ဘောလုံးသမိုင်းတွင် အကောင်းဆုံးခေါင်းတိုက်ဂိုးအဖြစ် ချီးကျူးခံနေရတဲ့ နယူးကာဆယ်နောက်ခံလူဒန်ဘန်းရဲ့ ခေါင်းတိုက်ဂိုး
========================

ဒန်ဘန်းရဲ့ မနေ့ညတုန်းက ဘီလ်ဘာအိုအား အနိုင်ရတဲ့ ချန်ပီယံလိဂ်ပွဲစဉ်မှ ခေါင်းတိုက်ဂိုးမှာ သမိုင်းတွင် အကောင်းဆုံးခေါင်းတိုက်ဂိုးအဖြစ် တင်စာချီးကျူးခြင်းခံနေရပါတယ်။

နယူးကာဆယ်ဗဟိုနောက်ခံလူဟာ မတ်လတုန်းက သောမတ်စ်တူချယ်လက်အောက်တွင် ပထမဆုံးအင်္ဂလန်ပွဲ ကစားခွင့် ရပြီးနောက် ပရော်ဖက်ရှင်နယ်ကစားသမားဘဝ အကောင်းဆုံးကာလကို ဖြတ်သန်းနေရသူလည်း ဖြစ်ပါတယ်။

အသက် ၃၃ နှစ်ရှိ အရပ်အမောင်းမြင့်မားတဲ့ ဒန်ဘန်းဟာ မနေ့ညတုန်းက ဘီလ်ဘာအိုနှင့်ပွဲတွင် အဝေးထောင့်သို့ စူပါခေါင်းတိုက်ဂိုးသွင်းကာ နယူးကာဆယ်အတွက် ဦးဆောင်ဂိုးသွင်းခဲ့တာလည်း ဖြစ်ပါတယ်။

ပရိသတ်များဟာ ဖရီးကစ်ကနေ ဒန်ဘန်းရဲ့ အဝေးမှ ခေါင်းတိုက်ချက် ဝေ့ဝိုက်ကာ အဝေးထောင့်သို့ ဝင်သွားမှုကြောင့် မင်သက်ခဲ့ရပါတယ်။

ဒန်ဘန်းရဲ့ ဂိုးဟာ ဘောလုံးသမိုင်းတွင် အကောင်းဆုံးခေါင်းတိုက်ဂိုးအဖြစ် အွန်လိုင်းတွင် ချီးကျူးခြင်းခံနေရပါတယ်။
ပရိသတ်တစ်ဦးက "အမိုက်ဆုံးခေါင်းတိုက်ဂိုးကို ဒန်ဘန်း ဘယ်လောက်တောင် သွင်းလိုက်တာလဲ"လို့ ပြောကြားသွားပါတယ်။
တဖက်တွင် ပရိသတ်များဟာ ဒန်ဘန်းရဲ့ ခေါင်းတိုက်ဂိုးအား ရော်ဘင်ဗန်ပါစီရဲ့ ကမ္ဘာ့ဖလားခေါင်းတိုက်ဂိုးနဲ့ နှိုင်းယှဉ်ပြောကြားနေကြပါတယ်။

ပရိသတ်တစ်ဦးက "ဒန်ဘန်းရဲ့ ခေါင်းတိုက်ဂိုးက ဗန်ပါစီရဲ့ ခုန်ပျံခေါင်းတိုက်ဂိုးနဲ့ တစ်တန်းတည်းပဲ။ ဘယ်လောက်တောင် ကောင်းလိုက်သလဲ။ ဝေ့ဝိုက်တိုက်သွားတာ ဘယ်လောက်တောင် အံ့ဩစရာကောင်းလိုက်သလဲ"လို့ ဆိုသွားပါတယ်။

မနေ့ညကပွဲတွင် နယူးကာဆယ်ဟာ မနေ့ညကပွဲတွင် ဂျိုးလင်တန် ဂိုးထပ်မံ သွင်းယူလိုက်မှုကြောင့် ၂-၀ ဖြင့် အနိုင်ရခဲ့ပါတယ်။
ဒန်ဘန်းဟာ ယခုရာသီ ပထမဆုံးဂိုး သွင်းယူခဲ့တာ ဖြစ်ပြီး ၂၀၂၁ ခုနှစ်တွင် ဘရိုက်တန်မှ ပြောင်းလာပြီးနောက် နယူးကာဆယ်အတွက် ၈ ဂိုးမြောက်ဂိုး သွင်းယူခဲ့တာလည်း ဖြစ်ပါတယ်။

ဒန်ဘန်းဟာ လာမယ့်နွေမှာ ၃၄ နှစ်ပြည့်မှာ ဖြစ်ပေမယ့် ကြံ့ခိုင်မှုပိုင်း အကောင်းဆုံး ဖြစ်နေဆဲ ဖြစ်ပြီး ပြီးခဲ့တဲ့ရာသီတုန်းက ပြိုင်ပွဲအရပ်ရပ် ၄၆ ပွဲကစားခဲ့ပါတယ်။

သူဟာ ယခုရာသီ နယူးကာဆယ်ရဲ့ ပီရးမီးယားလိဂ်ပွဲအားလုံး ပွဲထွက်ကစားပြီး ပြိုင်ပွဲအရပ်ရပ် ၁၃ ပွဲကစားထားပြီး ဖြစ်ပါတယ်။

နယူးကာဆယ်ဟာ ဘီလ်ဘာအိုနိုင်ပွဲကြောင့် ချန်ပီယံလိဂ်အမှတ်ပေးဇယားအဆင့် ၆ နေရာသို့ တက်လှမ်းလာပါတယ်။ ဒါပေမယ့် ၎င်းတို့ဟာ ပရီးမီးယားလိဂ်မှာတော့ အဆင့် ၁၃ နေရာမှာ ရပ်တည်နေပါတယ်။

အတ္တလန္တာနိုင်ပွဲတွင် လူစားလဲခံရပြီးနောက် နည်းပြနှင့် ပြဿနာတက်ခဲ့တဲ့ အဒီမိုလာလုပ်ခ်မန်း
===================

အဒီမိုလာလုပ်ခ်မန်းဟာ ဗုဒ္ဓဟူးနေ့ညတုန်းက ချန်ပီယံလိဂ်ပွဲစဉ်တွင် လူစားလဲလှယ်ခြင်းခံရပြီးနောက် အတ္တလန္တာနည်းပြအိုင်ဗန်ဂျူရစ်နှင့် ပြဿနာတက်ခဲ့ပါတယ်။

အဲဗာတန်တိုက်စစ်မှူးဟောင်းဟာ မာဆေးကို ၁-၀ ဂိုးဖြင့် အနိုင်ရတဲ့ ယင်းပွဲစဉ်အတွက် ပွဲနှောင်းပိုင်းမှာ လူစားလဲလှယ်ခြင်းခံခဲ့ရပါတယ်။

တောင်ပံကစားသမားဟာ ပွဲချိန် ၇၅ မိနစ်တွင် လူစားလဲလှယ်ခြင်းခံရပြီးနောက် ကွင်းဘေးစည်းတွင် လမ်းလျှောက်နေစဉ် ဆောက်သမ်တန်နည်းပြဟောင်းအား တစုံတခု ပြောကြားခဲ့ပါတယ်။

ချက်ချင်းဆိုသလိုဘဲ အိုင်ဗန်ဂျူရစ်ဟာ အကြီးအကျယ်ဒေါသထွက်ကာ လုပ်ခ်မန်းရဲ့ လက်မောင်းအား ဖမ်းဆုပ်ခဲ့ပါတယ်။
လုပ်ခ်မန်းဟာ ဂျူရစ်ရဲ့ တုံ့ပြန်မှုကြောင့် အကြီးအကျယ်တုန်လှုပ်နေတာ တွေ့ရပြီး အခြားနည်းပြအဖွဲ့ဝင်များ လာရောက် ဖြေဖြန်ခဲ့ရပါတယ်။

နည်းပြအဖွဲ့ဝင်တစ်ဦးက ဂျူရစ်အား ဆွဲထားချိန်တွင် အခြားနည်းပြတစ်ဦးကလည်း နည်းပြကို ပြန်လည်တုံ့ပြန်ရန် ကြိုးစားတဲ့ လုပ်ခ်မန်းအား တားဆီးခဲ့တာ တွေ့ရပါတယ်။

ယင်းအဖြစ်အပျက် ဖြစ်ချိန်တွင် ပွဲမှာ ဂိုးမရှိသရေကျနေပြီး လုပ်ခ်မန်းကို ယူနပ်စ်မူဆာနှင့် လူစားလဲခဲ့တာပါ။

ယင်းနောက် ၈၉ မိနစ်မှာတော့ ဆာမာဇစ်က ပြင်သစ်မြေတွင် အတ္တလန္တာအတွက် တစ်လုံးတည်းသော အနိုင်ဂိုးကို သွင်းယူခဲ့ပါတယ်။

လုပ်ခ်မန်းဟာ ယခုနှစ်အတွင်းတွင် အတ္တလန္တာတွင် ပြဿနာများစွာ ဖြစ်ပျက်ထားသူ ဖြစ်ပါတယ်။

သူဟာ ဖေဖော်ဝါရီလတုန်းက ကလပ်ဘရုဂျက်အား ရှုံးနိမ့်တဲ့ ချန်ပီယံလိဂ်ပွဲတွင် ပင်နယ်တီလွဲပြီးနောက် သူ့ကို အဆိုးရွားဆုံးပင်နယ်တီကန်သူအဖြစ် သမုတ်ခဲ့တဲ့ နည်းပြဂီယန်ပီရိုဂက်စ်ပါရီနီအား မလေးမစားပြောဆိုသူအဖြစ် တုံ့ပြန်ခဲ့ပါတယ်။

ယင်းနောက် သူဟာ နွေရာသီတုန်းကလည်း အင်တာမီလန်မှ ပေါင် ၃၂ သန်းဖြင့် ကမ်းလှမ်းမှုအား ကလပ်ဘက်က ပယ်ချလာပြီးနောက် ကလပ်ကို ကတိချိုးဖောက်တယ်ဆိုပြီး လူသိရှင်ကြား ဝေဖန်ခဲ့ပါတယ်။

အင်ဒိုနီးရှားဖိတ်ခေါ် (၃) နိုင်ငံ ခရစ်ကတ်ပြိုင်ပွဲ မြန်မာဝင်ပြိုင်မယ်

မြန်မာ့လက်ရွေးစင် အမျိုးသားခရစ်ကတ်အသင်းဟာ အင်ဒိုနီးရှားဖိတ်ခေါ် (၃) နိုင်ငံ ခရစ်ကတ်ပြိုင်ပွဲ (Bali Bash International Indonesia) ကို ဝင်ရောက်ယှဥ်ပြိုင်သွားဖို့ရှိနေပါတယ်။

ဒီပြိုင်ပွဲကို အင်ဒိုနီးရှားနိုင်ငံ၊ ဘာလီမှာ နိုဝင်ဘာ (၆) ရက်ကနေ (၁၄) ရက်အထိ ကျင်းပပြုလုပ်မှာဖြစ်ပြီး အိမ်ရှင်အင်ဒိုနီးရှား၊ မြန်မာနဲ့ တီမောအသင်းတို့ ပါဝင်ယှဥ်ပြိုင်ကြမှာဖြစ်ပါတယ်။

ပြိုင်ပွဲကို (၃) သင်း (၄) ကျော့ အမှတ်ပေးစီးရီးပုံစံနဲ့ ယှဥ်ပြိုင်ကစားစေမှာဖြစ်ပါတယ်။

မြန်မာ့လက်ရွေးစင် အမျိုးသားခရစ်ကတ်အသင်းဟာ နိုဝင်ဘာ (၆၊ ၇၊ ၈၊ ၉၊ ၁၁၊ ၁၂၊ ၁၃၊ ၁၄) ရက်တွေမှာ ယှဥ်ပြိုင်ကစားရမှာဖြစ်ပါတယ်။

လာမယ့် ကမ္ဘာ့ဖလားခြေစစ်ပွဲတွေမှာ ဟာရီကိန်းကို အနားပေးပြီး ဝဲလ်ဘက်ကို အခွင့်အရေးပေးသင့်တယ်လို့ ရွန်နီ အကြံပြု

အင်္ဂလန်တိုက်စစ်မှူးဟောင်း ၀ိန်းရွန်နီက လက်ရှိ အင်္ဂလန်နည်းပြ သောမတ်စ်တူဟယ်လ်အနေနဲ့ လာမယ့် ကမ္ဘာ့ဖလားခြေစစ်ပွဲတွေမှာ ဘိုင်ယန်မြူးနစ်တိုက်စစ်မှူး ဟာရီကိန်းကို အနားပေးပြီး ဘရိုက်တန်တိုက်စစ်မှူး ဝဲလ်ဘက်ကို အခွင့်အရေးပေးသင့်တယ်လို့ အကြံပြုပြောကြားခဲ့ပါတယ်။

အင်္ဂလန်အသင်းဟာ နိုဝင်ဘာလမှာ ဆားဘီးယား၊ အယ်လ်ဘေးနီးယားတို့နဲ့၂၀၂၆ ကမ္ဘာ့ဖလားခြေစစ်ပွဲနှစ်ပွဲ ယှဉ်ပြိုင်ကစားရမှာဖြစ်ပြီး ခြေစစ်ပွဲအောင်မြင်ထားပြီးဖြစ်တာကြောင့် ရလဒ်က အရေးမပါတော့ပါဘူး။

ဒါကြောင့် အသင်းခေါင်းဆောင် ဟာရီကိန်းကို အနားပေးပြီး ဒီရာသီမှာ ဘရိုက်တန်အသင်းအတွက် ခြေစွမ်းပြနေတဲ့ ဝဲလ်ဘက်ကို ပြန်လည်ရွေးချယ် အသုံးပြုသင့်တယ်လို့ ရွန်နီက အကြံပြုခဲ့တာပါ။

''လာမယ့် အင်္ဂလန်အသင်းရဲ့ ပွဲနှစ်ပွဲမှာ ကျွန်တော်သာဆိုရင် ဟာရီကိန်းကို မခေါ်ယူဘဲ အနားပေးမှာပါ။ ရာသီမကုန်ခင်မှာ သူ့ကို အနားပေးဖို့ အခွင့်အရေးအများကြီး မရှိပါဘူး။ သူ့ကို အနားပေးပြီး ဝဲလ်ဘက် ဒါမှမဟုတ် ဝပ်ကင်စ် ဒါမှမဟုတ် အီဗန်တိုနေးကို စမ်းသပ်ကြည့်သင့်ပါတယ်။ ဘယ်သူပဲဖြစ်ဖြစ် ကြိုးစားဖို့ အခွင့်အရေးရသင့်ပါတယ်။ ကျွန်တော်ကတော့ ဒန်နီယဲလ်(ဝဲလ်ဘက်)ကို တကယ်သဘောကျပါတယ်။ သူက ဂိုးတွေသွင်းနေပြီး ကြိုးစားသူလည်းဖြစ်ပါတယ်'' လို့ ရွန်နီက ပြောကြားခဲ့ပါတယ်။

ဝဲလ်ဘက်ဟာ ဒီရာသီ ပရီးမီးယားလိဂ်မှာ (၆)ဂိုးသွင်းယူထားတာကြောင့် သောမတ်စ်တူဟယ်ကလည်း အင်္ဂလန်အသင်းအတွက် ပြန်လည်ရွေးချယ်ခေါ်ယူဖို့ စဉ်းစားနေကြောင်း သတင်းထွက်နေပါတယ်။

ဝဲလ်ဘက်(၃၄ နှစ်)ဟာ ၂၀၁၈ ကမ္ဘာ့ဖလားပြိုင်ပွဲ ပြီးကတည်းက အင်္ဂလန်လက်ရွေးစင်အသင်းအတွက် ရွေးချယ်မခံရကြောင်း သိရပါတယ်။

ဧရာဝတီအက်ဖ်စီအသင်း နောက်တန်းကစားသမား ဇွန်ယုယဦးကို ISPE FC ကာလတို အငှားစာချုပ်ဖြင့်ခေါ်ယူ

ဧရာဝတီအက်ဖ်စီအသင်း နောက်တန်းကစားသမား ဇွန်ယုယဦးကို ISPE FCအသင်းက ကာလတို အငှားစာချုပ်ဖြင့်ခေါ်ယူထားရှိကြောင်း သိရသည်။

ဇွန်ယုယဦးကို အသင်းနည်းပြ ဒေါ်စန်းစန်းသိန်းက ခေါ်ယူခဲ့ခြင်းဖြစ်ပြီး၊ ISPE FC အမျိုးသမီးအသင်းအနေဖြင့် လာမည့် နိုဝင်ဘာ(၉)ရက်၌ အာရှအမျိုးသမီးချန်ပီယံလိဂ်ပြိုင်ပွဲအတွက် တောင်ကိုရီးယားကလပ် ဆူဝမ်အသင်းဖြင့် ယှဉ်ပြိုင်ကစားသွားကြရမည်ဖြစ်သည်။

ISPE အသင်းသည် ပြိုင်ပွဲအတွက် ပြည်တွင်းကလပ်ရှိ ကစားသမားအချို့နှင့် လက်ရွေးစင်အသင်းမှ ကစားသမားအချို့ကိုလည်း ကာလတိုစာချုပ်ဖြင့်ခေါ်ယူထားသည်။

စွယ်တော်မြတ်စေတီတော်(မန္တလေး)၏ ထီးတော်တင်လှူပွဲ‌ကို နိုဝင်ဘာလအတွင်း ကျင်းပသွားမည်

ငလျင်ကြောင့် ထိခိုက်ခဲ့သည့် စွယ်တော်မြတ်စေတီတော် (မန္တလေး)၏ ရွှေထီးတော်၊ ငှက်မြတ်နားတော်နှင့် ထီးတော်တို့ကို ပြင်ဆင်ပြီးဖြစ်သည့်အတွက် ယခုနိုဝင်ဘာလအတွင်း ထီးတော်တင်လှူပွဲ‌ကို ကျင်းပသွားမည်ဖြစ်ကြောင်း စွယ်တော်မြတ်စေတီတော် (မန္တလေး) ဂေါပကအဖွဲ့ရုံးမှ သိရသည်။

မတ်လ (၂၈) ရက်တွင် လှုပ်ခတ်ခဲ့သည့် မန္တလေးငလျင်ကြီးကြောင့် ရွှေထီးတော်၊ ငှက်မြတ်နားတော်နှင့် ထီးတော်တို့မှာ အနည်းငယ်ပျ-က်စီးမှု ဖြစ်ပေါ်ခဲ့ကြောင်း သိရသည်။

ယခုအခါ တိုင်းဒေသကြီးအစိုးရအဖွဲ့၏ လမ်းညွှန်မှုဖြင့်ပြုပြင်မွမ်းမံမှုပြီးသည့်အတွက် နိုဝင်ဘာလအတွင်း ထီးတော်တင်လှူပွဲ‌ကို ကျင်းပသွားမည်ဖြစ်သည်ဟုဆိုသည်။

အဆိုပါ စွယ်တော်မြတ်စေတီတော်သည် မန္တလေးတိုင်းဒေသကြီး၊ အမရပူရမြို့နယ်တွင် တည်ရှိသည်။

အကြမ်းဖက်အဖွဲ့များမီးရှို့ဖျ-က်ဆီးခဲ့သည့် ပလူဇဝ တံတားကြမ်းခင်းအားပြန်လည်ပြင်ဆင်ပြီးဖြစ်

စစ်ကိုင်းတိုင်း၊ ကလေးမြို့နှင့် မော်လိုက်မြို့တို့ကိုဆက်သွယ်ထားသည့် ကလေး-မော်လိုက်သွားကားလမ်းမပေါ်ရှိ ပလူဇဝတံတားကြမ်းခင်းအား အကြမ်းဖက်အဖွဲ့မှ အောက်တိုဘာ ၃၀ ရက်က မီးရှို့ဖျ-က်ဆီးခဲ့ကြကြောင်း သိရသည်။

အကြမ်းဖက်အဖွဲ့ဝင်များသည် အရှည်(၃၀၀)ပေ၊ အ ကျယ်(၁၈)ပေရှိ သံကူကွန်ကရစ်အမျိုးစား ပလူဇဝ တံတားအားမီးရှို့ဖျ-က်ဆီးခဲ့ကြသဖြင့် တံတား၏ တောင်ဘက်ခြမ်းကြမ်းခင်း(၁၀)ပေခန့် မီးလေ-ာင်ပျ-က်စီးခဲ့ရာ ဒေသခံများဖြတ်သန်းသွားလာနိုင်ခြင်းမရှိဘဲ အခက်အခဲများဖြစ်ပေါ်ခဲ့ကြောင်း သိရသည်။

ထို့ကြောင့် လုံခြုံရေးအဖွဲ့ဝင်များကပျ-က်စီးသွားသော ပလူဇဝ တံတားကြမ်းခင်းအားအမြန်ဆုံး ပြန်လည်ပြင်ဆင်ခဲ့ကြ၍ အောက်တိုဘာ ၃၁ ရက်တွင်ပြီးစီးခဲ့သဖြင့် ဒေသခံများနှင့် မော်တော်ယာဥ်များပုံမှန်အတိုင်း ဖြတ်သန်းသွားလာလျက်ရှိကြောင်း သိရသည်။

တိုင်ဖွန်းမုန်တိုင်း“ခန့်မေဂီ”မှပြတ်ထွက်လာသော တိမ်တိုက်များကြောင့် ရန်ကုန်တိုင်းအပါအဝင် တိုင်းနှင့်ပြည်နယ်(၁၀)ခု၌ မိုးရွာသွန်းမှုများရှိလာမည်

တောင်တရုတ်ပင်လယ်ပြင်တွင်ဖြစ်ပေါ်နေသော တိုင်ဖွန်းမုန်တိုင်း“ခန့်မေဂီ”မှပြတ်ထွက်လာသော တိမ်တိုက်များကြောင့် ရန်ကုန်တိုင်းအပါအဝင် တိုင်းနှင့်ပြည်နယ် (၁၀)ခု၌ မိုးရွာသွန်းမှုများရှိလာမည်ဟု မိုးလေဝသနှင့် ဇလဗေဒညွှန်ကြားမှုဦးစီးဌာနထံမှ သိရသည်။

နိုဝင်ဘာ ၈ ရက်မှ နိုဝင်ဘာ ၁၀ ရက်အတွင်း ရန်ကုန် တိုင်း၊ နေပြည်တော်၊ ပဲခူးတိုင်း၊ ဧရာဝတီတိုင်း၊ တန င်္သာရီတိုင်း၊ ကယားပြည်နယ်၊ ကရင်ပြည်နယ်၊ မွန်ပြည် နယ်၊ ရခိုင်ပြည်နယ်နှင့် ရှမ်းပြည်နယ်(တောင်ပိုင်းနှင့် အရှေ့ပိုင်း)တို့တွင် နေရာစိပ်စိပ်မှနေရာအနှံ့အပြား မိုးထစ်ချုန်းရွာသွန်းနိုင်ကြောင်း သိရသည်။

မိုးသည်းထန်စွာရွာသွန်းခြင်းနှင့်အတူ လေပြင်းတို-က်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်း၊ လျှပ်တစ်ပြက်ရေကြီးခြင်းနှင့် မြေပြိုခြင်းဘေးအန္တရာယ်များဖြစ်ပေါ်နိုင်၍ ယင်းဒေသများရှိ ကုန်းမြင့်ဒေသအနီးနေထိုင်သူများအနေဖြင့် မြေပြိုမှုအန္တရာယ်၊ မြစ်ငယ်၊ ချောင်းငယ်များအနီးနေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြုရှောင်ရှားကြရန်လည်း မိုးဇလကအသိပေးခဲ့ကြောင်း သိရသည်။

ထို့အတူ ပြည်တွင်းရေကြောင်းသွားလာရေး၊ လေကြောင်းပျံသန်းရေးနှင့် ဆည်မြောင်းတာတမံများအနေဖြင့်လည်း လိုအပ်သည်များကိုကြိုတင်ပြင်ဆင်ထားကြရန်လည်း မိုးဇလကအသိပေးနှိုးဆော်ထားကြောင်း သိရသည်။

နမ္မတူမြို့နယ်တွင် မိုးသည်းထန်စွာရွာသွန်းမှုကြောင့် ရိတ်သိမ်းနေဆဲစပါးခင်းများရေနစ်မြုပ်ပျ-က်စီး

ရှမ်းပြည်နယ်(မြောက်ပိုင်း)၊ နမ္မတူမြို့နယ်၌ နိုဝက်ဘာ ၁ ရက်မှ ယနေ့ နိုဝင်ဘာ ၅ ရက်အထိ မိုးသည်းထန်စွာအဆက်မပြတ်ရွာသွန်းမှုကြောင့် နမ္မတူချောင်းရေမြင့်တက်ကာ မိုင်းရင်ကျေးရွာအုပ်စုရှိ နေအိမ်များနှင့် ရိတ်သိမ်းဆဲစပါးခင်းများအတွင်းသို့ ရေဝင်ရောက်မှုများဖြစ်ပေါ်လျက်ရှိကြောင်း သိရသည်။

ထိုသို့ ရေဝင်ရောက်မှုများကြောင့် ရိတ်သိမ်းဆဲစပါးခင်းများနှစ်မြုပ်ကာပျ-က်စီးမှုများဖြစ်ပေါ်လျက်ရှိ၍ တာဝန်ရှိသူများက ပျ-က်စီးလယ်ဧကအရေအတွက်ကို စီစစ်မှုများပြုလုပ်လျက်ရှိကြောင်း သိရသည်။

ထို့ပြင် နမ္မတူမြို့တွင်း၌လည်း နမ္မတူချောင်းနှင့် နမ့်လချောင်းတို့ မိုးသည်းထန်စွာရွာသွန်းမှုကြောင့် ချောင်းရေများမြင့်တက်လာသဖြင့် ချောင်းများအနီးရှိ နေအိမ်များအတွင်း ရေဝင်ရောက်မှုများဖြစ်ပေါ်နေ၍ ယင်းနေအိမ်များတွင်နေထိုင်သူများမှာ ရေဘေးလွတ်ကင်းရာသို့ ယာယီရွှေ့ပြောင်းနေထိုင်လျက်ရှိကြောင်း သိရသည်။ ဒေသခံအချို့သည် ဘေးလွတ်ရာနေရာများသို့ ခေတ်ပြောင်းရွှေ့နေရကြောင်း သိရသည်။

နမ္မတူမြို့နယ်တွင် ပြီးခဲ့သည့် ၂၀၂၃ ခုနှစ်ကလည်း မိုးသည်းထန်စွာအဆက်မပြတ်ရွာသွန်းမှုကြောင့် နမ္မတူချောင်းရေမြင့်တက်ကာ မိုင်းရင်ဒေသအတွင်းရှိ စပါးစိုက်ဧကအများအပြား ရေနှစ်မြုပ်ပျ-က်စီးမှုများဖြစ်ပေါ်ခဲ့သည်။

ငါမသေချင်ဘူး
ဒါပေမယ့်..
ငါသေဖို့ တွေးနေရတယ်။
ဘဝဆိုတာ ဘာလဲ ငါမသိဘူး
ငါမသိတဲ့ ငါ့ဘဝအတွက်
ငါ့သမိုင်းငါလည်း ရေးနေရတယ်။
လောကကြီးအကြောင်း
ငါကိုယ်တိုင် နားမလည်ခင်မှာ
အတင်းအကြပ်နားလည်ခဲ့ရတယ်။
တစ်ခါတစ်လေ
ကိုရေမွန်ရဲ့ သီချင်းတွေ အော်ဆိုရင်း
တစ်ခါတစ်လေ တစ်ကောင်ထဲ ကြေကွဲနေရတယ်။
လူတွေပြောတဲ့ဟာသတွေကလည်း
ပျော်စရာမကောင်းတော့တဲ့အခါ
လူရွှင်တော်တွေလည်း ဘုံပျောက်ခဲ့ရတယ်။
နိုင်ငံမှာ ပျော်စရာမရှိတော့
မှိုင်တွေတွေနဲ့ ကဗျာဆရာဖြစ်ခဲ့ရ။
စာအုပ်တွေလည်း ဖတ်
ကိုယ်ပိုင် ဒိုင်ယာရီထဲ
ငါ့အကြောင်းငါချရေးရင်း
ငါဟာ ဘယ်သူဆိုတာ
မမေ့ဖိုးအရေး ကြံဖန်ရသေး။
နိုင်ငံရေးနဲ့ အချစ်ရေးကို
ရောထွေးမိတော့
ငါ့ကို ဝေဖန်သူက အများသား..၊
ခက်ပါရဲ့..ကြေကွဲစရာပဲ။
အချစ်မရှိပဲ မည်သူက ရှင်သန်နိုင်မည်လဲ။
ဘုရားသခင်အဟောကိုတော့
မလွန်ဆန်နိုင်ပါ
မေတ္တာပေးပြီးလည်း ပြန်မမျှော်လင့်ရဲပါ။
ဘဝပေးကံကြောင့်
သေချင်တာတောင် မင်းမိန့်ရှိမှ
သေခွင့်ရတော့ ငိုချင်စရာပဲ
အံ့ဩဖွယ်ရာ လူတွေက
တစ်နေ့ထပ် တစ်နေ့ ဆုတ်ယုတ်လာတော့
ငါ့ကိုယ်ငါတောင် ပြန်အော်ဂလီဆန်ရတယ်။
သစ္စာ၊ မေတ္တာတွေ မဲ့သွားတဲ့ ခေတ်ထဲ
ဖောက်ပြန်မှုတွေကြား
ကုန်းကောက်စရာ အချစ်မရှိတော့
မောင်လူအေး ရွှေရင်သွေးလေး
ဇောက်ထိုး မိုး‌မျှော်ဖြစ်ရပြန်ပြီ
ကုန်ဈေးနှုန်းက အဆမတန်
မိုးလောက်ကြီးထိ မြင့်နေမတော့
တို့လည်း ထမင်းကြမ်း ရေစိမ်
ကန်စွန်းရွက်ပြုတ်နဲ့
နှစ်ပါးသွားရပြန်တော့။
တက်သစ်စ စာရေးသူပေါက်စလေးတွေကို
ရိုက်ချပါသတဲ့ ဆိုပြီး
သတင်းထွက်လာသေး
ငါ့ကိုယ်ငါ ပြန်ငုံ့ကြည့်ရတယ်
ဪ..ငါက တက်သစ်စထဲကဟဆိုမှ
စိတ်အေးရ။
‌မေတ္တာစစ်ကို လိုချင်လွန်းပြန်တော့
ခွေးမွေး၊ ကြောင်မွေးနဲ့
ငါ့မှာ သံသရာကိုလည်လို့၊
ပျော်ပွဲ ရွှင်ပွဲတွေ သူသူကိုယ်ကိုယ်လုပ်ကြတော့
ဟိုယောင်ယောင် ဒီယောင်ယောင်နဲ့
ဟိုမျှော် ဒီမျှော် ခွေးကလေးလို
လိုက်မျှော်လိုက်ရတာ
ငါတို့နေရာက မုန်တိုင်းတိုက်ပြီး
ရှင်သန်နေရတာ
သူတို့က နေရာကွက်ကြားနေသာနေတော့
ပြုံးနိုင် ပျော်နိုင်ပေါ့။ မထူးဆန်းပါဘူး။
ဒီလိုနဲ့ပဲ
သူတို့ သမိုင်းမဟုတ်တဲ့ ငါ့သမိုင်းဟာ
ပထမအပိုင်း ပြီးသွားရ။

-နော်ယာ