အမေရိကားရောက် မိဘတွေက မွေးဖွားတဲ့ကလေးငယ်တွေ မွေးရာပါနိုင်ငံသားဖြစ်ခွင့်ရှိ၊ မရှိ တရားရုံးချုပ် ကြားနာမယ်
အမေရိကားမှာ အကြောင်းအမျိုးမျိုးနဲ့ ရောက်ရှိနေသူတွေကနေ မွေးဖွားတဲ့ ကလေးငယ်တွေအနေနဲ့ မွေးနိုင်ငံသားဖြစ်ခွင့်ဆိုင်ရာ ဖွဲ့စည်းပုံအခြေခံဥပဒေပါ အခွင့်အရေးနဲ့ပတ်သက်ပြီး အမေရိကန်ပြည်ထောင်စု တရားရုံးချုပ်က ကြားနာမယ်လို့ တာဝန်ရှိသူတွေက ပြောပါတယ်။
ဇန်နဝါရီလမှာ ရာထူးတာဝန် စတင်ထမ်းဆောင်တဲ့ ပထမဆုံးနေ့မှာ သမ္မတ ဒေါ်နယ်ထရန့်က နိုင်ငံအတွင်း တရားမဝင်နေထိုင်တဲ့ မိဘတွေက မွေးဖွားလာသူတွေအတွက် မွေးရာပါအခွင့်အရေး နိုင်ငံသားဖြစ်ခွင့်ကို အဆုံးသတ်ဖို့ အမိန့်တရပ်ကို လက်မှတ်ရေးထိုးခဲ့ပေမယ့် အောက်တရားရုံးများစွာက ဒီလုပ်ဆောင်ချက်ကို တားဆီးခဲ့ပါတယ်။
လက်ရှိမှာတော့ အဲဒီကိစ္စ အငြင်းပွားမှုကို ကြားနာမမယ့် နေ့ရက်ကို တရားရုံးချုပ်က မသတ်မှတ်ရသေးသလို ဆုံးဖြတ်ချက်ချမှဖို့ လပေါင်းများစွာ အချိန်ယူရဦးမှာဖြစ်ပါတယ်။ တရားရုံးချူပ်က ဘယ်လိုပင်ဆုံးဖြတ်ပါစေ ထရန့်ရဲ့ လူဝင်မှုကြီးကြပ်ရေး နှိမ်နင်းမှုနဲ့ အမေရိကန်နိုင်ံသားဖြစ်ခြင်းရဲ့ အဓိပ္ပါယ်အပေါ် အဓိကသက်ရောက်မှုတွေ ရှိလာနိုင်ပါတယ်။
နှစ်ပေါင်း ၁၆၀ နီးပါးကြာ အမေရိကန်ဖွဲ့စည်းပုံအခြေခံဥပဒေရဲ့ ၁၄ ကြိမ်မြောက် ပြင်ဆင်ချက်မှာ နိုင်ငံအတွင်း မွေးဖွားသူတိုင်းဟာ အမေရိကန်နိုင်ငံသားဖြစ်တယ်ဆိုတဲ့ မူကို ချမှတ်ခဲ့ပြီး သံတမန်တွေနဲ့ နိုင်ငံခြားစစ်တပ် တပ်ဖွဲ့ဝင်တွေမှ မွေးဖွားလာတဲ့ ကလေးတွေအတွက်ကတော့ ခြွင်းချက်ဖြစ်ပါတယ်။
ထရရန့်ရဲ့ အမိန့်မှာတော့ အမေရိကန်မှာ တရားမဝင်နေထိုင်သူတွေ သို့မဟုတ် ယာယီဗီဇာနဲ့ နိုင်ငံအတွင်း ရောက်ရှိနေသူတွေရဲ့ ကလေးငယ်တွေကို နိုင်ငံသားဖြစ်ခွင့် ငြင်းပယ်ဖို့ ရည်ရွယ်ပါတယ်။ ဒါဟာ လူဝင်မှုကြီးကြပ်ရေးစနစ်ကို ပြုပြင်ပြောင်းလဲဖို့ ၊ အမျိုးသားလုံခြုံရေးနဲ့ အများပြည်သူဘေးကင်းရေးအတွက် သိသာထင်ရှားတဲ့ ခြိမ်းခြောက်မှုဖြစ်လာနိုင်တာတွေကို တိုက်ဖျက်ရန် ထရန့်အစိုးရရဲ့ ပိုမိုကျယ်ပြန့်တဲ့ ကြိုးပမ်းမှု တစိတ်တပိုင်းဖြစ်ပါတယ်။
အမေရိကတိုက်ပေါ်မှာ အဓိကတည်ရှိတဲ့ အမေရိကန်ပြည်ထောင်စုဟာ နယ်နိမိတ်အတွင်း မွေးဖွားသူတိုင်းကို အလိုအလျောက်နိုင်ငံသားဖြစ်ခွင့်ပေးတဲ့ နိုင်ငံပေါင်း ၃၀ ခန့်ထဲမှ တနိုင်ငံဖြစ်ပါတယ်။ ဖက်ဒရယ်တရားရုံးတရားသူကြီးများစွာကတော့ ထရန့်ရဲ့ အုပ်ချုပ်ရေးအမိန့်ကို တရားဥပဒေအရ စိန်ခေါ်မှုတွေ ပြုလုပ်ပြီးနောက် ဖွဲ့စည်းပုံအခြေခံဥပဒေကို ချိုးဖောက်တယ်လို့ ဆုံးဖြတ်ခဲ့ပြီး ဖက်ဒရယ်အယူခံ တရားရုံးနှစ်ခုက အမိန့်အာဏာသက်ရောက်ခြင်းမှ တားဆီးတဲ့ တားမြစ်ချက်တွေကို အတည်ပြုခဲ့ပါတယ်။
အဲဒီနောက်မှာ ထရန့်ဟာ တားမြစ်ချက်တွေကို ခုခံဖို့ တရားရုံးချုပ်သို့ သွားရောက်ခဲ့ပြီး အောက်တရားရုံးတွေက ထုတ်ပြန်ထားတဲ့ တားမြစ်ချက်တွေဟာ အခွင့်အာဏာကို ကျော်လွန်ဆုံးဖြတ်ခဲ့ကြောင်း တရားရုံးချုပ်က ဇွန်လအတွင်းမှာ အမိန့်ချခဲ့ပေမယ့် မွေးရာပါ နိုင်ငံဖြစ်ဖြစ်ခွင့်ပြဿနာကို ဖြေရှင်နိုင်ခြင်းမရှိ ခဲ့ပါဘူး။
Ref:BBC
