KK Park နယ်မြေမှနိုင်ငံခြားသား(၁၅၁)ဦးကိုထိန်းသိမ်းထား
–--–------------------
KK Park နယ်မြေမှနိုင်ငံခြားသား(၁၅၁)ဦးကိုထိန်းသိမ်းထားတယ်လို့အမျိုးသားကာကွယ်ရေးနှင့်လုံခြုံရေးကောင်စီသတင်းထုတ်ပြန်ရေးအဖွဲ့ကထုတ်ပြန်ပါတယ်။
တပ်မတော်နဲ့ BGFနယ်ခြားစောင့်တပ်တွေဟာအောက်တိုဘာ(၂၂)ရက်နေ့၊ည(၁၁)နာရီခန့်ကမြဝတီမြို့နယ်၊မဲထော်သလေးကျေးရွာအုပ်စု(KK Park)နယ်မြေအတွင်းကို ရှောင်တခင်ဝင်ရောက်စစ်ဆေးရှာဖွေမှုတွေဆောင်ရွက်ခဲ့ကြတာဖြစ်တယ်လို့ဆိုပါတယ်။
ဒီလိုဆောင်ရွက်ရာမှာ(KK Park)နယ်မြေအတွင်းမြန်မာနိုင်ငံသားအလုပ်သမားတွေနဲ့နိုင်ငံခြားသားတွေဟာကရင်ပြည်နယ်၊မြဝတီမြို့ပေါ်ရပ်ကွက်၊မဲထော်သလေးကျေးရွာအုပ်စု၊ဖလူးကျေးရွာအုပ်စု၊မင်းလက်ပံကျေးရွာနဲ့တစ်ဖက်ထိုင်းနိုင်ငံမဲဆောက်မြို့တွေကိုထွက်ပြေးတိမ်းရှောင်ခဲ့ကြတယ်လို့ထုတ်ပြန်ချက်မှာဖေါ်ပြထားပါတယ်။
အဲဒါကြောင့်လုံခြုံရေးတပ်ဖွဲ့ဝင်တွေ၊ဌာနဆိုင်ရာတာဝန်ရှိသူတွေက နယ်မြေတည်ငြိမ်အေးချမ်းမှုရှိစေရေး၊အွန်လိုင်းလောင်းကစားမှု၊အွန်လိုင်းလိမ်လည်မှုလုပ်ငန်းဆောင်ရွက်နေသူတွေမပါရှိစေရေးအတွက်ထွက်ပြေးတိမ်းရှောင်ကြသူတွေကိုစစ်ဆေးဖော်ထုတ်ထိန်းသိမ်းမှုတွေဆောင်ရွက်ခဲ့တာဖြစ်တယ်လို့ထုတ်ပြန်ထားပါတယ်။
နိုင်ငံပေါင်း(၁၀)နိုင်ငံမှအဲ့ဒီ ပြည်ပနိုင်ငံသား(၁၅၁)ဦးကိုသက်ဆိုင်ရာနိုင်ငံတွေကိုပြည်လည်လွဲပြောင်းတာ၊လက်ခံဆောင်ရွက်တာတွေမလုပ်မီအမှတ်(၄)ရက်ကွက်၊မိုးလုံလေလုံအားကစားခန်းမမှာထိမ်းသိမ်းထားရှိတယ်လို့ထုတ်ပြန်ချက်မှာပါရှိပါတယ်။
