📌 ကြောင်မိခင်တွေမှာ ကလေးမွေးပြီးတိုင်း ကလေးတွေက ရက်သားအရွယ်မှာပဲ ဆုံးသွားကြတာဟာ ဘာကြောင့်လဲ။
ကြောင်ကလေးများ မွေးပြီးပြီးချင်း သို့မဟုတ် ရက်ပိုင်းအတွင်း ဆုံးပါးရခြင်းကို ဆေးပညာအရ
"Fading Kitten Syndrome" (FKS) လို့ပဲ ယေဘူယျအားဖြင့် ခေါ်ဝေါ်လေ့ရှိပြီး၊ ဆုံးပါးရခြင်းဟာ အကြောင်းရင်းများစွာ ပေါင်းစပ်သွားခြင်းကနေ ဖြစ်ပေါ်နိုင်ပါတယ်။
ပထမဆုံး ပတ်၀န်းကျင်အနေအထားနဲ့ သက်ဆိုင်မှုရှိတဲ့အချက် ၄ချက်ကိုပြောပြပေးပါမယ်။
➡️ ကိုယ်အပူချိန်ကျဆင်းခြင်း
FKS ရဲ့ အဓိက အကြောင်းရင်းဖြစ်ပြီး၊ ကြောင်ကလေးငယ်များဟာ အသက် ၄ ပတ်ခန့်အထိ ကိုယ်ပူချိန်ကို ထိန်းညှိဖို့ ခက်ခဲပါတယ်။
ကိုယ်အပူချိန် 99° F (37.2°C) အောက် ကျဆင်းပါက အန္တရာယ်ရှိပြီး သေဆုံးနိုင်ချေ အလွန်မြင့်မားပါတယ်။
➡️ ရေဓာတ်ခန်းခြောက်ခြင်း
အပူချိန်လွန်ကဲခြင်း၊ စိုထိုင်းဆနည်းခြင်း သို့မဟုတ် နို့လုံလောက်စွာ မစို့နိုင်ခြင်းတို့ကြောင့် ရေဓာတ်လျင်မြန်စွာ ခန်းခြောက်ပြီး "Fading Kitten Syndrome" (FKS) ဖြစ်ခြင်းကို ဦးတည်စေပါတယ်။
➡️ သကြားဓာတ်ကျဆင်းခြင်း
ကြောင်ကလေးငယ်တွေဟာ စွမ်းအင်သိုလှောင်မှုနည်းပြီး အပူချိန်ထိန်းဖို့ စွမ်းအင်ကိုအဆက်မပြတ် သုံးနေရတာကြောင့် သွေးတွင်းသကြားဓာတ် လျင်မြန်စွာ ကျဆင်းပြီး အသက်ဆုံးရှုံးနိုင်ပါတယ်။
ကိုယ်အပူချိန်ကျဆင်းခြင် နဲ့ သကြားဓာတ်ကျဆင်းခြင်းတို့ က မကြာခဏဆိုသလို တွဲလျက်ဖြစ်ပေါ်လေ့ရှိပါတယ်။
➡️ သန့်ရှင်းမှု အားနည်းခြင်
မသန့်ရှင်းသောပတ်ဝန်းကျင်သည် ဘက်တီးရီးယားများ ဝင်ရောက်ပြီး ကြောင်ကလေးငယ်များအတွက် ကူးစက်ရောဂါဖြစ်ပေါ်ရန် အဓိကအကြောင်းရင်းဖြစ်ပြီး "Fading Kitten Syndrome" (FKS) ကို ဖြစ်စေပါတယ်။
ဒီလောက်ဆို အတော်လေး သိသွားကြမယ်လို့ထင်ပါတယ်။
💬 အခြားတိချစ်သူလေးတွေလဲ သိရအောင် share သွားနိုင်ပါတယ်။
