အမျိုးသားညီညွတ်ရေးအစိုးရ (NUG) ၏ နိုင်ငံခြားရေးဝန်ကြီးနှင့် အဖွဲ့ချုပ်ဒီမိုကရေစီဖက်ဒရယ်အဖွဲ့ချုပ် ထူထောင်ရေး လမ်းညွှန်ကော်မတီ (SCEF) ၏ အတွင်းရေးမှူးချုပ် ဒေါ်စင်မာအောင် နှင့် ၎င်း၏အဖွဲ့သည် ကနေဒါနိုင်ငံ၌ သံတမန်ရေးခရီးစဉ် ရောက်ရှိနေသည်။ ဒါဟာ သတင်းကောင်းပါပဲ။ သူတို့ဟာ နောင်တွင် ဥရောပသမဂ္ဂ၊ တရုတ် နှင့် အိန္ဒိယတို့နဲ့လည်း တွေ့ဆုံဖို့ ပြင်ဆင်နေပါတယ်။ ဒါပေမယ့် လက်ရှိအခြေအနေအရ တရုတ်ကလွဲလို့ မြန်မာနိုင်ငံမှာ ရင်းနှီးမြှုပ်နှံချင်တဲ့ တခြားနိုင်ငံ ရှိမယ် မထင်ဘူး။ လွန်ခဲ့တဲ့နှစ်တွေက တရုတ်ဟာ မြန်မာနိုင်ငံမှာ အခြေခံအဆောက်အအုံတွေ ရင်းနှီးမြှုပ်နှံပေးတယ်၊ လူငယ်တွေအတွက် အလုပ်အကိုင် အခွင့်အလမ်းတွေ ဖန်တီးပေးတယ်။ ကျွန်တော့်အိမ်နီးချင်းရဲ့သားက မန္တလေးမြို့က ကွန်ဖြူးရှပ် အင်စတီကျုမှာ တရုတ်စာသင်ခဲ့ရပြီး ဘွဲ့ရပြီးနောက် ဒေသခံ တရုတ်ကုမ္ပဏီတစ်ခုမှာ အလုပ်ဝင်လုပ်ကာ တစ်မိသားစုလုံး ရပ်တည်နိုင်ခဲ့တယ်။

မြန်မာနိုင်ငံရဲ့ လမ်းကြောင်းက အဝေးမှာမဟုတ်ဘူး၊ တရုတ်မှာ ရှိတယ်၊ ပြီးတော့ ကိုယ့်ကိုယ်ကိုယ်ပါ။ တရုတ်မှာ စကားပုံတစ်ခွန်းရှိတယ်– “အဝေးကဆွေမျိုးထက် အနီးကအိမ်နီးချင်း သာတယ်” တဲ့။ ဘယ်နိုင်ငံရေးအင်အားစုက မြန်မာနိုင်ငံကို အဆုံးအဖြတ်ပေးသည်ဖြစ်စေ၊ ပြည်သူကို အခြေခံပြီး အိမ်နီးချင်းနဲ့ ကောင်းမွန်စွာ ဆက်ဆံကြပါစေလို့ ဆန္ဒပြုပါတယ်။

မြန်မာနိုင်ငံ မှောင်မိုက်ကနေ မကြာမီ ထွက်ပေါက်ရောက်ပါစေ၊ ငါတို့ပြည်သူတွေ ဒုက္ခမရောက်ရအောင် သနားတော်မူပါလို့ ဆုမွန်ကောင်းတောင်းရင်း။

ttt

မြန်မာနိုင်ငံတော်သမ္မတ ဦးမင်းအောင်လှိုင် MYANMAR-INDIA BUSINESS DIALOGUE (မြန်မာ-အိန္ဒိယ စီးပွါးရေး ဆွေးနွေးပွဲ) သို့တက်ရောက်အမှာစကားပြောကြား

အိန္ဒိယနိုင်ငံသို့ တရားဝင်ခရီးစဥ်ရောက်ရှိနေသည့် နိုင်ငံတော်သမ္မတ ဦးမင်းအောင်လှိုင်သည် ယနေ့ ဇွန် ၃ ရက်နံနက်ပိုင်းက The Taj Palace, Mumbai တွင်ကျင်းပသည့် MYANMAR-INDIA BUSINESS DIALOGUE (မြန်မာ-အိန္ဒိယ စီးပွါးရေး ဆွေးနွေးပွဲ) သို့ တက်ရောက်အမှာစကားပြောကြားပြီး မွမ်ဘိုင်းမြို့ရှိ မြန်မာ-အိန္ဒိယနှစ်နိုင်ငံ စီးပွားရေးလုပ်ငန်းရှင်များကိုတွေ့ဆုံခဲ့သည်။

MEVM မဲပေးစက်များသည် ရွေးကောက်ပွဲအတွက် အရေးကြီးသည့် ကြီးကြပ်ကန့်သတ်ပစ္စည်းများဖြစ်၍ ထားသိုထိန်းသိမ်းရာ၌လုံခြုံမှုရှိရမည်

MEVM မဲပေးစက်များသည် ရွေးကောက်ပွဲအတွက် အရေးကြီးသည့် ကြီးကြပ်ကန့်သတ်ပစ္စည်းများဖြစ်၍ ထားသိုထိန်းသိမ်းရာ၌လုံခြုံမှုရှိရမည်ဟု ပြည်ထောင်စုရွေးကောက်ပွဲကော်မရှင် ဥက္ကဋ္ဌ ဦးသန်းစိုးက ဇွန် ၂ ရက်တွင်ကျင်းပသည့် မြန်မာအီလက်ထရောနစ်မဲပေးစက် (MEVM) ပြင်ဆင်ထိန်းသိမ်းခြင်းသင်တန်းဖွင့်ပွဲ၌ပြောကြားခဲ့ခြင်းဖြစ်သည်။
မဲပေးစက်များကို သဘာဝဘေးအန္တရာယ်ကြောင့်ဖြစ်စေ၊ အကြောင်းအမျိုးမျိုးကြောင့်ဖြစ်စေ ပျ-က်စီးထိ ခိုက်မှုမဖြစ်အောင်စနစ်တကျထားသိုထိန်းသိမ်းရန်၊ ခြောက်လတစ်ကြိမ် စဉ်ဆက်မပြတ်ပုံမှန်စစ်ဆေးရန်လည်း ပြောကြားခဲ့သည်။
အဆိုပါ သင်တန်းကို ကော်မရှင်အဖွဲ့ခွဲရုံးအသီးသီးရှိ ဝန်ထမ်းများ မြန်မာအီလက်ထရောနစ်မဲပေးစက်များနှင့်ပတ်သက်၍ ကျွမ်းကျင်မှုရှိစေရန် မဲပေးစက်စစ် ဆေးပြုပြင်ထိန်းသိမ်းမှုများကို ကိုယ်တိုင်စဉ်ဆက်မပြတ်ဆောင်ရွက်နိုင်ရန်ရည်ရွယ်ကာ သင်တန်းသား/သူ (၁၀၀) ဦးကို ဇွန် ၂ ရက်မှ ဇွန် ၂၆ ရက်အထိ ဖွင့်လှစ်ပို့ချသွားမည်ဖြစ်သည်။

မြန်မာအီလက်ထရောနစ်မဲပေးစက် (MEVM) ခြောက်လတစ်ကြိမ် စဉ်ဆက်မပြတ် ပုံမှန်စစ်ဆေးခြင်းအား အလေးထားဆောင်ရွက်ကြရန် UEC ဥက္ကဋ္ဌ ပြော

ပြည်ထောင်စုရွေးကောက်ပွဲကော်မရှင်၊ မြန်မာအီလက်ထရော နစ်မဲပေးစက် (MEVM) ပြင်ဆင်ထိန်းသိမ်းခြင်းသင်တန်းဖွင့်ပွဲကို ယမန်နေ့ က ပြုလုပ်ခဲ့ကြောင်း သိရသည်။
အဆိုပါသင်တန်းဖွင့်ပွဲကို ပြည်ထောင်စုရွေးကောက်ပွဲကော်မရှင် (UEC) ဥက္ကဋ္ဌ ဦးသန်းစိုးက တက်ရောက်ခဲ့ကြောင်း သိရသည်။
မဲပေးစက်များသည် ရွေးကောက်ပွဲအတွက် အရေးကြီးသည့် ကြီးကြပ်ကန့်သတ်ပစ္စည်းများဖြစ်သည့်အတွက် ထားသိုထိန်းသိမ်းရာတွင် လုံခြုံမှုရှိရန်၊ သဘာဝဘေးအန္တရာယ်ကြောင့်ဖြစ်စေ၊ အကြောင်းအမျိုးမျိုးကြောင့်ဖြစ်စေ ပျ-က်စီးထိခိုက်မှုမဖြစ်အောင် စနစ်တကျထားသိုထိန်းသိမ်းကြရန်၊ ခြောက်လတစ်ကြိမ် စဉ်ဆက်မပြတ် ပုံမှန်စစ်ဆေးခြင်းများကို အလေးထားဆောင်ရွက်ကြရန် ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးသန်းစိုးက ပြောသည်။
အဆိုပါသင်တန်းကို ကော်မရှင်အဖွဲ့ခွဲရုံးအသီးသီးရှိ ဝန်ထမ်းများအား မြန်မာအီလက်ထရောနစ်မဲပေးစက်များနှင့် စပ်လျဉ်း၍ ကျွမ်းကျင်မှုရှိစေရန်နှင့် မဲပေးစက်စစ်ဆေးပြုပြင်ထိန်းသိမ်းမှုများကို ကိုယ်တိုင်စဉ်ဆက်မပြတ် ဆောင်ရွက်သွားနိုင်ရန် ရည်ရွယ်ဖွင့်လှစ်ခြင်းဖြစ်ကြောင်း သိရသည်။
ပြီးခဲ့သည့် ၂၀၂၅ ခုနှစ် ရွေးကောက်ပွဲတွင် နိုင်ငံတစ်ဝန်း အသုံးပြုနိုင်ရန်အတွက် စုစုပေါင်း (MEVM) စက်အလုံးရေ ၅၅,၀၀၀ (ငါးသောင်းခွဲ) နီးပါး ထုတ်လုပ်ခဲ့ကြောင်း သိရသည်။

ထိုင်းနိုင်ငံသို့ ပြောင်းတင်ပို့မှု စျေးကောင်းရနေ

ထိုင်းနိုင်ငံသို့ ပြောင်းတင်ပို့ရန် တစ်လသာကျန်ရှိတော့သည့် အချိန်တွင် ပြည်တွင်းပြောင်းတင်ပို့မှု စျေးကောင်းရနေကြောင်း ပြောင်းကုန်သည်များထံမှ သိရသည်။
ထိုင်းနိုင်ငံသို့ အခွန်ကင်းလွတ်ခွင့်ဖြင့် ပြောင်းတင်ပို့မှုမှာ ဇွန်လကုန်တွင် ပြီးဆုံးမည်ဖြစ်သဖြင့် လက်ရှိကာလတွင် ပြောင်းတင်သင်္ဘောများဖြင့် အလုအယက် တင်ပို့နေကြကြောင်း သိရသည်။
လက်ရှိတွင် သီလဝါဆိပ်ကမ်း၌ ပြောင်းတစ်ပိဿာလျှင် ကျပ် ၁၉၅၀ ခန့်ပေါက်ဈေးရှိနေပြီး ရန်ကုန်မြို့တွင်း ဆိပ်ကမ်းများတွင် တစ်ပိဿာလျှင် ကျပ် ၁၉၂၀ မှ ၁၉၃၀ အထိ ပေါက်ဈေးရှိနေကြောင်း သိရသည်။
“ရန်ကုန်ဈေးကွက်မှာတော့ ဈေးကောင်းနေပေမယ့် နယ်ဈေးကွက်တွေမှာတော့ ပုံမှန်ဈေးတန်းပဲရှိပါတယ်” ဟု ပြောင်းကုန်သည်တစ်ဦးကပြောသည်။
ထိုင်းနိုင်ငံသို့ အခွန်ကင်းလွတ်ခွင့်ဖြင့် ပြောင်းတင်ပို့မှုကို ယခင်က ပင်လယ်ရေကြောင်းမှသာ အဓိကတင်ပို့နေခဲ့သော်လည်း မေလကုန်ပိုင်းမှစတင်ကာ နယ်စပ်ကုန်သွယ်ရေးလမ်းကြောင်းဖြစ်သည့် တာချီလိတ်မှလည်း အနည်းငယ် ပြန်လည်တင်ပို့လာကြောင်း သိရသည်။
ထိုင်းနိုင်ငံတွင် ပြောင်းလိုအပ်ချက် မြင့်တက်နေပြီး မြန်မာပြောင်းဝယ်ယူမှု တိုးလာနိုင်သဖြင့် ပြောင်းတင်ပို့မှုကာလပြီးဆုံးသည့်နောက်ပိုင်းတွင်လည်း နယ်စပ်မှတစ်ဆင့် ဆက်လက်တင်ပို့နိုင်ခြေရှိကြောင်း ပြောင်းကုန်သည်များက သုံးသပ်ထားသည်။
မေ ၃၀ ရက်တွင် FOB ပြောင်းတစ်တန်လျှင် အမေရိကန်ဒေါ်လာ ၂၇၀ ကျော်မှ ၂၈၅ ဒေါ်လာကျော်အထိ ပေါက်ဈေးရှိလာပြီး ရန်ကုန်ဆိပ်ကမ်းဈေးတွင် ပြောင်းတစ်ပိဿာလျှင် ကျပ် ၁၉၂၀ မှ ၁၉၅၀ အထိ ဈေးမြင့်တက်လာကြောင်း သိရသည်။
မန္တလေးပြောင်းဈေးကွက်တွင်လည်း ပြောင်း (ရှမ်း) ၅၄ ပိဿာ တစ်အိတ်လျှင် ကျပ် ၈၄,၀၀၀ မှ ၈၅,၀၀၀ အထိရှိနေပြီး ပြောင်း (စီပီ) တစ်အိတ်လျှင် ကျပ် ၈၆,၀၀၀ မှ ၈၇,၀၀၀ အထိ ပေါက်ဈေးရှိနေကြောင်း သိရသည်။

ရုရှားနိုင်ငံတွင်ပြုလုပ်မည့် နိုင်ငံတကာစီးပွားရေးဖိုရမ်သို့ ဒုတိယသမ္မတ ဦးညိုစော တက်ရောက်မည်

ဒုတိယသမ္မတ ဦးညိုစော ဦးဆောင်သည့် မြန်မာကိုယ်စားလှယ်အဖွဲ့သည် ရုရှားတွင်ပြုလုပ်မည့် နိုင်ငံတကာစီးပွားရေးဖိုရမ်သို့ တက်ရောက်မည် ဖြစ်သည်။
ယင်းနိုင်ငံတကာစီးပွါးရေးဖိုရမ်သည် ၂၉ ကြိမ်မြောက်ဖြစ်ကာ ရုရှားဖက်ဒရေးရှင်းနိုင်ငံ စိန့်ပီတာစဘတ်မြို့၌ ကျင်းပမည်ဖြစ်သည်။
အဆိုပါ စီးပွားရေးဖိုရမ်တက်ရောက်ရန် ရုရှားနိုင်ငံသို့ ဇွန် ၂ ရက်၊ နံနက်ပိုင်းက ရန်ကုန်မြို့မှ လေကြောင်းခရီးဖြင့် ထွက်ခွါသွားခဲ့ပြီလည်း ဖြစ်သည်။
ဒုတိယသမ္မတ ဦးညိုစော ဦးဆောင်သည့် မြန်မာကိုယ်စားလှယ်အဖွဲ့ကို လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးမြင့်ကြိုင်၊ ရန်ကုန်တိုင်းဒေသကြီးဝန်ကြီးချုပ် ဦးအောင်နိုင်သူ၊ ရန်ကုန်တိုင်းစစ်ဌာနချုပ်တိုင်းမှူး၊ တိုင်းဒေသကြီး ဝန်ကြီးများ၊ မြန်မာနိုင်ငံဆိုင်ရာ ရုရှားဖက်ဒရေးရှင်း နိုင်ငံသံရုံးမှ တာဝန်ရှိသူများက ရန်ကုန်အပြည်ပြည်ဆိုင်ရာလေဆိပ်၌ ပို့ဆောင်နှုတ်ဆက်ခဲ့သည်။
ဒုတိယသမ္မတနှင့်အတူ ပြည်ထောင်စုဝန်ကြီးများ ဖြစ်ကြသည့် ဦးအောင်ကျော်ဟိုး၊ ဦးထိန်လင်း၊ ဦးဆန်းဦး၊ ဦးကိုကိုလွင်၊ ဦးခင်မောင်စိုးနှင့် ဦးထွန်းအုံ၊ ဒုတိယဝန်ကြီး ဦးကိုကိုကျော်၊ ဌာနဆိုင်ရာအကြီးအကဲများနှင့် တာဝန်ရှိသူများ လိုက်ပါသွားကြောင်း သိရသည်။

အွန်လိုင်းလိမ်လည်မှုကို ‌ေ-သဒ-ဏ်နှင့် ထောင်တသက်အထိ ချမှတ်နိုင်မည့် ဥပဒေမူကြမ်း လွှတ်တော်တင်

အွန်လိုင်းလိမ်လည်မှုကို ‌ေ-သဒ-ဏ်နှင့် ထောင်တသက်အထိ ချမှတ်နိုင်မည့် ဥပဒေမူကြမ်းကို ယနေ့ (ဇွန် ၃) ၌ အမျိုးသားလွှတ်တော်အစည်းအဝေးကို တင်လိုက်ပြီဖြစ်သည်။
နေပြည်တော်၌ တတိယအကြိမ် အမျိုးသားလွှတ်တော် ဒုတိယပုံမှန်အစည်းအဝေးကို ကျင်းပနေချိန်လည်း ဖြစ်သည်။
ထိုဥပဒေမူကြမ်းကို ပြည်ထဲရေးဝန်ကြီး ဒုတိယ ဗိုလ်ချုပ်ကြီး ညွန့်ဝင်းဆွေက အဆိုအဖြစ် တင်သွင်းလိုက်ခြင်း ဖြစ်သည်။
ဥပဒေမူကြမ်းတွင် အွန်လိုင်းလိမ်လည်မှု၌ ပြစ်မှုထင်ရှားသူကို အမိန့်တရပ်ထပ်ပိုပြီး တရားရုံးက အမိန့်ချမှတ်နိုင်ကာ၊ သံသယရှိသူများကို နိုင်ငံသားစိစစ်ရေးကတ်များနှင့် တိုက်ဆိုင်စစ်ဆေးအတည်ပြုရုံတင်မက UID ကဒ်များဖြင့်ပါ စစ်ဆေးအတည်ပြုခြင်း၊ အွန်လိုင်းမှ တို-က်ရို-က်စစ်ဆေးအတည်ပြုခြင်းများပါ ပါဝင်သည်။
ထို့အပြင် ကျူးလွန်သူများကို ‌ေ-သဒ-ဏ်၊ တသက်တကျွန်းအထိ အရေးယူနိုင်သည့် ပြစ်ဒ-ဏ်များ ချမှတ်နိုင်သည့် ပုဒ်မများလည်း ပါဝင်ပြီး အမျိုးသားလွှတ်တော်ဥက္ကဋ္ဌက ဥပဒေကြမ်းနှင့် ပတ်သက်၍ ပြင်ဆင်ချက်အဆို တင်သွင်းလိုသည့် လွှတ်တော်ကိုယ်စားလှယ်များရှိပါက ဇွန် ၅ ရက် နောက်ဆုံးထား စာရင်းပေးရန် ပြောကြားထားသည်။

တောင်သမန်အင်း ရေအရည်အသွေးအတွက် ပြည်သူ့လွှတ်တော်ကိုယ်စားလှယ် ဦးသိန်းထွန်းဦး မေးခွန်းထုတ်

မန္တလေးတိုင်းဒေသကြီး၊ အမရပူရမြို့နယ်အတွင်းရှိ တောင်သမန်အင်း၏ ရေအရည်အသွေးနှင့် ပက်သက်၍ အမရပူရမဲဆန္ဒနယ် ပြည်သူ့လွှတ်တော်ကိုယ်စားလှယ် ဦးသိန်းထွန်းဦးက မေးခွန်းထုတ် မေးမြန်းခဲ့သည်။
ယနေ့ (ဇွန်လ ၃ ရက်) က ကျင်းပသည့် တတိယအကြိမ် ပြည်သူ့လွှတ်တော် ဒုတိယပုံမှန်အစည်းအဝေး ဒုတိယနေ့၌ မေးမြန်းခဲ့ခြင်း ဖြစ်သည်။
ပြည်သူ့လွှတ်တော်ကိုယ်စားလှယ် ဦးသိန်းထွန်းဦးက တောင်သမန်အင်းအတွင်း ဗေဒါပင်ရှင်းလင်းရေး၊ သန့်ရှင်းသာယာသည့် အင်းရေပြင်ဖြစ်စေရေး၊ စိုက်ပျိုးမြေများ ပေါ်ထွန်းလာစေရေးတို့နှင့် ပတ်သက်၍ ဆက်စပ်မေးခွန်းမေးမြန်းခဲ့သေးသည်။
“တောင်သမန်အင်းအတွင်းမှာ ရေချိုးမယ်ဆိုရင် အရေပြားဆရာဝန်ကိုပါ တစ်ခါတည်း ဆက်သွယ်ထားရမယ်” ဟုလည်း သူက ပြောသည်။
ယင်းဆက်စပ်မေးခွန်းကို မန္တလေးတိုင်းဒေသကြီး အစိုးရအဖွဲ့နှင့် ညှိနှိုင်းပြီး အကျိုးအကြောင်း အချက်အလက်ပြည့်စုံစွာဖြင့် ပြည်သူ့လွှတ်တော်ဥက္ကဋ္ဌမှ တစ်ဆင့်ပြန်လည်တင်ပြသွားမည်ဟုလည်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယဝန်ကြီး ဦးဗိုလ်ဗိုလ်ကျော်က ပြန်လည်ဖြေကြားသည်။
ထို့အပြင် ဗေဒါပင်များ ရှင်းလင်းရန်အတွက် တောင်သမန်အင်း၏ ရေ Level ကို လျှော့ချရမည် ဖြစ်ကာ ရေကျသွားပါက ဗေဒါပင်များကို စက်ယန္တရားနှင့် ဆယ်ယူပါက ပိုမိုရှင်းလင်းနိုင်မည်ဟုလည်း ဆိုသည်။
သို့သော် တောင်သမန်အင်း၌ ဘက်ဟိုးယာဉ်နှင့် ဗေဒါဆယ်ယူရှင်းလင်းသည့် လုပ်ငန်းများကို မတ်လ ၂၀ ရက်အထိ ဆောင်ရွက်ခဲ့ပြီး ယင်းနောက်ပိုင်း စက်သုံးဆီအခက်အခဲကြောင့် စက်ယန္တရားဖြင့် ရှင်းလင်းမှုကို ရပ်နားထားရကြောင်းလည်း ဒုတိယဝန်ကြီး ဦးဗိုလ်ဗိုလ်ကျော်က ဖြေကြားခဲ့သည်။