ဒေါ်အောင်ဆန်းစုကြည်၏ ကျန်းမာရေးအခြေအနေ ကောင်းမွန်လျက်ရှိဟု သမ္မတရုံးပြောရေးဆိုခွင့်ရှိသူ ပြောကြား

ဒေါ်အောင်ဆန်းစုကြည်၏ ကျန်းမာရေးအခြေအနေမှာ ကောင်းမွန်လျက်ရှိပြီး ပုံမှန်ကျန်းမာရေးစစ်ဆေးမှုများကိုလည်း ဆောင်ရွက်လျက်ရှိကြောင်း နိုင်ငံတော်သမ္မတရုံး၏ ပြောရေးဆိုခွင့်ရှိသူ ဒေါက်တာခိုင်ခိုင်စိုးက ပြောကြားသည်။
ယနေ့ (ဇွန် ၃၀ ရက်) နေပြည်တော်၌ ကျင်းပသည့် နိုင်ငံတော်သမ္မတရုံး၏ သတင်းစာရှင်းလင်းပွဲတွင် ပြည်တွင်းမီဒီယာများ၏ မေးမြန်းချက်များကို ပြန်လည်ဖြေကြားရာ၌ ဒေါက်တာခိုင်ခိုင်စိုးက အထက်ပါအတိုင်း ပြောကြားခဲ့ခြင်းဖြစ်သည်။
“ဒေါ်အောင်ဆန်းစုကြည်ရဲ့ ကျန်းမာရေးအခြေအနေ အလွန်ကောင်းမွန်နေပါတယ်။ ဘာမှပြဿနာမရှိပါဘူး။ အပြည့်အဝကောင်းမွန်နေပါတယ်။ ဆေးစစ်မှုတွေကိုလည်း ပုံမှန်ပြုလုပ်နေပါတယ်” ဟု ဒေါက်တာခိုင်ခိုင်စိုးက ပြောကြားသည်။
ထို့ပြင် ဒေါ်အောင်ဆန်းစုကြည်အား အာဆီယံ၏ အထူးကိုယ်စားလှယ်နှင့် တွေ့ဆုံခွင့်ပြုနိုင်ခြင်း ရှိ၊ မရှိနှင့်ပတ်သက်၍ မေးမြန်းမှုအပေါ် ဒေါက်တာခိုင်ခိုင်စိုးက ဒေါ်အောင်ဆန်းစုကြည်သည် တရားရုံး၏ အမိန့်အရ ပြစ်ဒဏ်ကျခံနေရသူဖြစ်သဖြင့် ဥပဒေနှင့်အညီ ပြစ်ဒဏ်ကျခံပြီးနောက်တွင်သာ တွေ့ဆုံခွင့်ရရှိနိုင်မည်ဖြစ်ကြောင်း ပြန်လည်ရှင်းလင်းပြောကြားခဲ့သည်။

ဆိုင်ကယ်ပြုပြင်ထိန်းသိမ်းနည်းပညာသင်တန်းနှင့် စက်ချုပ်နည်းပညာသင်တန်းတို့မှ လုပ်ငန်းထူထောင်မည့်သူ(၁၀)ဦးကို လုပ်ငန်းသုံးပစ္စည်းများထောက်ပံ့

ရန်ကုန်တိုင်း အသေးစားစက်မှုလက်မှုလုပ်ငန်းဦးစီးဌာ နမှကြီးမှူး၍ ကျေးလက်နေမိသားစုဝင်ငွေတိုး ရက် (၁၀၀)စီမံကိန်းဖြင့်ဖွင့်လှစ်ခဲ့သော ဆိုင်ကယ်ပြုပြင်ထိန်းသိမ်းနည်းပညာသင်တန်းနှင့် စက်ချုပ်နည်းပညာ သင်တန်းတို့မှ လုပ်ငန်းထူထောင်မည့်သူ(၁၀)ဦးကို လုပ်ငန်းသုံးပစ္စည်းများထောက်ပံ့ပေးခဲ့ကြောင်း သိရသည်။
ရန်ကုန်တိုင်းအစိုးရအဖွဲ့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဒေါက်တာထူးမောင်နှင့် တာဝန်ရှိသူများက ယင်း သင်တန်း(၂)ခုမှ လုပ်ငန်းထူထောင်မည့် သင်တန်းသား/သူ(၁၀)ဦးကို ယနေ့ ဇွန် ၃၀ ရက်နံ နက်ပိုင်းတွင် လုပ်ငန်းသုံးပစ္စည်းများကိုထောက်ပံ့ပေးခဲ့ကြခြင်းဖြစ်ကြောင်း သိရသည်။
ထို့နောက် ဝန်ကြီးနှင့် တာဝန်ရှိသူများက သင်တန်း သား/သူများကိုပေးအပ်သည့် လုပ်ငန်းသုံးပစ္စည်းများအားကြည့်ရှုခဲ့ကြကြောင်း သိရသည်။

ရန်ကုန်-ပုသိမ်ကားလမ်းပေါ်ရှိ ပန်းတိုင် စစ်ဆေးရေးဂိတ်အား အဆင့်မြှင့်တိုးချဲ့တည်ဆောက်နေ

ရန်ကုန်-ပုသိမ်ကားလမ်းပေါ်ရှိ ပန်တိုင်စစ်ဆေးရေးဂိတ်အား အဆင့်မြှင့်တိုးချဲ့ တည်ဆောက်ရေးလုပ်ငန်းများ ဆောင်ရွက်နေသည်။
ဆောင်ရွက်မှု၌ ၂၀၂၅-၂၀၂၆ ဘဏ္ဍာရေးနှစ်တွင် မြေသား ပြုပြင်ခြင်းနှင့် ဖို့မြေလုပ်ငန်းများဆောင်ရွက်ခြင်း၊ ယာဉ်များရပ်နားစစ်ဆေးခံရန် အဆောက်အဦးတည်ဆောက်ခြင်း၊ X-Ray စက်ထားရှိရန် အဆောက်အဦတည်ဆောက်ခြင်း၊ အိပ်ဆောင်၊ စားရိပ်သာနှင့်မီးဖိုဆောင် တည်ဆောက်ခြင်း၊ ရေချိုးဆောင်၊ သန့်စင်ခန်း၊ရေစင်နှင့် လုပ်ငန်းသုံး ယာယီအဆောက်အဦးများ စသည့် တည်ဆောက်ရေးလုပ်ငန်းများ ပြုလုပ်မည် ဖြစ်သည်။
ထိုသို့ဆောင်ရွက်မှုများကို ဧရာဝတီတိုင်းဒေသကြီး ဝန်ကြီးချုပ်ဦးအေးကျော်သည် ယနေ့နံနက်ပိုင်းက တာဝန်ရှိသူများနှင့်အတူ လိုက်လံကြည့်ရှုစစ်ဆေးခဲ့သည်။

BRI စီမံကိန်းများ အရှိန်မြှင့်အကောင်အထည်ဖော်ရေးနှင့် ဝန်ကြီးဌာနများအကြား ပေါင်းစပ်ညှိနှိုင်းမှု တိုးမြှင့်ရေး ဆွေးနွေး

မြန်မာနိုင်ငံ၏ အကျိုးစီးပွားဖြစ်ထွန်းစေရေးအတွက် ရပ်ဝန်းနှင့်ပိုးလမ်းမစီမံကိန်း (Belt and Road Initiative – BRI) အောက်ရှိ စီမံကိန်းများကို အရှိန်မြှင့် အကောင်အထည်ဖော်ဆောင်ရွက်ရေးနှင့် သက်ဆိုင်ရာဝန်ကြီးဌာနများအကြား ပေါင်းစပ်ညှိနှိုင်းဆောင်ရွက်မှုများ တိုးမြှင့်နိုင်ရေးကို BRI အကောင်အထည်ဖော်ဆောင်ရွက်ရေး လုပ်ငန်းကော်မတီ၏ ပထမအကြိမ် ညှိနှိုင်းအစည်းအဝေးတွင် ဆွေးနွေးခဲ့ကြကြောင်း သိရသည်။
ရပ်ဝန်းနှင့်ပိုးလမ်းမစီမံကိန်း (BRI) အကောင်အထည်ဖော်ဆောင်ရွက်ရေး လုပ်ငန်းကော်မတီ၏ ပထမအကြိမ် ညှိနှိုင်းအစည်းအဝေးကို ဇွန် ၃၀ ရက် မွန်းလွဲ ၁ နာရီတွင် နိုင်ငံခြားရေးဝန်ကြီးဌာနရှိ စတုရင်္ဂဗလခန်းမ၌ ကျင်းပခဲ့သည်။
အစည်းအဝေးတွင် လုပ်ငန်းကော်မတီဥက္ကဋ္ဌ၊ နိုင်ငံခြားရေးဝန်ကြီးဌာန ဒုတိယဝန်ကြီး ဦးကိုကိုကျော်က အဖွင့်အမှာစကား ပြောကြားခဲ့ပြီး တက်ရောက်လာသည့် လုပ်ငန်းကော်မတီအဖွဲ့ဝင်များက BRI မူဘောင်အောက်တွင် အကောင်အထည်ဖော်ဆောင်ရွက်လျက်ရှိသည့် စီမံကိန်းများ၏ လက်ရှိအခြေအနေနှင့် တိုးတက်မှုများကို ပြန်လည်သုံးသပ် ဆွေးနွေးခဲ့ကြသည်။
ထို့ပြင် မြန်မာနိုင်ငံ၏ အကျိုးစီးပွားကို ပိုမိုဖြစ်ထွန်းစေရေးအတွက် BRI ဆိုင်ရာ စီမံကိန်းများတွင် တက်ကြွစွာ ပါဝင်ဆောင်ရွက်ရေး၊ စီမံကိန်းများကို ဆက်လက်အကောင်အထည်ဖော်ရေး၊ BRI အကောင်အထည်ဖော်ဆောင်ရွက်ရေး ဦးဆောင်ကော်မတီ၏ လုပ်ငန်းများကို အထောက်အကူပြုနိုင်ရန် သက်ဆိုင်ရာဝန်ကြီးဌာနများအကြား ပေါင်းစပ်ညှိနှိုင်းဆောင်ရွက်မှု တိုးမြှင့်ရေးတို့ကို ဆွေးနွေးခဲ့ကြသည်။
ယင်းအပြင် BRI စီမံကိန်းများ အကောင်အထည်ဖော်ရာတွင် မြန်မာ-တရုတ် နှစ်နိုင်ငံအကြား အပြန်အလှန်အကျိုးဖြစ်ထွန်းစေမည့် ပူးပေါင်းဆောင်ရွက်မှုများနှင့်စပ်လျဉ်း၍ အမြင်ချင်းဖလှယ် ဆွေးနွေးခဲ့ကြကြောင်း သိရသည်။
အဆိုပါအစည်းအဝေးသို့ ဝန်ကြီးဌာန (၂၃) ခု၊ ပြည်ထောင်စုစာရင်းစစ်ချုပ်ရုံးနှင့် နေပြည်တော်ကောင်စီတို့မှ ရပ်ဝန်းနှင့်ပိုးလမ်းမစီမံကိန်း အကောင်အထည်ဖော်ဆောင်ရွက်ရေး လုပ်ငန်းကော်မတီအဖွဲ့ဝင်များ တက်ရောက်ခဲ့ကြကြောင်း သိရသည်။

ဖွင့်လှစ်နိုင်ခြင်းမရှိသည့် ကျောင်းများမှ ကျောင်းသား/သူများအား Placement Test ဖြင့် ပညာဆက်လက်သင်ယူနိုင်ရန် စီစဉ်

ဖွင့်လှစ်သင်ကြားနိုင်ခြင်းမရှိသည့် စာသင်ကျောင်းများမှ ကျောင်းသား/သူများ၏ ပညာရေးမပြတ်တောက်စေရေးအတွက် Placement Test စာမေးပွဲ ဖြေဆိုစေပြီး သက်ဆိုင်ရာအတန်းများတွင် ဆက်လက်ပညာသင်ယူနိုင်ရန် စီစဉ်ဆောင်ရွက်ပေးလျက်ရှိကြောင်း ပဲခူးတိုင်းဒေသကြီးအစိုးရအဖွဲ့က ပြောကြားသည်။
တတိယအကြိမ် ပဲခူးတိုင်းဒေသကြီးလွှတ်တော် ဒုတိယပုံမှန်အစည်းအဝေးတွင် ဇီးကုန်းမြို့နယ် မဲဆန္ဒနယ်အမှတ်(၁)မှ လွှတ်တော်ကိုယ်စားလှယ် ဦးဉာဏ်ဝင်း၏ ပညာရေးကဏ္ဍဆိုင်ရာ ကြယ်ပွင့်မပြမေးခွန်းကို ပြန်လည်ဖြေကြားရာတွင် တိုင်းဒေသကြီးအစိုးရအဖွဲ့၏ သက်ဆိုင်ရာတာဝန်ရှိသူက အထက်ပါအတိုင်း ထည့်သွင်းပြောကြားခဲ့ခြင်းဖြစ်သည်။
တာဝန်ရှိသူက ၂၀၂၁-၂၀၂၂ ပညာသင်နှစ်မှစတင်၍ အကြောင်းအမျိုးမျိုးကြောင့် ကျောင်းပြင်ပရောက်ရှိနေသည့် အခြေခံပညာကျောင်းများ၊ ကိုယ်ပိုင်/ပုဂ္ဂလိကကျောင်းများနှင့် ဘုန်းတော်ကြီးသင်ပညာရေးကျောင်းများမှ ကျောင်းနေအရွယ်ကလေးများအား အသက်အရွယ်နှင့် ကိုက်ညီသည့် အတန်းများတွင် ပြန်လည်ပညာသင်ယူနိုင်ရန် ပညာရေးဝန်ကြီးဌာန၏ လမ်းညွှန်ချက်နှင့်အညီ အထူးအစီအစဉ်တစ်ရပ်အဖြစ် ဆောင်ရွက်ပေးခဲ့ကြောင်း ပြောကြားသည်။
အဆိုပါအစီအစဉ်အရ Grade-2 မှ Grade-9 အထိ ကျောင်းသား/သူများအား ဇွန် ၁၅ ရက်မှ ဇွန် ၂၀ ရက်အထိ မြို့နယ်အသီးသီးတွင် Placement Test စာမေးပွဲများ ဖြေဆိုစေခဲ့ပြီး ဖွင့်လှစ်သင်ကြားနိုင်ခြင်းမရှိသည့် ကျောင်းများမှ ကျောင်းသား/သူများ၏ ပညာရေးခရီးစဉ်ကို ဆက်လက်သင်ယူနိုင်ရန် စီစဉ်ဆောင်ရွက်ပေးလျက်ရှိကြောင်း ပြောကြားသည်။
ထို့ပြင် ဖွင့်လှစ်သင်ကြားနိုင်ခြင်းမရှိသည့် စာသင်ကျောင်းများမှ ဆရာ/ဆရာမများအနက် လက်ရှိရာထူးတွင် လုပ်သက် (၂) နှစ်ပြည့်သူများကို အပြောင်းအရွှေ့နှင့် ရာထူးတိုးလျှောက်ထားခွင့်ပြုထားပြီး လုပ်သက်မပြည့်သေးသူများကို ဖွင့်လှစ်သင်ကြားလျက်ရှိသည့် စာသင်ကျောင်းများတွင် ယာယီတွဲဖက်တာဝန်များ ထမ်းဆောင်စေလျက်ရှိကြောင်းလည်း ရှင်းလင်းဖြေကြားခဲ့သည်။

တက္ကသိုလ်ဝင်စာမေးပွဲတွင် တစ်နိုင်ငံလုံး ဝိပ္ပံဘာသာတွဲ ပထမရရှိခဲ့သည့် မနီနီကျော်အား POPULAR PLASTIC GROUP က ဂုဏ်ပြုဆုငွေ ကျပ်သိန်း (၃၀) နှင့် လစဉ်ပညာသင်ထောက်ပံ့ကြေး ချီးမြှင့်

၂၀၂၆ ခုနှစ် တက္ကသိုလ်ဝင်စာမေးပွဲတွင် ဝိပ္ပံဘာသာတွဲဖြင့် တစ်နိုင်ငံလုံး ပထမ (The Whole Burma First) ရရှိခဲ့သည့် ရန်ကုန်တိုင်းဒေသကြီး၊ အခြေခံပညာအထက်တန်းကျောင်း (၁၄) လှိုင်သာယာ (အရှေ့) မှ ကျောင်းသူ မနီနီကျော် အား POPULAR PLASTIC GROUP က ဂုဏ်ပြုဆုငွေ ကျပ်သိန်း (၃၀) ချီးမြှင့်ပေးခဲ့ပြီး တက္ကသိုလ်ပညာ ဆက်လက်သင်ကြားနိုင်ရေးအတွက် ကျောင်းတက်ရောက်သည့် ကာလအတွင်း လစဉ်ထောက်ပံ့ကြေး ကျပ် (၂) သိန်းကိုလည်း ပံ့ပိုးပေးသွားမည်ဖြစ်ကြောင်း သိရသည်။
POPULAR PLASTIC GROUP သည် လူမှုအကျိုးပြုလုပ်ငန်း (CSR) များကို ကဏ္ဍအသီးသီးတွင် စဉ်ဆက်မပြတ် ဆောင်ရွက်လျက်ရှိပြီး ပညာရေးကဏ္ဍတွင်လည်း ဝန်ထမ်းမိသားစုများမှ ပညာထူးချွန်သည့် သားသမီးများကို ဂုဏ်ပြုချီးမြှင့်ပေးလျက်ရှိသည့်အပြင် ပြင်ပမှ ပညာထူးချွန်ပြီး ပညာဆက်လက်သင်ယူရန် အထောက်အပံ့လိုအပ်သည့် ကျောင်းသား၊ ကျောင်းသူများကိုလည်း ထောက်ပံ့ကူညီလျက်ရှိကြောင်း သိရသည်။
မနီနီကျော်သည် ၂၀၂၆ ခုနှစ် တက္ကသိုလ်ဝင်စာမေးပွဲတွင် ဘာသာရပ် (၅) ခုဂုဏ်ထူး၊ စုစုပေါင်းရမှတ် (၅၃၀) မှတ် ဖြင့် ဝိပ္ပံဘာသာတွဲ တစ်နိုင်ငံလုံး ပထမအဖြစ် အောင်မြင်ခဲ့သူဖြစ်ပြီး ယခုချီးမြှင့်မှုသည် ထူးချွန်ကျောင်းသားများကို အားပေးမြှင့်တင်ရန်နှင့် ပညာရေးဆက်လက်သင်ယူနိုင်ရေးအတွက် ရည်ရွယ်ဆောင်ရွက်ခြင်းဖြစ်ကြောင်း POPULAR PLASTIC GROUP က ထုတ်ပြန်ထားသည်။

ဖလမ်းမြို့ရှိ ပျက်စီးနေသော ဌာနဆိုင်ရာရုံး၊ အ ဆောက်အအုံများကို အမြန်ဆုံးပြန်လည်တည်ဆောက်မည်

စစ်ရေးပဋိပက္ခများဖြစ်ပေါ်ချိန်၌ ချင်းပြည်နယ်၊ ဖလမ်းမြို့ရှိ ဌာနဆိုင်ရာရုံးများနှင့် အဆောက်အအုံများကို အကြမ်းဖက်အဖွဲ့ဝင်များကဖျက်ဆီးမှုများပြုလုပ်ခဲ့ကြသဖြင့် ပျက်စီးဆုံးရှုံးမှုများစွာဖြစ်ပေါ်ခဲ့ရကြောင်း သိရသည်။
ထို့ကြောင့် တပ်မတော်က ဖလမ်းမြို့အား အပြည့်အဝပြန်လည်ထိန်းချုပ်ပြီးချိန်၌ မြို့အားပြန်လည်ထူထောင်ရေးလုပ်ငန်းများကိုဆောင်ရွက်လျက်ရှိရာ အကြမ်းဖက်အဖွဲ့ဝင်များ၏ဖျက်ဆီးမှုကြောင့် ပျက်စီးနေသည့် ဌာနဆိုင်ရာရုံးများနှင့် အဆောက်အအုံများကိုအမြန်ဆုံးပြန်လည်ပြင်ဆင်နိုင်ရေးအတွက်ဆောင်ရွက်လျက်ရှိကြောင်း သိရသည်။
ထိုသို့ ဆောင်ရွက်လျက်ရှိရာ ဇွန် ၂၉ ရက်က ပျက်စီးနေသည့် ဌာနဆိုင်ရာရုံးများ၊ အိမ်ရာများ၊ ဘာသာရေးအဆောက်အအုံများ၊ နေအိမ်များ၏ပျက်စီးမှုစာရင်းကို ဖလမ်းမြို့ ပြန်လည်ထူထောင်ရေးနှင့် ပြန်လည်တည် ဆောက်ရေးလုပ်ငန်းကော်မတီ၏ ပျက်စီးမှုစာရင်းကောက်ယူရေးဆပ်ကော်မတီဝင်များမှလိုက်လံကောက် ယူခဲ့ကြကြောင်း သိရသည်။

ဟော်မုဇ်ရေလက်ကြားအတွက် ဆက်သွယ်ရေးလမ်းကြောင်းသစ်တစ်ခု ကာတာတည်ထောင်

ဟော်မုဇ်ရေလက်ကြားမှာ တင်းမာမှုတွေ ထပ်မတိုးလာစေဖို့အတွက် ဆက်သွယ်ရေးလမ်းကြောင်းသစ်တစ်ခုကို တည်ထောင်လိုက်ပြီလို့ ကာတာနိုင်ငံခြားရေးဝန်ကြီးဌာနက ပြောကြားလိုက်ပါတယ်။
ဒီကိစ္စနဲ့ပတ်သက်ပြီး ကာတာနိုင်ငံခြားရေးဝန်ကြီးဌာနရဲ့ ပြောရေးဆိုခွင့်ရှိသူ မာဂျက် ဘင် မိုဟာမက် အယ်လ်-အန်ဆာရီ(Majed bin Mohammed Al-Ansari) က သတင်းစာရှင်းလင်းပွဲမှာ အခုလို ပြောသွားပါတယ်။
"တင်းမာမှုတွေကို ထိန်းချုပ်နိုင်ဖို့အတွက် ဆက်သွယ်ရေးလမ်းကြောင်းတစ်ခုကို တည်ထောင်ထားပြီးဖြစ်ပါတယ်။ ပြီးခဲ့တဲ့ရက်ပိုင်းတွေအတွင်းက ဖြစ်ပေါ်ခဲ့တဲ့ တင်းမာမှုတွေကို ထိန်းချုပ်ရာမှာလည်း ဒီလမ်းကြောင်းကို အသုံးပြုခဲ့ပြီးပါပြီ။ ဒီလမ်းကြောင်းဟာ အခုဆိုရင် အလုပ်လုပ်နေပြီ ဖြစ်ပါတယ်" လို့ သူက ဆိုပါတယ်။ ဒါပေမဲ့လည်း ဒီစနစ်နဲ့ ပတ်သက်တဲ့ နည်းပညာပိုင်းဆိုင်ရာ အသေးစိတ်အချက်အလက်တွေကိုတော့ သူက ထုတ်ဖော်ပြောကြားခြင်း မရှိပါဘူး။
ဒါ့အပြင် အယ်လ်-အန်ဆာရီက အီရန်နိုင်ငံအပါအဝင် ဒေသတွင်းနိုင်ငံတွေအားလုံး တင်းမာမှုတွေကို စားပွဲဝိုင်းပေါ်မှာ ပွင့်ပွင့်လင်းလင်း ဆွေးနွေးနိုင်ဖို့အတွက် ကာတာအနေနဲ့ မိတ်ဖက်နိုင်ငံတွေနဲ့အတူ ကြိုးပမ်းနေကြောင်းလည်း ထည့်သွင်းပြောကြားသွားပါတယ်။

၂၀၂၆ ခုနှစ် ပထမ (၅) လအတွင်း လာအို၏ စိုက်ပျိုးရေးထုတ်ကုန်တင်ပို့မှု အမေရိကန်ဒေါ်လာ သန်း ၇၅၀ ကျော် ရရှိ

လာအိုနိုင်ငံသည် ၂၀၂၆ ခုနှစ် ပထမငါးလအတွင်း သီးနှံနှင့် သီးနှံထွက်ပစ္စည်းများ တင်ပို့မှုမှ အမေရိကန်ဒေါ်လာ ၇၅၂ သန်း ရရှိခဲ့ပြီး ယင်းပမာဏသည် နှစ်စဉ်လျာထားချက်၏ ၆၂ ဒသမ ၆ ရာခိုင်နှုန်းနှင့် ညီမျှကြောင်း လာအိုစိုက်ပျိုးရေးနှင့် သဘာဝပတ်ဝန်းကျင်ဝန်ကြီးဌာန၏ ထုတ်ပြန်ချက်ကို ကိုးကား၍ Vientiane Mai သတင်းစာက ဖော်ပြခဲ့သည်။
လာအိုစိုက်ပျိုးရေးနှင့် သဘာဝပတ်ဝန်းကျင်ဝန်ကြီးဌာနသည် စားနပ်ရိက္ခာဖူလုံရေးကို ခိုင်မာစေရန်နှင့် ပို့ကုန်ဦးတည်သည့် ကုန်စည်ထုတ်လုပ်မှု မြှင့်တင်ရန် ဦးစားပေးဆောင်ရွက်လျက်ရှိကြောင်း သိရသည်။
အဓိကတင်ပို့သည့် သီးနှံထွက်ကုန်များတွင် ငှက်ပျောသီး၊ ပီလောပီနံခြောက်၊ ဖရဲသီး၊ ပီ လောပီနံမှုန့်နှင့် ကော်ဖီတို့ ပါဝင်ကြောင်း ဖော်ပြထားသည်။
ထို့ပြင် မွေးမြူရေးနှင့် မွေးမြူရေးထွက်ပစ္စည်းများ တင်ပို့မှုမှ အမေရိကန်ဒေါ်လာ ၈၁ ဒသမ ၂၁ သန်း ရရှိခဲ့ပြီး ၂၀၂၆ ခုနှစ် လျာထားချက်၏ ၄၀ ဒသမ ၆ ရာခိုင်နှုန်း ပြည့်မီခဲ့ကြောင်း သိရသည်။ သစ်နှင့် သစ်ထွက်ပစ္စည်းများအပြင် သစ်မဟုတ်သော သစ်တောထွက်ပစ္စည်းများ တင်ပို့မှုမှလည်း အမေရိကန်ဒေါ်လာ ၁၅၈ ဒသမ ၆၄ သန်း ရရှိခဲ့ပြီး လျာထားချက်၏ ၃၁ ဒသမ ၇ ရာခိုင်နှုန်း ပြည့်မီခဲ့သည်။
ဝန်ကြီးဌာန၏ အရေးပါသော အောင်မြင်မှုတစ်ရပ်အဖြစ် လာအိုနိုင်ငံသည် အိမ်နီးချင်းနိုင်ငံများသို့ စိုက်ပျိုးရေးနှင့် မွေးမြူရေးထွက်ကုန်အမျိုးအစား ၈၄ မျိုး တင်ပို့ခွင့်ရရှိထားပြီး ပို့ကုန်ဈေးကွက်များကို တိုးချဲ့နိုင်ခဲ့ကြောင်း သိရသည်။
စားနပ်ရိက္ခာဖူလုံရေးကို ပံ့ပိုးရန်နှင့် ထုတ်လုပ်မှုစွမ်းရည် တိုးမြှင့်ရန်အတွက် ဝန်ကြီးဌာနသည် ခြောက်သွေ့ရာသီတွင် စားသုံးသီးနှံနှင့် စီးပွားဖြစ်သီးနှံများ ပိုမိုစိုက်ပျိုးရေးကို အားပေးလျက်ရှိပြီး အထူးသဖြင့် ဆန်စပါး၊ ပဲမျိုးစုံနှင့် ဟင်းသီးဟင်းရွက်များ စိုက်ပျိုးရေးကို ဦးစားပေးဆောင်ရွက်လျက်ရှိသည်။
ထို့အပြင် စိုက်ပျိုးထုတ်လုပ်ရေးအဖွဲ့များနှင့် သမဝါယမအသင်းများ ဖွံ့ဖြိုးတိုးတက်စေရေး၊ ခေတ်မီနည်းပညာများ အသုံးပြုရေးနှင့် သန့်ရှင်းသော စိုက်ပျိုးရေးနည်းလမ်းများ ကျင့်သုံးရေးတို့ကိုလည်း အားပေးမြှင့်တင်လျက်ရှိကြောင်း သိရသည်။
ကုန်ပစ္စည်းအရည်အသွေး မြှင့်တင်ရန်နှင့် ပို့ကုန်စံချိန်စံညွှန်းများနှင့် ကိုက်ညီစေရန် ဝန်ကြီးဌာနသည် ခေတ်မီနည်းပညာများနှင့် သန့်ရှင်းသော စိုက်ပျိုးရေးလုပ်ထုံးလုပ်နည်းများ အသုံးပြုရေးကို ဆက်လက်မြှင့်တင်လျက်ရှိသည်။
ကုန်သွယ်မှုကို ပိုမိုလွယ်ကူချောမွေ့စေရန် လာအိုနိုင်ငံသည် စိုက်ပျိုးရေးထွက်ကုန်များအတွက် တင်သွင်း၊ တင်ပို့ခွင့်ပြုချက်နှင့် စောင့်ကြည့်ကြပ်မတ်ရေးစနစ်တစ်ရပ်ကို ဖော်ဆောင်လျက်ရှိပြီး ယင်းစနစ်သည် ကုန်သွယ်မှုလုပ်ငန်းစဉ်များ ပိုမိုထိရောက်စေရန်နှင့် ရေရှည်တည်တံ့သော စိုက်ပျိုးရေးဖွံ့ဖြိုးတိုးတက်မှုကို မြှင့်တင်နိုင်ရန် ရည်ရွယ်ထားကြောင်း သိရသည်။

ဟော်မုဇ်ရေလက်ကြား ဖြတ်သန်းခ ပေးရမှာ မဟုတ်ဘူးလို့ ဗန့်စ်ပြော

ဟော်မုဇ် ရေလက်ကြားကနေ ဖြတ်သန်းသွားလာတဲ့အခါ ဘာဖြတ်သန်းခမှ ကောက်ခံမှာ မဟုတ်ဘူးလို့ အမေရိကန် ဒုတိယသမ္မတ ဂျေဒီဗန့်စ်က ပြောပါတယ်။
သတင်းထောက် မိုက်ကယ်နိုးလ်စ်(Michael Knowles) နဲ့ လုပ်ခဲ့တဲ့ အင်တာဗျူးတစ်ခုမှာ သူက "ကျွန်တော့်အနေနဲ့ ဒီနေရာမှာ ရှင်းရှင်းလင်းလင်း ပြောချင်ပါတယ်။ ဟော်မုဇ် ရေလက်ကြားကို ဖြတ်သွားတဲ့ သင်္ဘောတွေဆီကနေ အီရန်တွေ ဖြတ်သန်းခ ကောက်လို့ရမယ့် အခြေအနေမျိုးနဲ့ အဆုံးသတ်သွားမှာ မဟုတ်ပါဘူး" လို့ ပြောခဲ့ပါတယ်။
ဗန့်စ်ရဲ့ အဆိုအရတော့ အမေရိကန်ပြည်ထောင်စုအနေနဲ့ အီရန်အပေါ်မှာ "ဖိအားပေးနိုင်တဲ့ အချက်တွေ" အများကြီး ရှိနေသေးတာကြောင့် အီရန်နဲ့ ဖြစ်နေတဲ့ အခြေအနေတွေဟာ "အမေရိကန်ရဲ့ ရည်မှန်းချက်တွေအတွက် အကျိုးရှိမယ့် အနေအထားတစ်ခု" မှာပဲ အဆုံးသတ်သွားလိမ့်မယ်လို့ ဆိုပါတယ်။
အစောပိုင်းတုန်းကတော့ အိုမန်နိုင်ငံဟာ ဟော်မုဇ် ရေလက်ကြားကို ဖြတ်သန်းသွားလာတဲ့ သင်္ဘောတွေဆီကနေ ဖြတ်သန်းခ ကောက်ခံဖို့ အမေရိကန်နဲ့ တခြား အနောက်နိုင်ငံတွေဆီ တရားဝင် အဆိုပြုလွှာ တင်သွင်းခဲ့တယ်လို့ The New York Times သတင်းစာက ဖော်ပြခဲ့ပါသေးတယ်။