မန်စီးတီးနှင့် အာဆင်နယ်တို့ရဲ့ ပရီးမီးယားလိဂ်ဖလားတိုက်ပွဲကို အဆုံးအဖြတ်ပေးလာမယ့်ပွဲအား ဝိန်းရွန်းနီ ခန့်မှန်းလာ
=======================
ဝိန်းရွန်းနီက အသင်းဟောင်းက အာဆင်နယ်အား ပရီးမီးယားလိဂ်ဖလား ဆွတ်ခူးနိုင်အောင် အကူအညီပေးလာမယ်လို့ ပြောကြားလာပါတယ်။
မန်စီးတီးဟာ အီတီဟတ်တွင် အာဆင်နယ်ကို ၂-၁ ဖြင့် အနိုင်ရရှိပြီးနောက် ဗုဒ္ဓဟူးနေ့ ဘန်လေနှင့်ပွဲစဉ်တွင် အနိုင်ရရှိလာပါက ဂိုးကွာခြားချက်ဖြင့် ပရီးမီးယားလိဂ်အမှတ်ပေးဇယားကို ဦးဆောင်လာနိုင်မယ့် အခွင့်အရေး ရရှိထားပါတယ်။
ပရီးမီးယားလိဂ်ဖလားအတွက် တိုက်ပွဲကို လက်ကျန် ပရီးမီးယားလိဂ်ပွဲ ၅ ပွဲက ဆုံးဖြတ်လာမှာ ဖြစ်ပြီး အာဆင်နယ်က မန်စီးတီးနှင့်စာလျှင် ပွဲအနည်းငယ်ချောင်နေတယ်လို့ ယူဆရပါတယ်။
မန်စီးတီးရဲ့ ပွဲများထဲမှ တစ်ပွဲတွင် မေလ ၄ ရက်နေ့တွင် ဝိန်းရွန်းနီရဲ့ အသင်းဟောင်းအဲဗာတန်ကို အဝေးကွင်းတွင် သွားကစားရမယ့်ပွဲလည်း ရှိနေပါတယ်။
အဲဗာတန်နှင့် ယူနိုက်တက်ဂန္ထဝင်တိုက်စစ်မှူးက "ပွတ်ကာသီကာ ဖြစ်လာလိမ့်မယ်။ အာဆင်နယ်က ပွဲပိုချောင်တယ်လို့ ထင်တယ်။ သူတို့ ပွဲအားလုံး အနိုင်ရလာမယ်။ မန်စီးတီးက နည်းနည်းပွဲကြပ်တယ်လို့ ထင်တယ်။ အဲဗာတန်နဲ့ပွဲမှာ ရမှတ် နှစ်မှတ်ဆုံးရှုံးလာနိုင်တယ်လို့ ထင်တယ်"လို့ Match Of The Day အစီအစဉ်တွင် ပြောကြားသွားပါတယ်။
ဝိန်းရွန်းနီက အာဆင်နယ်မှာ လက်ကျန်ပွဲအားလုံး အနိုင်ရလာမှာ ဖြစ်ပြီး မန်စီးတီးက လက်ကျန် ၅ ပွဲတွင် ၄ ပွဲအနိုင်ရလာကာ အဲဗာတန်နှင့် အဝေးကွင်းပွဲတွင် သရေကျလာမယ်လို့ ခန့်မှန်းထားပါတယ်။
အင်္ဂလန်အသင်းခေါင်းဆောင်ဟောင်းက အာဆင်နယ်မှ ရမှတ် ၈၅ မှတ်ဖြင့် မန်စီးတီးကို ၂ မှတ်ဖြတ်ကာ ပရီးမီးယားလိဂ်ချန်ပီယံဖြစ်လာမယ်လို့ ဟောကိန်းထုတ်သွားပါတယ်။
အာဆင်နယ်ဟာ နောက်ဆုံးပြည်တွင်းပွဲ ၄ ပွဲလုံး အရေးနိမ့်ထားပြီး ပရိသတ်များမှာ နောက်ဆုံး ၃ ရာသီ ဒုတိယအဖြစ်ဖြင့် ရပ်တည်ခဲ့ရသကဲ့သို့ အဆုံးသတ်လာမည်ကို စိုးရိမ်နေကြရပြီလည်း ဖြစ်ပါတယ်။
