မြို့ခံပြိင်ဘက် တန်းတက်ပဲရစ်အက်ဖ်စီအား ရှုံးနိမ့်ကာ Coupe de France ပြိုင်ပွဲမှ ထွက်ခွာလိုက်ရတဲ့ လက်ရှိချန်ပီယံ ပီအက်စ်ဂျီ
===================

လက်ရှိချန်ပီယံ ပီအက်စ်ဂျီဟာ အိမ်ကွင်းတွင် ပဲရစ်အက်ဖ်စီအား ၁-၀ ဂိုးဖြင့် အံ့ဩသင့်ဖွယ် ရှုံးနိမ့်ကာ Coupe de France ပြိုင်ပွဲမှ ထွက်ခွာလိုက်ရပြီ ဖြစ်ပါတယ်။
ပီအက်စ်ဂျီဟာ ပြီးခဲ့တဲ့ရာသီတုန်းက Coupe de France ဖလားအား ၁၆ ကြိမ်မြောက် ဆွတ်ခူးခဲ့တဲ့အသင်း ဖြစ်ပါတယ်။ ၎င်းတို့ဟာ ပွဲချိန်ပြည့် လွှမ်းမိုးကစားထားနိုင်ခဲ့ပေမယ့်လည်း တန်းတက် မြို့ခံပြိုင်ဘက်အား ရှုံးနိမ့်လာခဲ့တာပါ။
ပဲရစ်အက်ဖ်စီအတွက် တစ်လုံးတည်းသော အနိုင်ဂိုးကို ပီအက်စ်ဂျီတွင် ကစားသမားဘဝ စတင်ခဲ့တဲ့ ဂျိုနသန်အိုင်ကွန်က သွင်းယူခဲ့ပါတယ်။
လူးဝစ်အန်းနရစ်ရဲ့ ပီအက်စ်ဂျီဟာ အချိန်ပိုမှာ ဗီတင်ဟာရဲ့ အဝေးကန်ချက်အပါအဝင် ခြိမ်းခြောက်မှုများစွာ ပြုလုပ်နိုင်ခဲ့ပေမယ့် ပဲရစ်အက်ဖ်စီဂိုးသမားအိုဘက်အန်ကမ်ဘာဒီယိုက လက်စွမ်းပြကာကွယ်သွားခဲ့ပါတယ်။
ပီအက်စ်ဂျီဟာ ၂၀၁၄ ခုနှစ်နောက်ပိုင်း ပထမဆုံးအကြိမ်အဖြစ် Coupe de France ပြိုင်ပွဲ ၃၂ သင်းရှုံးထွက်အဆင့်မှာ ရှုံးနိမ့်ခဲ့တာလည်း ဖြစ်ပါတယ်။
ဒီနှစ်သင်းဟာ ယခုလအစောပိုင်းတုန်းက ၁၉၉၀ နောက်ပိုင်း ပထမဆုံးအကြိမ်အဖြစ် လီဂူး ၁ တွင် ထိပ်တိုက်တွေ့ခဲ့ကြပြီး ပီအက်စ်ဂျီက ဒူယူ၊ ဒမ်ဘီလီတို့ရဲ့ သွင်းဂိုးတွေနဲ့ ၂-၁ ဖြင့် အနိုင်ရခဲ့ပါတယ်။

ခရစ္စတီယာနိုရော်နယ်ဒိုနှင့် လီယွန်နယ်မက်ဆီတို့ကို ကျော်ကာ နိုင်ငံတကာပွဲတွေမှာ အမြန်ဆုံးရာပြည့်လာတဲ့ မိုဟာမက်ဆာလက်
====================

မိုဟာမက်ဆာလက်ဟာ ခရစ္စတီယာနိုရော်နယ်ဒိုနှင့် လီယွန်နယ်မက်ဆီတို့အား ကျော်ဖြတ်ကာ နိုင်ငံတကာပွဲတွေမှာ ဂိုးနှင့် ဖန်တီးမှု အမြန်ဆုံးရာပြည့်တဲ့ မှတ်တမ်း ရယူလာနိုင်ခဲ့ပါတယ်။
လီဗာပူးစူပါစတားဟာ အီဂျစ်ကို ကျင်းပဆဲ အာဖရိကဖလားပြိုင်ပွဲတွင် ဆီမီးဖိုင်နယ်သို့ တက်ရောက်နိုင်အောင် ကူညီပေးထားသူလည်း ဖြစ်ပါတယ်။
သူဟာ အိုင်ဗရီကို့စ်အား အနိုင်ရတဲ့ အာဖရိကဖလားကွာတားဖိုင်နယ်ပွဲစဉ်မှာ ဂိုးနှင့် ဖန်တီးမှု အကြိမ် ၁၀၀ ပြည့်လာခဲ့တာလည်း ဖြစ်ပါတယ်။
သူဟာ အီဂျစ်အတွက် ၁၁၁ ပွဲကစားထားရာမှာ ၆၅ ဂိုးသွင်းပြီး ၃၅ ကြိမ် ဖန်တီးကာ အမြန်ဆုံးရာပြည့်လာတာပါ။
ဆာလက်ဟာ ၂၀၁၁ ခုနှစ်တွင် အီဂျစ်အတွက် ပထမဆုံးပွဲကစားခင့်ရပြီးနောက် ပြီးခဲ့တဲ့ ၁၅ နှစ်တိုင်တိုင် အရေးပါတဲ့ ကစားသမားအဖြစ် ကစားလာသူ ဖြစ်ပါတယ်။
သူဟာ အီဂျစ်နှင့်အတူ အောင်မြင်မှု မရယူနိုင်သေးပေမယ့်လည်း ကလပ်အဆင့်မှာတော့ အောင်မြင်မှုအားလုံး ရယူထားနိုင်ပါတယ်။
ဆာလက်ဟာ အိုင်ဗရီကို့စ်အား ၃-၂ ဖြင့် အနိုင်ရတဲ့ပွဲစဉ်ရဲ့ ပွဲချိန် ၅၂ မိနစ်မှာ အီဂျစ်ရဲ့ တတိယဂိုးအား သွင်းယူပြီးနောက် အီဂျစ်အတွက် ဂိုးနှင့် ဖန်တီးမှု စုစုပေါင်း ရာပြည့်ခဲ့တာလည်း ဖြစ်ပါတယ်။
သူဟာ မက်ဆီနှင့် ရော်နယ်ဒိုတို့ထက် အမြန်ဆုံး ဂိုးနှင့် ဖန်တီးမှု ရာပြည့်ခဲ့တာလည်း ဖြစ်ပါတယ်။
ဒါပေမယ့် ဆာလက်ထက် လက်ရွေးစင်အသင်းအဆင့်မှာ ဂိုးနှင့် ဖန်တီးမှု ရာပြည့်တဲ့ ဘရာဇီးကစားသမား ၂ ဦး ရှိပါတယ်။
ပီလီက ၇၇ ပွဲဖြင့် ဂိုးနှင့် ဖန်တီးမှု ရာပြည့်ခဲ့ပြီး နေမာက ၉၄ ပွဲဖြင့် ဂိုးနှင့် ဖန်တီးမှု ရာပြည့်ခဲ့တာပါ။
ဒါ့အပြင် ဆာလက်ရဲ့ နောက်မှာ ဘယ်လ်ဂျီယံတိုက်စစ်မှူးရိုမီလူလူကာကူ (၁၁၃ ပွဲ)၊ ဥရုဂွေးဂန္ထဝင် လူးဝစ်ဆွာရက်ဇ် (၁၁၆ ပွဲ)တို့ ရပ်တည်နေပါတယ်။
အာဂျင်တီးနားအတွက် ၁၉၆ ပွဲကစားထားရာမှာ ၁၁၅ ဂိုးသွင်းခဲ့တဲ့ လီယွန်နယ်မက်ဆီက ဂိုးနှင့် ဖန်တီးမှု ရာပြည့်ရန် ၁၁၂ ပွဲကစားခဲ့ရပြီး ခရစ္စတီယာနိုရော်နယ်ဒိုက ၁၂၃ ပွဲကစားခဲ့ရပါတယ်။
တဖက်မှာ ခရစ္စတီယာနိုရော်နယ်ဒိုက ပေါ်တူဂီအတွက် ၂၂၆ ပွဲကစားထားရာမှာ ၁၄၃ ဂိုးသွင်းယူပြီး နိုင်ငံတကာပွဲနှင့် ဂိုးအများဆုံးသွင်းယူထားသူအဖြစ် ပြိုင်ဘက်ကင်းစံချိန်ရယူထားပါတယ်။
မိုဟာမက်ဆာလက်ဦးဆောင်တဲ့ အီဂျစ်ဟာ လာမယ့် ဗုဒ္ဓဟူးနေ့မှာ ကင်မရွန်းနှင့် အာဖရိကဖလားဆီမီးဖိုင်နယ်ကစားရပါမယ်။ အီဂျစ်ဟာ ကင်မရွန်းကို ကျော်ဖြတ်လာနိုင်ပါက ဗိုလ်လုပွဲတွင် နိုင်ဂျီးရီးယား (သို့မဟုတ်) အိမ်ရှင်မော်ရိုကိုနှင့် ရင်ဆိုင်ကစားရပါမယ်။

တစ်နှစ်နီးပါး ပွဲဝေးနေတဲ့ စိုးလင်းဦး ထိုင်းလူငယ်ဖိုက်တာ ဝိုရာပွန်နဲ့ ယှဥ်ပြိုင်ထိုးသတ်ရမယ်

ပရိသတ်အချစ်တော် မြန်မာ့ရိုးရာလက်ဝှေ့သမား စိုးလင်းဦးဟာ ONE Championship မှာ ပွဲဝေးနေခဲ့တာ တစ်နှစ်နီးပါးရှိခဲ့ပေမယ့် အခုအခါမှာတော့ ထိုင်းလူငယ်ဖိုက်တာ ဝိုရာပွန်နဲ့ ယှဥ်ပြိုင်ထိုးသတ်ရတော့မှာဖြစ်ပါတယ်။
ONE Championship ဟာ စိုးလင်းဦးနဲ့ ဝိုရာပွန်တို့ရဲ့ တွဲဆိုင်းကို လာမယ့်ဇန်နဝါရီ (၂၃) ရက်မှာ ကျင်းပမယ့် ONE Friday Fights 139 ပြိုင်ပွဲမှာ ထည့်သွင်းထားပါတယ်။
အသက် (၃၄) နှစ်ရှိပြီဖြစ်တဲ့ စိုးလင်းဦးဟာ ONE Championship မှာ (၆) ပွဲထိုး၊ (၃) ပွဲနိုင်၊ (၃) ပွဲရှုံးထားပါတယ်။
စိုးလင်းဦးဟာ.နောက်ဆုံးထိုးသတ်ထားတဲ့ (၃) ပွဲဆက်တိုက်ကို အမှတ်နဲ့ ရှုံးနိမ့်ထားပါတယ်။
စိုးလင်းဦးဟာ နောက်ဆုံးပွဲအဖြစ် ပြီးခဲ့တဲ့ ၂၀၂၅ ခုနှစ် မတ်လအတွင်းက ရုရှားဖိုက်တာ ဒီမီထရီကို အမှတ်နဲ့ ရှုံးနိမ့်ထားပါတယ်။
စိုးလင်းဦးနဲ့ ထိုးသတ်မယ့် ဝိုရာပွန်ဟာ အသက် (၂၃) နှစ်ပဲ ရှိသေးပြီး ONE Championship မှာ (၁၁) ပွဲထိုး၊ (၆) ပွဲနိုင်၊ (၅) ပွဲရှုံးနိမ့်ထားပါတယ်။
ဝိုရာပွန်ဟာ နောက်ဆုံးပွဲအဖြစ် ပြီးခဲ့တဲ့ ၂၀၂၅ခုနှစ် နိုဝင်ဘာအတွင်းက ဘရာဇီးလ်ဖိုက်တာကို အမှတ်နဲ့ ရှုံးနိမ့်ထားပါတယ်။
ဝိုရာပွန်ဟာ ဘရာဇီးလ်ဖိုက်တာကို မရှုံးခင် (၄) ပွဲဆက် အနိုင်ရထားပါတယ်။
ဝိုရာပွန်အနိုင်ရထားတဲ့ (၆) ပွဲမှာ အလဲထိုးနိုင်ပွဲ (၂) ပွဲ ပါဝင်နေပါတယ်

ပေါ်တူဂီနောက်ခံလူ ကန်ဆယ်လိုကို အငှားစာချုပ်နဲ့ ဘာစီလိုနာအသင်း ဒုတိယအကြိမ်ခေါ်ယူ

ဘာစီလိုနာအသင်းဟာ ဆော်ဒီကလပ် အယ်လ်ဟီလာအသင်းက ပေါ်တူဂီနောက်ခံလူ ကန်ဆယ်လိုကို အငှားစာချုပ်နဲ့ ဒုတိယအကြိမ် ခေါ်ယူလိုက်ကြောင်း သိရပါတယ်။
ကန်ဆယ်လို(၃၁ နှစ်)ဟာ မန်စီးတီးအသင်းမှာရှိစဉ် ၂၀၂၃-၂၄ ရာသီတုန်းက ဘာစီလိုနာအသင်းကို အငှားနဲ့ လာရောက်ကစားခဲ့ဖူးပြီး ခြေစွမ်းပြနိုင်ခဲ့ပါတယ်။
ကန်ဆယ်လိုက ဥရောပမှာ ပြန်လည်ပြောင်းရွှေ့ကစားဖို့ စီစဉ်ချိန်မှာ အင်တာမီလန်အသင်းကလည်း အငှားခေါ်ယူဖို့ ကြိုးပမ်းခဲ့ပေမဲ့ ဘာစီလိုနာအသင်းနဲ့ ပြန်လည်လက်တွဲဖို့သာ ဆုံးဖြတ်ခဲ့ခြင်းဖြစ်ကြောင်း သိရပါတယ်။
ဘာစီလိုနာအသင်းက ကန်ဆယ်လိုကို အငှား ခေါ်ယူခြင်းအတွက် ငှားရမ်းခ ပေးရခြင်းမရှိဘဲ အငှားခေါ်ယူတဲ့ကာလအတွင်း ပေးချေရမယ့် လစာပမာဏကတော့ ယူရို(၄)သန်းဝန်းကျင်ရှိမယ်လို့ သိရပါတယ်။
ကန်ဆယ်လိုဟာ ဘာစီလိုနာအသင်းမှာ ပထမတစ်ကြိမ် အငှားလာရောက်ကစားစဉ်က ဝတ်ဆင်ခဲ့တဲ့ ကျောနံပါတ်(၂)ကိုပဲ ပြန်လည်ဝတ်ဆင်သွားမှာဖြစ်ကြောင်း သိရပါတယ်။

အသင်းရဲ့လူစာရင်းထဲ ထည့်သွင်းမခံထားရတဲ့ စတာလင်၊ ဒီဆာဆီတို့နဲ့ တွေ့ဆုံဆွေးနွေးသွားမယ်လို့ လီယမ်ရိုစီနီယာ ပြောကြား

ချယ်လ်ဆီးအသင်းရဲ့ နည်းပြသစ် လီယမ်ရိုစီနီယာက အသင်းရဲ့လူစာရင်းထဲ ထည့်သွင်းမခံထားရတဲ့ စတာလင်၊ ဒီဆာဆီတို့နဲ့ တွေ့ဆုံဆွေးနွေးသွားမယ်လို့ ပြောကြားခဲ့ပါတယ်။
အင်္ဂလန်တောင်ပံကစားသမား စတာလင်နဲ့ ပြင်သစ်နောက်ခံလူ ဒီဆာဆီတို့ဟာ ချယ်လ်ဆီးအသင်းနဲ့ စာချုပ်သက်တမ်းရှိနေကြပေမဲ့ အငှားထွက်ခွာကစားရာက ပြန်လာပြီးနောက်ပိုင်း အသင်းရဲ့လူစာရင်းထဲ ထည့်သွင်းခံရခြင်းမရှိတော့ပါဘူး။
အသက်(၃၁)နှစ်ရှိပြီဖြစ်တဲ့ စတာလင်ဟာ လီဗာပူးလ်နဲ့ မန်စီးတီးအသင်းတွေမှာ ခြေစွမ်းပြခဲ့သူဖြစ်ပြီး ချယ်လ်ဆီးအသင်းမှာလည်း ရောက်ခါစ နှစ်ရာသီ ခြေစွမ်းပြနိုင်ခဲ့ပေမဲ့ ပြီးခဲ့တဲ့ရာသီမှာတော့ အာဆင်နယ်အသင်းဆီ အငှားချခံခဲ့ရပါတယ်။
ဒီဆာဆီ(၂၇ နှစ်)ကတော့ မိုနာကိုကနေ ချယ်လ်ဆီးကို ပြောင်းရွှေ့လာသူဖြစ်ပြီး ၂၀၂၉ ခုနှစ်အထိ စာချုပ်ချုပ်ဆိုထားပေမဲ့ ပြီးခဲ့တဲ့ရာသီမှာ အက်စတွန်ဗီလာအသင်းဆီ အငှားချခံခဲ့ရပါတယ်။
''ကျွန်တော် သူတို့နဲ့ စကားပြောဆိုသွားမှာပါ။ ရာဟင်းမ်(စတာလင်)က ထူးချွန်တဲ့ ကစားသမားတစ်ယောက်ဖြစ်ပြီး ကျွန်တော် သူ့ကို လေးစားမှုအများကြီးရှိပါတယ်။ အိတ်ဇဲလ်(ဒီဆာဆီ)ကလည်း ကျွန်တော် သဘောကျခဲ့တဲ့ ကစားသမားတစ်ယောက်ပါ။ ကျွန်တော် သူတို့နဲ့ လာမယ့်ရက်ပိုင်းအတွင်း စကားပြောသွားမှာပါ'' လို့ လီယမ်ရိုစီနီယာက ပြောကြားခဲ့ပါတယ်။
စတာလင်ကို ဝက်စ်ဟမ်းနဲ့ ဖူလ်ဟမ်အသင်းတွေက အငှားနဲ့ ခေါ်ယူဖို့ စိတ်ဝင်စားနေပေမဲ့ စတာလင်က အပြီးသတ်ပြောင်းရွှေ့ခွင့်ရမှသာ ချယ်လ်ဆီးကနေ ထွက်ခွာဖို့ ဆန္ဒရှိကြောင်း သိရပါတယ်။

ဂယ်လာဂါကို ခေါ်ယူဖို့ စပါးအသင်း သဘောတူညီမှု ရရှိ

စပါးအသင်းဟာ အက်သလက်တီကိုမက်ဒရစ်အသင်းက အင်္ဂလန်ကွင်းလယ်လူ ဂယ်လာဂါကို ခေါ်ယူဖို့ သဘောတူညီမှု ရရှိခဲ့ပြီလို့ သတင်းတွေက ဖော်ပြခဲ့ကြပါတယ်။
စပါးအသင်းအနေနဲ့ ဂယ်လာဂါကို အက်စတွန်ဗီလာနဲ့အပြိုင် ကြိုးပမ်းခဲ့ပြီး လက်ဦးမှု ရယူနိုင်ခဲ့တာပါ။
ဗီလာအသင်းက ဂယ်လာဂါကို ကနဦးအငှား၊ ရာသီကုန်မှာ အမြဲတမ်းခေါ်ယူခွင့်နဲ့သာ ကမ်းလှမ်းခဲ့တာဖြစ်တယ်။
ဂယ်လာဂါဟာ စပါးအသင်းနဲ့ ပုဂ္ဂိုလ်ရေးသဘောတူညီမှု ရထားခဲ့ပြီးပြီလို့လည်း သိရပါတယ်။
စပါးအသင်းဟာ ကွင်းလယ်လူ ဘန်တန်ကာ တံကောက်ကြောဒဏ်ရာနဲ့ အနည်းဆုံး သုံးလလောက်နားရမှာဖြစ်လို့ ကွင်းလယ်ကို အားဖြည့်ဖို့ ပြင်ဆင်ခဲ့တာဖြစ်တယ်။
ဂယ်လာဂါအနေနဲ့ ကမ္ဘာ့ဖလားပြိုင်ပွဲဝင်အသင်းမှာ ပါဝင်ခွင့်ရလိုနေပြီး တူဟယ်လ်ရဲ့အသင်းမှာ တစ်ပွဲသာ ကစားထားရပါတယ်။

မန်ယူအသင်းရဲ့ ယာယီနည်းပြသစ် ကာရစ် အသင်းကို ဒီနေ့ စတင်လေ့ကျင့်ပြင်ဆင်မယ်

မန်ယူအသင်းရဲ့ ယာယီနည်းပြအဖြစ် ရာသီကုန်အထိ ခန့်အပ်ခံလိုက်ရပြီဖြစ်တဲ့ ကွင်းလယ်ကစားသမားဟောင်း မိုက်ကယ်ကာရစ်ဟာ အသင်းကို ဒီနေ့ စတင်လေ့ကျင့်ပြင်ဆင်မယ်လို့ သိရပါတယ်။
မန်ယူအသင်းက ကာရစ်ကို ယာယီနည်းပြအဖြစ် ခန့်အပ်ကြောင်း မနေ့က အတည်ပြုကြေညာခဲ့တာဖြစ်ပြီး ဘောလုံးဒါရိုက်တာ ဂျေဆင်ဝီလ်ကော့စ်က ''မိုက်ကယ်က ထူးချွန်တဲ့ နည်းပြတစ်ယောက်ပါ။ မန်ယူအသင်းအတွက် နိုင်ပွဲတွေ ရယူပေးနိုင်မှာ သေချာပါတယ်။ ကျွန်တော်တို့ အသင်းကို ဆက်လက်တည်ဆောက်သွားပြီး ပုံမှန်အတိုင်း ရှေ့ဆက်နိုင်အောင် လုပ်ဆောင်သွားမှာပါ'' လို့ ပြောကြားခဲ့ပါတယ်။
ကာရစ်ကတော့ ''ကစားသမားတွေကို သူတို့ရဲ့ အဆင့်အတန်းရောက်ရှိအောင် ကူညီပေးနိုင်ဖို့ ကျွန်တော် အာရုံစိုက်ထားပါတယ်။ ကျွန်တော်တို့ တိုက်ပွဲဝင်ဖို့ ရာသီအရှည်ကြီး ကျန်နေပါသေးတယ်။ အားလုံးအတူတကွ ပူးပေါင်းလုပ်ဆောင်သွားဖို့ အသင့်ဖြစ်နေပြီး အသင်းကို သစ္စာရှိစွာအားပေးနေကြတဲ့ ပရိသတ်တွေနဲ့ ထိုက်တန်တဲ့ စွမ်းဆောင်ရည်မျိုး ပြသနိုင်အောင် ကြိုးစားသွားမှာပါ'' လို့ ပြောကြားခဲ့ပါတယ်။
ကာရစ်ဟာ မန်ယူအသင်းမှာ ဆုဖလားအောင်ပွဲများစွာ ရယူနိုင်ခဲ့တဲ့ ကွင်းလယ်ကစားသမားဟောင်းတစ်ဦးဖြစ်ပြီး ၂၀၂၁ ခုနှစ်မှာ ယာယီနည်းပြအဖြစ် (၃)ပွဲ တာဝန်ယူခဲ့ဖူးပါတယ်။
မန်ယူအသင်းက နည်းပြ အာမိုရင်မ်ကို ရာထူးက ထုတ်ပယ်ခဲ့ပြီးနောက် နည်းပြသစ် ခန့်အပ်မှုကို လာမယ့်နွေရာသီမှ ပြုလုပ်ဖို့ စီစဉ်ထားပြီး ကာရစ်ကို ယာယီနည်းပြအဖြစ် ရာသီကုန်အထိ တာဝန်ပေးလိုက်တာဖြစ်ပါတယ်။
ကာရစ်ဟာ သူ့ရဲ့နည်းပြအဖွဲ့ဝင်စာရင်းမှာ စတိဗ်ဟော်လန်၊ ဝုဒ်ဂိတ်၊ ဂျွန်နီအီဗန်စ်နဲ့ ထရာဗစ်ဘင်နီယွန်တို့ကို ထည့်သွင်းဖွဲ့စည်းခဲ့ကြောင်း သိရပါတယ်။
မန်ယူအသင်းရဲ့ ယာယီနည်းပြအဖြစ် ကာရစ် စတင်ရင်ဆိုင်ရမှာက မန်ချက်စတာဒါဘီပွဲဖြစ်ပြီး နောက်ပွဲက အာဆင်နယ်နဲ့ဖြစ်ကြောင်း သိရပါတယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ
( ၂၀၂၆ - ဇန်နဝါရီ ၁၄ ၊ နံနက် ၁၀ နာရီ)

#ရွှေဈေး
-ကမ္ဘာ့ရွှေဈေး
တအောင်စ ၄၆၂၀ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၆၀၀၀၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉၈၈၀၀၀၀ ကျပ်
ဝယ်ဈေး ၉၈၄၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၉၄၈၀၀၀၀ ကျပ်
ဝယ်ဈေး ၉၄၄၀၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉၇၆၀၀၀၀ ကျပ်
ဝယ်ဈေး ၉၇၂၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၉၃၆၀၀၀၀ ကျပ်
ဝယ်ဈေး ၉၃၂၀၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)
#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၅၅ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၁၂၀ ကျပ်
ဝယ်ဈေး - ၄၀၁၅ ကျပ်
-စင်္ကာပူဒေါ်လာ
ရောင်းဈေး - ၃၁၉၅ ကျပ်
ဝယ်ဈေး - ၃၁၁၅ ကျပ်
-ယူရို
ရောင်းဈေး - ၄၇၉၅ ကျပ်
ဝယ်ဈေး - ၄၆၇၀ ကျပ်
-ထိုင်းဘတ်
ရောင်းဈေး - ၁၃၀.၇၂ ကျပ်
ဝယ်ဈေး - ၁၂၇.၃၉ ကျပ်
-မလေးရှားရင်းဂစ်
ရောင်းဈေး - ၁၀၁၅ ကျပ်
ဝယ်ဈေး - ၉၈၉ ကျပ်
-တရုတ်ယွမ်
ရောင်းဈေး - ၅၉၀ ကျပ်
ဝယ်ဈေး - ၅၇၅ ကျပ်
-ဂျပန်ယန်း
ရောင်းဈေး - ၂၅.၈၇ ကျပ်
ဝယ်ဈေး - ၂၅.၂၁ ကျပ်
-အိန္ဒိယရူပီး
ရောင်းဈေး - ၄၅.၆၃ ကျပ်
ဝယ်ဈေး - ၄၄.၄၇ ကျပ်
-ကိုရီးယားဝမ်
ရောင်းဈေး - ၂.၇၉ ကျပ်
ဝယ်ဈေး - ၂.၇၂ ကျပ်
-စတာလင်ပေါင်
ရောင်းဈေး - ၅၅၃၀ ကျပ်
ဝယ်ဈေး - ၅၃၉၀ ကျပ်
-ဩစတြေးလျဒေါ်လာ
ရောင်းဈေး - ၂၇၅၆ ကျပ်
ဝယ်ဈေး - ၂၆၈၅ ကျပ်
-ကနေဒါဒေါ်လာ
ရောင်းဈေး - ၂၉၆၅ ကျပ်
ဝယ်ဈေး - ၂၈၈၉ ကျပ်
-ဟောင်ကောင်ဒေါ်လာ
ရောင်းဈေး - ၅၂၈ ကျပ်
ဝယ်ဈေး - ၅၁၅ ကျပ်
-ယူအေအီး
ရောင်းဈေး - ၁၁၂၁ ကျပ်
ဝယ်ဈေး - ၁၀၉၃ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
***************************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

ဘယ်သူ့ ဘဝပဲဖြစ်ဖြစ်
အဆင်ပြေနေတယ် ဆိုတာ
တစ်ခဏမျှသာ ဖြစ်တယ်။
နောက်ဆုံးမှာ အခက်အခဲတွေနဲ့
ရင်ဆိုင်သွားရတဲ့ ဘဝတွေချည်းပဲ။
ဘဝဟာ ကျေနပ်စရာ မကောင်းတဲ့
အနေအထားတွေ ရှိသလို
ကျေနပ်စရာ ကောင်းတာလည်း
မရှိဘူးတော့ မဟုတ်ပါဘူး။ ရှိပါတယ်။
ဘဝဟာ အဆိုးချည်းပဲတော့ မဟုတ်ဘူး။
အကောင်းလည်း ရှိတယ်။ အကောင်းရှိလို့
လူတွေက ဘဝမှာ ပျော်ရွှင်နေကြတယ်ပေါ့။
ဒါဖြင့် ဘဝဟာ ....
ကျေနပ်စရာချည်းပဲလားဆိုတော့ မဟုတ်ဘူး။
အပြစ်အနာအဆာတွေကလည်း အများကြီး
အခက်အခဲတွေကလည်း အများကြီး ရှိတယ်။
ဒါကြောင့်မို့ ...
သူတော်စင်ပုဂ္ဂိုလ်တွေကျတော့
ဘဝကို ငြီးငွေ့သွားကြတယ်ပေါ့။
ဘဝက လွတ်အောင် ကြိုးစားသွားကြတာ။
ဘဝမှာ ကျေနပ်စရာ ဘာတွေလဲဆိုတော့ ...
မိမိတို့ဘဝမှာ အဆင်ပြေနေတာတွေ ရှိတယ်။
မိသားစုနဲ့ ပျော်ပျော်ရွှင်ရွှင် နေကြတယ်။
စီးပွားဥစ္စာတွေ အဆင်ပြေနေတယ်။
ကျန်းမာရေးလည်း ပြေလည်တယ်။
ဒီလိုမိသားစု အဆင်ပြေနေပြီဆိုရင်
စိတ်ချမ်းသာမှုကို မရဘူး မဟုတ်ဘူး ရကြတယ်။
အဲ့ဒီလို ရတာဟာ ဘဝအတွက်
ကျေနပ်စရာလေးတစ်ခုပဲ။
နောက်တစ်ခု ပြောမယ်ဆိုရင်
ဘဝကို အရင်းတည်ပြီးတော့
ကုသိုလ်ကောင်းမှုတွေ လုပ်ခွင့်ရတာလည်း
ဘဝနဲ့ပတ်သက်ပြီး ကျေနပ်စရာလို့
ဒီလိုပြောရမယ်။
ဒါဖြင့် မကျေနပ်စရာ စိတ်ပျက်စရာက
ဘာတွေလဲဆိုတော့ ...
ဟောဒီဘဝကြီးဟာ မတည်မြဲဘူး။
နုပျိုနေရာက အိုမင်းရင့်ရော်ပြီးတော့ သွားတယ်။
ကျန်းမာနေရာက မကျန်းမမာ ဖြစ်လာတယ်။
အသက်ရှင်ရာကနေ နောက်ဆုံး
ဘဝတစ်ခု စွန့်ခွာသွားရတယ်။
မိမိမြတ်နိုးတဲ့ ပစ္စည်းဥစ္စာ
မိမိချစ်ခင်တဲ့ ပုဂ္ဂိုလ်တွေ ခွဲခွာပြီးတော့
သွားရတယ်ဆိုတာ။
ဘဝရဲ့အဆိုးတရားပဲ ဖြစ်ပါတယ်။
ဘဝဆိုတာကိုတော့ ...
မြတ်စွာဘုရားရှင် ကိုယ်တော်မြတ်က
ဘယ်တော့မှ မချီးမွမ်းဘူး။
ဘယ်လောက် တိုတောင်းတဲ့
အချိန်ပိုင်းလေးရတဲ့ ဘဝဖြစ်ဖြစ်
ရှည်လျားတဲ့ ဘဝမျိုးပဲဖြစ်ဖြစ် ဘယ်ဘဝကိုမှ
မြတ်စွာဘုရားက မချီးမွှမ်းဘူး။
ဘုရားက ဥပမာပေးထားတာ အလွန်ထင်ရှားတယ်။
လူတွေရဲ့ မစင်အညစ်အကြေးဟာ
နည်းနည်းလေးလည်း အနံ့ဆိုးတာပဲ။
အများကြီးမှ အနံ့ဆိုးတာ မဟုတ်ဘူး။
ဘဝဟာလည်းပဲ တစ်ခဏလေးရတဲ့
ဘဝဟာလည်းပဲ ဒုက္ခဖြစ်တာပဲ။
ဒီလိုဆိုတာပေါ့နော်။
ဒါကြောင့်မို့လို့ ဘဝအပေါ်မှာ
သံဝေဂစိတ်နဲ့ ရှု့မြင်သုံးသပ်တပ်ဖို့
လိုအပ်တယ်ပေါ့။
ဒီလို အန္တရာယ်တွေများနေတဲ့ ဘဝခရီးကို
လျှောက်လှမ်း နေကြရတဲ့အခါမှာ ထိုဘဝကနေ
ကောင်းမြတ်တဲ့အရာတွေ မရယူနိုင်ဘူးဆိုရင်
ဘဝဟာ အရှုံးနဲ့ပဲ ပိသွားမယ်။
ဒါကြောင့်မို့ အဲ့ဒီလို မဖြစ်ကြရအောင်
ကိုယ့်ဘဝကိုယ် ဆင်ခြင်သုံးသပ်ပြီး
ဘဝရိက္ခာအတွက် မြတ်စွာဘုရားဟောကြားတဲ့
ဒါနကုသိုလ်၊ သီလကုသိုလ်၊ ဘာဝနာကုသိုလ်တွေ
မိမိတို့သန္တာန်မှာ ရနိုင်သလောက် စုဆောင်းပြီး
ဘဝခရီးကို သွားတဲ့ပုဂ္ဂိုလ်တွေကျတော့
အခက်အခဲတွေဟာ နည်းသွားလိမ့်မယ်ပေါ့။
ပါမောက္ခချုပ်ဆရာတော်ဘုရားကြီး
( ဒေါက်တာ အရှင်နန္ဒမာလာဘိဝံသ )
🔸🔸🔸🔸🔸🔸🔸🔸🔸🔸🔸🔸🔸🔸🔸