ဝါးတရာစက်မှုဇုန်ရှိ ဖော့စက်ရုံ၌ Level 1 အဆင့်မီးလေ-ာင်မှု တစ်နာရီကျော်ကြာငြှိမ်းသတ်ခဲ့ရ

ရန်ကုန်တိုင်း၊ ရွှေပြည်သာမြို့နယ်၊ ဝါးတရာစက်မှုဇုန်၊ ငမိုးရိပ်လမ်းရှိ ဖော့စက်ရုံ၌ ယနေ့ ဖေဖော်ဝါရီ ၂၆ ရက်နံနက် ၁၁ နာရီ ၄၆ မိနစ်ခန့်က မီးလေ-ာင်မှုဖြစ်ပွားခဲ့ကြောင်း သိရသည်။

ထို့ကြောင့် သက်ဆိုင်ရာမီးသတ်တပ်ဖွဲ့ဝင်များနှင့် အရန်မီးသတ်တပ်ဖွဲ့ဝင်များ၊ လူမှုကူညီရေးအသင်းဝင်များက Level 1 အဆင့်ဖြင့်ငြှိမ်းသတ်ခဲ့ကြသဖြင့် မွန်းတည့် ၁၂ နာရီ ၄၈ မိနစ်တွင် မီးငြိမ်းသွားခဲ့ကြောင်း သိရသည်။

အဆိုပါ မီးလေ-ာင်မှုသည် စက်ရုံရှေ့တွင် စုပုံထားသော ဖော့ဘူး၊ စက္ကူပုံးများလောင်ကျွမ်းခဲ့ခြင်းဖြစ်ပြီး ပင်မစက်ရုံသို့ကူးစက်လေ-ာင်ကျွမ်းခဲ့ခြင်းမရှိကြောင်း သိရသည်။

ထို့ကြောင့် စတင်လေ-ာင်ကျွမ်းရသည့်အကြောင်းရင်းနှင့် ပျ-က်စီးဆုံးရှုံးမှုတန်ဖိုးကို သက်ဆိုင်ရာမီးသတ်တပ်ဖွဲ့တာဝန်ရှိသူများက စစ်ဆေးလျက်ရှိကြောင်း သိရသည်။

ပုဂံရှိ ရှေးဟောင်းကျောက်စာများကို RTI နည်းပညာဖြင့် မှတ်တမ်းတင်ထိန်းသိမ်းမှု ဆောင်ရွက်နေ

ကမ္ဘာ့အမွေအနှစ်ဒေသဖြစ်သည့် ပုဂံတွင် ရှေးဟောင်းကျောက်စာများ ပျက်စီးမှုများ တိုးမြင့်လာနေသဖြင့် မှတ်တမ်းတင်ထိန်းသိမ်းနိုင်ရန် Reflectance Transformation Imaging (RTI) စနစ်ဖြင့် မှတ်တမ်းတင်လုပ်ငန်းများကို ဆောင်ရွက်လျက်ရှိကြောင်း ရှေးဟောင်းသုတေသနနှင့် အမျိုးသားပြတိုက်ဦးစီးဌာန (ပုဂံဌာနခွဲ) ထံမှ သိရသည်။

အဆိုပါ ကျောက်စာများမှာ နှစ်ကာလကြာမြင့်စွာ တည်ရှိနေခဲ့ခြင်းကြောင့် ကြံ့ခိုင်မှု လျော့နည်းလာခြင်း၊ သဘာဝရာသီဥတုဒ-ဏ်ခံရခြင်းနှင့် ပွန်းတီးပျ-က်စီးမှုများ ဖြစ်ပေါ်လာလျက်ရှိသည်။

ထိုသို့ ပျ-က်စီးမှုများကြောင့် ရေးထွင်းထားသည့် စာလုံးများ မရှင်းလင်းတော့သည့်အခြေအနေများ ဖြစ်ပေါ်လာနိုင်သဖြင့် ခေတ်မီနည်းပညာတစ်ရပ်ဖြစ်သော RTI စနစ်ကို အသုံးပြုကာ အသေးစိတ်ဓာတ်ပုံမှတ်တမ်းတင်ခြင်းများ ပြုလုပ်နေခြင်းဖြစ်သည်။

လုပ်ငန်းဆောင်ရွက်ရာတွင် ပထမဦးစွာ ကျောက်စာများအား သန့်ရှင်းရေးပြုလုပ်ပြီး RTI စနစ်ဖြင့် အသေးစိတ်ဓာတ်ပုံများ ရို-က်ကူးကာ ရရှိလာသော ဓာတ်ပုံများကို RTI Builder Software ဖြင့် Processing ပြုလုပ်ကြောင်း သိရသည်။

လက်ရှိတွင် ကျောက်စာ ၈၃ ချပ်ကို မှတ်တမ်းတင်ပြီးကြောင်း၊ RTI စနစ်ဖြင့် မှတ်တမ်းတင်ခြင်းအားဖြင့် ယခင်က ကျောက်စာများကို မင်ကူးယူရာတွင် ဖြစ်ပေါ်နိုင်သည့် ဆေးပေကျံမှုများကို ကာကွယ်နိုင်ပြီး ကျောက်စာချပ်များနှင့် စာလုံးများ ပိုမိုထိန်းသိမ်းနိုင်ခြင်း၊ ရေးသားထားသည့် အကြောင်းအရာများကို ထင်ရှားရှင်းလင်းစွာ ဖတ်ရှုလေ့လာနိုင်ခြင်းတို့ အကျိုးကျေးဇူးများ ရရှိနိုင်ကြောင်း သိရသည်။

ထို့အပြင် ကျောက်စာများကို သဘာဝသဲကျောက်သားဖြင့် ပြုလုပ်ထားခြင်းကြောင့် နှစ်ကာလကြာမြင့်ခြင်းနှင့် ရာသီဥတုဒဏ်များကြောင့် မျက်နှာပြင်ပျ-က်စီးခြင်း၊ စာလုံးများ ပြုန်းတီးခြင်းများ ဖြစ်ပေါ်နိုင်သဖြင့် ယခုကဲ့သို့ နည်းပညာအသုံးပြု မှတ်တမ်းတင်ခြင်းသည် ရေရှည်ထိန်းသိမ်းရေးနှင့် သုတေသနလုပ်ငန်းများအတွက် အထောက်အကူဖြစ်စေမည်ဖြစ်ကြောင်း သိရသည်။

ပုဂံဒေသတွင် ကျောက်စာစုစုပေါင်း ၃၅၂ ချပ်ရှိပြီး RTI စနစ်ဖြင့် မှတ်တမ်းတင်ပြီးသည့် ကျောက်စာများကို သုတေသီများ၊ ကျောင်းသားကျောင်းသူများ လေ့လာလိုပါက ရှေးဟောင်းသုတေသနနှင့် အမျိုးသားပြတိုက်ဦးစီးဌာနသို့ ဆက်သွယ်လေ့လာနိုင်ကြောင်း သိရသည်။

မီးလေ-ာင်ခဲ့သည့် အာဟာရသုခဈေးကို နိုင်ငံတော်ဝန်ကြီးချုပ် ဦးညိုစော ကြည့်ရှုစစ်ဆေး

ယမန်နေ့ ဖေဖော်ဝါရီ ၂၅ ရက်ည ၈ နာရီ ၄၀ မိနစ်ခန့်က ဝါယာရှော့ဖြစ်ရာမှ မီးလေ-ာင်ကျွမ်းမှုဖြစ်ပွားခဲ့သော နေ ပြည်တော်၊ ပျဥ်းမနားမြို့နယ်ရှိ အာဟာရသုခစျေးအား နိုင်ငံတော်ဝန်ကြီးချုပ်ဦးညိုစောမှ ယနေ့ ဖေဖော်ဝါရီ ၂၆ ရက်နံနက်ပိုင်းက ကြည့်ရှုစစ်ဆေးခဲ့သည်။

ထိုသို့ ကြည့်ရှုစစ်ဆေးပြီးနောက် ဆောင်ရွက်ရမည့်လုပ်ငန်းစဥ်များကိုမှာကြားခဲ့ပြီး နိုင်ငံတော်ဝန်ကြီးချုပ်နှင့်အတူ အမျိုးသားကာကွယ်ရေးနှင့် လုံခြုံရေးကောင်စီရုံး အမှုဆောင်ချုပ်ဦးအောင်လင်းဒွေး၊ နေပြည်တော်ကောင်စီဥက္ကဋ္ဌ ဦးသန်းထွန်းဦးနှင့် တာဝန်ရှိသူများလိုက်ပါခဲ့ကြသည်။

မီးလေ-ာင်မှုမှာ အာဟာရသုခဈေး၏ ပွဲရုံ (ဂ) တန်းရှိ ဆိုင်ခန်းအမှတ် (၇၄) "သိန်းကမ္ဘာ" ကုန်ခြောက်ပစ္စည်းအရောင်းဆိုင်တွင် လျှစ်စစ်ဝါယာရှော့ဖြစ်ရာမှ စတင်လေ-ာင်ကျွမ်းခဲ့ခြင်းဖြစ်ပြီး ဝိုင်းဝန်းငြှိမ်းသတ်မှုကြောင့် ည ၉ နာရီ ၃၂ မိနစ်တွင် မီးငြိမ်းသွားခဲ့ကာ ဆိုင်ခန်း (၂၄၀) ခန်း ပျ-က်စီးဆုံးရှုံးခဲ့ရသည်။

မီးငြိမ်းသတ်နေမှုအား နေပြည်တော်ကောင်စီဥက္ကဋ္ဌ ဦးသန်းထွန်းဦး၊ နေပြည်တော်တိုင်းစစ်ဌာနချုပ် တိုင်းမှူး ဗိုလ်ချုပ်ကြည်သိုက်၊ နေပြည်တော်ကောင်စီဝင်များဖြစ်သည့် ဗိုလ်မှူးကြီးရဲမိုး၊ ဦးမြင့်စိုး၊ နေပြည်တော်ကောင်စီအတွင်းရေးမှူးဦးတိုးဝင်းနှင့် တာဝန်ရှိသူများက အနီးကပ်ကြီးကြပ်ခဲ့ကြသည်။

ပညာတတ်သည် ဖြစ်စေ
မတတ်သည် ဖြစ်စေ
လူတစ်ယောက်မှာ ကောင်းမွန်သော
ကိုယ်ကျင့် သိက္ခာနဲ့
ကိုယ်ချင်းစာတရားက
ရှိကို ရှိသင့်တယ်။
ကိုယ်ဘယ်လို
လူစားမျိုးလဲ ဆိုတာ
လူတွေကို လိမ်လို့ရပေမဲ့
ကိုယ့်ကိုယ်ကိုယ်တော့
လိမ်လို့ မရပါဘူး။
ဒါကြောင့် ကောင်းမွန်သော
စကားတစ်ခွန်းပဲ ပြောချင်တယ်
အသက်ကြီးလို့
လူကြီးဖြစ်လာရင်
လူကြီးမင်းရေ
ထမင်းစားပြီး လူနံ့ထွက်ပါ။
Crd

နေကုန်နေခမ်း မတ်တပ်ရပ်ပြနေရသဖြင့် အရုပ်မ မူးလဲ 😵‍💫

ပင်လယ်စာဆော့စ်ချဉ် (ချဉ်စပ်မွှေးမွှေးနှင့် ခံတွင်းတွေ့စေမည့် အမြည်းဆော့စ်)
🛒 ပါဝင်ပစ္စည်းများ
• အဓိကအချဉ်: သံပုရာသီး (၂ လုံး)
• အစပ်အတွက်: ငရုတ်သီးစိမ်း (၁၅ တောင့်ခန့် - မိမိအစပ်ကြိုက်သလို ချိန်ဆနိုင်သည်)
• အရသာအတွက်: ကြံသကာ (လက်ဖက်ရည်ဇွန်း ၂ ဇွန်း)၊ ဆား (လက်ဖက်ရည်ဇွန်း ၁ ဇွန်း)
👩‍🍳 ပြုလုပ်ပုံအဆင့်ဆင့်
၁။ ထောင်းခြင်း:
ငရုတ်ဆုံထဲသို့ ငရုတ်သီးစိမ်း၊ ဆား နှင့် ကြံသကာတို့ကို ထည့်ပါ။ ငရုတ်သီးနံ့ မွှေးပျံ့လာပြီး ပါဝင်ပစ္စည်းများ အားလုံး ကြေညက်သွားသည်အထိ သေသေချာချာ ထောင်းပေးပါ။
၂။ အရသာစပ်ခြင်း:
အားလုံး ကြေညက်သွားပြီဆိုလျှင် သံပုရာသီး (၂ လုံး) ကို အရည်ညှစ်ထည့်ပါ။ ဇွန်းဖြင့် သမအောင် မွှေပေးလိုက်ပါက အရသာရှိလှသော ပင်လယ်စာဆော့စ်ချဉ်လေးကို ရရှိပါပြီ။
💡 စားကောင်းစေမယ့် Tips လေးများ
• ကြံသကာ: သကြားအစား ကြံသကာကို အသုံးပြုခြင်းက ဆော့စ်ကို ပိုမိုလေးနက်တဲ့ အရသာနဲ့ ထူးခြားတဲ့ အချိုဓာတ်ကို ပေးစွမ်းပါတယ်ရှင်။
• အမွှေးအကြိုင်: ပိုမိုမွှေးပျံ့စေချင်ရင် ကြက်သွန်ဖြူ (၁) မြွှာလောက်နဲ့ နံနံပင်မြစ် (၁) ခုလောက် ထည့်ထောင်းပေးရင် ထိုင်းစတိုင် Seafood Sauce အရသာမျိုး ရရှိနိုင်ပါတယ်ရှင်။

အမွေးစားခံရဖို့ တိရစ္ဆာန်ဂေဟာလာတဲ့သူတွေကို ပြုံးပြတဲ့ ခွေးလေး
တိရစ္ဆာန်ဂေဟာက ခွေးလေးတစ်ကောင်ဟာ အပြုံးလေးနဲ့ လူထောင်ပေါင်းများစွာရဲ့နှလုံးသားကို ဖမ်းစားနိုင်ခဲ့ပါတယ်။ အဲ့ဒီခွေးလေးကတော့ တောင်ကာရိုလိုင်းနားပြည်နယ်က The Marion County Animal Shelter မှာ နေထိုင်ခဲ့တဲ့ ၁ နှစ်သားခွေးလေး ဘီလီဂျင်းပါပဲ။ သူ ထာဝရနေထိုင်နိုင်မယ့် အိမ်ကို ရှာနေခဲ့တဲ့ ဘီလီရဲ့ဓာတ်ပုံတွေကို တိရစ္ဆာန်ဂေဟာက မျှဝေခဲ့ပြီးတဲ့နောက် လူမှုကွန်ယက်မှာ လူသိများသွားကာ မွေးမယ့်သူပေါ်လာခဲ့ပါတယ်။
ဘီလီက သူ့သခင်ဖြစ်သူ ဘိုးဘွားစောင့်ရှောက်ရေးဂေဟာကို ပြောင်းရွှေ့ခဲ့ပြီးနောက် တိရစ္ဆာန်ဂေဟာကို ရောက်လာခဲ့တာပါ။ သူ တိရစ္ဆာန်ဂေဟာကို မရောက်လာခင်က သူ့သခင်တစ်ယောက်တည်းနဲ့ နေထိုင်ပြီး အခြားတိရစ္ဆာန်တွေနဲ့ မနေခဲ့ဖူးတာကြောင့် တိရစ္ဆာန်ဂေဟာကို ရောက်လာချိန်မှာ ကြောက်နေခဲ့ပါတယ်။
ဒါကို သိတဲ့ တိရစ္ဆာန်ဂေဟာက ဘီလီကို အခြားခွေးတွေနဲ့ ဖြည်းဖြည်းချင်းသိအောင် လုပ်ပေးခဲ့ပါတယ်။ ဘီလီက လူတွေကို ချစ်ပြီး အရမ်းနူးညံငြင်သာပါတယ်။ သူ့ကို လူတွေကြည့်ဖို့လာတဲ့အချိန်ဆို ပြုံးပြပါတယ်။ သူ့ရဲ့အပြုံးတွေ ဘယ်လောက်ချိုမြိန်လဲဆိုတာကို ဓာတ်ပုံတွေထဲမှာ မြင်တွေ့နိုင်ပါတယ်။ တိရစ္ဆာန်ဂေဟာက သူ့ရဲ့ဓာတ်ပုံတွေတင်ခဲ့ပြီး ၂ ရက်အကြာမှာ ဘီလီရဲ့အပြုံးကို မြင်ခဲ့တဲ့ တိရစ္ဆာန်ချစ်သူတစ်ယောက်က ဘီလီကို တရားဝင်မွေးစားလိုက်ပါတယ်။
မကြာသေးခင်ကမှ တိရစ္ဆာန်ဂေဟာက အမြီးနှံ့ကာ ပျော်ရွှင်နေတဲ့ ဘီလီရဲ့ပုံကို "ဘီလီလေး သူ့ရဲ့အိမ်အသစ်မှာ ကျန်းမာပျော်ရွှင်နေပြီ"ဆိုတဲ့စာသားလေးနဲ့ တင်ထားပါတယ်။

အာဖရိကဖလားဗိုလ်လုပွဲ ရုန်းရင်းဆန်ခတ်ဖြစ်မှုအတွက် ပရိသတ်များအား ထောင်ဒဏ်ချမှတ်မှုအပေါ် ဆီနီဂေါအစိုးရ ကန့်ကွက်လာ
==================
ဆီနီဂေါဝန်ကြီးချုပ်က ၂၀၂၅ ခုနှစ် အာဖရိကဖလားဗိုလ်လုပွဲတွင် လုံခြုံရေးဝန်ထမ်းများနှင့် ခိုက်ရန် ဖြစ်ပွားမှုအတွက် ဆီနီဂေါနိုင်ငံသား ၁၈ ဦးအား ထောင်ဒဏ်ချမှတ်မှုမှာ ဝမ်းနည်းစရာကောင်းတဲ့ အဖြစ်အပျက်ဖြစ်ကြောင်း ပြောကြားလာပါတယ်။

ဇန်နဝါရီလ ၁၈ ရက်နေ့တုန်းက ရာဘက်တွင် ကစားတဲ့ အာဖရိကဖလားဗိုလ်လုပွဲတွင် ဆီနီဂေါပရိသတ်များဟာ လုံခြုံရေးဝန်ထမ်းများနှင့် ခိုက်ရန် ဖြစ်ပွားပြီးနောက် ဖမ်းဆီးခြင်းခံခဲ့ရပါတယ်။

အဆိုပါပွဲစဉ်ရဲ့ အချိန်ပိုတွင် မော်ရိုကိုဘက်သို့ ပင်နယ်တီပေးလိုက်ပြီးနောက် ဆီနီဂေါပရိသတ်တို့ ကွင်းအတွင်း ဝင်ရောက်လာကာ လုံခြုံရေးဝန်ထမ်းများနှင့် ခိုက်ရန် ဖြစ်ပွားခဲ့ကြပါတယ်။

ယင်းအချိန်တွင် ဆီနီဂေါကစားသမားများကလည်း ဒိုင်လူကြီးရဲ့ ဆုံးဖြတ်ချက်ကို ကန့်ကွက်တဲ့အနေဖြင့် ကွင်းအတွင်းမှ ထွက်ခွာသွားခဲ့ပါတယ်။

ဆာဒေယိုမာနေးက ကစားဖော်များကို ကွင်းအတွင်းသို့ ပြန်ခေါ်လာပြီး ပွဲကို ဆက်ကစားခဲ့ရပါတယ်။ ယင်းပင်နယ်တီကို ရီးရဲလ်မက်ဒရစ်စတားဘရာဟမ်ဒီယာ့ဇ် ကန်ရာမှာ ကာကွယ်ခြင်းခံခဲ့ရပြီး ဆီနီဂေါတို့ ၁-၀ ဖြင့် အနိုင်ရကာ ချန်ပီယံဘွဲ့ကို ကာကွယ်သွားခဲ့ပါတယ်။

ကြာသပတေးနေ့မှာတော့ မော်ရိုကိုတရားရုံးတစ်ခုက အာဖရိကဖလားဗိုလ်လုပွဲတွင် ဘောလုံးအကြမ်းဖက်သမားများကဲ့သို့ ပြုမူခဲ့တဲ့ ဆီနီဂေါပရိသတ်များအား ထောင်ဒဏ် ၃ လမှ ၁ နှစ်အထိ ချမှတ်လာပြီး ဒဏ်ငွေ ဒေါ်လာ ၅၂၅ နှင့် ညီမျှတဲ့ ဒါဟမ် ၅၀၀၀ အထိ ဒဏ်ရိုက်ခဲ့ပါတယ်။

ဆီနီဂေါဝန်ကြီးချုပ်အူစမာနီဆွန်ကိုက "ဒီကိစ္စက အားကစားနယ်ပယ်ကို ကျော်လွန်ပြီး လုပ်လိုက်တာပဲ။ ဝမ်းနည်းစရာကောင်းတယ်။ မော်ရိုကိုနဲ့ ဆီနီဂေါတို့လို တစ်ဦးကို တစ်ဦး မိတ်ဆွေလို့ ခေါ်ဝေါ်ကြတဲ့ နိုင်ငံနှစ်နိုင်ငံအတွက် ဒီအဖြစ်အပျက်က ဒီလောက်အထိ မဖြစ်သင့်ပါဘူး"လို့ ပါလီမန်တွင် ပြောကြားသွားပါတယ်။

မော်ရိုကိုအစိုးရရှေ့နေများက ဆီနီဂေါပရိသတ်များကို ထောင်ဒဏ် ၂ နှစ်အထိ အများဆုံးချမှတ်ရန် တောင်းဆိုခဲ့ကြတာပါ။

ဆီနီဂေါပရိသတ် ၁၈ ဦးတို့က အမှားအယွင်းတစုံတရာ မပြုလုပ်ကြောင်း ငြင်းဆိုထားကြပြီး အယူခံဝင်လာမှာ မဟုတ်ပါဘူး။ ဒါပေမယ့် ၎င်းတို့ဟာ မော်ရိုကိုဘုရင်ထံ အသနားခံစာတင်ပို့လာကြပါမယ်။

တဖက်တွင် ဆီနီဂေါဝန်ကြီးချုပ်က ထောင်ဒဏ်ချမှတ်ခံထားရတဲ့ ပရိသတ် ၁၈ ဦးအား နှစ်နိုင်ငံအကြား သဘောတူညီထားတဲ့အတိုင်း အကျဉ်းသား လွဲပြောင်းမှု ပြုလုပ်ရေး အရှိန်မြှင့်တင်လုပ်ဆောင်သွားနိုင်ကြောင်းလည်း ဆိုထားပါတယ်။

ရန်လိုတဲ့ ဒက်ရှန်ခွေးအား လေ့ကျင့်ပေးရန် ပရော်ဖက်ရှင်နယ်ခွေးလေ့ကျင့်ရေးသမားအား တစ်ပတ် ပေါင် ၁၀၀၀ ဖြင့် ငှားရမ်းခဲ့ရတဲ့ ဖောရက်စ်စတား
=====================
ပရီးမီးယားလိဂ်စတားရိုင်ယန်ယိတ်စ်ဟာ ရန်လိုနေတဲ့ အိမ်မွေးခွေး ဒက်ရှန်အား လေ့ကျင့်ပေးရန်အတွက် ပရော်ဖက်ရှင်နယ်ခွေးလေ့ကျင့်ရေးသမားအား တစ်ပတ်ပေါင် ၁၀၀၀ ပေးပြီး ငှားရမ်း သင်ကြားပေးစေခဲ့ကြောင်း သိရပါတယ်။

နော်တင်ဟမ်ဖောရက်စ်အလယ်တန်းကစားသမားဟာ အိမ်တွင် မွေးထားတဲ့ Peanut မှာ ကော်ဖီဆိုင်များတွင် လူများအား အမြဲတစေ ရန်လိုနေမှုနှင့်အတူ ယခုကဲ့သို့ ကျွမ်းကျင်သူများ ခေါ်ယူလာရတာလည်း ဖြစ်ပါတယ်။

အသက် ၂၈ နှစ်ရှိ ယိတ်စ်နှင့် ချစ်သူ အမ်မာတို့ဟာ နာမည်ကျော် စယ်လီများ ငှားရမ်း အသုံးပြုလေ့ရှိတဲ့ Platinum K9 ကို ဆက်သွယ်ကာ Peanut အား လေ့ကျင့်စေခဲ့တာပါ။

ယိတ်စ်ဟာ ဖောရက်စ်ကစားဖော်ခရစ်ဝုဒ်ရဲ့ အကြံပေးမှုဖြင့် ဆောက်ဝဲလ်နော့အခြေစိုက် ကုမ္ပဏီအား အသုံးပြုလာတာပါ။

ယင်းကုမ္ပဏီရဲ့ တစ်ပတ်ငှားရမ်းသင်ကြားခမှာ ပေါင် ၈၅၀ က စတင်တာ ဖြစ်ပြီး ပေါင် ၁၄၀၀ အထိ ရှိပါတယ်။

လေ့ကျင့်ရေးကြာချိန်မှာ နှစ်ပတ်မှ ခြောက်ပတ်အတွင်း ဖြစ်ပါတယ်။ ခရီးဝေးပါက နေစရိတ် တစ်ညလျှင် ပေါင် ၃၀ လည်း ပေးရပါသေးတယ်။

၉ ပွဲတည်းသာ ကိုင်တွယ်ရသေးတဲ့ နည်းပြရမ်ဆေးကို ဝက်စ်ဘရွန်း ထုတ်ပယ်လာ
===================
ဝက်စ်ဘရွန်းဟာ ချန်ပီယံရှစ်အမှတ်ပေးဇယားတွင် တန်းဆင်းဇုန်နှင့် တစ်မှတ်အကွာတွင်သာ ရပ်တည်ရပြီးနောက် အသင်းကို ၉ ပွဲတည်းသာ ကိုင်တွယ်ရသေးတဲ့ နည်းပြအဲရစ်ရမ်ဆေးအား ထုတ်ပယ်လာပါတယ်။

အသက် ၃၄ နှစ်ရှိ ရမ်ဆေးဟာ ရိုင်ယန်မေဆင် ထွက်ခွာသွားပြီးနောက် ဇန်နဝါရီလ ၁၁ ရက်နေ့တုန်းက ၂ နှစ်ခွဲစာချုပ်ဖြင့် ခန့်အပ်ခြင်းခံခဲ့ရသူပါ။

ယူနိုက်တက်နည်းပြဟောင်းရမ်ဆေး စတင်ကိုင်တွယ်တုန်းက ဝက်စ်ဘရွန်းဟာ ချန်ပီယံရှစ်အမှတ်ပေးဇယားအဆင့် ၁၈ နေရာတွင် ရပ်တည်နေပြီး တန်းဆင်းဇုန်နှင့် ၇ မှတ်အကွာတွင် ရပ်တည်နေတာပါ။

ဒါပေမယ့် ရမ်ဆေးလက်ထက်တွင် ဝက်စ်ဘရွန်းတို့ နိုင်ပွဲပျောက်ဆုံးနေခဲ့ပြီး အင်္ဂါနေ့တုန်းက အိမ်ကွင်းတွင် ချာလ်တန်နှင့် တစ်ဂိုးစီသရေကျတဲ့ပွဲအပြီးမှာတော့ ထုတ်ပယ်ခြင်းခံလာရပါတယ်။

ရမ်ဆေးဟာ မေဂျာလိဂ်ကလပ် မင်နီဆိုတားယူနိုက်တက်ကို ကွန်ဖရင့်လိဂ်ပလေးအော့ဖ်သို့ ၂ ကြိမ်ဆက် ပို့ဆောင်ပေးပြီးနောက် ဝက်စ်ဘရွန်းသို့ ရောက်လာတာပါ။

ဝေးလ်နိုင်ငံသားဟာ မေဂျာလိဂ်သို့ သွားရောက် အလုပ်မလုပ်မီ ယူနိုက်တက်တွင် အဲရစ်တန်ဟက်လက်အောက်မှာ အလုပ်လုပ်ခဲ့သလို ဝေးလ်လက်ရွေးစင်အသင်းတွင်လည်း လက်ထောက်နည်းပြအဖြစ် အလုပ်လုပ်ခဲ့ဖူးပါတယ်။