ကလပ်နှင့် နိုင်ငံ အနာဂတ် မရေမရာ အဖြစ်နှင့် ကြုံနေရတဲ့ မာတီတာ
====================
ခရစ္စတယ်ပဲလေ့စ်တိုက်စစ်မှူးဂျိန်းဖီးလစ်ပီမာတီတာဟာ ဆောင်းရာသီ အပြောင်းအရွှေ့ဈေးကွက် နောက်ဆုံးနေ့တွင် အေစီမီလန်သို့ ပြောင်းရေး ဆေးစစ်ဆေးမှု ကျရာမှ အပြောင်းအရွှေ့ပျက်ပြယ်သွားပြီးနောက် ခက်ခဲတဲ့ အနေအထားသို့ ရောက်လာခဲ့ပါတယ်။
ဂျိန်းဖီးလစ်ပီမာတီတာဟာ အေစီမီလန်သို့ ပြောင်းရန် သဘောတူညီမှု ရရှိပြီးမှ ဆေးစစ်ဆေးချိန်တွင် ဒူးပြဿနာရှိနေကြောင်း တွေ့ရပြီးနောက် အပြောင်းအရွှေ့ ပျက်ပြယ်သွားခဲ့တာလည်း ဖြစ်ပါတယ်။
ပဲလေ့စ်နည်းပြအိုလီဗာဂလက်စ်နာက မာတီတာတွင် ဒူးပြဿနာရှိနေကြောင်း လွန်ခဲ့ တဲ့ ရက်သတ္တပတ်များကတည်းက ပြောဆိုလာခဲ့တာပါ။
မာတီတာဟာ ဒူးပြဿနာရှိနေမှုနှင့်အတူ အကောင်းဆုံးပုံစံ ရရှိရေး ရုန်းကန်နေရပြီး ဒီဇင်ဘာလအစပိုင်းမှ စတင်ကာ ၁ ဂိုးတည်းသာ သွင်းထားနိုင်ပါတယ်။
ဒါပေမယ့် သူဟာ ဆောင်းရာသီ အပြောင်းအရွှေ့ဈေးကွက်တုန်းက ပဲလေ့စ်မှ ထွက်ခွာရန် အတင်းကြိုးပမ်းခဲ့ပါတယ်။
ဒါပေမယ့် သူဟာ အေစီမီလန်သို့ ပြောင်းရေး ဆေးစစ်ဆေးချိန်တွင် ဆေးကျမှုကြောင့် အပြောင်းအရွှေ့ ပျက်ပြယ်ကာ ပဲလေ့စ်မှာပဲ ဆက်ရှိနေခဲ့ရပါတယ်။
အီတလီမီဒီယာများရဲ့ ဖော်ပြမှုအရ အေစီမီလန်ဆေးအဖွဲ့က အသက် ၂၈ နှစ်ရှိ တိုက်စစ်မှူးအား ဆေးစစ်ချိန်တွင် ညာဖက်ဒူးတွင် ပြဿနာရှိနေကြောင်း တွေ့ခဲ့ရတာပါ။ မာတီတာဟာ ၂၀၁၉ ခုနှစ်တုန်းက မိန့်ဇ်တွင် ကစားစဉ် ဒူးဒဏ်ရာရရှိခဲ့ဖူးပြီး ခွဲစိတ်ကုသခဲ့ရကာ ခြောက်လနားခဲ့ရဖူးပါတယ်။
ဒါကြောင့်လည်း မာတီတာအနေဖြင့် ယင်းဒူးဒဏ်ရာပြဿနာ လုံးဝပျောက်ကင်းရေး နောက်ထပ် ခွဲစိတ်ကုသမှု လိုအပ်နေခဲ့တာလည်း ဖြစ်ပါတယ်။
ယင်းသို့ အခြေအနေကြောင့် မာတီတာဟာ ပဲလေ့စ်တွင် ဆက်ရှိလာရပါတယ်။ သူဟာ ၂၀၂၇ ခုနှစ်အထိ ပဲလေ့စ်နှင့် စာချုပ်ချုပ်ဆိုထားတာပါ။ ဒါပေမယ့် ကလပ်ဘက်က နောက်တစ်နှစ်မှာ အလွတ်ပြောင်းရွှေ့ကြေးဖြင့် ဆုံးရှုံးလာရမှာ ဖြစ်လို့ နွေရာသီမှာ ရောင်းချရေး ထပ်မံ ကြိုးပမ်းလာဖို့ ရှိပါတယ်။
သူဟာ ကလပ်အနာဂတ် မရေမရာ ဖြစ်နေမှုနှင့်အတူ နွေရာသီ ကမ္ဘာ့ဖလားပြိုင်ပွဲတွင် ကစားရေးအိပ်မက်ကလည်း မရေမရာ ဖြစ်လာပါတယ်။
သူ့အနေဖြင့် ကြံ့ခိုင်မှုပြည့်ဝရေး အချိန်ယူလုပ်ဆောင်လာရမယ့်အပြင် ပဲလေ့စ်မှာလည်း ပုံမှန်ကစားခွင့် အာမခံချက် မရှိတော့တာကြောင့် ပြင်သစ်နည်းပြဒီဒီယာဒက်ချမ့် ယုံကြည်မှု ရလာအောင် လုပ်ဖို့ အချိန်အလုံအလောက် ရမယ့်အနေအထားမှာ မရှိပါဘူး။
ခရစ္စတယ်ပဲလေ့စ်ဟာ ဆောင်းရာသီအပြောင်းအရွှေ့ဈေးကွက်တွင် ခေါ်ယူထားတဲ့ နော်ဝေတိုက်စစ်မှူးဂျော်ဂျင်စထရန်းလာဆင်ကို ဦးစားပေးတိုက်စစ်သမားအဖြစ် သတ်မှတ်ထားရာ မာတီတာအတွက် နေရာရရန် ခက်ခဲလာခဲ့ပြီ ဖြစ်ပါတယ်။
မာတီတာဟာ ပြီးခဲ့တဲ့နှစ်တုန်းက ပြင်သစ်အတွက် ပထမဆုံးပွဲ ကစားခွင့်ရပြီးနောက် ၃ ပွဲကစားခွင့်ရထားရာမှာ ၂ ဂိုးသွင်းထားနိုင်ပါတယ်။
ယခုအခါ သူဟာ အေစီမီလန်အပြောင်းအရွှေ့ပျက်ပြယ်လာမှုနှင့်အတူ ကလပ်အနာဂတ်သာမက နိုင်ငံအသင်းအနာဂတ်ပါ မရေမရာ ဖြစ်လာခဲ့ပြီ ဖြစ်ပါတယ်။

ပိုကောင်းတဲ့ လူ့အသိုင်းအဝန်းဖြစ်ပေါ်လာရေး ကမ္ဘာတလွှားပဋိပက္ခများ အဆုံးသတ်ရေး ရှေ့တန်းမှ လှုပ်ရှားလာမယ့် ဂွါဒီယိုလာ
======================
ပက်ဂွါဒီယိုလာက သူ့ရဲ့ ကမ္ဘာ့ထိပ်တန်းနည်းပြဆိုတဲ့ ဂုဏ်ပုဒ်ကို အသုံးချကာ ကမ္ဘာတလွှားပဋိပက္ခများကြောင့် နစ်နာရသူများအား အကာအကွယ်ပေးရေး လုပ်ဆောင်လာမှာ ဖြစ်ကြောင်း ပြောကြားလာပါတယ်။
မန်စီးတီးနည်းပြဟာ ပြီးခဲ့တဲ့ ကြာသပတေးနေ့တုန်းက မွေးရပ်မြေကတ်တလန်တွင် ပြုလုပ်တဲ့ ဂါဇာပဋိပက္ခကြောင့် နစ်နာရတဲ့ ကလေးသူငယ်များအတွက် ပြုလုပ်တဲ့ ရန်ပုံငွေပုံသို့ တက်ရောက်ကာ မိန့်ခွန်းပြောခဲ့ပါတယ်။ သူဟာ ယင်းပွဲသို့ တက်ရောက်မှုကြောင့် သောကြာနေ့ သတင်းစာရှင်းလင်းပွဲအား တက်ရောက်ရန် ပျက်ကွက်ခဲ့ပါတယ်။
ယနေ့ည နယူးကာဆယ်နှင့် ကစားမယ့် ခါရာဘောင်ဖလားဆီမီးဖိုင်နယ်ဒုတိယအကျော့ပွဲမတိုင်မီ သတင်းစာရှင်းလင်းပွဲမှာတော့ ဂွါဒီယိုလာက ကမ္ဘာ့တလွှား ပဋိပက္ခများကြောင့် အသတ်ခံရမှု၊ ဒဏ်ရာရရှိမှု မှတ်တမ်းဗီဒီယိုများကို ကြည့်ကာ နာကျင်ရကြောင်း ဆိုသွားပါတယ်။
သူဟာ ပါလက်စတိုင်း၊ ယူကရိန်း၊ ဆူဒန်တို့တွင် ဖြစ်ပျက်နေတဲ့ ပဋိပက္ခနှင့် အမေရိကန်တွင် ICE အေးဂျင့်များရဲ့ ပစ်ခတ်မှုများကို ရည်ညွန်းပြောဆိုသွားတာလည်း ဖြစ်ပါတယ်။
ဂွါဒီယိုလာက "ဒီကနေ့ ကျွန်တော်တို့ မြင်နိုင်တယ်။ အဲဒီမတိုင်ခင် မမြင်ခဲ့ရဘူး။ နာကျင်ရတယ်။ ဆန့်ကျင်ဘက် ဘက်ခြမ်းက လူဖြစ်နေရင်တောင် နာကျင်ရပါမယ်။ စိတ်မကောင်းဘူး။ ဒီအတွက် မတ်တပ်ရပ်ရမယ်။ အဲဒီအတွက် အမြဲတမ်း ရှိနေရမယ်။ အမြဲတမ်းရှိရမယ်။ အပြစ်မဲ့တဲ့ ထောင်ပေါင်းများစွာသောပြည်သူတွေကို ဒီအတိုင်း သတ်ပစ်လိုက်မှာလား။ နာကျင်ရတယ်။ ဒီထက်ပိုပြီး ခက်ခဲရှုပ်ထွေးတာ မရှိပါဘူး။ မရှိပါဘူး။ နေ့စဉ်နေ့တိုင်း အဖေတွေ၊ အမေတွေ၊ ကလေးတွေအပေါ် ဖြစ်ပျက်နေတာ၊ လူ့အသက်တွေ ဖျက်ဆီးခံနေရတာတေကို ကြည့်ပြီး ဘယ်သူမှ ဘာမှ မခံစားကြရဘူးလား။ လူတွေ ဒါတွေအပေါ်မှာ နည်းနည်းလေးတောင် အာရုံမစိုက်နိုင်ကြဘူးလား။ တကယ့်ကို စိတ်မကောင်းဘူး။ မခံစားနိုင်ဘူး"လို့ ပြောကြားသွားပါတယ်။
ထိုအခါ The Athletic သတင်းဌာနက ဂွါဒီယိုလာအား ယင်းအဖြစ်အပျက်များက သူ့အတွက် ဘယ်လောက် အရေးကြီးလဲလို့ မေးမြန်းလာပါတယ်။
ထိုအခါ ဂွါဒီယိုလာက "ဆယ်နှစ်အတွင်း ပထမဆုံးအကြိမ် ဂျာနယ်လစ်တစ်ဦးက ဒီလို မေးခွန်းမေးတဲ့အတွက် ကျေးဇူးတင်ပါတယ်။ ကြည့်ရတာ ခင်ဗျားတို့ (မီဒီယာ)က ကိုယ့်အလုပ်ကိုယ် လုပ်ခွင့်မရသလိုပဲ။ ကျွန်တော်လည်း မသိပါဘူး။ ဒါပေမယ့် ကမ္ဘာ့တလွှားက စစ်ပွဲတွေက ဓာတ်ပုံတွေကို မြင်နေကြရတဲ့သူကကော မရိုက်ခတ်ဘူးလား?။ ဒါက မှန်လား မှားလားဆိုတဲ့ မေးခွန်းမဟုတ်ပါဘူး"လို့ ပြောကြားသွားပါတယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ
( ၂၀၂၆ - ဖေဖော်ဝါရီ ၅ ၊ နံနက် ၁၀ နာရီ)

#ရွှေဈေး
-ကမ္ဘာ့ရွှေဈေး
တအောင်စ ၄၈၄၀ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၆,၉၀၀,၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၁၀,၄၀၀,၀၀၀ ကျပ်
ဝယ်ဈေး ၁၀,၃၆၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၁၀,၀၀၀,၀၀၀ ကျပ်
ဝယ်ဈေး ၉,၉၆၀,၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၁၀,၂၈၀,၀၀၀ ကျပ်
ဝယ်ဈေး ၁၀,၂၄၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၉,၈၈၀,၀၀၀ ကျပ်
ဝယ်ဈေး ၉,၈၄၀,၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)
#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၅၇ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၀၇၀ ကျပ်
ဝယ်ဈေး - ၃၉၇၀ ကျပ်
-စင်္ကာပူဒေါ်လာ
ရောင်းဈေး - ၃၁၉၅ ကျပ်
ဝယ်ဈေး - ၃၁၁၅ ကျပ်
-ယူရို
ရောင်းဈေး - ၄၈၀၀ ကျပ်
ဝယ်ဈေး - ၄၆၈၀ ကျပ်
-ထိုင်းဘတ်
ရောင်းဈေး - ၁၂၈.၂၁ ကျပ်
ဝယ်ဈေး - ၁၂၅ ကျပ်
-မလေးရှားရင်းဂစ်
ရောင်းဈေး - ၁၀၃၀ ကျပ်
ဝယ်ဈေး - ၁၀၀၄ ကျပ်
-တရုတ်ယွမ်
ရောင်းဈေး - ၅၈၆ ကျပ်
ဝယ်ဈေး - ၅၇၁ ကျပ်
-ဂျပန်ယန်း
ရောင်းဈေး - ၂၅.၉၅ ကျပ်
ဝယ်ဈေး - ၂၅.၃ ကျပ်
-အိန္ဒိယရူပီး
ရောင်းဈေး - ၄၅ ကျပ်
ဝယ်ဈေး - ၄၃.၈၈ ကျပ်
-ကိုရီးယားဝမ်
ရောင်းဈေး - ၂.၇၈ ကျပ်
ဝယ်ဈေး - ၂.၇၂ ကျပ်
-စတာလင်ပေါင်
ရောင်းဈေး - ၅၅၅၀ ကျပ်
ဝယ်ဈေး - ၅၄၁၀ ကျပ်
-ဩစတြေးလျဒေါ်လာ
ရောင်းဈေး - ၂၈၄၀ ကျပ်
ဝယ်ဈေး - ၂၇၇၀ ကျပ်
-ကနေဒါဒေါ်လာ
ရောင်းဈေး - ၂၉၇၆ ကျပ်
ဝယ်ဈေး - ၂၉၀၁ ကျပ်
-ဟောင်ကောင်ဒေါ်လာ
ရောင်းဈေး - ၅၂၁ ကျပ်
ဝယ်ဈေး - ၅၀၈ ကျပ်
-ယူအေအီး
ရောင်းဈေး - ၁၁၀၈ ကျပ်
ဝယ်ဈေး - ၁၀၈၀ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
****************************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

“ အရာရာကို ဆုပ်ကိုင်ထားရတာ မပင်ပန်းသေးဘူးလား ပန် ။ သူများဘဝတွေကို ဆုပ်ကိုင်ထားရတာ မပင်ပန်းသေးဘူးလား ။ ”
“သူများ..!!! “
“ ကိုယ်တိုင်မဟုတ်တဲ့ တခြားသူတိုင်းကို သူများလို့ သတ်မှတ်ရမှာပဲ ပန် ။ လူဆိုတာ ကိုယ့်ဘဝကိုယ်တောင် ဆုပ်ကိုင်ထားဖို့ ခဲယဉ်းတာ ဘယ်လိုလုပ် သူများဘဝတွေကို ဆုပ်ကိုင်ထားလို့ရမှာလဲ ။ ပန်က ပန့်အဝါးရဲ့ဘဝကိုလည်း မိမိရရ ဆုပ်ကိုင်ထားချင်တယ် ။ ပန့်အနူးရဲ့ဘဝကိုလည်း အတိမ်းအစောင်း မရှိရအောင် ဆုပ်ကိုင်ထားချင်တယ် ။ ပန့်မောင်လေးရဲ့ ဘဝကိုလည်း အချွတ်အချော် အတိမ်းအစောင်းမရှိအောင် ဆုပ်ကိုင်ထိန်းမတ်ထားချင်တယ် ။ ဘယ်လိုလုပ် ဖြစ်နိုင်မှာလဲ ပန် ။ ပန့်ကိုယ်ပန်တောင် ဆုပ်ကိုင်ထားလို့ရရဲ့လား ။ ပန့် စိတ်တွေ အခု လွင့်ချင်တိုင်းလွင့် ၊ ခံစားချင်တိုင်း ခံစားနေတာကို ပန် ထိန်းချုပ်ထားလို့ရရဲ့လား ”
“ လွှတ်ချလိုက်ပါတော့ ပန် ။ ပန် ဆုပ်ကိုင်ထားတာတွေကို လွှတ်ချလိုက်ပါတော့ ။ မဟုတ်ရင် ပန် အရမ်းပင်ပန်းနာကျင်ရလိမ့်မယ် ။ လူဆိုတာ ကိုယ့်ဘဝနဲ့ကိုယ် ၊ ကိုယ့်ကံကြမ္မာနဲ့ကိုယ် ၊ ကိုယ့်အကြိုက်နဲ့ကိုယ် ၊ ကိုယ့်ရွေးချယ်မှုနဲ့ကိုယ်ပဲ ။ ကိုယ့်ဘဝကို ကိုယ်သာ ဖန်တီးနိုင်တာမျိုးပဲ ။ မိသားစုဆိုတိုင်းလည်း သူတို့ဘဝတွေကို ပန့်စိတ်ကြိုက် ဖန်တီးခြယ်လှယ်လို့ ဘယ်ရနိုင်ပါ့မလဲ ။ သူ့ရွေးချယ်မှုနဲ့သူ ၊ သူ့ကြမ္မာနဲ့သူ ဖြစ်နေတဲ့ဘဝတွေကို ပန် ဆုပ်ကိုင်ထားဖို့ ကြိုးစားတိုင်း ပင်ပန်းနေရမှာပဲ ။ အဲ့ဒီလိုပင်ပန်းမှုတွေကြောင့်ပဲ လေလွင့်ခဲ့ရတာမဟုတ်လား ..”
“ ကိုယ့်စံနှုန်းဖြင့် ဘောင်ခတ်၍
သူ့ဘဝကို မပျော်ဘူးဟု ထင်မိသည့်တိုင်
သူ့ဘဝမှာတော့ သူ့စံနှုန်းနှင့်သူ
ပျော်နေတာမျိုးလည်း ရှိဦးမည်ဟု
တွေးနိုင်လာသည့်အခါမှာတော့
ကိုယ့်အမြင် တစ်ခုတည်းဖြင့်
ဘောင်ခတ်ကြည့်၍ မရနိုင်သော
ပျော်ရွှင်မှု၏ သဘောတရားကို နားလည်လာရကာ
ကိုယ့်ပျော်ရွှင်မှုကို ကိုယ့်နှလုံးသားထဲမှာသာ
ဆောက်တည်နိုင်ကြောင်း လက်ခံလာရသည် ။ ”
“ မိန်းမတွေဟာ ချစ်တာနဲ့ မချစ်တာကို
ကွဲကွဲပြားပြား သိဖို့လိုသလို
အချစ်ကို ဖော်ပြဖို့ သင့်မသင့်လည်း ဆုံးဖြတ်နိုင်ဖို့
လိုတယ်ထင်ပါရဲ့ဇီတာရယ်
ပြီးတော့ ငါကလေ ယောင်္ကျားတစ်ယောက်ကို
ငါ ဆက်ပြီး ရှင်သန်ရပ်တည်ဖို့အတွက်လည်း
မရွေးချယ်ချင်ဘူး ။
လတ်တလော စိတ်လှုပ်ရှားမှုကို
အချစ်လို့ ချက်ချင်းအတည်ပြုတတ်တဲ့
ရူးရူးမိုက်မိုက် မိန်းမမျိုးလည်း မဖြစ်ချင်ဘူး ။ ”
#ပန်းတွေပွင့်ဖို့စောင့်ရချိန် #ပုညခင်

ဒါကတော့ ၂၀၂၆ မီလန်-ကော်တီနာ (Milan Cortina) ဆောင်းရာသီအိုလံပစ်ပြိုင်ပွဲအတွက် ထွက်ပေါ်လာတဲ့ မွန်ဂိုလီးယားအသင်း (Team Mongolia) ရဲ့ ဝတ်စုံတွေပဲ ဖြစ်ပါတယ် တကယ့်ကို သမိုင်းနဲ့ ခေတ်သစ်အနုပညာ ပေါင်းစပ်ထားတဲ့ ထိပ်တန်းဖက်ရှင်တစ်ခုလို့တောင် ပြောလို့ရပါတယ် ဒီဝတ်စုံတွေကို မွန်ဂိုလီးယားရဲ့ နာမည်ကျော် Goyol Cashmere က ဒီဇိုင်းထုတ်ထားတာဖြစ်ပြီး မွန်ဂိုအင်ပါယာကြီးရဲ့ သမိုင်းကြောင်းကို အခြေခံထားတာပါ
မွန်ဂိုရိုးရာ ဝတ်စုံဖြစ်တဲ့ Deel ရဲ့ ပုံသဏ္ဌာန်ကို အသုံးပြုထားပြီး ခေတ်မီတဲ့ အချိုးအစားတွေနဲ့ ပြန်လည်မွမ်းမံထားပါတယ် ကမ္ဘာကျော် မွန်ဂိုလီးယား Cashmere (ဆိတ်မွှေးချည်) စစ်စစ်နဲ့ ပြုလုပ်ထားတာကြောင့် အေးစိမ့်တဲ့ ဆောင်းရာသီမှာ အနွေးဓာတ်ကို အပြည့်အဝ ပေးနိုင်မှာပါ ပိုးထည်အနားသတ်တွေ၊ ရိုးရာ ဦးထုပ်အမြင့်တွေနဲ့ ရှေးဟောင်း မွန်ဂိုစစ်သည်တော်တွေရဲ့ ဦးချိုပုံစံအနုစိတ် ပန်းလက်ရာတွေ ပါဝင်တာကြောင့်တကယ်ကို ခန့်ညားတဲ့ ဝတ်စုံဖြစ်ပါတယ်
ဒီဝတ်စုံတွေဟာ မွန်ဂိုအင်ပါယာရဲ့ အောင်နိုင်မှုသမိုင်းကို ကမ္ဘာ့အိုလံပစ်စင်မြင့်မှာ ဂုဏ်ယူစွာ ပြသလိုက်တာပါ ရိုးရာပုံစံဖြစ်ပေမဲ့ အားကစားသမားတွေ သွားလာလှုပ်ရှားရ လွယ်ကူစေဖို့အတွက် နည်းပညာသုံး ချုပ်လုပ်ထားတာကလည်း တကယ်ကို လက်ရာမြောက်စေပါတယ် အခုထွက်ရှိထားတဲ့ အိုလံပစ်ဝတ်စုံတွေထဲမှာ မွန်ဂိုလီးယားအသင်းရဲ့ ဝတ်စုံက အထူးခြားဆုံးနဲ့ အားလုံးရဲ့ အာရုံစိုက်မှုကို အခံရဆုံး ဖြစ်နေပါတယ်
၂၀၂၆ ဆောင်းရာသီအိုလံပစ်ကို အီတလီနိုင်ငံ၊ မီလန်နဲ့ ကော်တီနာမြို့တွေမှာ ကျင်းပမှာ ဖြစ်ပါတယ် အိုလံပစ်ပွဲတွေရဲ့ ဖွင့်ပွဲအခမ်းအနာဟာ အားကစားတင်မကဘဲ နိုင်ငံတကာက သူတို့ရဲ့ ယဉ်ကျေးမှုဖက်ရှင်တွေကို ပြိုင်ဆိုင်ပြသကြတဲ့ စင်မြင့်ကြီးတစ်ခုဆိုလည်းမမှားပါဘူး
#knowledge #ဗဟုသုတ #facts #whatthefacts

နောက်ထပ်
ထပ်တွေ့စရာတွေ ရှိမနေတော့ဘူး
နောက်ထပ်
စကားတွေပြောစရာတွေ
ကျန်မနေတော့ဘူး
နောက်ထပ်
ထပ်ဆုံစရာ ရေစက်တွေ
မကျန်တော့ဘူး
ဆုံခဲ့ခြင်းတွေက
ဒီလောက်နဲ့ပဲ ပြီးဆုံးပါပြီ ။

ငါးဖယ်ငါးဆုပ်ဟင်း
ထမင်းဝိုင်းမှာ ငါးဖယ်ဟင်းဆိုရင် လူကြီးလူငယ်မရွေး နှစ်သက်ကြတာ ထုံးစံပါပဲ။ ငါးဖယ်ဆုပ်လေးတွေကို အပြင်မှာ အနည်းငယ်တင်းသွားအောင် ကြော်ပြီးမှ ခရမ်းချဉ်သီးအနှစ်၊ မန်ကျည်းမှည့်အရည်လေးနဲ့ ပြန်ချက်ထားတာမို့ အရသာက ချဉ်ချဉ်စပ်စပ်နဲ့ စိမ့်အိနေမှာပါ။ ထမင်းဘယ်နှစ်ပန်းကန် ကုန်သွားမှန်းတောင် သိမှာမဟုတ်တဲ့ ဒီဟင်းချက်နည်းလေးကို ကြည့်လိုက်ရအောင်...

🛒 ပါဝင်ပစ္စည်းများ
ငါးဖယ်ငါးဆုပ် - (မကျက်တကျက် ကြော်ထားပါ)

ခရမ်းချဉ်သီး - (ပါးပါးလှီးထားပါ)

မန်ကျည်းမှည့်ရည် - အနည်းငယ်

ငရုတ်သီးစိမ်း - (အနံ့မွှေးစေရန်)

အနံ့မွှေးအနှစ် - ကြက်သွန်ဖြူ၊ နီ (ထောင်းထားပါ)

အခြေခံအရသာ - နနွင်းမှုန့်၊ ငရုတ်သီးအစိမ်းမှုန့်၊ ဆား၊ ဟင်းခတ်မှုန့်

နံနံပင် - (အုပ်ရန်)

👩‍🍳 ချက်ပြုတ်ပုံအဆင့်ဆင့်
၁။ အနှစ်ဆီသတ်ခြင်း ဒယ်အိုးထဲတွင် ဆီအပူပေးပြီး ထောင်းထားသော ကြက်သွန်ဖြူ၊ နီတို့ကို နနွင်းမှုန့်လေးခတ်ကာ မွှေးနေအောင် ဆီသတ်ပေးပါ။ ထို့နောက် ငရုတ်သီးအစိမ်းမှုန့်လေးထည့်ကာ အရောင်တင်ပေးပါ။

၂။ ခရမ်းချဉ်သီးအနှစ်ချက်ခြင်း လှီးထားသော ခရမ်းချဉ်သီးများကို ထည့်ပါ။ ခရမ်းချဉ်သီးများ ကြေပြီး လိပ်နေအောင် (အနှစ်ကျအောင်) အသေအချာ ဆီသတ်ပေးရန် လိုအပ်ပါတယ်။

၃။ ငါးဖယ်နှင့် အရသာသွင်းခြင်း ခရမ်းချဉ်သီးအနှစ်ရပြီဆိုလျှင် မကျက်တကျက် ကြော်ထားသော ငါးဖယ်ငါးဆုပ်များကို ထည့်လိုက်ပါ။ ပြီးလျှင် မန်ကျည်းရည်၊ ရေနွေးအနည်းငယ်နှင့် ငရုတ်သီးစိမ်းလေးများကိုပါ တစ်ခါတည်း ထည့်ပေးပါ။

၄။ အချောသတ်ခြင်း ဆား၊ ဟင်းခတ်မှုန့်တို့ကို မိမိစိတ်ကြိုက် မြည်းပြီး ချိန်ညှိပါ။ ဟင်းအိုးလေး ဆီပြန်ပြီး အရသာစိမ့်ဝင်သွားပြီဆိုလျှင်တော့ နံနံပင်လေးအုပ်ကာ မီးပိတ်လိုက်ရုံပါပဲ။

ဒီငါးဖယ်ဟင်းလေးက ဟင်းရည်ဆမ်းစားလို့လည်း ကောင်းသလို ငါးဖယ်ဆုပ်လေးတွေကို မြည်းရတာလည်း အရမ်းအရသာရှိပါတယ်ရှင်။

ဒီလအတွက် zodiac signs တွေရဲ့ ကံကောင်းမူ ✨🍀
1. Aries ♈️ 70%
2. Leo ♌️ 80%
3. Sagittarius ♐️ 88%
4. Pisces ♓️ 69%
5. Scorpio ♏️ 88%
6. Virgo ♍️ 65%
7. Gemini ♊️ 70%
8. Taurus ♉️ 88%
9. Cancer ♋️ 95%
10. Libra ♎️ 88%
11. Capricorn ♑️ 85%
12. Aquarius ♒️ 85%
Mercury retrograde ကတော့ 2026 မှာ ၃ကြိမ်လည်မှာ ဖြစ်ပြီး ပထမဆုံး တခါကတော့ February လထဲမှာပါ🫣ကြိတ်ခံရမယ့် signs လေးတွေကတော့ ကမောက်ကမလေးတွေများပါမယ်😗