တိုင်းဒေသကြီး (၆) ခုတွင် Smart School နှင့် Football for school အဖြစ် Pilot Project စတင်ဆောင်ရွက်မည်

တိုင်းဒေသကြီး (၆) ခုတွင် Smart School နှင့် Football for school အဖြစ် Pilot Project စတင်ဆောင်ရွက်မည် ဖြစ်ပြီး လာမည့်နှစ်များတွင် တိုးချဲ့ဆောင်ရွက်နိုင်ရေးအစီအမံများ တိကျစွာရေးဆွဲအကောင်အထည်ဖော်ဆောင်ရွက်ရမည်ဖြစ်ကြောင်း ပညာရေးဝန်ကြီးဌာန ဒုတိယဝန်ကြီး ဦနေမျိုးလှိုင်က ပြောသည်။
ယမန်နေ့က ကျင်းပသည့် Smart School နှင့် Football for School Program အကောင်အထည်ဖော်ဆောင်ရွက်နိုင်ရေး ညှိနှိုင်းအစည်းအဝေးတွင် ဒုဝန်ကြီး ဦးနေမျိုးလှိုင်က အထက်ပါအတိုင်း ပြောကြားခဲ့ခြင်းဖြစ်သည်။
နိုင်ငံတော်၏ ရက် (၁၀၀) စီမံချက်တွင်ပါဝင်သည့် Smart School နှင့် Football for School Program အကောင်အထည်ဖော်ဆောင်မည့် အခြေအနေများကို စံနှုန်းများသတ်မှတ်၍ ဆောင်ရွက်မည်ဖြစ်ကြောင်းလည်း သိရသည်။
ရလဒ်များပေါ်တွင် အခြေခံ၍ လုပ်ငန်းများ၏ တိုးတက်မှုကို အမြဲမပြတ်လေ့လာဆန်းစစ်ပြီး ရေရှည်တည်တံ့သော စီမံကိန်းဖြစ်လာစေရန် ဆောင်ရွက်ရမည်ဟုလည်း ဒုတိယဝန်ကြီးက ပြောကြားခဲ့ကြောင်း သိရသည်။

၁၀ နှစ်ကျော်အတွင်း ပုံနှိပ်ခြင်း၊ထုတ်ဝေခြင်းနှင့် သတင်းအေဂျင်စီလုပ်ငန်း (၆၀၀၀)‌ကျော်ကို အသိအမှတ်ပြုလက်မှတ်များ ခွင့်ပြုပေးထား

၂၀၁၄ ခုနှစ်မှ ယနေ့ အထိ ထုတ်ဝေခြင်းနှင့်သတင်းအေဂျင်စီလုပ်ငန်း(၆၀၇၁)ဦးကို အသိမှတ်ပြုလက်မှတ်များ စိစစ်ခွင့်ပြုပေးခဲ့ကြောင်း ပြန်ကြားရေးဝန်ကြီးဌာနမှ သိရသည်။
ပုံနှိပ်ခြင်းနှင့်ထုတ်ဝေခြင်းလုပ်ငန်း နည်းဥပဒေများ ပြဌားန်ခဲ့သည့် ၂၀၁၄ ခုနှစ် အောက်တိုဘာ လမှ စတင်၍ စိစစ်ခွင့်ပြုပေးခြင်းများ လုပ်ဆောင်ပေးခဲ့ခြင်းလည်း ဖြစ်သည်။
ယနေ့အထိ ပုံနှိပ်ခြင်းလုပ်ငန်း ၁၈၅၉ ဦး၊ထုတ်ဝေခြင်းလုပ်ငန်း ၃၆၈၉ ဦး နှင့် သတင်းအေဂျင်စီလုပ်ငန်း(၅၂၃)ဦး စုစုပေါင်း(၆၀၇၁) ဦးကို စိစစ်ခွင့်ပြုပေးခဲ့ခြင်းလည်း ဖြစ်သည်။
လက်ရှိ ၂၀၂၆ ခုနှစ် ဧပြီလတွင် လုပ်ငန်းအသိအမှတ်ပြုလက်မှတ်လျှောက်ထားလာသည့် ပုံနှိပ်ခြင်းလုပ်ငန်း(၆၂)ဦး၊ ထုတ်ဝေခြင်းလုပ်ငန်းအတွက် လျှောက်ထားသူဂျာနယ်(၃)ဦး၊မဂ္ဂဇင်း(၅)ဦး၊ အထွေထွေ ၄၉ ဦးနှင့် သတင်းအေဂျင်စီလုပ်ငန်း ၂၇ ဦး စုစုပေါင်း (၁၁၀)ဦးကို အသိအမှတ်ပြုလက်မှတ်များ ထုတ်ပေးရန်ခွင့်ပြုထားကြောင်း သိရသည်။

ကျန်းမာရေးပြည်ထောင်စုဝန်ကြီးနှင့် ပါကစ္စတန်သံအမတ်ကြီးတို့ တွေ့ဆုံ

ဆေးဝါးနှင့်ခွဲစိတ်ခန်းသုံးပစ္စည်းများ တင်သွင်းခြင်း နှင့် ဆေးဝါးစက်ရုံများတည်ဆောက်၍ ရင်းနှီးမြှုပ်နှံရေးကိစ္စရပ်များဆွေးနွေး
ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာသက်ခိုင်ဝင်းသည် မြန်မာနိုင်ငံဆိုင်ရာ ပါကစ္စတန်နိုင်ငံသံအမတ်ကြီး H.E. Mr. Tariq Karim ကို ယမန်နေ့ က လက်ခံတွေ့ဆုံခဲ့ကြောင်း သိရသည်။
နှစ်နိုင်ငံအကြား ကျန်းမာရေးကဏ္ဍ ပူးပေါင်းဆောင်ရွက်မှုတိုးမြှင့်ရေး၊ ဆေးပညာရှင်များ အပြန်အလှန်စေလွှတ်၍ အတွေ့အကြုံဖလှယ်ရေး၊ ဆေးဘက်ဆိုင်ရာ သုတေသနလုပ်ငန်းများ ပူးပေါင်း ဆောင်ရွက်ရေး၊ နှစ်နိုင်ငံဆေးတက္ကသိုလ်များအကြား ပညာရပ်ဆိုင်ရာ ပူးပေါင်းဆောင်ရွက်ရေး ကိစ္စရပ်များ ဆွေးနွေးခဲ့ကြောင်း သိရသည်။
ထိုပြင် ပါကစ္စတန်နိုင်ငံမှ ဆေးဝါးနှင့်ခွဲစိတ်ခန်းသုံးပစ္စည်းများ တင်သွင်းလျက်ရှိသည့်ကိစ္စရပ်များနှင့် မြန်မာနိုင်ငံတွင် ဆေးဝါးစက်ရုံများတည်ဆောက်၍ ရင်းနှီးမြှုပ်နှံနိုင်ရေးဆိုင်ရာ ကိစ္စရပ်များကိုလည်း ဆွေးနွေးခဲ့ကြောင်း သိရသည်။
အဆိုပါ တွေ့ဆုံပွဲသို့ ကျန်းမာရေးဝန်ကြီးဌာန ဒုတိယဝန်ကြီးနှင့် ညွှန်ကြားရေးမှူးချုပ်များ၊ ပါကစ္စတန်နိုင်ငံသံရုံးမှ ကိုယ်စားလှယ်များ တက်ရောက်ခဲ့ကြောင်း သိရသည်။

ပုသိမ်မြို့တွင် သုံးဘီးအိုးဝေယာဥ်များအား စုရပ်၊ဂိတ်များသတ်မှတ်၍ တူညီဝတ်စုံဝတ်ဆင် မောင်းနှင်ရမည်ဟုသိရ

ပုသိမ်မြို့တွင် သုံးဘီးအိုးဝေယာဥ်များအား စုရပ်၊ဂိတ်များသတ်မှတ်၍ တူညီဝတ်စုံဝတ်ဆင် မောင်းနှင်ရမည်ဖြစ်ကြောင်း ဧရာဝတီတိုင်းဒေသကြီးဝန်ကြီးချုပ် ဦးအေးကျော်က ပြောကြား ခဲ့သည်။
ဧရာဝတီတိုင်းဒေသကြီးဝန်ကြီးချုပ်သည် တိုင်းဒေသကြီးအစိုးရအဖွဲ့ရုံး၊ အစည်းအဝေး ခန်းမ(၁)တွင် မေ ၄ ရက်က ပြုလုပ်သည့် ယာဉ်စည်းကမ်း၊ လမ်းစည်းကမ်းနှင့် အထွေထွေ အစည်းအဝေးတွင် ပြောကြားခဲ့ခြင်းဖြစ်သည်။
ဆိုင်ကယ်များ၊ သုံးဘီးယာဉ်များသည် ယာဉ်စည်းကမ်း၊ လမ်းစည်းကမ်းများ နှင့်အညီ မောင်းနှင်ရန်လိုအပ်ပြီး သုံးဘီးယာဉ်များအား စုရပ်များ၊ ဂိတ်များသတ်မှတ်ပေးရန် လိုအပ်မည်ဖြစ်ကြောင်း၊ တူညီဝတ်စုံများ သတ်မှတ်ဆောင်ရွက်ပေးနိုင်ပါက ပိုမိုသင့်တော် မည်ဖြစ်ကြောင်း၊ မီးပွိုင့်များကောင်းမွန်ရေးအတွက် စစ်ဆေးဆောင်ရွက်ရန်လိုအပ်မည် ဖြစ်ပါကြောင်းနှင့် မြို့အင်္ဂါရပ်နှင့်အညီဖြစ်ရန်လိုကြောင်းလည်း ၄င်းကမှာကြားခဲ့သည်။
ထို့ပြင် ယာဉ်စည်းကမ်း၊ လမ်းစည်းကမ်းများနှင့်ပတ်သက်၍လည်း ပူးပေါင်းအဖွဲ့များက စဉ်ဆက်မပြတ် အသိပညာပေးလုပ်ငန်းများ ဆောင်ရွက်ရန်လည်း လိုအပ်မည်ဖြစ်ကြောင်း ၄င်းကဆိုသည်။
အဆိုပါအစည်းအဝေးသို့ တက်ရောက်လာသူများက ယာဉ်စည်းကမ်း၊ လမ်းစည်းကမ်းများနှင့်ပတ်သက်၍ အသိပညာပေးလုပ်ငန်းများ ဆောင်ရွက်သွားမည့် အခြေအနေများ၊ သုံးဘီးယာဉ်များအား စုရပ်များ၊ ဂိတ်များသတ်မှတ်၍ တူညီဝတ်စုံဝတ်ဆင် မောင်းနှင်စေရေးအတွက် ဆက်လက်ဆောင်ရွက်သွားမည်အခြေအနေများနှင့်ပတ်သက်ပြီး ဆွေးနွေးခဲ့ကြသည်။

မိုးရာသီကာလအတွင်း ရေအားလျှပ်စစ်ဓာတ်အားပေးစက်ရုံးများ စွမ်းအားပြည့် လည်ပတ်နိုင်ရေး ကြိုတင်ပြင်ဆင်ဆောင်ရွက်ရမည်

လာမည့် မိုးရာသီကာလအတွင်း ရေအားလျှပ်စစ် ဓာတ်အားပေးစက်ရုံးများ စက်စွမ်းအားပြည့် လည်ပတ်နိုင်ရေး လိုအပ်သည်များ ကြိုတင်ပြင်ဆင်ဆောင်ရွက်ရမည်ဖြစ်ကြောင်း လျှပ်စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်ကပြောသည်။
မိုးရာသီကာလအတွင်း လျှပ်စစ်ဓာတ်အား ထုတ်လုပ် ပို့လွှတ် ဖြန့်ဖြူးမှု နှင့် ပတ်သက်သည့်အစည်းအဝေးတွင် ပြည်ထောင်စုဝန်ကြီးက ပြောကြားခဲ့ခြင်း ဖြစ်သည်။
မကြာမီ မိုးကျလာတော့မည် ဖြစ်ပြီး ကောင်းမွန်လျှက်ရှိနေသည့် ရေအားလျှပ်စစ် စက်ရုံများ စွမ်းအားပြည့်လည်ပတ်၍ ဓာတ်အား ထုတ်ယူရမည်ဖြစ်ပြီး တမံကြီးများကို ကြိုတင်စစ်ဆေး၍ ကြံ့ခိုင်မှုကောင်းမွန်နေစေရန် စီမံဆောင်ရွက်ခြင်း ရေအားလျှပ်စစ်စက်ရုံများကို ပြန်လည်စစ်ဆေးပြီး လိုအပ်သည်များ အမြန်ပြုပြင်နိုင်ရေးအတွက် ဆောင်ရွက်ရန် ပြည်ထောင်စုဝန်ကြီး ဦးကိုကိုလွင်ကပြောသည်။
နိုင်ငံ၏ ဓာတ်အားထုတ်လုပ်မှု အခြေခံဝန်အားအတွက် ရေအားလျှပ်စစ်စက်ရုံများနှင့် သဘာဝဓာတ်ငွေ့စက်ရုံများကို အသုံးပြုနေခြင်းလည်း ဖြစ်သည်။
လက်ရှိ အပူချိန်မြင့်မားသည့် အချိန်တွင် သဘာဝဓာတ်ငွေ့ကို ပိုမိုအသုံးပြု၍ လျှပ်စစ်ဓာတ်အားထုတ်လုပ်ပေးနေရခြင်းဖြစ်ကြောင်း သိရသည်။

ပလိပ်မြို့နယ်တွင် မိုးရွာသွန်းလေပြင်းတိုက်၍ လျှပ်စစ်ကွန်ကရစ်ဓာတ်တိုင်(၇)တိုင်ကျိုးပြီး (၂)တိုင်ယိုင်နဲ့ကာ လျှပ်စစ်မီးပြတ်တောက်နေ

မန္တလေးတိုင်း၊ ပလိပ်မြို့နယ်တွင် ယနေ့ မေ ၆ ရက်နံ နက်အစောပိုင်း ၅ နာရီခန့်က မိုးသည်းထန်စွာရွာသွန်းပြီး လေပြင်းတိုက်ခတ်ခဲ့၍ သစ်ပင်သစ်ကိုင်းများလဲပြိုကျခဲ့ကြောင်း လျှပ်စစ်နှင့် စွမ်းအင်ဝန်ကြီးဌာနထံမှ သိရသည်။
ထိုသို့ လဲပြိုကျမှုကြောင့် ၁၁ ကေဗွီ လပခဖီဒါဓာတ် အားလိုင်း၏ လကတ( ၃၀၂၇ )အနီးရှိ (၁၀)မီတာကွန် ကရစ်တိုင်(၇)တိုင်ကျိုး၍ (၂)တိုင်ယိုင်နဲ့ကာ လျှပ်စစ်မီးများပြတ်တောက်နေသဖြင့် လျှပ်စစ်ကျွမ်းကျင်ဝန် ထမ်းများက ​အမြန်ဆုံးပြုပြင်လျက်ရှိကြောင်း သိရသည်။

💤 "အကောင်းဆုံး အိပ်ဆေးကို ရှာဖွေတွေ့ရှိခြင်း"
တိုတိုနဲ့ လိုရင်းကို ပြောရရင် "ဆားနင်းခြင်း" ပဲ ဖြစ်ပါတယ်။
လူတစ်သန်းမှာ တစ်ယောက်သာ ဖြစ်ခဲတဲ့ 'ကျောက်ကပ်တစ်စုံ ပူးကပ်နေသူ' မောင်ရှင်းကိုယ်တိုင် ဆားနင်းခြင်းကို စမ်းသပ်ကြည့်တဲ့အခါ မထင်မှတ်ထားတဲ့ ကောင်းကျိုးတွေ ရရှိလာပါတယ်။
✨ ရရှိလာတဲ့ ထူးခြားချက်များ
၁။ နှစ်နှစ်ခြိုက်ခြိုက် အိပ်ပျော်စေခြင်း။ 😴
၂။ ကျောက်ကပ်ကြောင့် ညဖက် ဆီးခဏခဏ သွားရတဲ့ဒုက္ခ ကင်းဝေးသွားခြင်း။ 😊
ကျောက်ကပ် မကောင်းသူတွေနဲ့ အိပ်မပျော်လို့ စိတ်ညစ်နေရသူတွေအတွက် ငွေကုန်ကြေးကျ မရှိဘဲ ထိရောက်တဲ့ နည်းလမ်းကောင်းမို့ ပြန်လည်မျှဝေပေးလိုက်ပါတယ်။
🌃 ညဘက် ဆားနင်းနည်းလမ်း
၁။ မနင်းခင်း ခြေထောက်ကို ပေါင်ရင်းကစပြီး ရေအရင်လောင်းပါ။
၂။ ပြီးလျှင် ခြောက်အောင် ပြန်သုတ်ပါ။
၃။ ဆား [၂] ပိသာခန့်ကို ဇလုံကြီးထဲထည့်ပြီး မိနစ် ၃၀ မှ ၁ နာရီအထိ စိတ်ကြိုက် နင်းပေးပါ။ (နာရီဝက်ခန့် နင်းလျှင် ခြေဖဝါးမှ ချွေးများ ထွက်လာပါလိမ့်မည်)
၄။ နင်းပြီးပါက အသင့်ပြင်ထားသော ပုဝါဖြင့် ဆားများပြောင်အောင် သုတ်ပါ။
⚠️ အထူးသတိပြုရန်: ခြေထောက်ကို ရေပြန် လုံးဝ (လုံးဝ) မဆေးရပါ။ သုတ်ပြီးသည်နှင့် အိပ်ရာဝင်ပါ။ ပထမနေ့မှာတင် ထူးထူးခြားခြား အိပ်ပျော်သွားပါလိမ့်မယ်။
🌅 နံနက်ပိုင်း ဆားနင်းခြင်း၏ အကျိုးကျေးဇူးများ
ခန္ဓာကိုယ်တွင်း အောင်းပူများကို ခြေဖဝါးမှတစ်ဆင့် ထွက်စေခြင်း။
ကျောက်ကပ် အပူခိုခြင်းမှ ကာကွယ်ပြီး ဆီးလမ်းကြောင်းကို အကျိုးပြုခြင်း။
ခါးနာ၊ အညောင်းမိခြင်းနှင့် အကြောပိတ်ခြင်းများကို သက်သာစေခြင်း။
မျက်စိကြည်လင်စေပြီး ဆံပင်ကျွတ်ခြင်းကို သက်သာစေခြင်း။
ဆီးကျိတ်ဝေဒနာရှင်များနှင့် သားသမီးရလိုသူများအတွက်လည်း အထောက်အကူပြုခြင်း။
တစ်လခန့် နင်းပြီးမှ ဆားအသစ် လဲပေးရုံပါပဲ။ ကိုယ်တွင်း အခိုးအပူတွေ ကင်းစင်သွားလို့ အိပ်ရာနိုးချိန်မှာ စိတ်ရောကိုယ်ပါ လန်းဆန်းစေမယ့် နည်းလမ်းကောင်းမို့ အားလုံးပဲ လိုက်နာကျင့်သုံးကြည့်ကြပါလို့ တိုက်တွန်းလိုက်ပါတယ်။
"အာရောဂျံ ပရမံ လာဘံ" - ကျန်းမာခြင်းသည် လာဘ်တစ်ပါး

လာလီဂါချန်ပီယံဆုအတွက် အဖြေထွက်တဲ့ ပထမဆုံး El Clasico ပွဲ ဖြစ်လာဖွယ်ရှိနေ

လာမယ့် တနင်္ဂနွေနေ့မှာ ယှဉ်ပြိုင်ကစားမယ့် El Clasico ပွဲက လာလီဂါချန်ပီယံဆုအတွက် အဖြေထွက်တဲ့ ပထမဆုံး El Clasico ပွဲ ဖြစ်လာဖွယ်ရှိကြောင်း သိရပါတယ်။
လာလီဂါပြိုင်ပွဲကို ၁၉၂၉ ခုနှစ်မှာ စတင်ကျင်းပခဲ့ပြီး (၉၇)နှစ်တာကာလအတွင်း ရီးယဲလ်မက်ဒရစ်နဲ့ ဘာစီလိုနာတို့ ထိပ်တိုက်တွေ့တဲ့ El Clasico ပွဲမှာ လာလီဂါချန်ပီယံဆုအတွက် အဖြေထွက်တာမျိုး မရှိခဲ့ဖူးကြောင်း သိရပါတယ်။
ဒီရာသီမှာတော့ ပြိုင်ပွဲပြီးဆုံးဖို့ (၄)ပွဲအလိုမှာ ဘာစီလိုနာအသင်းက ရီးယဲလ်မက်ဒရစ်ကို (၁၁)မှတ်ဖြတ်ထားတာကြောင့် လာမယ့် El Clasico ပွဲမှာ မရှုံးနိမ့်ခဲ့ရင်ပဲ ဘာစီလိုနာအသင်းက လာလီဂါချန်ပီယံအဖြစ် အောင်ပွဲခံခွင့်ရရှိမှာပါ။
ယှဉ်ပြိုင်ကစားရမှာကလည်း ဘာစီလိုနာအသင်းရဲ့ နူးကမ့်ကွင်းမှာ ဖြစ်တာကြောင့် လာလီဂါချန်ပီယံဆုအတွက် အဖြေထွက်မယ့် ပထမဆုံး El Clasico ပွဲအဖြစ် မှတ်တမ်းဝင်ဖွယ်ရှိနေတာဖြစ်ပါတယ်။
ဘာစီလိုနာအသင်းက မဟာပြိုင်ဘက်အသင်းရဲ့ ပရိသတ်တွေရှေ့မှာ အောင်ပွဲခံနိုင်ဖို့ စိတ်အားထက်သန်နေသလို၊ လက်ကျန်(၄)ပွဲစလုံး အနိုင်ရရင် အမှတ်(၁၀၀)ရရှိမယ့် စံချိန်မှတ်တမ်းကိုလည်း ပစ်မှတ်ထားနေကြောင်း သိရပါတယ်။
ဘာစီလိုနာအသင်းဟာ ၂၀၁၂-၁၃ ရာသီတုန်းက အမှတ်(၁၀၀)ရရှိခဲ့ရုံသာမက ဒုတိယနေရာက ရီးယဲလ်မက်ဒရစ်ကို (၁၅)မှတ်အထိဖြတ်ကာ ချန်ပီယံဆုရယူနိုင်ခဲ့ပြီး ဒီရာသီမှာ အဲဒီစံချိန်ကို ချိုးဖျက်နိုင်မလားဆိုတာ စောင့်ကြည့်ရမှာဖြစ်ပါတယ်။

ဂျပန်ဖိုက်တာ တက်ဆူရိုကို တတိယအချီမှာ အလဲထိုးမယ်လို့ ဂျိုရှူအာဗန် ပြော

ချင်းတိုင်းရင်းသား မြန်မာဖိုက်တာ ဂျိုရှူအာဗန်က လာမယ့် UFC 328 ပြိုင်ပွဲမှာ ဂျပန်ဖိုက်တာ တက်ဆူရိုတာအီရာကို တတိယအချီမှာ အလဲထိုးသတ်သွားမယ်ဆိုပြီး ပွဲကြိုအင်တာဗျူးတစ်ခုမှာ ထုတ်ဖော်ပြောကြားခဲ့ပါတယ်။
ဂျိုရှူအာဗန်က "မြန်မာပရိသတ်တွေအတွက် ကျွန်တော်က ကူညီပေးနေတာ မဟုတ်ဘူး။ မြန်မာပရိသတ်တွေက ကျွန်တော့်ကို ကူညီပေးနေကြတာ။ ကျွန်တော့်ပွဲဆို မြန်မာပရိသတ်တွေအားလုံးက ကျွန်တော် အနိုင်ရအောင် ဆုတောင်းပေးကြတယ်။ ဗုဒ္ဓဘာသာဝင်တွေလည်း ဆုတောင်းပေးကြတာပဲ။ ဒါက ကျွန်တော့်အပေါ်ထားတဲ့ သူတို့ရဲ့ ချစ်ခြင်း တရားတွေကို ပြသတာဖြစ်တယ်။ ကျွန်တော့် အတွက် ဆုတောင်းပေးကြတာ မြန်မာနိုင်ငံက ပရိသတ်တွေတင် မဟုတ်ဘူး။ ဒီက မြန်မာ ပရိသတ်တွေကလည်း ဆုတောင်းပေးကြတာပါပဲ။ ဒါကြောင့် ကျွန်တော့်မှာ သူများတွေထက်ပိုပြီး ကိုယ့်ကိုယ်ကို ယုံကြည်မှုရရှိပါတယ်။ သူ့(တက်ဆူရို) ကို ကျွန်တော် အသေအကျေ ဆော်မှာပါ။ တတိယအချီမှာ အလဲထိုးမယ်။ တက်ဆူရိုက စွယ်စုံရတဲ့ဖိုက်တာပါ။ ဒါပေမဲ့ သူ ကျွန်တော့်ကို ယှဉ်ထိုးနိုင်မယ် မထင်ဘူး။ ကျွန်တော်နဲ့ ယှဉ်ထိုးမယ်ဆိုရင် သူ အလဲထိုးခံရမှာ သေချာတယ်။ တက်ဆူရိုက ဖလိုင်းဝိတ်တန်းမှာ အန္တရာယ်ရှိတဲ့ ဖိုက်တာတစ်ယောက်ပါ။ သူ ကျွန်တော့်ကို ဆွဲလှဲချဖို့ပဲ ကြိုးစားမှာ သေချာပါတယ်။ အဲဒါဆိုရင်လည်း သူ အလဲထိုးခံရမှာပါပဲ" လို့ ပြောကြားခဲ့တာဖြစ်ပါတယ်။
ပြိုင်ပွဲကို မေ ၁၀ ရက်မှာ အမေရိကန်နိုင်ငံ၊ နယူးဂျာစီပြည်နယ်၊ နီဝက်သ်မြို့ရှိ ပရူဒန်တီရယ်စင်တာမှာ ကျင်းပမှာဖြစ်ပါတယ်။
UFC ပရိုးမိုးရှင်းဟာ လက်ရှိမှာ UFC 328 ပြိုင်ပွဲအတွက် တွဲဆိုင်း ၁၃ ဆိုင်းကို တရားဝင်ထုတ်ပြန်ထားပြီး ဂျိုရှူအာဗန်နဲ့ တက်ဆူရိုတာအီရာပွဲကို Co- Main Event အဖြစ် ကျင်းပမှာဖြစ်ပါတယ်။

ဆော်ဒီကလပ်တွေရဲ့ စိတ်ဝင်စားခြင်းခံနေရတဲ့ ရာဖင်ညာ နွေရာသီမှာ ဘာစီလိုနာက ထွက်ခွာဖွယ်ရှိ

ဆော်ဒီကလပ်တွေရဲ့ စိတ်ဝင်စားခြင်းခံနေရတဲ့ ဘရာဇီးလ်တောင်ပံကစားသမား ရာဖင်ညာဟာ လာမယ့်နွေရာသီမှာ ဘာစီလိုနာအသင်းက ထွက်ခွာဖွယ်ရှိနေကြောင်း သိရပါတယ်။
ရာဖင်ညာဟာ ဘာစီလိုနာအသင်းမှာ ခြေစွမ်းပြနိုင်နေပေမဲ့ အပြောင်းအရွှေ့သတင်းတွေ မကြာခဏထွက်ပေါ်လေ့ရှိသူဖြစ်ပြီး လာမယ့်နွေရာသီမှာတော့ ကစားသမားကိုယ်တိုင်က လမ်းခွဲဖို့ စဉ်းစားနေပြီဖြစ်ကြောင်း သိရပါတယ်။
ဘာစီလိုနာအသင်းက ရာဖင်ညာကို ၂၀၂၂ နွေရာသီမှာ လိဒ်စ်အသင်းကနေ ပေါင်(၅၅)သန်းနဲ့ ခေါ်ယူခဲ့တာဖြစ်ပြီး လက်ရှိစာချုပ်က ၂၀၂၈ မှ ကုန်ဆုံးမှာပါ။
ရာဖင်ညာဟာ ဘာစီလိုနာအသင်းအတွက် ပြိုင်ပွဲစုံ(၁၇၅)ပွဲကစားကာ (၇၃)ဂိုး သွင်းယူပေးထားပြီး ဒီရာသီမှာ ဒဏ်ရာပြဿနာကြောင့် (၃၁)ပွဲသာ ကစားနိုင်ပေမဲ့ (၁၉)ဂိုးသွင်းပြီး ဂိုးဖန်တီးမှု (၁၇)ကြိမ်ပြုလုပ်ထားပါတယ်။
နည်းပြ ဟန်ဆီဖလစ်ခ် သဘောကျတဲ့ ကစားသမားဖြစ်ပေမဲ့ ဆော်ဒီကလပ်တွေကသာ မြင့်မားတဲ့ ပြောင်းရွှေ့ကြေးနဲ့ ကမ်းလှမ်းလာခဲ့မယ်ဆိုရင် ဘာစီလိုနာအသင်းက ရောင်းထုတ်ဖို့ ဆန္ဒရှိနေကြောင်း သိရပါတယ်။
သတင်းတွေအရ ဆော်ဒီကလပ်တွေက ရာဖင်ညာ(၂၉ နှစ်)အတွက် ပြောင်းရွှေ့ကြေး ယူရိုသန်း(၁၀၀)ဝန်းကျင် အသုံးပြုဖို့ အသင့်ရှိနေသလို၊ လစာကိုလည်း တစ်နှစ်ယူရို(၃၅)သန်းဝန်းကျင် ပေးချေသွားမှာဖြစ်ကြောင်း သိရပါတယ်။