ကျောက်မျက်ရတနာပြပွဲစတုတ္ထနေ့တွင် ကျောက်မျက်အတွဲပေါင်း ၆၇ တွဲ ရောင်းချနိုင်ခဲ့

၂၀၂၅ ခုနှစ် အကြိမ် (၆၀) မြောက် မြန်မာ့ကျောက်မျက်ရတနာပြပွဲ စတုတ္ထနေ့တွင် ကျောက်မျက်အတွဲပေါင်း ၆၇ တွဲ ရောင်းချနိုင်ခဲ့ကြောင်း သိရသည်။
ပြပွဲ စတုတ္ထနေ့တွင် ကျောက်မျက်အတွဲပေါင်း ၁၆၀ ကို ပြည်တွင်း၊ ပြည်ပရတနာကုန်သည်များအား အိတ်ဖွင့်တင်ဒါစနစ်ဖြင့် ရောင်းချပေးခဲ့ပြီး ကျောက်မျက်အတွဲပေါင်း ၆၇ တွဲ ရောင်းချခဲ့ရကြောင်း ထုတ်ပြန်ကြေညာသည်။
ထို့ပြင် ပဉ္စမနေ့တွင် ရောင်းချမည့် ကျောက်စိမ်းအတွဲ အမှတ် (၁) မှ (၁၀၀၀) အထိကို ပြည်တွင်း၊ ပြည်ပ ရတနာကုန်သည်များက ကြည့်ရှုစစ်ဆေးကြပြီး ဈေးနှုန်းပေးသွင်းလွှာများကို သက်ဆိုင်ရာတင်ဒါပုံးများအတွင်းသို့ ထည့်သွင်းကြကြောင်း သိရသည်။
၂၀၂၅ ခုနှစ် အကြိမ် (၆၀) မြောက် မြန်မာ့ကျောက်မျက်ရတနာပြပွဲကို နေပြည်တော်ရှိ မဏိရတနာ ကျောက်စိမ်းခန်းမ၌ နိုဝင်ဘာ ၁၇ ရက်မှ ၂၆ ရက်အထိ ကျင်းပနေခြင်းဖြစ်ပြီး ပြပွဲတွင် ပုလဲအတွဲပေါင်း ၄၄၃ တွဲ၊ ကျောက်မျက်အတွဲပေါင်း ၆၇ တွဲကို ပြည်တွင်း၊ ပြည်ပရတနာကုန်သည်များအား ရောင်းချပေးနိုင်ခဲ့ပြီး ကျန်ရှိနေသည့် ကျောက်စိမ်းအတွဲများကို အိတ်ဖွင့်တင်ဒါစနစ်ဖြင့် ဆက်လက်ရောင်းချပေးသွားမည်ဖြစ်ကြောင်း သိရသည်။

အာဆီယံပို့ဆောင်ရေးဝန်ကြီးများ အစည်းအဝေး မြန်မာက အိမ်ရှင်အဖြစ် ကျင်းပ

၂၀၂၆ ခုနှစ်အတွင်း ဆောင်ရွက်မည်လုပ်ငန်းများ၊ မဟာဗျုဟာစီမံကိန်းများကို အတည်ပြု
(၃၁)ကြိမ်မြောက် အာဆီယံ ပို့ဆောင်ရေးဝန်ကြီးများ အစည်းအဝေးကို ယမန်နေ့ နိုဝင်ဘာ(၂၀)ရက်က နေပြည်တော်၌ မြန်မာနိုင်ငံက အိမ်ရှင်အဖြစ် ကျင်းပခဲ့ကြောင်း သိရသည်။
အဆိုပါအစည်းအဝေးကို နိုင်ငံတော်ဝန်ကြီးချုပ် ဦးညိုစောတက်ရောက်ခဲ့ပြီး ပို့ဆောင်ရေးနှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီးက အမှာစကားပြောကြားခဲ့ကြောင်း သိရသည်။
အာဆီယံပို့ဆောင်ရေးဝန်ကြီးများက ၂၀၂၆ ခုနှစ်အတွင်း ဆောင်ရွက်မည့်လုပ်ငန်းများ၊ ကွာလာလမ်ပူ သယ်ယူပို့ဆောင်ရေးစီမံကိန်း(၂၀၁၆-၂၀၂၅_အပြီးသတ်အစီရင်ခံစာ ၊ အာဆီယံပို့ဆောင်ရေးစီမံကိန်း (၂၀၂၆-၂၀၃၀) ၊သင်္ဘောမှစွန့်ပစ်ပစ္စည်း စီမံခန့်ခွဲမှုဆိုင်ရာ အာဆီယံဒေသတွင်း မဟာဗျုဟာ၊ အာဆီယံ လျှပ်စစ်သုံးယာဉ် အကောင်ထည်ဖော်ရေးလမ်းပြမြေပုံ၊ ဒစ်ဂျစ်တယ်စနစ်ဖြင့် အများပြည်သူသယ်ယူပို့ဆောင်ရေးနှင့် ပေးအပ်ရေးဆိုင်ရာလုပ်ငန်းများ ၊ ရထားပို့ဆောင်ရေးလုပ်ငန်း အပြန်အလှန်လုပ်ငန်းဆောင်ရွက်မု တိုးမြှင့်ခြင်းဆိုင်ရာ မဟာဗျုဟာစီမံကိန်းများကို အတည်ပြုခဲ့ကြောင်း သိရသည်။
ထို့အတူ ဆွေးနွေးဖက်နိုင်ငံများဖြစ်သည့် တရုတ်နိုင်ငံ၊ဂျပန်နိုင်ငံ၊ကိုရီးယားနိုင်ငံတို့နှင့်လည်း ဆက်စပ်အစည်းဝေးများ ကျင်းပသွားမည်ဖြစ်သည်။
(၃၁) ကြိမ်မြောက် အာဆီယံပို့ဆောင်ရေးဝန်ကြီးများအစည်းအဝေးနှင့် ဆက်စပ်အစည်းအဝေးများသို့ အာဆီယံအဖွဲ့ဝင်နိုင်ငံများနှင့် ဆွေးနွေးဖက်နိုင်ငံများမှ ဝန်ကြီးများ အာဆီယံအထွေထွေအတွင်းရေးမှုးချုပ်၊ဘာသာရပ်ဆိုင်ရာ အဆင်မြင့်အရာရှိကြီးများ အပါအဝင် စုစုပေါင်း(၁၈၇)ဦး တက်ရောက်ခဲ့ကြောင်း သိရသည်။
၂၀၂၆ ခုနှစ်တွင် ပြုလုပ်မည့်အစည်းအဝေးများကို ဖိလစ်ပိုင်နိုင်ငံမှ အိမ်ရှင်အဖြစ်က လက်ခံကျင်းပသွားမည်ဖြစ်သည်။

ယူကရိန်း ငြိမ်းချမ်းရေးအစီအစဉ် အဆိုပြုချက် ထရန့်နဲ့ ဇီလန်စကီး ဆွေးနွေးမယ်

ယူကရိန်းစစ်ပွဲ အဆုံးသတ်ရေးအတွက် အမေရိကန်က ငြိမ်းချမ်းရေးအစီအစဉ်မူကြမ်း တင်ပြပြီးနောက် ဒီကိစ္စကို ဒေါ်နယ်ထရန့်နဲ့ ဆွေးနွေးမယ်လို့ ယူကရိန်းသမ္မတ ဇီလန်စကီးက ပြောပါတယ်။
ဒီအစီအစဉ်ကို အမေရိကန် အထူးသံတမန် စတိဝှစ်အော့ဖ် နဲ့ ရုရှားနိုင်ငံခြားရေးဝန်ကြီး ကီရီဒီမီထရစ်ဗ်တို့က ယူကရိန်းဘက်က မပါဝင်ဘဲ ရေးဆွဲခဲ့တာလို့ သတင်းတွေထွက်ပေါ်နေပါတယ်။
အမေရိကန်က ဒီမူကြမ်းအစီအစဉ်ဟာ သံတမန်ရေးကို ပြန်လည်အားဖြည့်ပေးနိုင်တယ်လို့ ယုံကြည်ပြီး ယူကရိန်းကလည်း စစ်ပွဲကို တရားမျှတစွာ အဆုံးသတ်စေမယ့် နည်းလမ်းနဲ့ အစီအစဉ်ရဲ့ ပြဋ္ဌာန်းချက်တွေကို သဘောတူခဲ့တယ်လို့ ယူကရိန်းသမ္မတရုံးက ပြောပါတယ်။
အဆိုပြုချက်ထဲမှာ ဘာတွေပါဝင်လဲဆိုတာကို အသေးစိတ် ထုတ်ဖော်မပြောပေမယ့် Axios၊ Financial Times နဲ့ Reuters တို့က ကိုးကားဖော်ပြတဲ့ သတင်းရင်းမြစ်တွေအဆိုအရ ယူကရိန်းအနေနဲ့ နိုင်ငံ အရှေ့ပိုင်းက ဒွန်ဘက်စ် ဒေသ နယ်မြေတွေကို စွန့်လွှတ်ဖို့၊ သူ့ရဲ့ စစ်တပ်အရွယ်အစားကို သိသိသာသာ လျှော့ချဖို့နဲ့ လက်နက်အများစုကို စွန့်လွှတ်ဖို့ အစီအစဉ်တွေ ပါဝင်တယ်လို့ ဆိုပါတယ်။
တကယ်လို့ ဒီအစီအစဉ်တွေ အတည်ဖြစ်တယ်ဆိုရင် ဒါဟာ ရုရှာအတွက် သိသာထင်ရှားတဲ့ အသာစီးရယူနိုင်မှုဖြစ်ပါတယ်။ ဒါပေမယ့်လည်း အိမ်ဖြူတော်ပြောရေးဆိုခွင့်ရှိသူ ကာရိုလိုင်းလီဗစ်ကတော့ ဒီအစီအစဉ်ဟာ ယူကရိန်းဆီကနေ အဓိကလိုက်လျောမှုတွေ တောင်းဆိုထားတယ်ဆိုတာကို ပယ်ချထားပါတယ်။ အထူးသံတမန် ဝှစ်အော့ဖ်နဲ့ နိုင်ငံခြားရေးဝန်ကြီး မာကိုရူဘီယိုတို့ဟာ ရုရှားနဲ့ ယူကရိန်း ကတိကဝတ်ပြုရမယ့် အရာတွေကို လိုက်လျောညီထွေဖြစ်ဖို့ နှစ်နိုင်ငံစလုံးကို တန်းတည်ဆက်ဆံနေတယ်လို့ ဆိုပါတယ်။
"ဒါဟာ ရုရှားနဲ့ ယူကရိန်းနှစ်နိုင်ငံလုံးအတွက် ကောင်းမွန်တဲ့ အစီအစဉ်တခုဖြစ်ပြီး နှစ်ဖက်စလုံးအတွက် လက်ခံနိုင်ဖွယ် ရှိတယ်လို့ ယုံကြည်ပါတယ် ။ ဒါကို ပြီးမြောက်အောက် ကြိုးစားလုပ်ဆောင်နေပါတယ် “လို့ အိမ်ဖြူတော် ပြောရေးဆိုခွင့်ရှိသူက ပြောပါတယ်။
အချက် ၂၈ ချက် ပါဝင်တယ်လို့ သတင်းတွေထွက်နေပေမယ့် ရုရှားကတော့ ဒီကိစ္စသေးစိတ်ကို မပြောပါဘူး။ အမေရိကန်နဲ့ အဆက်အသွယ်တွေရှိနေခဲ့ပေမယ်လည်း တိုင်ပင်ဆွေးနွေးမှုလို လုပ်ငန်းစဉ်မျိုးမရှိဘူးလို့ ရုရှားသမ္မတအိမ်တော် ပြောရေးဆိုခွင့်ရှိသူ ဒီမီထရီပက်စ်ကော့ဗ်က ပြောပါတယ်။
ကြာသပတေးနေ့က ကိယက်ဗ်မြို့မှာ ယူကရိန်းသမ္မတနဲ့ အမေရိကန်စစ်တပ်မှ ဒန်ဒရစ်စကောလ်၊ စစ်ဦးစီးချုပ် ဗိုလ်ချုပ်ကြီး ရန်ဒီဂျော့ခ်ျနဲ့ ဥရောပရှိ အမေရိကန်စစ်တပ်ရဲ့ ထိပ်တန်းတပ်မှူး ဗိုလ်ချုပ်ကြီး ခရစ်ဒိုနာဟူးတို့ အပါအဝင် အမေရိကန်စစ်ဘက်ဆိုင်ရာ ထိပ်တန်းပုဂ္ဂိုလ်တွေအကြား တွေ့ဆုံဆွေးနွေးခဲ့ကြပါတယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ
(နိုဝင်ဘာ - ၂၁ ရက်၊ နံနက် ၁၀ နာရီ)

#ရွှေဈေး
-ကမ္ဘာ့ရွှေဈေး
တအောင်စ ၄၀၇၃ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၅၉၇၀၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၈၆၈၀၀၀၀ ကျပ်
ဝယ်ဈေး ၈၆၄၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၈၂၈၀၀၀၀ ကျပ်
ဝယ်ဈေး ၈၂၄၀၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၈၅၆၀၀၀၀ ကျပ်
ဝယ်ဈေး ၈၅၂၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၈၁၆၀၀၀၀ ကျပ်
ဝယ်ဈေး ၈၁၂၀၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၄၅ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၀၅၀ ကျပ်
ဝယ်ဈေး - ၃၉၅၀ ကျပ်
-စင်္ကာပူဒေါ်လာ
ရောင်းဈေး - ၃၁၀၀ ကျပ်
ဝယ်ဈေး - ၃၀၂၅ ကျပ်
-ယူရို
ရောင်းဈေး - ၄၆၇၅ ကျပ်
ဝယ်ဈေး - ၄၅၆၀ ကျပ်
-ထိုင်းဘတ်
ရောင်းဈေး - ၁၂၅ ကျပ်
ဝယ်ဈေး - ၁၂၁.၉၅ ကျပ်
-မလေးရှားရင်းဂစ်
ရောင်းဈေး - ၉၇၆ ကျပ်
ဝယ်ဈေး - ၉၅၃ ကျပ်
-တရုတ်ယွမ်
ရောင်းဈေး - ၅၇၀ ကျပ်
ဝယ်ဈေး - ၅၅၆ ကျပ်
-ဂျပန်ယန်း
ရောင်းဈေး - ၂၅.၇၁ ကျပ်
ဝယ်ဈေး - ၂၅.၀၉ ကျပ်
-အိန္ဒိယရူပီး
ရောင်းဈေး - ၄၅.၆၈ ကျပ်
ဝယ်ဈေး - ၄၄.၅၆ ကျပ်
-ကိုရီးယားဝမ်
ရောင်းဈေး - ၂.၇၅ ကျပ်
ဝယ်ဈေး - ၂.၆၈ ကျပ်
-စတာလင်ပေါင်
ရောင်းဈေး - ၅၃၀၀ ကျပ်
ဝယ်ဈေး - ၅၁၇၀ ကျပ်
-ဩစတြေးလျဒေါ်လာ
ရောင်းဈေး - ၂၆၁၅ ကျပ်
ဝယ်ဈေး - ၂၅၅၀ ကျပ်
-ကနေဒါဒေါ်လာ
ရောင်းဈေး - ၂၈၇၅ ကျပ်
ဝယ်ဈေး - ၂၈၀၅ ကျပ်
-ဟောင်ကောင်ဒေါ်လာ
ရောင်းဈေး - ၅၂၀ ကျပ်
ဝယ်ဈေး - ၅၀၈ ကျပ်
-ယူအေအီး
ရောင်းဈေး - ၁၁၀၃ ကျပ်
ဝယ်ဈေး - ၁၀၇၆ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
***************************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

ကျုံး

ရှမ်းရိုးရာ နှစ်သစ် မင်္ဂလာ

‘Can’t Smile Without You’ သီချင်းအား ခိုးယူသုံးစွဲမှုအတွက် စပါးစ်ကို တရားစွဲဆိုလာမယ့် အာဆင်နယ်ပရိသတ် တေးရေးဆရာ
===================

စပါးစ်ဟာ ဘာရီမာနီလောရဲ့ သီချင်းတစ်ပုဒ်ကို အိမ်ကွင်းပွဲများတွင် မူပိုင်ခွင့် ချိုးဖောက် အသုံးပြုနေမှုများအတွက် လျော်ကြေးပေးလာရဖို့ ရှိနေပါတယ်။
ပရီးမီးယားလိဂ်ကလပ်ဟာ အိမ်ကွင်းပွဲစဉ်များမတိုင်မီတွင် Can’t Smile Without You သီချင်းအား ပုံမှန်ဖွင့်လေ့ရှိပါတယ်။
ယခုအခါ ယင်းသီချင်းကို ရေးသားတဲ့ အနုပညာရှင် သုံးဦးမှ တစ်ဦးဖြစ်တဲ့ အာဆင်နယ်ပရိသတ်က စပါးစ်ကို မူပိုင်ခွင့်ချိုးဖောက်မှုအတွက် တရားစွဲလာတော့မယ်လို့ ဆိုလာပါတယ်။
ယင်းသီချင်းက စပါးစ်ရဲ့ ပေါင် ၁ ဘီလီယံတန် Tottenham Hotspur Stadium တွင် ပုံမှန်ဖွင့်လေ့ရှိပြီး စပါးစ်ပရိသတ်များ အကြိုက်တွေ့တဲ့ သီချင်းလည်း ဖြစ်ပါတယ်။
စပါးစ်ဟာ ကိုဗစ်ကာလတုန်းက ပရိသတ်များ ကွင်းအတွင်း ဝင်ရောက်ကြည့်ရှုခွင့် မရတုန်းက ထိုင်ခုံများတွင် Can’t Smile Without You ဆိုတဲနဖူးစည်းဖြင့် ဖုံးလွှမ်းထားခဲ့ပါသေးတယ်။
၁၉၇၅ ခုနှစ်တုန်းက ယင်းသီချင်းကို ရေးသားရာတွင် ပါဝင်ခဲ့တဲ့ ဂျော့ဖ်မော်ရိုးဟာ စပါးစ်ဘက်က မူပိုင်ခွင့်ချိုးဖောက် အသုံးပြုမှုအတွက် ငွေပေးရန် တောင်းဆိုမှု ငြင်းပယ်လာမှုနှင့်အတူ တရားစွဲလာတော့မှာ ဖြစ်ပါတယ်။
ဂျော့ဖ်မော်ရိုးက "ဒီသီချင်းကို ရေးတုန်းက ဘောလုံးသီချင်းတစ်ပုဒ် ဖြစ်လာမယ်လို့ လုံးဝ မထင်ထားခဲ့ဘူး။ အချစ်သီချင်းတစ်ပုဒ်အနေနဲ့ပဲ ရေးခဲ့တာ။ စပါးစ်က ကျွန်တော့်တို့ သီချင်းကို သုံးနေတယ်ဆိုတာ လက်မခံတဲ့အတွက် စိတ်ပျက်ရတယ်"လို့ ပြောကြားသွားပါတယ်။
အခြားကလပ်တွေကတော့ သီချင်းများကို အသုံးပြုမှုအတွက် သီချင်းမူရင်းတေးရေးဆရာကို မူပိုင်ခွင့်ပေးကြပါတယ်။ လီဗာပူးဆိုလျှင်လည်း You’ll Never Walk Alone အတွက် မူပိုင်ခွင့်ကြေးပေးပါတယ်။
ဒါပေမယ့် စပါးစ်က ၎င်းတို့မှာ မူပိုင်ခွင့်စည်းမျဉ်းအရ ချိုးဖောက်ခြင်း မရှိဘူးလို့ ယုံကြည်ကာ အခကြေးငွေပေးရန် ငြင်းဆိုနေတာလည်း ဖြစ်ပါတယ်။

မန္တလေးငလျင်ဒ-ဏ်သင့်သူများအတွက် အလှူငွေများလှူဒါန်း

မန္တလေးငလျင်ကြီးဒ-ဏ်သင့်သူများ၏ လိုအပ်သည့်ထောက်ပံ့မှုများနှင့် ပြန်လည်ထူထောင်ရေးလုပ်ငန်းများဆောင်ရွက်နိုင်ရန် မြန်မာနိုင်ငံစာရေးဆရာအသင်းမှ ငွေကျပ်သိန်း(၁၅၀)၊ မြန်မာနိုင်ငံစာကြည့်တိုက်များဖောင်ဒေးရှင်းမှ ငွေကျပ်သိန်း(၂၀၀)တို့ကို နိုဝင်ဘာ ၁၉ ရက်က လှူဒါန်းခဲ့ကြောင်း သိရသည်။
အမျိုးသားသဘာဝဘေးအန္တရာယ်ဆိုင်ရာစီမံခန့်ခွဲမှုကော်မတီ၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနသို့လာရောက်လှူဒါန်းရာ လူကယ်ပြန်ဝန်ကြီးဌာန၏ ဒု-ဝန်ကြီးဒေါက်တာသန်းစိုးကလက်ခံရယူပြီး ကျေးဇူးတင်စကားပြောကြားကာ ဂုဏ်ပြုမှတ်တမ်းလွှာများပြန်လည်ပေးအပ်ခဲ့ကြောင်း သိရသည်။