Discover postsExplore captivating content and diverse perspectives on our Discover page. Uncover fresh ideas and engage in meaningful conversations
အလင်းစဉ်ပို့စ်များ
မိုးလေဝသနှင့်ဇလဗေဒညွှန်ကြားမှုဦးစီးဌာန
နေ့စဉ်မိုးလေဝသသတင်း
==============
(၂၀၂၅ ခုနှစ်၊ ဩဂုတ်လ ၂၅ ရက်နေ့ ညနေ ၄:၀၀ နာရီအချိန် ထုတ်ပြန်ချက်)
--------------------------------------------------------------------------
ဘင်္ဂလားပင်လယ်အော်အခြေအနေ။ ကပ္ပလီပင်လယ်ပြင်နှင့် ဘင်္ဂလားပင်လယ်အော်တောင်ပိုင်းတို့တွင် မုတ်သုံလေ အားအလွန် ကောင်းနေပြီး၊ ကျန်ဘင်္ဂလားပင်လယ်အော်တွင် မုတ်သုံလေ အားအသင့်အတင့်မှ အားကောင်းနေပါသည်။
ထူးခြားသည့်အခြေအနေ။ ယနေ့မြန်မာစံတော်ချိန် ၁၅:၃၀ နာရီအချိန် တိုင်းထွာချက်များအရ တုံကင်ပင်လယ်ပြင်တွင် ဖြစ်ပေါ် နေသော တိုင်ဖွန်းမုန်တိုင်း “ကဂျိကိ” (KAJIKI)သည် အနောက်ဘက်သို့ ရွေ့လျားခဲ့ပြီး၊ ဗီယက်နမ်နိုင်ငံကမ်းခြေကို ဗင့်မြို့ အနီးမှ စတင်ဖြတ်ကျော်လျက်ရှိပါသည်။ အဆိုပါ တိုင်ဖွန်းမုန်တိုင်း “ကဂျိကိ” သည် အနောက်-အနောက်မြောက်ဘက်သို့ ရွေ့လျားနိုင်ပြီး၊ နောက် ၂၄ နာရီအတွင်း ဗီယက်နမ်နိုင်ငံနှင့် လာအိုနိုင်ငံအထက်ပိုင်းဒေသများကို ဆက်လက်ဖြတ်ကျော် နိုင်ကာ အပူပိုင်းမုန်တိုင်းအဖြစ်သို့ အားလျော့သွားနိုင်သည်ဟု ခန့်မှန်းရပါသည်။
မနက်ဖြန်နံနက်အထိခန့်မှန်းချက်။ မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီးနှင့် ကချင်ပြည်နယ် တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး၊ နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီ တိုင်းဒေသကြီး၊ ကယားပြည်နယ်၊ ကရင်ပြည်နယ်၊ မွန်ပြည်နယ်နှင့် ရှမ်းပြည်နယ်(တောင်ပိုင်းနှင့် အရှေ့ပိုင်း)တို့တွင် နေရာ ကွက်၍ မိုးကြီးနိုင်ပါသည်။ ရွာရန်ရာနှုန်းပြည့် ဖြစ်ပါသည်။
မိုးတိမ်တောင်ဖြစ်ပေါ်မှုအခြေအနေ။ ရန်ကုန်တိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်နှင့် မွန်ပြည်နယ်တို့တွင် မိုးတိမ်တောင်များ ဖြစ်ထွန်းမှု အားကောင်းလျက်ရှိပြီး၊ အဆိုပါ မိုးတိမ်တောင်များ ရွေ့လျားရာ နေရာတစ်လျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုအပ်ပါသည်။
မြန်မာ့ပင်လယ်ပြင်။ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါ မိုးသက်လေပြင်းများကျရောက်ပြီး လှိုင်းကြီးမည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် ၃၅ မိုင် အထိ တိုက်ခတ်နိုင်ပါသည်။ လှိုင်းအမြင့်မှာ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၁၀ ပေမှ ၁၂ ပေခန့်ရှိနိုင်ပါသည်။ ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင် တို့တွင် တစ်ခါတစ်ရံ မိုးသက်လေပြင်းများကျရောက်ပြီး လှိုင်းအသင့်အတင့်မှ လှိုင်းကြီးနိုင်ပါသည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် ၂၅ မိုင်မှ မိုင် ၃၀ အထိ တိုက်ခတ်နိုင်ပါသည်။ လှိုင်းအမြင့်မှာ ရခိုင်ကမ်းရိုးတန်း တစ်လျှောက်နှင့် ကမ်းလွန်ပင်လယ်ပြင်တို့တွင် ၈ ပေမှ ၁၀ ပေခန့် ရှိနိုင်ပါသည်။
နောက် ၂ ရက်အတွက်ခန့်မှန်းချက်။ နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ ဧရာဝတီ တိုင်းဒေသကြီး၊ တနင်္သာရီတိုင်းဒေသကြီး၊ ကယားပြည်နယ်၊ ကရင်ပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ် (တောင်ပိုင်းနှင့် အရှေ့ပိုင်း)တို့တွင် နေရာကွက်၍ မိုးကြီးမည်။
နေပြည်တော်နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။ မိုးတစ်ကြိမ်၊ နှစ်ကြိမ် ထစ်ချုန်းရွာမည်။ ရွာရန် ရာနှုန်းပြည့် ဖြစ်ပါသည်။
ရန်ကုန်မြို့နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။ မိုးတစ်ကြိမ်၊ နှစ်ကြိမ် ထစ်ချုန်းရွာမည်။ ရွာရန် ရာနှုန်းပြည့် ဖြစ်ပါသည်။
မန္တလေးမြို့နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။ နေရာကွက်ကျား မိုးထစ်ချုန်းရွာမည်။ ရွာရန် ရာနှုန်းပြည့် ဖြစ်ပါသည်။
Laptop USB port တွေအလုပ်မလုပ်တော့ဘူးဆိုရင် ဖြေရှင်းနည်း။
======================================
✅ Restart
ဒါဟာ အလွယ်ဆုံးနည်းလမ်းဖြစ်ပြီး တစ်ခါတစ်ရံမှာ driver error တွေကို ဖြေရှင်းပေးနိုင်ပါတယ်။ Laptop ကို ပိတ်ပြီး ပြန်ဖွင့်ကြည့်ပါ။
✅ အခြား USB ပေါက်ကို စမ်းသုံးကြည့်ပါ ။
အလုပ်မလုပ်တဲ့ USB device ကို အခြား USB ပေါက်တစ်ခုမှာ ထိုးကြည့်ပါ။ အခြားပေါက်မှာ အလုပ်လုပ်တယ်ဆိုရင် ပထမပေါက်က ပျက်စီးနေနိုင်ပါတယ်။
✅ USB ပစ္စည်းကို စစ်ဆေးပါ။
USB device (ဥပမာ- flash drive, mouse) ကို အခြား computer တစ်ခုမှာ စမ်းသုံးကြည့်ပါ။ အဲ့ဒီမှာလည်း အလုပ်မလုပ်ဘူးဆိုရင် USB device ကိုယ်တိုင်က ပျက်စီးနေတာ ဖြစ်နိုင်ပါတယ်။
✅ မြင်သာတဲ့ ပျက်စီးမှု ရှိမရှိ စစ်ဆေးပါ။
USB ပေါက်ထဲကို သေချာကြည့်ပါ။ ဖုန်မှုန့်တွေ၊ အမှိုက်တွေ၊ ကွေးနေတဲ့ ချိတ်တွေ ရှိမရှိ စစ်ဆေးပါ။ ဖုန်တွေရှိနေရင် သေသေချာချာ သန့်ရှင်းရေးလုပ်ပါ။
➡️ Software နဲ့ပတ်သက်တဲ့ ဖြေရှင်းနည်းများ
Driver တွေကို ပြန်လည်သွင်းပါ (Reinstall USB Drivers)
Windows key + R ကို တွဲနှိပ်ပြီး devmgmt.msc လို့ ရိုက်ထည့်ကာ Enter နှိပ်ပါ။ Device Manager ပွင့်လာပါလိမ့်မယ်။
Universal Serial Bus controllers ကို ရှာပြီး + (သို့မဟုတ်) မြှားလေးကို နှိပ်ပါ။ ထိုထဲက USB Root Hub ဒါမှမဟုတ် USB Controller တစ်ခုချင်းစီကို Right-click နှိပ်ပြီး Uninstall device ကို ရွေးပါ။
အားလုံးကို uninstall လုပ်ပြီးရင် laptop ကို restart ပြန်လုပ်ပါ။ Windows က ပျောက်သွားတဲ့ drivers တွေကို အလိုအလျောက် ပြန်သွင်းပေးပါလိမ့်မယ်။
✅ Driver များကို Update လုပ်ပါ
Device Manager ထဲမှာပဲ Universal Serial Bus controllers ကို နှိပ်ပါ။
USB Root Hub တစ်ခုချင်းစီကို Right-click နှိပ်ပြီး Update driver ကို ရွေးပါ။
Search automatically for drivers ကို ရွေးပါ။ Windows က drivers အသစ် ရှိမရှိကို ရှာဖွေပေးပါလိမ့်မယ်။
✅ Power Management Settings ကို ပြောင်းလဲပါ။
Device Manager ထဲမှာ Universal Serial Bus controllers ကို နှိပ်ပါ။
USB Root Hub တစ်ခုချင်းစီကို Right-click နှိပ်ပြီး Properties ကို ရွေးပါ။
Power Management tab ကို နှိပ်ပြီး Allow the computer to turn off this device to save power ဆိုတဲ့ အကွက်ကို အမှန်ခြစ် ဖြုတ်ပါ။
OK နှိပ်ပြီး တစ်ခုချင်းစီကို လုပ်ဆောင်ပါ။
✅ Hardware Troubleshooter ကို အသုံးပြုပါ။
Windows 10 မှာ Settings > Update & Security > Troubleshoot ကို သွားပါ။
Hardware and Devices ကို ရှာပြီး Run the troubleshooter ကို နှိပ်ပါ။ Windows က ပြဿနာကို ရှာဖွေပြီး ဖြေရှင်းပေးနိုင်ပါတယ်။
အခုနည်းလမ်းတွေနဲ့ ဖြေရှင်းကြည့်လိုက်ပါ။
ရွှေထုပ် ၊ငွေထုပ် ဖက်ထုပ်ကြော်
****************
ဖက်ထုပ်ရွက်.................. (၂၅) ရွက်
အရိုးထုတ်ကြက်သား........၀.၂၅ ကီလို
ကြက်သွန်ဖြူ................... ၃ တက်( ညှက်အောင်ထောင်း)
ကြက်သွန်မြိတ်................၅ပင် ( ပါးပါးလှီးထားပါ )
ကြက်ဥ......................... ၁လုံး
ပဲကြာဇံ.........................အနည်းငယ် ( နုပ်နုပ်စဉ်း)
ကြံက်နားရွက်မှို...............အနည်းငယ်(.......။.......)
နံနံပင်...........................အနည်းငယ်( နုပ်နုပ်စဉ်း)
ပြောင်းမှုန်.....................၁ ဇွန်း ( ထမင်းစားဇွန်း)
ပဲငံပြာရည်အကြည်..........၂ဇွန်း...( ......။...........)
ခရုဆီ........................... ၁ဇွန်း..(.......။..........)
ကြက်သွန်မြတ်.................၃၀ ခု ခန်.( ဖက်ထုပ်ချည်ရန်)
ရေနွေးဖျောပြီး...ရေညှစ်ထုပ်ထားပါ။
ကြက်သားကို..ညှက်နေအောင်ကြိတ် (သို.) နုပ်နုပ်စဉ်းပါ။
ပါ၀င်ပစ္စည်းတွေကိုလိုအပ်သလိုပြင်ဆင်ပါ။
ကြက်သား၊ ကြက်ဥ ၊ ကြက်သွန်ဖြူ ၊ ကြက်သွန်မြိတ် ၊ နံနံပင် ၊ ပဲကြာဇံ ၊
ကြွက်နားရွက်မှို ၊ ပြောင်းမှုန်. ၊ငရုတ်ကောင်းမှုန်.တို.ကို အရသာထည့်ပြီး
သမအောင်နယ်ပေးပါ။
ဖက်ထုပ်ရွက်အလည်တည့်တည့်မှာ..မိမိလိုချင်သလောက်...ပမာဏလေး
ထည့်ပြီး..ဖက်ထုပ်ရွက်အနားသားတွေကို ပုံစံညီစုယူပါ။
စုယူထားတဲ့အနားသားတွေနေရာမှာ ရေနွေးဖျောထားတဲ့ကြက်သွန်မြိတ်လေး
နဲ.ချည်နှောင်ပါ..။
အနားသားအစွန်းထွက်တွေမညီဘူးဆိုရင်..ကပ်ကြေးလေးနဲ.တိဖြတ်ပေးပါ။
ပူနေတဲ.ဆီမှာ..ကြွပ်ပြီးရွေအိုရောင်လေးရအောင်ကြော်ယူဆီစစ်ပါ။
◼ ရုရှားနှင့်ယူကရိန်းအကျဉ်းသား ၁၄၆ ဦးစီ လဲလှယ်
ယူအေအီးနိုင်ငံ၏ ကြားဝင်စေ့စပ်ပေးမှုဖြင့် ရုရှားနှင့်ယူကရိန်းတို့ အကျဉ်းသား တစ်ဖက် ၁၄၆ ဦးစီ လဲလှယ်ခဲ့ကြကြောင်း ရုရှားကာကွယ်ရေးဝန်ကြီးဌာနနှင့် ယူကရိန်းသမ္မတ တို့က ပြောကြားကြသည်။
လွတ်မြောက်လာသော ရုရှားနိုင်ငံသားအားလုံးသည် ယခုအခါ ဘီလာရုစ်နိုင်ငံ၌ ရောက်ရှိနေပြီဖြစ်ကာ စိတ်ပိုင်းဆိုင်ရာ နှင့် အခြားဆေးကုသမှုများ ခံယူနေကြကြောင်း ရုရှားကာကွယ်ရေးဝန်ကြီးဌာနက ပြောကြားသည်။
ယူကရိန်းက ကာ့ချ်ဒေသတွင်နေထိုင်သူ ရုရှားနိုင်ငံသားရှစ်ဦးကိုလည်း ပြန်လွှတ်ပေးခဲ့ကြောင်း ရုရှားဝန်ကြီးဌာနက ပြောသည်။
အကျဉ်းသားလဲလှယ်မှု အထမြောက်ခဲ့ကြောင်း ယူကရိန်းသမ္မတ ဇီလန်စကီးက တယ်လီဂရမ်လူမှုကွန်ရက်မှ ပြောကြားခဲ့ပြီး လဲလှယ်သည့် အကျဉ်းသားဦးရေကို အသေးစိတ်မပြောခဲ့ပေ။
ပြန်လွတ်လာသူများ၏ရယ်ပြုံးနေသောပုံများကို ဇီလန်စကီးက တယ်လီဂရမ်တွင် တင်ထားပြီး အများစုမှာ ရုရှားက ယူကရိန်းအား အပြည့်အဝကျူးကျော်မှု စတင်ခဲ့ချိန် ၂၀၂၂ ခုနှစ်ကတည်းက ဖမ်းဆီးခံထားရသူများဖြစ်ကြောင်း ပြောကြားသည်။
ကျူးကျော်မှုဖြစ်ပြီး တစ်လအကြာမှာပင် ဖမ်းဆီးခံခဲ့ရသော ဂျာနယ်လစ်တစ်ဦးလည်း လွတ်မြောက်ခဲ့ကြောင်း ဇီလန်စကီးက ပြောသည်။
အကျဉ်းသားလဲလှယ်မှု ဖြစ်အောင် လုပ်ဆောင်ပေးခဲ့သည့် ယူအေအီးနိုင်ငံကို ကျေးဇူးတင်ကြောင်း ဇီလန်စကီးကပြောသည်။
“အလဲအလှယ်တွေ ဆက်လက်ဖြစ်ပေါ်နေပါတယ်။ ယူကရိန်းအတွက် အလဲအထပ်ရန်ပုံငွေတွေ ဆက်လက် တိုးမြှင့်နေတဲ့ ကျွန်တော်တို့ရဲ့ စစ်သားတွေကြောင့်လည်း ဒီလိုလဲလှယ်နိုင်တာ ဖြစ်နိုင်ပါတယ်” ဟု ရုရှားတပ်ဖွဲ့ဝင်များအား ဖမ်းဆီးရမိမှုကို ရည်ညွှန်း၍ ဇီလန်စကီးက ဆိုသည်။
တစ်ဖက်စီမှ အကျဉ်းသား ၁၄၆ ဦးစီ လဲလှယ်ခဲ့ကြောင်း ယူကရိန်းစစ်ဘက် က ထုတ်ပြန်ချက်တစ်ရပ်တွင် အတည်ပြုပြောကြားသည်။
ကာ့ချ်ဒေသမှ အရပ်သားများအားပြန်လွှတ်ပေးရာတွင် ယူကရိန်းက နှေးကွေးလေးကန်နေကြောင်း မေလမှစ၍ တူရကီနိုင်ငံတွင် ပြုလုပ်ခဲ့သော ဆွေးနွေးပွဲ သုံးကြိမ်ကို ဦးဆောင်ခဲ့သူ ဗလာဒီမာမီဒင်စကီး က ပြောကြားသည်။
ယင်းဒေသမှာ လွန်ခဲ့သော တစ်နှစ်ခန့်က ယူကရိန်းတပ်ဖွဲ့များ ဝင်ရောက်ကျူးကျော်ခဲ့သော ရုရှားဒေသဖြစ်သည်။
ကာ့ချ်ဒေသခံ ၂၀ ကျော် အိမ်ပြန်ရန် စောင့်ဆိုင်းနေဆဲဖြစ်ကြောင်း မီဒင်စကီးကပြောသည်။
သုံးလကြာမြင့်လာပြီဖြစ်သော်ငြားလည်း ကာ့ချ်ဒေသတွင် နေထိုင်သူများ အိမ်မပြန်နိုင်သေးဘဲ ယူကရိန်းက အလိုရှိသူများနှင့် နည်းနည်းချင်းလဲလှယ်နေရကြောင်း မီဒင်စကီး က တယ်လီဂရမ်တွင် ရေးသားခဲ့သည်။
သတင်း-ရဲမင်း
ကိုးကား- Reuters
#နိုင်ငံတကာသတင်း
