သာသနာနှစ်ရေတွက်နည်း
1182+ရောက်ဆဲမြန်မာသက္ကရာဇ်ကိုပေါင်းပါ။
ဥပမာ-- 1182+1387=2569 သာသနာနှစ်ရ၏။

Powerline Communication Equipment Market: Growth, Trends, and Forecast to 2030

The global Powerline Communication Equipment market is poised for significant growth, driven by the increasing demand for faster and more reliable communication infrastructure. Powerline communication (PLC) systems are emerging as an attractive alternative for high-speed data transmission, using existing electrical wiring to transmit data. These solutions are gaining traction in both residential and commercial sectors, enabling the expansion of smart grids, home automation, and other Internet of Things (IoT) applications.
Read Full Research Study: https://marketintelo.com/repor....t/powerline-communic

Welcome back!

ဟောင်ကောင် မီဒီယာလုပ်ငန်းရှင် ဂျင်မီလိုင်အားပြန်လွှတ်ရန် ရှီကျင်းပင်ကို ဒေါ်နယ်ထရန့် တောင်းဆို

ဟောင်ကောင်တွင် အငြင်းပွားဖွယ် အမျိုးသား လုံခြုံရေးဥပဒေဖြင့်စွဲချက်တင်ပြီး အပြစ်ရှိကြောင်း တရားရုံးက စီရင်ချက်ချထားသူမီဒီယာလုပ်ငန်းရှင် ဂျင်မီလိုင်ကို ပြန်လွှတ်ပေးရန် တရုတ်သမ္မတ ရှီကျင်းပင်အား တောင်းဆိုခဲ့ကြောင်း အမေရိကန်သမ္မတ ဒေါ်နယ်ထရန့်ကဒီဇင်ဘာ ၁၅ ရက်တွင် ပြောသည်။
ယင်းကိစ္စအပေါ် အလွန်စိတ်မကောင်းကြောင်း ဒေါ်နယ်ထရန့်က သတင်းထောက်များကို ပြောကြားခဲ့ပြီး သမ္မတရှီကျင်းပင်နှင့် ဆက်သွယ်ကာ ၎င်းအားပြန်လွှတ်ပေးရေးစဉ်းစားရန် တောင်းဆိုခဲ့ကြောင်းထုတ်ပြောခဲ့သည်။
ဗြိတိန်ကလည်း အသက် (၇၈)နှစ်အရွယ် ဂျင်မီလိုင်ကို ချက်ချင်းလွှတ်ပေးရန် တောင်းဆိုခဲ့ပြီး တရားရုံး၏ဆုံးဖြတ်ချက်သည် နိုင်ငံရေးပယောဂပါသည့် ဆုံးဖြတ်ချက်ဖြစ်ကြောင်း နိုင်ငံခြားရေးဝန်ကြီး အီးဗက်ကူးပါးက ဝေဖန်ပြောဆိုသည်။
ဗြိတိန်နိုင်ငံသားတစ်ဦးဖြစ်ပြီး အက်ပဲဒေးလီးသတင်းဌာနတည်ထောင်သူ ဂျင်မီလိုင်းသည် ၂၀၂၀ ပြည့်နှစ် ဒီဇင်ဘာလမှစ၍ထောင်ထဲတွင် ရှိနေပြီး လာမည့်နှစ်အစောပိုင်းတွင် ပြစ်ဒဏ်စီရင်ချက် ချမှတ်ခံရမည်ဖြစ်ရာ ထောင်ဒဏ်တစ်သက် အများဆုံးချမှတ်ခံရနိုင်သည်။
ဟောင်ကောင်အာဏာပိုင်များကမူ ဂျင်မီလိုင်သည် ပုန်ကန်မှု၊ပြည်ပအင်အားစုများနှင့် ပူးပေါင်းကြံစည်မှု၊ သတင်းမှားများကိုဖြန့်ဝေမှုစသည့် စွဲချက်များဖြင့် တရားစွဲခံခဲ့ရသည်။ တရုတ်ကွန်မြူနစ်ပါတီခေါင်းဆောင်ပိုင်းကို ဝေဖန်လေ့ရှိသူ ဂျင်မီလိုင်သည် ဟောင်ကောင် တွင်၂၀၁၉ ခုနှစ်ကဖြစ်ပွားခဲ့သော ဒီမိုကရေစီတောင်းဆိုသည့် ဆန္ဒပြပွဲများတွင် အဓိက ပါဝင်ခဲ့သူဖြစ်သည်။

မြစ်ဆုံစီမံကိန်းတည်ဆောက်ရေး ဒုတပ်ချုပ်ထပ်ပြော

ဧရာဝတီမြစ်ဆုံရေအားလျှပ်စစ်စီမံကိန်းတည်ဆောက်ရာတွင် ငလျင်ဒဏ်ခံနိုင်ရည်တိုးမြှင့်ရန်အပါအဝင် လက်ရှိပြင်ဆင်နေသည့်တည်ဆောက်ရေးလုပ်ငန်းအချက်အလက်အချို့ကို ဒုတိယတပ်မတော်ကာကွယ်ရေးဦးစီးချုပ် ဒုတိယဗိုလ်ချုပ်မှူးကြီးစိုးဝင်းက ထုတ်ဖော်ပြောဆိုလိုက်သည်။
ကချင်ပြည်နယ်၊ မြစ်ကြီးနားမြို့၌ပြည်နယ်အစိုးရအဖွဲ့၊ ဌာနဆိုင်ရာတာဝန်ရှိသူများ၊ ဒေသခံများနှင့် ယမန်နေ့(ဒီဇင်ဘာ ၁၆ ရက်)ကတွေ့ဆုံစဉ် ဒုတိယဗိုလ်ချုပ်မှူးကြီးက မြစ်ဆုံစီမံကိန်းနှင့်ပတ်သက်ပြီး ရှင်းလင်းပြောဆိုခဲ့ကြောင်း ယနေ့ထုတ်နိုင်ငံပိုင်သတင်းစာများတွင်ဖော်ပြသည်။
မြစ်ဆုံစီမံကိန်းတည်ဆောက်ရာတွင် တမံအမျိုးအစားကို ကွန်ကရစ်မျက်နှာ ကျောက်ဖြည့်တမံအမျိုး အစားအဖြစ်တည်ဆောက်ရန်၊ တပ်ဆင်စက်အင်အား ၅၆၀၀ မဂ္ဂါဝပ်ကိုအသုံးပြုရန်မြန်မာနှင့်စီမံကိန်း လုပ်ကိုင်မည့်တရုတ်နိုင်ငံတို့အကြားဆွေးနွေးထားကြောင်း ၎င်းကပြောသည်။
ထို့ပြင် မြစ်ဆုံစီမံကိန်းငလျင်ဒဏ်ခံနိုင်ရေးအတွက် ယခင်က ၇ ဒသမ ၁ မဂ္ဂနီကျုဖြင့်တွက်ချက်ထား သော်လည်း လက်ရှိတွင် မန္တလေးငလျင်ကြီးလှုပ်ခတ်မှုပမာဏထက်ခံနိုင်ရည်ပိုရှိသည့်ဒီဇိုင်းကို ပညာရှင် များဖြင့် အကြုံပြုတွက်ချက်မည်ဖြစ်ကြောင်း ဒုတိယဗိုလ်ချုပ်မှူးကြီးစိုးဝင်းကဆက်ပြောသည်။
နအဖ အစိုးရလက်ထက်တွင်စတင်ခဲ့သည့် ဧရာဝတီမြစ်ဆုံရေအားလျှပ်စစ်စီမံကိန်းသည် နောက်ဆုံး အဆင့်တည်ဆောက်ရေးလုပ်ငန်းများစတင်ရန်ပြင်ဆင်ချိန် သမ္မတဦးသိန်းစိန်အစိုးရလက်ထက် ၂၀၁၁ ခုနှစ်တွင် နိုင်ငံတော်သမ္မတအမိန့်ဖြင့်ရပ်ဆိုင်းခဲ့ခြင်းဖြစ်သည်။
ယင်းအခြေအနေနှင့်ပတ်သက်ပြီး ဒုတိယဗိုလ်ချုပ်မှူးကြီးစိုးဝင်းက ၎င်းတိုင်းမှူးအဖြစ်ရှိနေချိန်တွင် မြစ်ဆုံစီမံကိန်းစတင်အကောင်အထည်ဖော်ခဲ့ခြင်းဖြစ်ပြီး တမံတည်ဆောက်ရေးစီမံကိန်း စတင်ရန် နီးကပ်လာချိန်တွင် နိုင်ငံရေးအကျပ်အတည်းနှင့်မမျှော်မှန်းနိုင်သည့် အကြောင်းတရားများကြောင့် ရပ်တန့်ခဲ့ရကြောင်း ယမန်နေ့တွင်ပြောသည်။
လက်ရှိတွင် ပညာရှင်များဖြင့် ဆွေးနွေးထားချက်များအရ မြစ်ဆုံစီမံကိန်းတည်ဆောက်ရာတွင် ရေအောက်ကြမ်းပြင်ထိန်းညှိပေးမည့် လုပ်ငန်းများပါထည့်သွင်းထားပြီး နှစ်စဉ်မြစ်ကြီးနားမြို့ရေကြီးနစ်မြှုပ်မှုမှ ကင်းရှင်းစေမည်ဟုဆိုသည်။
ထို့ပြင် ဧရာဝတီမြစ်တလျှောက် မြစ်ဝကျွန်းပေါ်ပင်လယ်ပြင်အထိ နှစ်စဉ် နွေ၊ မိုး၊ ဆောင်း ရေပြင်အမြင့် ၁၀ မီတာအမြဲရှိပြီး ဧရာဝတီတိုင်းမှ မြစ်ကြီးနားအထိ မြစ်တွင်းသွား သင်္ဘောကြီး/သင်္ဘောငယ်များ သယ်ယူပို့ဆောင်နိုင်မည့်အပြင် ရေအောက်ကြမ်းပြင်မှထွက်ရှိသော နုန်းမြေများကိုလည်း မြစ်ဘေး တစ်လျှောက်ရှိ တောင်သူများစိုက်ပျိုးမြေအတွက် အသုံးပြုနိုင်မည်ဟု ဒုတိယ ဗိုလ်ချုပ်မှူးကြီးစိုးဝင်းကပြောသည်။
စီမံကိန်းအောင်မြင်ပါက ကုန်ထုတ်စွမ်းအားပိုမိုတိုးတက်စေမည့် လျှပ်စစ်ဓာတ်အားများရရှိရေးနှင့် ရေလမ်းကြောင်း ရာသီမရွေးအသုံးချနိုင်မည့်အခြေအနေများ ရရှိမည်ဖြစ်သည်ဟုလည်း ၎င်းကပြော သည်။
မြစ်ဆုံစီမံကိန်းနှင့်ပတ်သက်ပြီး သုတေသနလုပ်ငန်းများ၊ နည်းပညာဆိုင်ရာဖြေရှင်းချက်များနှင့် ပြည်သူ့ ဆက်ဆံရေးလုပ်ငန်းများဆောင်ရွက်ရန်ဆိုကာ လျှပ်စစ်ဝန်ကြီးဌာနဒုဝန်ကြီးဦးဆောင်သည့်ဧရာဝတီ မြစ်ဆုံ-မြစ်ညာ မြစ်ဝှမ်းရေအားလျှပ်စစ်စီမံကိန်းဦးဆောင်အဖွဲ့ကို အမျိုးသားကာကွယ်ရေးနှင့် လုံခြုံရေးကောင်စီရုံးက ယခုနှစ်ဩဂုတ် ၂၉ ရက်ကစတင်ဖွဲ့စည်းထားသည်။

အမြန်လမ်း၌ယာဉ်တိုက်မှု တစ်ဦးသေဆုံး၊ ၁၆ ဦးဒဏ်ရာရ

ရန်ကုန်-မန္တလေးအမြန်လမ်း၊ လှည်းကူးမြို့နယ်၊ မိုင်တိုင်အမှတ်(၀)အနီးတွင် ယမန်နေ့(ဒီဇင်ဘာ ၁၆ ရက်) ညနေ ၆ နာရီခန့်က ကားနှစ်စီးတိုက်မိရာ တစ်ဦးသေဆုံပြီး ၁၆ ဦးဒဏ်ရာရရှိကြောင်း လှည်းကူး မြို့နယ်ကြက်‌ခြေနီအသင်းခွဲထံမှသိရသည်။
စက်ရုံကြိုပို့ဖယ်ရီကားနှင့် မီနီဘက်(စ်) ခရီးသည်တင်ကားတို့တိုက်မိခြင်းဖြစ်ပြီး ယာဉ်ပေါ်ပါအမျိုးသား ခြောက်ဦး၊ အမျိုးသမီး ၁၀ ဦးဒဏ်ရာရရှိခဲ့ပြီး မီနီဘက်(စ်) ယာဉ်မှ ယာဉ်နောက်လိုက်မှာ အခင်းဖြစ်ရာ နေရာတွင်သေဆုံးခဲ့ကြောင်းသိရသည်။
"လူနာတွေများတယ်ဆိုလို့ ကျွန်တော်တို့သွားကူညီပေးတာပါ။ လူနာတွေက မီနီဘတ်စ်ကားပေါ်က သူတွေပါ။ သူကစက်ရုံကြိုပြီးပြန်လာတဲ့ကား။ ယာဉ်နောက်လိုက်ကတော့ အဲဒီနေရာမှာပဲသေဆုံးသွား တယ်" ဟုလှည်းကူးမြို့နယ်ကြက်‌ခြေနီအသင်းခွဲမှ တာဝန်ရှိသူတစ်ဦးကပြောသည်။
ထိခိုက်ဒဏ်ရာရရှိသူများကို လှည်းကူးမြို့နယ်ကြက်‌ခြေနီအသင်းခွဲမှ လူနာတင်ယာဉ်နှစ်စီး၊ ပရဟိတအဖွဲ့များမှ လူနာတင်ယာဉ်ခုနှစ်စီးတို့ဖြင့် လှည်းကူဆေးရုံသို့ပို့‌ဆောင်ကူညီခဲ့ပြီး သေဆုံသူအမျိုးသားတစ်ဦးကို ဂရုဏာရှင်အသင်းမှ လှည်းကူးမြို့နယ်ပြည်သူ့ဆေးရုံးသို့ကူညီပို့ဆောင်ပေးခဲ့ကြောင်း သိရသည်။

ရုပ်ရှင်နှင့်ပတ်သက်သည့် လုပ်ငန်းခြောက်မျိုးလိုင်စင်လျှောက်ထားပြီးမှ လုပ်ကိုင်ရန်အသိပေး

ရုပ်ရှင်ရိုက်ကူးရေးသုံးပစ္စည်းများ ငှားရမ်းခြင်းအပါအဝင် ရုပ်ရှင်နှင့် ပတ်သက်သည့် လုပ်ငန်းအမျိုး အစားခြောက်မျိုးကို လိုင်စင်လျှောက်ပြီးမှ လုပ်ကိုင်ရနဒီဇင်ဘာ ၁၇ ရက်တွင်ပြန်ကြားရေးဝန်ကြီး ဌာနကအသိပေး ထုတ်ပြန်ထားသည်။
ထို့ပြင် ရုပ်ရှင်နည်းဥပဒေများကို ပြင်ဆင်သည့် နည်းဥပဒေများကိုလည်း ၂၀၂၅ ခုနှစ် ဒီဇင်ဘာ ၃ ရက်က ထုတ်ပြန်ပြီးဖြစ်ခြင်းကြောင့် ရုပ်ရှင်လုပ်ငန်းအမျိုးအစား ရှစ်မျိုး အပြင် နောက် ထပ်လုပ် ငန်းလိုင်စင် လျှောက်ထားပြီးမှ လုပ်ကိုင် ဆောင်ရွက်ရမည့် လုပ်ငန်းအမျိုးအစား ခြောက်မျိုး ကိုလည်းထုတ်ပြန်ချက်တွင် ထည့်သွင်းဖော်ပြထားသည်။
ရုပ်ရှင်သင်တန်းကျောင်းဖွင့်လှစ်ခြင်း၊ ရုပ်ရှင်ရိုက်ကူးရေးသုံးပစ္စည်းများ ငှားရမ်းခြင်း၊ ရုပ်ရှင် ထုတ်လုပ်ရေးဆိုင်ရာ ဝန်ဆောင်မှုလုပ်ငန်းလုပ်ကိုင်ခြင်း၊ ရုပ်ရှင်စတူဒီယို (sအကိငသ) တည်ထောင် လုပ်ကိုင်ခြင်း၊ ရုပ်ရှင်ကား အရုပ်၊ အသံ ကူးပြောင်းမှုနှင့် အထူးပြုလုပ်ချက်များဆောင်ရွက်ခြင်း၊ အွန်လိုင်းရုပ်ရှင်ရုံတည်ထောင်ခြင်း၊ အက်ပလီကေးရှင်းများ အသုံးပြု၍ ရုပ်ရှင်ကားထုတ်လွှင့် ပြသခြင်း၊အွန်လိုင်းပလက်ဖောင်းများ အသုံးပြု၍ ရုပ်ရှင်ကားထုတ်လွှင့် ပြသခြင်းများကို ပြန်ကြားရေး ဝန်ကြီးဌာနပြန်ကြားရေးနှင့် ပြည်သူ့ဆက်ဆံရေး ဦးစီးဌာနတွင်လျှောက်ထား ရမည်ဖြစ်ကြောင်း အသိပေးထားသည်။
သက်ဆိုင်ရာ တိုင်းဒေသကြီးနှင့် ပြည်နယ်များရှိ ပြန်ကြားရေး ဦးစီးဌာနများသို့ လျှောက်ထားရ မည်ဖြစ်ပြီး အသေးစိတ်အချက်အလက်များကိုလည်း ပြန်ကြားရေးနှင့် ပြည်သူ့ဆက်ဆံရေးရုံးတွင် စုံစမ်းမေးမြန်းနိုင်ကြောင်း အသိပေးထားသည်။

ဖုန်းအားသွင်းထားစဉ် အပူလွန်ကဲ၍ ဖုန်းဘက်ထရီပေါက်ကွဲရာမှ မီးလောင်

ဧရာ၀တီတိုင်း ဒေသကြီးကျုံပျော်ခရိုင် ကျုံပျော်မြို့နယ် ပင်လုံရပ်ကွက်တွင် ဖုန်းအားသွင်းထားစဉ် အပူလွန်ကဲ၍ ဖုန်းဘက်ထရီပေါက်ကွဲရာမှ မီးလောင်မှုဖြစ်ပွားခဲ့ကြောင်းသိရသည်။
ဒီဇင်ဘာ ၁၆ ရက် ည ၈ နာရီ၄၅ မိနစ်ခန့်တွင် ကျုံပျော်မြို့နယ်ပင်လုံရပ်ကွက် မန်းချောင်းလမ်းရှိ ပိုင်ရှင်ဦး...(၃၆)နှစ်၏ ၁၅_၁၅ပေ၊ သွပ်မိုး၊ ပျဉ်ကာ၊ ပျဉ်ခင်း တစ်ထပ်နေအိမ်တွင် မီးလောင်မှု ဖြစ်ပွားခဲ့သည်။
သတင်းအရ ကျုံပျော်မြို့နယ်မီးသတ်စခန်းမှ ဦးစီးအရာရှိဦးအောင်စိန်ဘွင့် ဦးစီးသန္ဓေမီးသတ် တပ်ဖွဲ့ဝင် ၁၃ဦး၊ အရန်မီးသတ်တပ်ဖွဲ့ဝင် ၂၀ တို့သည် မီးငြှိမ်းသတ်ယာဉ်နှစ်စီး၊ မီးသတ် ရေသယ်ယာဉ်တစ်စီး၊ စုစုပေါင်းမီးသတ်ယာဉ် သုံးစီးဖြင့် ထွက်ခွာငြှိမ်းသတ်ခဲ့ရာည ၈ နာရီ၅၄ မိနစ်တွင် မီးထိန်းနိုင်ပြီး ည ၉ နာရီတွင် မီးငြိမ်းသွားသည်။
မီးလောင်မှုအကြောင်းရင်းမှာ ဖုန်းအားသွင်းထားစဉ် အပူလွန်ကဲ၍ ဖုန်းဘက်ထရီပေါက်ကွဲရာမှ အခင်းဖျာသို့ မီးကူးစက်လောင်ကျွမ်းခြင်း ဖြစ်သည်။
မီးလောင်မှုကြောင့် မီးစတင်လောင်သည့် နေအိမ်ပိုင်ရှင် ဦး...(၃၆) နှစ်အား ကျုံပျော်မြို့မရဲ စခန်းမှ ပြစ်မှုဆိုင်ရာဥပဒေပုဒ်မ-၂၈၅ ဖြင့်အရေးယူနိုင်ရေး ဆောင်ရွက်လျက်ရှိပြီး မီးဘေးသင့်အိမ်ထောင်စု သုံးစု၊ကျား သုံးဦး၊ မ ခုနစ်ဦး၊ စုစုပေါင်း ၁၀တို့အား နီးစပ်ရာ ဆွေမျိုးများနေအိမ်တွင် ခေတ္တနေရာချထားပေးလျက်ရှိကြောင်း သိရသည်။
ပြီးခဲ့သည့် ဒီဇင်ဘာ ၁၄ ရက်နံနက် ၀ဝး ၃၀ နာရီခန့်တွင် လပွတ္တာမြို့နယ် ကန်ဘက်ကျေးရွာအုပ်စု ကန်ဘက်ကျေးရွာတွင် ဘုရားမီးပူဇော်ထားသော ဖယောင်းတိုင်လဲကျရာမှ နေအိမ်မီးလောင်မှု ဖြစ်ပွားခဲ့သည်။

တရုတ်ရေတပ်၏ ဖူကျန်းလေယာဉ်တင် သင်္ဘောသစ်တရုတ်(တိုင်ပေ)ရေလက်ကြားကို ပထမဆုံးအကြိမ် ဖြတ်သန်း

တရုတ်ရေတပ်၏ ခေတ်အမီဆုံး လေယာဉ်တင် သင်္ဘောသစ်ဖြစ်သော ဖူကျန်းလေယာဉ်တင် သင်္ဘောသည် ဒီဇင်ဘာ ၁၆ ရက်တွင် ထိုင်ဝမ်ရေလက်ကြားကို ဖြတ်ကျော်ခဲ့ကြောင်း တရုတ် (တိုင်ပေ)ကာကွယ်ရေးဝန်ကြီးဌာနက သတင်းထုတ်ပြန်ထားသည်။
ယခုနှစ် နိုဝင်ဘာလအတွင်း စစ်ရေးတာဝန်များ တရားဝင် စတင်ရယူခဲ့သော ဖူကျန်းလေယာဉ် တင်သင်္ဘောသည် စစ်ရေးနှင့် နိုင်ငံရေးအရ အလွန်အကဲဆတ်သော ထိုင်ဝမ်ရေလက်ကြားကို ပထမဆုံးအကြိမ် ဖြတ်ကျော်ခဲ့ခြင်းဖြစ်သည်။
တရုတ် လေယာဉ်တင်သင်္ဘော ဖူကျန်းထိုင်ဝမ်ရေလက်ကြား ဖြတ်ကျော်မှုကို တရုတ် (တိုင်ပေ) စစ်ဘက်က စောင့်ကြည့်ခဲ့ကြောင်း သိရသည်။
ဖူကျန်းလေယာဉ်တင်သင်္ဘောသည် ရှန်ဟိုင်းမြို့ ကမ်းလွန်ရှိ ချန်ရှန်းကျွန်းသို့ သွားရောက်နေခြင်း ဖြစ်ဖွယ်ရှိပြီး ထိုင်ဝမ်ရေလက်ကြားကို ဖြတ်သန်းချိန်တွင် စစ်ရေးလှုပ်ရှားမှုများ ပြုလုပ်ခဲ့သည့် လက္ခဏာမျိုး မတွေ့ရကြောင်း တရုတ်(တိုင်ပေ) ကာကွယ်ရေးဝန်ကြီးဌာန ကြေညာချက်တွင် ဖော်ပြထားသည်။
ဖူကျန်းလေယာဉ်တင်သင်္ဘောသည် တရုတ်လေတပ်၏ တတိယမြောက်လေယာဉ်တင် သင်္ဘော ဖြစ်ပြီး အကြီးစားလက်နက်များ တပ်ဆင်ထားသော ဂျက်တိုက်လေယာဉ်များ အဆင်း၊အတက် လုပ်နိုင်ရေးအတွက် လျှပ်စစ်သံလိုက်ပစ်လွှဲစနစ် တပ်ဆင်ထားသော လေယာဉ်တင် သင်္ဘော ဖြစ်သည်။
တရုတ်နိုင်ငံသည် ဒီဇင်ဘာ ၁၆ ရက်တွင်တရုတ်(တိုင်ပေ)အနီး ပူးတွဲလေကြောင်း ကင်းလှည့် မှုများလည်း ပြုလုပ်ခဲ့ပြီး ဂျေ-၁၀ တိုက်လေယာဉ်များနှင့် အိတ်ခ်ျ-၆ ကေ အမျိုးအစား ဗုံးကြဲလေယာဉ်များပါဝင်ခဲ့သည်။

KK Park နယ်မြေအတွင်းရှိ အွန်လိုင်းလိမ်လည်မှုတွင် အသုံးပြုခဲ့သည့် အဆောက်အအုံ စုစုပေါင်း (၄၅၆) လုံးကို စနစ်တကျ ဖြိုချဖျ-က်ဆီးပြီးဖြစ်

အွန်လိုင်းလိမ်လည်လောင်းကစားမှု လုပ်ငန်းစဉ်များတွင် အသုံးပြုခဲ့သည့် သိမ်းဆည်းရမိပစ္စည်းများနှင့် တရားမဝင်အဆောက်အအုံများအား စနစ်တကျဖြိုချဖျ-က်ဆီးလျက်ရှိရာ အပိုင်း (၃) နယ်မြေအတွင်းရှိ တရားမဝင် (၃) ထပ်အဆောက်အအုံ (၁) လုံး၊ (၂) ထပ်အဆောက်အအုံ (၁၁) လုံး၊ စုစုပေါင်း တရားမဝင်အဆောက်အအုံ (၁၂) လုံးကို ထပ်မံဖြိုချဖျ-က်ဆီးခဲ့ပြီးဖြစ်ကြောင်း သိရသည်။
ထို့ကြောင့် နိုင်ငံတော်အစိုးရအနေဖြင့် KK Park နယ်မြေအတွင်းရှိ တရားမဝင်အဆောက်အအုံ စုစုပေါင်း (၆၃၅) လုံးအနက် (၄၅၆) လုံးကို စနစ်တကျ ဖြိုချဖျ-က်ဆီးပြီးဖြစ်ကြောင်း သိရသည်။
ထို့ပြင် မြဝတီမြို့၊ အမှတ် (၃) ရပ်ကွက်၊ အင်ကြင်းလမ်းရှိ အဆောက်အအုံ (၁) လုံးအတွင်း၌ တရားမဝင် တရုတ်နိုင်ငံသား အမျိုးသား (၃) ဦးတို့အား ဖော်ထုတ်ဖမ်းဆီးရမိခဲ့သည်ဟုလည်း သိရသည်။
၎င်းတို့ကို စုံစမ်းစစ်ဆေးမှုများ ပြီးဆုံးပါက ဥပဒေ၊ လုပ်ထုံး လုပ်နည်းများနှင့်အညီ သက်ဆိုင်ရာနိုင်ငံများသို့ လွှဲပြောင်းပေးနိုင်ရေး ဆက်လက်ဆောင်ရွက်သွားမည်ဖြစ်သည်ဟုလည်း အစိုးရ၏ ထုတ်ပြန်ချက်အရ သိရသည်။