ က ပြောကြားခဲ့ရာ တိုကျိုထံမှ တရားဝင်ကန့်ကွက်မှု ထွက်ပေါခဲ့သည်။
ထို့နောက်တွင် နှစ် နှစ်ကျော်ကာလအတွင်း ပထမဆုံးအကြိမ်အဖြစ် ပေကျင်းက ဂျပန်သံအမတ်ကြီးအား ဆင့်ခေါ်၍ ကန့်ကွက်ခဲ့သည်။ ဂျပန်၏ စစ်ရေးအရ ကြားဝင်မှုရှိခဲ့ပါကလည်း အောင်မြင်မည်မဟုတ်ကြောင်း တရုတ်စစ်ဘက်ကလည်း ကြေညာခဲ့သည်။
သောကြာနေ့တွင် ဂျပန်နိုင်ငံသို့ သွားရောက်လည်ပတ်ခြင်းမပြုကြရန် တရုတ် က ၎င်းတို့၏ နိုင်ငံသားများကို သတိပေးခဲ့ရာ သင့်တင့်လျောက်ပတ်သောအတိုင်းအတာများ လုပ်ဆောင်ရန် တိုကျိုက ပေကျင်းအား တိုက်တွန်းခဲ့သော်လည်း အကျယ်ချဲ့၍ မပြော‌ပေ။
ဂျပန်သို့ သွား‌ရောက်သည့် လက်မှတ်များအား ငွေပြန်အမ်းယူနိုင်ကြောင်း သို့မဟုတ် အခြားခရီးစဉ်များနှင့် အခမဲ့ လဲလှယ်နိုင်ကြောင်း တရုတ်လေကြောင်းလိုင်း သုံးလိုင်းက ယမန်နေ့ စနေနေ့က ပြောကြားသည်။
ကိုးကား-Reuters

New York Jets player Kris Boyd is in critical condition after being shot in Midtown Manhattan early Sunday morning, according to police and the team.
Read more: https://abcnews.visitlink.me/CzApWW

Firefighters battled a massive blaze at a power plant decommissioned in the 1990s near Galveston, Texas, authorities said.
No injuries have been reported and the cause of the blaze is under investigation.
Read more: https://abcnews.visitlink.me/SSKqqt

LATEST: Flight reductions at 40 major airports nationwide will end Monday morning at 6 a.m., according to the Federal Aviation Administration.
Follow live updates: https://abcnews.visitlink.me/BoitTs

◾️ခိုလှုံခွင့်အကာအကွယ်များကို ဗြိတိန်လျှော့ချပြီး နိုင်ငံသားဖြစ်ရန် နှစ် ၂၀ စောင့်ဆိုင်းရမည်
ခိုလှုံခွင့်ဆိုင်ရာဥပဒေ အောက်ခြေသိမ်းပြုပြင်ပြောင်းလဲမှု အစီအစဉ်အရ ဗြိတိန်နိုင်ငံသည် ဒုက္ခသည်များအတွက် အကာအကွယ်ပေးမှုကို သိသိသာသာ လျှော့ချသွားမည်ဖြစ်ကြောင်း ယမန်နေ့တွင် လေဘာပါတီအစိုးရက ပြောကြားသည်။
လက်ယာစွန်းများအပေါ် ထောက်ခံမှု တစ်ဟုန်ထိုးမြင့်တက်နေစဉ် ပုံစံမမှန်သော ရွှေ့ပြောင်းနေထိုင်မှုနှင့် ပတ် သက်၍ ဝန်ကြီးချုပ်ကီယာစတာမာက ကြီးမားသောဖိအားများနှင့် ကြုံနေရချိန် ယင်းအစီအစဉ်များကို ကြေညာ ခြင်းဖြစ်သည်။
“ခိုလှုံခွင့်တောင်းခံသူတွေအတွက် ဗြိတိန်ရဲ့ ရွှေ‌ရောင်လက်မှတ်ကို အဆုံးသတ်သွားပါမယ်။” ဟု ပြည်ထဲ ရေး ဝန်ကြီး ရှာဘာနာမာမွတ်က ထုတ်ပြန်ချက်တစ်ရပ်တွင် ပြောကြားသည်။
လက်ရှိဗြိတိန်တွင် ဒုက္ခသည်အဖြစ် အသိအမှတ်ပြုမှုရရှိသူများသည် ယင်းလက်မှတ်ကို ငါးနှစ် ကိုင်‌ ဆောင် နေ ထိုင်နိုင်ပြီး ထိုနောက်ပိုင်းတွင် အချိန်အကန့်အသတ်မရှိဆက်လက်နေထိုင်ခွင့် လျှောက်ထားနိုင်သလို နိုင်ငံ သားဖြစ်ခွင့်လည်း လျှောက်ထားနိုင်သည်။
သို့ရာတွင် ပြုပြင်ပြောင်းလဲမှု လုပ်ဆောင်ပြီးပါက ဒုက္ခသည်များအနေဖြင့် လပေါင်း ၃၀ သာနေထိုင်နိုင်မည်ဖြစ် သည်။
၎င်းတို့အား အကာအကွယ်ပေးမှုကိုလည်း အမြဲတမ်း ပြန်လည်သုံးသပ်နေမည်ဖြစ်ကာ ဘေးကင်းလုံခြုံမှုရှိသည်ဟု သတ်မှတ်ပါက ၎င်းတို့မိခင်နိုင်ငံများသို့ ပြန်လည်ပို့ဆောင်ခံရမည်ဖြစ်သည်။
ထို့ပြင် ခိုလှုံခွင့်ရရှိသွားသော ဒုက္ခသည်များသည် ဗြိတိန်တွင် ရေရှည်နေထိုင်ခွင့် လျှောက်ထားရန် သို့မဟုတ် နိုင်ငံ သားအဖြစ် လျှောက်ထားရန် နှစ်ပေါင်း ၂၀ စောင့်ဆိုင်းသွားရမည်ဟု ပြောင်းလဲသွားမည်ဖြစ်ကြောင်း ပြည်ထဲ ရေးဝန်ကြီးဌာန ထုတ်ပြန်ချက်က ဆက်လက်ဖော်ပြသည်။ လက်ရှိတွင် ထိုသို့လျှောက်ထားရန် ငါးနှစ်သာစောင့် ဆိုင်းရသည်။
ယင်းအဆိုပြုချက်များသည် ခေတ်သစ်ကာလ၌ ခိုလှုံခွင့်မူဝါဒအပေါ် အကြီးမားဆုံး အောက်ခြေသိမ်းပြုပြင် ပြောင်း လဲမှုဖြစ်ကြောင်း ပြည်ထဲ‌ရေးဝန်ကြီးဌာနက ဆိုသည်။
ပြီးခဲ့သည့်နွေရာသီက ဝန်ကြီးချုပ်ဖြစ်လာခဲ့သူ ကီယာစတာမာသည် ပြင်သစ်နိုင်ငံမှ လှေငယ်လေးများဖြင့် အင်္ဂလိပ် ရေလက်ကြားကို ဖြတ်ကူးကာ ဗြိတိန်တွင် ခိုလှုံခွင့်တောင်းခံသူများကို တားဆီးရေး ဖိအားများကို ကြီးမားစွာရင် ဆိုင်နေရသည်။
ယခုနှစ်တွင် အန္တရာယ်များသော ရေလက်ကြားကို ခရီးနှင်ပြီး ရောက်ရှိလာခဲ့သူ ၃၉၀၀၀ ကျော်ရှိပြီး ၎င်း အရေအတွက်သည် ၂၀၂၄ ခုနှစ် တစ်နှစ်လုံးလာရောက်ခဲ့သူထက် များပြားနေပြီဖြစ်သည်။
သို့သော် ၂၀၂၂ ခုနှစ်က စံချိန်ထက်မူ နည်းပါးသည်။
ဗြိတိန်သို့ ခိုလှုံခွင့်လျှောက်ထားသူဦးရေမှာလည်း စံချိန်တင်မြင့်မားနေကာ ၂၀၂၅ ဇွန်လအထိ တစ်နှစ်တာကာလ အတွင်း လျှောက်ထားမှု ၁၁၁၀၀၀ ဦးရှိကြောင်း တရားဝင်ကိန်းဂဏန်းများက ပြသနေသည်။
သတင်း-ရဲမင်း
ကိုးကား-AFP
#နိုင်ငံတကာသတင်း

◾️မက္ကဆီကိုအစိုးရ ဆန့်ကျင်ဆန္ဒပြပွဲများတွင် လူအများအပြား ဒဏ်ရာရ
မက္ကဆီကိုနိုင်ငံ မြို့တော်တွင် ဖြစ်ပွားခဲ့သော အစိုးရဆန့်ကျင် ဆန္ဒပြပွဲများအတွင်း ထိပ်တိုက်တွေ့မှုများ ဖြစ်ပေါ်ခဲ့ ရာ၌ ရဲတပ်ဖွဲ့ဝင် တစ်ရာခန့်အပါအဝင် အနည်းဆုံး လူပေါင်း ၁၂၀ ခန့် ထိခိုက်ဒဏ်ရာရရှိခဲ့ကြောင်း ရဲတပ်ဖွဲ့က ပြောကြားသည်။
ဆန္ဒပြသူပေါင်းထောင်ပေါင်းများစွာသည် အကြမ်းဖက်ပြစ်မှုကျူးလွန်မှုများ နှင့် သမ္မတမစ္စက်ကလော်ဒီယာရှိန်း ဘောင်၏ အစိုးရအားဆန့်ကျင်၍ မက္ကစီကိုစီးတီး လမ်းမများတွင် ယမန်နေ့က ချီတက်ဆန္ဒပြခဲ့ကြသည်။
အခြားမြို့ကြီးများတွင်လည်း ဖြစ်ပွားခဲ့သောဆန္ဒပြပွဲများကို ၎င်းတို့အစိုးရကို ဆန့်ကျင်သော လက်ယာယိမ်းနိုင်ငံ ရေးသမားများက ငွေကြေးထောက်ပံ့ပေးနေသည်ဟု ရှိန်းဘောင်က ဆိုသည်။
ဆန္ဒပြပွဲများအား မျိုးဆက်သစ်လူငယ်ဂျန်ဇီး(Gen Z) များက စတင်စည်းရုံးလှုံ့ဆော်ခဲ့ပြီး လူသိများထင်ရှား သူများပါ လုပ်ကြံသတ်ဖြတ်ခံနေရခြင်းကို ဆန့်ကျင်သော နိုင်ငံသားများကလည်း ၎င်းတို့ကို ထောက်ခံခဲ့သည်။
သီတင်းပတ်အနည်းငယ်ကပင် ဂိုဏ်းအဖွဲ့များအား တင်းတင်းကျပ်ကျပ်ကိုင်တွယ်ရန် တိုက်တွန်းပြောကြားနေသူ အူရူအာပန်မြို့တော်ဝန် ကားလို့စ်မန်ဇို လုပ်ကြံသတ်ဖြတ်ခံခဲ့ရသည်။
ဆန္ဒပြသူများက မစ္စက်ရှိန်းဘောင်နေထိုင်သည့် အမျိုးသားနန်းတော် အဆောက်အဦး အပြင်ဘက်မှ အတားအဆီး များကို ဖြိုဖျက်ခဲ့ရာ သမ္မတနန်းတော်အစောင့်တပ်ဖွဲ့ က လူထုအတွင်းမျက်ရည်ယိုဗုံးများ ပစ်ခတ်နှိမ်နင်းခဲ့သည်။
ဓားပြမှုနှင့် ရိုက်နှက်တိုက်ခိုက်မှုများအပါအဝင် ပြစ်မှုကျူးလွန်သူ ၂၀ ကို ဖမ်းဆီးခဲ့သည်ဟု မက္ကဆီကိုစီးတီး လုံခြုံရေးအကြီးအကဲ ပက်ဘလိုဗက်ကွက်ဇ် က ပြောကြားသည်။
“ ငါတို့အားလုံး ကားလို့စ်မွန်ဇာများဖြစ်သည်” ဆိုသောစာတန်းအပါအဝင် အခြားကြွေးကြော်သံများကိုလည်း ဆ န္ဒပြသူများက ကိုင်ဆောင်ခဲ့ကြပြီး ၎င်းအား ဂုဏ်ပြုသည့်အနေဖြင့် ကောင်းဘွိုင်ဦးထုပ်များ ဆောင်းထားကြသည်။
မြို့တော်ဝန်မွန်ဇာသည် နိုဝင်ဘာ ၁ ရက်က ကွယ်လွန်သူများနေ့ ပွဲတော်ကို တက်ရောက်နေစဉ် ပစ်ခတ်သတ် ဖြတ်ခံခဲ့ရသည်။
၎င်း၏ မြို့နယ်မှ မူးယစ်ဆေးဝါးကုန်ကူးသောဂိုဏ်းများနှင့် ယင်းဂိုဏ်းများ၏ အကြမ်းဖက်မှုများအကြောင်းကို ပွင့်လင်းစွာပြောကြားခြင်းကြောင့် မွန်ဖာမှာ လူသိများထင်ရှားသည်။
တစ်နိုင်ငံလုံးအား ကြောက်ရွံ့ထိတ်လန့်အောင် လုပ်နေသောဂိုဏ်းများကို ပြတ်ပြတ်သားသားကိုင်တွယ်ရန်လည်း ၎င်းက တိုက်တွန်းခဲ့သည်။
သမ္မတရှိန်းဘောင်က မူးယစ်ဆေးဝါးဂိုဏ်းများအပေါ် အရေးယူကိုင်တွယ်မှုများ လုပ်ဆောင်နေသော်လည်း ယင်း ဂိုဏ်းများအပေါ် စစ်ကြေညာရန် တိုက်တွန်းမှုများကိုမူ လက်မခံပေ။
ယခင်သမ္မတများလက်ထက်တွင် ထိုသို့ စစ်ဆင်နွဲခြင်းများကြောင့် သွေးထွက်သံယိုအကြမ်းဖက်မှုများ မြင့်တက် ခဲ့ သည်။
ရှိန်းဘောင်သည် သမ္မတသက်တမ်းပထမတစ်နှစ်အတွင်း လူကြိုက်များမှုကို ၇၀ ရာခိုင်နှုန်းခန့်တွင် ဆက်လက် ထိန်းထားနိုင်ပြီး အမေရိကန်သမ္မတထရန့်က အဓိကထားပြောကြားနေသော ဖန်တနိုင်းမူးယစ်ဆေးဝါးနှိမ်နင်း မှုတွင် ထဲထဲဝင်ဝင်လုပ်ဆောင်နိုင်ခဲ့သော်လည်း နိုင်ငံကိုနှိပ်စက်နေသော ဂိုဏ်းများ၏ သွေးထွက်သံယိုအကြမ်း ဖက်မှုများကို မချိုးနှိမ်နိုင်ခြင်းအတွက် ဝေဖန်မှုများနှင့် ရင်ဆိုင်နေရသည်။
သတင်း - ရဲမင်း
ကိုးကား - BBC
#နိုင်ငံတကာသတင်း

◾️ထိုင်းနိုင်ငံတွင် အလုပ်ဖြုတ်ခံခဲ့ရသည့် မြန်မာအလုပ်သမား ၂၀၂ ဦး နစ်နာကြေးများ ပြန်ရ
ထိုင်းနိုင်ငံ စမူပကန်ခရိုင်ဖက်ဖဒဲ့မြို့နယ် ကုမ္ပဏီတွင် အလုပ်ဖြုတ်ခံခဲ့ရသည့် မြန်မာအလုပ်သမား ၂၀၂ ဦး၏ နစ်နာကြေးများ ပြန်လည်ရရှိခဲ့ကြောင်း သိရသည်။
မြန်မာအလုပ်သမား ၂၀၂ ဦးအား နေ့စားအလုပ်သမားအဖြစ်မှပုတ်ပြတ် အလုပ်သမားအဖြစ်သို့ကုမ္ပဏီဘက်က ပြောင်းလဲသတ်မှတ်ခဲ့ပြီး လုပ်အားခများ ကန့်သတ်ခဲ့သောကြောင့် မြန်မာအလုပ်သမားများကဆက်သွယ် အကူအညီတောင်းခံခဲ့ရာနိုဝင်ဘာ ၁၄ ရက်တွင် မြို့နယ် စဝါဒီကန်ရုံးနှင့်ချိတ်ဆက်ပြီးကူညီဖြေရှင်းပေးခဲ့ကြောင်း W‌AG အဖွဲ့မှ သိရသည်။
မြို့နယ်ဆဝါဒီကန်ရုံးတွင် ညှိနှိုင်းချက်အရ မြန်မာအလုပ်သမား စုစုပေါင်း၂၀၂ ဦး၏နစ်နာကြေးအဖြစ် စက်ရုံ ဘက်မှ အလုပ်သမားတစ်ဦးကို လျော်ကြေးဘတ် ၆၅၀၀ ပေးခဲ့ကြောင်း WAGအဖွဲ့မှ သိရသည်။
နေ့စားလုပ်အားခများစုငွေနှင့် လစဉ်အလိုက် ဗီဇာသက်တမ်းတိုးခ အပါအဝင် ဃှု စာအုပ်ကုန်ကျငွေနှင့် ကျန်ရှိနေသော နေ့စားလုပ်အားခများကို နိုဝင်ဘာ ၁၇ ရက်တွင်စက်ရုံရှေ့၌ အလုပ်သမားများကို ပေးဆောင် မည်ဟု စက်ရုံဘက်မှ ပြောဆိုခဲ့ကြောင်း သိရသည်။
#ယနေ့ထုတ်သတင်းစာ_ပြည်တွင်းသတင်း

◾️ထိုင်းနိုင်ငံ ကရာဘီခရိုင်တွင် ဓာတုစွန့်ပစ်ကန်သန့်ရှင်းရေးလုပ်စဉ် မြန်မာနှစ်ဦး အဆိပ်ငွေ့ရှူမိပြီး သေဆုံး
ထိုင်းနိုင်ငံ ကရာဘီခရိုင် ပလိုင်ဖလာရာခရိုင်ခွဲရှိ စားအုန်းဆီကုမ္ပဏီတစ်ခု၏ ဓာတုကန်သန့်ရှင်းရေးလုပ်နေသည့် မြန်မာအလုပ်သမားနှစ်ဦးမှာ နိုဝင်ဘာ ၁၄ ရက်က အဆိပ်ငွေ့ရှူမိပြီး သေဆုံးခဲ့ကြောင်း ဒေသအာဏာပိုင်များက ထုတ်ပြန်ထားသည်။
သေဆုံးသူနှစ်ဦးမှာအသက်(၂၄)နှစ်အရွယ်ကိုရှိုင်းလင်းအောင်နှင့်အသက်(၂၅)နှစ်အရွယ်ကိုကျော်လင်းဦးတို့ဖြစ် ပြီး အသက်(၂၂) နှစ်အရွယ် ကိုပိုင်ဆိုသူအားထိုင်းကယ်ဆယ်ရေးအဖွဲ့က အရင်ကယ်ထုတ်နိုင်ပြီး ဆေးရုံပို့ပေးခဲ့ကြောင်း သိရသည်။
မြန်မာအလုပ်သမားသုံးဦးမှာကုမ္ပဏီဝင်းထဲရှိ ကြက်ဥပုပ်ဓာတ်ငွေ့ဟု ခေါ်ကြသည့် ဟိုက်ဒရိုဂျင်ဆာလဖိတ် ပါဝင်သော ဓာတုကန်ထဲကိုဆင်းပြီး သန့်ရှင်းရေးလုပ်နေခဲ့ခြင်းဖြစ်ကာ ထိုင်းရဲတပ်ဖွဲ့၏ အဆိုအရ မြန်မာ အလုပ်သမားများမှာ အဆိပ်ငွေ့ အလွန်အကျွံရှူသွင်းမိခဲ့ခြင်းဖြစ်ကြောင်း သိရသည်။
အဆိုပါ မတော်တဆမှုဖြစ်ရသည့် အကြောင်းအရင်းအား ထိုင်းအာဏာပိုင်များက စစ်ဆေးနေပြီး နောက်ထပ် မဖြစ်ရန် ကြိုတင်ကာကွယ်ရေးစီမံချက် လုပ်ဆောင်ရန်စီစဉ်နေကြောင်း သိရသည်။
#ယနေ့ထုတ်သတင်းစာ_ပြည်တွင်းသတင်း