ယူနိုက်တက်နှင့်ပွဲစဉ်မှ မော်ဂန်ရိုဂျာရဲ့ ဂိုးအား အင်္ကျီချွတ်ကာ အမိုက်စားအောင်ပွဲခံမှုရဲ့နောက်ကွယ်မှ အကြောင်းရင်းအား အူနိုင်းအမ်မရီ ဖွင့်ဟလာ
=======================
အက်စတွန်ဗီလာနည်းပြအူနိုင်းအမ်မရီဟာ ယူနိုက်တက်အား အနိုင်ရတဲ့ပွဲစဉ်တွင် မော်ဂန်ရိုဂျာက အနိုင်ဂိုးသွင်းလာချိန်တွင် အပေါ် အင်္ကျီချွတ်ပြီး အောင်ပွဲခံခဲ့ခြင်းမှာ မပျော်ရွှင်မှုကြောင့် ဖြစ်ကြောင်း ဖွင့်ဟလာပါတယ်။
အသက် ၂၃ နှစ်ရှိ အင်္ဂလန်ကွင်းလယ်ဖန်တီးရှင်ရိုဂျာဟာ ဗီလာပါ့ခ်တွင် အံထွက်လာတဲ့ ဘောလုံးကို ပင်နယ်တီဧရိယာအတွင်းမှ ဝေ့ဝိုက်ကန်ချက်ဖြင့် ၂-၁ ဖြင့် အနိုင်ရရှိစေမယ့် ဂိုးအား သွင်းယူခဲ့တာ ဖြစ်ပါတယ်။
ရော်ဂျာက သူ့ရဲ့ ဒုတိယမြောက်ဂိုးအား သွင်းလာချိန်တွင် အူနိုင်းအမ်မရီဟာ ကုတ်အင်္ကျီအား ချွတ်ကာ လေထဲမှာ ဝှေ့ယမ်းခဲ့ပါတယ်။
အာဆင်နယ်နှင့် ပီအက်စ်ဂျီနည်းပြဟောင်းက "တခါတလေ ကျွန်တော်တို့ အသင်းလိုက်ရော တစ်ဦးချင်းစီရော အရမ်းကောင်းတယ်။ ကစားသမားတွေဆီက ဂိုးတွေ လိုတယ်။ ရိုဂျာလည်း ကစားတာ အရမ်းကောင်းတယ်။ ဒါပေမယ့် ရာသီအစတုန်းက ရိုဂျာဟာ ထင်သလောက် ဂိုးမသွင်းနိုင်ခဲ့ဘူး။ ဒါပေမယ့် ကစားတာတော့ ကောင်းတယ်။ သူ့တာဝန်အမြဲကျေတယ်။ အပြုအမူကောင်းတွေရဲ့ ပေးဆပ်ကြောင်းပြတယ်။ ဒီကနေ့လည်း ဒီအတိုင်းပဲ။ နှစ်ဂိုးသွင်းပြီး ဇာတ်လိုက်ဖြစ်ကြောင်း ပြသခဲ့တယ်။ သူတိုက် ဖိုက်တာ တစ်ဦးပါ။ အရမ်းကောင်းတဲ့သူပါ။ အရမ်းအရမ်းကို ကောင်းတယ်။ ဗီလာအတွက် သူ့ပေးဆပ်မှုက တကယ့်ကို ကြီးမားတယ်။ သူ့ရဲ့နေ့စဉ်အပြုအမူတွေက အရမ်းကောင်းတယ်"လို့ ပြောကြားသွားပါတယ်။
အင်္ကျီချွတ်ပြီး အောင်ပွဲခံမှုနှင့်ပတ်သက်ပြီး အမ်မရီက "မော်ဂန်ရိုဂျာ စွမ်းဆောင်ရည်အပေါ် မကျေနပ်လို့ လုပ်ခဲ့တာပါ။ သူ အရမ်းကောင်းတဲ့ဂိုး သွင်းနိုင်ခဲ့တယ်။ ဒါပေမယ့် ဒီထက် ပိုလိုအပ်တယ်။ ဒုတိယပိုင်းမှာ သူ လုပ်တာတွေကိုပါ။ သူ အရမ်းအတင်းဝင် အတင်းထွက်ကစားတယ်။ ဒုတိယဂိုးသွင်းနိုင်ခဲ့တယ်ဆိုတာကလည်း ဒုတိယလှုပ်ရှားမှုအတွက် အတင်းဝင်အတင်းထွက်၊ ကြိုတင်ခန့်မှန်းနိုင်လို့ သွင်းနိုင်ခဲ့တာပါ။ ဒီအပေါ်မှာ ပြင်းထန်တဲ့ တုံ့ပြန်မှု ဖြစ်ခဲ့တာပါ"လို့ ပြောကြားသွားပါတယ်။
