ပြည်ပပို့ကုန်လျာထားချက် ပြည့်မီစေရေးနှင့် ပို့ကုန်လုပ်ငန်းရှင်များ၏ အခက်အခဲများကို ဝန်ကြီးဌာနများ ပေါင်းစပ်ကူညီရန် ပြည်ထောင်စုဝန်ကြီး တိုက်တွန်း

ပြည်ပသို့ ပို့ကုန်များ ပိုမိုတိုးမြှင့်တင်ပို့နိုင်ရန်နှင့် ကုန်သွယ်မှုစီးဆင်းမှုများ မြန်ဆန်စေရန်အတွက် ပို့ကုန်လုပ်ငန်းရှင်များ ကြုံတွေ့နေရသည့် အခက်အခဲများကို သက်ဆိုင်ရာ ဝန်ကြီးဌာနများက အလေးထား ကူညီဆောင်ရွက်ပေးရန် လိုအပ်ကြောင်း သိရသည်။
မေလ ၈ ရက်နေ့က ပြုလုပ်သည့် ကုန်သွယ်မှုနှင့် ကုန်စည်စီးဆင်းမှုများ မှန်ကန်မြန်ဆန်စေရေး ဗဟိုကော်မတီ၏ (၁/၂၀၂၆) ကြိမ်မြောက် ညှိနှိုင်းအစည်းအဝေးတွင် ဗဟိုကော်မတီဥက္ကဋ္ဌ၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဦးထွန်းအုံက အောက်ပါအတိုင်း လမ်းညွှန်ခဲ့သည် -
လျာထားချက် ပြည့်မီရေး
ယခုဘဏ္ဍာနှစ်အတွင်း ပို့ကုန်လျာထားချက်၏ နှစ်ဆပြည့်မီအောင် အလေးထား ကြိုးပမ်းဆောင်ရွက်ရန်။
ပေါင်းစပ်ညှိနှိုင်းပေးရေး
ပို့ကုန်လုပ်ငန်းရှင်များ၏ အခက်အခဲများကို ကဏ္ဍအလိုက် ဝန်ကြီးဌာနနှင့် အဖွဲ့အစည်းများအချင်းချင်း ပေါင်းစပ်ညှိနှိုင်း၍ ကူညီဖြေရှင်းပေးရန်။
ပို့ကုန်ရငွေနှင့် ကုန်စည်စီးဆင်းမှု
ပို့ကုန်တင်ပို့ပြီးနောက် ရငွေများ အချိန်မီ ပြန်လည်ဝင်ရောက်ရေး၊ စက်သုံးဆီနှင့် စားသုံးဆီ ဖြန့်ဖြူးမှုများ ချောမွေ့စေရေးနှင့် CMP လုပ်ငန်းများ ပိုမိုတင်ပို့နိုင်ရေး ကြိုးပမ်းရန်။
စသည်တို့ပါဝင်သည်။

ထိုင်းနိုင်ငံတွင် ဥပဒေမဲ့နှိပ်စက်ခံခဲ့ရသည့် မြန်မာစ ကားပြန်လူငယ်ကို မြန်မာသံအမတ်ကြီးတွေ့ဆုံအား ပေး တရားမျှတမှုနှင့် နစ်နာကြေးရရှိရန်ကူညီ

​ထိုင်းနိုင်ငံ၊ ချွန်ပူရီခရိုင်ရှိ ဆောက်လုပ်ရေးကုမ္ပဏီတစ်ခုတွင် နိုင်ငံခြားသားပိုင်ရှင်များ၏ ဥပဒေမဲ့ညှင်းပန်းနှိပ်စက်မှုခံခဲ့ရသည့် မြန်မာစကားပြန်လူငယ်အား ထိုင်းနိုင်ငံဆိုင်ရာ မြန်မာသံအမတ်ကြီးဦးဇော်ဇော်စိုးကတွေ့ ဆုံ၍ တရားမျှတမှုရရှိရေးအတွက်အပြည့်အဝကူညီသွားမည်ဟု ပြောကြားခဲ့သည်။
ချွန်ပူရီခရိုင်တွင် စကားပြန်အဖြစ်လုပ်ကိုင်နေသော ကိုသားသား(၂၇)နှစ်သည် ကုမ္ပဏီပိုင်ရှင်နိုင်ငံခြားသားများ၏ လူမဆန်စွာနှိပ်စက်မှုကိုခံခဲ့ရသဖြင့် မေ ၈ ရက်နံနက်ပိုင်းတွင် မြန်မာသံအမတ်ကြီးက ကိုသားသားကိိုတွေ့ဆုံပြီး နှိပ်စက်ခံရသည့် အသေးစိတ်အခြေအနေများနှင့် အမှုဖွင့်ဆောင်ရွက်ထားရှိမှုများကိုမေးမြန်းကာ အားပေးစကားပြောကြားပြီး သံရုံးဝန်ထမ်းမိသားစုများ ၏ ထောက်ပံ့ငွေများကိုပေးအပ်ခဲ့သည်။
မြန်မာသံအမတ်ကြီးက ဖြစ်စဉ်အတွက် ထိုင်းနိုင်ငံ၏ အလုပ်သမားဥပဒေနှင့်အညီ မှန်ကန်သည့်တရားစီရင်မှုဖြစ်ပေါ်စေရေး၊ ဥပဒေမဲ့ကျူးလွန်ခဲ့သူများကို ထိရောက်သောပြစ်ဒဏ်များရရှိစေရေး၊ ထိခိုက်ခံစားခဲ့ရသည့် မြန်မာစကားပြန်အတွက် ထိုက်သင့်သည့် နစ်နာ ကြေးများအပြည့်အဝရရှိစေရေးတို့ကို ဗန်ကောက်မြို့၊ မြန်မာသံရုံး၊ အလုပ်သမားသံအရာရှိရုံးနှင့် ထိုင်းနိုင်ငံအခြေစိုက်ပြည်ပလုပ်သားကူညီစောင့်ရှောက်ရေးအဖွဲ့များနှင့်ပူးပေါင်းကာ အနီးကပ်စောင့်ကြည့်ကူညီပေးသွားမည်ဟု အသိပေးခဲ့သည်။
​ယခုဖြစ်စဉ်သည် ပြည်ပတွင်အလုပ်လုပ်ကိုင်နေသည့် မြန်မာနိုင်ငံသားများအပေါ် အလုပ်ရှင်များ၏ အနိုင် ကျင့်စော်ကားမှုအပေါ် သံရုံးကထိရောက်စွာတုံ့ပြန်ဆောင်ရွက်ခြင်းဖြစ်၍ အလုပ်ရှင်(သို့)အခြားသူများ၏ နှိပ်စက်ညှဉ်းပန်းမှုခံရပါက ကြောက်ရွံ့ခြင်းမရှိဘဲ သက်ဆိုင်ရာ အလုပ်သမားသံအရာရှိရုံးများနှင့် ကူညီစောင့်ရှောက်ရေးအဖွဲ့များထံ အမြန်ဆုံးဆက်သွယ်အ ကူအညီတောင်းခံနိုင်သည်။
ထို့ပြင် မြန်မာသံအမတ်ကြီးကိုယ်တိုင် ယခုကဲ့သို့ လူကိုယ်တိုင်တွေ့ဆုံခြင်းသည် ကျူးလွန်သူများအပေါ် ဖိ အားဖြစ်စေသည့်အပြင် နစ်နာသူအတွက်ကြီးမားသော စိတ်ဓာတ်ခွန်အားနှင့် ဥပဒေကြောင်းအရ အားသာချက်ကိုရရှိစေသည်။ ထို့ကြောင့် ပြည်ပသို့သွားရောက်လုပ် ကိုင်မည့်သူများအနေဖြင့် မိမိတို့၏ အလုပ်ရှင်နှင့် ကုမ္ပ ဏီနောက်ခံများကိုသေချာစွာစုံစမ်းရန်နှင့် အခက်အခဲရှိပါက အချိန်မီသတင်းပို့တိုင်ကြားနိုင်သည့်လမ်း ကြောင်းများကိုကြိုတင်လေ့လာထားရန် လိုအပ်ပေသည်။

မြန်မာ-နီပေါနှစ်နိုင်ငံ ဘဏ်လုပ်ငန်းနှင့် ဒီဂျစ်တယ်ငွေရေးကြေးရေးကဏ္ဍ ပူးပေါင်းမြှင့်တင်ရန် ဗဟိုဘဏ်ဥက္ကဋ္ဌနှင့် နီပေါသံအမတ်ကြီးဆွေးနွေး

ဗဟိုဘဏ်ဥက္ကဋ္ဌဒေါက်တာခင်နိုင်ဦးနှင့် မြန်မာနိုင်ငံဆိုင်ရာ နီပေါနိုင်ငံသံအမတ်ကြီး H.E. Mr. Harishchandra Ghimire တို့တွေ့ဆုံကာ နှစ်နိုင်ငံကြား ဘဏ္ဍာရေးနှင့် နည်းပညာဆိုင်ရာပူးပေါင်းဆောင်ရွက်မှုတိုးမြှင့်နိုင်ရေးကိုဆွေးနွေးခဲ့ကြသည်။
မေ ၈ ရက်နေ့လည်ပိုင်းက နေပြည်တော်၌တွေ့ဆုံ၍ နှစ်နိုင်ငံကြား ဘဏ်လုပ်ငန်းကဏ္ဍပိုမိုခိုင်မာလာစေရေးအ တွက် မြန်မာနိုင်ငံနှင့် နီပေါနိုင်ငံကြား ဘဏ်လုပ်ငန်းဆိုင်ရာဆက်သွယ်မှုများပိုမိုအားကောင်းလာစေရန်၊ ခေတ်သစ်ငွေရေးကြေးရေးစနစ်ဖြစ်သည့် Digital Banking ဖွံ့ဖြိုးတိုးတက်ရေးအတွက် အတွေ့အကြုံနှင့် နည်းပညာဖလှယ်ရန်တို့ကို ဆွေးနွေးခဲ့ကြသည်။
ထို့ပြင် ဘဏ်လုပ်ငန်းစနစ်များတွင် ခေတ်မီအိုင်စီတီနည်းပညာများအသုံးပြု၍ အဆင့်မြှင့်တင်နိုင်ရေးအတွက် နှစ်ဦးနှစ်ဖက် ဆွေးနွေးပွဲများကျင်းပပြုလုပ်ရန်လည်း ဆွေးနွေးခဲ့ကြသည်။
​
ဗဟိုဘဏ်ဥက္ကဋ္ဌနှင့် သံအမတ်ကြီးတို့၏တွေ့ဆုံမှုသည် မြန်မာနိုင်ငံ၏ ဘဏ်လုပ်ငန်းကဏ္ဍကိုနည်းပညာဖြင့်အဆင့်မြှင့်တင်ရာ၌ အထောက်အကူပြုစေမည့်အပြင် အိမ်နီးချင်းအာရှနိုင်ငံများကြား ဘဏ္ဍာရေးဆိုင်ရာ ချိတ်ဆက်မှုများကို ပိုမိုကျယ်ပြန့်လာစေမည်ဖြစ်သည်။
အဆိုပါ တွေ့ဆုံဆွေးနွေးမှုမှတစ်ဆင့် မြန်မာနိုင်ငံ၏ ဘဏ်လုပ်ငန်းစနစ်ကို ခေတ်မီ ICT နည်းပညာများဖြင့် အဆင့်မြှင့်တင်ရန်ကြိုးပမ်းခြင်းသည် ငွေပေးချေမှုစနစ်များ ပိုမိုမြန်ဆန်၊ ဘေးကင်းလာစေရန်ရည်ရွယ်ခြင်း၊ နီပေါနိုင်ငံကဲ့သို့ နိုင်ငံမျိုးနှင့် ဒီဂျစ်တယ်ဘဏ်လုပ်ငန်းဆိုင်ရာဆွေးနွေးခြင်းသည် ဒေသတွင်းနိုင်ငံများ၏ အောင်မြင်သော နည်းပညာစံနမူနာများကို လေ့လာခွင့်ရရှိစေခြင်း၊ နှစ်နိုင်ငံ ဗဟိုဘဏ်နှင့် သံတမန်များကြား ယခုကဲ့သို့ တရားဝင်တွေ့ဆုံမှုများမှတစ်ဆင့် ဘဏ္ဍာရေးကဏ္ဍတည်ငြိမ်မှုနှင့် ရင်းနှီးမြှုပ်နှံမှုဆိုင်ရာ ယုံကြည်မှုကိုမြှင့်တင်ပေးနိုင်ခြင်းအကျိုးကျေးဇူးများရရှိနိုင်မည်ဖြစ်သည်

ထရမ့်ကိုယ်တိုင်က ထိုင်ခုံတစ်ခုံအတွက် ဒေါ်လာ ၁၀၀၀ မပေးနိုင်လို့ ပြောဆိုလာပြီးနောက် ကမ္ဘာ့ဖလားလက်မှတ်ဈေးနှုန်းလျှော့ချရေး ဝါရှင်တန်မှ ဥပဒေပြုအမတ်များ ကြိုးပမ်းလာ
======================

အမေရိကန်သမ္မတဒေါ်နယ်ထရမ့်ကိုယ်တိုင်က ကမ္ဘာ့ဖလားလက်မှတ်ဈေးနှုန်းမှာ အလွန်မြင့်မားနေတယ်လို့ ဝေဖန်တိုက်ခိုက်မှု ပြုလုပ်လာပြီးနောက် ဝါရှင်တန်မှ ဥပဒေပြုအမတ်များဟာ ဖီဖာဥက္ကဌဂျီယန်နီအင်ဖန်တီနိုအား လက်မှတ်ဈေးနှုန်းလျှော့ချရေး ဖိအားပေးလာသလို လက်မှတ်ဝယ်ယူရေးလုပ်ဆောင်ရာတွင်လည်း လွယ်ကူရှင်းလင်းအောင် လုပ်ဆောင်ရေး တွန်းအားပေးလာပါတယ်။
နယူးဂျာစီဒီမိုကရက်တစ်အမတ်များဖြစ်ကြတဲ့ နီလ်လီပူနှင့် ဖရန့်ပယ်လုန်းဂျူနီယာတို့ဟာ လက်မှတ်ဈေးနှုန်းအား လျှော့ချရေး ဖီဖာထံ အိတ်ဖွင့်ပေးစာ ပေးလာတာလည်း ဖြစ်ပါတယ်။
နယူးဂျာစီရှိ MetLife Stadium တွင် ဇူလိုင်လ ၁၉ ရက်နေ့ ဗိုလ်လုပွဲအပြင် ကမ္ဘာဖလားပွဲ ၈ ပွဲလက်ခံကျင်းပသွားမှာ ဖြစ်ပါတယ်။
အိမ်ရှင်အမေရိကန်က MetLife Stadium တွင် ကစားရမှာ မဟုတ်ပေမဲ့ ဘရာဇီး၊ ပြင်သစ်၊ ဂျာမနီ၊ အင်္ဂလန်တို့မှာ ဇွန်လ ၁၃ ရက်နေ့မှ ၂၇ ရက်အတွင်းတွင် နယူးဂျာစီတွင် ပွဲကစားရပါမယ်။
ယင်းပွဲများအတွက် လက်မှတ်ဈေးနှုန်းမှာ ဒေါ်လာ ၂၀၀၀ အထိ မြင့်တက်နေပြီး ဇူလိုင်လ ၁၉ ရက်နေ့ ဗိုလ်လုပွဲအတွက် VIP လက်မှတ်များကိုလည်း ဒေါ်လာ ၃၅၀၀၀ ဖြင့် ရောင်းချနေပါတယ်။
အမေရိကန်ရဲ့အဖွင့်ပွဲအတွက် လက်မှတ်ဈေးနှုန်းမှာ‌ ဒေါ်လာ ၁၀၀၀ အထိ မြင့်တက်နေကြောင်း သိရပြီးနောက် ဒေါ်နယ်ထရမ့်က "အရိုးသားဆုံး ပြောမယ်။ ကျုပ်ကတော့ ဒေါ်လာ ၁၀၀၀ ပေးပြီး ကြည့်မှာ မဟုတ်ပါဘူး"လို့ New York Post သို့ ပြောကြားထားပါတယ်။
ကမ္ဘာ့ဖလားပြိုင်ပွဲအတွက် လက်မှတ်ဈေးနှုန်းမှာ ဒေါ်လာ ၁၀၀၀ သတ်မှတ်ထားခြင်း မရှိပေမဲ့လည်း ဈေးကွက်တောင်းဆိုမှု၊ တည်နေရာတို့အပေါ်တွင်မူတည်ကာ လက်မှတ်ပြန်ရောင်းချတြ့ဈေးကွက်တွင် မြင့်မားနေတာလည်း ဖြစ်ပါတယ်။

ချန်ပီယံရှစ်ပလေးအော့ဖ်ဆီမီးဖိုင်နယ်ပွဲမတိုင်မီ မစ်ဒယ်ဘရော့ရဲ့လေကျင့်ခန်းအစီအစဉ်ကို ဆောက်သမ်တန်စပိုင်က ကင်းထောက်ဗီဒီယိုမှတ်တမ်းရိုက်ကူးမှု ဖြစ်ပွား
======================

ဆောက်သမ်တန်စပိုင်က ပြိုင်ဘက် မစ်ဒယ်ဘရော့အသင်းရဲ့ လေ့ကျင့်ခန်းဆင်းနေမှုများအား ချောင်းမြောင်းဗီဒီယိုခိုးရိုက်ကူးမှု ဖြစ်ပွားကာ ချန်ပီယံရှစ်ပလေးအော့ဖ်ပွဲတွင် SPYGATE 2.0 အဖြစ်အပျက် ဖြစ်လာပါတယ်။
ဆောက်သမ်တန်ဟာ စနေနေ့မှာ ချန်ပီယံရှစ်ပလေးအော့ဖ်ဆီမီးဖိုင်နယ်ပွဲစဉ်အဖြစ် မစ်ဒယ်ဘရော့အား ရေးဗားဆိုက်သို့ သွားရောက် ရင်ဆိုင်ရပါမယ်။
၂၀၁၉ ခုနှစ်တုန်းက မာစယ်လိုဘီရဲလ်ဆာရဲ့ Spygate အဖြစ်အပျက် ဖြစ်ပျက်ပြီးနောက် ဆောက်သမ်တန်ဟာလည်း ကမ်ဟေးလ်ဘတ်ရဲ့ နည်းဗျူဟာများကို သိရှိနိုင်ရေး စပိုင်လုပ်ကင်းထောက်မှု ဖြစ်ပွားလာပါတယ်။
ဒါပေမဲ့ ယင်းအဖြစ်အပျက်ကြောင့် တွန်ဒါအက်ကတ်ရဲ့ဆောက်သမ်တန်ဟာ လိဂ်အကြီးအကဲများရဲ့ ဒေါသထွက်ခြင်းခံလာရဖို့ ရှိနေပါတယ်။
ဆောက်သမ်တန်ပထမအသင်းမှ ဆန်းစစ်လေ့လာသူလို့ ယုံကြည်ရသူတစ်ဦးကို ကြာသပတေးနေ့တုန်းက မစ်ဒယ်ဘရော့ရဲ့ Rockcliffe HQ လေ့ကျင့်ရေးစခန်းရှိ ခြုံပုတ်တွင် ပုန်းအောင်းဟာ ဗီဒီယိုခိုးရိုက်ကူးမှု ပြုလုပ်ခဲ့ပါတယ်။
ယင်းကို ကလပ်တာဝန်ရှိသူများက သိရှိသွားပြီးနောက် ယင်းလူက မည်သူဖြစ်ကြောင်း အတည်ပြုရန် ငြင်းဆိုခဲ့ပါတယ်။ ဒါပေမဲ့ ယင်းလူ ရိုက်ကူးထားတဲ့ ဓာတ်ပုံနှင့် ဗီဒီယိုများကိုမူ ဖျက်ချနိုင်ခဲ့ပါတယ်။
ယင်းလူဟာ လေ့ကျင့်ရေးကွင်းမှ ထွက်ခွာသွားပြီးနောက် အနီးရှိ မစ်ဒယ်ဘရော့ဥက္ကဌစတိဗ်ဂစ်ဘ်ပိုင် Rockliffe Hall Hotel ရဲ့ အိမ်သာခန်းသို့ ဝင်သွားပြီး အဝတ်အစားလဲလှယ်ကာ ယင်းနေရာမှ ထွက်ခွာသွားခဲ့ပါတယ်။
ယင်းလူရဲ့ အချက်အလက်များကို ရှာဖွေစစ်ဆေးမှုများ ပြုလုပ်ရာတွင် ဆောက်သမ်တန်အသင်းရဲ့ ဝန်ထမ်းတစ်ဦး ဖြစ်ကြောင်း သိရပါတယ်။
အင်္ဂလိပ်ဘောလုံးလိဂ်စည်းမျဉ်းအရ ပြိုင်ဘက်အသင်းရဲ့ လေ့ကျင့်ခန်းအစီအစဉ်အား ပွဲမတိုင်မီ ၇၂ နာရီအတွင်း ကင်းထောက်စပိုင်လုပ်မှုက စည်းမျဉ်းချိုးဖောက်ရာ ရောက်နေပါတယ်။
လက်ရှိအချိန်တွင် အင်္ဂလိပ်ဘောလုံးလိဂ်ဟာ စနေနေ့ ပလေးအော့ဖ်ဆီမီးဖိုင်နယ်မတိုင်မီ ပြိုင်ဘက်အသင်းကို လျို့ဝှက်ထောက်လှမ်းမှု ပြုလုပ်ခဲ့မှုအတွက် ဆောက်သမ်တန်အား ရှင်းလင်းချက်တောင်းဆိုထားပါတယ်။
ယခင် ၂၀၁၉ ခုနှစ်တုန်းက လိဒ်နည်းပြမာစယ်လိုဘီရဲလ်ဆာဟာ လိဒ်မှ ဝန်ထမ်းတစ်ဦးအား ဒါဘီကောင်တီရဲ့ လေ့ကျင့်ရေးကွင်းသို့ လျို့ဝှက်စေလွှတ်ကာ စပိုင်ပြုလုပ်ခိုင်းခဲ့ဖူးပါတယ်။
ယင်းအဖြစ်အပျက်ကို အာဂျင်တီးနားဝါရင့်နည်းပြကလည်း ဝန်ခံခဲ့ပြီး ကလပ်မှာ ပေါင် ၂၀၀၀၀၀ ဒဏ်ရိုက်ခြင်းခံခဲ့ရပါတယ်။
ယခု ဆောက်သမ်တန်ဟာလည်း လိဒ်ကဲ့သို့ပင် ဒဏ်ရိုက်ခြင်းခံလာရဖို့ ရှိနေပါတယ်။

အဝတ်အစားလဲခန်းတွင် ဒုတိယအကြိမ်မြောက်အဖြစ် ချူအာမီနီနှင့် ပြဿနာတက်ပြီးနောက် ဆေးရုံတက်ခဲ့ရတဲ့ ဗယ်ဗာဒီ
=======================

ရီးရဲလ်မက်ဒရစ်ဟာ ကလပ်ရဲ့ လေ့ကျင့်ရေးကွင်းတွင် ကစားဖော်အူရယ်လီယန်ချူအာမီနီနှင့် ပြဿနာတက်ကာ ဖီဒီဗယ်ဗာဒီမှာ ခေါင်းဒဏ်ရာရရှိကာ ဆေးရုံတက်ခဲ့ရပြီးနောက် အထက်ပါအဖြစ်အပျက်အား စုံစမ်းစစ်ဆေးမှုများ ပြုလုပ်နေပြီ ဖြစ်ပါတယ်။
ဗယ်ဗာဒီမှာ ဗုဒ္ဓဟူးနေ့တုန်းက လေ့ကျင့်ရေးကွင်းတွင် ချူအာမီနီနှင့် ပြဿနာတက်ခဲ့ကြောင်း ကြာသပတေးနေ့တုန်းက သတင်းထွက်ခဲ့တာပါ။
ဗုဒ္ဓဟူးနေ့တုန်းက ကစားသမား ၂ ဦးတို့ဟာ လေ့ကျင့်ရေးအစီအစဉ်တွင် အချင်းများပြီးနောက် အဝတ်အစားလဲခန်းတွင်လည်း ဆက်လက် ပြဿနာတက်ခဲ့ကြပါတယ်။
ဒါပေမဲ့ နောက်တစ်နေ့တွင် Marca ရဲ့ဖော်ပြမှုအရ ယင်းတို့အကြား ပြဿနာတက်ခဲ့မှုမှာ ပိုမို ပြင်းထန်ခဲ့ကြောင်း ဖော်ပြခဲ့ပါတယ်။
ချူအာမီနီနှင့် ဗယ်ဗာဒီတို့အကြား ပြဿနာတက်ပြီးနောက် ကစားဖော်များက ဝင်ရောက်ထိန်းသိမ်းနိုင်ခဲ့ပေမဲ့လည်း ဥရုဂွေးကွင်းလယ်ကစားသမားမှာ စားပွဲခုံနှင့် ဆောင့်မိကာ ခေါင်းဒဏ်ရာရရှိပြီး ဆေးရုံတက်ခဲ့ရပါတယ်။
ယခုအခါ ရီးရဲလ်မက်ဒရစ်က ဗယ်ဗာဒီမှာ ခေါင်းဒဏ်ရာကြောင့် ၁၀ ရက်မှ ၁၄ ရက်အထိ ကစားနိုင်မှာ မဟုတ်ကြောင်း၊ ကစားသမား ၂ ဦးလုံးကို အရေးယူရေး စုံစမ်းစစ်ဆေးမှုများ ပြုလုပ်နေပြီ ဖြစ်ကြောင်း ကြေညာလာပါတယ်။
နောက်ပိုင်းတွင် ဗယ်ဗာဒီက ၎င်းမှာ ကစားဖော်တစ်ဦးနှင့် သဘောထားကွဲကာ အချင်းများခဲ့ပေမဲ့ ကိုယ်ထိလက်ရောက် ဖြစ်ပွားခဲ့ခြင်း မရှိဘဲ စားပွဲခုံဖြင့် ဆောင့်မိကာ ခေါင်းဒဏ်ရာရရှိခဲ့ခြင်းမျှသာ ဖြစ်ကြောင်း ဆိုသွားပါတယ်။
ဗယ်ဗာဒီက "မနေ့တုန်းက လေ့ကျင့်ရေးကွင်းမှာ ကစားဖော်တစ်ဦးနဲ့ မတော်တဆမှု ဖြစ်ခဲ့တယ်။ ပြိုင်ပွဲတွေကြောင့် ပွဲပန်းတာရယ်၊ စိတ်ပျက်စရာကောင်းတာတွေက အရာအားလုံးကို ပွင့်ထွက်သွားစေခဲ့တယ်။ ဒါက အဝတ်အစားလဲခန်းမှာ ဖြစ်လေ့ဖြစ်ထရှိတဲ့အရာပါ။ ပုံမှန်အားဖြင့်ဆို လူမသိ သူမသိဘဲ ပြီးသွားတတ်တာမျိုးပါ။ တစ်ယောက်ယောက်က သတင်းဖြန့်လိုက်တယ်ဆိုတာ ရှင်းရှင်းလေးပါ။ ဆုဖလားလက်မဲ့ရာသီတစ်ခု ကြုံနေရတာဆိုတော့ ရီးရဲလ်မက်ဒရစ်က အမြဲတမ်းစောင့်ကြည့်ခံနေရတယ်။ အရာအားလုံးလည်း ဟန်ချက်မညီဘဲ ပေါက်ကွဲထွက်နေတယ်။ ဒီကနေ့ ကျွန်တော်တို့အကြား သဘောထားကွဲမှု ဖြစ်ခဲ့တယ်။ အချင်းများနေစဉ်မှာ ကျွန်တော် စားပွဲနဲ့မတော်တဆဆောင့်မိခဲ့တယ်။ နဖူးမှာ အနည်းငယ်ကွဲသွားတယ်။ ဆေးရုံသို့ သွားခဲ့ရတယ်။ ကျွန်တော့်ကစားဖော် လုပ်တာ မဟုတ်ပါဘူး။ ကျွန်တော်တို့လည်း တစ်ယောက်ကိုတစ်ယောက် မထိခဲ့ကြပါဘူး။ အခြေအနေအပေါ်မှာ ထွက်ပေါ်လာတဲ့ ဒေါသ၊ ရာသီသိမ်းချိန်မှာ ကျွန်တော်တို့ထဲက တချို့ ရုန်းကန်ရတာ မြင်ရမှု စတာတွေက ကျွန်တော့်ကို ကစားဖော်နဲ့ အချင်းများအောင် တွန်းပို့လိုက်တာပါ။ စိတ်မကောင်းပါဘူး။ ဒီအခြေအနေက ကျွန်တော့်ကို နာကျင်စေခဲ့တဲ့အတွက် စိတ်မကောင်းပါဘူး။ ဒီအခြေအနေကို ကျွန်တော်တို့ နာကျင်စွာ ကျော်ဖြတ်နေရပါတယ်။ ရီးရဲလ်မက်ဒရစ်က ကျွန်တော့်ဘဝရဲ့အရေးအကြီးဆုံးအရာတွေထဲက တစ်ခုပါ။ ဒါကို လျစ်လျူရှုထားလို့ မရပါဘူး။ ဒီရလဒ်က အဓိပ္ပါယ်မရှိတဲ့ ရန်ပွဲတစ်ခု ဖြစ်လာစေပြီး ကျွန်တော့်ပုံရိပ်ကို ထိခိုက်စေရုံသာမက အဝတ်အစားလဲခန်းကိုလည်း မီးလောင်ရာလေပင့် ဖြစ်လာစေခဲ့ပါတယ်။ ရာသီအကုန်အထိ စကားပြောမှာ မဟုတ်ပါဘူး။ ချန်ပီယံလိဂ်က ထွက်ခွာလိုက်ရပြီးတဲ့နောက် ကျွန်တော့်ဒေါသနဲ့ မကျေနပ်ချက်တွေကို စိတ်ထဲမှာပဲ သိမ်းထားခဲ့တယ်။ ကျွန်တော်တို့ နောက်ထပ် နှစ်တစ်နှစ် အလဟဿ ဖြုန်းတီးပစ်ခဲ့ပြန်ပါပြီ။ ကွင်းထဲမှာ ကွင်းထဲမှာပဲ ပြသရမဲ့အရာကို လူမှုကွန်ရက်မှာ တင်ဖို့ အခြေအနေမျိုးမှာ မရှိခဲ့ပါဘူး။ ဒီလိုပဲ ခံစားနေရတယ်။ ဆေးဘက်ဆိုင်ရာ ဆုံးဖြတ်ချက်ကြောင့် လာမယ့်ပွဲ မ ကစားရလို့ ဒီအခြေအနေကို အနာကျင်ဆုံး၊ စိတ်မကောင်းဖြစ်ဆုံးဖြတ်သန်းရတာ ကျွန်တော်ပါ"လို့ ကြေညာသွားပါတယ်။

သမိုင်းတွင် ပထမဆုံးအကြိမ်အဖြစ် ဥရောပပြိုင်ပွဲ ၃ ရပ်လုံးရဲ့ ဗိုလ်လုပွဲသို့ အင်္ဂလိပ်ကလပ်များ တက်ရောက်
====================

အင်္ဂလိပ်ကလပ်များဟာ ပထမဆုံးအကြိမ်အဖြစ် တစ်ရာသီတည်းတွင် ကွဲပြားတဲ့ ဥရောပပြိုင်ပွဲ ၃ ရပ်လုံးရဲ့ ဗိုလ်လုပွဲသို့ တက်ရောက်နိုင်ခဲ့ကြပါတယ်။
အာဆင်နယ်က အင်္ဂါနေ့တုန်းက အက်သလက်တီကိုအား နှစ်ကျော့ပေါင်းရလဒ် ၂-၁ ဖြင့် အနိုင်ရရှိကာ ချန်ပီယံလိဂ်ဗိုလ်လုပွဲသို့ တက်ရောက်နိုင်ခဲ့ပြီးနောက် အက်စတွန်ဗီလာနှင့် ခရစ္စတယ်ပဲလေ့စ်တို့ကလည်း မနေ့ညတုန်းက ဥရောပပြိုင်ပွဲများတွင် အသီးသီး ဗိုလ်လုပွဲသို့ တက်ရောက်နိုင်ခဲ့ပါတယ်။
အူနိုင်းအမ်မရီရဲ့ အက်စတွန်ဗီလာဟာ ပထမအကျော့တုန်းက နော်တင်ဟမ်ဖောရက်စ်ကို ၁-၀ ဂိုးဖြင့် အရေးနိမ့်ခဲ့ပေမဲ့ မနေ့ညတုန်းက ဗီလာပါ့ခ်ပွဲစဉ်တွင် ပြန်လည် အနိုင်ယူကာ နှစ်ကျော့ပေါင်းရလဒ် ၄-၁ ဖြင့် ယူရိုပါလိဂ်ဗိုလ်လုပွဲသို့ တက်ရောက်နိုင်ခဲ့ပါတယ်။
နှစ်ပေါင်း ၃၀ ကြာ ဖလားလက်မဲ့ဖြစ်နေတဲ့ ဗီလာဟာ မေလ ၂၀ ရက်နေ့မှာ အစ္စတန်ဘူလ်မှာ ဘွန်ဒက်စ်လီဂါကလပ်ဖရိုင်းဘတ်နှင့် ယူရိုပါလိဂ်ဗိုလ်လုပွဲ ကစားရပါမယ်။
တဖက်တွင် ခရစ္စတယ်ပဲလေ့စ်မှာလည်း ယူကရိန်းကလပ် ရှက်တာဒိုးနက်စ်ကို နှစ်ကျော့လုံး ၂-၁၊ ၃-၁ တို့ဖြင့် အသီးသီး အနိုင်ယူကာ ကွန်ဖရင့်လိဂ်ဗိုလ်လုပွဲသို့ တက်ခဲ့ပါတယ်။
ခရစ္စတယ်ပဲလေ့စ်ဟာ မေလ ၂၇ ရက်နေ့ ကွန်ဖရင့်လိဂ်ဗိုလ်လုပွဲတွင် လာလီဂါကလပ် ရာယိုဗယ်လီကာနိုနှင့် ရင်ဆိုင်ကစားရပါမယ်။
ကွန်ဖရင့်လိဂ်မှာ လွန်ခဲ့တဲ့နှစ်ကမှ စတင်ကျင်းပလာခဲ့တာ ဖြစ်ပြီး ဥရောပရဲ့တတိယတန်းပြိုင်ပွဲဆိုရင်လည်း မမှားပါဘူး။
ပြီးခဲ့တဲ့ရာသီတုန်းက အင်္ဂလိပ်ကလပ်များဖြစ်ကြတဲ့ ချဲလ်ဆီး၊ ယူနိုက်တက်၊ စပါးစ်တို့ဟာ ကွန်ဖရင့်လိဂ်နှင့် ယူရိုပါလိဂ်ဗိုလ်လုပွဲသို့ တက်ခဲ့ကြပါတယ်။ ဒါပေမဲ့ အာဆင်နယ်မှာ ချန်ပီယံလိဂ်ဆီမီးဖိုင်နယ်တွင် ပီအက်စ်ဂျီကို ရှုံးနိမ့်ပြီးနောက် ချန်ပီယံလိဂ်ဗိုလ်လုပွဲကိုတော့ မတက်ရောက်နိုင်ခဲ့ပါဘူး။
၂၀၂၁ ခုနှစ်တုန်းက ချဲလ်ဆီးက မန်စီးတီးကို ကိုင်ဟာဗတ်ဇ်ရဲ့တစ်လုံးတည်းသော အနိုင်ဂိုးဖြင့် အနိုင်ယူကာ ချန်ပီယံလိဂ်ဖလား ဆွတ်ခူးခဲ့ပြီး ယူနိုက်တက်မှာ ယူရိုပါလိဂ်ဗိုလ်လုပွဲတွင် အရေးနိမ့်ခဲ့ပါတယ်။
၂၀၁၉ ခုနှစ်တွင် လီဗာပူးက စပါးစ်ကို ချန်ပီယံလိဂ်ဗိုလ်လုပွဲတွင် အနိုင်ယူခဲ့ပြီး ချဲလ်ဆီးကလည်း ယင်းအပတ်တွင်ပင် ဘာကူးမှာ အာဆင်နယ်ကို အနိုင်ယူကာ ယူရိုပါလိဂ်ဖလား ဆွတ်ခူးခဲ့ပါတယ်။
၂၀၀၆ ခုနှစ်တုန်းကလည်း အာဆင်နယ်က ချန်ပီယံလိဂ်ဗိုလ်လုပွဲတွင် ဘာစီလိုနာကို ရှုံးနိမ့်ခဲ့သလို မစ်ဒယ်ဘရော့ကလည်း ယူအီးအက်ဖ်အေဖလားဗိုလ်လုပွဲတွင် ဆီဗီလာကို အရေးနိမ့်ခဲ့ပါတယ်။
ယခင်တုန်းက အီတလီကလပ်များဟာလည်း ဥရောပပြိုင်ပွဲ ၃ ရပ်လုံးရဲ့ ဗိုလ်လုပွဲသို့ တက်ခဲ့ဖူးပါတယ်။ နောက်ဆုံးဖြစ်ခဲ့တာ ၂၀၂၃ ခုနှစ်တုန်းက ဖြစ်ပါတယ်။ ဒါပေမဲ့ အင်တာမီလန်က ချန်ပီယံလိဂ်ဗိုလ်လုပွဲတွင် အရေးနိမ့်ခဲ့သလို ရိုးမားကလည်း ယူရိုပါလိဂ်ဗိုလ်လုပွဲတွင် ရှုံးနိမ့်ခဲ့ကာ ဖီအိုရင်တီးနားကလည်း ကွန်ဖရင့်လိဂ်ဗိုလ်လုပွဲတွင် အရေးနိမ့်ခဲ့ပါတယ်။

တစ်ဂိုးတည်းသွင်းပြီး လက်စတာရဲ့ တစ်နှစ်တာအကောင်းဆုံးဂိုးဆုတင်ကမ အကောင်းဆုံးကစားသမားဆုကိုပါ ရယူလာတဲ့ ဘောလုံးလောကရဲ့ ဆွဲဆောင်မှုအရှိဆုံးဘောလုံးမယ်
==================

အလီရှာလေမန်းဟာ ယခုရာသီတွင် လက်စတာအမျိုးသမီးအသင်းအတွက် ၅ ပွဲတည်းပဲ ပွဲထွက်ကစားခွင့် ရရှိခဲ့ရာမှာ ၁ ဂိုးတည်းသာ သွင်းယူနိုင်ခဲ့ပေမဲ့ လက်စတာရဲ့ တစ်နှစ်တာအကောင်းဆုံးကစားသမားဆုအပြင် တစ်နှစ်တာအကောင်းဆုံးဂိုးဆုကိုပါ ဆွတ်ခူးလာပါတယ်။
အသက် ၂၇ နှစ်ရှိ ဆွစ်ဇာလန်လက်ရွေးစင်ဟာ ဘောလုံးလောကရဲ့ ဆွဲဆောင်မှုအရှိဆုံးဘောလုံးမယ်အဖြစ် သတ်မှတ်ခံထားရသူပါ။
သူမဟာ ဂျူဗင်တပ်၊ ကိုမိုတို့တွင် ကစားပြီးနောက် ၂၀၂၆ ခုနှစ် ဇန်နဝါရီလတွင် လက်စတာသို့ ပြန်လည်ပြောင်းလာခဲ့သူ ဖြစ်ပါတယ်။
သူမဟာ လက်စတာရဲ့ အမျိုးသမီးစူပါလိဂ်တွင် ၉ ပွဲတည်း ကစားခဲ့ရာမှာ ၁ ဂိုးတည်းပဲ သွင်းနိုင်ခဲ့ပါတယ်။
လက်စတာအတွက် သူမကစားတဲ့ပွဲတိုင်း ရှုံးပွဲကြုံခဲ့ပေမဲ့လည်း ပရိသတ်တွေကတော့ သူမအပေါ် အချစ်မလျှော့ကြပါဘူး။
ဒါကြောင့်လည်း သူမဟာ လက်စတာပရိသတ်များရဲ့ မဲအဆုံးအဖြတ်ဖြင့် ရွေးချယ်တဲ့ တစ်နှစ်တာအကောင်းဆုံးကစားသမားဆုအပြင် မတ်လတုန်းက အသင်းဟောင်းဗီလာဘက်သို့ သွင်းယူတဲ့ တစ်လုံးတည်းသော ဂိုးဖြင့် အကောင်းဆုံးဂိုးဆုကိုပါ ရယူလာနိုင်ခဲ့ပါတယ်။

တစ်ဂိုးတည်းသွင်းပြီး လက်စတာရဲ့ တစ်နှစ်တာအကောင်းဆုံးဂိုးဆုတင်ကမ အကောင်းဆုံးကစားသမားဆုကိုပါ ရယူလာတဲ့ ဘောလုံးလောကရဲ့ ဆွဲဆောင်မှုအရှိဆုံးဘောလုံးမယ်
==================

အလီရှာလေမန်းဟာ ယခုရာသီတွင် လက်စတာအမျိုးသမီးအသင်းအတွက် ၅ ပွဲတည်းပဲ ပွဲထွက်ကစားခွင့် ရရှိခဲ့ရာမှာ ၁ ဂိုးတည်းသာ သွင်းယူနိုင်ခဲ့ပေမဲ့ လက်စတာရဲ့ တစ်နှစ်တာအကောင်းဆုံးကစားသမားဆုအပြင် တစ်နှစ်တာအကောင်းဆုံးဂိုးဆုကိုပါ ဆွတ်ခူးလာပါတယ်။
အသက် ၂၇ နှစ်ရှိ ဆွစ်ဇာလန်လက်ရွေးစင်ဟာ ဘောလုံးလောကရဲ့ ဆွဲဆောင်မှုအရှိဆုံးဘောလုံးမယ်အဖြစ် သတ်မှတ်ခံထားရသူပါ။
သူမဟာ ဂျူဗင်တပ်၊ ကိုမိုတို့တွင် ကစားပြီးနောက် ၂၀၂၆ ခုနှစ် ဇန်နဝါရီလတွင် လက်စတာသို့ ပြန်လည်ပြောင်းလာခဲ့သူ ဖြစ်ပါတယ်။
သူမဟာ လက်စတာရဲ့ အမျိုးသမီးစူပါလိဂ်တွင် ၉ ပွဲတည်း ကစားခဲ့ရာမှာ ၁ ဂိုးတည်းပဲ သွင်းနိုင်ခဲ့ပါတယ်။
လက်စတာအတွက် သူမကစားတဲ့ပွဲတိုင်း ရှုံးပွဲကြုံခဲ့ပေမဲ့လည်း ပရိသတ်တွေကတော့ သူမအပေါ် အချစ်မလျှော့ကြပါဘူး။
ဒါကြောင့်လည်း သူမဟာ လက်စတာပရိသတ်များရဲ့ မဲအဆုံးအဖြတ်ဖြင့် ရွေးချယ်တဲ့ တစ်နှစ်တာအကောင်းဆုံးကစားသမားဆုအပြင် မတ်လတုန်းက အသင်းဟောင်းဗီလာဘက်သို့ သွင်းယူတဲ့ တစ်လုံးတည်းသော ဂိုးဖြင့် အကောင်းဆုံးဂိုးဆုကိုပါ ရယူလာနိုင်ခဲ့ပါတယ်။

တစ်ဂိုးတည်းသွင်းပြီး လက်စတာရဲ့ တစ်နှစ်တာအကောင်းဆုံးဂိုးဆုတင်ကမ အကောင်းဆုံးကစားသမားဆုကိုပါ ရယူလာတဲ့ ဘောလုံးလောကရဲ့ ဆွဲဆောင်မှုအရှိဆုံးဘောလုံးမယ်
==================

အလီရှာလေမန်းဟာ ယခုရာသီတွင် လက်စတာအမျိုးသမီးအသင်းအတွက် ၅ ပွဲတည်းပဲ ပွဲထွက်ကစားခွင့် ရရှိခဲ့ရာမှာ ၁ ဂိုးတည်းသာ သွင်းယူနိုင်ခဲ့ပေမဲ့ လက်စတာရဲ့ တစ်နှစ်တာအကောင်းဆုံးကစားသမားဆုအပြင် တစ်နှစ်တာအကောင်းဆုံးဂိုးဆုကိုပါ ဆွတ်ခူးလာပါတယ်။
အသက် ၂၇ နှစ်ရှိ ဆွစ်ဇာလန်လက်ရွေးစင်ဟာ ဘောလုံးလောကရဲ့ ဆွဲဆောင်မှုအရှိဆုံးဘောလုံးမယ်အဖြစ် သတ်မှတ်ခံထားရသူပါ။
သူမဟာ ဂျူဗင်တပ်၊ ကိုမိုတို့တွင် ကစားပြီးနောက် ၂၀၂၆ ခုနှစ် ဇန်နဝါရီလတွင် လက်စတာသို့ ပြန်လည်ပြောင်းလာခဲ့သူ ဖြစ်ပါတယ်။
သူမဟာ လက်စတာရဲ့ အမျိုးသမီးစူပါလိဂ်တွင် ၉ ပွဲတည်း ကစားခဲ့ရာမှာ ၁ ဂိုးတည်းပဲ သွင်းနိုင်ခဲ့ပါတယ်။
လက်စတာအတွက် သူမကစားတဲ့ပွဲတိုင်း ရှုံးပွဲကြုံခဲ့ပေမဲ့လည်း ပရိသတ်တွေကတော့ သူမအပေါ် အချစ်မလျှော့ကြပါဘူး။
ဒါကြောင့်လည်း သူမဟာ လက်စတာပရိသတ်များရဲ့ မဲအဆုံးအဖြတ်ဖြင့် ရွေးချယ်တဲ့ တစ်နှစ်တာအကောင်းဆုံးကစားသမားဆုအပြင် မတ်လတုန်းက အသင်းဟောင်းဗီလာဘက်သို့ သွင်းယူတဲ့ တစ်လုံးတည်းသော ဂိုးဖြင့် အကောင်းဆုံးဂိုးဆုကိုပါ ရယူလာနိုင်ခဲ့ပါတယ်။