မန်စီးတီးနှင့် ချန်ပီယံလိဂ်ပွဲစဉ်တွင် ဘက်ပေး ပါဝင်ကစားနိုင်ရေး ရီးရဲလ်မက်ဒရစ် လက်မလျှော့သေး
=====================
ကိုင်လီယန်ဘက်ပေးဟာ မန်စီးတီးနှင့် ချန်ပီယံလိဂ် ၁၆ သင်း ရှုံးထွက်အဆင့် ပထမအကျော့ပွဲစဉ်အမီ ကြံ့ခိုင်မှုပြည့်ဝရေး အပြင်းအထန် လုပ်ဆောင်နေပါတယ်။

ပြင်သစ်စူပါစတားဟာ မွေးရပ်မြေ ပြင်သစ်တွင် ဘယ်ဖက်ဒူးဒဏ်ရာကို ရက်အတန်ကြာ ဆေးကုသမှုများ ပြုလုပ်ပြီးနောက် တနင်္ဂနွေနေ့တုန်းက မက်ဒရစ်သို့ ပြန် ရောက်လာခဲ့ပါတယ်။

သူဟာ ဗုဒ္ဓဟူးနေ့တွင် ဘာနေဗျူးတွင် ကစားရမယ့် မန်စီးတီးနှင့်ပွဲတွင် ပါဝင်ကစားရန် မရေမရာ ဖြစ်နေပေမယ့်လည်း ရီးရဲလ်မက်ဒရစ်ကတော့ ဒဏ်ရာအခြေအနေ တိုးတက်မှုကို အချိန်ပြည့်စောင့်ကြည့်ကာ အသုံးပြုနိုင်ရေး လက်လျှော့ကြခြင်း မရှိသေးပါဘူး။

ရီးရဲလ်မက်ဒရစ်ဟာ ဘက်ပေးအား ယနေ့ တနင်္လာနေ့နှင့် မနက်ဖြန် တနင်္လာနေ့တို့တွင် လေ့ကျင့်ခန်း ပြုလုပ်လာစေမှာ ဖြစ်ပြီး ဗုဒ္ဓဟူးနေ့ ဂွါဒီယိုလာရဲ့ မန်စီးတီးနှင့် ပွဲစဉ်တွင် ပါဝင် ကစားနိုင်ခြင်း ရှိ/မရှိ စစ်ဆေးမှု ပြုလုပ်လာပါမယ်။

တဖက်တွင် စပိန်မီဒီယာများရဲ့ ဖော်ပြလာမှုအရ ဘက်ပေးဟာ ပြင်သစ်တွင် ဆေးကုသမှု ခံယူစဉ်အတွင်း ဒဏ်ရာအခြေအနေ တိုးတက်မှု ရှိခဲ့မှုနှင့်အတူ ရီးရဲလ်မက်ဒရစ်အနေဖြင့် မန်စီးတီးနှင့်ပွဲတွင် အရဲစွန့် အသုံးပြုလာနိုင်ခြေ ရှိတယ်လို့လည်း ဖော်ပြနေကြပါတယ်။

ဒါ့အပြင် ဘက်ပေးကိုယ်တိုင်ကလည်း မန်စီးတီးနှင့်ပွဲတွင် ပါဝင်ကစားရန် စိတ်အားထက်သန်နေပါတယ်။

ရီးရဲလ်မက်ုရစ်နည်းပြအာဘီလိုအာမှာလည်း အင်္ဂါနေ့ညနေပိုင်း လေ့ကျင့်ခန်း အစီအစဉ် မစတင်မီ အချိန်တွင် ဘက်ပေးအား မန်စီးတီးနှင့်ပွဲတွင် အသုံးပြုရေးကို ဆုံးဖြတ်လာဖို့ ရှိပါတယ်။

အာရှဖလားပြိုင်ပွဲတွင် သတ္တိရှိရှိ သပိတ်မှောက်ခဲ့ကြပြီးနောက် အီရန်သို့ ပြန်ချိန်တွင် သေဒဏ်အပေးခံရမှာ စိုးလို့ အကူအညီတောင်းခံလာတဲ့ အီရန်အမျိုးသမီးအသင်း
==================
အီရန်အမျိုးသမီးလက်ရွေးစင်အသင်းဟာ မိခင်နိုင်ငံ အီရန်သို့ ပြန်ရောက်ချိန်တွင် ထောင်ဒဏ် (သို့မဟုတ်) သေဒဏ်အပေးခံရရန် စိုးရိမ်နေကြမှုနှင့်အတူ အကူအညီပေးရန် တောင်းခံလာသလို ၂၀၀ ဝန်းကျင်တို့ကလည်း ဆန္ဒပြမှု ပြုလုပ်ခဲ့ပါတယ်။

အီရန်အမျိုးသမီးအသင်းဟာ ဩစတြေးလျတွင် ကျင်းပနေတဲ့ အာရှအမျိုးသမီးဖလားပြိုင်ပွဲတွင် ပါဝင်ယှဉ်ပြိုင်ခဲ့တာ ဖြစ်ပြီး တနင်္ဂနွေနေ့ညတုန်းက ဖီလစ်ပိုအား ၂-၀ ဂိုးဖြင့် ရှုံးနိမ့်ပြီးနောက် ပြိုင်ပွဲမှ ထွက်ခွာခဲ့ရပါတယ်။

ဖီလစ်ပိုင်နှင့်ပွဲအပြီးတွင် ဆန္ဒပြသူ ၂၀၀ ဝန်းကျင်ခန့်တို့ဟာ အီရန်အသင်းဘတ်စ်ကားပတ်ဝန်းကျင်သို့ လာရောက်ကာ 'let them go'လို့ အော်ဟစ်ခဲ့ကြပါတယ်။ ယင်းသို့ ဆန္ဒပြမှုအား ရဲတပ်ဖွဲ့ဝင်များက ဝင်ရောက် ထိန်းသိမ်းခဲ့ရပါတယ်။

ယင်းအချိန်တွင် ဘတ်စ်ကားအတွင်းတွင် ရှိနေတဲ့ အနည်းဆုံး အီရန်ကစားသမား ၁ ဦးက ဖုန်းမှ တဆင့် SOS အချက်ပြမီးပြကာ အကူအညီတောင်းခံခဲ့ပါတယ်။

ဒါ့အပြင် သူမဟာ လက်မကို လက်ထဲထည့်ဆုပ်ပြီး အကူအညီပေးရန်လည်း တောင်းဆိုခဲ့ပါတယ်။

ကစားသမားတစ်ဦးကလည်း ဆန္ဒပြသူများအား အသည်းပုံသဏ္ဍာန်ပြုလုပ်ပြခဲ့ပါသေးတယ်။

အီရန်အမျိုးသမီးအသင်းဟာ အီရန်နှင့် အမေရိကန်စစ်ပွဲမတိုင်မီကတည်းက ဩစတြေးလျသို့ အာရှဖလားပြိုင်ပွဲ ယှဉ်ပြိုင်ရန် ရောက်ရှိနေခဲ့တာပါ။

၎င်းတို့ဟာ ပြီးခဲ့တဲ့အပတ်တနင်္လာနေ့တုန်းက တောင်ကိုရီးယားကို ရှုံးနိမ့်တဲ့ အဖွင့်ပွဲစဉ်တွင် နိုင်ငံတော်သီချင်းသီဆိုခြင်း မပြုလုပ်ဘဲ ဆန္ဒပြ သပိတ်မှောက်မှု ပြုလုပ်ခဲ့ပါတယ်။

ယင်းသို့ သပိတ်မှောက်မှုအား အီရန်အစိုးရပိုင် ရုပ်သံဌာနက ရှက်စရာအကောင်းဆုံးလုပ်ရပ်၊ သစ္စာဖောက်မှုအဖြစ် ရှုံ့ချခဲ့ပါတယ်။

ယင်းသို့ အခြေအနေကြောင့် အီရန်အမျိုးသမီးအသင်းဟာ အီရန်သို့ ပြန်ရောက်ချိန်တွင် ထောင်ဒဏ်ချမှတ်ခြင်း (သို့မဟုတ်) သေဒဏ်ပေးခံရခြင်းတို့ ကြုံလာရမှာ စိုးရိမ်နေရပါတယ်။

အီရန်ဥပဒေအရ နိုင်ငံတော်ပုန်ကန်မှုနှင့် အဂတိလိုက်စားမှုအား သေဒဏ်အထိ ပေးနိုင်ပါတယ်။

တဖက်တွင် အီရန်အသင်းနည်းပြမာဇီယာဂျာဖာရီက အာရှဖလားပြိုင်ပွဲမှ ထွက်ခွာရမှုနှင့်အတူ အီရန်အသင်းမှာ မိခင်နိုင်ငံသို့ ပြန်ရတော့မှာ ဖြစ်ကြောင်း အတည်ပြု ကြေညာထားပါတယ်။

ပရီးမီးယားလိဂ်ရဲ့ စည်းမျဉ်းသစ်အား အကန့်အသတ်အဆုံးအထိ အသုံးပြုနေတဲ့ ယူနိုက်တက်ဂိုးသမားလမ်မန်
====================
ယူနိုက်တက်ဂိုးသမားဆန်နီလမ်မန်ဟာ ပရီးမီးယားလိဂ်ရဲ့ စည်းမျဉ်းသစ်အား အကန့်အသတ်အဆုံးအထိ အသုံးပြုနေကြောင်း တွေ့ရပါတယ်။

ဘယ်လ်ဂျီယံဂိုးသမားဟာ နွေရာသီတွင် ယူနိုက်တက်သို့ ရောက်လာတာ ဖြစ်ပြီး ယင်းအချိန်တွင် ပရီးမီးယားလိဂ်တွင် စည်းမျဉ်းသစ်စတင် အသုံးပြုလာနေပါတယ်။

အသက် ၂၃ နှစ်ရှိ ဂိုးသမားဟာ နွေရာသီတွင် ရွိုင်ယန်အန့်ဝတ်မှ ပေါင် ၁၈.၂ သန်းဖြင့် ပြောင်းလာပြီးနောက် ယူနိုက်တက်ရဲ့ ချွင်းချက်မရှိ နံပါတ် ၁ နေရာအား အသုံးပြုနေပါတယ်။

ပရီးမီးယားလိဂ်ဟာ ယခုရာသီမှ စတင်ကာ ဂိုးသမားများ ဘောလုံးအား လက်တွင် ကိုင်ထားတဲ့ အချိန်ပမာဏအား ၈ စက္ကန့်အထိသာ ခွင့်ပြုခဲ့ပါတယ်။

ယခင်တုန်းက ပရီးမီးယားလိဂ်တွင် ဂိုးသမားများအား ၆ စက္ကန့်သာ ဘောလုံးကိုင်ခွင့်ပေးထားပေမယ့်လည်း အရေးယူမှု မရှိပါဘူး။

စည်းမျဉ်ူးသစ်တွင်တော့ ဂိုးသမားဟာ ဘောလုံးအား ၈ စက္ကန့်ထက် ပိုပြီး ကိုင်လာပါက အချိန်ဖြုန်းတီးမှုဖြင့် ပြိုင်ဘက်အသင်းအား ထောင့်ကန်ဘော ပေးတဲ့ အရေးယူမှု ပြုလုပ်လာပါတယ်။

ဒါပေမယ့် လမ်မန်ဟာ ပရီးမီးယားလိဂ်တွင် အခြားဂိုးသမားများထက် ဘောလုံးကိုင်ဆောင်ကာ စည်းမျဉ်းအား ပါးနပ်စွာ ကျော်ဖြတ်နေကြောင်း တွေ့ရပါတယ်။

The Athletic ရဲ့ ဖော်ပြလာမှုအရ လမ်မန်ဟာ ဘောလုံးအား ပျမ်းမျှ ၇.၆၈ စက္ကန့်အထိ ထားကြောင်း တွေ့ရကာ စည်းမျဉ်းအား ရိုက်ချိုးရန် ဝ.၃၂ စက္ကန့်သာ ကွာဟကြောင်း တွေ့ရပါတယ်။

သူဟာ ပရီးမီးယားလိဂ်တွင် ဘောလုံးအကြာဆုံး ကိုင်ဆောင်ထားတဲ့ ဂိုးသမားအဖြစ် ရပ်တည်နေတာလည်း ဖြစ်ပါတယ်။

ဘယ်ဂျီယံဂိုးသမားဟာ ယခုရာသီတွင် ပရီးမီးယားလိဂ်ပွဲ ၂၃ ပွဲကစားထားရာတွင် ၅ ပွဲ ဂိုးမပေးထားရကာ ဂိုး +၁၁ ရရှိအောင် ကူညီပေးထားပါတယ်။

ယူနိုက်တက်ဟာ ပြီးခဲ့တဲ့ရာသီတုန်းက ယခုကဲ့သို့ ကာလမျိုးတွင် ဂိုး -၃ ရရှိထားခဲ့တာပါ။

ဘောလုံးကို အချိန်အနည်းဆုံးကိုင်တတ်တဲ့ ဂိုးသမားအဖြစ် နယူးကာဆယ်ဂိုးသမားနစ်ပုပ်က ၃.၃၃ စက္ကန့်တည်းသာ ကိုင်ထားကြောင်းလည်း အံ့ဩသင့်ဖွယ်တွေ့ရပါတယ်။

အင်္ဂလန်ဂိုးသမားဟာ ဘောလုံးအား ဖမ်းမိပြီးပါက ချက်ချင်းပင် ကန်တင်ခြင်း (သို့မဟုတ်) လက်ဖြင့် ပစ်ပေးခြင်း ပြုလုပ်နေတာလည်း ဖြစ်ပါတယ်။

ခရူဇီယိုနှင့် အက်သလက်တီကိုမီနိုင်းရိုးတို့ရဲ့ Campeonato Mineiro ဗိုလ်လုပွဲတွင် နှစ်ဖက်အသင်းသားများ ခိုက်ရန် ဖြစ်ပွားမှုကြောင့် ကစားသမား ၂၃ ဦးအထိ အနီကတ်ပြသခြင်းခံရ
===================
ဘရာဇီးကလပ်များဖြစ်ကြတဲ့ ခရူဇီယိုနှင့် အက်သလက်တီကိုမီနိုင်းရိုးတို့ရဲ့ Campeona to Mineiro ဗိုလ်လုပွဲစဉ်တွင် နှစ်ဖက်ကစားသမားများ ရုန်းရင်းဆန်ခတ် ဖြစ်ပြီးနောက် ကစားသမား ၂၃ ဦးအထိ အနီကတ်ပြသမှု ပြုလုပ်ခဲ့ရပါတယ်။

အဆိုပါပွဲစဉ်တွင် ဘရာဇီးနည်းပြဟောင်းတီတီကိုင်တွယ်နေတဲ့ ခရူဇီယိုက ကိုင်အိုဂျော့ သွင်းယူတဲ့ တစ်လုံးတည်းသော အနိုင်ဂိုးဖြင့် ၁-၀ ဖြင့် အနိုင်ရရှိကာ ၂၀၁၉ ခုနှစ်နောက်ပိုင်း ပထမဆုံးအကြိမ်အဖြစ် Minas Gerais ပြည်နယ်ချန်ပီယံ ဖြစ်လာပါတယ်။

ဒါပေမယ့် ပွဲပြီးခါနီးတွင် ပွဲမှာ ရုပ်ဆိုးအကျည်းတန်စွာ ရုန်းရင်းဆန်ခတ်ဖြစ်ခဲ့ပြီး လုံခြုံရေးဝန်ထမ်းများ၊ ရဲတပ်ဖွဲ့ဝင်များ ဝင်ရောက် ထိန်းသိမ်းခဲ့ရပါတယ်။

ယင်းဖြစ်ရပ်ကြောင့် အက်သလက်တီကိုမီနိုင်းရိုးရဲ့ ဘရာဇီးတိုက်စစ်မှူးဟော့ခ်အပါအဝင် ကစားသမား ၂၃ ဦးအထိ အနီကတ်ပြသခြင်းခံခဲ့ရပါတယ်။

အထက်ပါ ရုန်းရင်းဆန်ခတ်မှုမှာ အက်သလက်တီကိုဂိုးသမားအီဗာဆင်က ခရူဇီယိုအလယ်တန်းကစားသမားခရစ္စတီယန်ကို တွန်းလဲခဲ့တဲ့အပြင် ရင်ဘတ်ကိုလည်း ဒူးဖြင့် ထောက်ထားခဲ့ရာမှ စတင်ခဲ့ရတာပါ။

ယင်းနောက်မှာတော့ ခရစ္စတီယန်ရဲ့ကစားဖော်များက အီဗာဆင်ကို တွန်းထိုးမှုများ ပြုလုပ်ခဲ့ကြပြီး ကစားသမားများ အလုံးအရင်းဖြင့် ပါဝင်လာကာ လုံခြုံရေးဝန်ထမ်းများ ကြားဝင် ထိန်းသိမ်းခဲ့ရပါတယ်။

ဒိုင်လူကြီးမားသီးယပ်စ်ဒယ်ဂါဒိုကန်ဒန်ကန်ဟာ ကစားသမား ၂၃ ဦးအထိ အနီကတ်ပြသခဲ့ကြောင်း Globo ရဲ့ဖော်ပြမှုအရ သိရပါတယ်။

ခရူဇီယိုဘက်မှ အနိုင်ဂိုးရှင်ဂျော့အပါအဝင် ကစားသမား ၁၂ ဦးအနီကတ်ပြသခြင်းခံခဲ့ရပြီး အက်သလက်တီကိုဘက်မှ အနီကတ်ပြသခြင်းခံရတဲ့ ကစားသမား ၁၁ ဦးတွင် ဖောရက်စ်နောက်တန်းအစွန်လူရီနန်လိုဒီနှင့် ဟော့ခ်တို့လည်း ပါဝင်ပါတယ်။

ပွဲအပြီးတွင် ဟော့ခ်က ယင်းမတော်တဆမှုအတွက် နောင်တရကြောင်း။ ၎င်းတို့မှာ အားလုံးရဲ့ စံပြအဖြစ် ပြုမူနေထိုင်သင့်ကြောင်း ဆိုသွားပါတယ်။

အက်သလက်တီကိုရော ခရူဇီယိုပါ ယခုရာသီတွင် ဘရာဇီးစီးရီးအေတွင် နိုင်ပွဲ မရရှိသေးဘဲ အဆင့် ၁၇ နှင့် အဆင့် ၁၉ နေရာမှာ ရပ်တည်နေကြပါတယ်။

ဂျာမန်ဘောလုံးပွဲတစ်ပွဲတွင် VAR မော်နီတာကို မျက်နှာဖုံးစွပ် ပရိသတ်တစ်ဦးက ပလပ်ပေါက်ဖြုတ်မှု ဖြစ်ပွား
====================
မျက်နှာဖုံးစွပ်ထားတဲ့ ပရိသတ်တစ်ဦးဟာ တနင်္ဂနွေနေ့တုန်းက ဂျာမန်ဒုတိယတန်းပွဲစဉ်တွင် ဒိုင်လူကြီးက ကွင်းဘေးရှိ မော်နီတာတွင် ပင်နယ်တီပေးရေး စစ်ဆေးမှု ပြုလုပ်နိုင်ခြင်း မရှိစေရန်အတွက် ပလပ်ပေါက်ဖြုတ်ထားခဲ့တဲ့ ဖြစ်ရပ် ဖြစ်ပွားခဲ့ပါတယ်။

Preussen Munste က အိမ်ကွင်းတွင် ဟာသာဘာလင်ကို ၂-၁ ဖြင့် ရှုံးနိမ့်တဲ့ပွဲစဉ်ရဲ့ ပထမပိုင်းပြီးခါနီးတွင် ဖြစ်ပျက်ခဲ့တာပါ။

ဒိုင်လူကြီးဖီးလစ်ဘစ်ကယ်ဟာ VAR ရဲ့ ညွှန်ကြားချက်ဖြင့် ကွင်းဘေးရှိ မော်နီတာတွင် အဖြစ်အပျက်ကို စစ်ဆေးရန် သွားရောက်ချိန်မှာတော့ မျက်နှာအမည်းဖြင့် ကြိုဆိုခြင်းခံခဲ့ရပါတယ်။

ဘစ်ကယ်ဟာ အဖြစ်အပျက်ကို ကြည့်ရှုစစ်ဆေးနိုင်ခြင်း မရှိမှုနှင့်အတူ VAR ဒိုင်တွေရဲ့ ဆုံးဖြတ်ချက်ကို ရယူခဲ့ပါတယ်။ VAR ဒိုင်ကာထရန်းရာဖယ်စကီးက ယင်းအဖြစ်အပျက်ကို ပြစ်ဒဏ်ဘောအဖြစ် သတ်မှတ်ကာ ဟာသာဘာလင်ဘက်သို့ ပင်နယ်တီပေးခဲ့ပြီး ဂိုးရရှိသွားခဲ့ပါတယ်။

Preussen Munste က မျက်နှာဖုံးစွပ်ထားတဲ့ ပရိသတ်တစ်ဦးက ကွင်းအတွင်း ကျူးကျော် ဝင်ရောက်လာပြီးနောက် VAR မော်နီတာကို ပလပ်ဖြုတ်ထားခဲ့ခြင်းဖြစ်ကြောင်းနှင့် ယင်းပရိသတ်အား ဖော်ထုတ်နိုင်ရေး စုံစမ်းစစ်ဆေးမှုများ ပြုလုပ်သွားမည်ဖြစ်ကြောင်း ကြေညာသွားပါတယ်။

ဒိုင်လူကြီးနှင့်ပတ်သက်ပြီး မှတ်ချက်ပြုစကားကြောင့် ပေါင် ၈၀၀၀၀ ဒဏ်ရိုက်ခြင်းခံလာရတဲ့ မန်စီးတီးစတားရိုဒရီ
===================
မန်စီးတီးအလယ်တန်းကစားသမားရိုဒရီဟာ ပြီးခဲ့တဲ့လတုန်းက စပါးစ်နှင့် သရေကျတဲ့ပွဲစဉ်အပြီးတွင် ဒိုင်လူကြီးနှင့်ပတ်သက်ပြီး မှတ်ချက်ပြုပြောဆိုခဲ့တဲ့ စကားကြောင့် ပေါင် ၈၀၀၀၀ ဒဏ်ရိုက်ခြင်းခံလာရပါတယ်။

စပိန်အလယ်တန်းကစားသမားဟာ ဖေဖော်ဝါရီလ ၁ ရက်နေ့တုန်းက ၂ ဂိုးစီသရေကျတဲ့ပွဲစဉ်အပြီးတွင် ဒိုင်လူကြီးရောဘတ်ဂျုံးစ်မှာ ကြားနေ မဟုတ်ခဲ့ကြောင်း ပြောဆိုကာ ဘက်လိုက်ဆုံးဖြတ်တယ်လို့ စွပ်စွဲ ပြောဆိုခဲ့တာလည်း ဖြစ်ပါတယ်။

ရိုဒရီဟာ ယင်းပြောဆိုမှုအတွက် အက်ဖ်အေရဲ့ စွဲချက်တင်ခြင်းခံရပြီးနောက် ဒိုင်လူကြီးကို ပြောဆိုခဲ့ကြောင်း ဝန်ခံခဲ့ပါတယ်။

ဒါကြောင့်လည်း အက်ဖ်အေက ဒိုင်လူကြီးကို ဘက်လိုက် ဆုံးဖြတ်တယ်လို့ ဝေဖန်ပြောဆိုမှုအတွက် ပြင်းထန်တဲ့ ဒဏ်ရိုက်မှု ပြုလုပ်လာတာလည်း ဖြစ်ပါတယ်။

အက်သလက်တီကိုစတားဟာ ဒိုမီနစ်ဆိုလန်ကီမှာ ဂိုးမသွင်းမီ မန်စီးတီးနောက်ခံလူမာ့ခ်ဂူဟီအား ကန်ခဲ့မှုအပေါ် အရေးမယူခြင်းအတွက် ရောဘတ်ဂျုံးစ်ကို ဝေဖန်ခဲ့တာလည်း ဖြစ်ပါတယ်။

ရိုဒရီက "ကျွန်တော်တို့ အများကြီးနိုင်ထားတာ သိပါတယ်။ ပြီးတော့ လူတွေက ကျွန်တော်တို့ကို မနိုင်စေချင်ကြဘူး။ဒါပေမယ့် ဒိုင်လူကြီးကတော့ ကြားနေဖြစ်ရမယ်လေ။ ကျွန်တော်တို့ အလုပ်ကြိုးစားခဲ့ကြတော့ ဒါက မမျှတပါဘူး။ အားလုံးပြီးဆုံးသွားချိန်မှာ စိတ်ပျက်စရာတွေနဲ့ပဲ ကျန်ခဲ့တော့တယ်"လို့ ပြောကြားသွားပါတယ်။

Global Sorbitan Ester Market Projected to Reach USD 220 Million by 2032 Driven by Expanding Food & Beverage Applications

According to Market Intelo, the global sorbitan ester market was valued at USD 125 million in 2023 and is projected to reach USD 220 million by 2032, growing at a CAGR of 6.5% during the forecast period. The growth is fueled by increasing demand for high-quality processed foods, rising functional beverage consumption, and the expanding global dietary supplements industry.

Read More -> https://marketintelo.com/repor....t/sorbitan-ester-mar

ယနေ့ ရွှေဈေးနဲ့ နိုင်ငံခြားငွေလဲနှုန်းများ

( ၂၀၂၆ - မတ် ၁၁ ၊ နံနက် ၁၀ နာရီ)

#ရွှေဈေး

-ကမ္ဘာ့ရွှေဈေး
တအောင်စ ၅၂၁၂ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၆,၉၀၀,၀၀၀ ကျပ်

ပြင်ပ အရောင်းအဝယ်ဖြစ်တဲ့ ရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၁၀,၉၅၀,၀၀၀ ကျပ်
ဝယ်ဈေး ၁၀,၉၁၀,၀၀၀ ကျပ်

-၁၅ ပဲရည် တကျပ်သား
ရောင်းဈေး ၁၀,၅၅၀,၀၀၀ ကျပ်
ဝယ်ဈေး ၁၀,၅၁၀,၀၀၀ ကျပ်

* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၁၀,၈၃၀,၀၀၀ ကျပ်
ဝယ်ဈေး ၁၀,၇၉၀,၀၀၀ ကျပ်

-၁၅ ပဲရည် တကျပ်သား
ရောင်းဈေး ၁၀,၄၃၀,၀၀၀ ကျပ်
ဝယ်ဈေး ၁၀,၃၉၀,၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၅၇ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၀၅၀ ကျပ်
ဝယ်ဈေး - ၃၉၅၀ ကျပ်

-စင်္ကာပူဒေါ်လာ
ရောင်းဈေး - ၃၁၈၀ ကျပ်
ဝယ်ဈေး - ၃၁၀၅ ကျပ်

-ယူရို
ရောင်းဈေး - ၄၇၀၅ ကျပ်
ဝယ်ဈေး - ၄၅၉၀ ကျပ်

-ထိုင်းဘတ်
ရောင်းဈေး - ၁၂၈.၂၁ ကျပ်
ဝယ်ဈေး - ၁၂၅ ကျပ်

-မလေးရှားရင်းဂစ်
ရောင်းဈေး - ၁၀၃၀ ကျပ်
ဝယ်ဈေး - ၁၀၀၅ ကျပ်

-တရုတ်ယွမ်
ရောင်းဈေး - ၅၉၀ ကျပ်
ဝယ်ဈေး - ၅၇၅ ကျပ်

-ဂျပန်ယန်း
ရောင်းဈေး - ၂၅.၅၈ ကျပ်
ဝယ်ဈေး - ၂၄.၉၅ ကျပ်

-အိန္ဒိယရူပီး
ရောင်းဈေး - ၄၄.၀၉ ကျပ်
ဝယ်ဈေး - ၄၂.၉၉ ကျပ်

-ကိုရီးယားဝမ်
ရောင်းဈေး - ၂.၇၆ ကျပ်
ဝယ်ဈေး - ၂.၆၉ ကျပ်

-စတာလင်ပေါင်
ရောင်းဈေး - ၅၄၄၀ ကျပ်
ဝယ်ဈေး - ၅၃၀၅ ကျပ်

-ဩစတြေးလျဒေါ်လာ
ရောင်းဈေး - ၂၈၉၀ ကျပ်
ဝယ်ဈေး - ၂၈၂၀ ကျပ်

-ကနေဒါဒေါ်လာ
ရောင်းဈေး - ၂၉၈၅ ကျပ်
ဝယ်ဈေး - ၂၉၁၀ ကျပ်

-ဟောင်ကောင်ဒေါ်လာ
ရောင်းဈေး - ၅၁၈ ကျပ်
ဝယ်ဈေး - ၅၀၅ ကျပ်

-ယူအေအီး
ရောင်းဈေး - ၁၁၀၂ ကျပ်
ဝယ်ဈေး - ၁၀၇၅ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
**************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ