ချဲလ်ဆီးကစားဖော်ဟောင်းဖာနန်ဒက်ဇ်ကို ရီးရဲလ်မက်ဒရစ်သို့ ပြောင်းရွှေ့ရန် ကူကူရယ်လာတိုက်တွန်း ပြောကြားလာ
=====================

ရီးရဲလ်မက်ဒရစ်စတားသစ်မာ့ခ်ကူကူရယ်ဟာ ချဲလ်ဆီးကစားဖော်ဟောင်းအန်ဇိုဖာနန်ဒက်ဇ်အား သူရှိရာ ဘာနေဗျူးသို့ ပြောင်းရွှေ့ရန် တိုက်တွန်းပြောကြားလာပါတယ်။
အသက် ၂၇ နှစ်ရှိ စပိန်လက်ရွေးစင်ဘယ်နောက်ခံလူဟာ ဂျိုဆေးမော်ရင်ဟိုရဲ့ ရီးရဲလ်မက်ဒရစ်သို့ ပြောင်းရွှေ့ကြေး ပေါင် ၅၂ သန်းဖြင့် ၆ နှစ်စာချုပ်ဖြင့် ပြောင်းရွှေ့ထားပါတယ်။
ဘရိုက်တန်ကစားသမားဟောင်းက ချဲလ်ဆီးကစားဖော်ဟောင်းဖာနန်ဒက်ဇ်သာ ရီးရဲလ်မက်ဒရစ်သို့ ပြောင်းလာမည်ဆိုပါက အလွန်ပျော်ရွှင်လိမ့်မယ်လို့ ပြောကြားလာပါတယ်။
၎င်းက "သူက ကြီးကျယ်တဲ့ ကစားသမားတစ်ဦးပါ။ သူငယ်ချင်းလည်း ဖြစ်တယ်။ ဒီအပြောင်းအရွှေ့အတွက် ကျွန်တော့်ကို သူ ဂုဏ်ပြုခဲ့တယ်။ ဖြစ်လာဖို့ မျှော်လင့်တယ်။ ဖြစ်လာရင် အရမ်းပျော်ရမှာပါ။ ကျွန်တော်တို့ ချဲလ်ဆီးမှာ‌ ပျော်ခဲ့ကြရတယ်။ အခု နွေရာသီတစ်ခုတည်းမှာ ရီးရဲလ်မက်ဒရစ်သို့ အတူ ပြောင်းနိုင်မဲ့ အခွင့်အရေး ရှိနေပြီ။ ရီးရဲလ်မက်ဒရစ်ကစားသမားဖြစ်လာခွင့်ရတာ ကံကောင်းတယ်လို့ ထင်တယ်"လို့ ပြောကြားသွားပါတယ်။
ဖာနန်ဒက်ဇ်ဟာ စတမ်းဖို့ဒ်ဘရစ်ချ်တွင် အနာဂတ် မရေမရာ ဖြစ်နေခဲ့သူ ဖြစ်ပြီး ရီးရဲလ်မက်ဒရစ်သို့ ပြောင်းမယ်လို့ သတင်းထွက်ထားသူပါ။
အသက် ၂၅ နှစ်ရှိ အာဂျင်တီးနားကွင်းလယ်ကစားသမားဟာ ယခုနှစ် အစောပိုင်းတုန်းက မက်ဒရစ်မြို့တွင် နေလိုကြောင်း ပြောဆိုခဲ့မှုအတွက် ကလပ်ရဲ့ ၂ ပွဲပယ်ပြစ်ဒဏ်ချမှတ်ခြင်းခံခဲ့ရဖူးပါတယ်။
ဖာနန်ဒက်ဇ်ဟာ ၂၀၂၅-၂၆ ရာသီတုန်းက ချဲလ်ဆီးရဲ့ ပရီးမီးယားလိဂ်ပွဲ ၃၈ ပွဲတွင် ၃၅ ပွဲ ပွဲထွက်ကစားကာ ၁၀ ဂိုးသွင်းပြီး ၄ ကြိမ် ဖန်တီးမှု ပြုလုပ်ပေးခဲ့ပါတယ်။

ကိုယ်ဝန်ဆောင်မှု အငြင်းပွားမှုအတွက် နစ်နာကြေးပေးလာရတော့မဲ့ လာဇီယို
======================

လာဇီယိုအမျိုးသမီးအသင်းဟာ ကိုယ်ဝန်လွယ်ထားရတယ်ဆိုပြီး ဥပေမဲ့ စာချုပ်ဖျက်သိမ်းမှုအတွက် အလယ်တန်းကစားသမားဟောင်းမာဂျာဂေါ့ဘတ်ကို နစ်နာကြေးပေးလာရတော့မှာ ဖြစ်ပါတယ်။
အားကစားသမာဓိခုံရုံးက ဆွီဒင်ကစားသမားအား မျက်နှာသာပေးကာ ဆုံးဖြတ်ချက်ချာလာတာ ဖြစ်ပြီး ပရော်ဖက်ရှင်နယ်ကစားသမားများသမ္မဂကတော့ ထူးခြားတဲ့ အောင်နိုင်မှုတစ်ခုအဖြစ် ကြေညာသွားပါတယ်။
ဂေါ့ဘတ်ဟာ လာဇီယိုအသင်းထံမှ စိတ်ပိုင်းဆိုင်ရာနစ်နာကြေးလည်း ရရှိလာပါဦးမယ်။
တဖက်တွင် လာဇီယိုဟာ ဂေါ့ဘတ် ကိုယ်ဝန်လွယ်ထားရတဲ့သတင်းအား ကစားသမားရဲ့ သဘောတူညီမှု တစုံတရာရယူခြင်း မရှိဘဲ ကစားဖော်များအား အသိပေးမှု ပြုလုပ်ခဲ့ကြောင်းလည်း တွေ့ရှိခဲ့ရပါသေးတယ်။
ဂေါ့ဘတ်ဟာ ဖီဖာရဲ့ အငြင်းပွားမှု တရားစီရင်ရေးအဖွဲ့အစည်း(Dispute Resolution Chamber (DRC) တွင် အမှုရှုံးနိမ့်ပြီးနောက် အားကစားသမာဓိခုံရုံးသို့ အမှုအား ယူဆောင်လာခဲ့တာပါ။
ဂေါ့ဘတ်ဟာ ၂၀၂၃-၂၄ ရာသီတွင် ၂၉ ပွဲကစားကာ အသင်းကို အီတလီအဆင့်မြင့်တန်းလိဂ်သို့ တန်းတက်နိုင်အောင် စွမ်းဆောင်နိုင်ခဲ့တဲ့ရာသီနှောင်းပိုင်းတွင် ကလပ်နှင့် ပြဿနာတက်ခဲ့တာပါ။
ထိုစဉ်တုန်းက သူမက ကလပ်နှင့် စာချုပ်သစ်ချုပ်ဆိုရေး ဆွေးနွေးစဉ် (စာချုပ်မချုပ်ရသေးမီ) Whatsapp တွင် စာချုပ်ချုပ်ဆိုထားပြီ ဖြစ်ကြောင်း မက်ဆေ့ချ်များ အပို့ခံခဲ့ရပါတယ်။
ဒါပေမဲ့ စာချုပ်အပြီးသတ်မချုပ်မီမှာပင် ဂေါ့ဘတ်ဟာ ကိုယ်ဝန်လွယ်ထားရကြောင်း သိရပြီး စာချုပ်သစ်ချုပ်ဆိုရန် မသင့်ကြောင်း ယူဆကာ ကလပ်ကို တင်ပြခဲ့ပါတယ်။
လာဇီယိုဘက်ကမူ ကစားသမားနှင့် အပြည့်အစုံသဘောတူညီမှု ရရှိထားခြင်း မရှိသကဲ့သို့ ကစားသမားဘက်က ဆက်လက်ကစားလိုရန် ဆန္ဒမရှိတော့ကြောင်း ကြေညာလာမှုနှင့်အတူ နှစ်ဦးနှစ်ဖက်အကြား တင်းမာမှုဖြစ်လာခဲ့ပါတယ်။
ဖီဖာစည်းမျဉ်းအရ ကလပ်များအနေဖြင့် ကိုယ်ဝန်လွယ်ထားမှုကို စာချုပ်ဖျက်သိမ်းရေး အကြောင်းပြချက် ပေးနိုင်ခြင်း မရှိပါဘူး။
ဂေါ့ဘတ်ဟာ လာဇီယိုနှင့်အမှုဖြစ်ပြီးနောက် တစ်ကမ္ဘာလုံးဆိုင်ရာပရော်ဖက်ရှင်နယ်ကစားသမားသမ္မဂနှင့် ဆွီဒင်ကစားသမားများရဲ့သမ္မဂတို့ရဲ့ထောက်ခံအားပေးမှုများ ရရှိပြီးနောက် အမှုအား ဆက်လက်တိုက်ပွဲဝင်ခဲ့ပါတယ်။
ယခင် ၂၀၂၃ ခုနှစ်တုန်းက အိုက်စလန်အသင်းခေါင်းဆောင်ဟောင်းဆာရာဘာဂျိုဂန်နာဒေါ့တာမှာလည်း ကိုယ်ဝန်လွယ်ထားရစဉ်အတွင်း လိုင်ယွန်ထံမှ လုပ်ခမရရှိမှုအတွက် အမှုရင်ဆိင်ခဲ့ရာ ယူရို ၈၂၀၀၀ ကျော် ရရှိခဲ့ပါတယ်။

အင်္ဂလန်ရဲ့ ဂျိမ်းစ်နှင့် ရိုက်စ်တို့ ကြံ့ခိုင်မှုပိုင်း စစ်ဆေးခြင်းခံရမည်
====================

အင်္ဂလန်ဟာ ပနားမားနှင့် ကမ္ဘာ့ဖလားအုပ်စုနောက်ဆုံးပွဲစဉ်မတိုင်မီ ရီစီဂျိမ်းစ်နှင့် ဒီကလန်ရိုက်စ်တို့ရဲ့ ကြံ့ခိုင်မှုအခြေအနေအား စစ်ဆေးမှု ပြုလုပ်လာပါမယ်။
အသက် ၂၇ နှစ်ရှိ ရိုက်စ်ဟာ အင်္ဂါနေ့တုန်းက ဂါနာနှင့် ဂိုးမရှိသရေကျတဲ့ပွဲစဉ်အပြီးတွင် ဘော်စတွန်ကွင်းမှ ဘယ်ဖက်ခြေသလုံးအား ပတ်တီးများစွာ စည်းကာ ထွက်ခွာခဲ့ရပါတယ်။
အင်္ဂလန်အတွင်းသတင်းများအရ ဒီကလန်ရိုက်စ်ရဲ့ အခြေအနေက အလွန်အမင်းစိုးရိမ်စရာရှိတဲ့အခြေအနေမျိုးတွင် မရှိကြောင်း သိရပါတယ်။
ဒါပေမဲ့ တူချယ်အနေဖြင့် ဒီကလန်ရိုက်စ်အား စနေနေ့ ပနားမားနှင့်ပွဲတွင် ကစားနိုင်ခြင်းရှိ/မရှိကို ပွဲမတိုင်မီ ကြံ့ခိုင်မှု စစ်ဆေးမှု ပြုလုပ်လာရပါမယ်။
အာဆင်နယ်အလယ်တန်းကစားသမားဟာ ခရိုအေးရှားနှင့်အုပ်စုအဖွင့်ပွဲစဉ်တွင်လည်း တံကောက်ကြောနာကျင်လာမှုကြောင့် လူစားလဲလှယ်ခဲ့ရပြီးလည်း ဖြစ်ပါတယ်။
ဒါ့အပြင် ချဲလ်ဆီးအသင်းခေါင်းဆောင်ရီစီဂျိမ်းစ်မှာလည်း စနေနေ့ နယူးဂျာစီပွဲစဉ်မတိုင်မီ ကြံ့ခိုင်မှုစစ်ဆေးမှု ပြုလုပ်ရပါမယ်။
အသက် ၂၆ နှစ်ရှိ ညာနောက်ခံလူဟာ ဂါနာနှင့်ပွဲတွင် ပွဲချိန်ပြည့်ကစားသွားခဲ့ပေမဲ့လည်း ၂၄ နာရီအတွင်းတွင် ကြံ့ခိုင်မှုစစ်ဆေးခြင်းခံရပါမယ်။

ကိုနေးကို ခြေထောက်ကျိုးစေခဲ့တဲ့ ဖျက်ထုတ်မှုအတွက် ၅ ပွဲပယ်ပြစ်ဒဏ်ချမှတ်ခံလာရတဲ့ မာဒီဘို
===================

ကာတာအလယ်တန်းကစားသမားအက်စ်ဆမ်မာဒီဘိုဟာ ကမ္ဘာ့ဖလားပွဲစဉ်တွင် ကနေဒါရဲ့အစ္စမေးလ်ကိုနေးကို ခြေထောက်ကျိုးဒဏ်ရာရရှိစေခဲ့တဲ့ ဘောလုံးဖျက်ထုတ်မှုအတွက် ၅ ပွဲပယ်ပြစ်ဒဏ်ချမှတ်ခြင်းခံလာရပါတယ်။
အသက် ၂၉ နှစ်ရှိ မာဒီဘိုဟာ ပြီးခဲ့တဲ့ ကြာသပတေးနေ့တုန်းက ကနေဒါအား ၆-၀ ဂိုးဖြင့် ရှုံးနိမ့်တဲ့ပွဲစဉ်တွင် ကြမ်းတမ်းစွာ ဖျက်ထုတ်ခဲ့ပြီး ကိုနေးမှာ ဆိုးရွားတဲ့ ခြေထောက်ကျိုးဒဏ်ရာရရှိခဲ့ပါတယ်။
ယခုအခါ ဖီဖာစည်းကမ်းထိန်းသိမ်းရေးကော်မတီက ယင်းအဖြစ်အပျက်ကို စုံစမ်းစစ်ဆေးမှုများ ပြုလုပ်ပြီးနောက် မာဒီဘိုကို ၅ ပွဲပယ်ပြစ်ဒဏ်ချမှတ်လာပါတယ်။
ကိုနေးဟာ ယင်းဖျက်ထုတ်မှုကြောင့် ခြေထောက်အောက်ပိုင်း အရိုးနှစ်ချောင်းအထိ ကျိုးခဲ့ပြီး လက်ကျန် ကမ္ဘာ့ဖလားပွဲများကို လွဲချော်လာပါတော့မယ်။
ဆက်စ်ဆူလိုတွင် ကစားနေတဲ့ အလယ်တန်းကစားသမားကိုနေးဟာ ဒဏ်ရာကို ခွဲစိတ်ကုသမှု ပြုလုပ်ထားရပြီး ကာလရှည်ကြာ အနားယူရပါမယ်။ မာဒီဘိုဟာ ကိုနေး ဆေးရုံတက်နေစဉ်အတွင်း ကိုယ်တိုင် သွားရောက် တောင်းပန်ကာ အားပေးစကားပြောခဲ့ပါတယ်။
ကနေဒါဟာ အုပ်စုနောက်ဆုံးပွဲစဉ်အဖြစ် ဆွစ်ဇာလန်နှင့် ရင်ဆိင်ခဲ့ရာ ၂-၁ ဖြင့် ရှုံးနိမ့်ခဲ့ပေမဲ့ ရမှတ် ၄ မှတ်ဖြင့် အုပ်စုဒုတိယအဖြစ် ၃၂ သင်း ရှုံးထွက်အဆင့်သို့ တက်ထားပါတယ်။
ကာတာကတော့ ဘော့စနီးယားကိုလည်း ၃-၁ ဖြင့် ရှုံးနိမ့်ကာ ရမှတ် ၁ မှတ်ဖြင့် အုပ်စုအဆင့်မှ လှည့်ပြန်လိုက်ရပြီ ဖြစ်ပါတယ်။

ကွင်းပတ်ဝန်းကျင်တွင် အရောင်းချခွင့်ပိတ်ပင်လာသလို လုံခြုံရေးအတွက် ရဲတပ်ဖွဲ့ ၅၆၂၃၀ အထိ ချမှတ်လာတဲ့ ကမ္ဘာ့ဖလားအိမ်ရှင်မြို့
======================

မက္ကဆီကိုစီးတီးအာဏာပိုင်တို့ဟာ ချက်နှင့် ကစားရမဲ့ ကမ္ဘာ့ဖလားအုပ်စုနောက်ဆုံးပွဲစဉ်မတိုင်မီ ဆန္ဒပြမှုများ ဖြစ်လာနိုင်တာကြောင့် ကွင်းပတ်လည်ဧရိယာတွင် အရက်ရောင်းချခွင့်ပိတ်ပင်လာပါတယ်။
မက္ကဆီကိုအာဏာပိုင်တို့ဟာ ကမ္ဘာ့ဖလားအဖွင့်ပွဲစဉ်မတိုင်မီ ဆန္ဒပြသပိတ်မှောက်မှုများ ကြုံရပြီးနောက် အုပ်စုနောက်ဆုံးပွဲစဉ်မတိုင်မီ လုံခြုံရေးပိုင်း ကြိုတင်ပြင်ဆင်မှု ပြုလုပ်လာတာလည်း ဖြစ်ပါတယ်။
မက္ကဆီကိုစီးတီးဟာ ချက်နှင့်ပွဲစဉ်မတိုင်မီ ပြည်နယ်အချို့တွင် ညနေ ၃ နာရီမှ စတင်ကာ နောက်တစ်နေ့ နံနက် ၇ နာရီအထိ အရက်ရောင်းချခွင့်ပိတ်ပင်ထားပြီး ပွဲအတွင်း လုံခြုံရေးရဲတပ်ဖွဲ့ ၅၆၀၀၀ ကျော်အထိ ချထားပါတယ်။
ယနေ့ည ချက်နှင့်ပွဲကို ဒေသတင်းစံတော်ချိန် ညနေ ၇ နာရီ (မြန်မာနိုင်ငံတွင် မနက် ၇ နာရီ ၃၀ မိနစ်)မှာ ကစားသွားမှာ ဖြစ်ပြီး ပွဲမတိုင်မီနှင့် ပွဲနှောင်းပိုင်းတို့တွင် အရက်ရောင်းချခွင့်ပိတ်ပင်လာတာလည်း ဖြစ်ပါတယ်။
ယင်းကာလအတွင်းတွင် စူပါမတ်ကက်များ၊ လိုင်စင်မဲ့ဆိုင်များ၊ ကုန်စုံဆိုင်ငယ်များတွင်လည်း အရက်ရောင်းချခွင့်ပိတ်ပင်ထားပါတယ်။
မက္ကဆီကိုပြည်သူ ၇၀၀၀၀၀ တို့ဟာ တောင်ကိုရီးယားနှင့်ပွဲတွင် ၃၂ သင်း ရှုံးထွက်အဆင့်သို့ တက်ရောက်ပြီးနောက် အကြီးအကျယ်အောင်ပွဲခံမှု ပြုလုပ်ခဲ့ကြပြီး ဖြစ်ပါတယ်။
ပရိသတ်အမြောက်အမြားတို့ဟာ တညလုံး အရက်သောက်စားခဲ့ကြပါတယ်၊
ယင်းသို့ အရက်သောက် ပျော်ပါးမှုနှင့်အတူ ဆူပူသောင်းကျန်းမှုအချို့တို့လည်း ဖြစ်ပျက်ခဲ့ကာ အာဏာပိုင်တို့ အလုပ်ရှုပ်ခဲ့ရပါတယ်။
တဖက်တွင် မက္ကဆီကိုအာဏာပိုင်တို့ဟာ မက္ကဆီကိုစီးတီးရှိ ဆိုင်များတွင် အရက်ရောင်းချခွင့်ပိတ်ပင်ထားပေမဲ့ ဘား၊ ဟိုတယ်၊ စားသောက်ဆိုင်နှင့်ကလပ်တို့တွင်မှာမူ ပိတ်ပင်ထားခြင်း မရှိပါဘူး။
မက္ကဆီကိုအာဏာပိုင်တို့ဟာ ကမ္ဘာ့ဖလားမတိုင်မီကတည်းက ကျောင်းဆရာ/ဆရာမများ လုပ်အားခ တိုးမြှင့်ရောင်းချရေး တောင်းဆိုမှု ဆန္ဒပြသပိတ်မှောက်မှုနှင့် ကြုံလာရတဲ့အပြင် ပြည်သူထောင်ပေါင်းများစွာ အဆက်အသွယ်ပြတ် ပျောက်ဆုံးမှုအတွက် ဆန္ဒပြမှုများနှင့် ရင်ဆိုင်လာခဲ့ရတာပါ။

မန်စီးတီးပစ်မှတ်ထားနေတဲ့ ဂပ်စ်တိုအတွက် ပြောင်းရွှေ့ကြေး ပေါင် ၇၅ သန်း သတ်မှတ်လာတဲ့ ချဲလ်ဆီး
======================

ချဲလ်ဆီးဟာ မန်စီးတီးပစ်မှတ်ထားနေတဲ့ မယ်လိုဂပ်စ်တိုအတွက် ပြောင်းရွှေ့ကြေး ပေါင် ၇၅ သန်း သတ်မှတ်လာပါတယ်။
အသက် ၂၃ နှစ်ရှိ ပြင်သစ်လက်ရွေးစင်နောက်ခံလူဟာ ယခုနွေရာသီတွင် အသင်းကို အပြောင်းအလဲများစွာ ပြုလုပ်လာမဲ့ နည်းပြသစ်အလွန်ဆိုကြောင့် စတမ်းဖို့ဒ်ဘရစ်ချ်မှ ထွက်ခွာလာဖို့ ရှိနေသူလည်း ဖြစ်ပါတယ်။
ချဲလ်ဆီးဟာ အတ္တလန္တာတောင်ပံခံစစ်သမားမာကိုပါလက်စထရီကို ပေါင် ၄၃ သန်းဖြင့် ခေါ်ယူရေး သဘောတူညီမှု ရရှိလာမှုနှင့်အတူ ဂပ်စ်တိုအနေဖြင့် စတမ်းဖို့ဒ်ဘရစ်ချ်မှ ထွက်ခွာရေး အလေးအနက်ထား စဉ်းစားလာရပါတယ်။
ဂပ်စ်တိုဟာ ၂၀၂၃ ခုနှစ်တွင် လိုင်ယွန်မှ ပေါင် ၂၆.၃ သန်းဖြင့် ပြောင်းလာသူ ဖြစ်ပြီး ချဲလ်ဆီးအတွက် ၁၃၄ ပွဲကစားထားပါတယ်။
မန်စီးတီးဟာ ချဲလ်ဆီးနည်းပြဟောင်းအန်ဇိုမာရက်စ်ကာအား နစ်နာကြေး ပေါင် ၁၇ သန်းအထိ ပေးကာ ခန့်အပ်ရေး အပြီးသတ်လုနီးပါးအနေအထားသို့ ရောက်နေပါတယ်။
အီတလီလူမျိုးနည်းပြဟာ ဂပ်စ်တိုကို အီတီဟတ်ကို ခေါ်ယူလိုနေသလို အန်ဇိုဖာနန်ဒက်ဇ်ကိုလည်း ရီးရဲလ်မက်ဒရစ်နှင့်အပြိုင် ကမ်းလှမ်းရန် စီစဉ်နေပါတယ်။
ဒါပေမဲ့ မန်စီးတီးဘက်ကတော့ ပြင်သစ်နှင့်အတူ ကမ္ဘာ့ဖလားပြိုင်ပွဲကစားနေတဲ့ ဂပ်စ်တိုအတွက် ချဲလ်ဆီးဘက်က တောင်းဆိုတဲ့ ပေါင် ၇၅ သန်းအထိ ပေးရန် အစီအစဉ်မရှိပါဘူး။
ချဲလ်ဆီးဟာ ဘယ်နောက်ခံလူမာ့ခ်ကူကူရယ်လာကို ရီးရဲလ်မက်ဒရစ်သို့ ပေါင် ၅၂ သန်းဖြင့် ရောင်းချထားပြီး ဖြစ်ပါတယ်။
ချဲလ်ဆီးဟာ နွေရာသီတွင် ဗဟိုနောက်ခံလူတစ်ဦး အားဖြည့်ရေး ရှာဖွေနေပြီး ပဲလေ့စ်နောက်ခံလူမာဆင့်လာခရော့စ်အား ပစ်မှတ်ထားနေပါတယ်။

ဖူလ်ဟမ်တိုက်စစ်သမားဝီလ်ဆင်ကို လေးနှစ်စာချုပ်ဖြင့် ခေါ်ယူရန် လိဒ် သဘောတူညီမှုရရှိ
=====================

လိဒ်ဟာ ဖူလ်ဟမ်နှင့်စာချုပ်သက်တမ်းကုန်ဆုံးကာ ထွက်ခွာလာခဲ့တဲ့ တိုက်စစ်သမားဟယ်ရီဝီလ်ဆင်ကို လေးနှစ်စာချုပ်ဖြင့် ခေါ်ယူရန် သဘောတူညီမှု ရရှိသွားပြီ ဖြစ်ပါတယ်။
အသက် ၂၉ နှစ်ရှိ ဝေးလ်လက်ရွေးစင်ကစားသမားဟာ လာမဲ့အပတ်တွင် ဖူလ်ဟမ်နှင့် စာချုပ်သက်တမ်းကုန်ဆုံးမှာ ဖြစ်ပြီး လာမဲ့ ရက်များအတွင်းတွင် ဆေးစစ်ဆေးမှု၊ စာချုပ်ပါအချက်အလက်များအား အပြီးသတ် ဆွေးနွေးမှုများ ပြုလုပ်ကာ အပြောင်းအရွှေ့အား အပြီးသတ်လာပါမယ်။
လိဒ်ဟာ ဝီလ်ဆင်ကို ခေါ်ယူရေး ကာလရှည်ကြာ ပစ်မှတ်ထားလာခဲ့တာ ဖြစ်ပြီး ပြီးခဲ့တဲ့ နွေရာသီ အပြောင်းအရွှေ့ဈေးကွက်နောက်ဆုံးနေ့တုန်းကလည်း ခေါ်ယူရေး အစွမ်းကုန်ကြိုးပမ်းခဲ့ဖူးပါတယ်။
ဝီလ်ဆင်ဟာ ပြီးခဲ့တဲ့ရာသီတုန်းက ဖူလ်ဟမ်အတွက် ပြိုင်ပွဲအရပ်ရပ်တွင် ၃၈ ပွဲကစားခဲ့ရာမှာ ၁၁ ဂိုးသွင်းယူပြီး ၈ ကြိမ်ဖန်တီးမှု ပြုလုပ်နိုင်ခဲ့သူလည်း ဖြစ်ပါတယ်။
ဝီလ်ဆင်ဟာ ၂၀၂၁ ခုနှစ်တွင် လီဗာပူးမှ ဖူလ်ဟမ်သို့ ပေါင် ၁၂ သန်းဖြင့် ပြောင်းလာခဲ့သူဖြစ်ပါတယ်။
ဖူလ်ဟမ်ဟာ နည်းပြမာကိုဆေးလ်ဗားထွက်ခွာသွားပြီးနောက် ရီးရဲလ်မက်ဒရစ်နည်းပြဟောင်းအယ်ဗာရိုအာဘီလိုအာအား ခန့်အပ်‌ရေး ဆွေးနွေးနေပြီး အပြီးသတ်လုနီးပါး အခြေအနေသို့ ရောက်နေပါတယ်။
တဖက်တွင် လိဒ်ဟာ ဒေါ့မွန်နှင့်စာချုပ်သက်တမ်းကုန်ဆုံးကာ ထွက်ခွာလာခဲ့တဲ့ အလယ်တန်းကစားသမားဂျူလီယန်ဘရန့်ကိုလည်း အလွတ်ပြောင်းရွှေ့ကြေးဖြင့် ခေါ်ယူရေး ဆွေးနွေးနေသလို ဆောက်သမ်တန်ရဲ့ရှီယာချားလ်ကိုလည်း ခေါ်ယူရေး ဆွေးနွေးမှုများ ပြုလုပ်နေပါတယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ
( ၂၀၂၆ - ဇွန် ၂၆ ၊ နံနက် ၁၀ နာရီ)

#ရွှေဈေး
-ကမ္ဘာ့ရွှေဈေး
တအောင်စ ၃၉၉၄ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၆,၉၀၀,၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉,၇၀၀,၀၀၀ ကျပ်
ဝယ်ဈေး ၉,၆၆၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၉,၃၀၀,၀၀၀ ကျပ်
ဝယ်ဈေး ၉,၂၆၀,၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉,၅၈၀,၀၀၀ ကျပ်
ဝယ်ဈေး ၉,၅၄၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၉,၁၈၀,၀၀၀ ကျပ်
ဝယ်ဈေး ၉,၁၄၀,၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)
#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၆၃ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၄၀၀ ကျပ်
ဝယ်ဈေး - ၄၃၅၀ ကျပ်
-စင်္ကာပူဒေါ်လာ
ရောင်းဈေး - ၃၃၅၀ ကျပ်
ဝယ်ဈေး - ၃၀၀၀ ကျပ်
-ယူရို
ရောင်းဈေး - ၅၀၅၀ ကျပ်
ဝယ်ဈေး - ၅၀၀၀ ကျပ်
-ထိုင်းဘတ်
ရောင်းဈေး - ၁၃၄ ကျပ်
ဝယ်ဈေး - ၁၃၀ ကျပ်
-မလေးရှားရင်းဂစ်
ရောင်းဈေး - ၁၀၈၀ ကျပ်
ဝယ်ဈေး - ၁၀၇၀ ကျပ်
-တရုတ်ယွမ်
ရောင်းဈေး - ၆၅၀ ကျပ်
ဝယ်ဈေး - ၆၄၅ ကျပ်
-ဂျပန်ယန်း
ရောင်းဈေး - ၂၇.၇၆ ကျပ်
ဝယ်ဈေး - ၂၇.၀၃ ကျပ်
-အိန္ဒိယရူပီး
ရောင်းဈေး - ၄၇.၅၇ ကျပ်
ဝယ်ဈေး - ၄၆.၃၃ ကျပ်
-ကိုရီးယားဝမ်
ရောင်းဈေး - ၂.၉ ကျပ်
ဝယ်ဈေး - ၂.၈၂ ကျပ်
-စတာလင်ပေါင်
ရောင်းဈေး - ၅၈၅၀ ကျပ်
ဝယ်ဈေး - ၅၇၅၀ ကျပ်
-ဩစတြေးလျဒေါ်လာ
ရောင်းဈေး - ၃၀၅၀ ကျပ်
ဝယ်ဈေး - ၃၀၀၀ ကျပ်
-ကနေဒါဒေါ်လာ
ရောင်းဈေး - ၃၁၆၂ ကျပ်
ဝယ်ဈေး - ၃၀၈၀ ကျပ်
-ဟောင်ကောင်ဒေါ်လာ
ရောင်းဈေး - ၅၇၃ ကျပ်
ဝယ်ဈေး - ၅၅၈ ကျပ်
-ယူအေအီး
ရောင်းဈေး - ၁၂၂၃ ကျပ်
ဝယ်ဈေး - ၁၁၉၁ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
**************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

လွန်ခဲ့တဲ့ သုံးနှစ်က ကျွန်တော်ဟာ မြန်မာနိုင်ငံ၊ မန္တလေးကနေ ယူနန်ပြည်နယ်၊ ရွှေလီကို ထုတ်လုပ်ရေးလိုင်းအလုပ်သမားတစ်ယောက်အနေနဲ့ ရောက်လာခဲ့တာပါ။ မိသားစုကို ထောက်ပံ့ဖို့ တည်ငြိမ်တဲ့အလုပ်တစ်ခုကို ရှာဖွေနေရုံပါပဲ။

ရွှေလီဟာ စည်ကားတဲ့ နယ်စပ်မြို့တစ်မြို့ပါ။ မနက်ခြောက်နာရီမှာ လမ်းဘေးဆိုင်တွေ ဖွင့်နေပါပြီ။ အလုပ်မသွားခင် ကျွန်တော့်လုပ်ဖော်ကိုင်ဖက်တွေနဲ့ ကျွန်တော် ဆန်ခေါက်ဆွဲတစ်ပန်းကန်နဲ့ ပေါင်းထားတဲ့ပေါင်မုန့်အနည်းငယ် ဝယ်ကြပါတယ်။ အစကတော့ အစားအစာနဲ့ မရင်းနှီးခဲ့ပေမယ့် အခုတော့ မနက်တိုင်း စားချင်စဖွယ်ပါပဲ။

ကျွန်တော့်ကို အအံ့သြဆုံးကတော့ ဒီမှာရှိတဲ့ လူနေမှုပုံစံပါပဲ။ အများပြည်သူသုံး ဘတ်စ်ကားတွေက သန့်ရှင်းပြီး အချိန်ကိုက်ပါတယ်။ သင့်ဖုန်းကို စကင်ဖတ်ပြီး တက္ကစီငှားလို့ရပါတယ်။ အလုပ်ဆင်းပြီးရင် လျှပ်စစ်စကူတာကို အိမ်ပြန်စီးလို့ရပါတယ်။ မိုဘိုင်းငွေပေးချေမှုက အရာအားလုံးကို ပြောင်းလဲစေခဲ့ပါတယ်။ လက်ဖက်ရည်နဲ့ ဆောက်လုပ်ရေးပစ္စည်းတွေ ဝယ်ယူတာကို WeChat ဒါမှမဟုတ် Alipay နဲ့ လုပ်ဆောင်ပါတယ်။ ငွေသားကိုင်ဆောင်စရာမလိုဘဲ လုံခြုံပြီး အဆင်ပြေပါတယ်။ အနာဂတ်မှာ မြန်မာနိုင်ငံမှာ ဒီလိုစနစ်မျိုး ရှိလိမ့်မယ်လို့ ကျွန်တော် မျှော်လင့်ပါတယ်။

စက်ရုံမှာ တရုတ်လုပ်ဖော်ကိုင်ဖက်တွေနဲ့ မြန်မာအလုပ်သမားတွေ ရှိပါတယ်။ ကျွန်တော်တို့ ဘာသာစကားတူ မပြောကြပေမယ့် တစ်ယောက်နဲ့တစ်ယောက် ဘာသာစကားနဲ့ နှုတ်ဆက်ကြပါတယ်။ ကျွန်တော့်ရဲ့ တရုတ်လုပ်ဖော်ကိုင်ဖက်က "မင်္ဂလာပါ" လို့ နှုတ်ဆက်ဖို့ မြန်မာလို စကားစုအနည်းငယ်ကို သင်ယူပြီး ကျွန်တော်တို့ တရုတ်လို ပြန်ဖြေပါတယ်။ ဒီသေးငယ်တဲ့အရာလေးတွေက ကျွန်တော်တို့ကို တစ်ယောက်နဲ့တစ်ယောက် ပိုရင်းနှီးလာစေတာပါ။

ရွှေလီမှာရှိတဲ့ မြန်မာလူမျိုးတွေက အရမ်းကြိုးစားကြပါတယ်။ စားသောက်ဆိုင်တွေ ဖွင့်တာ၊ လမ်းဘေးဆိုင်တွေ ဖွင့်တာ၊ ထရပ်ကားမောင်းတာတွေ လုပ်ကြပါတယ်။ အားလပ်ရက်တွေမှာ မြန်မာနိုင်ငံမှာ ဘုရားကျောင်းတွေ သွားလည်ပြီး စုဝေးကြပါတယ်။ အဲဒါက ကျွန်တော်တို့ရဲ့ အိမ်လွမ်းစိတ်ကို သက်သာစေပါတယ်။ တရုတ်လူမျိုးအများစုက အရမ်းဖော်ရွေကြပါတယ်။ အလုပ်လုပ်နေရင်းနဲ့ ကျွန်တော်တို့နဲ့အတူ လက်ဖက်ရည်သောက်ကြပြီး ကျွန်တော်တို့ကို ဘယ်လိုနေလဲလို့တောင် မေးကြပါတယ်။

ပြည်ပမှာ အလုပ်လုပ်ရတာ မလွယ်ကူပါဘူး။ အိမ်လွမ်းခြင်း၊ ဘာသာစကားအခက်အခဲနဲ့ အလုပ်ဝန်ထုပ်ဝန်ပိုးတွေပါ။ ဒါပေမယ့် ရွှေလီက နည်းပညာနဲ့ ကောင်းမွန်တဲ့ မြို့တော်စီမံခန့်ခွဲမှုက လူတွေရဲ့ဘဝကို တကယ်ပြောင်းလဲစေနိုင်တယ်ဆိုတာ ပြသခဲ့ပါတယ်။

တစ်နေ့မှာ မြန်မာနိုင်ငံ ငြိမ်းချမ်းပြီး လူငယ်တွေ အိမ်ကနေ ထွက်သွားစရာမလိုတော့ဘူးလို့ မျှော်လင့်ပါတယ်။ ဒီမှာ ကျွန်တော် သင်ယူခဲ့တဲ့ ကြိုးစားအားထုတ်မှု၊ နည်းပညာနဲ့ ကိုယ့်ကိုယ်ကိုယ် ထိန်းချုပ်နိုင်မှုတွေက တစ်နေ့မှာ ကျွန်တော့်နိုင်ငံမှာ အသုံးဝင်လာမှာပါ။