ဒီတသုတ် ရုံရက်ရစာရင်းမှာပါဝင်ဖို့မျှော်လင့်မိတဲ့ " မြစ်လက်တက်ပေမဲ့ ရေစီးကကြမ်းတယ် " ရုပ်ရှင်ကားကြီး
မင်းမဟာရုပ်ရှင်ထုတ်လုပ်ရေးမှစီစဉ်ပြီး
ဝတ္ထု/ဇာတ်လမ်း - ဆောင်းလုလင်
ဇာတ်ညွှန်း - ဖြိုးသဉ္ဇာကျော်
Art Director - သားညီ
ဒါရိုက်တာ - ပီကေ
အကယ်ဒမီများရှင် နေတိုး အထူးသရုပ်ဆောင်ပြီးနေမျိုးအောင် ၊ ညီနန္ဒ ၊ ဗီတာမင် ၊ သံသာညီ ၊ ဗွာဗွား ၊ မေမီလင်း ၊ရဲလေးမ
ဧည့်သည်သရုပ်ဆောင် - အေးဝတ်ရည်သောင်း နှင့် သရုပ်ဆောင်များစွာ ပါဝင်ထားပါတယ်။
Heavy Drama ရုပ်ရှင်ကားကြီးဖြစ်တာကြောင့် နေတိုး ၊ ညီနန္ဒ အပြင် ပါဝင်တဲ့သရုပ်ဆောင်တွေအတွက်ရော ၊ အတတ်ပညာရှင်တွေအတွက်ပါ ဆိုင်ရာဆိုင်ရာ ကဏ္ဍအသီးသီးမှာ မှတ်တိုင်များစိုက်ထူသွားနိုင်ကြမလားဆိုတာ စောင့်ကြည့်ကြရမှာဖြစ်ပါတယ် ။ ဇာတ်လမ်းဇာတ်အိမ်ကောင်းကောင်း ၊ သရုပ်ဆောင်အင်အားကောင်းကောင်းဖြင့် မြန်မာမှုဆန်တဲ့ Drama ရုပ်ရှင်ကားကြီးဖြစ်တာမို့ ဒီတသုတ်ရုံရက်ရစာရင်းထဲ ပါဝင်လာဖို့ မျှော်လင့်ရင်ခုန်မိတာတော့ အမှန်ပါဘဲ ။
LGBT Character ကို သေသေချာချာ ပြင်ဆင်ရိုက်ကူး ပုံဖော် တတ်တဲ့ နေတိုး အတွက် နှစ်နှစ်ဆက်တိုက် အကယ်ဒမီ ရမယ့်နှစ်ဖြစ်သွားနိုင်မလား ဆိုတာ ရင်ခုန်စွာစောင့်မျှော်လိုက်ကြရအောင်။
ပရိသတ်များကော " မြစ်လက်တက်ပေမဲ့ ရေစီးကကြမ်းတယ် " ရုပ်ရှင်ကားကြီး အတွက် ရင်ခုန်နေကြပြီလား?

စကားကြောင့် ဓားမဖြစ်စေနဲ့
စကားဆိုတာ
တိုးတိုးပြောလည်း ဒီစကား
အော်ပြီးပြောလည်း ဒီစကား
ဘယ်လိုပြောပြော ဒီစကားပါပဲ။
တစ်ဖက်သားကို နားဝင်အောင် ချိုချိုသာသာပြောတတ်ခြင်းက ပိုပြီးအရာရောက်သလို
မိမိ တစ်ဖက်သားအပေါ်ထားတဲ့ စေတနာကိုလည်း ပေါ်လွင်စေပါတယ်။
စကားဆိုတာ
ပါးစပ်ကပြောတာချင်းအတူတူ
တစ်ဖက်သားအပေါ်
နစ်နာစေမယ့်စကားမျိုးမဖြစ်စေဖိုနဲ့ ကိုယ့်စကားကို ကိုယ်တာဝန်ယူတတ်ဖိုပါပဲ။
စကားကြောင့် ဓားမဖြစ်စေဘဲ စကားကြောင့် အားဖြစ်စေခဲ့ရင် လျှာဖျားလေးက ပြောလိုက်ပေမယ့်
လူတစ်ယောက်ရဲ့ဘဝကို
တိုးတက်ပြောင်းလဲစေနိုင်ပြီး
စကားကြောင့် ကုသိုလ်ရစေပါတယ်။
တစ်ခါတစ်လေမှာ
ကိုယ်ပြောလိုက်တဲ့စကားတစ်ခွန်းကြောင့်
ကိုယ့်အဆင့်အတန်းကို
ဖော်ပြနေတတ်သလိုဖြစ်ပြီး
ကိုယ့်ဂုဏ်သိက္ခာကို
ကိုယ်ကိုယ်တိုင်ချလိုက်သလို
ဖြစ်နေတတ်ပါတယ်။
ဒါ့ကြောင့်
မိတ်ဆွေ
စကားကို သတိထားပြောဆိုပါ။
#ဦးအောင်သင်း

“စိတ်ရောဂါများကို self-care ဖြင့်ကာကွယ်ပါ”
‘ကုသခြင်းထက် ကာကွယ်ခြင်းက ပိုထိရောက်’ ဆိုတဲ့ စကားအတိုင်း စိတ်ရောဂါတွေကို မဖြစ်ခင်တည်းက ကြိုတင်ကာကွယ်ထားတာက စိတ်ရောဂါနဲ့ နောက်ဆက်တွဲ အခြေအနေတွေကို တားဆီးနိုင်ဖို့ အကောင်းဆုံးနည်းလမ်း ဖြစ်ပါတယ်။ ဒီနေ့မှာတော့ စိတ်ရောဂါတွေကို ကာကွယ်နိုင်တဲ့ နည်းလမ်းတွေထဲက အလွယ်ကူဆုံးနဲ့ အထိရောက်ဆုံး ဖြစ်တဲ့ self-care အကြောင်းကို ပြောပြပေးမှာ ဖြစ်ပါတယ်။
Self-care ဆိုတာ စိတ်နဲ့ ခန္ဓာကိုယ်ကို အချိန်တခု သီးသန့်ပေးပြီး ဂရုစိုက်ခြင်း ဖြစ်ပါတယ်။ Self-care ပြုလုပ်ခြင်းက စိတ်ရောကိုယ်ပါ ကျန်းမာစေတဲ့အပြင် စိတ်ဖိစီးမှုများကို လျှော့ချပေးနိုင်သလို စိိတ်ခံစားချက်ကို ကောင်းစေတာကြောင့် နောက်ဆက်တွဲ စိတ်ရောဂါတွေကို ကြိုတင် ကာကွယ်ပေးနိုင်မှာ ဖြစ်ပါတယ်။ သင့်အနေနဲ့ တနေ့တာ self-care အတွက် ဘာတွေ ပြုလုပ်ပေးနိုင်လဲ?
(၁) စိတ်တည်ငြိမ်အောင် လေ့ကျင့်ခြင်း
တရားထိုင်ခြင်း၊ အသက်ရှုခြင်း၊ Mindfulness ပြုလုပ်ခြင်းနဲ့ အကြောလျှော့ခြင်း စတာတွေဟာ စိတ်ကို တည်ငြိမ်စေတဲ့ အကောင်းဆုံး Self-care နည်းလမ်းတွေ ဖြစ်ပါတယ်။ အထူးသဖြင့် စိတ်ခံစားချက်တွေ ပြင်းထန်နေချိန်၊ စိတ်ပိုင်းဆိုင်ရာ ပြဿနာတွေနဲ့ မွန်းကြပ်နေချိန် ၊ စိတ်ပူပန် စိုးရိမ်မှုတွေ ခံစားနေရချိန်မှာ စိတ်ကိုတည်ငြိမ်စေမယ့် Self-care နည်းလမ်းတွေ ပြုလုပ်ခြင်းက စိတ်ပိုင်းဆိုင်ရာ အခြေအနေကို ပိုမဆိုးလာအောင် ထိန်းထားပေးမှာ ဖြစ်ပါတယ်။
(၂) ကိုယ်လက်လှုပ်ရှား ပြုလုပ်ခြင်း
စိတ်နဲ့ ခန္ဓာကိုယ်ဟာ ဆက်စပ်နေသလို တခါတရံမှာ စိတ်ခံစားချက်တွေကို ခန္ဓာကိုယ် လှုပ်ရှားမှုနဲ့ ပြန်လည် ကုစားရတာလည်း ရှိနိုင်ပါတယ်။ အထူးသဖြင့် ကိုယ်လက်လှုပ်ရှား ပုံမှန် ပြုလုပ်ခြင်းက ခန္ဓာကိုယ်မှာ ရှိတဲ့ ဟော်မုန်းတွေရဲ့ ပမာဏကို မျှတစေတာကြောင့် စိတ်ခံစားချက်တွေကိုပါ သက်သာလျော့ပါးစေနိုင်မှာ ဖြစ်ပါတယ်။ တနေ့ကို အနည်းဆုံး မိနစ် ၃၀ ခန့် ကိုယ်လက်လှုပ်ရှားမှု ပြုလုပ်ပေးတာကလည်း စိတ်ရော ကိုယ်ပါ ထိရောက်စေတဲ့ Self-care နည်းလမ်း တခု ဖြစ်ပါတယ်။
(၃) အစားအသောက် သင့်တင့်မျှတစွာ စားသုံးခြင်း
Self-care လို့ပြောလိုက်ရင် နေ့စဥ်စားတဲ့ အစားအသောက်ကိုလည်း မေ့ထားလို့ မရပါဘူး။ တနေ့တာမှာ အာဟာရ လုံလောက်မျှတဖို့သလို ဗီတာမင်၊ ကစီဓါတ်၊ အသားဓါတ် စတာတွေ လုံလောက်ပါဝင်ခြင်းက စိတ်နဲ့ ခန္ဓာကိုယ် ကျန်းမာရေးကိုလည်း ကာကွယ်ပေးနိုင်မှာ ဖြစ်ပါတယ်။ ဒါတင်မကပဲ စိတ်ခံစားချက်ကြောင့် အစာကို အများကြီးစားတာ၊ အစာကို လုံးဝ မစားတာ၊ အချိန်မှန် အစာမစားတာ စတဲ့ အပြုအမူတွေကိုလည်း အထူးရှောင်ရမှာ ဖြစ်ပါတယ်။
(၄) ဝါသနာအတွက် အချိန်ပေးခြင်း
Self-care ပြုလုပ်တဲ့အခါမှာ တဦးနဲ့တဦး မတူကွဲပြားနိုင်သလို ကိုယ်နှစ်သက်တဲ့ နည်းလမ်းကို ရွေးချယ် ပြုလုပ်နိုင်ပါတယ်။ တချို့ကလည်း ကိုယ်ဝါသနာပါရာအတွက် အချိန်ပေးပြီး ပြုလုပ်ခြင်းအားဖြင့် စိတ်ခံစားချက်တွေကို သိသိသာသာ ကောင်းမွန်စေနိုင်မှာ ဖြစ်ပါတယ်။ ပန်းချီဆွဲတာ၊ သီချင်းဆိုတာ၊ ကခုန်တာ၊ သိုးမွှေးထိုးတာ ၊ စာဖတ်တာ၊ စာရေးတာတွေ ပြုလုပ်ခြင်းအားဖြင့်လည်း Self-care ကို ပြုလုပ်နိုင်မှာ ဖြစ်ပါတယ်။
(၅) အိပ်စက်ချိန် လုံလောက်စွာ ထားရှိခြင်း
တနေ့တာမှာ လုံလောက်တဲ့ အိပ်ချိန်ထားရှိခြင်းက မရှိမဖြစ် လိုအပ်တဲ့ Self-care တခု ဖြစ်ပါတယ်။
အနည်းဆုံး တနေ့ကို ၇ နာရီ အိပ်စက်ဖို့ လိုအပ်သလို နှစ်ခြိုက်စွာ အိပ်ပျော်ဖို့လည်း အရေးကြီးပါတယ်။ ဒါကြောင့် အိပ်စက်ခါနီး ဖုန်း၊ ကွန်ပြူတာ အသုံးပြုတာတွေ၊ ညှဥ့်နက်တဲ့အထိ မအိပ်ပဲ အလုပ်လုပ်တာတွေ၊ အိပ်ရာထဲအထိ အစားအသောက် စားတာတွေဟာ အိပ်စက်ချိန်ကို အနှောက်အယှက် ဖြစ်စေနိုင်ပါတယ်။
Self-care ပြုလုပ်ခြင်းက ရိုးရှင်းပေမယ့် စိတ်ကျန်းမာရေးအတွက် သိသာတဲ့ ကောင်းကျိုးတွေကို ပေးနိုင်ပါတယ်။ အထူးသဖြင့် စိတ်ပိုင်းဆိုင်ရာအားဖြင့် အားနည်းနေချိန် ၊ စိတ်ခံစားချက်တွေ မူမမှန် ဖြစ်နေချိန်မှာ self-care ပြုလုပ်ခြင်း အားဖြင့် အခြေအနေကို ပိုမဆိုးအောင် ထိန်းထားပေးနိုင်မှာ ဖြစ်တာကြောင့် self-care ကို နေ့စဥ်ပုံမှန် လုပ်သင့်ကြောင်း မျှဝေလိုက်ရပါတယ်။ သင်ရော တနေ့တာမှာ self-care အတွက်် အချိန်ဘယ်လောက် ပေးဖြစ်နေလဲ? Self-care အတွက် ဘာတွေ လက်ရှိလုပ်ဖြစ်နေလဲ ဆိုတာ comment မှာ မျှဝေပေးပါဦးနော်…

#စိတ်ရောဂါများကိုself-careဖြင့်ကာကွယ်ပါ

🌿 တောင်နဲ့လယ်ကွင်းကြားမှာ မိသားစုအေးအေးချမ်းချမ်း
နေထိုင်ရမယ့် အိမ်လေး 🏡

စည်းကမ်းရဲ့ ယာယီနာကျင်မှု vs နောင်တရဲ့ ထာဝရနာကျင်မှု
လူ့ဘဝဆိုတာ နာကျင်မှုကို ရှောင်လွှဲလို့မရဘူး။ ဒါပေမယ့် ကံကောင်းတာက ကျွန်တော်တို့မှာ ရွေးချယ်ခွင့်ရှိတယ် - ဘယ်လိုနာကျင်မှုမျိုးကို ခံစားမလဲဆိုတဲ့ ရွေးချယ်ခွင့်ပါ။
စဉ်းစားကြည့်ပါ...
စည်းကမ်းရဲ့ နာကျင်မှု ဆိုတာ သင့်ကို ကြီးကြီးမားမား အကျိုးကျေးဇူးတွေပေးမယ့် အနာဂတ်အတွက် ရင်းနှီးမြှုပ်နှံရတဲ့ ယာယီမသက်မသာမှုပါပဲ။ ဒါက သင့်ကို ပိုခိုင်မာစေတယ်၊ သင့်ရည်မှန်းချက်ဆီ ရောက်အောင်ပို့ပေးတယ်။
နောင်တရဲ့ နာကျင်မှု ကတော့ သင့်အတိတ်က ရွေးချယ်မှုတွေကြောင့် ဖြစ်လာတဲ့ နက်ရှိုင်းတဲ့ စိတ်ဒဏ်ရာပါ။ ဒါကို ပြန်ပြင်ဖို့ တကယ်ကိုခက်ခဲပါတယ်။
စည်းကမ်းရဲ့ နာကျင်မှု (The Pain of Discipline)
​ဒါဟာ ကိုယ့်ရဲ့ ရည်မှန်းချက်တွေ၊ ပြောင်းလဲချင်တဲ့ အရာတွေအတွက် စည်းကမ်းထားရတဲ့ အခက်အခဲ၊ နာကျင်မှုကို ဆိုလိုပါတယ်။ ရည်မှန်းချက်အတွက် ယာယီခံစားရတဲ့ မသက်မသာဖြစ်မှုတွေ၊ စိတ်ကိုချုပ်တည်းရတာတွေပေါ့။
နောင်တရဲ့ နာကျင်မှု (The Pain of Regret)
ဒီနာကျင်မှုကတော့ အတိတ်က ကိုယ့်ရဲ့ ပျင်းရိမှု၊စည်းကမ်းမဲ့မှု တွေကြောင့် အခုခံစားနေရတဲ့ မပြေပျောက်နိုင်တဲ့ ဒဏ်ရာပါ။
နာကျင်မှု (၂) မျိုးရဲ့ ဥပမာတွေ
၁။ ကျောင်းသားဘဝ
· စည်းကမ်းနာကျင်မှု: သူငယ်ချင်းတွေ ထွက်ပျော်နေချိန် နေ့တိုင်း စာကြည့်တာ၊ စာမေးပွဲအတွက် ကြိုတင်ပြင်ဆင်တာ
· နောင်တနာကျင်မှု: စာမေးပွဲကျတာ၊ အနာဂတ်အတွက် အခွင့်အလမ်းတွေ ဆုံးရှုံးတာ
၂။ ကျန်းမာရေးနဲ့ ကိုယ်အလေးချိန်
· စည်းကမ်းနာကျင်မှု: မနက်စောစော ထပြေးတာ၊ အချိုတွေ၊ အဆီအစိမ့်တွေ ရှောင်တာ
· နောင်တနာကျင်မှု: ကျန်းမာရေးချို့တဲ့တာ၊ ကိုယ်ခန္ဓာ မကျစ်လျစ်တာ၊ ဆီးချိုရောဂါလိုမျိုး ခံစားရတာ
၃။ ငွေကြေး စီမံခန့်ခွဲမှု
· စည်းကမ်းနာကျင်မှု: ဝင်ငွေထဲက တစ်စိတ်တစ်ပိုင်းကို ပုံမှန်ချွေတာတာ၊ မလိုအပ်တဲ့ပစ္စည်းတွေ မဝယ်တာ
· နောင်တနာကျင်မှု: အရေးပေါ်အခြေအနေမှာ ငွေကြေးမရှိတာ၊ အိုမင်းချိန်မှာ စိုးရိမ်စရာရှိတာ
၄။ အားကစား/ခန္ဓာကိုယ် ကြံ့ခိုင်ရေး
· စည်းကမ်းနာကျင်မှု: ကြွက်သားတွေ နာကျင်ကိုက်ခဲနေတာတောင် လေ့ကျင့်ခန်း ဆက်လုပ်တာ
· နောင်တနာကျင်မှု: အားနည်းတဲ့ ခန္ဓာကိုယ်၊ လှုပ်ရှားမှုနည်းလို့ ဖြစ်လာတဲ့ ရောဂါတွေ
၅။ လုပ်ငန်းခွင်နဲ့ အလုပ်အရည်အသွေး
· စည်းကမ်းနာကျင်မှု: တခြားသူတွေ ပြီးပြီသတဲ့အလုပ်ရဲ့ အသေးစိတ်ကို ထပ်ပြင်တာ၊ ပိုကြိုးစားတာ
· နောင်တနာကျင်မှု: အရည်အသွေးညံ့တဲ့ အလုပ်ကြောင့် လူကြီးသူမတွေ ယုံကြည်မှုပျက်တာ၊ အလုပ်မှာ နောက်ကျကျန်ရစ်တာ
၆။ ဆက်ဆံရေး
· စည်းကမ်းနာကျင်မှု: ချစ်သူနဲ့ ခဏစိတ်ဆိုးနေတာတောင် အော်ဟစ်ရန်မပြုဘဲ အေးအေးဆေးဆေး ဆွေးနွေးတာ
· နောင်တနာကျင်မှု: စကားများပြောမိတာ၊ ဆက်ဆံရေးပျက်စီးတာ၊ ကွာရှင်းတာ
၇။ စွဲလမ်းမှုတွေ (ဥပမာ - ဆေးလိပ်သောက်ခြင်း)
· စည်းကမ်းနာကျင်မှု: ဆေးလိပ်ဖြတ်ရာမှာ ခံစားရတဲ့ ဆန္ဒကို ထိန်းချုပ်ရခက်ခဲတာ
· နောင်တနာကျင်မှု: အဆုတ်ကင်ဆာလိုမျိုး ရောဂါဆိုးကြီးတွေ ခံစားရတာ
၈။ အလုပ်တစ်ခု ပြီးအောင်လုပ်တာ
· စည်းကမ်းနာကျင်မှု: ရုပ်ရှင်ကြည့်၊ ဂိမ်းဆော့ချင်စိတ်ကို ချုပ်တည်းပြီး ညနေတိုင်း အလုပ်မှာ ၂ နာရီပုံမှန်အသုံးပြုတာ
· နောင်တနာကျင်မှု: နောက်ဆုံးရက်နီးမှ စိတ်ဖိစီးမှုတွေနဲ့ အရည်အသွေးညံ့ညံ့ အလုပ်လုပ်ရတာ (ဒါမှမဟုတ်) လုံးဝမပြီးတာ
၉။ တစ်ကိုယ်ရေ သန့်ရှင်းမှု
· စည်းကမ်းနာကျင်မှု: ပင်ပန်းနေတာတောင် ညအိပ်ရာဝင်ခါနီး သွားတိုက်တာ၊ မျက်နှာသစ်တာ
· နောင်တနာကျင်မှု: သွားပိုးစားတာ၊ အသားအရေ ပြဿနာတွေ ကြုံရတာ
၁၀။ မိသားစုနဲ့ အချိန်ပေးခြင်း
· စည်းကမ်းနာကျင်မှု: အလုပ်များနေလည်း ညနေစာကို မိသားစုနဲ့အတူ စားတာ၊ ဖုန်းတွေအားလုံးပိတ်ပြီး အရည်အသွေးရှိရှိ အတူအချိန်ဖြုန်းတာ၊ ကလေးရဲ့ပွဲတွေကို သွားတာ
· နောင်တနာကျင်မှု: ကလေးတွေ ကြီးလာတဲ့အခါ ချစ်ခင်ရင်းနှီးမှုကင်းမဲ့တဲ့ ဆက်ဆံရေးပဲ ကျန်တာ၊ "အဖေ့ဆီမှာ အလုပ်ကအရေးကြီးဆုံးပဲ" ဆိုတဲ့ နာကျင်ဖွယ်စကားကို ကြားရတာ
အဓိကကွာခြားချက်တွေ
၁။ ကြိုတင်ပေးဆပ်ခြင်း vs နောက်မှပေးဆပ်ခြင်း
စည်းကမ်းရဲ့ နာကျင်မှု က ကြိုတင်ပေးဆပ်မှုဖြစ်တယ်။ နာကျင်မှုက တိုတောင်းပြီး သင့်ကို ပိုသန်မာစေ၊ ပိုတော်စေ၊ ပိုအောင်မြင်စေတယ်။
နောင်တရဲ့ နာကျင်မှု က နောက်ကျမှ ပေးဆပ်မှုဖြစ်တယ်။ နာကျင်မှုက ကြာရှည်ပြီး သင့်ကို ပြန်ကုစားဖို့ ခဲယဉ်းတဲ့ နာကျင်မှုဖြစ်ကာ၊ လက်လွတ်ဆုံးရှုံးမှုတွေနဲ့အတူ နှလုံးသားထဲမှာ ကျန်ရစ်တတ်တယ်။
၂။ ထိန်းချုပ်နိုင်စွမ်း
စည်းကမ်းရဲ့ နာကျင်မှု က သင်ကိုယ်တိုင် ရွေးချယ်တဲ့ နာကျင်မှုဖြစ်တယ်။ ကိုယ့်ရဲ့ ဘဝအပေါ် ကိုယ်တိုင် ထိန်းချုပ်ခွင့်ရှိတယ်။
နောင်တရဲ့ နာကျင်မှု က အတိတ်က သင့်ကို ထိန်းချုပ်ထားတဲ့ နာကျင်မှုဖြစ်တယ်။ ဖြစ်ပြီးသွားတဲ့အရာကို ပြင်လို့မရတော့ဘူး။

နိဂုံး
စည်းကမ်း ဆိုတာ "အခု" ကို အနာဂတ်အတွက် ရင်းနှီးမြှုပ်နှံခြင်း ဖြစ်တယ်။
နောင်တဆိုတာ "အခု" ကို အတိတ်အတွက် ဆုံးရှုံးခြင်း ဖြစ်တယ်။
စည်းကမ်းရဲ့ ယာယီနာကျင်မှုက သင့်ကို ဂုဏ်ကျေးဇူးနဲ့ အဆုံးသတ်စေမယ်။
နောင်တရဲ့နာကျင်မှုကတော့ သင့်ဘဝမှာ မပြေပျောက်နိုင်တဲ့ ဒဏ်ရာတွေကို ချန်ထားခဲ့မယ်။
ရွေးချယ်ခွင့်ဟာ သင့်လက်ထဲမှာပါ။

လူတစ်ယောက်ရဲ့ အဆင့်အတန်းကို
ဘယ်သူတွေက ဘယ်လို
သတ်မှတ်လဲ သိပ်စိတ်မဝင်စားဘူး။
ကိုယ့်စည်းကမ်းနဲ့ ကိုယ်နေတယ်
ကိုယ်လုပ်ချင်တာကို လုပ်တယ်
ကိုယ့်ကိစ္စကိုပဲ စိတ်ဝင်စားတယ်။
စိတ်ရင်း မမှန်ရင် ကိုယ်လည်း
မပေါင်းဘူး လာလည်း မပေါင်းနဲ့
သူများ အပေါ် မှာ ဗိုလ်မကျ သလို
ကလိမ်ကကျင့်နဲ့ ခုတုံးလည်း မလုပ်ဘူး။
ကိုယ်အထာနဲ့ ပျော်သလိုနေတယ်
စည်းတွေ ဘောင်တွေ ကျော်ပြီး
ဘယ်သူ့အရေးကိုမှ မစပ်စုဘူး။
ကိုယ့်ကို စိတ်အနှောင့်အယှက်
ပေးတတ်တဲ့သူကိုလည်း ရှောင်မယ်
မလိုသူတွေကြားမှာ အလိုတူအောင်
အချိန်ကုန်ခံ မရှင်းပြတတ်ဘူး။
ရင်ဘတ်ခြင်းမတူရင် ဘဝပဲ မြင့်မြင့်
ဘဝင်ပဲ မြင့်မြင့် စကားတောင်ာင်
လေကုန်ခံ မပြောချင်ဘူး။
ကိုယ့်သမိုင်း ကိုယ်ရေးပြီး
ကိုယ့်ဘဝနဲ့ ကိုယ်ရောင့်ရဲတယ်
ကပ်ဖား ကပ်စား မပေါင်းတတ်ဘူး
ကိုယ်က မကောင်းဘူးလို့ ထင်ရင်လည်း
လာမပေါင်းပါနဲ့ ဝေးဝေးသာ ရှောင်နေပါ။
သူများအကြောင်း မသိပဲ မဝေဖန်ပါနဲ့
သိရင်လည်း မဝေဖန်ချင် ကြပါနဲ့ ။
ကိုယ့်ရုပ်ကိုယ်ပဲ ပြန်ကြည့်ပြီး ဝေဖန်ကြပါ။
#ဦးအောင်သင်း

ရုပ်ရှင်ကားသစ်အတွက် သက်ရှိသတ္တဝါကြီးအဖြစ် အသွင်ပြောင်းဖို့ နေ့တိုင်း ၁၀ နာရီကြာအောင် အချိန်ယူခဲ့ရတဲ့ မင်းသားဂျက်ကော့ အဲလော်ဒီ
Kissing Booth ဇာတ်ကားနဲ့ လူအများသိကြတဲ့ မင်းသားဂျက်ကော့ အဲလော်ဒီဟာ ဒါရိုက်တာ Guillermo del Toro ရဲ့ Frankenstein ရုပ်ရှင်ကားမှာ သက်ရှိသတ္တဝါကြီးအဖြစ် ပါဝင်သရုပ်ဆောင်ထားပါတယ်။ သူက အဲ့ဒီသတ္တဝါကြီးအဖြစ် အသွင်ပြောင်းဖို့ နေ့တိုင်း ၁၀ နာရီကြာအောင် မိတ်ကပ်အလိမ်းခံခဲ့ရတာပါ။ ဒီအကြောင်းကို အောက်တိုဘာ ၆ ရက်နေ့က ပြုလုပ်တဲ့ ရုပ်ရှင်အထူးပြပွဲမှာ ဒါရိုက်တာကြီးက ပြောပြသွားခဲ့တာပါ။
ဂျက်ကော့က နေ့တိုင်း ၁၀ ကြာအောင် အချိန်ယူခဲ့ရတယ်။ သတ္တဝါကြီးအသွင်ပြင်ဆင်လို့ပြီးမှ သူ အလုပ်စလုပ်ရတယ်။ ဒါကို စိတ်ရှည်စွာ လုပ်ဆောင်ခဲ့တယ်လို့ ဆိုထားပါတယ်။
သူနဲ့အတူ သိပ္ပံပညာရှင် Victor Frankenstein အဖြစ် ပါဝင်ထားတဲ့ မင်းသားကြီး အော်စကာ အီစကာကလည်း ဂျက်ကော့က အရမ်းအားစိုက်တယ်၊ ဘယ်တော့မှ မညည်းညူးဘူး။ နေ့တိုင်း မိတ်ကပ်ကို ၁၀ နာရီကြာအောင် လိမ်းခဲ့ရတယ်လို့ ပြောပါတယ်။
ဂျက်ကော့က မင်းသားအန်ဒရူးဂါဖီးဒ် အချိန်ဇယားတွေပြည့်ပြီး မအားတာကြောင့် ဒီဇာတ်ကောင်ကနေ နှုတ်ထွက်ခဲ့ပြီးတဲ့နောက်မှာ ပါဝင်ဖြစ်ခဲ့တာပါ။ ဒီရုပ်ရှင်ကားကို အောက်တိုဘာ ၃၀ ရက်နေ့က 82nd Venice International Film Festival မှာ ပြသခဲ့ပါတယ်။ အောက်တိုဘာ ၁၇ ရက်နေ့ကျရင်တော့ ရုံတင်ပြသမှာဖြစ်ပြီး Netflix ကနေဆိုရင်တော့ နိုဝင်ဘာ ၇ ရက်နေ့မှာ ကြည့်ရှုရမှာဖြစ်ပါတယ်။
Ref: Jacob Elordi spent 10 hours doing makeup every day to transform into Frankenstein's Monster

Causative Verbs (ပြုလုပ်စေသော ကြိယာများ) ဆိုတာ ဘာလဲ?
ဒီနေ့တော့ English မှာ အရေးပါပြီး အသုံးများတဲ့ Causative Verbs (ပြုလုပ်စေသော ကြိယာများ) အကြောင်းကို သင်ခန်းစာပေးသွားမှာ ဖြစ်ပါတယ်။ အထူးသဖြင့် "make", "have", "let", "get" နဲ့ "help" ဆိုတဲ့ Causative Verb တွေရဲ့ အသုံးပြုပုံနဲ့ ဝါကျဖွဲ့စည်းပုံတွေကို လေ့လာကြရအောင်။
Causative Verbs တွေဆိုတာ တစ်စုံတစ်ယောက်ကို ဒါမှမဟုတ် တစ်စုံတစ်ခုကို တစ်ခုခု လုပ်ဆောင်စေတဲ့ သို့မဟုတ် ဖြစ်ပေါ်စေတဲ့ ကြိယာတွေပဲ ဖြစ်ပါတယ်။ ဒီကြိယာတွေရဲ့ နောက်မှာ ဝါကျတည်ဆောက်ပုံက အနည်းငယ်ကွာခြားသွားတာကို သတိထားရပါမယ်။ ဒီနေ့ဥပမာတွေမှာ Past Tense ကို အသုံးပြုသွားပါမယ်။
MAKE (အတင်းအဓမ္ဓ ပြုလုပ်စေခြင်း)
အဓိပ္ပာယ်: တစ်စုံတစ်ယောက်ကို တစ်ခုခုလုပ်ဖို့ အတင်းအဓမ္ဓစေခိုင်းခြင်း၊ ရွေးချယ်စရာမရှိအောင် ပြုလုပ်စေခြင်း။ (Force)
ဝါကျဖွဲ့စည်းပုံ: Subject + MAKE + Object + Base Verb
ဥပမာ: "She made me wash the dishes."
(သူမက ကျွန်တော့်ကို ပန်းကန်တွေဆေးခိုင်းတယ်။)
ဒီနေရာမှာ "made" က "သူမက ကျွန်တော့်ကို ပန်းကန်ဆေးဖို့ အတင်းအဓမ္ဓ စေခိုင်းခဲ့တယ်" လို့ ဆိုလိုပါတယ်။ အမေက သားသမီးကို ပန်းကန်ဆေးခိုင်းတာမျိုးပေါ့။
သတိပြုရန်: wash (Base Verb) ကိုပဲ သုံးပါတယ်။ to wash လို့ မသုံးပါဘူး။
LET (ခွင့်ပြုခြင်း)
အဓိပ္ပာယ်: တစ်စုံတစ်ယောက်ကို တစ်ခုခုလုပ်ဖို့ ခွင့်ပြုခြင်း၊ ခွင့်ပြုချက်ပေးခြင်း။ (Give permission, Allow)
ဝါကျဖွဲ့စည်းပုံ: Subject + LET + Object + Base Verb
ဥပမာ: "My dad let me go by myself."
(အဖေက ကျွန်တော့်ကို တစ်ယောက်တည်းသွားခွင့်ပြုခဲ့တယ်။)
ပါတီ ဒါမှမဟုတ် ရုပ်ရှင်သွားချင်တဲ့အခါ အဖေက ခွင့်ပြုတာမျိုးပါ။
သတိပြုရန်: go (Base Verb) ကိုပဲ သုံးပါတယ်။ to go လို့ မသုံးပါဘူး။ MAKE နဲ့တူပါတယ်။
HAVE (ယဉ်ကျေးစွာ တောင်းဆိုခြင်း/ခိုင်းစေခြင်း)
အဓိပ္ပာယ်: တစ်စုံတစ်ယောက်ကို တစ်ခုခုလုပ်ဖို့ တောင်းဆိုခြင်း၊ ယဉ်ကျေးစွာ ခိုင်းစေခြင်း။ (Request, Ask, Politely make them do it)
ဝါကျဖွဲ့စည်းပုံ: Subject + HAVE + Object + Base Verb
ဥပမာ: "She had the students do the assignment."
(ဆရာမက ကျောင်းသားတွေကို လေ့ကျင့်ခန်းလုပ်ခိုင်းတယ်။)
ဒီနေရာမှာ "had" က "ဆရာမက ကျောင်းသားတွေကို လေ့ကျင့်ခန်းလုပ်ဖို့ တောင်းဆိုခဲ့တယ် ဒါမှမဟုတ် ယဉ်ကျေးစွာ ခိုင်းစေခဲ့တယ်" လို့ ဆိုလိုပါတယ်။ ကျောင်းသားတွေအနေနဲ့ ရွေးချယ်စရာမရှိဘဲ လိုက်နာရတဲ့ သဘောမျိုးပါ။
သတိပြုရန်: do (Base Verb) ကိုပဲ သုံးပါတယ်။ to do လို့ မသုံးပါဘူး။ MAKE နဲ့ LET တို့နဲ့တူပါတယ်။
GET (စည်းရုံး၍ ပြုလုပ်စေခြင်း)
အဓိပ္ပာယ်: တစ်စုံတစ်ယောက်ကို တစ်ခုခုလုပ်ဖို့ စည်းရုံးခြင်း၊ ဆွဲဆောင်ခြင်း၊ အားပေးခြင်း။ (Persuade, Convince, Give incentive)
ဝါကျဖွဲ့စည်းပုံ: Subject + GET + Object + TO + Base Verb (Infinitive Phrase)
ဥပမာ: "She got me to mow the lawn."
(သူမက ကျွန်တော့်ကို မြက်ရိတ်ဖို့ စည်းရုံးခဲ့တယ်။)
အမေက မြက်ရိတ်ရင် ၅ ဒေါ်လာ ပေးမယ်ဆိုပြီး စည်းရုံးတာမျိုးပေါ့။
သတိပြုရန်: to mow (Infinitive Phrase) ကို သုံးရပါမယ်။ mow (Base Verb) ချည်းသက်သက် မသုံးပါဘူး။ "to" ပါရပါမယ်။
HELP (ကူညီခြင်း)
အဓိပ္ပာယ်: တစ်စုံတစ်ယောက်ကို တစ်ခုခုလုပ်ဖို့ ကူညီခြင်း၊ အထောက်အကူပြုခြင်း။ (Aid)
ဝါကျဖွဲ့စည်းပုံ: Subject + HELP + Object + Base Verb (သို့မဟုတ်) Subject + HELP + Object + TO + Base Verb
ဥပမာ: "EngVid has helped me improve my English." (သို့မဟုတ်) "EngVid has helped me to improve my English."
(EngVid က ကျွန်တော့် English စာတိုးတက်အောင် ကူညီခဲ့ပါတယ်။)
Causative Verb "help" ကတော့ စည်းကမ်းမများပါဘူး။ Base Verb ဖြစ်တဲ့ improve ကိုပဲ သုံးသုံး၊ Infinitive form ဖြစ်တဲ့ to improve ကိုပဲ သုံးသုံး (၂) မျိုးလုံး မှန်ကန်ပါတယ်။
အနှစ်ချုပ် သင်ခန်းစာ (Quick Review)
Causative Verbs များ၏ အဓိပ္ပာယ်များ:
MAKE: အတင်းအဓမ္ဓ စေခိုင်း (Force)
LET: ခွင့်ပြု (Give permission)
HAVE: ယဉ်ကျေးစွာ တောင်းဆို/ခိုင်းစေ (Request/Ask politely)
GET: စည်းရုံး/ဆွဲဆောင် (Convince/Persuade)
HELP: ကူညီ (Aid)
ဝါကျဖွဲ့စည်းပုံ (Structure):
MAKE, LET, HAVE နောက်မှာ Base Verb ကို အသုံးပြုပါ။
GET နောက်မှာ TO + Base Verb (Infinitive Phrase) ကို အသုံးပြုပါ။
HELP နောက်မှာတော့ Base Verb သို့မဟုတ် TO + Base Verb နှစ်မျိုးလုံး အသုံးပြုနိုင်ပါတယ်။
ကဲ... ဒီသင်ခန်းစာကနေ Causative Verbs တွေရဲ့ အဓိပ္ပာယ်နဲ့ အသုံးပြုပုံတွေကို ကောင်းကောင်းနားလည်သွားလိမ့်မယ်လို့ မျှော်လင့်ပါတယ်။

💬 ဒီအချက်ဟာ အထူးတလည် စိုးရိမ်စရာတော့ မဟုတ်ပါဘူး။
👉🏼 မြက်ပင်တွေကိုစားတာဟာ
✅ ဗိုက်ထဲမှာ မအီမသာဖြစ်လို့ အန်ထုတ်ချင်လို့၊
✅ မြက်ပင်ရဲ့ခပ်ကြမ်းကြမ်း အထိအတွေ့ကို ကြိုက်နှစ်သက်လို့၊
✅ မြက်ပင်က အမျှင်ဓာတ်ကြောင့် စားပြီးတဲ့အခါ ၀မ်းသွားရအဆင်ပြေတယ် ခံစားရလို့ စသည်ဖြင့် အမျိုးမျိုးဖြစ်နိုင်ပါတယ်။
အန်ရခြင်းကတော့ မြက်ပင်တွေကို မျိုချလိုက်တဲ့အခါ မြက်ပင်တွေက အစာအိမ်ကို ယားယံစေပြီး အန်ခြင်းကို ဖြစ်စေနိုင်ပါတယ်။
👉🏼 ဒါပေမယ့် ဒါက ခွေးလေးရဲ့ ဗိုက်ထဲမှာရှိတဲ့ မအီမသာဖြစ်စေတဲ့ အရာတွေကို ဖယ်ရှားရာမှာ အထောက်အကူ ဖြစ်စေနိုင်ပါတယ်။
စိုးရိမ်ရပြီး တိရစ္ဆာန်ဆေးကုဆရာဝန်နဲ့ ပြသသင့်တဲ့အချိန်ကတော့
➡️ နာရီအနည်းငယ်အတွင်း အကြိမ်များစွာ အန်နေရင်၊
➡️ ပုံမှန်အစားအစာကို မစားတော့ရင်။
➡️ မစင်စွန့်တာမှာ ပြဿနာရှိလာရင်
➡️ နေမကောင်းတဲ့ ပုံပေါက်နေရင်
➡️ ပုံမှန်မဟုတ်တဲ့ အပြုအမူတွေ ပြနေရင်
စတဲ့အချိန်တွေပဲဖြစ်ပါတယ်။