ဒေစီပန်း🤍💛

Daisy ဆိုတဲ့ ဒေစီပန်းလေးတွေရဲ့အဓိပ္ပါယ်ကတော့"မေတ္တာသက်ဝင်နေရင်တောင်မှဖွင့်ပြောမှာမဟုတ်ပါဘူးတဲ့"🥺🤍

ကမ္ဘာ့ဖလားပွဲတော်အား ခိုးဝင်ကြည့်ရန် ကြိုးပမ်းစဉ် ခြုံစည်းရိုးတွင် ပိတ်မိနေမှုကြောင့် အမျိုးသမီးတစ်ဦးအား ကရိန်းဖြင့် ကယ်တင်ခဲ့ရ
====================

အမျိုးသမီးတစ်ဦးကို ကမ္ဘာ့ဖလားပရိသတ်ပန်းခြံသို့ ခိုးဝင်ရောက်ရန် ကြိုးပမ်းစဉ် ခြံစည်းရိုးတွင် ပိတ်မိနေမှုကြောင့် ကရိန်းဖြင့် ကယ်တင်ခဲ့ရပါတယ်။
မက္ကဆီကိုပရိသတ်ဟာ ၁၃ ပေကျော်မြင့်မားတယ်လို့ ယူဆရတဲ့ ခြံစည်းရိုးအား ခိုးဝင်ကျော်ဖြတ်စဉ် လမ်းတစ်ဝက်မှာပင် မကျော်ဖြတ်နိုင်တော့ကြောင်း သိရှိခဲ့ရတာလည်း ဖြစ်ပါတယ်။
ဒါကြောင့်လည်း သူမရဲ့ သူငယ်ချင်းများက အရေးပေါ်ဝန်ဆောင်မှုကို ဖုန်းခေါ်ဆိုပြီး ကူညီခဲ့ရတာလည်း ဖြစ်ပါတယ်။
အွန်လိုင်းတွင် ထွက်ပေါ်လာတဲ့ ဓာတ်ပုံများအရ သူမဟာ ခြံစည်းရိုးအား ကျော်ဖြတ်ရန် ကြိုးပမ်းစဉ် လမ်းတစ်ဝက်မှာပင် မွန်တာရေး ပရိသတ်ပန်းခြံသို့ မကျော်သွားနိုင်ခဲ့သလို အောက်သို့လည်း ပြန်ခုန်ဆင်းနိုင်ခဲ့ခြင်း မရှိခဲ့ကြောင်း သိရပါတယ်။
ဒါကြောင့်လည်း သူမကို ကရိန်းကားဖြင့် ခြံစည်းမှ မကာ ကယ်တင်ခဲ့ရပါတယ်။
သူမဟာ ကျန်းမာရေးဆိုင်ရာ စစ်ဆေးမှုများ ခံယပြီးနောက် ထွက်ခွာသွားခဲ့ပါတယ်။
ဒါကြောင့်လည်း မက္ကဆီကိုက အီကွေဒေါအား ၂-၀ ဖြင့် အနိုင်ရခဲ့မှုနှင့်အတူ သူမဟာလည်း အောင်ပွဲခံလာနိုင်ဖို့ရှိပါတယ်။
Fundidora Park တွင် ပရိသတ်များစွာဖြင့် ကမ္ဘာ့ဖလားပါတီပွဲ ကျင်းပနေတာ ဖြစ်ပြီး ပရိသတ်အရေအတွက် ကန့်သတ်ထားမှုနှင့်အတူ ဝင်ပေါက်အားလုံးကို ပိတ်ထားပါတယ်။
ယင်းပရိသတ်ဟာ မက္ကဆီကိုရဲ့ အစိမ်းရောင် အင်္ကျီနှင့် ဘောင်းဘီတိုထားတာလည်း တွေ့ရပါတယ်။ သူမဟာ လက်မှတ်အားလုံး အကုန်ရောင်းချခဲ့ရတဲ့ Fundidora Park ပါတီပွဲကို ခြံစည်းရိုးကျော်ခွဝင်ကာ ခိုးဝင်ကြည့်ရန် ကြိုးပမ်းခဲ့တာပါ။
မက္ကဆီကိုဟာ လာမဲ့ တနင်္လာနေ့မှာ ကမ္ဘာ့ဖလား ၁၆ သင်း ရှုံးထွက်အဆင့်ပွဲစဉ်အဖြစ် အင်္ဂလန်နှင့် ရင်ဆိုင်ကစားရပါမယ်။

အယ်ချီတိုက်စစ်မှူးရိုဒရီဂွက်ဇ်ကို ပေါင် ၂၂.၅ သန်းဖြင့် ခေါ်ယူရန် ဘုန်းမောက် သဘောတူညီမှု ရရှိ
====================

ဘုန်းမောက်ဟာ အယ်ချီတိုက်စစ်မှူးအယ်ဗာရိုရိုဒရီဂွက်ဇ်အား ပြောင်းရွှေ့ကြေး ပေါင် ၂၁.၄ သန်း (အပိုဆုကြေးကြောင့် ပေါင် ၂၅.၇ သန်းအထိ မြင့်တက်လာနိုင်)ဖြင့် သဘောတူညီမှု ရရှိလာပါတယ်။
အသက် ၂၁ နှစ်ရှိ တိုက်စစ်မှူးဟာ ဆေးစစ်ဆေးမှု ခံယူပြီးပါက တနင်္လာနေ့တွင် ဘုန်းမောက်သို့ ငါးနှစ်စာချုပ်ဖြင့် ပြောင်းရွှေ့လာပါမယ်။
ဥရုဂွေးလူငယ်လက်ရွေးစင်တိုက်စစ်မှူးရဲ့ ပြောင်းရွှေ့ကြေးမှ ၅၀ ရာခိုင်နှုန်းကို ရီးရဲလ်မက်ဒရစ်က ရရှိလာပါမယ်။
ရီးရဲလ်မက်ဒရစ်ဟာ ပြီးခဲ့တဲ့နွေတုန်းက ရိုဒရီဂွက်ဇ်အား အယ်ချီသို့ ရောင်းချစဉ်တုန်းက ထပ်ဆင့် ရောင်းချလာချိန်တွင် ပြောင်းရွှေ့ကြေးရဲ့ ၅၀ ရာခိုင်နှုန်းကို ခံစားခွင့် ရရှိမဲ့အချက်အား အရောင်းစာချုပ်မှာ ထည့်သွင်းချုပ်ဆိုထားခဲ့တာပါ။
ဘုန်းမောက်ဟာ လာမဲ့ရာသီတွင် ယူရိုပါလိဂ်ဝင်ခွင့် ရရှိထားရာ အသင်းကို အားဖြည့်မှုများ ပြုလုပ်ရန် လုပ်ဆောင်နေပါတယ်။
အန်ဒိုနီအိုင်ရာအိုလာရဲ့နေရာကို ဆက်ခံတဲ့ ဒေါ့မွန်နှင့် လိုက်ဇစ်နည်းပြဟောင်းမာကိုရို့စ်ဟာ ယခုနွေရာသီတွင် တိုက်စစ်မှူးတစ်ဦးနှင့် ဘယ်ခြမ်းဗဟိုနောက်ခံလူတစ်ဦး ခေါ်ယူရန် ပစ်မှတ်ထားနေတာလည်း ဖြစ်ပါတယ်။
တဖက်တွင် ဘုန်းမောက်ဟာ တူရကီတိုက်စစ်မှူးအီနက်စ်အူနယ်အား သင့်တော်တဲ့ ပြောင်းရွှေ့ကြေး ရရှိလာပါက ရောင်းချလာပါမယ်။
ဒါ့အပြင် ဘုန်းမောက်ဟာ အာဆင်နယ်၊ မန်စီးတီး၊ ယူနိုက်တက်တို့ ပစ်မှတ်ထားနေတဲ့ အလယ်တန်းကစားသမားအဲလက်စ်စကော့ကိုလည်း ပေါင်သန်း ၈၀ ဝန်းကျင်ဖြင့် ရောင်းချလာပါမယ်။
စပိန်ယူ-၁၈ အတွက်ရော ဥရုဂွေး ယူ-၂၁ အတွက်ပါ ကစားထားတဲ့ ရိုဒရီဂွက်ဇ်ဟာ ပြီးခဲ့တဲ့ရာသီတုန်းက အယ်ချီအတွက် လာလီဂါပွဲ ၃၄ ပွဲကစားခဲ့ရာမှာ ၇ ဂိုးသွင်းယူနိုင်ခဲ့သူလည်း ဖြစ်ပါတယ်။

ကမ္ဘာ့ဖလားမှ ထွက်ခွာရပြီးနောက် အယ်လ်ဂျီးရီးယားလက်ရွေးစင်ကစားသမားဘဝမှ မရာ့ဇ် အနားယူလာ
===================

အယ်လ်ဂျီးရီးယားအသင်းခေါင်းဆောင်ရီယက်မရာ့ဇ်ဟာ ဆွစ်ဇာလန်ကို ၂-၀ ဖြင့် ရှုံးနိမ့်ကာ ကမ္ဘာ့ဖလား ၃၂ သင်း ရှုံးထွက်အဆင့်မှ ထွက်ခွာရပြီးနောက် လက်ရွေးစင်ကစားသမားဘဝမှ အနားယူကြောင်း ကြေညာလာပါတယ်။
အသက် ၃၅ နှစ်ရှိ မန်စီးတီးစတားဟောင်းဟာ ပွဲအပြီးတွင် ၁၂ နှစ်ကြာ ကစားစဉ်အတွင်း ပွဲ ၁၂၀ ကစားပြီးနောက် အယ်လ်ဂျီးရီးယားကစားသမားဘဝမှ အနားယူပြီ ဖြစ်ကြောင်း ကြေညာသွားခဲ့တာလည်း ဖြစ်ပါတယ်။
မရာ့ဇ်က "ရည်မှန်းချက်က နောက်တစ်ဆင့်တက်ဖို့ပါ။ ဒီပွဲက ကျွန်တော်တို့ လက်ထဲမှာ ရှိနေတဲ့ ပွဲပါ။ အမှားတွေကနေ နှစ်ဂိုးပေးလိုက်ရတယ်။ ဒီလိုအဆင့်မှာ ချစ်ချစ်ခင်ခင်ပေးလိုက်ရတာ။ လက်ရွေးစင်အသင်းအတွက် နောက်ဆုံးကစားတဲ့ပွဲပါ။ ကျွန်တော့်ရဲ့ နောက်ဆုံးပွဲပါပဲ"လို့ ပြောကြားသွားပါတယ်။
မရာ့ဇ်ဟာ အယ်လ်ဂျီးရီးယားအတွက် ပွဲ ၁၂၀ ကစားကာ ဒုတိယပွဲအများဆုံးကစားထားသူအဖြစ် ရပ်တည်နေသလို ဂိုး ၄၀ ဖြင့် ဒုတိယဂိုးအများဆုံးသွင်းယူထားသူအဖြစ်လည်း ရပ်တည်နေသူ ဖြစ်ပါတယ်။
သူဟာ ၂၀၁၉ ခုနှစ်တုန်းက အာဖရိကဖလားချန်ပီယံဖြစ်ခဲ့တဲ့ အယ်လ်ဂျီးရီးယားကို အသင်းခေါင်းဆောင်အဖြစ် ဦးဆောင်ခဲ့သူလည်း ဖြစ်ပါတယ်။
သူဟာ ကမ္ဘာ့ဖလား ပွဲ ၄ ကစားထားရာမှာ ၂ ဂိုးသွင်းပြီး ၂ ကြိမ် ဖန်တီးပေးနိုင်ခဲ့ပါတယ်။

ကမ္ဘာ့ဖလားပါတီ Live ဗီဒီယိုကြောင့် သခင်နှင့် ပြန်လည် ဆုံဆည်းခွင့်ရရှိလာတဲ့ တစ်လကြာ ပျောက်ဆုံးနေခဲ့တဲ့ ခွေးလေး
===================

ပျောက်ဆုံးနေတဲ့ ခွေးတစ်ကောင်ဟာ ကမ္ဘာ့ဖလားပြိုင်ပွဲတွင် မက္ကဆီကိုပရိသတ်များနှင့် ပါတီပြုလုပ်ပြီးနောက် သခင်နှင့် ပြန်လည်ပေါင်းဆုံနိုင်ခဲ့ပါတယ်။
ဂေါ်ဒီတာလို့ အမည်ပေးထားတဲ့ ခွေးလေးဟာ ကမ္ဘာ့ဖလားပြိုင်ပွဲမစတင်မီ လွန်ခဲ့တဲ့ တစ်လခန့်တုန်းက ပျောက်ဆုံးသွားခဲ့တာပါ။
ဒါပေမဲ့ သူမဟာ အလီဂါစီယာရဲ့ ကူဒက်ဗစ်တိုးရီးယားနေအိမ်မှ ၉ မိုင်အကွာတွင် ချက်အား အနိုင်ရပြီးနောက် မက္ကဆီကိုပရိသတ်များနှင့်အတူ အောင်ပွဲခံမှုအား Live လွှင့်ရာတွင် ပါဝင်ခဲ့ပါတယ်။
အလီဂါစီယာဟာ ဂေါ်ဒီတာ ပျောက်သွားပြီး ၃ ရက်ကတည်းက လိုက်ရှာနေခဲ့တာပါ။
ကံကောင်းချင်တော့ ဂေါ်ဒီတာရဲ့ မက္ကဆီကိုပရိသတ်များနှင့် ကခုန်ကာ ကမ္ဘာ့ဖလားအောင်ပွဲခံမှု ဗီဒီယိုဖိုင်ကို အလီရဲ့ မောင်ဖြစ်သူက တွေ့ရှိသွားခဲ့ပါတယ်။
ယင်းဗီဒီယိုတွင် မက္ကဆီကိုပရိသတ်တစ်စုဟာ ကမ္ဘာ့ဖလားနိုင်ပွဲအတွက် အကြီးအကျယ်အောင်ပွဲခံနေခဲ့ကြပြီး ပရိသတ်တစ်ဦးဟာ ဂေါ်ဒီတာကို ကိုင်မြှောက်အောင်ပွဲခံခဲ့ပါသေးတယ်။
ယခုအခါမှာတော့ ဂေါ်ဒီတာဟာ ပိုင်ရှင်နှင့်အတူ ပြန်လည်ပေါင်းဆုံနိုင်ပြီလည်း ဖြစ်ပါတယ်။
ကမ္ဘာ့ဖလားပူးတွဲအိမ်ရှင် မက္ကဆီကိုဟာ တနင်္လာနေ့တွင် Azteca တွင် အင်္ဂလန်နှင့် ကမ္ဘာ့ဖလား ၁၆ သင်း ရှုံးထွက်အဆင့်ပွဲ ကစားရပါမယ်။

နော်တင်ဟမ်ဖောရက်စ်တွင် ပရီးမီးယားလိဂ်ရဲ့လုပ်ခအများဆုံးရ နည်းပြများထဲမှ တစ်ဦးဖြစ်လာတဲ့ အိုလီဗာဂလပ်စ်နာ
=====================

နော်တင်ဟမ်ဖောရက်စ်ဟာ အိုလီဗာဂလပ်စ်နာကို ခန့်အပ်နိုင်ရေးအတွက် တစ်နှစ်လုပ်ခ ပေါင် ၁၃ သန်းအထိ အသုံးပြုလာပါတယ်။
အသက် ၅၁ နှစ်ရှိ ဩစတြီးယားနိုင်ငံသားနည်းပြဟာ City Ground မှ ပေါ်တူဂီလူမျိုးနည်းပြဗစ်တာပီရီရာ ထွက်ခွာသွားပြီးနောက် နော်တင်ဟမ်ဖောရက်စ်နည်းပြရာထူးအတွက် အပြီးသတ်လုပ်ဆောင်နေပါတယ်။
ဖောရက်စ်ဘက်ဟာ အိုလီဗာဂလပ်စ်နာဘက်က ငြင်းဆန်နိုင်ခြင်း မရှိအောင် ကလပ်သမိုင်းတွင် လုပ်ခအများဆုံးရ နည်းပြအဖြစ် မက်လောက်စရာ လုပ်ခပေးလာတာလည်း ဖြစ်ပါတယ်။
ဂလပ်စ်နာဟာ ဖောရက်စ်သမိုင်းတွင် လုပ်ခအများဆုံးရ နည်းပြဖြစ်လာမှာ ဖြစ်သလို ပရီးမီးယားလိဂ်ရဲ့ လုပ်ခအများဆုံးရနည်းပြများထဲမှ တစ်ဦးလည်း ဖြစ်လာပါမယ်။
ဂလပ်စ်နာဟာ ခရစ္စတယ်ပဲလေ့စ်ကို အက်ဖ်အေဖလား၊ ကွန်မြူနတီဒိုင်း၊ ကွန်ဖရင့်လိဂ်ဖလားတို့ ရယူပေးကာ ကလပ်သမိုင်းတွင် အအောင်မြင်ဆုံးနည်းပြအဖြစ် သမိုင်းမှတ်တိုင်စိုက်ထူခဲ့သူလည်း ဖြစ်ပါတယ်။
သူဟာ ပြီးခဲ့တဲ့ရာသီတုန်းက ပဲလေ့စ်ကို ကွန်ဖရင့်လိဂ်ဖလား ရယူပြီးနောက် စာချုပ်သက်တမ်းကုန်ဆုံးကာ ထွက်ခွာလာသူလည်း ဖြစ်ပါတယ်။
ဂလပ်စ်နာဟာ ချဲလ်ဆီးနှင့် ယူနိုက်တက်တို့ရဲ့ ပစ်မှတ်ထားခြင်းခံခဲ့ရသလို အေစီမီလန်နှင့်လည်း ဆွေးနွေးမှု ပြုလုပ်ခဲ့သူပါ။
ဒါကြောင့်လည်း နော်တင်ဟမ်ဖောရက်စ်ဟာ ဂလပ်စ်နာဘက်က မငြင်းနိုင်မဲ့ လုပ်ခ အသုံးပြုလာတာလည်း ဖြစ်ပါတယ်။
‌
ဖောရက်စ်တွင် တစ်နှစ်လုပ်ခပေါင် ၁၃ သန်း ရရှိလာမဲ့ ဂလပ်စ်နာဟာ အာဆင်နယ်နည်းပြမီခေးလ်အာတီတာ(ပေါင် ၁၅ သန်း)ပြီးလျှင် ပရီးမီးယားလိဂ်ရဲ့လုပ်ခအများဆုံးရ နည်းပြဖြစ်လာပါမယ်။
သူဟာ ချဲလ်ဆီးနည်းပြသစ်ဇာဘီးအလွန်ဆို(ပေါင် ၁၃ သန်း)၊ မန်စီးတီးနည်းပြသစ်အန်ဇိုမာရက်စ်ကာ(ပေါင် ၁၂ သန်း)၊ စပါးစ်နည်းပြရောဘတ်တိုဒီဇာဘီ(ပေါင် ၁၂ သန်း)၊ လီဗာပူးနည်းပြသစ်အန်ဒိုနီအိုင်ရာအိုလာ(ပေါင် ၁၀ သန်း)တို့ထက် လုပ်ခပိုမို ရရှိလာပါမယ်။

ငြိမ်းချမ်းရေးတည်ဆောက်မှုတွင် ဆုံးဖြတ်ချက်ချမှတ်နိုင်သည့် ကဏ္ဍများ၌ အမျိုးသမီးများကို တာဝန်ပေးခန့်အပ်ထားဟု နိုင်ငံတော်သမ္မတ ပြောကြား

၂၀၂၆ ခုနှစ် မြန်မာအမျိုးသမီးများနေ့ အခမ်းအနားသို့ ပေးပို့သည့် အဖွင့်ဗီဒီယိုမိန့်ခွန်းတွင် နိုင်ငံတော်သမ္မတ ဦးမင်းအောင်လှိုင်က ငြိမ်းချမ်းရေးတည်ဆောက်မှုနှင့် သက်ဆိုင်သည့် ဆုံးဖြတ်ချက်ချမှတ်နိုင်သော ကဏ္ဍများတွင် အမျိုးသမီးများကို တာဝန်ပေးခန့်အပ်ထားပြီး တက်ကြွစွာ တာဝန်ထမ်းဆောင်လျက်ရှိကြောင်း ပြောကြားခဲ့သည်။
နိုင်ငံတော်သမ္မတ၏ ပြောကြားချက်အရ ၂၀၂၅-၂၀၂၆ ဘဏ္ဍာနှစ်အတွင်း နေပြည်တော်၊ တိုင်းဒေသကြီးနှင့် ပြည်နယ်များတွင် ခန့်အပ်ခဲ့သည့် ရပ်ကွက်/ကျေးရွာအုပ်စု အုပ်ချုပ်ရေးမှူး (၁၅,၅၂၂) ဦးအနက် အမျိုးသမီး အုပ်ချုပ်ရေးမှူး (၁၀၉) ဦးကို တာဝန်ပေးခန့်အပ်ထားပြီး ဖြစ်ကြောင်း သိရသည်။
“ဒီအချက်အလက်တွေအရ အမျိုးသမီးတွေဟာ ရပ်ရွာခေါင်းဆောင်တွေနဲ့ ငြိမ်းချမ်းရေးတည်ဆောက်မှုရဲ့ ဆုံးဖြတ်ချက်ချမှတ်နိုင်တဲ့ ကဏ္ဍတွေမှာ တာဝန်ပေးခန့်အပ်ထားပြီး တာဝန်ထမ်းဆောင်နေကြတာကို တွေ့မြင်နေရပါတယ်” ဟု နိုင်ငံတော်သမ္မတက ပြောကြားခဲ့သည်။
ထို့ပြင် လွှတ်တော်အသီးသီးတွင် အမျိုးသမီးလွှတ်တော်ကိုယ်စားလှယ်များ၏ ပါဝင်မှုနှုန်းသည် ပထမအကြိမ် ပြည်ထောင်စုလွှတ်တော်တွင် ၄ ဒသမ ၈ ရာခိုင်နှုန်း၊ ဒုတိယအကြိမ်တွင် ၁၀ ဒသမ ၅ ရာခိုင်နှုန်းနှင့် တတိယအကြိမ်တွင် ၁၄ ဒသမ ၆ ရာခိုင်နှုန်းအထိ တိုးတက်လာခဲ့ကြောင်းလည်း ထည့်သွင်းပြောကြားခဲ့သည်။
တရားဥပဒေစိုးမိုးရေးကဏ္ဍတွင်လည်း အမျိုးသမီး ဒုတိယရဲအုပ်နှင့်အထက် အရာရှိများ၏ ပါဝင်မှုသည် ၂၀၂၁ ခုနှစ်က ၁၂ ဒသမ ၈၇ ရာခိုင်နှုန်းမှ ၂၀၂၄ ခုနှစ်တွင် ၁၇ ဒသမ ၅၆ ရာခိုင်နှုန်းအထိ မြင့်တက်လာခဲ့ပြီး၊ ဒုတိယမြို့နယ်ဥပဒေအရာရှိနှင့်အထက်၊ ဒုတိယမြို့နယ်တရားသူကြီးနှင့်အထက် ရာထူးများတွင်လည်း အမျိုးသမီးပါဝင်မှု ၅၃ ရာခိုင်နှုန်းကျော်ရှိသဖြင့် တရားဥပဒေစိုးမိုးရေးကဏ္ဍ၌ အမျိုးသမီးများ၏ အခန်းကဏ္ဍ ပိုမိုမြင့်မားလာကြောင်း နိုင်ငံတော်သမ္မတက ပြောကြားခဲ့သည်။