ပံ့သကူကောက်မှု ရပ်ကြည့်နေသူ ကားတိုက်ခံရပြီးသေဆုံး
--------------------

ရန်ကုန်တိုင်းဒေသကြီး၊ သာကေတမြို့နယ်မှာ နိုဝင်ဘာ ၅ ရက် ညပိုင်းက ပံ့သကူကောက်သူတွေကို လမ်းဘေး ကနေ ရပ်ကြည့်နေတဲ့ အမျိုးသမီးတစ်ယောက် ကားတိုက်ခံရပြီး သေဆုံးသွားတယ်လို့ ရှင်သန်ရေးကူညီမှုအသင်း ကနေ သိရပါတယ်။

နိုဝင်ဘာ ၅ ရက် ည ၇ နာရီခွဲဝန်းကျင်အချိန်က သာကေတမြို့နယ်၊ ရှုခင်းသာလမ်းမကြီး၊ တစ်ဆယ့်လေးရပ်ကွက် (၁၃)ဂက်ဆိုင်ရှေ့မှာ လမ်းအလယ်က ပံ့သကူအဖြစ် ပိုက်ဆံတွေ ပစ်ချတာကို လိုက်ကောက်နေတဲ့ လူစုကို ရှောင် လိုက်တဲ့ကားက လမ်းဘေးမှာ ရပ်နေတဲ့သူကို တိုက်မိမှု ဖြစ်ပွားခဲ့တာလို့ ဆိုပါတယ်၊၊

ယာဉ်တိုက်ခံရတဲ့အမျိုးသမီးကို ရှင်သန်ရေးကူညီမှုအသင်းကယာဉ်နဲ့ ရန်ကုန်ပြည်သူ့ဆေးရုံကြီးကို ပို့ဆောင်ခဲ့ရာ ဆေးရုံအရောက်မှာ သေဆုံးသွားတာ ဖြစ်ပါတယ်၊၊ ကားနဲ့တိုက်သွားတဲ့ ယာဉ်မောင်းကတော့ ထွက်ပြေးသွား တယ်လို့ သိရပါတယ်၊၊

ဒါ့အပြင် နိုဝင်ဘာ ၄ ရက် တန်ဆောင်မုန်းလပြည့်ညကလည်း ရန်ကုန်နဲ့နေပြည်တော်ရှိ လမ်းမပေါ်တွေမှာ ကားပေါ်က ပံ့သကူအဖြစ် ပိုက်ဆံတွေ ပစ်ချတာကို လိုက်လံကောက်ယူကြရင်း ကားတိုက်မှုတွေ ဖြစ်ပွားခဲ့ပြီး ထိခိုက် ဒဏ်ရာရရှိသူ ၁၅ ယောက်ရှိတယ်လို့ လူမှုကူညီရေးအသင်းတွေဆီကနေ သိရပါတယ်၊၊

၂၀၂၅ ခုနှစ် ပါတီစုံ အထွေထွေရွေးကောက်ပွဲအတွက် ပါတီများအား ဖိတ်ခေါ်ခြင်း
----------------------------------------------------

၂၀၂၅ ခုနှစ်၊ ဒီဇင်ဘာလ ၂၈ ရက်တွင် ကျင်းပမည့် ပါတီစုံဒီမိုကရေစီ အထွေထွေရွေးကောက်ပွဲ၌ ပါဝင်ယှဉ်ပြိုင်ကြ မည့် နိုင်ငံရေးပါတီများ၏ ဟောပြောစည်းရုံးမှုများကို One News Online သတင်းဌာန၏ Facebook၊ Website၊ You Tube တို့မှ ထုတ်လွှင့်ပြသပေးသွားမည် ဖြစ်ပါသည်။

ဟောပြောတင်ပြလိုသည့် နိုင်ငံရေးပါတီများမှ ဥက္ကဋ္ဌ၊ ဒုတိယဥက္ကဋ္ဌ၊ အတွင်းရေးမှူးများသည် မိမိဟောပြော တင်ပြ လိုသည့် ငါးမိနစ်စာ ရုပ်သံဗီဒီယို များကို One News Online သတင်းဌာန၏ ဖော်ပြပါ Email လိပ်စာ onenewsregional@gmail.com နှင့် ဖုန်းနံပါတ် 09-449002083 သို့ ဆက်သွယ်ပေးပို့နိုင်ပါသည်။

မဲဆွယ်ဟောပြောချက်များကို စာဖြင့်ရေးသားထားသည့် PDF File ၊ Word File များ နှင့်တကွ ဟောပြောချက် ရုပ် သံ ဗီဒီယိုကိုလည်း HD Quality ဖြင့် ရိုက်ကူးထားသည့် ဗီဒီယိုဖြင့် ပေးပို့ရမည် ဖြစ်ပါသည်။(ပေးပို့သည့်အခါ ဥက္က ဋ္ဌ လက်မှတ်ရေးထိုးထားသည့် Letter Head ပါ အပေါ်စာ တစ်စောင်နှင့် တွဲ၍ ပေးပို့ရပါမည်။)

ဟောပြောရာတွင် ဟောပြောမည့် ပုဂ္ဂိုလ်အမည်၊ မိမိပါတီအကြောင်း အကျဉ်းချုပ်၊ ပါတီမူဝါဒ၊ ရွေးကောက်ပွဲ ကြေညာစာတမ်း၊ သဘောထား၊ လုပ်ငန်းစဉ် စသည့် အကြောင်းအရာများကို တည်ဆဲဥပဒေများ နှင့် သက်ဆိုင်ရာ လွှတ်တော် ရွေးကောက်ပွဲ ဥပဒေ၊ နည်း ဥပဒေပါ ပြဋ္ဌာန်းချက်များအတိုင်း ဆောင်ရွက်နိုင်ပါသည်။

KK Park နယ်မြေမှ ပြည်ပနိုင်ငံသား(၁၈)ဦးကို ထပ်မံထိန်းသိမ်း
-----------------------

ကရင်ပြည်နယ်၊ မြဝတီ-မဲထော်သလေး KK Park နယ်မြေမှာ အွန်လိုင်းလောင်းကစားမှုတွေ၊ အွန်လိုင်း လိမ်လည် မှုတွေ ကျူးလွန်ခဲ့ကြတဲ့ ပြည်ပနိုင်ငံသား (၁၈)ယောက်ကို နိုဝင်ဘာ ၅ ရက်က ထပ်မံ စစ်ဆေးဖော်ထုတ် ထိန်းသိမ်းနိုင်ခဲ့တယ်လို့ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနကနေ သိရပါတယ်။

စစ်ဆေးဖော်ထုတ်ထိန်းသိမ်းနိုင်ခဲ့တဲ့ ပြည်ပနိုင်ငံသားတွေကတော့ ဖိလစ်ပိုင်နိုင်ငံသား (၁၅)ယောက်၊ အီသီယိုးပီး ယားနိုင်ငံသား (၂)ယောက်နဲ့ တရုတ်နိုင်ငံသား (၁)ယောက် စုစုပေါင်း ပြည်ပနိုင်ငံသား (၁၈)ယောက်ကို ထပ်မံ ထိန်းသိမ်းနိုင်ခဲ့ပြီး နိုင်ငံပေါင်း ၁၇ နိုင်ငံက ပြည်ပနိုင်ငံသား (၁၄၃)ယောက်ကိုလည်း ထပ်မံစစ်ဆေးနိုင်ခဲ့တယ်လို့ ဆိုပါတယ်။

အဲဒီလို ထိန်းသိမ်းနိုင်ခဲ့တဲ့ ပြည်ပနိုင်ငံသားတွေကို သက်ဆိုင်ရာနိုင်ငံတွေကို အမြန်ဆုံး ပြန်လည်လွှဲပြောင်းနိုင်ရေး အတွက် ဌာနဆိုင်ရာပူးပေါင်းအဖွဲ့တွေက လိုအပ်တဲ့ ကိုယ်ရေးအချက်အလက်တွေနဲ့ မှတ်တမ်းစာရင်း ကောက် ယူတာတွေ ဆောင်ရွက်နေတယ်လို့ သိရပါတယ်။

အခုနှစ် ဇန်နဝါရီ (၃၀)ရက်ကနေ နိုဝင်ဘာ (၅)ရက်အထိ မြန်မာနိုင်ငံကို တရားမဝင် ဝင်ရောက်လာတဲ့ ပြည်ပနို င်ငံသား (၁၀၇၆၂)ယောက်ကို စစ်ဆေးဖော်ထုတ်ထိန်းသိမ်းနိုင်ခဲ့ပြီး အဲဒီထဲက (၉၄၀၃) ယောက်ကို ထိုင်းနိုင်ငံက တစ်ဆင့် သက်ဆိုင်ရာနိုင်ငံတွေကို လုပ်ထုံးလုပ်နည်းနဲ့အညီ လွှဲပြောင်းပေးအပ်ခဲ့ပါတယ်။ ကျန်ရှိတဲ့ ပြည်ပနိုင်ငံ သား (၁၃၅၉)ယောက်ကိုလည်း သက်ဆိုင်ရာ နိုင်ငံတွေကို လွှဲပြောင်းပေးဖို့ အသင့်ဖြစ်နေပြီ ဖြစ်တယ်လို့ သိရပါ တယ်။

ရှယ်ယာတစ်စုကို အမြတ် ၅၀ ကျပ် MADPL ကုမ္ပဏီ ခွဲပေးမည်
----------------------

ရန်ကုန်စတော့အိတ်ချိန်းက Pre Listing Board စာရင်းဝင် မြန်မာ့လယ်ယာထွက်ကုန်နှင့် အထွေထွေဖွံ့ဖြိုးတိုး တက်ရေးအများပိုင်ကုမ္ပဏီ(MADPL)ကနေ အစုရှယ်ယာတစ်စုကို အမြတ်ငွေ ၅၀ ကျပ် ခွဲဝေပေးမယ်လို့ ရန်ကုန် စတော့အိတ်ချိန်းက ထုတ်ပြန်ပါတယ်။ အဲဒီကုမ္ပဏီဟာ ရန်ကုန်စတော့အိတ်ချိန်းက ထပ်မံထူထောင်ထားတဲ့ ဒုတိယဈေးကွက်ဖြစ်လည်း ဖြစ်ပါတယ်။

ပြီးခဲ့တဲ့ အောက်တိုဘာလအတွင်းက ပြုလုပ်ခဲ့တဲ့ ဒါရိုက်တာအဖွဲ့အစည်းအဝေးမှာ ၂၀၂၄- - ၂၀၂၅ ဘဏ္ဍာနှစ် အတွက် ခွဲဝေပေးမဲ့ သာမန်အစုရှယ်ယာတစ်စုကို အမြတ်ငွေ ၅၀ ကျပ် ခွဲဝေပေးဖို့ ဆုံးဖြတ်ခဲ့တာ ဖြစ်ပါတယ်။ အခုနိုဝင်ဘာလ ၆ ရက်အထိ စတော့ရှယ်ယာ အရောင်းအဝယ်လုပ်ဆောင်ထားတဲ့ ရှယ်ယာရှင်တွေက အခုခွဲဝေ ပေးမဲ့ အမြတ်ဝေစုကို ခံစားခွင့်ရရှိမှာပါ။

နိုဝင်ဘာ ၁၀ ရက်မှာတော့ အမြတ်ဝေစုကို ခံစားခွင့်ရရှိမဲ့ ရှယ်ယာရှင်တွေကို အတည်ပြုမှာဖြစ်ပြီး စုစုပေါင်း အမြတ်ခွဲဝေပေးမဲ့ ပမဏက ကျပ် ၅၀၃ သန်းကျော် ဖြစ်တယ်လို MADPL က အသိပေးထားပါတယ်။ ရှယ်ယာရှင်တွေကို အမြတ်ခွဲဝေပေးမဲ့ရက်ကိုတော့ ဒီဇင်ဘာလမှာ ကျင်းပမဲ့ ဒွာဒသမအကြိမ်မြောက် နှစ်ပတ် လည် အထွေထွေအစည်းအဝေးပြီး နောက်ပိုင်းမှာ အသိပေးကြေညာမယ်လို့ သိရပါတယ်။

ရန်ကုန်စတော့အိတ်ချိန်း Main Board မှာ အများပိုင်ကုမ္ပဏီ ၈ ခုနဲ့ နေ့စဉ်အစုရှယ်ယာ အရောင်း အဝယ် ဆောင် ရွက်နေပြီး Pre-Listing Board မှာတော့ လယ်ယာစိုက်ပျိုးရေးကို အခြေခံတဲ့ ကုမ္ပဏီ MADPL တစ်ခု တည်းသာ အရောင်းအဝယ် ဆောင်ရွက်နေတာဖြစ်ပါတယ်။ နိုဝင်ဘာ ၆ ရက် မနက်ပိုင်း Pre-Listing Board မှာ MADPL က စတော့ရှယ်ယာတစ်စောင်ကို ၂၇၀၀ ကျပ်နဲ့ ဈေးဖွင့်ကာ အရောင်းအဝယ်လုပ်ဆောင်ခဲ့တယ်လို့ ရန်ကုန်စတော့ အိတ်ချိန်းရဲ့ ဖော်ပြထားချက်အရ သိရပါတယ်။

စားသုံးဆီလုပ်ငန်းရှင်များကို ဒေါ်လာ ၂ သန်းခွဲနီးပါး ရောင်းချ
---------------------

စားသုံးဆီလုပ်ငန်းရှင်တွေကို နိုဝင်ဘာ ၅ ရက်က အမေရိကန်ဒေါ်လာ ၂ သန်းခွဲနီးပါး ရောင်းချပေးခဲ့တယ်လို့ မြန်မာနိုင်ငံတော်ဗဟိုဘဏ်က ထုတ်ပြန်ပါတယ်။

CMP ကုမ္ပဏီတွေဆီက ဝယ်ယူထားတဲ့ နိုင်ငံခြားငွေတွေထဲက အမေရိကန်ဒေါ်လာ ၂ သန်းခွဲနီးပါးကို စားသုံးဆီ တင်သွင်းတဲ့ကုမ္ပဏီတွေကို ရောင်းချပေးခဲ့တာပါ။ ဒါ့အပြင် နိုဝင်ဘာ ၅ ရက်နေ့မှာပဲ FX Market Online Trading Platform ကနေ ထိုင်းဘတ် ၁ သန်းခွဲကျော်ကို လည်း ရောင်းချပေးခဲ့ပါသေးတယ်။

ဗဟိုဘဏ်ရဲ့ FX Trading Platform မှာ နိုဝင်ဘာ ၅ ရက်က နိုင်ငံခြားငွေလဲနှုန်းဟာ အမေရိကန် တစ်ဒေါ်လာကို ၃၆၄၀ ကျပ်၊ ထိုင်း တစ်ဘတ်ကို ၁၂၄ ကျပ်နဲ့ တရုတ် တစ်ယွမ်ကို ၅၅၆ ကျပ် သတ်မှတ် ရောင်းဝယ်ခဲ့တယ်လို့ သိရပါတယ်။

ကြိုတင်ဆန္ဒမဲပေးမည့်သူများသည် ဘောလ်ပင်ဖြင့် အမှန်ခြစ် (✓) အမှတ်အသား ရေးခြစ်မဲပေးရမည်

ကြိုတင်ဆန္ဒပေးမည့်သူများသည် ကြိုတင်မဲပေးရာတွင် မိမိဆန္ဒပြုလိုသော ကိုယ်စားလှယ်လောင်း၏ အမည်နှင့် သင်္ကေတတည့်တည့်တွင်ရှိသော လေးထောင့်အကွက်အတွင်း၌သာ ဘောလ်ပင်ဖြင့် အမှန်ခြစ် (✓ )အမှတ်အသား ရေးခြစ်မဲပေးရမည်ဖြစ်ကြောင်း သိရသည်။

ထိုသို့မဲပေးနိုင်ရန်အတွက် ပြည်ထောင်စုရွေးကောက်ပွဲကော်မရှင်(UEC)က ထုတ်ပြန်ထားခြင်းလည်း ဖြစ်သည်။

အထွေထွေရွေးကောက်ပွဲတွင် သက်ဆိုင်ရာလွှတ်တော်ရွေးကောက်ပွဲဥပဒေပုဒ်မ ၄၅ နှင့် ပုဒ်မ ၄၇ အရ ကြိုတင်ဆန္ဒမဲပေးပိုင်ခွင့်ရှိသော မဲစာရင်းပါရှိသည့် သက်ဆိုင်ရာ မြို့နယ်ပြင်ပရောက် မဲဆန္ဒရှင်များနှင့် သက်ဆိုင်ရာရပ်ကွက်နှင့် ကျေးရွာအုပ်စုကော်မရှင်အဖွဲ့ခွဲတွင် ကြိုတင်ဆန္ဒမဲပေးမည့် မဲဆန္ဒရှင်များအနေဖြင့် ကြိုတင်မဲပေးနိုင်မည် ဖြစ်သည်။

ထိုသို့မဲပေးရာတွင် ဘောလ်ပင်ဖြင့် အမှန်ခြစ် (✓) အမှတ်အသားရေးခြစ်၍ ဆန္ဒပြုရမည့် ကြိုတင်ဆန္ဒမဲလက်မှတ်များအတွက် ခိုင်လုံမဲနမူနာပုံစံများနှင့် ပယ်မဲနမူနာပုံစံများကိုလည်း (UEC)က ထုတ်ပြန်အသိပေး ကြေညာထားကြောင်းလည်း သိရသည်။

မြန်မာနိုင်ငံပုံနှိပ်သူနှင့် ထုတ်ဝေသူလုပ်ငန်းရှင်များအသင်းမှ မြန်မာသတင်းမီဒီယာသမားများအတွက် ၂၀၂၅ ခုနှစ် အထွေထွေရွေးကောက်ပွဲဆိုင်ရာလမ်းညွှန်စာအုပ်‌ရေ (၂၀၀၀) လှူဒါန်း

ယနေ့ နိုဝင်ဘာလ ၆ရက်တွင် မြန်မာသတင်းမီဒီယာသမားများအတွက် "၂၀၂၅ ခုနှစ် အထွေထွေရွေးကောက်ပွဲဆိုင်ရာလမ်းညွှန်စာအုပ်" မိတ်ဆက်ပွဲအခမ်းအနားကို သိမ်ဖြူလမ်းပေါ်ရှိ သတင်းနှင့်စာနယ်ဇင်းလုပ်ငန်း၏ခန်းမတွင် ကျင်းပခဲ့သည်။

အဆိုပါစာအုပ်ကို မကြာခင်ကျင်းပမည့် ၂၀၂၅ ခုနှစ် အထွေထွေရွေးကောက်ပွဲအတွက်ရည်ရွယ်ကာ ပြည်ထောင်စုရွေးကောက်ပွဲကော်မရှင် (UEC) နှင့် မြန်မာနိုင်ငံသတင်းမီဒီယာကောင်စီ (MPC) တို့ ညှိနှိုင်းပေါင်းစပ်ပြင်ဆင်ဖြည့်စွက်ဖန်တီးပြုစုထားခြင်းဖြစ်သည်။

အဆိုပါ ၂၀၂၅ ခုနှစ် အထွေထွေရွေးကောက်ပွဲဆိုင်ရာလမ်းညွှန်စာအုပ်ရေ (၂၀၀၀) ကို မြန်မာနိုင်ငံပုံနှိပ်သူနှင့် ထုတ်ဝေသူလုပ်ငန်းရှင်များအသင်းမှ မြန်မာသတင်းမီဒီယာသမားများအတွက် တာဝန်ယူလှူဒါန်းပေးခဲ့သည်။

မြဝတီ-ကော့ကရိတ် အာရှလမ်းမကြီးပြန်လည်ဖွင့်လှစ်မည်ဆိုသည့်သတင်းများ ထွက်ပေါ်နေ

ထိုင်း-မြန်မာ ကုန်စည်စီးဆင်းရာတွင်အဓိကကျသည့် လမ်းမကြီးဖြစ်သော မြဝတီ- ကော့ကရိတ် အာရှလမ်းမကြီးပြန်လည်ဖွင့်လှစ်မည်ဆိုသည့် သတင်းများ ထွက်ပေါ်လျှက်ရှိသည်။

လက်ရှိတွင် အချို့ကားငယ်များ ဖြတ်သန်းသွားလာနေသည်ဟု သတင်းများပျံ့နှံ့နေမှုအပေါ် ပေါ်ပြူလာနယူးစ်က စုံစမ်းခဲ့ရာ ယခုရက်ပိုင်းအတွင်း ဖြတ်သန်းခွင့်ပြုမည်ဟု သိရသော်လည်း အတည်မပြုနိုင်သေးကြောင်း ဒေသခံသတင်းရင်းမြစ်တစ်ဦးက ဆိုသည်။

"တနေ့က ကျွန်တော် အာရှလမ်းမအတိုင်း မောင်းသွားတယ်။ ကော့ကရိတ်အထိ ရောက်တယ်။ ကော့ကရိတ်ရောက်တော့ ပေးမဖြတ်ဘူး၊ ပြန်လှည့်လာရတယ်။၊ လမ်းတလျှောက်တော့ လုံခြုံရေးယူထားတာမျိုးရှိတယ်။ ဘာမှတော့ တားစစ်တာမျိုးမရှိဘူး။ ကော့ကရိတ်ရောက်မှ အရပ်သားကားတွေ ပေးမဖြတ်သေးဘူးဆိုလို့ ပြန်လှည့်လာရတာ"ဟု ၎င်းက ရှင်းပြ သည်။
အာရှလမ်းမကြီးတလျှောက်တွင် တပ်မ ၄၄၊ တပ်မ၅၅နှင့် တပ်မ၂၂ တို့ အပိုင်းအလိုက် လုံခြုံရေးယူထားပြီး၊ တပ်မ ၂၂၏ ကွပ်ကဲမှုအောက်တွင်ရှိနေသည်ဟု ၎င်းက ဆိုသည်။

တပ်မတော်က အာရှလမ်းမကြီးကို ပြန် လည်ထိန်းချုပ်နိုင်ပြီးနောက်ပိုင်း အဆိုပါသတင်းများထွက်ပေါ်နေပြီး ၊ ဒေသတွင်းခရီးသွားများနှင့် ကုန်စည်ကူးသန်းသွားလာနေသူများက အမြန်ဆုံးခွင့်ပြုရန်ဆန္ဒရှိနေကြကြောင်း သိရသည်။

အာရှလမ်းမကြီးကို တပ်မတော်က ထိန်းချုပ်ပြီးနောက်ပိုင်း ဒေါနတောင်လမ်းဟောင်းပိုင်းကိုပါ ဖြတ်သန်းသွားလာခွင့် ပိတ်ထားပြီး၊ ယခုအခါ ထို့ကော်ကိုးလမ်းပိုင်းကို သွားလာခွင့်ပြုထားကြောင်း သိရသည်။

"ထို့ကော်ကိုးလမ်းပိုင်းကလည်း မိုးရွာထားတော့ လမ်းတွေပြန်ပျ-က်စီးနေတယ်။ အာရှလမ်းမကို ပြန်ဖွင့်ဖို့တော့ဒေသခံခရီးသွားဖို့က လိုချင်ကြတယ်"ဟု ဒေသခံသတင်းရင်းမြစ်တစ်ဦးက ဆိုသည်။

ပြီးခဲ့သည့် စက်တင်ဘာလအတွင်းက ကော့ကရိတ်-မြဝတီလမ်းပိုင်းကို တပ်မတော်က အင်အားအလုံးအရင်းဖြင့် စစ်ကြောင်းထိုးတို-က်ခို-က်လာပြီး သင်္ဃန်းညီနောင်ဗျူဟာကိုလည်း ပြန်လည်သိမ်းပိုက်ထားနိုင်ခဲ့ပြီဖြစ်သည်။

ပရီးမီးယားလိဂ်ကို လွမ်းမောမိကြောင်း ပိုချက်တီနို
ပြောကြား

အာဂျင်တီးနားလူမျိုးနည်းပြ ပိုချက်တီနိုက
ပရီးမီးယားလိဂ်ဟာ ကမ္ဘာ့အကောင်းဆုံး လိဂ်ဖြစ်ပြီး လွမ်းဆွတ်မိတယ်လို့ ပြောခဲ့ပါတယ်။
ပိုချက်တီနိုက ဆောက်သမ်တန်၊ စပါး၊ ချယ်လ်ဆီးစတဲ့
ပရီးမီးယားလိဂ်အသင်းတွေကိုတာဝန်ယူခဲ့ဖူးသူ
ဖြစ်ပါတယ်။

ဆောက်သမ်တန်အသင်းနဲ့အတူ ထင်ရှားလာတဲ့
ပိုချက်တီနိုက စပါးအသင်းကိုပရီးမီးယားလိဂ်ထိပ်သီးအသင်းတစ်သင်းဖြစ်အောင် ဉီးဆောင်ပေးနိုင်ခဲ့ပြီး
၂၀၁၉ ချန်ပီယံလိဂ်ဖိုင်နယ်ကို
ပို့ဆောင်ပေးခဲ့ပါတယ်။

ပိုချက်တီနိုက " ပရီးမီးယားလိဂ်က
ကမ္ဘာ့အကောင်းဆုံးလိဂ်ဖြစိပြီး တကယ်လွမ်းမိပါတယ်။ အမေရိကမှာ ကျွန်တော်ပျော်ရွှင်နေပေမယ့်
တနေ့ကျရင်ပရီးမီးယားလိဂ်ကို ပြန်ပြီးနည်းပြချင်ပါတယ်။ ပရီးမီးယားလိဂ်က ပြိုင်ဆိုင်မှု
အပြင်းထန်ဆုံးလိဂ်ဖြစ်ပါတယ်" လို့ပြောပါတယ်။

ပိုချက်တီနိုက ပရီးမီးယားလိဂ်နည်းပြဘဝမှာ
ဆုဖလားမရပေမယ့် PSG အသင်းနဲ့အတူ
ပြင်သစ်လီဂူး၊ ပြင်သစ်ဖလားချန်ပီယံဆုတွေ
ဆွတ်ခူးနိုင်ခဲ့ပါတယ်။

ဘိုင်ယန်နှင့်ပွဲတွင် ချေပဂိုးအား VAR က ငြင်းပယ်လိုက်ပြီးနောက် ဥမင်လှိုဏ်ခေါင်းသို့ ဒေါသတကြီး ထွက်ခွာသွားခဲ့တဲ့ ဒမ်ဘီလီ
======================

အူစမာနီဒမ်ဘီလီဟာ ဘိုင်ယန်မြူးနစ်နှင့်ပွဲတွင် ဂိုးအား ခွင့်ပြုခြင်းမခံခဲ့ရပြီးနောက် စက္ကန့်ပိုင်း အကြာမှာပင် ဥမင်လှိုဏ်ခေါင်းသို့ ဆင်းသွားခဲ့ပါတယ်။

Bllon d'Or ဆုရှင်ဟာ မနေ့ညကတုန်းက ဘိုင်ယန်မြူးနစ်နှင့်ပွဲတွင် ပွဲချိန် ၂၃ မိနစ်မှာ ပီအက်စ်ဂျီအတွက် ချေပဂိုးအား သွင်းယူခဲ့ပါတယ်။

ဒါပေမယ့် VAR က ဒမ်ဘီလီကို လူကျွံနေတယ်ဆိုပြီး ဂိုးအဖြစ် သတ်မှတ်မပေးခဲ့ပါဘူး။

ယင်းအချိန်တွင် ဘိုင်ယန်မြူးနစ်က ၁-၀ ဂိုးဖြင့် ဦးဆောင်ထားနိုင်ခဲ့ပြီး ပထမပိုင်းပြီးခါနီးမှာ တစ်ယောက်အထုတ်ခံခဲ့ရပေမယ့်လည်း ၂-၁ ဖြင့် အနိုင်ရရှိခဲ့ပါတယ်။

တဖက်တွင် ဒမ်ဘီလီဟာ ခွင့်ပြုခြင်းမခံခဲ့ရတဲ့ ဂိုးအား သွင်းယူပြီးနောက် ၂ မိနစ်အကြာတွင် လူစားလဲလှယ်ခြင်းခံခဲ့ရပါတယ်။
ပြင်သစ်တိုက်စစ်သမားဟာ ဒဏ်ရာရရှိကာ လူစားလဲခဲ့ရတာ ဖြစ်ပြီး ဥမင်လှိုဏ်ခေါင်းသို့ ဒေါသတကြီး ဆင်းသွားခဲ့တာ တွေ့ရပါတယ်။

အသက် ၂၈ နှစ်ရှိ ဒေါ့မွန်နှင့် ဘာစီလိုနာတိုက်စစ်သမားဟောင်းဟာ ဒဏ်ရာကြောင့် ဘိုင်ယန်မြူးနစ်နှင့်ပွဲကို လွဲချော်မယ်လို့ ယူဆခြင်းခံခဲ့ရသူပါ။

သူဟာ ပြီးခဲ့တဲ့အပတ် နိုက်စ်ကို ၁-၀ ဂိုးဖြင့် အနိုင်ရတဲ့ပွဲတွင် ဒဏ်ရာရရှိခဲ့တာလည်း ဖြစ်ပါတယ်။ သူဟာ ယင်းပွဲတွင် ပွဲထွက်ကစားနိုင်ခဲ့ခြင်း မရှိဘဲ ၇၃ မိနစ်မှာ လူစားဝင်ကစားနိုင်ခဲ့တာပါ။

သူဟာ တံကောက်ကြောဒဏ်ရာမှ ပြန်လည်ကောင်းမွန်လာပြီးနောက် ပြိုင်ပွဲအရပ်ရပ်တွင် ၄ ပွဲ ကစားထားနိုင်ပါတယ်။