ရွေးကောက်ခံအစိုးရထံ နိုင်ငံတော်တာဝန်များကို ဒီမိုကရေစီစံနှုန်းများနှင့်အညီလွှဲအပ်ပေးသွားမည်

ရွေးကောက်ခံအစိုးရထံ နိုင်ငံတော်တာဝန်များကို ဒီမိုကရေစီစံနှုန်းများနှင့်အညီလွှဲအပ်ပေးသွားမည်ဖြစ်ကြောင်း ယနေ့ နိုဝင်ဘာ ၇ ရက်နံနက်ပိုင်းက နေပြည်တော်လေတပ်စခန်း၌ကျင်းပသည့် တပ်မတော် (လေ) မှ လေယာဉ်/ရဟတ်ယာဉ်များတပ်တော်ဝင်ခြင်း အခမ်းအနားတွင် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ပြောကြားခဲ့ကြောင်း သိရသည်။
မြန်မာနိုင်ငံ၏ တိုးတက်လာသောအခြေအနေများနှင့်အညီ အများပြည်သူလိုလားတောင့်တချက်ဖြစ်သည့် လွတ်လပ်၍တရားမျှတသော ပါတီစုံဒီမိုကရေစီ အထွေထွေရွေးကောက်ပွဲအောင်မြင်စွာကျင်းပရန်ပြင်ဆင်လျက်ရှိရာ ရွေးကောက်ပွဲကပေါ်ထွန်းလာမည့် ရွေးကောက်ခံအစိုးရထံ နိုင်ငံတော်တာဝန်များကို ဒီမိုကရေစီစံနှုန်းများနှင့်အညီလွှဲအပ်ပေးသွားမည်ဟုပြောကြားခဲ့ကြောင်း သိရသည်။

ထိုသို့ ဆောင်ရွက်ရာတွင် ပြည်တွင်း/ပြည်ပအဖွဲ့အစည်းအချို့သည် ၎င်းတို့လိုလားချက်အတိုင်းမဟုတ်၍ ရွေးကောက်ပွဲမဖြစ်မြောက်စေရန်၊ ပျက်ပြားစေရန် နည်းလမ်းပေါင်းစုံဖြင့် စွက်ဖက်လုပ်ဆောင်ဟန့်တားလျက်ရှိကာ တစ်ဘက်တွင်လည်း အကြမ်းဖက်သောင်းကျန်းသူများသည် တပ်မတော်နှင့် ပြည်သူပူးပေါင်းလုပ်ဆောင်ချေမှုန်းမှုကြောင့် တဖြည်းဖြည်းအရေးနိမ့်လာသည်ဟုပြောကြားခဲ့ကြောင်း သိရသည်။

ထို့ကြောင့် ၎င်းတို့ခေတ္တစိုးမိုးထားသည့် နယ်မြေများကို ဆက်လက်ဆုပ်ကိုင်ထားနိုင်ရေးအတွက် နိုင်ငံပိုင်လမ်းတံတားအဆောက်အဦးများ၊ ပြည်သူ့နေအိမ်တိုက်တာနှင့်ပိုင်ဆိုင်မှုများကို တို-က်ခိုက်ဖျ-က်ဆီးလုယက်ယူဆောင်လျက်ရှိခြင်းအားဟန့်တားချေမှုန်းရန် တပ်မတော်အနေဖြင့်ပြည်သူလူထုအကူအညီဖြင့်ဆက်လက်တိုးတက်ဆောင်ရွက်သွားမည်ဟု တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်ကပြောကြားခဲ့ကြောင်း သိရသည်။

အခန်းဝယ်ယူနိုင်ကြောင်း စာအတုလုပ်ကာ လိမ်လည်နေ၍ သတိထားရန် မြို့ပြနှင့် အိမ်ရာဖွံ့ဖြိုးရေး ဦးစီးဌာန အသိပေး

မြို့ပြနှင့်အိမ်ရာဖွံ့ဖြိုးရေးဦးစီးဌာနမှ အခန်းဝယ်ယူခွင့်ပြုကြောင်း အကြောင်းကြားစာကို အတုအပပြုလုပ်ကာ လိမ်လည်မှုများရှိနေ၍ သတိထားရန် အသိပေးထုတ်ပြန်ထားသည်။

လိမ်လည်မှုများသည် အကြောင်းကြားစာကို အတုအပပြုလုပ်ခြင်း၊ အီးမေးလ်အတုများဖွင့်ကာ ပို့၍ လိမ်လည်ခြင်း၊အခန်းများ လိမ်လည်ရောင်းချခြင်း၊ ငွေလွှဲခိုင်းခြင်းတို့ ပြုလုပ်လျက်ရှိသည်ဟု အသိပေးချက်အရ သိရသည်။

ထို့ကြောင့် ရောင်းမှားဝယ်မှား မဖြစ်စေရန် သတိပေးကြေညာခြင်းဖြစ်ကာ သိရှိလိုသည်များကို ဌာနသို့လူကိုယ်တိုင်လာရောက်ဆက်သွယ်နိုင်ကြောင်း ဦးစီးဌာနက ထုတ်ပြန်ထားသည်။

ပဲခူးတိုင်းတွင် ပြည်တွင်းပြည်ပရင်းနှီးမြှုပ်နှံမှု ၃ ခု ဝင်ရောက်
-------------------

ပဲခူးတိုင်းဒေသကြီးမှာ နိုဝင်ဘာလအတွင်း ပြည်ပရင်းနှီးမြှုပ်နှံမှုလုပ်ငန်းသစ်တစ်ခုနဲ့ ပြည်တွင်းရင်းနှီးမြှုပ်နှံမှု လုပ်ငန်းသစ်နှစ်ခု တိုးတက်ဝင်ရောက်ခဲ့တယ်လို့ နိုဝင်ဘာ ၆ ရက်က ပြုလုပ်တဲ့ ပဲခူးတိုင်းဒေသကြီး ရင်းနှီး မြှုပ်နှံမှုကော်မတီ အစည်းအဝေးကနေ သိရပါတယ်။

၂၀၂၅ ခုနှစ် နိုဝင်ဘာလအတွင်း နိုင်ငံခြားသားရင်းနှီးမြှုပ်နှံမှု အမေရိကန်ဒေါ်လာ ၁ ဒသမ ၄၂၅ သန်းနဲ့ မြန်မာ နိုင်ငံသားရင်းနှီးမြှုပ်နှံမှု ကျပ်သန်း ၄၉၃၀ တိုးတက်ဝင်ရောက်ခဲ့တာဖြစ်ပြီး ဒေသတွင်း အလုပ်အကိုင်အခွင့်အလမ်း ၁၂၈၅ ခုကို ဖန်တီးပေးနိုင်ခဲ့တယ်လို့ ဆိုပါတယ်။

ပဲခူးတိုင်းမှာ ရင်းနှီးမြှုပ်နှံမှုလုပ်ငန်းအမျိုးအစား(၈)ခုရှိရာ စက်မှုကဏ္ဍတိုးတက်မှုနဲ့အတူ လျှပ်စစ်စွမ်းအင်ကဏ္ဍ၊ မွေးမြူရေးနဲ့ရေလုပ်ငန်းကဏ္ဍ၊ လယ်ယာကဏ္ဍတွေမှာလည်း ရင်းနှီးမြှုပ်နှံမှု တိုးတက်အောင် ဆောင်ရွက်ရမှာ ဖြစ်သလို ပြည်ပရင်းနှီးမြှုပ်နှံမှုလုပ်ငန်းတွေမှာလည်း ပြည်တွင်းက ထွက်ရှိတဲ့ ကုန်ကြမ်းပစ္စည်းတွေကို သုံးစွဲနိုင် ရေး ဆောင်ရွက်ပေးရမယ်လို့ ပဲခူးတိုင်းဒေသကြီးရင်းနှီးမြှုပ်နှံမှုကော်မတီဥက္ကဋ္ဌ တိုင်းဒေသကြီးဝန်ကြီးချုပ် ဦးမျိုးဆွေဝင်းက ပြောပါတယ်။

ပဲခူးတိုင်းဒေသကြီးအတွင်း ၂၀၂၁ ခုနှစ် ဖေဖော်ဝါရီ ၁ ရက်ကနေ ဒီနေ့အထိ နိုင်ငံခြားရင်းနှီးမြှုပ်နှံမှု အမေရိကန် ဒေါ်လာ ၂၁၄ ဒသမ ၃၂၈ သန်း၊ နိုင်ငံသားရင်းနှီးမြှုပ်နှံမှု ကျပ်သန်းပေါင်း ၂၃၄၀၀၀ ကျော်နဲ့ အလုပ်အကိုင် အခွင့်အလမ်း ၁၅၆၁၉ ဦးကို ဖန်တီးနိုင်ခဲ့တယ်လို့ သိရပါတယ်။

ဒေါက်တာနေစိုးမောင်ကို ပုဒ်မ ၆၆ (ဃ) နဲ့ ထပ်မံအမှုဖွင့်

ဗိုလ်ချုပ်မှူးကြီး သန်းရွှေရဲ့ သားမက်ဖြစ်သူ ဒေါက်တာနေစိုးမောင်ကို မန္တလေးတိုင်း၊ ပြည်ကြီးတံခွန်မြို့နယ် ရဲစခန်းက ဆက်သွယ်ရေး ဥပဒေပုဒ်မ ၆၆ (ဃ) နဲ့ မနေ့ နိုဝင်ဘာ ၆ ရက်မှာ ထပ်မံ အမှုဖွင့်လိုက်တယ်လို့ တရားရုံးနဲ့ နီးစပ်တဲ့ အသိုင်းအဝိုင်းက သိရပါတယ်။

ဒေါက်တာနေစိုးမောင်ကို အခု ၂၀၂၅ ခုနှစ်၊ ဇန်နဝါရီလ ၉ ရက်နေ့က ပုဒ်မ ၅၀၅ (က) နဲ့ ထောင်ဒဏ် သုံးနှစ် ချမှတ်ထားတာဖြစ်ပြီး ပြီးခဲ့တဲ့ ဧပြီလအတွင်းက လက်ကျန်အမှုတွေ စစ်ဆေးမယ်ဆိုတဲ့ အကြောင်းပြချက်နဲ့ ရန်ကုန်မြို့က အင်းစိန် အကျဉ်းထောင်ကို ပြောင်းရွှေ့ခဲ့တာလို့ သိရပါတယ်။

လက်ရှိမှာ ပြည်ကြီးတံခွန်မြို့နယ် ရဲစခန်းက ထပ်တိုး အမှုဖွင့်တာကြောင့် အမှုရင်ဆိုင်ဖို့ အိုးဘိုထောင်ကို ပြီးခဲ့တဲ့ နိုဝင်ဘာ ၄ ရက်နေ့မှာ ပြန်လည် ပြောင်းရွှေ့ထားပြီး ပုဒ်မ ၆၆ (ဃ) အတွက် ထောင်တွင်းတရားရုံးမှာ ဆက်လက် စစ်ဆေးနေတယ်လို့ သိရပါတယ်။

“အခုထိတော့ ၆၆ (ဃ) နဲ့က အမှု ရင်ဆိုင်နေတုန်းပါ။ အခြေအနေ မထူးသေးပါဘူး။ သူ့ကို အရင် စဖမ်းစဉ်တုန်းက ၅၀၅ အပါ၊ ပုဒ်မ လေးခုနဲ့ စွဲထားတာ ရှိတယ်။ ဒါပေမယ့် ၅၀၅ နဲ့ပဲ ပြစ်ဒဏ် ချထားတယ်။ ကျန်တဲ့ ပုဒ်မတွေ ရှိနေသေးတယ်။ အကဖ (အကြမ်းဖက်) ပုဒ်မလည်း ပါတယ်” လို့ တရားရုံးနဲ့ နီးစပ်သူတယောက်က ပြောပါတယ်။

ဒေါက်တာနေစိုးမောင်ကို ပြီးခဲ့တဲ့ ၂၀၂၄ ခုနှစ်၊ အောက်တိုဘာ ၂၃ ရက်နေ့က ဖမ်းဆီးခဲ့ပြီး ပုဒ်မ ၅၂ (က)၊ ၁၂၄ (က)၊ ပုဒ်မ ၅၀၅ (က)၊ ပုဒ်မ ၃၃ (က) တို့နဲ့ အမှုဖွင့်ထားကာ ပုဒ်မ ၅၀၅ (က) အတွက် အလုပ်ကြမ်းနဲ့ ထောင်ဒဏ် သုံးနှစ် အမိန့်ချမှတ်ခဲ့တာ ဖြစ်ပါတယ်။

ဒေါက်တာနေစိုးမောင်ဟာ တပ်မတော်ဆေးတပ်မှာ ဗိုလ်မှူးကြီးအဆင့်နဲ့ တာဝန် ထမ်းဆောင်ခဲ့သူဖြစ်ပြီး အငြိမ်းစားယူခဲ့ပြီးနောက် ပြည်သူ့ကျန်းမာရေး တက္ကသိုလ်မှာ ပါမောက္ခချုပ် အဖြစ် တာဝန်ထမ်းဆောင်ခဲ့သူ ဖြစ်ကာ နေရွှေသွေးအောင်ရဲ့ဖခင်လည်း ဖြစ်ပါတယ်။

ဒါအပြင် ဒေါက်တာနေစိုးမောင်ရဲ့ ဖခင်ဖြစ်သူ ဗိုလ်ချုပ်တင်စိန်ဟာလည်း ဦးနေဝင်း လက်ထက်မှာ မွေးမြူရေးနှင့် ရေလုပ်ငန်းဝန်ကြီးဌာန ဝန်ကြီးနဲ့ ဒုကာကွယ်ရေး ဝန်ကြီးအဖြစ် တာဝန် ထမ်းဆောင်ခဲ့သူဖြစ်ကာ၊ ဗိုလ်ချုပ် ရာထူးနဲ့ အငြိမ်းစားယူပြီးနောက် ဗီယက်နမ်နိုင်ငံဆိုင်ရာ မြန်မာသံအမတ်ကြီး အဖြစ် တာဝန်ထမ်းဆောင်ခဲ့သူ ဖြစ်တယ်လို့ သိရပါတယ်။

ဒေါက်တာနေစိုးမောင်ဟာ အဖမ်းမခံရခင် အချိန်အထိ လူမှုကူညီရေး လုပ်ငန်းတွေနဲ့ အခမဲ့ ဆေးကုသပေးတာတွေကို နိုင်ငံတဝန်း သွားလာကူညီ လုပ်ဆောင်ပေးနေသူ ဖြစ်ပါတယ်။

လက်ရှိမှာ ဒေါက်တာ နေစိုးမောင်အပြင် ပြန်ကြားရေး ဝန်ကြီးဟောင်းဖြစ်သူ ဦးရဲထွဋ်ဟာလည်း အစိုးရကို အကြည်ညိုပျက်အောင် လုပ်ဆောင်မှု ရာဇသတ်ကြီးပုဒ်မ ၁၂၄- က နဲ့ ထောင်ဒဏ် ခုနစ်နှစ်၊ ရာဇသတ်ကြီး ပုဒ်မ ၅၀၅ နဲ့ ထောင်ဒဏ် သုံးနှစ်၊ စုစုပေါင်း ထောင်ဒဏ် ၁၀ နှစ် ချမှတ်ခံထားရတယ်လို့ သိရပါတယ်။

ဒေါက်တာနေစိုးမောင်ကို ပုဒ်မ ၆၆ (ဃ) နဲ့ ထပ်မံအမှုဖွင့်

ဗိုလ်ချုပ်မှူးကြီး သန်းရွှေရဲ့ သားမက်ဖြစ်သူ ဒေါက်တာနေစိုးမောင်ကို မန္တလေးတိုင်း၊ ပြည်ကြီးတံခွန်မြို့နယ် ရဲစခန်းက ဆက်သွယ်ရေး ဥပဒေပုဒ်မ ၆၆ (ဃ) နဲ့ မနေ့ နိုဝင်ဘာ ၆ ရက်မှာ ထပ်မံ အမှုဖွင့်လိုက်တယ်လို့ တရားရုံးနဲ့ နီးစပ်တဲ့ အသိုင်းအဝိုင်းက သိရပါတယ်။

ဒေါက်တာနေစိုးမောင်ကို အခု ၂၀၂၅ ခုနှစ်၊ ဇန်နဝါရီလ ၉ ရက်နေ့က ပုဒ်မ ၅၀၅ (က) နဲ့ ထောင်ဒဏ် သုံးနှစ် ချမှတ်ထားတာဖြစ်ပြီး ပြီးခဲ့တဲ့ ဧပြီလအတွင်းက လက်ကျန်အမှုတွေ စစ်ဆေးမယ်ဆိုတဲ့ အကြောင်းပြချက်နဲ့ ရန်ကုန်မြို့က အင်းစိန် အကျဉ်းထောင်ကို ပြောင်းရွှေ့ခဲ့တာလို့ သိရပါတယ်။

လက်ရှိမှာ ပြည်ကြီးတံခွန်မြို့နယ် ရဲစခန်းက ထပ်တိုး အမှုဖွင့်တာကြောင့် အမှုရင်ဆိုင်ဖို့ အိုးဘိုထောင်ကို ပြီးခဲ့တဲ့ နိုဝင်ဘာ ၄ ရက်နေ့မှာ ပြန်လည် ပြောင်းရွှေ့ထားပြီး ပုဒ်မ ၆၆ (ဃ) အတွက် ထောင်တွင်းတရားရုံးမှာ ဆက်လက် စစ်ဆေးနေတယ်လို့ သိရပါတယ်။

“အခုထိတော့ ၆၆ (ဃ) နဲ့က အမှု ရင်ဆိုင်နေတုန်းပါ။ အခြေအနေ မထူးသေးပါဘူး။ သူ့ကို အရင် စဖမ်းစဉ်တုန်းက ၅၀၅ အပါ၊ ပုဒ်မ လေးခုနဲ့ စွဲထားတာ ရှိတယ်။ ဒါပေမယ့် ၅၀၅ နဲ့ပဲ ပြစ်ဒဏ် ချထားတယ်။ ကျန်တဲ့ ပုဒ်မတွေ ရှိနေသေးတယ်။ အကဖ (အကြမ်းဖက်) ပုဒ်မလည်း ပါတယ်” လို့ တရားရုံးနဲ့ နီးစပ်သူတယောက်က ပြောပါတယ်။

ဒေါက်တာနေစိုးမောင်ကို ပြီးခဲ့တဲ့ ၂၀၂၄ ခုနှစ်၊ အောက်တိုဘာ ၂၃ ရက်နေ့က ဖမ်းဆီးခဲ့ပြီး ပုဒ်မ ၅၂ (က)၊ ၁၂၄ (က)၊ ပုဒ်မ ၅၀၅ (က)၊ ပုဒ်မ ၃၃ (က) တို့နဲ့ အမှုဖွင့်ထားကာ ပုဒ်မ ၅၀၅ (က) အတွက် အလုပ်ကြမ်းနဲ့ ထောင်ဒဏ် သုံးနှစ် အမိန့်ချမှတ်ခဲ့တာ ဖြစ်ပါတယ်။

ဒေါက်တာနေစိုးမောင်ဟာ တပ်မတော်ဆေးတပ်မှာ ဗိုလ်မှူးကြီးအဆင့်နဲ့ တာဝန် ထမ်းဆောင်ခဲ့သူဖြစ်ပြီး အငြိမ်းစားယူခဲ့ပြီးနောက် ပြည်သူ့ကျန်းမာရေး တက္ကသိုလ်မှာ ပါမောက္ခချုပ် အဖြစ် တာဝန်ထမ်းဆောင်ခဲ့သူ ဖြစ်ကာ နေရွှေသွေးအောင်ရဲ့ဖခင်လည်း ဖြစ်ပါတယ်။

ဒါအပြင် ဒေါက်တာနေစိုးမောင်ရဲ့ ဖခင်ဖြစ်သူ ဗိုလ်ချုပ်တင်စိန်ဟာလည်း ဦးနေဝင်း လက်ထက်မှာ မွေးမြူရေးနှင့် ရေလုပ်ငန်းဝန်ကြီးဌာန ဝန်ကြီးနဲ့ ဒုကာကွယ်ရေး ဝန်ကြီးအဖြစ် တာဝန် ထမ်းဆောင်ခဲ့သူဖြစ်ကာ၊ ဗိုလ်ချုပ် ရာထူးနဲ့ အငြိမ်းစားယူပြီးနောက် ဗီယက်နမ်နိုင်ငံဆိုင်ရာ မြန်မာသံအမတ်ကြီး အဖြစ် တာဝန်ထမ်းဆောင်ခဲ့သူ ဖြစ်တယ်လို့ သိရပါတယ်။

ဒေါက်တာနေစိုးမောင်ဟာ အဖမ်းမခံရခင် အချိန်အထိ လူမှုကူညီရေး လုပ်ငန်းတွေနဲ့ အခမဲ့ ဆေးကုသပေးတာတွေကို နိုင်ငံတဝန်း သွားလာကူညီ လုပ်ဆောင်ပေးနေသူ ဖြစ်ပါတယ်။

လက်ရှိမှာ ဒေါက်တာ နေစိုးမောင်အပြင် ပြန်ကြားရေး ဝန်ကြီးဟောင်းဖြစ်သူ ဦးရဲထွဋ်ဟာလည်း အစိုးရကို အကြည်ညိုပျက်အောင် လုပ်ဆောင်မှု ရာဇသတ်ကြီးပုဒ်မ ၁၂၄- က နဲ့ ထောင်ဒဏ် ခုနစ်နှစ်၊ ရာဇသတ်ကြီး ပုဒ်မ ၅၀၅ နဲ့ ထောင်ဒဏ် သုံးနှစ်၊ စုစုပေါင်း ထောင်ဒဏ် ၁၀ နှစ် ချမှတ်ခံထားရတယ်လို့ သိရပါတယ်။

တပ်မတော်(လေ)အင်အားတောင့်တင်းခိုင်မာစေရန်၊ ခေတ်မီစေရန် ရေတိုရေရှည်တွက်ဆဆောင်ရွက်ပေးလျက်ရှိဟု တပ်မတော်ကာကွယ်ရေးဦးစီးချုပ်ပြော

မြန်မာနိုင်ငံသည် ပထဝီနိုင်ငံရေးအရ၊ နိုင်ငံရေးပထဝီအခြေအနေအရ ထူးခြားသည့်အခြေအနေများပိုင်ဆိုင်ထားသဖြင့် တပ်မတော်(လေ)အင်အားတောင့်တင်းခိုင် မာစေရန်၊ ခေတ်မီစေရန် ရေတိုရေရှည်တွက်ဆဆောင် ရွက်ပေးလျက်ရှိသည်ဟု တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ပြောသည်။

နေပြည်တော်လေတပ်စခန်း၌ နိုဝင်ဘာ ၇ ရက်နံ နက်ပိုင်းကကျင်းပသည့် တပ်မတော်(လေ)မှ လေ ယာဉ်/ရဟတ်ယာဉ်များတပ်တော်ဝင်ခြင်းအခမ်းအနားတွင် ပြောကြားခဲ့ခြင်းဖြစ်သည်။

တပ်မတော်(လေ)သည် မြန်မာနိုင်ငံ၏ လေကြောင်းစွမ်းအားအရင်းအမြစ်များအနက် အဓိကကျသည့်အဖွဲ့အစည်းတစ်ခုဖြစ်ကာ ပထဝီနိုင်ငံရေးအရ၊ နိုင်ငံရေးပ ထဝီအခြေအနေအရ ထူးခြားသည့်အခြေအနေများ ပိုင်ဆိုင်ထားသည့် မြန်မာနိုင်ငံအနေဖြင့် လေကြောင်းစွမ်းအားသည်မရှိမဖြစ်လိုအပ်၍ အင်အားကောင်းမွန်စေရန်၊ ခေတ်မီအဆင့်မြင့်စေရန် မဖြစ်မနေကြိုးပမ်းတည်ဆောက်ရမည်ဟု ပြောသည်။

ထို့ကြောင့် လေကြောင်းစွမ်းအားအရင်းအမြစ်များ သည် နည်းပညာတိုးတက်ပြောင်းလဲမှုအပေါ် အဓိကတည်မှီနေရာ တပ်မတော်(လေ)အနေဖြင့် စွမ်းဆောင်ရည်အစဉ်ကောင်းမွန်နေရန် နည်းပညာတိုးတက်ပြောင်း လဲနေမှုကို မျက်ခြည်မပြတ်လေ့လာအကဲခတ်နေရမည်ဟု ဗိုလ်ချုပ်မှူးကြီးမင်းအောင်လှိုင်က သတိပေးပြောကြားခဲ့သည်။

" လတ်တလောကာလ နိုင်ငံတကာမှာဖြစ်ပွားခဲ့တဲ့ ပဋိပ က္ခတွေ၊ ပြည်တွင်းမှာဖြစ်ပေါ်ကြုံတွေ့ခဲ့ရတဲ့ အခြေအ နေတွေမှာ လေယာဉ်/ရဟတ်ယာဉ်တွေ၊ ဒရုန်းနဲ့ ယူအေဗွီတွေအပါအဝင် လေကြောင်းစွမ်းအားအရင်းအမြစ်တွေက မရှိမဖြစ်လိုအပ်လာတာကိုတွေ့ရပါတယ်။ ဒါ့ကြောင့် နိုင်ငံအသီးသီးက လေတပ်အပါအဝင် လေကြောင်းစွမ်းအားထုတ်လုပ်ဖြန့်ကြက်ပေးနိုင်တဲ့ တပ်ဖွဲ့အမျိုးမျိုးကို အင်အားတိုးတက်ရုံအပြင် ခေတ်မီအဆင့်မြင့်စေဖို့အတွက်ပါ တတ်စွမ်းသမျှကြိုးပမ်းလုပ်ဆောင်နေကြပါတယ်"ဟု ဗိုလ်ချုပ်မှူးကြီး မင်းအောင်လှိုင်က ပြောသည်။

ထို့ကြောင့် ယနေ့တပ်တော်ဝင်ပေးလိုက်သည့် လေ ယာဉ်/ရဟတ်ယာဉ်များကို မြတ်နိုးတန်ဖိုးထားပြီး ကျွမ်းကျွမ်းကျင်ကျင် ထိထိရောက်ရောက် ပျံသန်းကိုင်တွယ်အသုံးပြုထိန်းသိမ်းပြီး စွမ်းရည်အဆင့်အတန်းမြင့်မားသည့် လေတပ်မတော်တစ်ခုဖြစ်ကြောင်းသက်သေပြရန်၊ နိုင်ငံတကာဆက်ဆံရေး၊ ပထဝီနိုင်ငံရေးဆိုင်ရာဖြစ်ပေါ်ပြောင်းလဲလာမှုများနှင့် သိပ္ပံနှင့်နည်းပညာအဆင့်မြင့်တိုးတက်လာမှုအခြေအနေများကို စဉ်ဆက်မပြတ်လေ့လာသုံးသပ်ဖော်ထုတ်ပြီး တပ်မတော် (လေ)၏ တိုက်စွမ်းအားအစဉ်ထိရောက်မြင့်မားနေအောင်ကြိုးပမ်းတီထွင်လုပ်ဆောင်ရန် တိုက်တွန်းမှာ ကြားသည်။

ထို့အတူ ရရှိပိုင်ဆိုင်ထားပြီးဖြစ်သည့် လေကြောင်းစွမ်း အားအရင်းအမြစ်များကို အထိရောက်ဆုံးအသုံးချနိုင်စေရေးစဉ်ဆက်မပြတ်လေ့ကျင့်ခြင်း၊ သုတေသနပြု စမ်းသပ်တီထွင်ထုတ်လုပ်ခြင်း၊ အလဟဿဆုံးရှုံးပျက်စီးထိခိုက်မှုမရှိအောင် အလေးထားလုပ်ဆောင်ခြင်းလုပ်ငန်းစဉ်များကို ပျံသန်းရေး၊ စက်မှုလက်မှုနှင့် အုပ်ချုပ်ရေးမဏ္ဍိုင်ကြီး(၃)ရပ်ပေါင်းစပ်ညှိနှိုင်းကာ တာဝန်ရှိသူအဆင့်ဆင့်က အလေးထားကြပ်မတ်စီမံလုပ်ဆောင်ရန်၊ တပ်မတော်၏ကောင်းမြတ်သည့်အစဉ် အလာများကို အသက်နှင့်ထပ်တူထိန်းသိမ်းစောင့် ရှောက်ပြီး ကမ္ဘာတည်သရွေ့ မြန်မာတည်အောင်ဝိုင်း ဝန်းကြိုးပမ်းလုပ်ဆောင်ရန်လည်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က တိုက်တွန်းမှာကြားခဲ့သည်။

ဗီယင်ကျန်းမြို့၌ မြန်မာသံရုံးအသစ်ဆောက်လုပ်ရန် ပန္နက်တော်တင်

လာအိုနိုင်ငံ၊ ဗီယင်ကျန်းမြို့၌ (၃)ထပ်ရှိ မြန်မာသံရုံးအသစ်ဆောက်လုပ်ရန် ပန္နက်တော်တင်ခြင်းကို နိုဝင်ဘာ ၆ ရက်နံနက် ၉ နာရီကကျင်းပရာ ဗီယင်ကျန်းမြို့ရှိ Vat Sri Amphone ဘုန်းတော်ကြီးကျောင်းမှ ဆရာတော် Ven Noy Sungvaro က အန္တရာယ်ကင်းပရိတ်ရွက်ဖတ်ခြင်း၊ ပရိတ်ရေစင်ဖြန်း၍ ဆုတောင်းမေတ္တာပို့သခြင်းများပြုလုပ်ခဲ့သည်။

ထို့အတူ မြန်မာသံအမတ်ကြီးဦးအောင်ကို၊ လာအိုနိုင်ငံခြားရေးဝန်ကြီးဌာန၊ Diplomatic Service Bureau မှ ညွှန်ကြားရေးမှူးချုပ်၊ ပြည်သူ့ဆောက်လုပ်ရေးနှင့် သယ်ယူပို့ဆောင်ရေးဝန်ကြီးဌာန၊ မြိုပြနှင့် အိုးအိမ်စီမံခန့်ခွဲမှုဦးစီးဌာနမှ ညွှန်ကြားရေးမှူး၊ မြန်မာစစ်သံမှူး (ကြည်း၊ရေ၊လေ) ဗိုလ်မှူးချုပ်ခင်မောင်စိုးနှင့် ဆောက်လုပ်ရေးကုမ္ပဏီ Misouk Construction & Decoration Sole Co., Ltd ဥက္ကဋ္ဌတို့က ပန္နက်တင်မင်္ဂလာအခမ်းအနားကို ဖဲကြိုးဖြတ်ဖွင့်လှစ်ခဲ့ကြသည်။

ဗီယင်ကျန်းမြို့၌ (၃)ထပ်ရှိ မြန်မာသံရုံးအဆောက်အအုံအသစ်နှင့်အတူ အထပ်(၄)ထပ်ရှိ သံရုံးဝန်ထမ်းအိမ် ရာအသစ်ကိုလည်းဆောက်လုပ်သွားမည်ဖြစ်၍ ပန္နက်တော်တင်ခြင်းကို တစ်ဆက်တည်းပြုလုပ်ခဲ့ကြသည်။

အပူပိုင်းသစ်တောများ ထာဝရရန်ပုံငွေ ကြေညာချက်ကို မြန်မာနိုင်ငံက လက်မှတ်ရေးထိုးနိုင်တော့မည်

မြန်မာနိုင်ငံအနေဖြင့် အပူပိုင်းသစ်တောများ ထာဝရရန်ပုံငွေ (Tropical Forest Forever Facility - TFFF) ကြေညာချက်ကို လက်မှတ်ရေးထိုးနိုင်ရေးအတည်ပြုထားပြီးဖြစ်ကြောင်း သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာ ပြည်ထောင်စုဝန်ကြီး ဦးခင်မောင်ရီက ပြောသည်။

ဘရားဇီးနိုင်ငံတွင် နိုဝင်ဘာ(၆)ရက်မှ (၇)ရက်အထိ ကျင်းပနေသည့် ဘဲလ်လမ်ရာသီဥတုဆိုင်ရာ ထိပ်သီးအစည်းအဝေးကို မြန်မာနိုင်ငံက ပါဝင်တက်ရောက်နေခြင်းဖြစ်ပြီး အစည်းအဝေးတွင် ပြည်ထောင်စုဝန်ကြီး ဦးခင်မောင်ရီက အထက်ပါအတိုင်းပြောကြားခဲ့ခြင်းလည်း ဖြစ်သည်။

ဘရားဇီးနိုင်ငံအစိုးရက ကမကထပြု တည်ထောင်သော အပူပိုင်းသစ်တောများ ထာဝရရန်ပုံငွေဆိုင်ရာကြေညာချက်ကို လက်မှတ်ရေးထိုးထားသည့် အဖွဲ့ဝင်နိုင်ငံ (၂၂) နိုင်ငံရှိပြီး ယခုချိန်တွင် (၅၃) နိုင်ငံက လက်မှတ်ရေးထိုးနိုင်ရန် သဘောတူညီမှု ရရှိထားခြင်းလည်း ဖြစ်သည်။

အဆိုပါအစည်းဝေးတွင် မြန်မာနိုင်ငံအနေဖြင့် နိုင်ငံဧရိယာ၏ (၅၀) ရာခိုင်နှုန်းကို သစ်တောဖုံးလွှမ်းမှု တိုးမြှင့်လာစေရေး ရည်မှန်းချက်ထား၍ ဆောင်ရွက်လျက်ရှိကြောင်းနှင့် သစ်တောကဏ္ဍ ဖွံ့ဖြိုးတိုးတက်လာရေးစေရေးအတွက် မူဝါဒချမှတ်ဆောင်ရွက်နေကြောင်းလည်း ပြည်ထောင်စုဝန်ကြီးက ပြောကြားခဲ့သည်။

၂၀၃၀ ပြည့်နှစ်တွင် နိုင်ငံ၏ ၃၀ ရာခိုင်နှုန်းကို ကြိုးဝိုင်း/ကြိုးပြင် ကာကွယ်တောများ၊ ၁၀ ရာခိုင်နှုန်းကို သဘာဝထိန်းသိမ်းရေးနယ်မြေများ ဖွဲ့စည်းသတ်မှတ်နိုင်ရေးဆောင်ရွက်နေကြာင်း သိရသည်။

ကမ်းရိုးတန်းနှင့် အဏ္ဏာဝါပင်လယ်ပြင်ဆိုင်ရာ ကတိကဝတ်များအနေဖြင့် ဒီရေတောဧရိယာ ဟက်တာ (၅) သိန်းကျော်ကို ထိန်းသိမ်းကာကွယ်ထားကြောင်း ပြည်ထောင်စုဝန်ကြီး ဦးခင်မောင်ရီက ပြောကြားခဲ့သည်။

အဆိုပါ ဘဲလ်လမ်ရာသီဥတုဆိုင်ရာ ထိပ်သီးအစည်းအဝေးကို ကမ္ဘာနိုင်ငံအသီးသီးမှ နိုင်ငံခေါင်းဆောင်များ၊အဆင့်မြှင့်ကိုယ်စားလှယ်များနှင့် နိုင်ငံတကာအဖွဲ့စည်းများမှ တာဝန်ရှိသူများတက်ရောက်ခဲ့ခြင်းလည်း ဖြစ်သည်။

မြန်မာအပါနိုင်ငံ(၅)နိုင်ငံက အကောက်ခွန် ကိုယ်စားလှယ်များ မြေပြင်ကွင်းဆင်းပူးပေါင်းအကဲဖြတ်ခြင်းများ ဆောင်ရွက်

မြန်မာနိုင်ငံမှ အခွင့်ရစီးပွားရေးလုပ်ငန်းဆောင်ရွက်သူ(Authorized Economic Operator -AEO) အသိမှတ်ပြု ကုမ္ပဏီများဖြစ်သည် ရန်ကုန် လှိုင်သာယာစက်မှုဇုန်ရှိ UPG Paint & Coating Co, ltd နှင့် သီလဝါဖွံ့ဖြိုးတိုးတက်ရေးဇုန်ရှိ Wilmar Myanmar Riceland Limited တို့ကို မြန်မာအပါအဝင် နိုင်ငံ(၅)နိုင်ငံက အကောက်ခွန်ကိုယ်စားလှယ်အဖွဲ့တို့က မြေပြင်ကွင်းဆင်းပူးပေါင်းအကဲဖြတ် အတည်ပြုခြင်းများကို နိုဝင်ဘာ(၆)ရက်နှင့်(၇)ရက်နေ့တို့ ၌ လုပ်ဆောင်ခဲ့ကြောင်း သိရသည်။

မြန်မာအကောက်ခွန် ၊ အာဆီယံနိုင်ငံများဖြစ်သည့် ဘရူနိုင်း၊ကမ္ဘောဒီးယား၊ ဖိလစ်ပိုင်နှင့် စင်ကာပူနိုင်ငံတို့မှ အကောက်ခွန်ကိုယ်စားလှယ်များက ပူးပေါင်းဆောင်ရွက်ခဲ့ခြင်းလည်း ဖြစ်သည်။

မြန်မာနိုင်ငံက အခွင့်ရစီးပွားရေးလုပ်ငန်းဆောင်ရွက်သူအဖြစ် အသိမှတ်ပြုထားသည့် လုပ်ငန်းစဉ်များသည့် WCO Guideline များနှင့်အညီ အကောင်ထည်ဖော်ဆောင်ရွက်ထားခြင်းရှိမရှိ၊ AEO အသိမှတ်ပြု ကုမ္ပဏီများအနေဖြင့် ဥပဒေစည်းမျည်းစည်းကမ်းများကို လိုက်နာခြင်းရှိမရှိ စိစစ်အကဲဖြတ်ခြင်းလည်း ဖြစ်သည်။

နိုင်ငံတကာကုန်သွယ်မှုဆိုင်ရာ ကွင်းဆက်လုံခြုံရေးအစီအမံများကို ကျင့်သုံးဆောင်ရွက်ထားခြင်း ရှိမရှိစသည့် အစီအမံများကို စိစစ်အကဲဖြတ်ခြင်းလည်း ဖြစ်သည်ဟု သိရသည်။

မြန်မာနိုင်ငံအနေဖြင့် မြေပြင်ကွင်းဆင်းပူးပေါင်းအကဲဖြတ်အတည်ပြုခြင်းကို အောင်မြင်စွာဆောင်ရွက်ပြီးဖြစ်သဖြင့် အာဆီယံနိုင်ငံများအတွင်း အခွင့်ရ စီးပွားရေးလုပ်ငန်း ဆောင်ရွက်သူဆိုင်ရာ အပြန်အလှန်အသိအမှတ်ပြုခြင်းအစီအစဉ်( AAMRA) ကို ဒီဇင်ဘာလတွင် အပြည့်အဝ အကောင်ထည်ဖော်ဆောင်ရွက်သွားမည်ဖြစ်ကြောင်း သိရသည်။

အန်ဇိုဖာနန်ဒက်ဇ်ထံသို့ ရေလာမြောင်းပေးမက်ဆေ့ချ်ပို့ခဲ့တယ်ဆိုတဲ့ ကောလာဟလများကို အိုင်ကာဒီရဲ့ ဇနီးဟောင်းတုံ့ပြန်လာ
=======================

ဝန်ဒါနာရာဟာ ချဲလ်ဆီးနှင့် အာဂျင်တီးနားကွင်းလယ်ကစားသမားအန်ဇိုဖာနန်ဒက်ဇ်ထံသို့ ရေလာမြောင်းပေး အထာပေးတဲ့ မက်ဆေ့ချ်ပို့ခဲ့တယ်ဆိုတဲ့ ကောလာဟလသတင်းများအပေါ် တုံ့ပြန်မှု ပြုလုပ်လာပါတယ်။

ချဲလ်ဆီးစတားဟာ ငယ်ချစ် ဗလန်တီနာကာဗန်တီနှင့် ကာလရှည်ကြာ လက်တွဲလာသူလည်း ဖြစ်ပါတယ်။

ဒါပေမယ့် ဗလန်တီနာဟာ အာဂျင်တီးနားရုပ်သံ အစီအစဉ်တွင် အသက် ၃၈ နှစ်ရှိ ဝန်ဒါနှင့် ထိပ်တိုက်တွေ့ဖို့ ဖြစ်လာခဲ့ပါတယ်။

မော်ရိုအိုင်ကာဒီရဲ့ ဇနီးဟောင်းဝန်ဒါဟာ MasterChef တွင် အစီအစဉ်တင်ဆက်သူအဖြစ် ဆောင်ရွက်နေပါတယ်။

အသက် ၂၅ နှစ်ရှိ ဗလန်တီနာမှာလည်း ယင်းအစီအစဉ်တွင် ပါဝင်လာပြီး ဝန်ဒါနှင့် ဆုံစည်းလာပါတယ်။

အိုင်ကာဒီရဲ့ ဇနီးဟောင်းဝန်ဒါဟာ သူမရဲ့ အိမ်အနီးတွင် တွေ့ဆုံရလေ့ရှိတဲ့ ဖာနန်ဒက်ဇ်အား မက်ဆေ့ချ်ပို့ခဲ့ကြောင်း သတင်းထွက်လာခဲ့ပါတယ်။

ယင်းမက်ဆေ့ချ်ထဲတွင် "ရှင့်ကို အိမ်နီးဝန်းကျင်မှာ တွေ့တယ်။ ရှင်ဆန္ဒရှိရင် ကျွန်မဆီ စာရေးလိုက်လေ"လို့ ရေးသားထားကြောင်း သိရပါတယ်။

ဖာနန်ဒက်ဇ်ဟာ ဝန်ဒါပေးပို့တဲ့ စာကို ဗလန်တီနာအား ပြသခဲ့ကြောင်း သိရပါတယ်။

ဒါပေမယ့် ယခုအခါမှာတော့ ဝန်ဒါက အထက်ပါသတင်းမှာ အခြေအအမြစ်မရှိတဲ့ သတင်းမျှသာ ဖြစ်ကြောင်း ဗလန်တီနာနှင့် တွေ့ဆုံချိန်တွင် ရှင်းပြခဲ့ကြောင်း သိရပါတယ်။

ဝန်ဒါက "ရှင့်ယောင်္ကျားနဲ့ ငါနဲ့ ပတ်သက်ပြီး သူ ပြောနေကြတာ ဘာမှ အခြေအမြစ်မရှိဘူးတာ ရှင်းလင်းဖို့ ဒီအခွင့်အရေးကိုတော့ ယူပါရစေ။ ဒါက သတင်းမှားပါ"လို့ ဆိုသွားပါတယ်။

ဒါ့အပြင် ဝန်ဒါက ဗလန်တီနာကို အကြံပြုမှုအချို့လည်း လုပ်ခဲ့ပါသေးတယ်။

ဆက်လက်ပြီး ၎င်းက "သတင်းတွေ ဖန်တီးလိုက်ပါ။ နာမည်ကျော်ဇောလိုက်ပါ။ ဒီလိုပဲလေ"လို့ ဆိုသွားပါတယ်။
တဖက်တွင် ဗလန်တီနာကလည်း ဝန်ဒါနှင့် ပြဿနာတက်နေတယ်ဆိုတဲ့သတင်းကို လူသိရှင်ကြား ငြင်းဆိုထားပါတယ်။