ထိုင်းနိုင်ငံတွင် ယနေ့မနက်ဖြစ်ပွားသည့် တိုက်ခန်းမီးလောင်မှုအတွင်း ကလေးငယ်သုံးဦးအပါအဝင် မိသားစု၀င်ခုနစ်ဦးစလုံး သေဆုံး

အောက်တိုဘာ ၂

ယနေ့ ​အောက်တိုဘာလ ၂ ရက် နံနက်အစောပိုင်းတွင် ထိုင်းနိုင်ငံ၊ ရယောင်းမြို့ရှိ တိုက်ခန်းတစ်ခန်းတွင် နေထိုင်နေသည့် မိသားစု နှစ်ခြိုက်စွာ အိပ်မောကျနေချိန် မီးလောင်မှုဖြစ်ပွားခဲ့ရာမှ အသက်သုံးနှစ်အောက် ကလေးငယ်သုံးဦးအပါအဝင် မိသားစု၀င်ခုနစ်ဦးစလုံး သေဆုံးခဲ့ရရှာသည်။

​မီးသတ်သမားများသည် မီးလောင်မှုဖြစ်ပွားရာ ရယောင်းမြို့၊ ဆွိုင်သန်ဖိုင်း ၂ လမ်းသို့ နံနက် ၂ နာရီခွဲအချိန် ရောက်ရှိသွားရာ မီးတောက်များသည် တိုက်ခန်းတစ်လုံးကို လွှမ်းခြုံထားပြီး အခြားသုံးလုံးသို့ပါ ကူးစက်နေသည်ကို တွေ့ရှိခဲ့ရသည်။

မီးသတ်သမားများ၏ ကြိုးစားမှုကြောင့် မိနစ် ၃၀ အတွင်း မီးကို ထိန်းချုပ်နိုင်ခဲ့သော်လည်း မီးစတင်လောင်ကျွမ်းသည့် တိုက်ခန်းမှာ လုံးဝပျက်စီးသွားခဲ့သလို ထိုတိုက်ခန်းတွင် နေထိုင်သူ မိသားစုခုနစ်ဦးစလုံးကို ၎င်းတို့အိပ်ပျော်နေသည့် ဒုတိယထပ်တွင် မီးလောင်ကျွမ်းကာ သေဆုံးလျက်သား တွေ့ရှိခဲ့ရသည်။

ထို့အတူ ​ဘေးချင်းကပ်တိုက်ခန်းများမှ နေထိုင်သူ သုံးဦးမှာ မီးခိုးငွေ့ ရှူမိသဖြင့် ရယောင်းဆေးရုံသို့ တင်ပို့ခဲ့ရသည်။

​မျက်မြင်သက်သေတစ်ဦး၏ ပြောကြားချက်အရ နံနက် ၂ နာရီ ၇ မိနစ်ခန့်တွင် အော်သံများကြားခဲ့ရပြီးနောက် မီးတောက်များ တိုက်ခန်းကို လောင်ကျွမ်းနေသည်ကို မြင်တွေ့ခဲ့ရကြောင်း သိရသည်။ အရေးပေါ်အဖွဲ့များ မရောက်မီ အိမ်နီးနားချင်းများက မီးငြှိမ်းသတ်ရန် ကြိုးစားခဲ့ကြသည်။

​ရဲတပ်ဖွဲ့ကမူ လျှပ်စစ်ဝါယာရှော့ခ်ကြောင့် မီးလောင်ကျွမ်းသည်ဟု သံသယရှိပြီး တိကျသော အကြောင်းရင်းကို ဆုံးဖြတ်ရန် စုံစမ်းစစ်ဆေးရေးမှူးများက အခင်းဖြစ်ပွားရာနေရာကို စစ်ဆေးနေသည်ဟု သိရသည်။

Ref, Khaosod

Credit - Myanmar Transparency News Agency

#သတင်းဟင်းလေးအိုးကြီး

ဗဟိုဘဏ်ပြင်ပ ဒေါ်လာဈေး ကျပ် ၄၀၀၀ အောက် ကျဆင်းလာ

ရန်ကုန်၊ အောက်တိုဘာ ၂

ဗဟိုဘဏ်ပြင်ပ နိုင်ငံခြားငွေကြေးဈေးကွက်အတွင်း အမေရိကန်ဒေါ်လာငွေလဲနှုန်း ကျပ် ၄၀၀၀ အောက် ကျဆင်းလာကြောင်း ပြင်ပငွေလဲနှုန်းဖော်ပြချက်တွေအရ သိရပါတယ်။

ယခုသီတင်းပတ်အတွင်း နိုင်ငံခြားငွေဈေးတွေ ဆက်တိုက်ဆိုသလို ကျဆင်းလာနေပြီး ကန်ဒေါ်လာငွေလဲနှုန်း ၃၉၀၀ ကျပ်အထိ ကျဆင်းလာကာ ဘတ်ဈေးကလည်း ဝယ်/ရောင်းနှုန်းထားအဖြစ် ၁၂၁ ကျပ်မှ ၁၂၅ ဝန်းကျင် ရှိနေပါတယ်။

ရွှေဈေးနှုန်းကတော့ ကမ္ဘာ့ဈေးအတက်ကြောင့် အခေါက်ရွှေတစ်ကျပ်သား ကျပ်သိန်း ၈၀ ဝန်းကျင်မှာ ဈေးတန်းမာနေဆဲလို့ သိရပါတယ်။

ဗဟိုဘဏ်အနေနဲ့ကတော့ FX Trading Platform မှာ တစ်ဒေါ်လာကို ၃၆၃၃ ကျပ် ဈေးသတ်မှတ်ထားပြီး ဓာတ်သတ္တု (ရွှေ) ရည်ညွှန်းဈေးကော်မတီက စံချိန်မီရွှေတစ်ကျပ်သားဈေး ၅,၉၉၀,၀၀၀ ကျပ် သတ်မှတ်ထုတ်ပြန်ထားပါတယ်။

Credit - BETV Business

#centralnewsnaypyitaw

ဘာစီလိုနာက PSG အဆင့်မှာ ရှိမနေခဲ့ဘူးလို့ ဟန်ဆီဖလစ် ဝန်ခံ

အောက်တိုဘာ ၂

ဘာစီလိုနာအသင်းဟာ ချန်ပီယံလိဂ် League Phase ပွဲစဉ် ၂ အဖြစ် ယှဉ်ပြိုင်ခဲ့တဲ့ပွဲစဉ်မှာ PSG အသင်းကို ၂ ဂိုး-၁ ဂိုးနဲ့ အရေးနိမ့်ခဲ့ပြီးနောက် ဘာစီလိုနာအသင်းနည်းပြ ဟန်ဆီဖလစ်က အသင်းဟာ PSG အသင်းအဆင့်မှာ ရှိမနေခဲ့ဘူးလို့ ဝန်ခံခဲ့ပါတယ်။

ဟန်ဆီဖလစ်က “ကျနော်တို့ဟာ တူညီတဲ့အဆင့်မှာ ရှိနေတယ်လို့ ပြောစရာ မရှိဘူးဆိုတာ ဒီပွဲမှာ မြင်တွေ့နိုင်ပါ တယ်။ ဒါပေမယ့် ကျနော်ဟာ ကျနော့်အသင်းကို ယုံကြည်မှုရှိပါတယ်။ ဒီနေ့က ကျနော်တို့အတွက် အကောင်းဆုံး နေ့ မဟုတ်ခဲ့ပေမယ့် ဒီလိုအဆင့်မျိုး ရောက်ရှိအောင် ကျနော်တို့ ထပ်ပြီးကြိုးစားမှာပါ။ ကျနော်တို့လည်း PSG အသင်းလိုမျိုး ကစားနိုင်တယ်ဆိုတာ ရာနှုန်းပြည့် သေချာပြီး သူတို့ဆီကနေ သင်ယူကာ ပိုပြီးကောင်းအောင် လုပ်ရမယ်”လို့ ပြောခဲ့တာပါ။

ဒီပွဲမှာ ဘာစီလိုနာအသင်းဟာ ရက်ရှ်ဖို့ဒ်ရဲ့ ဖန်တီးပေးမှုကနေ ဖာရန်တောရက်စ်က ဦးဆောင်ဂိုး သွင်းယူနိုင်ခဲ့ ပေမယ့် လက်ရှိချန်ပီယံ PSG အသင်းအတွက် မာယူလူက ချေပဂိုးသွင်းပြီး ဂွန်ကာလိုရာမို့စ်က မိနစ် ၉၀ မှာ အနိုင်ဂိုး သွင်းယူခဲ့တာ ဖြစ်ပါတယ်။

ဘာစီလိုနာအသင်းဟာ ဒီရှုံးပွဲကြောင့် ဒီရာသီပြိုင်ပွဲစုံမှာ ပထမဆုံး ရှုံးပွဲကြုံတွေ့ခဲ့ပြီး PSG အသင်းကတော့ ချန်ပီယံလိဂ်ပွဲစဉ် ၂ ပွဲစလုံး အနိုင်ရရှိထားတာပါ။

PSG အသင်းဟာ ဒီပွဲစဉ်မှာ အဓိက ကစားသမားတွေဖြစ်တဲ့ ဒမ်ဘီလီ၊ ဒူအီ၊ ကာဗီချာနဲ့ မာကွင်ဟို့စ်တို့ ဒဏ်ရာ ကြောင့် မပါဝင်နိုင်ခဲ့ပေမယ့် ဘာစီလိုနာအသင်းကို အကောင်းဆုံးကစားပြီး နိုင်ပွဲရယူနိုင်ခဲ့တာ ဖြစ်ပါတယ်။

ဘာစီလိုနာအသင်းကလည်း ရာဖင်ညာ၊ ယိုအန်ဂါစီယာ၊ ဂါဗီနဲ့ဖာမင်လိုပက်ဇ်တို့ မပါဝင်ဘဲ PSG အသင်းနဲ့ ရင်ဆိုင်ခဲ့ရတာပါ။

ဘာစီလိုနာအသင်းနည်းပြ ဟန်ဆီဖလစ်က PSG အသင်းကို နောက်ကျ အနိုင်ဂိုး ပေးခဲ့ရတဲ့အပေါ် စိတ်ပျက်ခဲ့ ပေမယ့် လာမယ့်ပွဲတွေမှာ ပိုပြီးကောင်းမွန်အောင် သင်ယူရမယ်လို့ ပြောခဲ့ပါတယ်။

ဒီပွဲမှာ PSG အသင်းအတွက် အနိုင်ဂိုးသွင်းခဲ့တဲ့ ဂွန်ကာလိုရာမို့စ်က သူတို့ဟာနိုင်ပွဲနဲ့ ထိုက်တန်ခဲ့ပြီး ဘာစီလိုနာ အသင်းထက် ပိုပြီးကောင်းအောင် ကစားနိုင်ခဲ့တယ်လို့ ပြောခဲ့ပါတယ်။

ဒါအပြင် ဂွန်ကာလိုရာမို့စ်က သူတို့ဟာ ဒီရာသီမှာ အရာအားလုံးကို ထပ်ပြီး အနိုင်ယူချင်တယ်လို့ ပြောခဲ့တာ ဖြစ်ပါတယ်။

Source: ESPN

ပုံ - ဘာစီလိုနာနဲ့ ပီအက်စ်ဂျီ ယှဉ်ပြိုင်နေစဉ်

#ဘောလုံးသတင်းစုံ

ချောက်မြို့နယ်တွင် လမ်းဦးစီးဌာနမှ ခရိုင် လက်ထောက်ညွှန်ကြားရေးမှူး အပါအဝင် (၂)ဦးကို အကြမ်းဖက်အဖွဲ့က ဖမ်းဆီးသွား

အောက်တိုဘာ ၂

မကွေးတိုင်းဒေသကြီး ၊ ချောက်မြို့နယ်တွင် လမ်းဦးစီးဌာနမှ ခရိုင် လက်ထောက်ညွှန်ကြားရေးမှူး အပါအဝင် (၂)ဦးကို အကြမ်းဖက်အဖွဲ့က ဖမ်းဆီးသွားခဲ့ကြောင်း ဒေသခံများထံမှ သိရသည်။

ယမန်နေ့ (အောက်တိုဘာ ၁ရက်) ၊ ညနေ (၅)နာရီခန့်က တိုင်းအစည်းအဝေးမှ ပြန်လာသည့် အသက် (၅၀)နှစ်အရွယ် လက်ထောက်ညွှန်ကြားရေးမှူး အမျိုးသမီး အပါအဝင် (၂)ဦးကို ချောက်မြို့နယ်၊ ကြေးနီလမ်းခွဲအနီးတွင် အကြမ်းဖက်အဖွဲ့က ဖမ်းဆီးသွားခဲ့ကြောင်း သိရသည်။

"တိုင်းအစည်းအဝေးက အပြန် ပါသွားတာ။ သူ့ကားနဲ့ပြန်လာတာကို ချောက်ရောက်ခါနီး (၆) မိုင်လောက်အလိုမှာ ပါသွားတာ။ သူနဲ့ပါလာတဲ့တပည့်တစ်ယောက်က လွတ်သွားတယ်။ တစ်ယောက်ကတော့ သူနဲ့ပါသွားတယ်။ ကားလည်း ပါသွားတယ်။ PDFက အဲဒီလမ်းမှာ ခနခန ထွက်ထွက်စစ်တယ်။ အခုလည်း ထွက်စစ်ပြီး ဝန်ထမ်းဆိုတာ သိလို့ခေါ်သွားတာ ထင်တယ်။ လွတ်လာတဲ့တစ်ယောက်ကိုတော့ စစ်ဆေးတာတွေ လုပ်နေတယ်" ဟု ဒေသခံ တစ်ဦးက ပြောသည်။

လက်ရှိတွင် သက်ဆိုင်ရာတာဝန်ရှိသူများက လိုအပ်သည့် လုံခြုံရေးလုပ်ငန်းများ ဆက်လက်ဆောင်ရွက်နေကြောင်း သိရသည်။

Credit - NP News Agency

#သတင်းဟင်းလေးအိုးကြီး

ကုလအဆင့်မြင့်ညီလာခံတွင် ဂျူလီဘစ်ရှော့က မြန်မာနိုင်ငံ၏ နိုင်ငံရေးဖြစ်ပေါ်တိုးတက်မှုအချို့ကို လှစ်ဟဖော်ပြခဲ့

အောက်တိုဘာ ၂

ကုလသမဂ္ဂ၏ မြန်မာနိုင်ငံဆိုင်ရာ အထူးသံတမန် ဂျူလီဘစ်ရှော့သည် ၂၀၂၅ ခုနှစ်၊ စက်တင်ဘာလ ၃၀ ရက်က ကုလသမဂ္ဂတွင် ကျင်းပခဲ့သော မြန်မာနိုင်ငံရှိ မွတ်ဆလင်များနှင့် အခြား လူနည်းစုများဆိုင်ရာ အဆင့်မြင့်ညီလာခံတွင် ၎င်းတွေ့ရှိသိမြင်ခဲ့ရသော မြန်မာနိုင်ငံ၏ နိုင်ငံရေးဖြစ်ပေါ်တိုးတက်မှုအချို့ကို မိန့်ခွန်း အတွင်း ထည့်သွင်း ပြောကြားခဲ့သည်။

ဂျူလီဘစ်ရှော့သည် မြန်မာနိုင်ငံ၏ အကျပ်အတည်းများကို အဖြေရှာနိုင်ရန် ပဋိပက္ခတွင် ပါဝင်ပတ်သက်သူအားလုံးနှင့် ထိတွေ့ဆက်ဆံဖို့ ကြိုးပမ်းသည့် အစိတ်အပိုင်းတစ်ရပ်အနေဖြင့် ပြီးခဲ့သည့်အပတ်က မြန်မာနိုင်ငံကို တတိယအကြိမ် ထပ်မံ သွားရောက်ခဲ့ကြောင်းဖော်ပြခဲ့သည်။

ထို့နောက် နိုင်ငံတော်လုံခြုံရေး နှင့် အေးချမ်းသာယာရေးကော်မရှင်မှ ခေါင်းဆောင်များနှင့် တွေ့ဆုံခဲ့သည့်အပြင် နေပြည်တော်၌ ယာယီသမ္မတ၊ နိုင်ငံတော်လုံခြုံရေး နှင့် အေးချမ်းသာယာရေး ကော်မရှင် ဥက္ကဌ ဗိုလ်ချုပ်မှူးကြီး မင်းအောင်လှိုင်နှင့် ဒုတိယအကြိမ် ထပ်မံ တွေ့ဆုံခဲ့ကြောင်း ၎င်းက ထည့်ပြောသည်။

“ဇူလိုင်လ ၃၁ ရက်နေ့မှာ အရေးပေါ်အခြေအနေ သက်တမ်းကုန်ဆုံးပြီးနောက် နိုင်ငံတော် စီမံအုပ်ချုပ်ရေးကောင်စီ (SAC) နေရာကို အစားထိုးတဲ့ နိုင်ငံတော်လုံခြုံရေး နှင့် အေးချမ်းသာယာရေးကော်မရှင်က ရွေးကောက်ပွဲတွေကို သုံးဆင့်ခွဲပြီး ကျင်းပဖို့ ပြင်ဆင်နေပါတယ်” ဟု ၎င်းက ဆိုသည်။

ထို့ပြင် ရွေးကောက်ပွဲပထမပိုင်းကို ဒီဇင်ဘာ (၂၈) ရက်နေ့မှာ စတင်ကျင်းပမည်ဖြစ်ကြောင်း၊ မြို့နယ် စုစုပေါင်း မြို့နယ် (၃၃၀) ထဲက မြို့နယ် (၁၀၂) မြို့နယ်မှာ ပထမပိုင်းကျင်းပဖို့စီစဉ်ထားကြောင်း၊ ရွေးကောက်ပွဲ လုပ်ငန်းစဉ်ကို အကြမ်းဖက်ဖျက်ဆီးမည့် အခြေအနေများကို မျှော်မှန်းပြီး လုံခြုံရေး အစီအမံများကို တင်းကျပ်ထားကြောင်းလည်း အသေးစိတ်ဖော်ပြခဲ့သည်။

ရွေးကောက်ပွဲကော်မရှင်၏ လုပ်ငန်းဆောင်တာများနှင့်ပတ်သက်၍လည်း ပြည်ထောင်စု ရွေးကောက်ပွဲ ကော်မရှင်က မဲဆန္ဒရှင်စာရင်းများ၊ ပါတီမှတ်ပုံတင်ခြင်းများနှင့် ကိုယ်စားလှယ်လောင်း အမည်စာရင်း တင်သွင်းခြင်းများကို ပြင်ဆင်နေကြောင်းလည်း ၎င်းက ညီလာခံတွင် အစီရင်ခံခဲ့သည်။

ထို့ပြင် ကနဦးကာလများနှင့်မတူ မြန်မာနိုင်ငံအပေါ် နိုင်ငံတကာ၏ ပြစ်တင်ရှုတ်ချမှုများ လျော့ပါးသွားခဲ့ကြောင်းကိုလည်း ဂျူလီဘစ်ရှော့က အလေးပေး ဖော်ပြလာသည်။

“ဗိုလ်ချုပ်မှူးကြီးကို အဆင့်မြင့် ဒေသဆိုင်ရာ အစည်းအဝေးတွေမှာ ကမ္ဘာ့ခေါင်းဆောင်တွေနဲ့ ဒေသဆိုင်ရာ ခေါင်းဆောင်တွေက ကြိုဆိုလာကြတယ်။ သူ သွားရောက်ခဲ့တဲ့ ခရီးစဉ်တွေထဲမှာ ကုလသမဂ္ဂ လုံခြုံရေးကောင်စီဝင် နိုင်ငံတွေရဲ့ မြို့တော်တွေလည်း ပါဝင်နေတယ်။ ဒီအခြေအနေတွေကြောင့်လည်း အရေးယူ ပိတ်ဆို့မှုတွေ ရုပ်သိမ်းခဲ့တာမျိုးဖြစ်တယ်” ဟု သူမက အဆင့်မြင့်ညီလာခံတွင် ဖော်ပြခဲ့သည်။

ထို့နောက် နိုင်ငံတော်လုံခြုံရေး နှင့် အေးချမ်းသာယာရေးကော်မရှင်က တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) ရဲ့ (၁၀) နှစ်ပြည့် အထိမ်းအမှတ် အခမ်းအနားကို စီစဉ်နေကြောင်းကိုပါ ၎င်းက ထည့်သွင်းပြောကြားခဲ့သည်။

“အဲဒါကို ငြိမ်းချမ်းရေး ဖိုရမ် တစ်ခုအဖြစ် လုပ်ဆောင်ဖို့ အဆိုပြုထားပြီး NCA ကို ထောက်ခံသူတွေနဲ့အတူ သံတမန်တွေ၊ တခြား အခန်းကဏ္ဍက ပါဝင်သူတွေ အပါအဝင် ပါဝင်ပတ်သက်သူတွေကို ဖိတ်ကြားသွားမှာ ဖြစ်ပါတယ်” ဟု ၎င်းက ဆိုသည်။

အဆင့်မြင့်ညီလာခံတွင် ကုလသမဂ္ဂ၏ မြန်မာနိုင်ငံဆိုင်ရာ အထူးသံတမန်က ၎င်း၏ ကွင်းဆင်းလေ့လာတွေ့ရှိချက်များကို ထိုသို့ တင်ပြခဲ့ရာ မြန်မာအစိုးရ၏ နိုင်ငံရေး လုပ်ငန်းစဉ်များတွင် တိုးတက်မှုများ ရှိနေကြောင်း ၎င်း၏ ဖော်ပြချက်များက ထင်ဟပ်နေသည်။

Credit - NP News Agency

#centralnewsnaypyitaw

Amazing Nice quality of natural good sizes bi-tri colour Tourmaline Cabs Pendents.
Origin:From Afghanistan mine.
Weight: 60 Pendents All.
Sterling Silver 925.

Credit to owner

"ဖေဖေ့လွမ်းတာ သမီးလေး Aura"
Photo. Credit
#celefocus

One day, you and me in Paris.🤎

စားရဖို့ မလွယ်တဲ့ဟင်း။ ညီမ တစ်ဦးလာပေးတဲ့ 💓သူ့ခြံကအော်ဂဲနစ်လေးတွေပါ။
ဖရုံကင်း၊အပွင့်အဖူးလေးတွေ ကြက်သွန်ဖြူ၊ဆားလေးနဲ့ပဲကြော်ထားတယ်။ လတ်ဆတ်လို့ တော်တော် ချိုတာပဲ။
အသီး၊အရွက်ဆို ကျမက ကြက်သားမှုန့်၊ဟင်းရွက်မှုန့်
မထည့်ဖြစ်တာများတယ်။အချိုမှုန့်က အရင်ကတည်းက မစားဘူး။ အသား၊ငါးတွေကျ သူ့အချိုဓာတ်လေး ပိုကြွအောင် ကြက်သားမှုန့်/ဟင်းရွက်မှုန့် အနည်းငယ် ထည့်သုံးပေမဲ့ အသီး၊အရွက်ကြော်ဆို မထည့်ဘူးကွယ်☺️🥗။
(အသီးအရွက်တွေက သူ့သဘာဝ အချိုတိုင်း စားနိုင်ရင်အကောင်းဆုံးအရသာပါပဲ၊ကြက်သားမှုန့်တို့ဘာညာထည့်ရင် သဘာဝ အချိုဓာတ်မရဝော့ာဘူးရယ်
Credit to owner

ကမ္ဘာ့ထိပ်တန်းချင်ပန်ဇီပညာရှင် ဂျိန်း ဂိုဒေါလ် ကွယ်လွန်
ချင်ပန်ဇီတွေအကြောင်း ကျွမ်းကျင်တဲ့ ကမ္ဘာ့ထိပ်တန်းပညာရှင် ဂျိန် ဂိုဒေါလ်ဟာ အမေရိကန်နိုင်ငံ၊ ကယ်လီဖိုးနီးယားပြည်နယ်မှာ အောက်တိုဘာ ၁ ရက်နေ့က ကွယ်လွန်သွားခဲ့ပါပြီ။ သူ သေဆုံးချိန်မှာ အသက် ၉၁ နှစ်ရှိပါပြီ။
သူ တည်ထောင်ထားတဲ့ The Jane Goodall Institute က "အောက်တိုဘာ ၁ ရက်နေ့ မနက်ခင်းမှာ Jane Goodall Institue ရဲ့တည်ထောင်သူ၊ UN Messenger of Peace ဒေါက်တာ ဂျိန်း ဂိုဒေါလ်က သဘာဝအကြောင်းတရားကြောင့် ကွယ်လွန်သွားခဲ့တယ်ဆိုတာ သိခဲ့ရပါတယ်။ ဂျိန်းက ဟောပြောရေးခရီးစဉ်ရဲ့တစ်စိတ်တစ်ပိုင်းအဖြစ် ကယ်လီဖိုးနီးယားပြည်နယ်မှာ ရှိနေခဲ့တာပါ" လို့ ထုတ်ပြန်ခဲ့ပါတယ်။
ဂျိန်းက ချင်ပန်ဇီတွေဟာ ပရိုင်းမိတ်လေ့လာတဲ့နယ်ပယ်ကို လုံးဝပြောင်းလဲသွားစေမယ့် ကိရိယာတွေကို ပြုလုပ်နိုင်၊ အသုံးပြုနိုင်တယ်ဆိုတာကို ၁၉၆၀ ခုနှစ်မှာ လေ့လာတွေ့ရှိခဲ့တာပါ။ လန်ဒန်မှာ မွေးဖွားခဲ့တဲ့ သူက ၁၉၅၇ ခုနှစ်မှာ ကင်ညာကို သွားခဲ့ပြီး မနုဿဗေဒပညာရှင် Louis S.B Leakey နဲ့ စပြီး အလုပ်လုပ်ကိုင်ခဲ့ပါတယ်။ တောရိုင်းချင်ပန်ဇီတွေရဲ့ကမ္ဘာကို စူးစမ်းလေ့လာဖို့ ပထမဆုံးအကြိမ် တန်ဇန်းနီးယားကို သွားလည်တော့ သူ့အသက်က ၂၆ နှစ်ပါ။ ၁၉၆၀ ခုနှစ်မှာ တန်ဇန်းနီးယားမှာ တိရစ္ဆာန်တွေအကြောင်းလေ့လာခဲ့ပါတယ်။ ဒါက သူ့ကို သိပ္ပံဂျာနယ်တွေထုတ်ဝေဖို့ ဖြစ်စေခဲ့ပါတယ်။
သူက ၁၉၇၇ ခုနှစ်မှာ မျောက်ဝံကြီးတွေကို သုတေသနပြုရာမှာ အထောက်အပံ့ပေးဖို့ Jane Goodall Institute ကို တည်ထောင်ခဲ့တာပါ။ နောက်ပိုင်းမှာ အခြားပရောဂျက်များစွာထဲကမှ လူငယ်အစီအစဉ်တစ်ခုဖြစ်တဲ့ Roots and Shoots ကို လုပ်ဖြစ်ခဲ့ပါတယ်။ ထိန်းသိမ်းစောင့်ရှောက်မှု၊ ရာသီဥတုပြောင်းလဲမှု၊ တိရစ္ဆာန်အမူအကျင့်တွေအကြောင်း ကမ္ဘာ့တစ်ဝှမ်းမှာ ဟောပြောဖြစ်ခဲ့ပါတယ်။ သူ မသေဆုံးခင် အောက်တိုဘာ ၃ ရက်နေ့ကျ လော့စ်အိန်ဂျလိစ်မှာ ဟောပြောဖို့ စီစဉ်ထားခဲ့တာပါ။
ဂျိန်းရဲ့ပရောဂျက်လက်ရာတွေက မှတ်တမ်းရုပ်ရှင် ၄၀ ကျော်ကိုရိုက်ကူးစေခဲ့ပါတယ်။ ၂၀၁၇ ခုနှစ်ရဲ့ မှတ်တမ်းရုပ်ရှင် Jane မှာ သူ့ရဲ့အကြောင်းကို အသေးစိတ်ဖော်ပြခဲ့ပါတယ်။ အဲ့ဒီမှတ်တမ်းရုပ်ရှင်က Primetime Emmys ဆု ၁ ဆုနဲ့ အခြားဆုများစွာရရှိခဲ့ပါတယ်။ ၂၀၂၃ ခုနှစ် ရဲ့ “Jane Goodall: Reasons for Hope”မှတ်တမ်းရုပ်ရှင်မှာလည်း ဂျိန်းရဲ့သက်ရှိတွေနေထိုင်ရာပြန်လည်ထူထောင်ရေးပရောဂျက်တွေကို ပြသထားပါတယ်။