အသင်းမှာ ကစားသမားတွေနဲ့ နည်းပြအဖွဲ့ စည်းလုံးစွာရှိနေတယ်လို့ အမ်ဘာပေ ပြောကြား

ရီးယဲလ်အသင်းရဲ့ ပြင်သစ်တိုက်စစ်မှူး အမ်ဘာပေက အသင်းမှာ ကစားသမားတွေနဲ့ နည်းပြအဖွဲ့ စည်းလုံးစွာရှိနေတယ်လို့ ပြောကြားခဲ့ပါတယ်။
ရီးယဲလ်အသင်းဟာ အခုတစ်ပတ်ချန်ပီယံလိဂ်မှာ အိုလံပီယာကော့စ်ကို အနိုင်မရခင် ပြိုင်ပွဲစုံနောက်ဆုံးသုံးပွဲဆက် နိုင်ပွဲပျောက်ခဲ့ပြီး နည်းပြ အလွန်ဆိုနဲ့ ကြယ်ပွင့်ကစားသမားတချို့ ဆက်ဆံရေးအဆင်မပြေဖြစ်နေကြောင်း သတင်းထွက်ခဲ့ပါတယ်။
ဒါကြောင့် အမ်ဘာပေက အသင်းအနေနဲ့ စည်းလုံးမှုအပြည့်ရှိနေကြောင်းပြောကြားခဲ့သလို၊ အသင်းဖော်တွေကိုလည်း ကစားသမားအချင်းချင်းနဲ့ နည်းပြအဖွဲ့အပေါ် အပြန်အလှန်ကာကွယ်ပေးဖို့ တိုက်တွန်းခဲ့ကြောင်း သိရပါတယ်။
''အပြင်မှာ လူတွေ အများကြီးပြောနေကြတာ ကျွန်တော် သိပါတယ်။ ရီးယဲလ်မှာ ကစားရင် လူတွေအတွက် ပြောစရာဖြစ်တာကတော့ ပုံမှန်ပါပဲ။ ဒါတွေကို ဆန့်ကျင်ပြီး ကျွန်တော် ပြောမှာမဟုတ်ပါဘူး။ ဒါပေမဲ့ ကျွန်တော်တို့ စည်းလုံးစွာရှိနေပြီး ပရိသတ်တွေကလည်း ကျွန်တော်တို့ဘက်မှာ ရှိနေတယ်ဆိုတာ ကျွန်တော် သိပါတယ်'' လို့ အမ်ဘာပေက ပြောကြားခဲ့ပါတယ်။
အလွန်ဆိုဟာ လေဗာကူဆင်အသင်းကို ဘွန်ဒစ်လီဂါချန်ပီယံဆု ရယူပေးနိုင်ခဲ့တာကြောင့် ရီးယဲလ်အသင်းရဲ့နည်းပြအဖြစ် ခန့်အပ်ခံခဲ့ရတာဖြစ်ပြီး လက်ရှိအချိန်မှာ လာလီဂါ အမှတ်ပေးဇယားကို ဦးဆောင်ခွင့်ရအောင် စွမ်းဆောင်ပေးထားပေမဲ့ ဗင်နီစီယပ်စ်အပါအဝင် အမာခံကစားသမားတချို့နဲ့ အဆင်မပြေကြောင်း ထင်ကြေးပေးမှုတွေ ရှိနေတာပါ။

ငါးနှစ်ကြာ တွဲလာတဲ့ ချစ်သူကို လန်ဒန်ရှိ ထိပ်တန်းဟိုတယ်တစ်ခုတွင် လက်ထပ်ခွင့်တောင်းလာတဲ့ ဘူကာယိုဆာကာ
=====================

ဘူကာယိုဆာကာဟာ ငါးနှစ်ကြာ လက်တွဲလာတဲ့ ချစ်သူတိုလာမီဘင်ဆန်နှင့် စေ့စပ်လာပြီ ဖြစ်ပါတယ်။
အင်္ဂလန်နှင့် အာဆင်နယ်စတားဟာ လန်ဒန်ရှိ ထိပ်တန်းဟိုတယ်တစ်ခုတွင် ချစ်သူအား လက်ထပ်ခွင့်တောင်းခဲ့တာလည်း ဖြစ်ပါတယ်။
အသက် ၂၄ နှစ် အရွယ်ရှိ ဆာကာနှင့် တိုလာမီတို့ဟာ ၂၀၂၀ ခုနှစ်ကတည်းက ချစ်ကြိုက်လာခဲ့ကြသူများ ဖြစ်ပါတယ်။
ဆာကာရဲ့ သတင်းအရင်းအမြစ်က "ဘူကာယိုက လက်ထပ်ခွင့်တောင်းဖို့ အစွမ်းကုန်လုပ်ခဲ့တာ။ လက်စွပ်ကိုလည်း လုံးဝ အကြီးကြီး ရွေးခဲ့တာ။ ထိပ်တန်းလန်ဒန်ဟိုတယ်တစ်ခုမှာ အထူးညတစ်ည စီစဉ်ထားခဲ့တာ။ အဲဒီမှာပဲ လက်ထပ်ခွင့်တောင်းခဲ့တယ်။ တကယ့်ကို စပါယ်ရှယ်ညတစ်ညပါ။ တိုလာမီကတော့ လုံးဝ အံ့ဩသင့်ခဲ့တယ်"လို့ ပြောကြားသွားပါတယ်။
ဆာကာနှင့် တိုလာမီတို့ဟာ ၂၀၂၀ ခုနှစ်တွင် စတင်ချစ်ကြိုက်ပြီးနောက် လူသိရှင်ကြား တွဲလာကြပါတယ်။
တိုလာမီဟာ ၂၀၂၂ ကမ္ဘာ့ဖလားပြိုင်ပွဲတုန်းက ကာတာသို့အထိ လိုက်ပါကာ ဆာကာအား အားပေးခဲ့သလို ယူရို ၂၀၂၄ ပြိုင်ပွဲတွင်လည်း ဆာကာ ပထမဆုံးဝတ်ဆင်တဲ့ ကျောနံပါတ် ၈၇ ပါ အင်္ကျီနက်အား ဝတ်ဆင်အားပေးခဲ့ပါတယ်။
ဟတ်ဖီးလ်တွင် မွေးဖွားတဲ့ တိုလာမီဟာ ဘာမင်ဂမ်တက္ကသိုလ်တွင် Public Relations and Media ကို လေ့လာသင်ယူခဲ့သူ ဖြစ်ပါတယ်။
လက်ရှိအချိန်တွင် သူမဟာ အကြီးတန်းစီမံကိန်းရေးဆွဲရေးအမှုဆောင်အရာရှိအဖြစ် တာဝန်ထမ်းဆောင်နေပါတယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ
(နိုဝင်ဘာ - ၂၈ ရက်၊ နံနက် ၁၀ နာရီ)

#ရွှေဈေး
-ကမ္ဘာ့ရွှေဈေး
တအောင်စ ၄၁၉၁ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၅၉၈၀၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၈၇၆၀၀၀၀ ကျပ်
ဝယ်ဈေး ၈၇၂၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၈၃၆၀၀၀၀ ကျပ်
ဝယ်ဈေး ၈၃၂၀၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၈၆၄၀၀၀၀ ကျပ်
ဝယ်ဈေး ၈၆၀၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၈၂၄၀၀၀၀ ကျပ်
ဝယ်ဈေး ၈၂၀၀၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)
#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၄၅ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၀၄၅ ကျပ်
ဝယ်ဈေး - ၃၉၄၅ ကျပ်
-စင်္ကာပူဒေါ်လာ
ရောင်းဈေး - ၃၁၂၀ ကျပ်
ဝယ်ဈေး - ၃၀၄၅ ကျပ်
-ယူရို
ရောင်းဈေး - ၄၆၉၀ ကျပ်
ဝယ်ဈေး - ၄၅၇၅ ကျပ်
-ထိုင်းဘတ်
ရောင်းဈေး - ၁၂၅.၇၉ ကျပ်
ဝယ်ဈေး - ၁၂၂.၇ ကျပ်
-မလေးရှားရင်းဂစ်
ရောင်းဈေး - ၉၈၀ ကျပ်
ဝယ်ဈေး - ၉၅၆ ကျပ်
-တရုတ်ယွမ်
ရောင်းဈေး - ၅၇၂ ကျပ်
ဝယ်ဈေး - ၅၅၈ ကျပ်
-ဂျပန်ယန်း
ရောင်းဈေး - ၂၅.၉၁ ကျပ်
ဝယ်ဈေး - ၂၅.၂၈ ကျပ်
-အိန္ဒိယရူပီး
ရောင်းဈေး - ၄၅.၂၇ ကျပ်
ဝယ်ဈေး - ၄၄.၁၆ ကျပ်
-ကိုရီးယားဝမ်
ရောင်းဈေး - ၂.၇၆ ကျပ်
ဝယ်ဈေး - ၂.၇ ကျပ်
-စတာလင်ပေါင်
ရောင်းဈေး - ၅၃၆၀ ကျပ်
ဝယ်ဈေး - ၅၂၃၀ ကျပ်
-ဩစတြေးလျဒေါ်လာ
ရောင်းဈေး - ၂၆၄၇ ကျပ်
ဝယ်ဈေး - ၂၅၈၂ ကျပ်
-ကနေဒါဒေါ်လာ
ရောင်းဈေး - ၂၈၈၈ ကျပ်
ဝယ်ဈေး - ၂၈၁၇ ကျပ်
-ဟောင်ကောင်ဒေါ်လာ
ရောင်းဈေး - ၅၂၁ ကျပ်
ဝယ်ဈေး - ၅၀၈ ကျပ်
-ယူအေအီး
ရောင်းဈေး - ၁၁၀၃ ကျပ်
ဝယ်ဈေး - ၁၀၇၆ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
************************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

Global Automotive Type Approval Services Market Poised for Robust Growth Through 2032

The global Automotive Type Approval Services market is experiencing steady expansion as regulatory compliance, vehicle safety, and international trade requirements continue to evolve. According to recent industry assessments conducted by Market Intelo, the market reached a valuation of USD 1.98 billion in 2024 and is projected to grow at a CAGR of 6.7% from 2025 to 2032, ultimately surpassing USD 3.54 billion by the end of the forecast period.
Read Full Research Study: https://marketintelo.com/repor....t/automotive-type-ap

၂၀၂၅-၂၀၂၆ ပညာသင်နှစ်အတွက် ရန်ကုန်ပညာရေးတက္ကသိုလ်သို့ ကျောင်းသား ကျောင်းသူ ၆၀၀ ကျော် ဝင်ခွင့်ရရှိ

ရန်ကုန်ပညာရေးတက္ကသိုလ်သည် မြန်မာ့ပညာရေးကဏ္ဍတွင် ဦးဆောင်ဦးရွက်ပြုနိုင်မည့် ပညာရှင်များကို နှစ်စဉ်မွေးထုတ်ပေးနေသော ဦးဆောင်ပညာရေးတက္ကသိုလ်တစ်ခုဖြစ်ပြီး ၂၀၂၅-၂၀၂၆ ပညာသင်နှစ်အတွက် တက္ကသိုလ်ဝင်စာမေးပွဲတွင် ထူးချွန်စွာအောင်မြင်သော ကျောင်းသား ကျောင်းသူ ၆၀၀ ကျော် ရန်ကုန်ပညာရေးတက္ကသိုလ်တွင် ဝင်ခွင့်ရကြောင်း သိရသည်။
ရန်ကုန်ပညာရေးတက္ကသိုလ်သည် အခြေခံပညာ၏ Grade-10၊ Grade-11 နှင့် Grade-12 သင်ရိုးများနှင့် ပညာရေးသဘောတရားနှင့် ပညာရေး စီမံခန့်ခွဲမှု၊ ပညာရေးစိတ်ပညာ၊ သင်ပြနည်းနှင့် သင်ရိုးညွှန်းတမ်း၊ ကာယနှင့်ကျောင်းကျန်းမာရေး စသောပညာရေးဘာသာရပ်များ ပေါင်းစပ်ပြီး ကျောင်းသား ကျောင်းသူများ လက်တွေ့ဘဝတွင် အမှန်တကယ်ပြန်လည်အသုံးချနိုင်ရန် သင်ကြားပေးလျက်ရှိကြောင်း၊ ထူးချွန်သော ဆရာ ဆရာမကောင်းများဖြစ်လာစေရန် ကမ္ဘာသုံး၊ အတန်းတွင်းသုံးအကဲဖြတ်စစ်ဆေးနည်းစနစ်များစွာဖြင့် ကျောင်းသား ကျောင်းသူများ၏ အရည်အသွေးကို နှစ်စဉ်စစ်ဆေးခြင်း၊ လက်တွေ့နှင့်တန်းပြ ဆင်းစေခြင်းတို့ကိုလည်း ဆောင်ရွက်ပေးလျက်ရှိကြောင်း သိရသည်။

အာဂျင်တီးနားနိုင်ငံ၌ ဆစ်ဖလစ်ရောဂါဖြစ်ပွားမှုနှုန်း ယခုနှစ်တွင် စံချိန်တင် မြင့်တက်

ယခုနှစ်အတွင်း အာဂျင်တီးနားနိုင်ငံ၌ဆစ်ဖလစ်ရောဂါ ကူးစက်ဖြစ်ပွားမှုနှုန်း စံချိန်တင်မြင့်တက်လာပြီး ယမန်နှစ်နှင့် နှိုင်းယှဉ်ပါက ၂၀ဒသမ ၅ ရာခိုင်နှုန်းထိ ပိုမိုမြင့်မားလာကြောင်း အာဂျင်တီးနား ကျန်းမာရေးဝန်ကြီးဌာနက နိုဝင်ဘာ၂၄ ရက်တွင် သတင်းထုတ်ပြန်ထားသည်။
ယခုနှစ် ဆစ်ဖလစ်ရောဂါ ကူးစက်ဖြစ်ပွားမှုနှုန်းသည် ယင်းရောဂါ ကူးစက်ဖြစ်ပွားမှုနှင့်ပတ်သက်၍ စနစ်တကျစာရင်းကောက်ခံမှုများစတင်ခဲ့ပြီးနောက်ပိုင်း အမြင့်မားဆုံးရောဂါကူးစက်မှုနှုန်းဖြစ်ကြောင်း အာဂျင်တီးနားတာဝန်ရှိသူများကပြောကြားသည်။
ကျန်းမာရေးဝန်ကြီးဌာန၏ အဆိုအရ ယခုနှစ်၏ ပထမသီတင်း ၄၄ ပတ်တာ ကာလအတွင်း အာဂျင်တီးနား နိုင်ငံတစ်ဝန်း ဆစ်ဖလစ်ရောဂါကူးစက်ဖြစ်ပွားမှု (၃၆၇၀၂) မှု အထိရှိခဲ့ကြောင်း သိရသည်။
နှိုင်းယှဉ်ကြည့်ပါက ၂၀၂၄ ခုနှစ် တစ်နှစ်လုံးတွင် အာဂျင်တီးနားနိုင်ငံတစ်ဝန်း ဆစ်ဖလစ်ရောဂါဖြစ်ပွားမှုပေါင်း (၃၆၉၇၁) မှုအထိ ရှိခဲ့သည်။
အာဂျင်တီးနားကျန်းမာရေးဝန်ကြီးဌာန၏အဆိုအရ ၂၀၁၉ ခုနှစ်တွင် ဆစ်ဖလစ်ရောဂါဖြစ်ပွားနှုန်းမှာ အာဂျင်တီးနားပြည်သူ ၁၀၀၀၀၀လျှင် ရောဂါဖြစ်ပွားမှု (၆၅) မှုရှိခဲ့ပြီး ယခုနှစ်တွင်မူ(၉၃) မှုထိရှိလာကြောင်း သိရသည်။
အထူးသဖြင့် အသက် (၂၀) နှင့် (၂၉) နှစ်အကြား လူငယ်များတွင် ဆစ်ဖလစ်ရောဂါဖြစ်ပွားမှုနှုန်း အမြင့်ဆုံး ဖြစ်ကြောင်း တာဝန်ရှိသူများက ပြောကြားသည်။
ဆစ်ဖလစ်ရောဂါသည် လိင်ဆက်ဆံမှုမှ တစ်ဆင့် ကူးစက်တတ်သော ဗက်တီးရီးယားကူးစက်
ရောဂါတစ်မျိုး ဖြစ်သည်။

ကင်မရွန်း အတိုက်အခံခေါင်းဆောင် ဂမ်ဘီယာကို ထွက်ပြေး

သမ္မတ ရွေးကောက်ပွဲတွင်အနိုင်ရသည်ဟု အခိုင်အမာဆိုထားသော ကင်မရွန်းအတိုက်အခံ ခေါင်းဆောင် အစ်ဆာတီချီရိုမာဘာကရီသည် ၎င်း၏လုံခြုံရေးအတွက် ဂမ်ဘီယာသို့ ထွက်ပြေးလာကြောင်း ဂမ်ဘီယာအစိုးရက နိုဝင်ဘာ ၂၄ ရက်တွင်ပြောသည်။
အောက်တိုဘာ ၁၂ ရက်ရွေးကောက်ပွဲတွင်၎င်းသည်သာတရားဝင် အနိုင်ရရှိသူဖြစ်ကြောင်း တီချီရိုမာဘာကရီက အခိုင်အမာပြောဆိုခဲ့ပြီးရွေးကောက်ပွဲ၌ အသက် (၉၂) နှစ်အရွယ် သမ္မတ ပေါလ်ဘိုင်ယာရှစ်ကြိမ်မြောက် သမ္မတရာထူးသက်တမ်းရရှိရေးအတွက် မသမာမှုများရှိခဲ့ကြောင်း ပြောဆိုထားသည်။
တီချီရိုမာဘာကရီသည် ဂမ်ဘီယာသို့ နိုဝင်ဘာ ၂၃ ရက်တွင် ရောက်ရှိလာကာ လူသားချင်းစာနာ ထောက် ထားမှုဆိုင်ရာ အကြောင်းပြချက်များဖြင့် နေထိုင်ခွင့်ပြုခဲ့ကြောင်းဂမ်ဘီယာ ပြန်ကြားရေးဝန်ကြီးဌာနကပြောသည်။
ရွေးကောက်ပွဲအပြီး အကြမ်းဖက်ဆန္ဒပြပွဲများကို လှုံ့ဆော်မှုဖြင့်ကင်မရွန်းအစိုးရက ၎င်းအား တရားစွဲဆိုမည်ဟု ခြိမ်းခြောက်ခဲ့သည်။ ၎င်းကစွပ်စွဲချက်ကို ငြင်းဆိုခဲ့ပြီး ဆန္ဒပြသူများကို နှိမ်နင်းမှုအတွက် လုံခြုံရေးတပ်ဖွဲ့များကို အပြစ်တင်ခဲ့သည်။
ရွေးကောက်ပွဲအပြီး အကြမ်းဖက်မှုများတွင် သေဆုံးသူဦးရေကိုအစိုးရက ၁၆ ဦးဟု ထုတ်ပြန်ထားသော်လည်း အခြားအဖွဲ့အစည်းများကမူသေဆုံးသူဦးရေ ပိုမိုများပြားကြောင်းပြောကြားခဲ့သည်။
ကမ္ဘာ့ အသက်အကြီးဆုံးသမ္မတ ပေါလ်ဘိုင်ယာသည် ၄၃နှစ်ကြာအာဏာရခဲ့ပြီး အောက်တိုဘာ၁၂ရက် ရွေးကောက်ပွဲ တွင် ထောက်ခံမဲ ၅၃ ဒသမ ၇ ရာခိုင်နှုန်းဖြင့် အနိုင်ရခဲ့သည်။

အကူအညီနောက်ကျသည် ဟုဆိုကာကယ်ဆယ်ရေးသမားများကို ရေဘေးသင့်ထိုင်းအမျိုးသား သေနတ်ဖောက်ခြိမ်းခြောက်

ထိုင်းနိုင်ငံ၊ ဆုန်ခလာခရိုင်၊ ဟတ်ယိုင်မြို့ရှိ ပြင်းထန်သော ရေကြီးမှုတွင် ပိတ်မိနေသည့် ထိုင်းအမျိုးသားတစ်ဦးက ကယ်ဆယ်ရေး နောက်ကျသည်ဟု ယူဆပြီး ဂျက်စကီးများဖြင့် လာရောက်သော ကယ်ဆယ်ရေးသမားများအား လေထဲသို့ သေနတ်သုံးချက်ပစ်ဖောက်၍ ခြိမ်းခြောက်ခဲ့သည်။
ဆူရတ်ဌာနီခရိုင်မှ ကယ်ဆယ်ရေးသမားတစ်ဦးက ယ မန်နေ့ (နိုဝင်ဘာ ၂၅ ရက်) ည ၈ နာရီခန့်တွင် ဖြစ်ပွားခဲ့သော ဖြစ်စဉ်ကို Tee Inkjet အမည်ရှိ ၎င်း၏ ဖေ့စ်ဘွတ်ခ်အကောင့်တွင် ဖော်ပြခဲ့သည်။
ဒေသခံများအား စိတ်တည်ငြိမ်စွာ နေထိုင်ကြရန် တိုက် တွန်းသည့် စာသားနှင့်အတူ ၎င်း၏ ဂျက်စကီး ဓာတ်ပုံကိုလည်း မျှဝေခဲ့သည်။
“ဟတ်ယိုင် ဒေသခံများခင်ဗျာ၊ ကျေးဇူးပြု၍ စိတ်ငြိမ်ငြိမ်ထားပေးပါ။ ကျွန် တော် တစ်ယောက်ချင်းစီကို တစ်ပြိုင် တည်း မကူညီနိုင်ပေမယ့်၊ မကူညီချင်လို့ မဟုတ်ပါဘူး။ ကျွန်တော့်မှာ အစားအသောက်ဘူး ၃၀၀ ပါပေမယ့် အိမ်သုံးလုံးကို သွားရောက်ပြီးတဲ့နောက်မှာ ကုန်သွားခဲ့ပါတယ်၊ ဘာ လို့လဲဆိုတော့ အိမ်တိုင်းမှာ လူတွေ အများကြီး ရှိနေလို့ပါ။ ကျွန်တော့်ရဲ့ နောက်ကနေ သေနတ်သံတွေ ကြား လိုက်ရတော့ တုန်လှုပ်သွားခဲ့ရပါတယ်” ဟု ၎င်းက ရေး သားထားသည်။
နောက်ပိုင်းတွင် ၎င်းက ပို့စ်တစ်ခု ထပ်မံတင်ခဲ့ပြီး ဆုန်ခလာရှိ ရေဘေးသင့်သူများကို ကူညီရန် ဆူရတ်ဌာနီမှ လာရောက်ခဲ့ခြင်းဖြစ်ပြီး သေနတ်ဖြင့် ခြိမ်း ခြောက်ခံရမည်ဟု မမျှော်လင့်ခဲ့ကြောင်း ပြောကြားခဲ့သည်။
“ကျွန်တော် ဂျက်စကီးတွေကို သိမ်းပြီး အိမ်ပြန်ပါပြီ၊ တောင်းပန်ပါတယ်” ဟု ၎င်းက ရေးသားခဲ့သည်။
ယင်းဖြစ်စဉ်တွင်ထိခိုက်ဒဏ်ရာရသူ မရှိကြောင်း သိရသည်။
နောက်ပိုင်းတွင် သေနတ်သမားက ကယ်ဆယ်ရေးအဖွဲ့အား ဖုန်းခေါ်၍ ၎င်းနှင့်မိသားစုကို ဘေးကင်းရာသို့ အမြန်ဆုံး ရွှေ့ပြောင်းပေးရန် တောင်းဆိုခဲ့ကြောင်း ကယ်ဆယ်ရေးအဖွဲ့ဝင် နောက်တစ်ဦးက ပြောသည်။
သေနတ်ပစ်ခတ်သူ၏ အချက်အလက်များကို ထုတ်ဖော်ခြင်းမရှိသေးသော် လည်း ယင်းဖြစ်ရပ်ကြောင့် ကယ်ဆယ်ရေးသမားများ စိတ်ထိခိုက် တုန်လှုပ်ခဲ့ရသည်။
ရေဘေးတွင် ပိတ်မိနေသည့် TikTok အသုံးပြုသူ အများအပြားက ၎င်းတို့၏ ဗီဒီယိုများကို မျှဝေခဲ့ ကြရာတွင် ကယ် ဆယ်ရေးအဖွဲ့များ ဖြတ်သွားချိန်၌ ဒေသခံများက အကူ အ ညီပေးရန် အော်ဟစ်တောင်း ဆိုနေကြပုံ၊ ၎င်းတို့လို အပ်ချက်များကို ပြောဆိုပြီး ရွှေ့ပြောင်းပေးရန် တောင်းဆိုနေကြပုံတို့ကိုတွေ့ရ သည်။
ထို့နောက် ကယ်ဆယ်ရေးလုပ်ငန်းစဉ်များကို နားလည်ပေးရန်နှင့် ကယ်ဆယ်ရေးလုပ်ငန်းများကို အနှောင့်အယှက် မပြုလုပ်ကြရန် ကယ်ဆယ်ရေးသမားများက ဒေသခံများကိုတိုက်တွန်းပြောကြားသည်။
အချို့ကယ်ဆယ်ရေးသမားများကမူ ၎င်းတို့သည် အရေးပေါ် ကူညီပေးလိုသော်လည်း ရေစီးအားပြင်းထန်မှုနှင့် ရေမျက်နှာပြင်မြင့်တက်မှုတို့ကြောင့် အဟန့်အတားများ ဖြစ်ခဲ့ရသည်ဟု ဆိုသည်။
ပြီးခဲ့သည့် သီတင်းပတ်အတွင်း ထိုင်းတောင်ပိုင်း ပြည်နယ် ၁၀ ခုတွင် ရေကြီးရေလျှံမှုများ ဖြစ်ပေါ်နေခဲ့ရာ မလေးရှားနိုင်ငံနှင့်နယ်စပ်စီးပွားရေးတွင် အရေးပါသည့် ဟတ်ယိုင်မြို့တွင် တစ်ရက်တည်း မိုးရေချိန် ၃၃၅ မီလီမီတာ ရွာသွန်းခဲ့ပြီး နှစ်ပေါင်း ၃၀၀ အတွင်း အများဆုံးမိုးရေချိန်ပမာဏဖြစ်သည်။
ထိုင်းနိုင်ငံ၌ ရေကြီးမှုများကြောင့် လူပေါင်းနှစ်သန်းခန့် ထိခိုက်ခဲ့သည်။

တောင်ငူ၌ ကိုယ်ပိုင်ယာဥ်တစ်စီး ဖက်ရှင်ဆိုင်ကိုဝင်တိုက်၊ ဆိုင်ဝန်ထမ်းတစ်ဦး ဒဏ်ရာရ

တောင်ငူမြို့၊ ဗိုလ်မှူးဖိုးကွန်းလမ်း မြန်မာ့စီးပွားရေးဘဏ်နားအနီး ယမန်နေ့ (နိုဝင်ဘာ ၂၅ ရက်) မွန်လွဲ ၃ နာရီ ၂၀ မိနစ်ခန့်ကကိုယ်ပိုင်ယာဉ်တစ်စီးအရှိန်လွန်ပြီး ဖက်ရှင်အရောင်းဆိုင်ထဲသို့ဝင်တိုက်မိရာ ဆိုင်ဝန်ထမ်းအမျိုးသားတစ်ဦးဒဏ်ရာရရှိခဲ့ကြောင်း ရွှေမင်ဝင်ပရဟိတအသင်းထံမှသိရသည်။
Mitsubishi အမျိုးအစားကိုယ်ပိုင်ယာဉ်တစ်စီးသည်တောင်ငူမြို့လယ်မှ မြို့ပြင်ထွက်သည့်လမ်းအတိုင်းမောင်းနှင်လာစဉ် အရှိန်လွန်ပြီး ဖက်ရှင်ဆိုင်ထဲသို့ဝင်တိုက်မိခြင်းကြောင့် ဆိုင်ဝန်ထမ်းအမျိုးသားတစ်ဦးဒဏ်ရာရရှိခဲ့ကာ တစ်ဆိုင်လုံးနီးပါးပျက်စီးသွားကြောင်းသိရသည်။
"ဆိုင်ထဲကို ကားတစ်စီးဝင်တိုက်မိတယ်ဆိုတာသတင်းရလို့သွားရောက်ကူညီပေးခဲ့တာပါ။ ကားမောင်းတဲ့သူကတော့လီဗာနဲ့ဘရိက်ကိုမှားနင်းပြီးအရှိန်လွန်ပြီးဝင်တိုက်မိလိုက်တာတော့ပြောတယ်။ ဖက်ရှင်ဆိုင်ကတော့အတော်လေးပျက်စီးသွားပါတယ်"ဟု ရွှေမင်ဝင်ပရဟိတအသင်းမှတာဝန်ရှိသူတစ်ဦးကပြောသည်။
ဆိုင်ဝန်ထမ်းသည် ခြေနှင့်လက်တို့တွင်ပွန်းပဲ့ဒဏ်ရာများရရှိခဲ့ကြောင်း၊ ဆိုင်အတွင်းရောက်နေသည့် ကားကိုအပြင်သို့ထုတ်ရာတွင် ဝိုင်းဝန်ကူညီဆောင်ရွက်ပေးခဲ့ကြောင်း အဆိုပါ အသင်းကဆိုသည်။