အိန္ဒိယ ပန်ဂျပ်ပြည်နယ်မှာ ကျေးရွာ ၁၄၀၀ ကျော်ရေဘေးသင့်လို့ လူ ၃၀ သေ
ဒေလီ၊ စက်တင်ဘာ-၃-၂၀၂၅

အိန္ဒိယနိုင်ငံမြောက်ပိုင်း ပန်ဂျပ်ပြည်နယ်မှာ မိုးသည်းထန်စွာရွာသွန်းမှုတွေနဲ့ ရေကြီးမှုတွေကြောင့် လူ ၃၀ ထက်မနည်းသေဆုံးပြီး သုံးသိန်းငါးသောင်းကျော် ရေဘေးသင့်နေတယ်လို့ တာဝန်ရှိသူတွေက ပြောပါတယ်။
မြစ်တွေနဲ့ ရေလှောင်ကန်တွေရဲ့ ရေမျက်နှာပြင်က အန္တရာယ်ရှိအဆင့်နီးပါးထိ မြင့်တက်လာတဲ့အတွက် ပြည်နယ်အတွင်းက ခရိုင် ၂၃ ခုလုံးကို ရေကြီးဒဏ်သင့်ဒေသအဖြစ် အာဏာပိုင်တွေက ကြေညာထားပါတယ်။ ကျေးရွာပေါင်း ၁၄၀၀ မှာ ရေကြီးရေလျှံမှု‌တွေ ဆက်လက်ဖြစ်ပွားနေပါတယ်။
မြေနိမ့်ပိုင်းနဲ့ ရေဘေးဒဏ်သင့်ဒေသတွေကနေ နှစ်သောင်း ခန့်ကို ရွှေ့ပြောင်းပေးခဲ့ပြီး ဒုက္ခရောက်နေတဲ့ မိသားစုတွေအတွက် ခိုလှုံရန်နေရာနဲ့ အခြေခံလိုအပ်ချက်တွေ ဖြည့်ဆည်းပေးဖို့ ကယ်ဆယ်ရေးစခန်းရာနဲ့ချီ ဖွင့်လှစ်ထားပါတယ်။
ပြည်နယ်အတွက် အရေးပေါ်အကူအညီတွေ တောင်းခံထားတယ်လို့ ပန်ဂျပ်ဝန်ကြီးချုပ် ကပြောပါတယ်။ ဒါဟာ ၁၉၈၈ ခုနှစ်ကတည်းက ပြည်နယ်မှာကြုံတွေ့ဖူးတဲ့ အဆိုးရွားဆုံးရေကြီးမှုတွေလို့ ဆိုပါတယ်။ ပန်ဂျပ်ပြည်နယ်ကို အိန္ဒိယရဲ့ ရိက္ခာကျီလို့ လို့ အမြဲတမ်းခေါ်ဝေါ်ကြပြီး ဂျုံနဲ့ ဆန်လိုမျိုး အဓိကစားသုံးကုန်တွေအတွက် အဓိကထုတ်လုပ်ရာဒေသဖြစ်ပါတယ်။
ရေနစ်မြုပ်နေတဲ့ စိုက်ပျိုးမြေ ဟက်တာ တသိန်းခွဲနီးပါး သီးနှံပျက်စီးမှုတွေ အကြီးအကျယ်ရှိတယ်လို့ အစိုးရက ဆိုပါတယ်။ပန်ဂျပ်ရဲ့ လူဦးရေ ၃၀ သန်းထဲက လေးပုံတပုံဟာ စိုက်ပျိုးရေးပေါ်မှီခိုနေရတာကြောင့် ကျေးလက်ဒေသက လူတွေရဲ့ အသက်မွေးဝမ်းကြောင်းအပေါ် သက်ရောက်မှုတွေရှိနေပါတယ်။
သည်းထန်စွာရွာသွန်းတဲ့မိုးကြောင့် ပြည်နယ်အတွင်းက Sutlej၊ Beas နဲ့ Ravi မြစ်တွေရဲ့ ရေမျက်နှာပြင်က အန္တရာယ်ရှိအဆင့်ထိ မြင့်တက်လာပြီး မြေနိမ့်ပိုင်းဒေသအတွက် စိုးရိမ်စရာဖြစ်နေပါတယ်။ ရေလှောင်ကန်အများအပြားကလည်း ပြည့်လုနီးပါးရှိနေတယ်လို့ သတင်းတွေကဆိုပါတယ်။
ကယ်ဆယ်ရေးလုပ်ငန်းတွေမှာ ကူညီဖို့ အိန္ဒိယတပ်မတော်၊ လေတပ်၊ ရေတပ်တို့နဲ့အတူ ကပ်ဘေးတုံ့ပြန်ရေးအဖွဲ့ပေါင်းများစွာ ပါဝင်နေပါတယ်။ ရဟတ်ယာဉ် ၃၅ စီးနဲ့ စက်လှေပေါင်း ၁၀၀ ကျော်ကို စေလွှတ်ထားပါတယ်။
အိန္ဒိယနယ်စပ်တလျှောက်ရေကြီးမှုတွေဟာ ပါကစ္စတန်ရဲ့ ပန်ဂျပ်ပြည်နယ်ကိုလည်း ထိခိုက်စေပြီး လွန်ခဲ့တဲ့သီတင်းပတ်အနည်းငယ်အတွင်းမှာ လူဦးရေ နှစ်သန်း ရေဘေးသင့်ခဲ့ပါတယ်။

"ဂါဗီလား ဗီတင်ညာလားနဲ့ အချိန်တွေကုန်မနေပါနဲ့ဗျာ ။ လက်ရှိမှာ ဗီတင်ညာကို မီတဲ့ ကွင်းလယ်လူ မရှိပါဘူး"
Luis Figo

၂၀၀၅ ခုနှစ်တုန်းက အီသီယိုးပီးယားနိုင်ငံမှာ အသက် ၁၂ နှစ်အရွယ် မိန်းကလေးတစ်ဦးဟာ စာသင်ကျောင်းကနေ အိမ်အပြန်လမ်းမှာ အမျိုးသား ၇ ဦးရဲ့ ဖမ်းဆီးပြန်ပေးဆွဲခြင်းကိုခံခဲ့ရပါတယ် အီသီယိုးပီးယားနိုင်ငံရဲ့ အချို့ဒေသတွေမှာ မိန်းကလေးတွေကို ပြန်ပေးဆွဲပြီး မလိုချင်ဘဲ အတင်းအဓမ္မလက်ထပ်ခိုင်းတာမျိုးတွေ ရှိပါတယ် ဒီအမျိုးသားတွေကလည်း အဲဒီလိုဘဲပြုလုပ်ဖို့ ရည်ရွယ်ခဲ့ကြတာဖြစ်ပြီး မိန်းကလေးကို တစ်ပတ်ကြာအောင် ဖမ်းဆီးထားကာ ရိုက်နှက်နှိပ်စက်ခဲ့ကြပါတယ်
ဒီအဖြစ်အပျက်ဟာ တောအုပ်နားက လမ်းမတစ်ခုပေါ်မှာ ဖြစ်ပျက်ခဲ့တာပါ သူတို့ရိုက်နှက်နေတဲ့အချိန် ပုံပြင်ထဲကအတိုင်း ခြင်္သေ့ ၃ ကောင် ပေါ်လာပြီး ပြန်ပေးဆွဲသူတွေကို ရန်ပြုကာ လိုက်လံမောင်းထုတ်လိုက်ပါတယ် ထူးဆန်းတာက ခြင်္သေ့တွေဟာ အဲ့ဒီမိန်းကလေးကို ဘာမှအန္တရာယ်မပြုဘဲ ဘေးကနေ စောင့်ကြည့်ပေးခဲ့ကြပြီး နေ့တစ်ဝက်လောက်အထိ အဖော်ပြုနေပေးခဲ့ပါတယ် ရဲတွေနဲ့ မိသားစုတွေ ရောက်လာချိန်မှာတော့ ခြင်္သေ့တွေဟာ တောနက်ထဲကို ပြန်ဝင်သွားကြပါတယ်
ဒီဖြစ်ရပ်က လူတိုင်းကို အံ့အားသင့်စေခဲ့ပါတယ် ဘာဖြစ်လို့လဲဆိုတော့ ခြင်္သေ့တွေဟာ လူကို အလွယ်တကူ တိုက်ခိုက်လေ့ရှိပေမဲ့ ဒီကလေးမလေးကိုတော့ လုံးဝရန်မူခြင်းမရှိခဲ့ပါဘူး တောရိုင်းတိရစ္ဆာန်ကျွမ်းကျင်သူတွေကတော့ မိန်းကလေးရဲ့ငိုသံဟာ ခြင်္သေ့ပေါက်လေးရဲ့ငိုသံနဲ့ ဆင်တူနေနိုင်ပြီး ဒါကြောင့်ဘဲ ခြင်္သေ့တွေက သူမကို တိုက်ခိုက်မယ့်အစား ကူညီကယ်ဆယ်ခဲ့တာဖြစ်နိုင်တယ်လို့ ယူဆကြပါတယ် ဒါကြောင့် ဒီဖြစ်ရပ်ကို ခြေင်္သေ့က လူကို ကူညီပေးခဲ့တဲ့အတွက် အံ့ဖွယ်ဖြစ်ရပ်တစ်ခုအဖြစ် သတ်မှတ်ထားကြပါတယ်

နေ့စဉ်မိုးလေဝသသတင်း
==============
(၂၀၂၅ ခုနှစ်၊ စက်တင်ဘာလ ၃ ရက်နေ့ ညနေ ၄:၀၀ နာရီအချိန် ထုတ်ပြန်ချက်)
--------------------------------------------------------------------------
ဘင်္ဂလားပင်လယ်အော်အ‌ခြေအနေ။ ယနေ့မြန်မာစံတော်ချိန် ၁၅:၃၀ နာရီအချိန် တိုင်းထွာချက်များအရ ဘင်္ဂလား ပင်လယ်အော် အနောက်မြောက်ပိုင်းတွင် ဖြစ်ပေါ်နေသော အားကောင်းသောလေဖိအားနည်းရပ်ဝန်း(Well Marked Low Pressure Area) သည် ဘင်္ဂလားပင်လယ်အော်အနောက်မြောက်ပိုင်း(အိန္ဒိယနိုင်ငံ၊ ဩရိဿပြည်နယ် မြောက်ပိုင်းကမ်းလွန်) သို့ ရောက်ရှိခဲ့ပါသည်။ အဆိုပါ အားကောင်းသောလေဖိအားနည်းရပ်ဝန်းသည် အနောက်- အနောက်မြောက်ဘက်သို့ ရွေ့လျားနိုင်ပြီး၊ နောက် ၂၄ နာရီအတွင်း အိန္ဒိယနိုင်ငံ၊ ဩရိဿပြည်နယ်၊ ယင်းနှင့် ဆက်စပ်လျက်ရှိသော ဂျက်ခမ်းပြည်နယ်နှင့် ချက်တစ်ဂတ်ပြည်နယ်မြောက်ပိုင်းကို ဖြတ်ကျော်နိုင်သည်ဟု ခန့်မှန်း ရပါသည်။ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံလေ အားကောင်းနေပါသည်။
မနက်ဖြန်နံနက်အထိခန့်မှန်းချက်။ မန္တလေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ကယားပြည်နယ် နှင့် ရှမ်းပြည်နယ်(မြောက်ပိုင်း)တို့တွင် နေရာကျဲကျဲ၊ နေပြည်တော်၊ မကွေးတိုင်းဒေသကြီး၊ ကချင်ပြည်နယ်နှင့် ရှမ်းပြည်နယ်(အရှေ့ပိုင်း)တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။
မိုးတိမ်တောင်ဖြစ်ပေါ်မှုအခြေအနေ။ နေပြည်တော်၊ မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်း တိုင်းဒေသကြီးအထက်ပိုင်း၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် မိုးတိမ်တောင်များ ဖြစ်ထွန်းမှု အားကောင်းလျက်ရှိပြီး၊ အဆိုပါ မိုးတိမ်တောင်များ ရွေ့လျားရာနေရာတစ်လျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်း ခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုအပ်ပါသည်။
မြန်မာ့ပင်လယ်ပြင်။ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက် လေပြင်းများကျရောက်ပြီး လှိုင်းကြီးနိုင်ပါသည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် မိုင် ၃၀ အထိ တိုက်ခတ်နိုင်ပါသည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင် တို့တွင် ၉ ပေမှ ၁၁ ပေခန့် ရှိနိုင်ပါသည်။
နောက် ၂ ရက်အတွက်ခန့်မှန်းချက်။ မုတ်သုံလေ အားအသင့်အတင့်ရှိမည်။
နေပြည်တော်နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။ နေရာကွက်ကျား မိုးထစ်ချုန်းရွာ မည်။ ရွာရန်ရာနှုန်းပြည့် ဖြစ်ပါသည်။
ရန်ကုန်မြို့နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။ မိုးတစ်ကြိမ်၊ နှစ်ကြိမ် ထစ်ချုန်းရွာ မည်။ ရွာရန်ရာနှုန်းပြည့် ဖြစ်ပါသည်။
မန္တလေးမြို့နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။ နေရာကွက်ကျား မိုးထစ်ချုန်းရွာ မည်။ ရွာရန်ရာနှုန်းပြည့် ဖြစ်ပါသည်။

နေ့စဉ်မိုးလေဝသသတင်း
==============
(၂၀၂၅ ခုနှစ်၊ စက်တင်ဘာလ ၃ ရက်နေ့ ညနေ ၄:၀၀ နာရီအချိန် ထုတ်ပြန်ချက်)
--------------------------------------------------------------------------
ဘင်္ဂလားပင်လယ်အော်အ‌ခြေအနေ။ ယနေ့မြန်မာစံတော်ချိန် ၁၅:၃၀ နာရီအချိန် တိုင်းထွာချက်များအရ ဘင်္ဂလား ပင်လယ်အော် အနောက်မြောက်ပိုင်းတွင် ဖြစ်ပေါ်နေသော အားကောင်းသောလေဖိအားနည်းရပ်ဝန်း(Well Marked Low Pressure Area) သည် ဘင်္ဂလားပင်လယ်အော်အနောက်မြောက်ပိုင်း(အိန္ဒိယနိုင်ငံ၊ ဩရိဿပြည်နယ် မြောက်ပိုင်းကမ်းလွန်) သို့ ရောက်ရှိခဲ့ပါသည်။ အဆိုပါ အားကောင်းသောလေဖိအားနည်းရပ်ဝန်းသည် အနောက်- အနောက်မြောက်ဘက်သို့ ရွေ့လျားနိုင်ပြီး၊ နောက် ၂၄ နာရီအတွင်း အိန္ဒိယနိုင်ငံ၊ ဩရိဿပြည်နယ်၊ ယင်းနှင့် ဆက်စပ်လျက်ရှိသော ဂျက်ခမ်းပြည်နယ်နှင့် ချက်တစ်ဂတ်ပြည်နယ်မြောက်ပိုင်းကို ဖြတ်ကျော်နိုင်သည်ဟု ခန့်မှန်း ရပါသည်။ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံလေ အားကောင်းနေပါသည်။
မနက်ဖြန်နံနက်အထိခန့်မှန်းချက်။ မန္တလေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ကယားပြည်နယ် နှင့် ရှမ်းပြည်နယ်(မြောက်ပိုင်း)တို့တွင် နေရာကျဲကျဲ၊ နေပြည်တော်၊ မကွေးတိုင်းဒေသကြီး၊ ကချင်ပြည်နယ်နှင့် ရှမ်းပြည်နယ်(အရှေ့ပိုင်း)တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။
မိုးတိမ်တောင်ဖြစ်ပေါ်မှုအခြေအနေ။ နေပြည်တော်၊ မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်း တိုင်းဒေသကြီးအထက်ပိုင်း၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် မိုးတိမ်တောင်များ ဖြစ်ထွန်းမှု အားကောင်းလျက်ရှိပြီး၊ အဆိုပါ မိုးတိမ်တောင်များ ရွေ့လျားရာနေရာတစ်လျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်း ခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုအပ်ပါသည်။
မြန်မာ့ပင်လယ်ပြင်။ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက် လေပြင်းများကျရောက်ပြီး လှိုင်းကြီးနိုင်ပါသည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် မိုင် ၃၀ အထိ တိုက်ခတ်နိုင်ပါသည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင် တို့တွင် ၉ ပေမှ ၁၁ ပေခန့် ရှိနိုင်ပါသည်။
နောက် ၂ ရက်အတွက်ခန့်မှန်းချက်။ မုတ်သုံလေ အားအသင့်အတင့်ရှိမည်။
နေပြည်တော်နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။ နေရာကွက်ကျား မိုးထစ်ချုန်းရွာ မည်။ ရွာရန်ရာနှုန်းပြည့် ဖြစ်ပါသည်။
ရန်ကုန်မြို့နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။ မိုးတစ်ကြိမ်၊ နှစ်ကြိမ် ထစ်ချုန်းရွာ မည်။ ရွာရန်ရာနှုန်းပြည့် ဖြစ်ပါသည်။
မန္တလေးမြို့နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။ နေရာကွက်ကျား မိုးထစ်ချုန်းရွာ မည်။ ရွာရန်ရာနှုန်းပြည့် ဖြစ်ပါသည်။

နေ့စဉ်မိုးလေဝသသတင်း
==============
(၂၀၂၅ ခုနှစ်၊ စက်တင်ဘာလ ၃ ရက်နေ့ ညနေ ၄:၀၀ နာရီအချိန် ထုတ်ပြန်ချက်)
--------------------------------------------------------------------------
ဘင်္ဂလားပင်လယ်အော်အ‌ခြေအနေ။ ယနေ့မြန်မာစံတော်ချိန် ၁၅:၃၀ နာရီအချိန် တိုင်းထွာချက်များအရ ဘင်္ဂလား ပင်လယ်အော် အနောက်မြောက်ပိုင်းတွင် ဖြစ်ပေါ်နေသော အားကောင်းသောလေဖိအားနည်းရပ်ဝန်း(Well Marked Low Pressure Area) သည် ဘင်္ဂလားပင်လယ်အော်အနောက်မြောက်ပိုင်း(အိန္ဒိယနိုင်ငံ၊ ဩရိဿပြည်နယ် မြောက်ပိုင်းကမ်းလွန်) သို့ ရောက်ရှိခဲ့ပါသည်။ အဆိုပါ အားကောင်းသောလေဖိအားနည်းရပ်ဝန်းသည် အနောက်- အနောက်မြောက်ဘက်သို့ ရွေ့လျားနိုင်ပြီး၊ နောက် ၂၄ နာရီအတွင်း အိန္ဒိယနိုင်ငံ၊ ဩရိဿပြည်နယ်၊ ယင်းနှင့် ဆက်စပ်လျက်ရှိသော ဂျက်ခမ်းပြည်နယ်နှင့် ချက်တစ်ဂတ်ပြည်နယ်မြောက်ပိုင်းကို ဖြတ်ကျော်နိုင်သည်ဟု ခန့်မှန်း ရပါသည်။ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံလေ အားကောင်းနေပါသည်။
မနက်ဖြန်နံနက်အထိခန့်မှန်းချက်။ မန္တလေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ကယားပြည်နယ် နှင့် ရှမ်းပြည်နယ်(မြောက်ပိုင်း)တို့တွင် နေရာကျဲကျဲ၊ နေပြည်တော်၊ မကွေးတိုင်းဒေသကြီး၊ ကချင်ပြည်နယ်နှင့် ရှမ်းပြည်နယ်(အရှေ့ပိုင်း)တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။
မိုးတိမ်တောင်ဖြစ်ပေါ်မှုအခြေအနေ။ နေပြည်တော်၊ မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်း တိုင်းဒေသကြီးအထက်ပိုင်း၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် မိုးတိမ်တောင်များ ဖြစ်ထွန်းမှု အားကောင်းလျက်ရှိပြီး၊ အဆိုပါ မိုးတိမ်တောင်များ ရွေ့လျားရာနေရာတစ်လျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်း ခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုအပ်ပါသည်။
မြန်မာ့ပင်လယ်ပြင်။ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက် လေပြင်းများကျရောက်ပြီး လှိုင်းကြီးနိုင်ပါသည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် မိုင် ၃၀ အထိ တိုက်ခတ်နိုင်ပါသည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင် တို့တွင် ၉ ပေမှ ၁၁ ပေခန့် ရှိနိုင်ပါသည်။
နောက် ၂ ရက်အတွက်ခန့်မှန်းချက်။ မုတ်သုံလေ အားအသင့်အတင့်ရှိမည်။
နေပြည်တော်နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။ နေရာကွက်ကျား မိုးထစ်ချုန်းရွာ မည်။ ရွာရန်ရာနှုန်းပြည့် ဖြစ်ပါသည်။
ရန်ကုန်မြို့နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။ မိုးတစ်ကြိမ်၊ နှစ်ကြိမ် ထစ်ချုန်းရွာ မည်။ ရွာရန်ရာနှုန်းပြည့် ဖြစ်ပါသည်။
မန္တလေးမြို့နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။ နေရာကွက်ကျား မိုးထစ်ချုန်းရွာ မည်။ ရွာရန်ရာနှုန်းပြည့် ဖြစ်ပါသည်။

အခွံတစ်ခုပဲ..... တစ်ကိုယ်လုံး ပေါ့ပါးသွားတယ်။
မနက်နိုးလာတဲ့အခါ ဗိုက်ပြည့်တင်းနေသလို ခံစားရပြီး၊ အသက်ရှူရတာ မဝဘူး၊ လည်ချောင်းခြောက်ပြီး ရင်ထဲမှာ လေတွေပိတ်နေသလို ခံစားနေရရင် ဘာမှအများကြီး လုပ်စရာမလိုပါဘူး။ အိမ်နောက်ဖေးကို လမ်းလျှောက်သွားပြီး ရှောက်ဘီးလူးသီးတစ်လုံးယူလိုက်ပါ။ အခွံပါးပါးလေးခွာပြီး ရေနွေးထဲ ထည့်စိမ်လိုက်ရုံနဲ့ မွှေးရနံ့လေး ထွက်လာပါလိမ့်မယ်။
အဖွားပြောတာကတော့.......
ဒီလိုမွှေးတာ အနံ့သက်သက် မဟုတ်ဘူးတဲ့။ ဒါဟာ ကျွန်တော်တို့ ခန္ဓာကိုယ် သက်သောင့်သက်သာ ဖြစ်တော့မယ်ဆိုတဲ့ လက္ခဏာပဲတဲ့။
အခွံတစ်ခုတည်းနဲ့ ဗိုက်ထဲက လေတွေထွက်သွားပြီး ဗိုက်ပေါ့သွားသလို ခံစားရပါလိမ့်မယ်။ အသက်ရှူလို့ ကောင်းလာပြီး လည်ချောင်းမခြောက်တော့ပါဘူး။ သလိပ်တွေလည်း ပျော်ဝင်သွားပါလိမ့်မယ်။ ပျို့အန်တာ၊ မူးဝေတာတွေလည်း ဘာမှ ထပ်မစားဘဲ သက်သာလာပါလိမ့်မယ်။ ပါးစပ်နံ့၊ ကိုယ်နံ့တွေလည်း လျော့ပါးသွားပါလိမ့်မယ်။ မအိပ်ခင် နွေးနွေးလေး သောက်လိုက်ရင် အိပ်ပျော်လွယ်ပြီး အိပ်လို့ပျော်မယ့်ပုံစံ အိပ်ယာထဲမှာ လူးလှိမ့်ပြီး ရှာနေစရာ မလိုတော့ပါဘူး။
ရှောက်နူသီးတစ်လုံးတည်းပဲ၊ ဘာမှ အများကြီးပြင်ဆင်စရာ မလိုပါဘူး။ အခွံကို ရေနွေးထဲစိမ်ပြီး ဖြည်းဖြည်းချင်း သောက်လိုက်ရုံနဲ့ စိတ်ကပါ လိုက်ပါပြီး ပြေလျော့သွားပါလိမ့်မယ်။
ကောင်းတဲ့အရာတွေက တခါတလေ ရှာဖွေနေစရာ မလိုပါဘူး။ ပတ်ဝန်းကျင်ကို ကြည့်ပြီး ရည်ရွယ်ချက်ရှိရှိ ယူသုံးလိုက်ရုံပါပဲ။
တန်ဖိုးရှိတဲ့အရာတွေက တခါတလေ အဝေးကြီးမှာ ရှာနေစရာ မလိုပါဘူး။ ပတ်ဝန်းကျင်ကို ကြည့်ပြီး ရည်ရွယ်ချက်ရှိရှိ ကိုယ့်လက်ထဲကအရာကို အသုံးချလိုက်ရုံပါပဲ။

📢 မျက်စိအတွင်းတိမ်ဖြစ်ရခြင်း၏ အဓိကအကြောင်းရင်းများ
အတွင်းတိမ်ဆိုသည်မှာ မျက်စိအတွင်းရှိ မှန်ဘီလူး(Lens)ကို တိမ်ဖုံးစေသော မျက်စိရောဂါ တစ်မျိုးဖြစ်ပါတယ်။ အတွင်းတိမ်ဖြစ်နေသော သူသည် မြူနှင်းကျနေသော ပြတင်းပေါက်မှာ တစ်ဆင့် ကြည့်နေရသကဲ့သို့ ခံစားရတယ်။
အတွင်းတိမ် အများစုက တဖြည်းဖြည်း စဖြစ်လာပြီး အစပိုင်းအခြေ အနေတွင် ဒုက္ခမပေးပါ။ သို့သော် အချိန်ကြာလာတာနဲ့အမျှ အတွင်းတိမ်သည် မြင်ကွင်းကို နှောင့်ယှက်လာနိုင်ပါတယ်။ ကားမောင်း၊ စာဖတ်နဲ့ နေ့စဉ်လုပ်ငန်းများ လုပ်ဆောင်ရာတွင် အခက်အခဲများဖြစ်လာ စေတယ်။
အတွင်းတိမ်သည် မျက်လုံးတစ်ဖက်တည်း သို့မဟုတ် နှစ်ဖက်လုံးတွင် ဖြစ်နိုင်ပါတယ်။ ဒါပေမဲ့ မျက်လုံး တစ်ဖက်ကနေ အခြားတစ်ဖက်ကိုတော့ မကူးနိုင်ပါ။ လက္ခဏာအချို့ကို အောက်မှာဖော်ပြထားပါတယ်။
အမြင်မှုန်ဝါးခြင်း
အရောင်များ မှိန်သွားသလိုထင်ရခြင်း
ကားရှေ့မီး၊ နေရာင် သို့မဟုတ် မီးလုံးများကိုကြည့်လျှင် စူးရှတောက်ပသော အလင်းကို ခံစားရခြင်း။ ထိုအလင်းရောင်များ၏ ပတ်လည်တွင် အကွင်းတစ်ခုကို မြင်နေရသလို ခံစားရခြင်း။
ပုံရိပ်နှစ်ထပ်မြင်နေရခြင်း
ညဖက်ကောင်းစွာ မမြင်ရခြင်း
မျက်မှန် ပါဝါ မကြာခဏပြောင်းနေခြင်း
အတွင်းတိမ် အများစု၏ ဖြစ်ပွားမှုအကြောင်းရင်းမှာ အသက်ကြီးလာခြင်း သို့မဟုတ် မျက်လုံးတစ်ရှူးများ ပြောင်းလဲမှုကိုဖြစ်သော ထိခိုက်ဒဏ်ရာရခြင်း တို့ကြောင့်ဖြစ်ပါတယ်။ အသက်ကြီးလို့ဖြစ်တဲ့ အတွင်းတိမ်(၂)မျိုး ရှိပါတယ်။
ပထမတစ်မျိုးက ပရိုတင်း အစုအဝေးများ မျက်လုံးတွင်းရှိ မှန်ဘီလူးတွင် စုပုံလာကာ ပုံရိပ်ကြည်လင် ပြတ်သားမှုကို အားနည်းလာစေတယ်။
ဒုတိယတစ်မျိုးက ကြည်လင်နေတဲ့ မှန်ဘီလူးသည် တဖြည်းဖြည်းအရောင်ပြောင်းပြီး ဝါညိုရောင်သန်းလာတယ်။ ဒါကြောင့် ပုံရိပ်များသည် ဝါညိုရောင်သန်းလာခြင်း ဖြစ်တယ်။
မျက်လုံးမှန်ဘီလူးသည် ရေ၊ ပရိုတင်းနဲ့ အများဆုံး ပြုလုပ်ထားတယ်။ အသက်အရွယ်နဲ့ လိုက်ပြီး မှန်ဘီလူးက ပိုမိုထူလာကာ ပျော့ပျောင်းမှု အားနည်းလာတယ်။ ထိုကနေ ပရိုတင်းအစုအဝေးဖြစ် လာပြီး မျက်လုံးအတွင်း နောက်ဖက်မှာရှိတဲ့ အလင်းအာရုံခံအလွှာ Retina ဆီကို အလင်းရောက်တာ ကိုကြားဝင်တားဆီးတယ်။ ဒါကြောင့် အမြင်အာရုံဝေဝါးပြီး မှုန်လာတယ်။
မှန်ဘီလူးအရောင်ပြောင်းခြင်းဟာ ဝါညိုရောင်ဖျော့ ကနေစပြီး တဖြည်းဖြည်းနဲ့ ပိုဆိုးလာမယ်။ နောက်ပိုင်း အပြာရောင် သို့မဟုတ် ခရမ်းရောင်ကို ခွဲခြားနိုင်စွမ်းမရှိတော့တဲ့အထိ ဖြစ်လာနိုင်ဖွယ် ရှိတယ်။
အတွင်းတိမ် ဖြစ်ပွားနိုင်ချေကို မြင့်စေတဲ့ အကြောင်းရင်းတွေ အများကြီးရှိပါတယ်။ ဥပမာအားဖြင့်အသက်အရွယ် – အသက်ကြီးလာတာနဲ့အမျှ အတွင်းတိမ် ပိုဖြစ်လာနိုင်ပါတယ်။ မိသားစုရာဇဝင် – မိသားစုထဲမှာ အတွင်းတိမ်ဖြစ်တဲ့လူရှိရင် ဖြစ်နိုင်ချေများပါတယ်။
မျက်စိထိခိုက်ဖူးခြင်း သို့မဟုတ် မျက်စိခွဲစိတ်ဖူးခြင်း
အရက်သောက်ခြင်း သို့မဟုတ် ဆေးလိပ်သောက်ခြင်း
သွေးတိုး၊ ဆီးချို အဝလွန်ခြင်း ကဲ့သို့သော ရောဂါများရှိခြင်း
နေရောင်နဲ့ ကြာရှည် ထိတွေ့ခြင်း
စတီးရွိုက်ဆေးများ (Corticosteroid) ကြာရှည်သောက်သုံးခြင်း
စသည်တို့ကလည်း အတွင်းတိမ်ဖြစ်စေတဲ့ အဓိကအကြောင်းရင်းတွေပါပဲ။ မိမိကိုယ်ကို ရောဂါရှိတယ်လိုသတိထားမိပါက နီးစပ်ရာဆရာဝန်နဲ့ အမြန်ဆုံးပြသဆွေးနွေးသင့်ပါတယ်။

ရှောင်နေလိုက်ပါ မိတ်ဆွေ
သူ့စိတ်ဓါတ်ကို ကိုယ်သိရပြီဆိုရင်
တိုက်ရိုက် သွားမပြောနဲ့။
မသိသလို နေပေးပြီးတော့
နောက်ဆို ကိုယ်က ရှောင်နေလိုက်ပါ။
သူ့အကျင့်ကို ရိပ်မိနေပြီမလား?
သွားပြီး ပေါက်ကွဲ မပြနဲ့။
မသိသလို နေပေးပြီး
နောက်ဆို ကိုယ်ကဆင်ခြင်လိုက်ပါ။
နင်ကဘယ်လို ငါကဘယ်လိုဆိုပြီး
စကားလုံးတွေနဲ့ စစ်တိုက်နေဖို့မလိုပါဘူး။
ရိုးသားချင်ယောင်ဆောင်နေတဲ့ သူ့အကြောင်းကို
ကိုယ်က နားလည်နေပြီမလား?
ဆက်ပြီး အပေါင်းအသင်း မလုပ်နဲ့။
တဖြည်းဖြည်း ရှောင်နေလိုက်ပါ။
ရှေ့ဆက်သွားရင် ကိုယ့်ကိုပါ
ထိခိုက်စေနိုင်တာမို့ပါ။
တစ်ခါတစ်လေတော့
ကိုယ်သိတဲ့ အရာတစ်ခုဟာ
ကိုယ်စိတ်ထဲမှာ မှတ်သားထားဖို့ပဲလိုတာပါ။
လုံးဝ မပတ်သက် မဆက်ဆံရဘူးလို့
မပြောလိုဘူး။
မဖြစ်သာလို့ ဆက်ဆံနေရအုံးမယ်ဆိုရင်လည်း
ကိုယ်ပေါင်း စိတ်ခွာနဲ့ ပေါင်းသင်းနိုင်ပါတယ်။
ရိုးသားချင်ယောင်ဆောင်
သဘောကောင်းသလို ဟန်ပြ
ကွယ်ရာမှာ နောက်ကောက်ချနင်း
ကိုယ့်ရဲ့ မကောင်းသတင်းကို
အလံတလူလူလို လေလွှင့်
ခွင့်ရရင် ရသလိုဖဲ့ညှစ်
အရာရာကို သူ့အပြစ်မဟုတ်ဘူးလို့
ဟန်ဆောင်ကာ မျက်နှာဖုံး စွပ်ထားတဲ့လူမျိုးကို
ဒီတစ်သက် သင်တွေ့ဆုံခဲ့ရင်
ကင်းနိုင်သလောက် ရှောင်ဖယ်ကာ နေလိုက်ပါ။

ဥတ္တရသီရိမှာ ရွှေအိုးစည် Express လမ်းဘေးချောက်ထဲမှောက်လို့ နှစ်ယောက်သေ ၊ ခုနှစ်ယောက်ဒဏ်ရာရ
စက်တင်ဘာ ၃ ၊ ၂၀၂၅

နေပြည်တော်၊ ဥတ္တရသီရိမြို့နယ်၊ကျွဲရှင်းကျေးရွာ၊ တောင်ညို - ကျွဲရှင်းလမ်းဆုံမှာ " ရွှေအိုးစည် "ခရီးသည်တင် Express ကား ချောက်ထဲထိုးကျတိမ်းမှောက်မှုဖြစ်ပြီး နှစ်ယောက်သေဆုံးကာ ခုနှစ်ယောက်လောက်ထိခိုက်ဒဏ်ရာရတယ်လို့ကနဦးသိရပါတယ်။
ဒီကနေ့ စက်တင်ဘာ ၃ ရက်နေ့ ၊နေ့လယ်ပိုင်းမှာ ကကားကတိမ်းမှောက်ပြီး ချောက်ထဲထိုးကျချိန် အောက်မှာရှိတဲ့ ဆိုင်ကယ်ပြင်ဆိုင်ကို ထပ်မံဝင်တိုက်ခဲ့ကာ သေဆုံးသူနဲ့ထိခိုက်ဒဏ်ရာရသူတွေရှိခဲ့တာဖြစ်တယ်လို့သိရပါတယ်။
" ဆိုင်ကယ်၀ပ်ရှော့ဆရာက နေရာမှတင် ပွဲချင်းပြီးတယ်။၀ပ်ရှော့ပိုင်ရှင် လင်မယားလည်း ဒဏ်ရာပြင်းထန်တယ်။ကလေးကတော့ တွေ့ပြီ ညှပ်နေလို့ ဆွဲထုတ်ရတယ်။" လို့ ဖြစ်စဥ်သိသူဒေသခံကပြောပါတယ်။
လက်ရှိမှာ ထိခိုက်ဒဏ်ရာရရှိသူတွေကို နေပြည်တော် ကုတင် ၁၀၀၀ ဆေးရုံကိုပို့ဆောင်ထားကြောင်း ၊ ဒဏ်ရာရရှိသူတွေထဲမှာ ပြင်းထန်သူတွေပါဝင်တယ်လို့ သိရပါတယ်။
" ကားက ချောက်ထဲကျပြီး အောက်က ဆိုင်ကယ်ပြင်ဆိုင်ကိုဝင်တိုက်မိတယ်။အဲဒီမှာ အဲဒီဆိုင်ကယ်ပြင်ဆိုင်ကတယောက်သေတယ်။ကားပေါ်ကတယောက်သေတယ်။ဒဏ်ရာရသူတွေထဲမှာလည်း ပြင်းထန်သူတွေပါတယ်။ဆေးရုံတော့အချိန်မီအကုန်ပို့ပေးခဲ့တာပဲ။" လို့ ဒေသခံ လူမှုကူညီရေးအသင်းဝင်တယောက်ကပြောပါတယ်။
တိမ်းမှောက်ခဲ့တဲ့ ရွှေအိုးစည် ကားကတော့ ဒီကနေ့မနက်ပိုင်းမှာ မန္တလေးကနေ နေပြည်တော်ကို ထွက်ခွာလာတဲ့ ခရီးသည်တင် ကားဖြစ်တယ်လို့သိရပါတယ်။
လက်ရှိမှာ ယာဥ်တိမ်းမှောက်မှုဖြစ်စဥ်ဖြစ်ပွားရာနေရာမှာ ရှင်းလင်းရေးလုပ်ဆောင်နေပြီး ကားမှောက်ရတဲ့အကြောင်းအရင်းကိုတော့ မသိရှိရသေးဘူးလို့ ဆိုပါတယ်။