ကချင်ပြည်နယ်အစိုးရအဖွဲ့ဝင်ဝန်ကြီး လျာထားတဲ့ထဲက ၂​ယောက်ကို လွှတ်​တော်ကိုယ်စားလှယ်​တွေ သ​ဘောမကျ

ကချင်ပြည်နယ်လွှတ်​တော်မှာ ကချင်ပြည်နယ်ဝန်ကြီးချုပ်အဖြစ်လျာထားခံရသူ အဆိုတင်ထားတဲ့ ဝန်ကြီးထဲမှာ စီမံကိန်း၊စီးပွား​ရေးနဲ့ ဘဏ္ဍာ​ရေးဝန်ကြီးနဲ့ သယံဇာနှင့် သဘာဝပတ်ဝန်းကျင်ထိမ်းသိမ်း​ရေးဝန်ကြီး လျာထားသူ ၂​ယောက်ကို ကချင်ပြည်နယ်လွှတ်​တော်ကိုစားလှယ်တချို့က မနှစ်သက် သ​ဘောမတူကြဘူးလို့ ကိုယ်စားလှယ်တချို့ဆီက သိရပါတယ်။

ပြီးခဲ့တဲ့ ရွေးကောက်ပွဲမှာ ပြည်ခိုင်ဖြိုးပါတီက ကိုယ်စားလှယ်ကို ရှုံးနိမ့်ခဲ့တဲ့ NDPK ပါတီက လက်ရှိကချင်ပြည်နယ် သယံဇာတဝန်ကြီးကို စီမံကိန်းစီးပွား​ရေးနဲ့ ဘဏ္ဍာရေးဝန်ကြီးလျာထားတာရယ် သယံဇာနှင့် သဘာဝပတ်ဝန်းကျင်ထိမ်းသိမ်း​ရေးဝန်ကြီးအသစ် ခန့်အပ်မယ့်အပေါ် ဝေဖန်မှု​တွေ ထွက်ပေါ်​နေပါတယ်။

ကချင်ပြည်နယ်က လွှတ်​တော်ကိုယ်စားလှယ်တ​ယောက်​ပြောပြတာက
" ရွေးကောက်ပွဲမှာ ပြည်သူက ဆန္ဒမဲနဲ့ ပယ်ချထားလို့ ရှုံးနိမ့်ခဲ့သူကို ခုလို အရေးပါတဲ့ ဝန်ကြီးရာထူး ပြောင်းလဲပေးအပ်တာဟာ မဲပေးခဲ့တဲ့ ပြည်သူတွေရဲ့ ဆန္ဒကို လျစ်လျူရှုရာ ရောက်တယ်လို့ " ရှုမြင်​ကြောင်း​ပြောပါတယ်။

ဝန်ကြီးချုပ်အဖြစ် ဦးခက်ထိန်နန်ကို နိုင်ငံ​တော်သမ္မတဖြစ်လျာထားခံရသူက အဆိုတင်ထားသလို ဝန်ကြီးချုပ်လျာထားခံရသူကလည်း လုံခြုံ​ရေးနဲ့နယ်စပ်​ရေးရာအတွက် ဗိုလ်မှူးကြီး​ကျော်သူရ၊စီမံကိန်းစီးပွား​ရေးနဲ့ ဘဏ္ဍာရေးဝန်ကြီးအဖြစ် ဦးတိန့်​ဆောင်၊ လူမှု​ရေးဝန်ကြီးအဖြစ် ဦး​ကျော်မင်းခိုင်၊ လျှပ်စစ်၊စက်မှုနဲ့ လမ်းပမ်းဝန်ကြီးအဖြစ် ဦး​အောင်နိုင်၊ စိုက်ပျိုး​ရေး ​မွေးမြူ​ရေးနဲ့ ဆည်​မြောင်းဝန်ကြီး​နေရာအတွက် ဦးချန်တန်ခင်၊ သယံဇာနှင့် သဘာဝပတ်ဝန်းကျင်ထိမ်းသိမ်း​ရေးဝန်ကြီး​အဖြစ် ​ဒေါက်တာ​အောင်ဝင်း၊ စည်ပင်သာယာ​ရေးဝန်ကြီးအဖြစ် ဦးရဲရင့်​ဆွေတို့ကို လျာထား​ကြောင်း ကချင်ပြည်နယ်လွှတ်​တော်ကို တင်ပြထားပါတယ်။

ခုလိုလျာထားထားတဲ့ ဝန်ကြီး​​တွေကို သ​ဘောမတူရင် မနက်ဖြန်ကျင်းပမယ့် ကချင်ပြည်နယ်လွှတ်​တော်မှာ ကန့်ကွက်ရမှာမို့ ဝန်ကြီးချုပ်ရဲ့ အဆိုက အတည်ပြုမလား လွှတ်​တော်ကိုယ်စားလှယ်​တွေက ကန့်ကွက်ကြမှာလားဆိုတာ မနက်ဖြန်မှာ အ​ဖြေ​ပေါ်မှာ ဖြစ်ပါတယ်။

နှစ်ပတ်လည်စစ်ဆေးချက် မခံတဲ့ CNG ကားတွေကို ယာဥ်စာရင်းကနေပယ်ဖျက်ပြီး ဓာတ်ငွေ့ရောင်းချမှု ရပ်ဆိုင်းမယ်

CC (VOM) နှစ်ပတ်လည် စစ်ဆေးမှု ပျက်ကွက်ပြီး သတ်မှတ်စည်းကမ်းတွေကိုလည်း လိုက်နာဆောင်ရွက်ခြင်းမရှိဘဲ နှစ်ကျော်အိုး သုံးစွဲတဲ့ CNG ကားတွေကို CNG ယာဉ်အဖြစ် ဓာတ်ငွေ့ရောင်းချမှု အပြီးတိုင် ရပ်ဆိုင်းသွားမှာ ဖြစ်တယ်လို့ စွမ်းအင်ဝန်ကြီးဌာနက အသိပေးထားပါတယ်။
ဒါကြောင့် CNG ကားပိုင်ရှင်တွေအနေနဲ့ နှစ်ပတ်လည်စစ်ဆေးခြင်းနဲ့ ဆလင်ဒါအိုး စစ်ဆေးခံယူခြင်းကို ယခုလ ဧပြီ ၃ဝ ရက် အတွင်းမှာ CNG ဌာနကို သွားရောက်ကာ စစ်ဆေးခံယူပြီး CNG ဝယ်ယူခွင့်စာအုပ်နဲ့ ကတ်သစ်ထုတ်ယူခြင်းကို ဆောင်ရွက်ကြဖို့ အသိပေးထားပါတယ်။
CNG ဌာနကို လာရောက်ပြီး နှစ်ပတ်လည် စစ်ဆေးမှုခံယူခြင်းမရှိတဲ့ နှစ်ပြည့်သက်တမ်း ၅ နှစ်ကျော်လွန်တဲ့ CNG ကားတွေကို လာမယ့် မေလ ၁ ရက်နေ့ကစပြီး CNG ယာဉ်စာရင်းကနေ အပြီးအပိုင် ပယ်ဖျက်သွားမှာဖြစ်တယ်လို့ သိရပါတယ်။
နှစ်ပတ်လည် စစ်ဆေးခြင်းခံယူမှု ၅ နှစ်အောက် ဖြစ်တဲ့ CNG ကားတွေကိုတော့ ၁ နှစ်ကျော်လွန်ပါက CNG ဝယ်ယူခွင့် ၃ လ၊ ၂ နှစ်ကျော်လွန်ပါက CNG ဝယ်ယူခွင့် ၆ လ၊ ၃ နှစ် ကျော်လွန်ပါက CNG ဝယ်ယူခွင့် ၉ လ နဲ့ ၄ နှစ်ကျော်လွန်ပါက CNG ဝယ်ယူခွင့် ၁ နှစ် အဖြစ် ပြစ်ဒဏ်သတ်မှတ်ပြီး ဓာတ်ငွေ့ရောင်းချပေးမှုကို ရပ်ဆိုင်ခြင်းသွားမှာ ဖြစ်တယ်လို့ သိရပါတယ် ။
" CNG ကားအများစုက နှစ်တိုင်း စစ်ဆေးမှုခံယူနေကြပါတယ်။ ဘာလို့ဆို စာအုပ်သက်တမ်းက တနှစ်တခါပဲပေးတာပါ။သက်တမ်းကုန်ရင် CNG ဆိုင်တွေက မဖြည့်ပေးပါဘူး။ " လို့ CNG ကားပိုင်ရှင်တယောက်က ပြောပါတယ် ။
ဖိအားမြှင့်သဘာဝဓာတ်ငွေ့ (CNG; Compressed Natural Gas)က သဘာဝဓာတ်ငွေ့ကို ဆလင်ဒါအိုးအတွင်း မြင့်မားတဲ့ဖိအားနဲ့ ဖိသိပ်မောင်းသွင်းထားတာကြောင့် အိုးတွေ ကြံ့ခိုင်မှုမရှိခြင်း၊ ဘားများမလုံခြင်း၊ ပိုက်များကြံ့ခိုင်မှု မရှိခြင်းတို့ကြောင့် ပြင်ပကို ဓာတ်ငွေ့ယိုစိမ့်ပါက မီးလောင်ပေါက်ကွဲပြီး သုံးစွဲသူတွေ ထိခိုက်ပျက်စီးနိုင်ပြီး အန္တရာယ်ရှိနိုင်တယ်လို့ ဆိုပါတယ်။
ဒါကြောင့် ခရီးသွားပြည်သူတွေ ဘေးအန္တရာယ်ကင်းရှင်းစွာ အသုံးပြုနိုင်ရန် CNG ကားကို နှစ်စဉ်နှစ်ပတ်လည် စစ်ဆေးမှုပြုလုပ်နေပြီး စစ်ဆေးမှုအောင်မြင်တဲ့ ကားကိုသာ CNG အသုံးပြုခွင့်စာအုပ်နဲ့ ကတ်ကို ဆက်လက်ခွင့်ပြုပေးနေတာ ဖြစ်တယ်လို့ သိရပါတယ်။
" အခုသူတို့က စာထုတ်တာက ၅နှစ်အထိ အစစ်ဆေးမခံတဲ့ကားတွေပေါ့။အဲဒီလိုကားတွေ ရှိနေလို့ သတိ ပေးတာပဲလားတော့ သေချာမသိဘူး ။ ကျွန်တော်တို့သိသလောက်တော့ တနှစ်တခါ စစ်ဆေးမှုဝင်ရတယ်။ သက်တမ်းကျော်ရင် ဂက်စ်ဖြည့်မပေးဘူး ။ CNG ကားတွေက ပုံစဥ် စစ်ဆေးမှုခံယူဖို့တော့ တကယ်လိုအပ်ပါတယ်။ ဘာလို့ဆို ဖိအားမြင့် အိုးဖြစ်လို့ ပေါက်ကွဲနိုင်မှုများပါတယ်။ ဒါပေမယ့်
အခုက အိုးတွေက Low Pressure ဖြစ်နေတာပါ။ အဲဒါကို High Pressure ဖြစ်အောင်အရင်လုပ်ပေးရမှာ။ ကားတွေကအများစု အခုအိုးအသစ်တွေ လဲပြီးကြပြီ။ စစ်ရမှာက ဆိုင်တွေကို စစ်ရမှာ ။အရင်က Pressure ၃၀၀၀ လောက်ကို အခုက Pressure က ၂၀၀၀ လောက်ပဲဖြစ်နေတယ်။ " လို့ CNG ကားပိုင်ရှင်တယောက်က ထပ်မံပြောပါတယ်။
CNG ဆလင်ဒါအိုးတွေကို စတင်ထုတ်လုပ်တဲ့ ခုနှစ်မှစပြီး ၅ နှစ်ပြည့်ပြီးချိန်မှာ ပထမအကြိမ် စစ်ဆေးခြင်း၊ ဒုတိယ ၅ နှစ်ပြည့်ပါက ဒုတိယအကြိမ် ထပ်မံဖိအားခံနိုင်မှု စစ်ဆေးခြင်းကို စနစ်တကျ စက်ကိရိယာတွေနဲ့ စမ်းသပ်စစ်ဆေးနေတယ်လို့ သိရပါတယ်။
သက်တမ်း ၁၅ နှစ် ကျော်လွန်တဲ့ CNG အိုးတွေ ကိုတော့ ထုတ်လုပ်တဲ့ နိုင်ငံ/ အရည်အသွေး အာမခံမှုပေါ်မူတည်ပြီး သီးခြားထပ်မံစစ်ဆေးကာ သက်တမ်းတိုးခြင်းကို ဆောင်ရွက်ပေးသွားမှာဖြစ်ပေမယ့် အိုးအများစုကို ပယ်ဖျက်စာရင်း သတ်မှတ်ဖျက်ဆီးနေတယ်လို့ သိရပါတယ်။

ပြည်ထောင်စုအဆင့်အဖွဲ့အစည်း ၇ ခု နဲ့
ဝန်ကြီး​တွေစာရင်း ပြည်​ထောင်စုလွှတ်​တော်အတည်ပြု

ဒီနေ့ပြုလုပ်တဲ့ တတိယအကြိမ် ပြည်ထောင်စုလွှတ်တော် ပထမ ပုံမှန်အစည်းအဝေး ပဥ္စမနေ့ မှာ ပြည်ထောင်စုအဆင့်အဖွဲ့အစည်း ၇ ခုရဲ့အမည်စာရင်းတွကို လွှတ်တော်ကသဘောတူခဲ့ကြပြီး ဥပဒေကြမ်း ပူးပေါင်းကော်မတီ ပြည်သူ့ငွေစာရင်း ပူးပေါင်းကော်မတီ စတဲ့ကော်မတီဖွဲ့စည်းမှု ၂ ခုကို ပြည်ထောင်စုလွှတ်​တော်က အတည်ပြုပေးခဲ့ပါတယ်။

ပြည်ထောင်စုအဆင့်အဖွဲ့အစည်းတွေဖြစ်ကြတဲ့ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး ဥက္ကဋ္ဌနဲ့အဖွဲ့ဝင်တွေအဖြစ် ခန့်အပ် တာဝန်ပေးသင့်တဲ့ပုဂ္ဂိုလ်များ၊ ပြည်ထောင်စုဝန်ကြီးများအဖြစ် ခန့်အပ်တာဝန်ပေးသင့်တဲ့ ပုဂ္ဂိုလ်များ၊ ပြည်ထောင်စုရှေ့နေချုပ်အဖြစ် ခန့်အပ်တာဝန်ပေးသင့်သည့် ပုဂ္ဂိုလ်၊ ပြည်ထောင်စုစာရင်းစစ်ချုပ်အဖြစ် ခန့်အပ်တာဝန်ပေးသင့်တဲ့ပုဂ္ဂိုလ်၊ ပြည်ထောင်စုတရားလွှတ်တော်ချုပ် တရားသူကြီးများအဖြစ် ခန့်အပ်တာဝန် ပေးသင့်တဲ့ ပုဂ္ဂိုလ်များ ၊မြန်မာနိုင်ငံတော်ဗဟိုဘဏ် ဥက္ကဋ္ဌ၊ ဒုတိယဥက္ကဋ္ဌတွေနဲ့ ဒါရိုက်တာအဖွဲ့ဝင်တွေအဖြစ် ခန့်အပ်တာဝန်ပေးသင့်တဲ့ ပုဂ္ဂိုလ်များ အဂတိလိုက်စားမှု တိုက်ဖျက်ရေးကော်မရှင် စတဲ့ပြည်ထောင်စုအဆင့် အဖွဲ့အစည်း ၇ ခုမှာပါရှိတဲ့ အမည်စာရင်းတင်ပြခဲ့ကြတာတွေကို ကန့်ကွက် အမည်စာရင်းများ တင်သွင်းတာ မရှိခဲ့ကြတဲ့အတွက် လွှတ်တော်ကိုယ်စားလှယ်တွေရဲ့အဆုံးအဖြတ်ရယူပြီး အတည်ပြုခဲ့တာပါ။

ဒါ့အပြင် ဥပဒေကြမ်းပူးပေါင်းကော်မတီ ဖွဲ့စည်းမှု၊ ပြည်သူ့ငွေစာရင်းပူးပေါင်းကော်မတီ ဖွဲ့စည်းမှုတွကိုလည်း ပြည်ထောင်စုလွှတ်တော် က အတည်ပြုခဲ့ပါတယ်။

မနက်ဖြန်ပြည်​ထောင်စုလွှတ်​တော်မှာ နိုင်ငံ​တော်သမ္မတနဲ့ ဒုသမ္မတ​တွေဟာ ပြည်​ထောင်စုလွှတ်​တော်နာယက​ရှေ့​မှောက်မှာ ကတိသစ္စာပြုကြမှာဖြစ်ပါတယ်။

မန္တလေးတိုင်းဒေသကြီးဝန်ကြီးချုပ်နဲ့ တိုင်းဒေသကြီးအဆင့် အဖွဲ့အစည်းဝင်တွေ က လွှတ်တော်ဥက္ကဋ္ဌရှေ့မှာ ကတိသစ္စာပြု လက်မှတ်ရေးထိုး

မန္တလေး၊ ဧပြီ- ၁၀- ၂၀၂၆

မန္တလေးတိုင်းဒေသကြီးလွှတ်တော် ပထမပုံမှန်အစည်းအဝေး(သတ္တမနေ့)အခမ့းအနားကို ဒီကနေ့ ဧပြီ လ ၁၀ ရက်နေ့ မနက်ပိုင်းက ကျင်းပခဲ့ပြီး ဒီအခမ်းအနားမှာ မန္တလေးတိုင်းဒေသကြီး ဝန်ကြီးချုပ် ဦးမျိုးအောင်နဲ့ တိုင်းဒေသကြီးအဆင့် အဖွဲ့အစည်းဝင်တွေက လွှတ်တော်ဥက္ကဋ္ဌ ဦးအောင်ကျော်မိုးရှေ့မှာ ကတိသစ္စာပြုခြင်းနဲ့ ကတိသစ္စာပြုချက်မှာ လက်မှတ်ရေးထိုးခဲ့ကြပါတယ်။

မန္တလေးတိုင်းဒေသကြီးအစိုးရအဖွဲ့ တိုင်းဒေသကြီး အဆင့်အဖွဲ့အစည်းဝင် မန္တလေးတိုင်းဒေသကြီးအစိုးရအဖွဲ့ တိုင်းဒေသကြီးအဆင့် ဝန်ကြီးတွေ အဖြစ် ဗိုလ်မှူးကြီး နေလင်းစိုး လုံခြုံရေးနှင့် နယ်စပ်ရေးရာဝန်ကြီး၊ ဦးသိန်းဌေး စီမံကိန်း၊ စီးပွားရေးနဲ့ဘဏ္ဍာ ရေးဝန်ကြီး၊ ဦးလှကြွယ် လူမှုရေးရာဝန်ကြီး၊ ဦးကျော်မိုးသက် လျှပ်စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန်ကြီး၊ ဦးလှမျိုး စိုက်ပျိုး ရေး၊ မွေးမြူရေးနဲ့ ဆည်မြောင်းဝန်ကြီး၊ ဒေါ်သိင်္ဂီအောင် သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဦးခင်မောင်အေး စည်ပင်သာယာရေးဝန်ကြီး
ဦးစိုင်းအောင်ကြည် ရှမ်းတိုင်းရင်းသားလူမျိုးရေးရာဝန်ကြီးဝန်ကြီးချုပ်အဖြစ်တင်မြှောက်ခံထားရတဲ့ ဦးမျိုးအောင်က မန္တလေးတိုင်းဒေသကြီးလွှတ်တော်မှာ တို့က မန္တလေးတိုင်းဒေသကြီးလွှတ်တော်မှာ ကတိသစ္စာပြုခြင်းနဲ့ ကတိသစ္စာပြုချက်မှာ လက်မှတ်ရေးထိုးခဲ့ကြပါတယ်။

မန္တလေးတိုင်းဒေသကြီး တရားလွှတ်တော် တရားသူကြီးချုပ် ဒေါ်လှမြင့်၊ မန္တလေးတိုင်းဒေသကြီး ဥပဒေချုပ် အဖြစ် ဦးလှသိန်း၊ မန္တလေး တိုင်းဒေသကြီး စာရင်းစစ်ချုပ်ဝန်ကြီးချုပ် ဒေါ်တင်တင်ကြည် တို့က မန္တလေးတိုင်းဒေသကြီးလွှတ်တော်မှာ ကတိသစ္စာပြုခြင်းနဲ့ ကတိသစ္စာပြုချက်မှာ လက်မှတ်ရေးထိုးခဲ့ကြပါတယ်။

မန္တလေးတိုင်းဒေသကြီး တရားလွှတ်တော် တရားသူကြီးတွေအဖြစ် ဦးမြင့်ဆန်း၊ ဒေါ်ခင်စန်းမြင့်၊ ဒေါ်ကြည်ကြည်စိမ်း၊ ဒေါ်ခင်သစ်ဆွေ၊ ဦးသန်းထွန်းအောင်၊ ဦးစောမျိုးမျိုး တို့က မန္တလေး တိုင်းဒေသကြီးလွှတ်တော်မှာ ကတိသစ္စာပြုခြင်းနဲ့ ကတိသစ္စာပြုချက်မှာ လက်မှတ်ရေးထိုးခဲ့ကြပါတယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ

( ၂၀၂၆ - ဧပြီ ၁၀ ၊ နံနက် ၁၀ နာရီ)

#ရွှေဈေး

-ကမ္ဘာ့ရွှေဈေး
တအောင်စ ၄၇၆၃ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၇,၁၀၀,၀၀၀ ကျပ်

ပြင်ပ အရောင်းအဝယ်ဖြစ်တဲ့ ရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၁၀,၆၈၀,၀၀၀ ကျပ်
ဝယ်ဈေး ၁၀,၆၄၀,၀၀၀ ကျပ်

-၁၅ ပဲရည် တကျပ်သား
ရောင်းဈေး ၁၀,၂၈၀,၀၀၀ ကျပ်
ဝယ်ဈေး ၁၀,၂၄၀,၀၀၀ ကျပ်

* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၁၀,၅၆၀,၀၀၀ ကျပ်
ဝယ်ဈေး ၁၀,၅၂၀,၀၀၀ ကျပ်

-၁၅ ပဲရည် တကျပ်သား
ရောင်းဈေး ၁၀,၁၆၀,၀၀၀ ကျပ်
ဝယ်ဈေး ၁၀,၁၂၀,၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၆၃ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၂၈၀ ကျပ်
ဝယ်ဈေး - ၄၁၇၀ ကျပ်

-စင်္ကာပူဒေါ်လာ
ရောင်းဈေး - ၃၃၄၄ ကျပ်
ဝယ်ဈေး - ၃၂၅၈ ကျပ်

-ယူရို
ရောင်းဈေး - ၄၉၈၀ ကျပ်
ဝယ်ဈေး - ၄၈၅၀ ကျပ်

-ထိုင်းဘတ်
ရောင်းဈေး - ၁၃၂.၄၅ ကျပ်
ဝယ်ဈေး - ၁၂၉.၀၃ ကျပ်

-မလေးရှားရင်းဂစ်
ရောင်းဈေး - ၁၀၇၃ ကျပ်
ဝယ်ဈေး - ၁၀၄၅ ကျပ်

-တရုတ်ယွမ်
ရောင်းဈေး - ၆၂၃ ကျပ်
ဝယ်ဈေး - ၆၀၇ ကျပ်

-ဂျပန်ယန်း
ရောင်းဈေး - ၂၆.၇၈ ကျပ်
ဝယ်ဈေး - ၂၆.၀၉ ကျပ်

-အိန္ဒိယရူပီး
ရောင်းဈေး - ၄၆.၁၁ ကျပ်
ဝယ်ဈေး - ၄၄.၉၂ ကျပ်

-ကိုရီးယားဝမ်
ရောင်းဈေး - ၂.၈၈ ကျပ်
ဝယ်ဈေး - ၂.၈၁ ကျပ်

-စတာလင်ပေါင်
ရောင်းဈေး - ၅၇၂၁ ကျပ်
ဝယ်ဈေး - ၅၅၇၄ ကျပ်

-ဩစတြေးလျဒေါ်လာ
ရောင်းဈေး - ၃၀၁၂ ကျပ်
ဝယ်ဈေး - ၂၉၃၄ ကျပ်

-ကနေဒါဒေါ်လာ
ရောင်းဈေး - ၃၀၈၅ ကျပ်
ဝယ်ဈေး - ၃၀၀၅ ကျပ်

-ဟောင်ကောင်ဒေါ်လာ
ရောင်းဈေး - ၅၄၄ ကျပ်
ဝယ်ဈေး - ၅၃၀ ကျပ်

-ယူအေအီး
ရောင်းဈေး - ၁၁၆၁ ကျပ်
ဝယ်ဈေး - ၁၁၃၁ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
***************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

ရီးရဲလ်မက်ဒရစ်အပြောင်းအရွှေ့ဖွင့်ဟပြောဆိုမှုအတွက် ပွဲပယ်ခံရပြီးနောက် ကစားဖော်များကို ချဲလ်ဆီးစတားဖာနန်ဒက်ဇ်တောင်းပန်လာ
=====================
အန်ဇိုဖာနန်ဒက်ဇ်ရဲ့ အေးဂျင့်ဂျာဗီးယားပါစတိုရီက အာဂျင်တီးနားကွင်းလယ်ကစားသမားမှာ နွေရာသီတွင် ရီးရဲလ်မက်ဒရစ်သို့ ပြောင်းရွှေ့ကစားလိုတယ်လို့ ပြောကြားလာခြင်း မရှိကြောင်း ထပ်လောင်းပြောကြားလာပါတယ်။

နိုင်ငံတကာပွဲစဉ်များကာလအတွင်း ဖာနန်ဒက်ဇ်က မက်ဒရစ်သို့ သွာရောက် နေတယ်လို့ အင်တာဗျူးတွင် ဖွင့်ဟပြီးနောက် ရီးရဲလ်မက်ဒရစ်သို့ ပြောင်းရွှေ့ကစားတော့မယ်လို့ မီဒီယာများက အကျယ်တဝင့်ရေးသားခဲ့ကြပါတယ်။

အသက် ၂၅ နှစ်ရှိ ဖာနန်ဒက်ဇ်ဟာ ယင်းပြောဆိုမှုအတွက် ချဲလ်ဆီးရဲ့ ၂ ပွဲပယ်ပြစ်ဒဏ်ချမှတ်ခြင်းခံခဲ့ရပါတယ်။

အလယ်တန်းတိုက်စစ်သမားဟာ ပေါ့ဗေးလ်အား ဂိုးပြတ်အနိုင်ရတဲ့ အက်ဖ်အေဖလားပွဲတွင် အရန်ခုံမှာ ထိုင်နေခဲ့ရသလို တနင်္ဂနွေနေ့ မန်စီးတီးနှင့်ပွဲစဉ်တွင်လည်း ပါဝင်ခွင့်ရလာဦးမှာ မဟုတ်ပါဘူး။

ယခုအပတ်အစောပိုင်းတုန်းက အင်တာဗျူးတွင် အေးဂျင့်ပါစတိုရီက ဖာနန်ဒက်ဇ်အား ပွဲပယ်ပြစ်ဒဏ်ချမှတ်မှုမှာ မမျှတကြောင်း ပြောဆိုခဲ့ဖူးပါတယ်။

ဒါပေမယ့် ယနေ့မှာတော့ ပါစတိုရီဟာ ဖာနန်ဒက်ဇ်ရဲ့အမှားနှင့်ပတ်သက်ပြီး ပြောကြားလာခဲပြီ ဖြစ်ပါတယ်။

အသက် ၃၆ နှစ်ှရိ ပီအက်စ်ဂျီစတားဟောင်းပါစတိုရီက "မကြာသေးမီရက်တုန်းက ဒါနဲ့ပတ်သက်ပြီး ကျုပ်တို့ ပြောခဲ့ကြပြီးပါပြီ။ သူ့ကြေညာချက်တွေကလည်း ချဲလ်ဆီးကို ပြဿနာတက်စေချင်လို့ မဟုတ်ပါဘူး။ သူက ဒုတိယအသင်းခေါင်းဆောင်ပါ။ အသင်းခေါင်းဆောင်ထဲက တစ်ဦးပါ။ ဒီရာသီမှာ သူ့ရဲ့အကောင်းဆုံးခြေစွမ်းကိုလည်း ပြသထားသူပါ။ သူက မြို့တစ်မြို့နဲ့ပတ်သက်ပြီး ရိုးရိုးလေးပဲ ပြောခဲ့တာပါ။ သူ့အနာဂတ်နဲ့ပတ်သက်ပြီး ပြောလာချိန်မှာ အင်တာဗျူးတွ အများကြီးထွက်လာတယ်။ မီဒီယာက အားလုံးကို ရှောယှက်လိုက်တယ်။ ပြီးတော့ ချဲလ်ဆီးက ထွက်တော့မယ်လို့ ဆိုလာကြတယ်။ ဒါက လုံးဝ မဟုတ်ပါဘူး။ ကျွန်တော်တို့က ချဲလ်ဆီးနဲ့ စာမျက်နှာတစ်ခုတည်းမှာပဲ ရှိပါတယ်။ မနေ့က ငြိမ်းချမ်းရေး ယူခဲ့တယ်။ ကစားသမားနဲ့ ချဲလ်ဆီးအကြား ငြိမ်းချမ်းရေးယူခဲ့တာပါ။ တကယ့်ကို ဘာပြဿနာမှကို မရှိပါဘူး။ အားလုံး ရှင်းလင်းခဲ့တယ်"လို့ ဆိုသွားပါတယ်။

ဒါ့အပြင် ပါစတိုရီက ဖာနန်ဒက်ဇ်မှာ ယင်းအင်တာဗျူးများအတွက် ချဲလ်ဆီးကစားဖော်များကိုလည်း တောင်းပန်ခဲ့ကြောင်း ဖွင့်ဟသွားပါတယ်။

ပါစတိုရီက "ဖြစ်ခဲ့တာကို ဖြစ်ပျက်သွားခဲ့ပြီ။ သူ့ဘက်က ဘာအမှားမှ မလုပ်ခဲ့ပေမယ့် သူ ဒီလို မပြောသင့်တဲ့အကြောင်း ကစားသမားကိုလည်း ရှင်းပြခဲ့တယ်။ သူက အသက် ၂၅ နှစ်ပဲ ရှိသေးတယ်။ အရမ်းငယ်သေးတယ်။ သင်ယူနေရတုန်းပါ။ သူက ရည်ရွယ်ချက်မရှိဘဲ အမှားလုပ်ခဲ့တာကို ကလပ်ကို ရှင်းပြခဲ့တယ်။ သူလည်း ကလပ်၊ ကစားဖော်‌တွေ၊ နည်းပြ၊ အားကစားဒါရိုက်တာနဲ့ အားလုံးကို တောင်းပန်ခဲ့တယ်။ ကျွန်တော်တို့ တစ်လှေတည်းစီးတွေပါ။ နားလည်မှု လွဲခဲ့တာကို ရိုးရိုးလေးနဲ့ ရှင်းလိုက်ပါပြီ"လို့ ပြောကြားသွားပါတယ်။

၂၀၂၆ ကမ္ဘာ့ဖလားမတိုင်မီ နောက်ဆုံးကစားမယ့် ခြေစမ်းပွဲ ၂ ပွဲကို အင်္ဂလန် ကြေညာလာ
======================
အင်္ဂလန်ဟာ ၂၀၂၆ ကမ္ဘာ့ဖလားမတိုင်မီ နောက်ဆုံးကစားလာမယ့် ခြေစမ်းပွဲ ၂ ပွဲအား ကြေညာလာပါတယ်။

အင်္ဂလန်ဟာ အော်လန်ဒိုသို့ သွားရောက်ကာ ဇွန်လ ၁၀ ရက်နေ့တွင် Inter&Co Stadium ကွင်းမှာ ကော့စတာရီကာနှင့် ခြေစမ်းပွဲကစားလာမှာလည်း ဖြစ်ပါတယ်။

ဒီပွဲက အင်္ဂလန်အတွက် နောက်ဆုံးခြေစမ်းပွဲ ဖြစ်ပြီး ယင်းပွဲအပြီး ဇွန်လ ၁၇ ရက်နေ့တွင် ခရိုအေးရှားနှင့် ကမ္ဘာ့ဖလားအဖွင့်ပွဲ ကစားရပါမယ်။

အင်္ဂလန်ဟာ ဇွန်လ ၁ ရက်နေ့တွင် ဖလိုရီဒါသို့ သွားရောက်ကာ စခန်းသွင်းလေ့ကျင့်မှု ပြုလုပ်မှာ ဖြစ်ပြီး ဇွန်လ ၆ ရက်နေ့တွင် တမ်ပါရှိ Raymond James Stadium တွင် နယူးဇီလန်နှင့် ခြေစမ်းပွဲ ကစားပါမယ်။

ယင်းပွဲ နှစ်ပွဲလုံးကို ဒေသတွင်း စံတော်ချိန် ညနေ ၄ နာရီတွင် ကစားလာပါမယ်။

အင်္ဂလန်ဟာ အစောပိုင်းတုန်းက ဒုတိယခြေစမ်းပွဲအား အင်တာမိုင်ယာမီရဲ့ကွင်းသစ်ကြီးတွင် ကစားရန် စီစဉ်ထားခဲ့ပေမယ့် ဆွေးနွေးမှု မအောင်မြင်ခဲ့ပါဘူး။

တူချယ်ဟာ မေလ ၂၄ ရက်နေ့ ပရီးမီးယားလိဂ်ရာသီသိမ်းအပြီး မေလ ၃၀ ရက်နေ့ နောက်ဆုံးထားကာ ကမ္ဘာ့ဖလားပြိုင်ပွဲအတွက် လူစာရင်းကို ထုတ်ပြန်ပါမယ်။

အင်္ဂလန်ဟာ ၂၀၂၆ ကမ္ဘာ့ဖလားအုပ်စု(I) တွင် ခရိုအေးရှား၊ ပနားမား၊ ဂါနာတို့နှင့် တစ်အုပ်စုတည်း ကျရောက်နေပါတယ်။

အသင်းဟောင်း အပျော်တမ်းကလပ်အား ကွင်းကို အဆင့်မြှင့်တင်နိုင်ရေး ငွေကြေး လှူဒါန်းလာတဲ့ ဝက်စ်ဟမ်းစတားဘိုဝင်း
====================
ဝက်စ်ဟမ်းအသင်းခေါင်းဆောင်ဂျာရော့ဒ်ဘိုဝင်းဟာ အသင်းဟောင်း ဟီးယားဖို့ဒ်အား ကွင်းဆိုးရွားနေမှုအား ပြန်လည်ပြင်ဆင်နိုင်ရန်အတွက် ငွေကြေးအချို့ လှူဒါန်းလာပါတယ်။

ဟီးယားဖို့ဒ်အက်ဖ်စီဟာ ယခုရာသီတွင် Edgar Street ကွင်းမြက်ခင်းပြဿနာ ကြုံတွေ့နေတာ ဖြစ်ပြီး ပွဲအချို့တို့အား ရွှေ့ဆိုင်းခဲ့ရပြီး ဖြစ်ပါတယ်။

မြောက်ပိုင်းနေးရှင်းလိဂ်တွင် ကစားနေတဲ့ ဟီးယားဖို့ဒ်ဟာ မိုးသည်းထန်စွာ ရွာသွန်းမှုကြောင့် ကွင်းပြဿနာ ကြုံနေရမှုနှင့်အတူ ယင်းကို အမြန်ဆုံးဖြေရှင်းလိုနေခဲ့ပါတယ်။

၎င်းတို့ဟာ ကွင်းပြဿနာကြောင့် ပွဲအချို့တို့ကို ကြားကွင်းတွင် သွားကစားခဲ့ရပြီးလည်း ဖြစ်ပါတယ်။

ဘိုဝင်းဟာ လွန်ခဲ့တဲ့ ၁၂ နှစ်တုန်းက ဟီးယားဖို့ဒ်တွင် ကစားသမားဘဝစတင်ခဲ့တဲ့သူ ဖြစ်ပြီး ယခုအခါ ကလပ်ဟောင်းရဲ့ ကွင်းပြဿနာကို ဖြေရှင်းရေး အကူအညီပေးလာပြီ ဖြစ်ပါတယ်။

၂၀၁၄ ခုနှစ်တုန်းက ဟီးယားဖို့ဒ်သို့ ပြောင်းရွှေ့ကစားခဲ့တဲ့ ဘိုဝင်းဟာ ဒီကလပ်အတွက် ၈ ပွဲတည်းသာ ကစားပြီးနောက် တန်းချခံရချိန်တွင် ဟားလ်စီးတီးသို့ အလွတ်ပြောင်းရွှေ့ကြေးဖြင့် ပြောင်းခဲ့သူပါ။

ဘိုဝင်းရဲ့ ဦးလေးဖြစ်သူမှာ ဘင်မှာ ဟီးယားဖို့ဒ်ကွင်းတွင် ကွင်းတာဝန်ခံအဖြစ် ဆောင်ရွက်နေမှုကလည်း ယခုကဲ့သို့ ကွင်းမြက်ခင်းပြဿနာကို ဖြေရှင်းပေး‌ရေး ဖြစ်လာတဲ့အကြောင်းပြချက်ထဲမှ တစ်ခု ဖြစ်နေပါတယ်။

ဒဏ်ရာခွဲစိတ်ကုသမှု လိုလာနိုင်လို့ ရာသီအကုန်အထိ နားရတော့မယ့် စပါးစ်ရဲ့ ကူဒပ်စ်
==================
စပါးစ်တောင်ပံကစားသမားမိုဟာမက်ကူဒပ်စ်ဟာ ပေါင်ခြံဒဏ်ရာ ထပ်မံကြုံတွေ့လာရပြီးနောက် ခွဲစိတ်ကုသမှုခံယူလာရဖို့ ရှိနေပါတယ်။

ဂါနာလက်ရွေးစင်ကစားသမားဟာ ဇန်နဝါရီလ ၄ ရက်နေ့ ဆန်းဒါးလန်းနှင့်တစ်ဂိုးစီသရေကျတဲ့တွင် လူစားလဲခဲ့ရပြီးနောက် အနားယူလာခဲ့ရသူလည်း ဖြစ်ပါတယ်။

အသက် ၂၅ နှစ်ရှိ ဝက်စ်ဟမ်းအလယ်တန်းကစားသမားဟောင်းဟာ ယခုအပတ်တွင် ပြန်လည်ကစားလာနိုင်မယ်လို့ ယုံကြည်နေကာ ရာသီသိမ်ပွဲ ၇ ပွဲတွင် ပါဝင်နိုင်မယ်လို့ ယုံကြည်နေခဲ့ပါတယ်။

ဒါပေမယ့် ယခုအခါ စပါးစ်က ကူဒပ်စ်မှာ ပြီးခဲ့တဲ့အပတ်တုန်းက အသင်းနှင့်အတူ လေ့ကျင့်ခန်းဆင်းနိုင်ခဲ့ပေမယ့်လည်း နောက်ထပ် အထူးစပါယ်ရှယ်လစ်နှင့် ပြသရဖို့ရှိနေကာ ခွဲစိတ်ကုသမှု ခံလာရနိုင်ကြောင်း ကြေညာလာပါတယ်။

ကူဒပ်စ် ရာသီအကုန်အထိ အနားယူလာရမှုက ပရီးမီးယားလိဂ်အမှတ်ပေးဇယားအဆင့် ၁၇ နေရာတွင် ရပ်တည်နေတဲ့ ရောဘတ်တိုဒီဇာဘီရဲ့ စပါးစ်အတွက် ကြီးမားတဲ့ ထိုးနှက်ချက် ဖြစ်နေပါတယ်။

ပြီးခဲ့တဲ့ နွေရာသီတုန်းက ဝက်စ်ဟမ်းမှ ပေါင် ၅၅ သန်းဖြင့် ပြောင်းလာတဲ့ ကူဒက်စ်ဟာ နွေရာသီ ကမ္ဘာ့ဖလားတွင် ဂါနာနှင့်အတူ ယှဉ်ပြိုင်ရေး အပြင်းအထန် ကြိုးစားလာရတော့မှာလည်း ဖြစ်ပါတယ်။

ဂါနာဟာ ဇွန်လ ၁၈ ရက်နေ့တွင် ပနားမားနှင့် ကမ္ဘာ့ဖလားအဖွင့်ပွဲကစားပြီးနောက် ဇွန်လ ၂၃ ရက်နေ့တွင် အင်္ဂလန်နှင့်လည်းကောင်း၊ ဇွန်လ ၂၇ ရက်နေ့တွင် ခရိုအေးရှားနှင့်လည်းကောင်း အုပ်စုပွဲများ ကစားရပါမယ်။