◾️ဖက်ဒရယ်အစိုးရရပ်ဆိုင်းခြင်းကြောင့် အမေရိကန်၌ ဂယက်ရိုက်
အမေရိကန်အစိုးရရန်ပုံငွေကိုအောက်တိုဘာ ၁ ရက်နောက် ဆုံးထား၍ သက် တမ်းတိုးရန် ဒီမိုကရက်နှင့် ရီပတ်ဘလီကန်တို့သဘောတူညီချက်မရရှိခဲ့ခြင်းကြောင့် ဖက်ဒရယ်အ စိုးရလုပ်ငန်းများကို ဒေသစံတော် ချိန်ဗုဒ္ဓဟူးနေ့ညသန်း ခေါင်ယံမှစတင်ရပ်ဆိုင်းလိုက်ရသည်။
အစိုးရဘဏ္ဍာငွေအသုံးစရိတ်ဥပဒေကြမ်းအားအတည်ပြုရန်လိုအပ်သည့် မဲ ၆၀ ရရှိရန် ကွန် ဂရက် တွင်မဲခွဲရာဒီမိုက ရက်ကကန့်ကွက်မဲ ၅၅ မဲနှင့်ရီပတ်ဘလီကန်တို့က ထောက် ခံမဲ ၄၅ မဲဖြင့်အတည်မပြုနိုင်ခဲ့သည့်နောက် အဆိုပါအ ကျပ်အတည်းဆိုက်လာခဲ့ခြင်းဖြစ်သည်။
ဒီမိုကရက်တစ်တို့၏လုပ်ငန်းအစီအစဉ်များကို အပြီးတိုင်ဖြတ်တောက်ရန်နှင့် ဖက်ဒရယ် ဝန်ထမ်းများကို ထုတ်ပယ်ရန် အကြောင်းပြချက်အဖြစ် အစိုးရလုပ်ငန်းများပိတ်ပစ်ရန် ဆန္ဒရှိနေသည်ဆိုသည်ကို သမ္မတ ဒေါ်နယ်ထရန့်က ယ နေ့တွင် ငြင်းဆိုသည်။
“ထုတ်ပယ်မှုတွေ ရှိနိုင်တယ်၊ အဲဒါက သူတို့ရဲ့အမှားပဲ။” ဟု One America News မှ ထုတ်လွှင့်သော အင်တာဗျူးတစ်ခုတွင် ထရန့်က ဒီမိုကရက်များကို ရည်ညွှန်းပြီး ပြောကြားသည်။
လက်ရှိတွင်အစိုးရလုပ်ငန်းများရပ်ဆိုင်းသည့်ပထမနေ့မှာပင် ဒီမိုကရက်တို့လွှမ်းမိုးသောအပြာရောင် ပြည်နယ်များအတွက်အမေရိကန်ဒေါ်လာဘီလီယံနှင့်ချီသောရန်ပုံငွေများကိုအိမ်ဖြူတော်ကရပ်ဆိုင်းလိုက်သည်။
ယင်းတွင်နယူးယောက်မြို့တော်အခြေခံအဆောက်အဦစီမံကိန်းအတွက်ဒေါ် လာ ၁၈ ဘီလီယံနှင့် ၂၀၂၄ ခုနှစ် ရွေးကောက်ပွဲတွင် ဒုတိယသမ္မတ ကမလာဟားရစ် ကိုမဲပေးခဲ့သည့် ပြည်နယ် ၁၆ ခုရှိ ရာသီဥတုဆိုင်ရာစီမံကိန်းများအတွက် ဒေါ်လာ ၈ ဘီလီယံအပါအဝင် အပြာရောင် ပြည်နယ် များအ တွက် ရည်ရွယ်ထားသည့် ရန်ပုံငွေကို ခေတ္တရပ်ရန်၊ သို့မဟုတ် ဖျက်သိမ်းရန် အိမ်ဖြူတော်က ရွှေ့ဆိုင်းထားသည်။
ထို့ပြင်မကြာမီရက်ပိုင်းအတွင်း အလုပ်ရာထူးမှ ရပ်စဲမှုများ ကျယ်ကျယ်ပြန့်ပြန့် စတင်နိုင်သည်ဟု အိမ်ဖြူတော် ထိပ် တန်းအရာရှိတစ်ဦးကလည်း လွှတ်တော်အမတ်များကို ပြောကြား ခဲ့ပြီး အဆို ပါ လှုပ်ရှားမှုမှာ ဒီမိုကရက်များအား ဖိအားပေးရန် ကြိုးပမ်းမှုအဖြစ် ကျယ်ကျယ်ပြန့်ပြန့် ရှုမြင်ထားကြသည်။
အစိုးရဝန်ထမ်း ၇၅၀,၀၀၀ ခန့်သည် အလုပ် ဖြုတ်ခံရခြင်းနှင့် ရင်ဆိုင်နေရပြီး ကွန်ဂရက်လွှတ်တော်မှသင့်လျော်သောရန်ပုံငွေရရှိချိန်နှင့်အစိုးရလုပ်ငန်းရပ်ဆိုင်းမှုအဆုဲံးသတ်ချိန်မတိုင်ခင်အထိ ၎င်းတို့အား လစာပေးမည်မဟုတ်ကြောင်း ကွန်ဂရက်လွှတ်တော်ဘတ်ဂျက်ရုံး၏အဆိုအရ သိရသည်။
မရှိမဖြစ်လိုအပ်သည်ဟု ယူဆရသော ဖက်ဒရယ်ဝန်ထမ်းများသည် ကွန်ဂရက်လွှတ်တော်မှ ရန်ပုံငွေသ ဘောတူညီချက်မရရှိမချင်း၎င်းတို့အားလစာပေးမည်မဟုတ်သော် လည်းလုပ်ငန်းခွင်တွင် ဆက် လက် ရှိနေမည်ဖြစ်သည်။
သဘောတူညီချက်အဆင်မပြေမှုအတွက် ရီပတ်ဘလီကန်များနှင့် ဒီမိုကရက်များက အချင်းချင်း အပြစ် တင်နေကြပြီး ရန်ပုံငွေတိုးချဲ့ရန် အထက်လွှတ်တော်တွင်အ ပြိုင်အဆိုင် အဆိုပြုထားသည်။
ရီပတ်ဘလီကန်၏ဥပဒေကြမ်းသည်ဒီမိုကရက်တို့၏ ထောက်ခံမှုအသစ်မရရှိသဖြင့် ဗုဒ္ဓဟူးနေ့တွင် ဥပ ဒေကြမ်းနှစ်ရပ်စလုံး ထပ်မံရှုံးနိမ့်ခဲ့ရသည်။
ပြီးခဲ့သည့်ခုနစ်နှစ်နီးပါးအတွင်း ပထမဆုံးအကြိမ် အစိုးရလုပ်ငန်းများရပ်ဆိုင်းမှုသည် ယခုအခါ ဒုတိယမြောက်နေ့သို့ ဝင်ရောက်လာပြီဖြစ်သည်။
ထရန့်၏ပထမရာထူးသက်တမ်းအတွင်း ၂၀၁၉ ခုနှစ်တွင်လည်း နိုင်ငံတောင်ပိုင်း နယ်စပ်တံ တိုင်းကာရံရေးရန်ပုံငွေတောင်းခံမှုနှင့်ပတ်သက်ပြီးကွန်ဂရက်တွင်ဒီမိုကရက်တို့နှင့်ပွတ်တိုက်မှုဖြစ်ပြီးနောက် ၃၅ ရက်ကြာဖက်ဒရယ်ရပ်ဆိုင်းမှုဖြစ်ပေါ်ခဲ့သေးသည်။
ယင်းမှာအမေရိကန်သမိုင်းတစ်လျောက်အချိန်ကြာမြင့်ဆုံးအစိုးရရပ်ဆိုင်းမှု(Government shutdown )လည်းဖြစ်ခဲ့သည်။
အစိုးရလုပ်ငန်းများပြန်စတင်ရေး ရန်ပုံငွေဥပဒေကြမ်းနှင့်ပတ်သက်၍ ဒီမိုကရက်နှင့် ရီပတ်ဘလီကန် လွှတ်တော်အမတ်များအကြားကတိက၀တ်များမည်သည့်အချိန်တွင် အပြီးသတ်မည်ဆိုသည်မှာ လည်းမရှင်း လင်းသေးပေ။
ယင်းနှင့်ပတ်သက်၍သောကြာနေ့တွင် အထက် လွှတ် တော်၌ နောက် ထပ်မဲခွဲဆုံးဖြတ်ရန် စီစဉ် ထားသည်။
အစိုးရပြန်လည်လည်ပတ်ရေးလမ်းကြောင်းတစ်လျှောက်တွင်ဒီမိုက ရက်များကပူးပေါင်းဆောင်ရွက်ရန်အသင့်ရှိကြောင်း အောက်လွှတ်တော်လူနည်းစုခေါင်းဆောင်ဟာကင်းဂျက်ဖရီးစ် ကဆိုသည်။
လက်ရှိတွင်အစိုးရလုပ်ငန်းရပ်ဆိုင်းခြင်းကြောင့်ဝါရှင်တန်ဒီစီရှိဒေသဆိုင်ရာတရားရုံးများသည်လက်ထပ်ခြင်းဆိုင်ရာအသိအမှတ်ပြုမှတ်တမ်းများ ထုတ် ပေးခြင်း သို့မဟုတ် လက်ထပ်အခမ်းအနားများ ကျင်းပခြင်းတို့ကိုမလုပ်ဆောင်နိုင်တော့ကြောင်းတရားရုံးက၎င်း၏၀က်ဘ်ဆိုက်တွင်ပြောကြား ထား သည်။
လက်ရှိအကျပ်အတည်းအရအမေရိကန်၌သောကြာနေ့မဲခွဲဆုံးဖြတ်မှုမတိုင်မီအထိမရှိမဖြစ်ဖက်ဒရယ်လုပ်ငန်းများမှလွဲ၍အခြားလုပ်ငန်းများရပ်ဆိုင်းထားရဖွယ်ရှိပြီးအစိုးရဝန်ထမ်းအများအပြားအားအနားပေးခြင်းနှင့်လစာဆိုင်းငံ့ထားမှုများနှင့်ရင်ဆိုင်ရမည်ဖြစ်သည်။
သတင်း-လင်းခေတ်
ကိုးကား-CBS/CNN
#နိုင်ငံတကာသတင်း
