ရယ်စရာကောင်းတဲ့ အကြောင်းပြချက်ဖြင့် ကမ္ဘာ့ဖလားဗိုလ်လုပွဲတွင် လက်နက်ကိုင်ရဲတပ်ဖွဲ့ရဲ့ ဖမ်းဆီးထိန်းသိမ်းခြင်းခံခဲ့ရတဲ့ အင်္ဂလန်ရဲ့နာမည်ကျော်ပရိသတ်
===================
အွန်လိုင်းတွင် နာမည်ကျော်ကြားနေတဲ့ အင်္ဂလန်ပရိသတ် အင်ဒီမီလ်နီဟာ ၂၀၂၆ ကမ္ဘာ့ဖလားဗိုလ်လုပွဲစဉ်တုန်းက ရယ်စရာကောင်းတဲ့ အကြောင်းပြချက်ဖြင့် ဖမ်းဆီးထိန်းသိမ်းခြင်းခံခဲ့ရပါတယ်။
မီလ်နာဟာ နှစ်ပေါင်းများစွာ အင်္ဂလန်ရဲ့နိုင်ငံတကာပွဲကြီးများကို သွားရောက်ကြည့်ရှုလာခဲ့သူ ဖြစ်ပြီး ရုပ်သံများတွင် သူပုံရိပ်များကို ရိုက်ပြလေ့ရှိပါတယ်။
ယင်းပရိသတ်ဟာ အင်္ဂလန်အသင်းကို နှစ်ပေါင်းလေးဆယ်ကျော်အားပေးလာခဲ့သူ ဖြစ်ပါတယ်။
သူဟာ ၂၀၂၆ ကမ္ဘာ့ဖလားပြိုင်ပွဲတုန်းကလည်း အမေရိကန်သို့ သွားရောက်ကာ ကြည့်ရှုအားပေးခဲ့သလို ဗိုလ်လုပွဲအတွက် လက်မှတ်ပါ ရရှိခဲ့ပါတယ်။
ဒါပေမဲ့ သူဟာ ရဲတပ်ဖွဲ့ရဲ့ ဖမ်းဆီးထိန်းသိမ်းခြင်းခံရမှုနှင့်အတူ စပိန်နှင့် အာဂျင်တီးနားတို့ကစားတဲ့ ကမ္ဘာ့ဖလားဗိုလ်လုပွဲအား လွဲလုနီးပါး ဖြစ်ခဲ့ပါတယ်။
ယင်းအဖြစ်အပျက်အား The Pezzadox Show အစီအစဉ်တွင် မီလ်နီက "ပြီးခဲ့တဲ့ ကမ္ဘာ့ဖလားဗိုလ်လုပွဲရှစ်ကြိမ်သွားကြည့်ခဲ့ဖူးတယ်။ ဒီကမ္ဘာ့ဖလားဗိုလ်လုပွဲလက်မှတ်တွေလည်း ရခဲ့တယ်။ ဒီတော့ လက်မှတ်တွေအများကြီး သိမ်းထားနိုင်တယ်လေ။ အခြားပွဲလက်မှတ်အချို့လည်း ရခဲ့သေးတယ်။ ၁၉၆၆ ဗိုလ်လုပွဲလည်း လက်မှတ်လည်း ရှိတယ်။ အဲဒီမှာ ဂျော့ဟတ်ရှ်လက်မှတ်ထိုးထားတယ်။ ဒီတစ်ကြိမ်မှာလည်း ကျုပ်ရဲ့ ကမ္ဘာ့ဖလားဗိုလ်လုပွဲလက်မှတ်ကို သိမ်းထားချင်တယ်။ ဒါပေမဲ့ အားလုံးက အီလက်ထရောနစ်ပြောင်းသွားတော့ စာရွက်လက်မှတ်မသုံးတော့ဘူး။ ဒီတော့ အစီအစဉ်ချရတယ်။ မှတ်မှတ်ပြဿနာဖြေရှင်းရေးစင်တာကို သွားလိုက်တယ်။ ဖုန်းပျောက်သွားတယ်၊ ဘယ်လို လုပ်ရမလဲ ပြောလိုက်တယ်။ သူတို့က စာရွက်လက်မှတ်တစ်စောင်ပေးလိုက်တယ်။ အစီအစဉ်ချပြီး လုပ်လိုက်တာ။ ကျွန်တော် ဘောင်းဘီဝတ်ထားတယ်။ ချွေးတွေလည်း မနည်းမနော ထွက်နေတယ်။ ဒီတော့ လက်မှတ်ပျက်စီးသွားမှာ စိုးရိမ်နေရတယ်။ ဒီတော့ လက်မှတ်မပျက်စီးဖို့ အကောင်းအတိုင်း ရှိနေဖို့ စာအုပ်ကြားထဲ ညှပ်ယူသွားဖို့ ဆုံးဖြတ်လိုက်တယ်။ ကွင်းထဲသွားတော့ လုံခြုံရေးက အရမ်းတင်းကြပ်ထားတယ်။ ဒေါ်နယ်ထရမ့် ရှိနေတယ်လေ။ ရဲတွေ နေရာတိုင်းမှာပဲ။ လုံခြုံရေးဝန်ထမ်းတွေလည်း ပြည့်လျှံနေတာပဲ။ အဲဒီမှာ အိတ်ထဲမှာ ဘာပါလဲ အားလုံး ပြရတယ်။ အချက်ပေးအသံမြည်တဲ့ စစ်ဆေးရေးစက်ကို ဖြတ်ရတယ်။ ကျွန်တော်လည်း ဖြတ်ရော စာအုပ်ကို ပြရတယ်။ အဲဒီရဲက စာအုပ်ကို ကြည့်ပြီး "အဲဒါ ဘာလဲ'လို့ မေးတယ်။ ကျုပ်ကလည်း "စာအုပ်ပါ"လို့ ပြန်ပြောလိုက်တယ်။ သူက လုံခြုံရေးဝန်ထမ်းကို "စစ်ကြည့်စမ်း'လို့ ပြောတော့ လုံခြုံရေးဝန်ထမ်းက စာအုပ်ကို ယူစစ်တယ်။ စာအုပ်ကို လှန်ကြည့်တယ်။ သူက 'ရှာနေတယ်။ ဒါက စာအုပ်လေးတစ်အုပ်ပါ'လို့ ပြောတယ်။ သူ စာအုပ်ကို ယူကြည့်တော့ စာအုပ်ခေါင်းစဉ်က ‘A Beginner’s Guide To Breaking And Entering’ ဖြစ်နေတယ်။ ဒါက စိတ်ကူးယာဉ်ဝတ္ထုတစ်ပုဒ်ပါ။ ဟာသစာအုပ်ပါ။ ဒါပေမဲ့ ရဲက စာအုပ်ခေါင်းစဉ်ကြည့်ပြီး 'ဆာ ခင်ဗျားကို ဖမ်းလိက်ပြီ'လို့ ပြောလာရော။ ကျုပ်ကလည်း 'ဒါက စာအုပ်ပါ'လို့ ပြောပြီး စာအုပ်ယူဖို့ လုပ်တော့ သူက 'မကိုင်နဲ့။ အဲဒါနဲ့ ဝေးဝေးမှာနေ'လို့ ပြောလာတယ်။ နောက်တော့ သူက အခြားရဲတစ်ယောက်ကို ထပ်ခေါ်တယ်။ အခြားရဲက ကျုပ်ကို အော်ငေါက်တယ်။ ထိန်းသိမ်းတဲ့ နေရာတစ်ခုကို ခေါ်သွားကြတယ်။ သူတို့က စာအုပ်ကို ထိခွင့်မပေးဘူး။ ဘာကိုမှ ထိခွင့်မပေးတာ။ ထိန်းသိမ်းဧရိယာမှာ စာအုပ်နဲ့အတူ ၁၅ မိနစ်လောက် နေပြီးရော သူတို့ရဲ့အရာရှိ ရောက်လာပြီး 'ဘာဖြစ်ကြတာလဲ'လို့ မေးတယ်။ သူတို့က စာအုပ်ညှန်ပြတယ်။ သူက စာအုပ်ကောက်ကိုင်ပြီး လှန်ကြည့်လိုက်တယ်။ ပြီးတော့ ဟိုရဲနှစ်ယောက်ဘက်လှည့်ပြီး 'သောက်ရူးတွေ'လို့ အော်ဆဲတယ်။ ပြီးတော့ သူက ကျွန်တော့်ကို စာအုပ်ပြန်ပေးတယ်။ တောင်းပန်ပြီး ကွင်းထဲ ဝင်ခွင့်ပေးလိုက်တယ်။"လို့ ဖွင့်ဟသွားပါတယ်။
ကမ္ဘာ့ဖလားဗိုလ်လုပွဲတွင် စပိန်က အာဂျင်တီးနားက အချိန်ပိုဂိုးဖြင့် ၁-၀ ဖြင့် အနိုင်ရရှိကာ ဒုတိယမြောက်ကမ္ဘာဖ့လားအား ဆွတ်ခူးသွားခဲ့ပါတယ်။
မီလ်နီဟာ ကမ္ဘာ့ဖလားပြိုင်ပွဲ သွားကြည့်ရေး လမ်းစရိတ် ရရှိရန် သူ့ရဲ့ ဒုတိယအိမ်ကို ရောင်းချခဲ့သူလည်း ဖြစ်ပါတယ်။
