ဗြိတိန်နှင့် ပြင်သစ်တို့က ဟော်မုဇ်ရေလက်ကြားနှင့် ပတ်သက်၍နိုင်ငံစုံစစ်ရေးစီမံချက်ရေးဆွဲခြင်းဆိုင်ရာ ညီလာခံကို လန်ဒန်တွင် ကျင်းပ

ဗြိတိန်နှင့် ပြင်သစ်တို့သည် ဟော်မုဇ်ရေလက်ကြားကိုဖြတ်၍ ရေကြောင်းသွားလာမှု ပြန်လည်ထူထောင်ရေး အစီအစဉ်များကိုတင်ပြရန် လန်ဒန်တွင် နှစ်ရက်ကြာနိုင်ငံစုံစစ်ရေးစီမံချက်ညီလာခံကို နိုင်ငံပေါင်း 30 ကျော်မှ စစ်ဘက်စီမံကိန်း ရေးဆွဲသူများ တက်ရောက်ကြကြောင်း ဗြိတိန်ကာကွယ်ရေးဝန်ကြီးဌာန၏ သတင်းထုတ်ပြန်ချက်အရ သိရသည်။

လန်ဒန်မြောက်ပိုင်း၊ Northwood ရှိ ဗြိတိန်အမြဲတမ်း ပူးတွဲဌာနချုပ်တွင်ကျင်းပသည့် အဆိုပါ အစည်းအဝေးသည် ယခင်က ရရှိထားသည့် သံတမန်ရေးရာ သဘောတူညီချက်ကို ပူးတွဲစစ်ရေးအစီအစဉ်အဖြစ် ပြောင်းလဲရန် ရည်ရွယ်ပြီး အခြေအနေပေး၍ အပ-စ်အခတ်ရပ်စဲရေးကို ဆောင်ရွက်နိုင်သောအချိန်န်၌ ဟော်မုဇ်ရေလက်ကြားကို ပြန်လည်ဖွင့်လှစ်နိုင်‌ရေးအတွက် အကူအညီဖြစ်စေရန်ဖြစ်ကြောင်း ဝန်ကြီးဌာနက ပြောကြားခဲ့သည်။

"ဒီနေ့ကျင်းပတဲ့ နိုင်ငံစုံစီမံကိန်းဆိုင်ရာ ညီလာခံက အရေးကြီးတယ်။ ဒီနေ့နဲ့ မနက်ဖြန်မှာ သံတမန်ရေးအရ သဘောတူညီမှုကို ရေလက်ကြားမှာ လွတ်လပ်စွာ ရေကြောင်းသွားလာမှုကို ကာကွယ်ဖို့နဲ့ ရေရှည်တည်တံ့တဲ့ အပစ်အခတ်ရပ်စဲရေးကို ပံ့ပိုးပေးဖို့ ပူးတွဲအစီအစဉ်အဖြစ် သံတမန်သဘောတူချက်ကို စစ်ရေး စီမံကိန်း အဖြစ် ပြောင်းလဲဖို့ ဖြစ်ပါတယ်" ဟု ဗြိတိန်ကာကွယ်ရေး ဝန်ကြီး John Healey က ဆွေးနွေးပွဲမတိုင်မီ ပြောကြားခဲ့သည်။

နိုင်ငံတကာ ကုန်သွယ်မှု၊ စွမ်းအင်လုံခြုံရေးနှင့် ကမ္ဘာ့စီးပွားရေး တည်ငြိမ်ရေးတို့သည် လွတ်လပ်စွာ သွားလာခွင့်အပေါ် မူတည်ကြောင်း ဝန်ကြီးဌာနက မှတ်ချက်ပြုပြောကြားခဲ့သည်။ ဗြိတိန်နှင့် ပြင်သစ်တို့သည် စစ်ရေးစွမ်းရည်၊ ကွပ်ကဲမှုနှင့် ပေါင်းစပ်ညှိနှိုင်းရေးအပြင် ဒေသဆိုင်ရာ တပ်ဖြန့်မှုများအပေါ် အဓိကထား၍ ဆွေးနွေးမှုများဖြင့် စီမံကိန်းလုပ်ငန်းစဉ်တွင် မိတ်ဖက်များက တတ်နိုင်သမျှ ပါဝင်ရန် လုပ်ဆောင်နေကြောင်း သိရသည်။

ပြင်သစ်နှင့် ဗြိတိန်တို့သည် ဧပြီလ ၁၇ ရက် နေ့က ပါရီတွင် ဟော်မုဇ်ရေလက်ကြား နိုင်ငံတကာ ထိပ်သီးဆွေးနွေး ပွဲအတွက် နိုင်ငံပေါင်း ၅၁ နိုင်ငံကို ခေါ်ယူခဲ့သည်။ ဗြိတိန်ဝန်ကြီးချုပ် Keir Starmer၊ ဂျာမနီ ဝန်ကြီးချုပ် Friedrich Merz နှင့် အီတလီဝန်ကြီးချုပ် Giorgia Meloni တို့ တက်ရောက်ခဲ့ပြီး ဥရောပ၊ အာရှ၊ လက်တင်အမေရိကနှင့် အရှေ့အလယ်ပိုင်းတို့မှ တာဝန်ရှိသူများ တက်ရောက်ခဲ့ကြပြီး ဗီဒီယိုကွန်ဖရင့်သို့ တက်ရောက်ခဲ့ကြသည်ဟုသိရသည်။

Ref ရှင်းဟွာ

တရုတ်က သီရိလင်္ကာကျောင်းသား ၄.၄ သန်းကျော်အတွက် ကျောင်းဝတ်စုံ လှူဒါန်း

ကိုလံဘို၊ ဧပြီလ ၂၂ ရက် (ဒေးလီမစ်ရာ) --တရုတ်ပြည်သူ့သမ္မတနိုင်ငံက ၂၀၂၆ ခုနှစ်အတွက် ကျောင်းဝတ်စုံအပြည့်အစုံ ပေးအပ် လှူဒါန်းခြင်း ပြီးစီးကြောင်း အတည်ပြုလက်မှတ်များကို ယနေ့ (၂၂)ရက်တွင် တရားဝင်လဲလှယ်ခဲ့ပါသည်။

အဆိုပါ လှူဒါန်းမှု ပြီးစီးခြင်း အခမ်းအနားကို ဝန်ကြီးချုပ်နှင့် ပညာရေးဝန်ကြီးဌာန၊ အဆင့်မြင့်ပညာနှင့် သက်မွေး ပညာဝန်ကြီး Harini Amarasuriya ၏ ကြီးကြပ်မှု လက်အောက်ရှိ Isurupaya ရှိ ပညာရေးဝန်ကြီးဌာန အဆောက်အအုံ၌ ကျင်းပခဲ့သည်။

အခမ်းအနားအတွင်း ဝန်ကြီးချုပ် Amarasuriya နှင့် သီရိလင်္ကာနိုင်ငံဆိုင်ရာ တရုတ်သံအမတ်ကြီး Qi Zhenhong တို့က တရုတ်နိုင်ငံမှ လှူဒါန်းသည့် စုစုပေါင်း မီတာ ၁၁ ဒသမ ၄၈၄ သန်း ရှည်လျားသော ပမာဏရှိသည့် အဝတ်အထည်များကို နိုင်ငံ၏ စုစုပေါင်း ကျောင်းဝတ်စုံ လိုအပ်ချက်နှင့် ကိုက်ညီစေရန် 2026 ခုနှစ် ကျောင်းဝတ်စုံ လိုအပ်ချက်ပြည့်မီကြောင်း အတည်ပြုလက်မှတ်များကို အပြန်အလှန် ပေးအပ်ခဲ့ပါသည်။

ဤအစီအစဉ်သည် စာသင်သားရဟန်းများ၊ သီလရှင်များနှင့် ကျောင်းသားများအပါအဝင် အစိုးရနှင့် အစိုးရက ခွင့်ပြုထားသော ကျောင်းများတွင် ကျောင်းသားပေါင်း 4.4 သန်းကျော်ကို အကျိုးပြုခဲ့ပါသည်။

အခမ်းအနားတွင် ဝန်ကြီးချုပ် Amarasuriya က သီရိလင်္ကာနှင့် တရုတ်နိုင်ငံတို့အကြား ကာလကြာရှည် ပူးပေါင်းဆောင်ရွက်မှုအတွက် အရေးပါသော မှတ်တိုင် တစ်ခုဖြစ်ကြောင်း၊ သီရိလင်္ကာ၏ ပညာရေး အသွင်ကူးပြောင်းရေး ကြိုးပမ်းမှုများအပြင် ၎င်း၏ စီးပွားရေးနှင့် လူမှုရေး ဖွံ့ဖြိုးတိုးတက်မှုတွင် တရုတ်နိုင်ငံသည် စဉ်ဆက်မပြတ် ထောက်ခံအားပေးခဲ့ကြောင်း သူက မှတ်ချက်ပြု ပြောကြားခဲ့သည်။

ကျောင်းဝတ်စုံများသည် အခြေခံလိုအပ်ချက်တစ်ခု ထက်ပို၍ ကိုယ်စားပြုပြီး ကျောင်းသားအချင်းချင်း ဂုဏ်သိက္ခာနှင့် တန်းတူညီမျှမှုကို မြှင့်တင်ရာတွင် ၎င်းတို့၏ အခန်းကဏ္ဍကို မီးမောင်းထိုးပြခဲ့သည်။ ယူနီဖောင်း ဖြန့်ချီရေး အစီအစဉ်သည် ကွာဟချက်များကို လျော့ပါးစေပြီး ကလေးများအား ၎င်းတို့၏ ပညာရေးကို ယုံကြည်မှုအပြည့်ဖြင့် သင်ယူနိုင်စေသည်ဟု သူက ဆိုသည်။

အဆိုပါ အစီအစဉ်ကို အချိန်နှင့်တစ်ပြေးညီ အကောင်အထည်ဖော်ဆောင်ရွက်ပေးခဲ့သော တရုတ်သံအမတ်ကြီး၊ သံရုံးတာဝန်ရှိသူများနှင့် ပညာရေးဝန်ကြီးဌာန ဝန်ထမ်းများကိုလည်း ကျေးဇူးတင်ရှိကြောင်း ပြောကြား ခဲ့သည်။

အခမ်းအနားတွင် သံအမတ်ကြီး Qi Zhenhong က ကျောင်းဝတ်စုံ လှူဒါန်းခြင်း အစီအစဉ်ကို လွန်ခဲ့သည့် လေးနှစ်အတွင်း စဉ်ဆက်မပြတ် ဆောင်ရွက်ခဲ့ကြောင်း တရုတ်သည် နှစ်နိုင်ငံကြား တည်တံ့သော ချစ်ကြည်ရင်းနှီးမှုကို ထင်ဟပ်စေသည့် ဒစ်ဂျစ်တယ် အခြေခံအဆောက်အဦ ဖွံ့ဖြိုးတိုးတက်ရေးနှင့် ပညာသင်ဆု အစီအစဉ်များကဲ့သို့သော အစီအစဉ် များမှတစ်ဆင့် သီရိလင်္ကာ၏ ပညာရေးကဏ္ဍကို ဆက်လက်ပံ့ပိုးကူညီလျက်ရှိသည်ဟု ၎င်းက ပြောကြားခဲ့သည်။

အဆိုပါ အခမ်းအနားသို့ ပညာရေးဝန်ကြီးဌာန ဒုတိယဝန်ကြီး ဒေါက်တာ Madura Seneviratne၊ ဝန်ကြီးဌာန အတွင်းဝန် Nalaka Kaluwewa၊ တရုတ်သံရုံးမှ တာဝန်ရှိသူများ၊ ပညာရေးဝန်ကြီးဌာနမှ တာဝန်ရှိသူများ တက်ရောက်ခဲ့ကြကြောင်းသိရသည်။

Ref ဒေးလီမစ်ရာ

ဟော်မုဇ်ရေလက်ကြားတွင် ကွန်တိန်နာတင်သင်္ဘော သုံးစင်း ပစ်ခတ်ခံရ

ဧပြီလ ၂၂ ရက်နေ့က ဟော်မုဇ်ရေလက်ကြားတွင် ကွန်တိန်နာတင်သင်္ဘော သုံးစင်းထက်မနည်း ပ-စ်ခတ်ခံရကြောင်း ရေကြောင်းလုံခြုံရေးသတင်းရင်းမြစ်များနှင့် ဗြိတိန်ရေကြောင်းကုန်သွယ်ရေးလုပ်ငန်းများ(UKMTO) က ပြောကြားခဲ့သည်။

အမေရိကနှင့်အစ္စရေးတို့၏ ဗုံးကြဲတို-က်ခိုက်မှုများကို လက်တုန့်ပြန်သည့်အနေဖြင့် ရေလက်ကြားကို အသုံးပြုသည့် သင်္ဘောများအပေါ် အီရန်က ပထမဆုံးအကြိမ် ကန့်သတ်ချက်ချမှတ်ခဲ့သည်။ ထို့နောက် အီရန်ဆိပ်ကမ်းများကို အမေရိက၏ ပိတ်ဆို့မှုအပေါ် လက်တုန့်ပြန်ကာ ထပ်မံကန့်သတ်ခဲ့သည်။

လိုက်ဘေးရီးယားအလံလွှင့်ထူထားသော ကွန်တိန်နာသင်္ဘောတစ်စင်းသည် အိုမန်နိုင်ငံ အရှေ့မြောက်ဘက်တွင် ‌ေ-သနတ်ပ-စ်ခတ်မှုနှင့် ဗုံးပစ်လောင်ချာများဖြင့် တိုက်ခိုက်ခံခဲ့ရသည်။

အီရန်တော်လှန်ရေးအစောင့်တပ် (အိုင်အာရ်ဂျီစီ) လက်နက်တပ်သင်္ဘောတစ်စင်း၏ ချဉ်းကပ်မှုခံရကြောင်း သင်္ဘောကပ္ပတိန်က သတင်းပို့ခဲ့ကြောင်း UKMTO က ပြောကြားခဲ့သည်။ နောက်ပိုင်းတွင် သင်္ဘောကို ပ-စ်ခတ်ခံခဲ့ရသည်ဟု ၎င်းက ဆိုသည်။ သင်္ဘောသားအားလုံး ဘေးကင်းပြီး ထိုဖြစ်ရပ်ကြောင့် မီးလေ-ာင်မှု သို့မဟုတ် ပတ်ဝန်းကျင်ဆိုင်ရာ သက်ရောက်မှုများ မရှိကြောင်းလည်း ပြောကြားခဲ့သည်။

ထိုလက်နက်တပ်သင်္ဘောပေါ်တွင် လူသုံးဦးပါရှိကြောင်း ရေကြောင်းလုံခြုံရေးသတင်းရင်းမြစ်များက ပြောကြားခဲ့သည်။

ပ-စ်ခတ်မှုဖြစ်စဉ်မတိုင်မီ ရေဒီယိုဆက်သွယ်မှု မရှိခဲ့ကြောင်းနှင့် သင်္ဘောသည် ဟော်မုဇ်ရေလက်ကြားကို ဖြတ်သန်းရန် ကြိုတင်အကြောင်းကြားချက်ရထားခဲ့ကြောင်းလည်း ဂရိပိုင် ကွန်တိန်နာသင်္ဘောကပ္ပတိန်က သတင်းပို့ခဲ့သည်။

ထို့အပြင် အီရန်၏ အနောက်ဘက် ရေမိုင် ၈ မိုင်ခန့်အကွာတွင် ဒုတိယကွန်တိန်နာသင်္ဘောတစ်စင်း ပ-စ်ခတ်ခံရကြောင်း UKMTO က နောက်ပိုင်းတွင် ပြောကြားခဲ့သည်။ ပနားမားအလံလွှင့်ထူထားသော သင်္ဘောသည် ထိခိုက်ပျ-က်စီးမှု မရှိခဲ့ဘဲ သင်္ဘောသားများလည်း ဘေးကင်းကြောင်း ပြောကြားခဲ့သည်။

တတိယမြောက် ကွန်တိန်နာသင်္ဘောတစ်စင်းသည်လည်း ဟော်မုဇ်ရေလက်ကြားမှ ထွက်ခွာနေစဉ် အီရန်၏ အနောက်ဘက် ရေမိုင် ၈ မိုင်ခန့်အကွာ၌ ပစ်ခတ်ခံခဲ့ရသည်ဟု ရေကြောင်းလုံခြုံရေးသတင်းရင်းမြစ်များက ပြောကြားခဲ့သည်။ လိုက်ဘေးရီးယားအလံလွှင့် သင်္ဘောသည် ပျ-က်စီးမှုမဖြစ်ခဲ့ဘဲ ရေပြင်တွင် ရပ်တန့်သွားခဲ့သည်။ ၎င်း၏ သင်္ဘောသားများသည်လည်း ဘေးကင်းကြောင်း သတင်းရင်းမြစ်များက ပြောကြားခဲ့သည်။

Ref: သယ်စထရိတ်တိုင်းမ်စ်

ရန်ကုန်တွင် နေ့အပူချိန်များ ဆက်လက်မြင့်တက်နိုင်ဟု မိုး/ဇလ သတိပေး

ရန်ကုန်တိုင်းဒေသကြီးအတွင်း နေထိုင်ကြသူများအနေဖြင့် လာမည့်ရက်များတွင် ပိုမိုပူပြင်းသည့် ရာသီဥတုအခြေ အနေနှင့် ရင်ဆိုင်ရဖွယ်ရှိနေသည်ဟု ယနေ့တွင် မိုးလေဝသနှင့်ဇလဗေဒညွှန်ကြားမှုဦးစီးဌာနက သတိပေးထားသည်။

​နောက် ၂ ရက်အတွက် ခန့်မှန်းချက်အရ ရန်ကုန်အပါအဝင် မြန်မာနိုင်ငံအလယ်ပိုင်းနှင့် အောက်ပိုင်းဒေသများတွင် နေ့အပူချိန်များ အနည်းငယ် ထပ်မံတိုးလာနိုင်ကြောင်းနှင့် ဧပြီလမှာ ပူပြင်းသည့်ကာလဖြစ်သည်နှင့်အညီ အပူဒဏ်အန္တရာယ်ကို ဒေသခံများအနေဖြင့် ဂရုပြုရန် လိုအပ်ကြောင်း သိရသည်။

ထို့ကြောင့် လာမည့်ရက်များတွင် အပူ ချိန်တိုးလာနိုင်သည့်အတွက် အပြင်ထွက်ပါက နေရောင်ခြည်ဒဏ်ကို ကာကွယ်ရန်နှင့် ရုတ်တရက် ဖြစ်ပေါ်လာနိုင်သည့် မိုးသက်လေပြင်းများ (မိုးတိမ်တောင်ဖြစ်စဉ်များ)ကို သတိပြုနေထိုင်ကြပါရန် တိုက်တွန်းနှိုးဆော်ထားသည်။

ရန်ကုန်တိုင်းတွင် မိုးရွာသွန်းရန် အလားအလာ နည်းပါးသေးသော်လည်း တိမ်အသင့်အတင့် ဖြစ်ထွန်းမည့်အခြေအနေတွင် ရှိနေ‌ကြောင်း သိရသည်။

ကရင်ပြည်နယ်နှင့် မွန်ပြည်နယ်တို့တွင် နေရာကွက်ကျား မိုးထစ်ချုန်းရွာနိုင်ခြေ (၈၀) ရာခိုင်နှုန်းအထိရှိနေပြီး ရန်ကုန်တွင်လည်း အပူရှိန်ကြောင့် ဖြစ်ပေါ်လာမည့် တိမ်တိုက်များ၏ အကျိုးသက်ရောက်မှု ရှိနိုင်ကြောင်း သိရသည်။

​မိုး/ဇလ၏ သတိပေးချက်အရ ​လက်ရှိတွင် တနင်္သာရီတိုင်းနှင့် ရှမ်းပြည်နယ်တို့တွင် မိုးတိမ်တောင်များ ဖြစ်ထွန်းလျက်ရှိရာ အဆိုပါ တိမ်တိုက်များ ရွေ့လျားရာ လမ်းကြောင်းတစ်လျှောက်တွင်​လေပြင်းတိုက်ခတ်ခြင်း၊ ​မိုးထစ်ချုန်းခြင်းနှင့် မိုးကြိုးပစ်ခြင်း၊ ​လျှပ်စီးလက်ခြင်းနှင့် မိုးသီးကြွေခြင်းများ ဖြစ်ပေါ်တတ်သဖြင့် ကြိုတင်သတိပြုသင့်ကြောင်း အသိပေးထားသည်။

ပြည်-ပုဂံ ရထားလမ်းပိုင်းရှိ တံတားရေလယ်တိုင်နိမ့်ကျနေသော ရန်ပယ်ချောင်းတံတားပြုပြင်နေ

ပြည်-ပုဂံ ရထားလမ်းပိုင်းရှိ တံတားရေလယ်တိုင်နိမ့်ကျနေသော တံတားအမှတ်(၃၄၃)ရန်ပယ်ချောင်းကူးရထားလမ်းတံတားအားပြန်လည်ပြုပြင်မှုများပြုလုပ်လျက်ရှိရာ ပို့ဆောင်ရေးဝန်ကြီးဌာန ဒု-ဝန်ကြီးဦးအောင်မြိုင်မှ ဧပြီ ၂၂ ရက်က ကြည့်ရှုစစ်ဆေးခဲ့သည်။

ထို့နောက် ပြည်-ပုဂံ ရထားလမ်းပိုင်း၏ ဆတ်သွား-ပရပ်ကြယ်ဘူတာကြားရှိ တံတားအမှတ်(၃၄၃)ရန်ပယ်ချောင်းကူးရထားလမ်းတံတား ရေလယ်တိုင်အမှတ်(၂) နှင့် အမှတ်(၃)တို့နိမ့်ကျနေမှုအား ပြန်လည်ပြင်ဆင်နေသည့် တံတားတိုင်ဘိုးပိုင်တူးနေမှုကိုကြည့်ရှုစစ်ဆေးခဲ့သည်။

ထိုသို့ ကြည့်ရှုစစ်ဆေးပြီးနောက် သတ်မှတ်စံချိန် စံ ညွှန်းနှင့်အညီ သတ်မှတ်ကာလအတွင်းပြီးစီးရေးအမြန်ဆုံးအကောင်အထည်ဖော်ဆောင်ရွက်ရန်၊ တံတားပေါ်ရှိ သံလမ်းနှင့်ကွန်ကရစ်ဇလီဖားတုံးများအား ဖြုတ်သိမ်းထားရန်တို့ကို မှာကြားခဲ့သည်။

ထို့ပြင် ဒု-ဝန်ကြီးသည် တောင်တွင်းကြီးဘူတာ၊ ဆတ်သွားဘူတာတို့ကိုလည်း ကြည့်ရှုစစ်ဆေးခဲ့သည်။

Hillux Surf ကားအရှိန်မထိန်းနိုင်ဘဲ လမ်းဘေးရေ မြောင်းထဲထိုးကျ သံဃာတော်(၁)ပါးအပါအဝင် (၈)ဦးဒ-ဏ်ရာရခဲ့မှု အမြန်လမ်းတွင်ဖြစ်ပွား

ရန်ကုန်-မန္တလေးအမြန်လမ်းမကြီးပေါ်၌ Hilux Surf ကားအရှိန်မထိန်းနိုင်ဘဲ လမ်းဘေးရေမြောင်းထဲထိုးကျခဲ့မှု ယနေ့ ဧပြီ ၂၃ ရက်နံနက် ၁၀ နာရီခွဲခန့်ကဖြစ် ပွားခဲ့ကြောင်း အမြန်လမ်းမကြီးထိန်းသိမ်းပြုပြင်ရေးနှင့်ကြီး ကြပ်ရေးအဖွဲ့ထံမှ သိရသည်။

အမြန်လမ်းမကြီးအတိုင်း ရန်ကုန်ဘက်မှ နေပြည်တော်ဘက်သို့ သံဃာတော်(၁)ပါးအပါအဝင် (၉)ဦးလိုက်ပါမောင်းနှင်လာသော Hilux Surf ကားသည် မိုင်တိုင်အ မှတ် ၁၈၂/၇ နှင့် ၁၈၃/၀ ကြားအရောက် အရှိန်မထိန်းနိုင်ဘဲ လမ်းဘေးရေမြောင်းထဲသို့ထိုးကျသွားခဲ့ကြောင်း သိရသည်။

ဖြစ်စဉ်ကြောင့် သံဃာတော်(၁)ပါး၊ အမျိုးသား(၂)ဦးနှင့် အမျိုးသမီး(၅)ဦးတို့တွင် ထိခို_က်ဒ_ဏ်ရာများရရှိခဲ့သဖြင့် ရွှေဂုံသုခမေတ္တာပရဟိတအသင်းက နေပြည်တော်ကုတင်-၁၀၀၀ ဆေးရုံသို့ပို့ဆောင်ပေးခဲ့ကြောင်း သိရသည်။

နီပေါနိုင်ငံ ဆူကွတ်တွင် ခရီးသွားလုပ်ငန်း အရှိန်ပြန်ရလာ

အပူချိန်မြင့်တက်လာသဖြင့် Sindhupalchok ရှိနာမည်ကြီးခရီးသွားနေရာဖြစ်သည့် ဆူကွတ်တွင် ခရီးသွားများ ဖြင့် စည်ကားလာသည်။
Sunkoshi နှင့် Bhotekoshi မြစ်များတစ်လျှောက်ရှိ ဟိုတယ်များနှင့် အပန်းဖြေစခန်းများ၌ ပြည်တွင်းပြည်ပခရီးသွားများ တိုးတက်များ ပြားလာနေသည်ကို တွေ့မြင် နေရသည်။ ရေထဲ၌ဖောင်ဖြင့်သွားလာခြင်းက လူများကို ဆွဲဆောင်နေခြင်းသည် ခရီးသွားလုပ်ငန်း ပြန်လည်ရှင်သန်လာနေသည်ကို ပြသလိုက်ခြင်းပင်ဖြစ်သည်ဟု ဒေသခံလုပ်ငန်းရှင်များက ပြောသည်။

ရာသီအစတွင် ဖောင်စီးရန် နေ့စဉ် ခရီးသွား ၂၀၀ ကျော် ရောက်ရှိ နေသည်။ Sindhu Sukute Tourism Association ဥက္ကဋ္ဌ Mahendra Singh Thapa က အပန်းဖြေစခန်းအများစုသည် ခရီးသည် အပြည့် နီးပါး ဖြစ်နေကြသည်ဟု ဆိုသည်။ "ဆောင်းရာသီကုန်ပြီး ဖောင်စီးတဲ့ရာသီရောက်လာလို့ ခရီးသွားဧည့်သည် အရေအတွက်က နှစ်ဆတိုးလာတယ်။ ဒီမှာ ဟိုတယ်တွေက ဘွတ်ကင်ပြည့်နေလို့ ကြိုပြီး မဝယ်ထားရင် တည်းစရာ ရှိမှာမဟုတ်ဘူး" ဟု ၎င်းက ဆက်လက် ပြောကြားခဲ့သည်။

ပုံမှန် အားဖြင့် အပန်းဖြေစခန်းတစ်ခုတွင် ပြည်တွင်းခရီးသည် အနည်းဆုံး ၅၀ နှင့် နိုင်ငံခြားခရီးသည် ၂၀ ဦး နေ့စဉ်လက်ခံသည်ဟု လုပ်ငန်းရှင်များက ပြောသည်။ သောကြာနှင့်စနေနေ့များတွင် ဟိုတယ်များကို အပြည့်အဝကြိုတင်မှာယူထားလေ့ရှိသောကြောင့် ကြိုတင်မှာယူထားရန်မဖြစ်မနေလိုအပ်ပါသည်။ မြို့တော် ခတ္တမန္ဒူမှ ဧည့်သည်များအပြင် ဥရောပနှင့် အမေရိကတို့မှ ခရီးသွားများသည် ဖောင်စီးရန်အတွက် Sunkoshi သို့ သွားရောက်ကြသည်။ မြစ်ကမ်းဘေးတွင် နေထိုင်မှုများ၊ မီးပုံပွဲများ၊ အဖွဲ့လိုက်လှုပ်ရှားမှုများနှင့် မြို့တော်နှင့် အနီးတဝိုက်တွင် ဆူကူတီကို နှစ်သက်ရာနေရာအဖြစ် သတ်မှတ်ခဲ့သည်။ Chitwan မှ ဧည့်သည် Ramchandra Thapa က သူသည် သူငယ်ချင်းများနှင့် ပြန်လည်ဆုံ စည်းပြီး စွန့်စားရ သော လှုပ်ရှားမှုများကို ပြုလုပ်ရန် Sukute ကို ရွေးချယ်ခဲ့သည်ဟု ဆိုသည်။ “အမှတ်တရဟောင်းတွေကို ပြန်လည်ခံစားပြီး အတူတူပျော်ရွှင်ဖို့ နေရာကောင်းတစ်ခုပါပဲ” ဟု သုက ဆိုသည်။

2015 ငလျင်အပြီးတွင် သိသိသာသာ ကျဆင်းလာခဲ့သည့် အဆိုပါဒေသ၏ခရီးသွားလုပ်ငန်းသည် တဖြည်းဖြည်း ပြန်လည်ကောင်းမွန်လာပြီဖြစ်သည်။ သဘာဝဘေးအန္တရာယ်မဖြစ်မီက မြစ်ကမ်းဘေးအပန်းဖြေ စခန်းများသည် နှစ်စဉ် ကမ္ဘာလှည့်ခရီးသွား ၇၀၀,၀၀၀ အထိ ဆွဲဆောင်ခဲ့သည်။ ခရီးသွားလုပ်ငန်း ရှင် Anjan Khadka က အခြေခံအဆောက်အဦများ တိုးတက်မှုသည် အရှိန်အဟုန်ကို ပြန်လည်ရရှိရန် အထောက်အကူ ဖြစ်စေသည်ဟု ဆိုသည်။

Khadka ၏ အဆိုအရ ရေအခြေခံခရီးသွားလုပ်ငန်းသည် ခရိုင်အတွင်းရှိ လူ ၁၀,၀၀၀ ခန့်ကို အလုပ်အကိုင်များ ပေးနိုင်သည် ဟု ၎င်းက ပြောကြားခဲ့ကြောင်းသိရသည်။

Ref ခတ္တမန္ဒူပို့စ်

ပြင်ဦးလွင်မြို့တွင် နေအိမ်မီးလေ_ာင်မှုဖြစ် အမျိုးသား (၁)ဦးမီးလေ_ာင်ဒ_ဏ်ရာရ

မန္တလေးတိုင်း၊ ပြင်ဦးလွင်မြို့တွင် ယနေ့ ဧပြီ ၂၃ ရက်ညနေ ၄ နာရီကျော်ခန့်က နေအိမ်တစ်လုံး၌မီးလေ_ာင်မှုဖြစ်ပွားခဲ့ကြောင်း ပြင်ဦးလွင်မြို့နယ်မီးသတ်စခန်းထံမှ သိရသည်။

ပြင်ဦးလွင်မြို့၊ ရပ်ကွက်ကြီး(၈)ရှိ နေအိမ်တစ်လုံးတွင်မီးလေ_ာင်မှုဖြစ်ပွား၍ ပြင်ဦးလွင်ခရိုင်/မြို့နယ်မီးသတ်စခန်းတို့မှမီးသတ်တပ်ဖွဲ့ဝင်များ၊ သန္တိသုခလူမှုကူညီရေးအသင်းဝင်များကငြှိမ်းသတ်ခဲ့ကြ၍ ညနေ ၄ နာရီ ၁၇ မိနစ်တွင် မီးငြိမ်းသွားခဲ့ကြောင်း သိရသည်။

မီးလေ_ာင်မှုကြောင့် အမျိုးသား(၁)ဦးတွင် မီးလောင်ဒ_ဏ်ရာများရရှိခဲ့သဖြင့် ပြင်ဦးလွင်လူမှုကူညီရေးအသင်းက ပြင်ဦးလွင်မြို့နယ်ပြည်သူ့ဆေးရုံသို့ပို့ဆောင်ပေးခဲ့ကြကြောင်း သိရသည်။

ပဲခူးရွှေမော်ဓောစေတီတော်မြတ်ကြီးအား ဘက်စုံပြုပြင်မွမ်းမံနေ

ပဲခူးမြို့ရှိ ရွှေမော်ဓောစေတီတော်မြတ်ကြီး ရင်ပြင်တော်ပေါ်၌ ဘက်စုံပြုပြင်မွမ်းမံမှုများပြုလုပ်လျက်ရှိရာ ပဲခူးတိုင်းဝန်ကြီး ချုပ်ဦးမျိုးဆွေဝင်းက ယနေ့ ဧပြီ ၂၃ ရက်တွင်ကြည့်ရှုစစ်ဆေးခဲ့ကြောင်း သိရသည်။

ထိုသို့ ကြည့်ရှုစစ်ဆေးပြီးနောက် တိုင်းဝန်ကြီးချုပ်က စေတီတော်မြတ်ကြီးအား ယခုအခါ လုံးတော်ပြည့်ရွှေသင်္ကန်းကပ်လှူခြင်း၊ စေတီတော်မြတ်ကြီးရေရှည်တည်တံ့ခိုင်မြဲစေရေးနှင့် ငလျင်ဒဏ်ခံနိုင်စေရေးအတွင်းလှိုင်ခေါင်းကြံ့ခိုင်မှုပြင်ဆင်ခြင်းကို ဆောင်ရွက်နေဆဲကာလဖြစ်သည်ဟု ပြောသည်။

ထို့ကြောင့် မိုးရာသီမရောက်မီ စံချိန်စံညွှန်းနှင့်အညီ အ ချိန်မီပြီးစီးရေး တာဝန်ရှိသူအဆင့်ဆင့်မှ အနီးကပ်ကြီး ကြပ်ရမည်ဖြစ်ကာ ရွှေမော်ဓောစေတီတော်မြတ်ကြီးအား ဘက်စုံပြုပြင်မွမ်းမံရာတွင် အများပြည်သူ၏ လှူဒါန်းငွေများဖြင့်ဆောင်ရွက်ခြင်းဖြစ်၍ ဘဏ္ဍာရေးစည်းမျဉ်းစည်းကမ်းများအတိုင်း စနစ်တကျသုံးစွဲရန် ရင်ပြင်တော်ပေါ်ရှိတည်ဆောက်ပြီးလုပ်ငန်းများအား လုံး ရေရှည်တည်တံ့စေရေး အားလုံးဝိုင်းဝန်းထိန်းသိမ်းဆောင်ရွက်ရန်လည်း မှာကြားခဲ့ကြောင်း သိရသည်။

အရေးပေါ်အခြေအနေကြေညာထားသည့် မြို့နယ်များ ၌ နိုင်ငံတော်သစ္စာဖောက်ဖျက်ပုန်ကန်မှုအပါအဝင် စစ်ခုံရုံးဖြင့်စစ်ဆေးမည့်ပြစ်မှုများကိုအသိပေး

နိုင်ငံတော်သမ္မတရုံးက အရေးပေါ်အခြေအနေကြေညာထားသည့် မြို့နယ်များ၌ နိုင်ငံတော်သစ္စာဖောက်ဖျက်ပုန်ကန်မှုအပါအဝင် စစ်ခုံရုံးဖြင့်စစ်ဆေးမည့်ပြစ်မှုများအား တပ်မတော်ကာကွယ်ရေးဦးစီးချုပ်ရုံးမှ စစ်အုပ် ချုပ်ရေးအမိန့်အမှတ် ၃ / ၂ဝ၂၆ ဖြင့် ယနေ့ ဧပြီ ၂၃ ရက်က အသိပေးခဲ့သည်။

နိုင်ငံတော်သစ္စာဖောက်ဖျက်ပုန်ကန်မှု(ရာဇသတ်ကြီးပုဒ်မ ၁၂၂)၊ အစိုးရကိုအကြည်ညိုပျက်အောင်ပြုလုပ်မှု(ရာဇသတ်ကြီးပုဒ်မ ၁၂၄-က)၊ တပ်မတော်(သို့)တရားဥပဒေစိုးမိုးရေးအဖွဲ့၏ ဆောင်ရွက်မှုကိုနှောင့်နှေးစေခြင်း(သို့)ပျက်ပြားစေခြင်း(ရာဇသတ်ကြီးပုဒ်မ ၁၂၄-ဂ)၊ တပ်မတော်သားများ(သို့)အစိုးရအမှုထမ်းများကို ဟန့်တားခြင်း(သို့)နှောက်ယှက်ခြင်း(ရာဇသတ်ကြီးပုဒ်မ ၁၂၄-ဃ)တို့အားကျူးလွန်ပါက စစ်ခုံရုံးဖြင့်စစ်ဆေးမည်ဖြစ်သည်။

ရာဇသတ်ကြီးပုဒ်မ ၅၀၅၊ အစိုးရဝန်ထမ်းတစ်ဦးအား ပြစ်မှုကျူးလွန်စေရန်တိုက်ရိုက်ဖြစ်စေ၊ သွယ်ဝိုက်၍ ဖြစ်စေ ထိတ်လန့်စေခြင်း၊ သွေးထိုးလှုံ့ဆော်ခြင်း၊ မမှန်သတင်းများဖြန့်ခြင်း(ရာဇသတ်ကြီးပုဒ်မ ၅၀၅-က)၊ မတရားအသင်းအက်ဥပဒေအရပြစ်မှုများ၊ လက်နက်အက်ဥပဒေအရပြစ်မှုများ၊ လူသ_တ်မှု၊ လူ‌ေ_သမှု၊ မုဒိ_မ်းမှု၊ လုယက်မှု၊ ဓားပြမှု၊ အဂတိလိုက်စားမှု၊ ၁၉၉၃ ခုနှစ်၊ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရပြစ်မှုများကျူးလွန်ပါကလည်း စစ်ခုံရုံးဖြင့်စစ်ဆေးမည်ဖြစ်သည်။

ပြည်သူပိုင်ပစ္စည်းကာကွယ်ရေးအက်ဥပဒေအရပြစ်မှုများ၊ ၁၉၆၃ ခုနှစ်၊ အများနှင့်သက်ဆိုင်သောပစ္စည်းများကာကွယ်စောင့်ရှောက်ရေးဥပဒေအရပြစ်မှုများ၊ သတင်းမီဒီယာဥပဒေအရပြစ်မှုများ၊ ပုံနှိပ်ခြင်းနှင့် ထုတ်ဝေခြင်းလုပ်ငန်းဥပဒေအရပြစ်မှုများ၊ ၁၉၄၇ ခုနှစ် မြန်မာနိုင်ငံလူဝင်မှုကြီးကြပ်ရေး(လတ်တလောပြဋ္ဌာန်းချက်များ)အက်ဥပဒေအရပြစ်မှုများ၊ အီလက်ထရောနစ်ဆက်သွယ်ဆောင်ရွက်ရေးဥပဒေအရပြစ်မှုများ၊ ရပ်ကွက်(သို့)ကျေးရွာအုပ်စုအုပ်ချုပ်ရေးဥပဒေအရပြစ်မှုများ၊ အကြမ်းဖက်မှုတိုက်ဖျက်ရေးဥပဒေအရပြစ်မှုများကျူးလွန်ပါကလည်း စစ်ခုံရုံးဖြင့်စစ်ဆေးမည်ဖြစ်သည်။

အဆိုပါ ပြစ်မှုတစ်ခုခုကိုကျူးလွန်သူတစ်ဦးအား စစ်ခုံ ရုံးကပြစ်မှုထင်ရှားပါက တည်ဆဲဥပဒေများနှင့်အညီ ‌ေ_သဒ_ဏ်၊ နှစ်အကန့်အသတ်မရှိ အလုပ်နှင့်ထောင် ဒ_ဏ်၊ သက်ဆိုင်ရာပြစ်မှုအလိုက် သတ်မှတ်ထားသော အမြင့်ဆုံးပြစ်ဒဏ်တို့ကိုချမှတ်နိုင်သော်လည်း ‌ေ_သဒ-ဏ်စီရင်ပါက ထိုသို့ စီရင်ခြင်းသည် တပ်မတော်ကာကွယ်ရေးဦးစီးချုပ်၏ အတည်ပြုချက်၊ နှစ်အကန့်အ သတ်မရှိထောင်ဒ_ဏ်စီရင်ပါကလည်း ထိုသို့ စီရင်ခြင်းသည် သက်ဆိုင်ရာ တိုင်းမှူးတို့၏အတည်ပြုချက်ရရှိမှသာအတည်ဖြစ်သည်။

ထို့ပြင် စစ်ခုံရုံးများကချမှတ်သော ဆုံးဖြတ်ချက်၊ ပြစ် ဒ_ဏ်ချမှတ်ချက်များသည် အယူခံပိုင်ခွင့်မရှိဘဲ သေ ဒ_ဏ်စီရင်ပါက ပြစ်ဒ_ဏ်ချမှတ်ခံရသည့်နေ့မှ (၁၅)ရက်အတွင်း တပ်မတော်ကာကွယ်ရေးဦးစီးချုပ်ထံ၊ အခြားပြစ်ဒ_ဏ်ချမှတ်ခြင်းခံရပါက ပြစ်ဒ_ဏ်ချမှတ်ခံရသည့်နေ့မှ(၁၅)ရက်အတွင်း သက်ဆိုင်ရာ တိုင်းမှူးထံသို့ပြင် ဆင်မှုလျှောက်ထားနိုင်သည်။

ထို့ကြောင့် တပ်မတော်ကာကွယ်ရေးဦးစီးချုပ်(သို့) သက်ဆိုင်ရာ တိုင်းမှူးများသည် မိမိသဘောအလျောက်ပြင်ဆင်မှုဖွင့်နိုင်ကာ ပြင်ဆင်မှုစီရင်ပိုင်ခွင့်အရ ပြစ်မှုထင်ရှားစီရင်ခြင်းကိုပယ်ဖျက်ခြင်း၊ ပြစ်ဒ_ဏ်ကိုလျော့ပေါ့စေခြင်း၊ ပြစ်ဒ_ဏ်ကို ပို၍နိမ့်သောပြစ်ဒ_ဏ်အမျိုးအစားသို့လျော့ပေါ့ပြောင်းလဲခြင်း၊ ပြစ်မှုထင်ရှားစီရင်ခြင်းကိုအတည်ပြုခြင်းတို့ပြုလုပ်နိုင်သည်။

ထို့အတူ တပ်မတော်ကာကွယ်ရေးဦးစီးချုပ်(သို့)သက် ဆိုင်ရာ တိုင်းမှူးများက မိမိသဘောအလျောက် ပြင် ဆင်မှုဖွင့်ဆောင်ရွက်ရာ၌ အထက်ပါ လုပ်ပိုင်ခွင့်များအပြင် ပြစ်ဒ_ဏ်တိုးမြှင့်နိုင်သည်ဟု အသိပေးခဲ့သည်။