#ဆောင်တော်ကူး

#ဆောင်တော်ကူး

#ဆောင်တော်ကူး

Super Beautiful Nail Designs 🤍🌷✨

Super Beautiful Nail Designs 🤍🌷✨

Super Beautiful Nail Designs 🤍🌷✨

Super Beautiful Nail Designs 🤍🌷✨

French Languages Learn Character Blue

ပဲလေ့စ်ကနေ ထွက်ခွာနိုင်တယ်လို့ မာတီတာ အရိပ်အမြွက်ပြော

အောက်တိုဘာ ၉

ပြင်သစ်တိုက်စစ်မှူး မာတီတာက သူဟာ ချန်ပီယံလိဂ်နဲ့ အကြီးမားဆုံး ဆုဖလားတွေကို ယှဉ်ပြိုင်လိုတဲ့အတွက် မဝေးတော့တဲ့ အနာဂတ်မှာ ခရစ္စတယ်ပဲလေ့စ်အသင်းကနေ ထွက်ခွာနိုင်တယ်လို့ အရိပ်အမြွက် ပြောခဲ့ပါတယ်။

မာတီတာက “ရည်မှန်းချက်ကြီးမားတဲ့ ကစားသမားတိုင်းက ဒီလိုမှတ်တိုင်မျိုးကို ရောက်ချင်တာက သဘာဝပါပဲ။ အထူးသဖြင့် နိုင်ငံအသင်းကို ရောက်ရှိလာတဲ့အချိန်မှာ ချန်ပီယံလိဂ် ပြိုင်ပွဲကစားပြီး အကြီးမားဆုံး ဆုဖလားတွေ ဆွတ်ခူးနိုင်တဲ့ ကစားသမားတွေပဲ ရှိပါတယ်။ ကမ္ဘာပေါ်က အကောင်းဆုံး ကစားသမားတွေ ဝိုင်းရံထားတဲ့အချိန်မှာ ဒီလိုမှတ်တိုင်မျိုးကို ရောက်ချင်တာက သဘာဝပါပဲ”လို့ RMC Sport နဲ့ အင်တာဗျူးမှာ ပြောခဲ့တာပါ။

၂၀၂၂ ခုနှစ်က မိန့်ဇ်အသင်းကနေ အပြီးသတ်ပြောင်းရွှေ့လာခဲ့တဲ့ မာတီတာဟာ ၂၀၂၃-၂၄ ရာသီမှာ ပရီးမီးယား လိဂ် သွင်းဂိုး ၁၆ ဂိုးသွင်းပြီး ခရစ္စတယ်ပဲလေ့စ်အသင်းရဲ့ ဒီရာသီ အကောင်းဆုံး ကစားသမားအဖြစ် သတ်မှတ်ခြင်း ခံခဲ့ရပါတယ်။

မာတီတာဟာ ပြီးခဲ့တဲ့ရာသီမှာ ခရစ္စတယ်ပဲလေ့စ်အသင်းကို FA ဖလား ရရှိအောင်နဲ့ ဒီရာသီအစမှာ ကွန်မြူနတီ ဒိုင်း ရရှိအောင် ကူညီပေးနိုင်ခဲ့တာပါ။

မာတီတာဟာ ခရစ္စတယ်ပဲလေ့စ်အသင်းမှာ ပြသနေတဲ့ စွမ်းဆောင်ရည်ကြောင့် အသက် ၂၈ နှစ်အရွယ်မှာ ပထမဆုံးအကြိမ် ပြင်သစ်အသင်း လူစာရင်းထဲ ခေါ်ယူခြင်း ခံခဲ့ရပါတယ်။

ပြီးခဲ့တဲ့နွေရာသီက ယူနိုက်တက်နဲ့ စပါးအသင်းတို့ရဲ့ ချိတ်ဆက်မှုတွေခံခဲ့ရတဲ့ မာတီဟာ အက်စတွန်ဗီလာ၊ လိဒ်စ်နဲ့ နယူးကာဆယ်အသင်းတို့ရဲ့ စောင့်ကြည့်ခြင်းကိုလည်း ခံနေရပါတယ်။

ခရစ္စတယ်ပဲလေ့စ်အသင်းဟာ တိုက်စစ်မှူး မာတီတာအတွက် ပြောင်းရွှေ့ကြေး ပေါင်သန်း ၄၀ ဝန်းကျင် သတ်မှတ်ထားတာပါ။

မာတီတာဟာ ပရီးမီးယားလိဂ် ကလပ်အသင်းတွေရဲ့ ပစ်မှတ်ဖြစ်နေပေမယ့် သူဟာ ချန်ပီယံလိဂ်ပြိုင်ပွဲနဲ့ အကြီးမားဆုံး ဆုဖလားတွေကို တိုက်ပွဲဝင်နိုင်တဲ့ အသင်းထံ ပြောင်းရွှေ့ဖို့ ဆန္ဒရှိနေပါတယ်။

ပြင်သစ်အသင်းဟာ အောက်တိုဘာ ၁၀ ရက်မှာ အဇာဘိုင်ဂျန်၊ ၁၃ ရက်မှာ အိုက်စလန်အသင်းနဲ့ ၂၀၂၆ ကမ္ဘာ့ဖလား ခြေစစ်ပွဲ ယှဉ်ပြိုင်ရမှာဖြစ်ပြီး ဒီပွဲတွေမှာ မာတီတာဟာ ပြင်သစ်လက်ရွေးစင်အသင်း ကစားသမား ဘဝ ပွဲဦးထွက်အဖြစ် ပါဝင်ခွင့်ရဖွယ်ရှိနေတာ ဖြစ်ပါတယ်။

Source: Goal

ပုံ - မာတီတာကို တွေ့ရစဉ်

#ဘောလုံးသတင်းစုံ

တာချီလိတ်တွင် ၁ ဘီလျံကျော် တန်ဖိုးရှိ အိုက်စ်(မက်သ်အဖက်တမင်း)များဖမ်းဆီးရမိပြီး ကွင်းဆက်များအားဆက်လက်ဖော်ထုတ်နေ

အောက်တိုဘာ ၉

တာချီလိတ်တွင် ၁ ဘီလျံကျော် တန်ဖိုးရှိ အိုက်စ်(မက်သ်အဖက်တမင်း)များဖမ်းဆီးရမိပြီး ကွင်းဆက်များအားဆက်လက်ဖော်ထုတ်နေကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်ထားသည်။

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သောပူးပေါင်းအဖွဲ့သည် ပြီးခဲ့သည့် အောက်တိုဘာ (၄) ရက်၊ နံနက် (၉) နာရီခန့်က ရှမ်းပြည်နယ်(အရှေ့ပိုင်း)၊ တာချီလိတ်မြို့နယ်၊ ဖန်မင်ကျေးရွာ အုပ်စု၊ မယ်ယန်းကျေးရွာရှိ စိုင်းရှဲန်တွီ၏ နေအိမ်အားသတင်းအရ ဝင်ရောက်ရှာဖွေခဲ့ကြောင်း သိရသည်။

ထိုသို့ ရှာဖွေရာ စိုင်းရှဲန်တွီ၊ ဖိလစ်(ခ)အကိန်၊ အိုက်မောင်၊ စိုင်းဝန်း၊ အိုက်အွန်ကျောက်၊ စိုင်းရှဲန်ဖနှင့် စိုင်းလောင်နွဲ့တို့ ၇ ဦးကို အိုက်စ်(မက်သ်အဖက်တမင်း) ၂၀၇ ကီလို (ခန့်မှန်းတန်ဖိုးငွေကျပ် ၁ ဒသမ ၆၅၆ ဘီလီယံ)၊ TOYOTA FORTUNER ယာဉ်တစ်စီး၊ HONDA CIVIC ယာဉ် တစ်စီး၊ TOYOTA CROWN ယာဉ်တစ်စီး၊ ISUZU D-MAX ယာဉ် တစ်စီးတို့နှင့်အတူ ဖမ်းဆီးရမိခဲ့ကြောင်း သိရသည်။

ကွင်းဆက်စစ်ဆေးဖော်ထုတ်ချက်အရ ဖမ်းဆီးရမိ အိုက်စ်(မက်သ်အဖက်တမင်း)များ၏ ပိုင်ရှင်ဖြစ်သူ စိုင်းမွန်းနေထိုင်သည့် တာချီလိတ်မြို့နယ်၊ မိုင်းဖုန်း(ခ)ကျေးရွာအုပ်စု၊ ဟိုခိုကျေးရွာရှိ နေအိမ်အား နံနက် (၁၀) ခွဲခန့်တွင် ဝင်ရောက်ရှာဖွေရာ စိုင်းမွန်းမှာ တိမ်းရှောင်လျက်ရှိကြောင်း သိရသည်။

အဆိုပါ မူးယစ်ဆေးဝါးများနှင့်အတူ ဖမ်းဆီးရမိသူများအား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေအရ အရေးယူထားရှိပြီး ကွင်းဆက်ပြစ်မှု ကျူးလွန်သူများ အား ဆက်လက်ဖော်ထုတ်လျက်ရှိကြောင်း သိရသည်။

Credit - NP News Agency

#centralnewsnaypyitaw