အာဖရိကဖလား ၁၆ သင်းရှုံးထွက်အဆင့်မှ ထွက်ခဲ့ရပြီးနောက် နည်းပြထရာဘယ်ဆီကို တူနီးရှားထုတ်ပယ်လာ
======================

တူနီးရှားနည်းပြဆာမီထရာဘယ်ဆီဟာ အာဖရိကဖလား ၁၆ သင်း ရှုံးထွက်အဆင့်တွင် မာလီအား ရှုံးနိမ့်ကာ ပြိုင်ပွဲမှ ထွက်ခဲ့ရပြီးနောက် ရာထူးမှ ထုတ်ပယ်ခြင်းခံလာရပါတယ်။
၂၀၀၄ ခုနှစ်အာဖရိကဖလားချန်ပီယံဟာ ကာဆာဘလင်ကာတွင် မိနစ် ၉၀ ကျော် အချိန်ပိုအထိ တစ်ယောက်အသာဖြင့် ကစားခဲ့ရပေမယ့် ပြိုင်ပွဲမှ ထွက်ခဲ့ရတာပါ။
၂၀၂၆ ကမ္ဘာ့ဖလားခြေစစ်ပွဲအောင်မြင်ထားတဲ့ တူနီးရှားဟာ ၈၈ မိနစ်တွင် ဦးဆောင်ဂိုးရရှိပြီး ဦးဆောင်ပြီးမှ အချိန်ပို ၉၆ မိနစ်တွင် ပင်နယ်တီမှ တဆင့် ချေပဂိုးပေးခဲ့ရကာ ပင်နယ်တီအဆုံးအဖြတ်တွင် ရှုံးနိမ့်ခဲ့ရတာပါ။
အသက် ၅၇ နှစ်ရှိ ထရာဘယ်ဆီဟာ ပြီးခဲ့တဲ့နှစ်ဖေဖော်ဝါရီလတုန်းက တူနီးရှားအသင်းကို ဒုတိယအကြိမ်မြောက် ကိုင်တွယ်လာခဲ့တာ ဖြစ်ပါတယ်။ သူဟာ ယင်းမတိုင်မီ တူနီးရှားကို ၂ နှစ်နီးပါး ကိုင်တွယ်ခဲ့ပြီး ၂၀၁၃ အာဖရိကဖလားပြိုင်ပွဲအုပ်စုအဆင့်မှ ထွက်ခွာခဲ့ရပြီးနောက် ထွက်ခွာခဲ့ရတာပါ။
မြောက်အာဖရိကအသင်းဟာ မော်ရိုကိုတွင် ကျင်းပနေတဲ့ အာဖရိကဖလားပြိုင်ပွဲ အုပ်စု(ဂ)တွင် အုပ်စုဒုတိယအဖြစ်ဖြင့် ရှုံးထွက်အဆင့်သို့ တက်ခဲ့တာလည်း ဖြစ်ပါတယ်။

အိုးထရက်ဖို့ဒ်တွင် မအောင်မြင်တဲ့ ၁၄ လတာကြုံရပြီးနောက် အမိုရမ်ကို ယူနိုက်တက် ထုတ်ပယ်လာ
=======================

ယူနိုက်တက်ဟာ ဘုတ်အဖွဲ့ကို လူသိရှင်ကြား ဝေဖန်တိုက်ခိုက်မှု ပြုလုပ်တဲ့ ရူဘင်အမိုရမ်အား ထုတ်ပယ်လာခဲ့ပြီ ဖြစ်ပါတယ်။
ပေါ်တူဂီလူမျိုးနည်းပြဟာ လိဒ်နှင့် ၁ ဂိုးစီသရေကျတဲ့ပွဲအပြီးတွင် အိုးထရက်ဖို့ဒ်အကြီးအကဲများအား ဝေဖန်တိုက်ခိုက်မှု ပြုလုပ်ခဲ့သူလည်း ဖြစ်ပါတယ်။
အသက် ၄၀ နှစ်ရှိ အမိုရမ်ဟာ ယူနိုက်တက်ကို ကိုင်တွယ်တဲ့ ၁၄ လတာကာလအတွင်းတွင် ကွင်းတွင်း ကွင်းပြင် ပြဿနာများနှင့် ကြုံရပြီးနောက် အိုးထရက်ဖို့ဒ်မှ ထွက်ခွာလာခဲ့ရတာလည်း ဖြစ်ပါတယ်။
သူဟာ ယူနိုက်တက်ကို ၆၃ ပွဲ ကိုင်တွယ်စဉ်အတွင်း ၂၁ ပွဲတည်းသာ အနိုင်ရရှိအောင် စွမ်းဆောင်နိုင်ခဲ့ကာ အနိုင်ရာခိုင်နှုန်း ၃၈.၇၁ ရာခိုင်နှုန်းသာ ရယူနိုင်ခဲ့ပါတယ်။
ယူနိုက်တက်သမိုင်းတွင် ၁၉၇၁ ခုနှစ်တုန်းက ထုတ်ပယ်ခဲ့တဲ့ ဖရန့်အိုဖာရဲလ်နောက်ပိုင်းတွင် မှတ်တမ်းအဆိုးရွားဆုံး နည်းပြလည်း ဖြစ်လာပါတယ်။
ဖရန့်အိုဖာရဲလ်ဟာ ယူနိုက်တက်အား ၈၁ ပွဲ ကိုင်တွယ်ရာတွင် ပွဲ ၃၀ တည်းသာ အနိုင်ရယူနိုင်ခဲ့ကာ အနိုင်ရာခိုင်နှုန်း ၃၇.၀၄ သာ ရယူနိုင်ခဲ့ပါတယ်။
ယူနိုက်တက်ယူ-၂၁ နည်းပြဒါရင်းဖလက်ချာက ယူနိုက်တက်အား ယာယီနည်းပြအဖြစ် ကိုင်တွယ်လာပါမယ်။
ဒါရင်းဖလက်ချာဟာ ဗုဒ္ဓဟူးနေ့ ဘန်လေနှင့် ရင်ဆိုင်ရမယ့်ပွဲစဉ်တွင် ယူနိုက်တက်အား ကြီးကြပ်လာပါမယ်။
အမိုရမ်ဟာ လိဒ်နှင့်ပွဲအပြီး သတင်းစာရှင်းလင်းပွဲတွင် ၎င်းမှာ နည်းပြမဟုတ်ဘဲ မန်နေဂျာတစ်ဦးသာ ဖြစ်ကြောင်း ပြောဆိုခဲ့သလို အန်တိုနီဆီမန်ယိုအား ခေါ်ယူရေး မအောင်မြင်မှုအတွက် ဘောလုံးဒါရိုက်တာဂျေဆင်‌ကော့ဝဲလ်ကိုလည်း ပါးပါးလေး ဝေဖန်တိုက်ခိုက်ခဲ့ပါသေးတယ်။
အမိုရမ်က ယူနိုက်တက်နည်းပြရာထူးမှ နုတ်ထွက်မည်မဟုတ်ကြောင်း ကတိပေးခဲ့ပေမယ့် အပြောင်းအရွှေ့လုပ်ဆောင်မှုများတွင် ပိုမို ထိန်းချုပ်ရန် တောင်းဆိုခဲ့ပါတယ်။
စပို့တင်းလစ္စဘွန်းနည်းပြဟောင်းဟာ ထိုစဉ်ကတည်းက ရာထူးမှ ထုတ်ပယ်ခြင်းခံလာရမယ်လို့ သတင်းများ ကျယ်ပြန့်စွာ ထွက်ပေါ်လာခဲ့တာလည်း ဖြစ်ပါတယ်။
လက်ရှိအချိန်တွင် လစ်လပ်နေတဲ့ ယူနိုက်တက်နည်းပြရာထူးအတွက် အင်္ဂလန်နည်းပြဟောင်းဂါရတ်ဆောက်ဂိတ်၊ ဘာစီလိုနာနည်းပြဟောင်းဇာဗီး၊ ခရစ္စတယ်ပဲလေ့စ်နည်းပြအိုလီဗာဂလပ်စ်နာ၊ ဖူလ်ဟမ်နည်းပြအန်ဒိုနီအိုင်ရာအိုလာတို့က ထိပ်ဆုံးမှ ရေပန်းစားလျက်ရှိပါတယ်။

မေဂျာလိဂ်တစ်နှစ်တာအကောင်းဆုံးဆုရ ဂိုးသမားအား ခေါ်ယူအားဖြည့်လာတဲ့ မက်ဆီရဲ့ အင်တာမိုင်ယာမီ
======================

အင်တာမိုင်ယာမီဟာ ၂၀၂၅ ခုနှစ်အတွက် မေဂျာလိဂ်တစ်နှစ်တာအကောင်းဆုံးဂိုးသမားဆုရ ဒေးနီစိန့်ကလဲယားကို ခေါ်ယူအားဖြည့်ကာ ရာသီသစ်အတွက် ပြင်ဆင်လာပါတယ်။
ကနေဒါလက်ရွေးစင်ဂိုးသမားဟာ အင်တာမိုင်ယာမီသို့ တစ်နှစ်သက်တမ်းတိုးနိုင်မယ့်အချက်ပါ တစ်နှစ်စာချုပ်ဖြင့် ပြောင်းလာခဲ့တာ ဖြစ်ပြီး မေဂျာလိဂ်ချန်ပီယံအသင်းတွင် လူးဝစ်ဆွာရက်ဇ်၊ လီယွန်နယ်မက်ဆီတို့နှင့် အတူကစားခွင့်ရလာတော့မှာလည်း ဖြစ်ပါတယ်။
မာရှေးယာနိုဟာ ပြီးခဲ့တဲ့ရာသီတုန်းက ဝါရင့်ဂိုးသမားအော်စကာအူစတာရီကို ဦးစားပေးဂိုးသမားအဖြစ် အသုံးပြုခဲပြီး မေဂျာလိဂ်ဗိုလ်လုပွဲနိုင်ပွဲတွင် ရိုကိုရီယို့စ်နိုဗိုအား ပွဲထွက်ဂိုးသမားအဖြစ် အသုံးပြုခဲ့ပါတယ်။
အသက် ၂၅ နှစ်ရှိ ဒေးနီစိန့်ကလဲယားဟာ ၂၀၂၅ ခုနှစ်အတွင်း ပွဲ ၃၀ ကစားခဲ့ရာမှာ ဂိုးမပေးရတဲ့ ပွဲ ၁၀ ပွဲပိုင်ဆိုင်ခဲ့ပြီး ကာကွယ်မှု ၁၁၃ ကြိမ်အထိ ပြုလုပ်နိုင်ခဲ့သူလည်း ဖြစ်ပါတယ်။
သူဟာ ၂၀၂၅ ခုနှစ်တွင် ဂိုးပေါက်ကာကွယ်မှု ၇၅ ရာခိုင်နှုန်းအထိ ကာကွယ်နိုင်တဲ့ တစ်ဦးတည်းသော ဂိုးသမားအဖြစ် ရပ်တည်ခဲ့သူလည်း ဖြစ်ပါတယ်။
အင်တာမိုင်ယာမီဟာ ဒေးနီစိန့်ကလဲယားအား မခေါ်ယူမီ အာဂျင်တီးနားနောက်ခံလူမူရာနှင့် စပိန်နောက်ခံလူရိုဂူလွန်တို့ကိုလည်း အလွတ်ပြောင်းရွှေ့ကြေးဖြင့် ခေါ်ယူကာ ပြင်ဆင်ထားပါတယ်။
လီယွန်နယ်မက်ဆီဦးဆောင်တဲ့ အင်တာမိုင်ယာမီဟာ ဖေဖော်ဝါရီလ ၂၁ ရက်နေ့တွင် LAFC နှင့် ရာသီသစ်အဖွင့်ပွဲ ကစားသွားရပါမယ်။

ရှုံးနေတဲ့ တိုက်ပွဲကို တိုက်နေရကာ ယူနိုက်တက်နည်းပြဘဝ အဆုံးသတ်ရဲ့ အစကြုံလာရပြီဖြစ်တဲ့ ရူဘင်အမိုရမ်
====================

ကလပ်ဘုတ်အဖွဲ့ကို အံ့ဩသင့်ဖွယ် တိုက်ခိုက်ပြောဆိုမှု ပြုလုပ်ခဲ့တဲ့ ရူဘင်အမိုရမ်မှာ ယူနိုက်တက်နည်းပြအဖြစ် ကြာကြာရှင်သန်ခွင့်ရလာတော့မှာ မဟုတ်ကြောင်း ထင်ကြေးပေးခံလာရပြီ ဖြစ်ပါတယ်။
ယူနိုက်တက်နည်းပြဟာ တနင်္ဂနွေနေ့ညတုန်းက လိဒ်နှင့် တစ်ဂိုးစီသရေကျတဲ့ပွဲအပြီး သတင်းစာရှင်းလင်းပွဲတွင် ယူနိုက်တက်ဘုတ်အဖွဲ့အား တိုက်ခိုက်ပြောဆိုမှုပြုလုပ်ပြီးနောက် ထုတ်ပယ်ခြင်းခံရမယ်လို့ ယူဆခြင်းခံလာရသူလည်း ဖြစ်ပါတယ်။
ဒါပေမယ့် ၎င်းက စာချုပ်သက်တမ်းကုန်ဆုံးမယ့် ၂၀၂၇ ခုနှစ်မတိုင်မီ နုတ်ထွက်လာမှာ မဟုတ်ကြောင်း ပြောဆိုခဲ့ပါတယ်။
သူဟာ ယူနိုက်တက်တွင် မန်နေဂျာတစ်ဦးအဖြစ် မဟုတ်ဘဲ နည်းပြတစ်ဦးအဖြစ် ဆက်ဆံခြင်းခံနေရမှုအပေါ် ငြီးတွားပြောဆိုခဲ့သလို ဘုန်းမောက်မှ အန်တိုနီဆီမန်ယိုအား ခေါ်ယူရေး မအောင်မြင်ခဲ့မှုအတွက် ဘောလုံးဒါရိုက်တာဂျေဆင်ဝဲလ်ကော့စ်ကိုလည်း တိုက်ခိုက်ပြောဆိုခဲ့ပါသေးတယ်။
ယခုအခါ ပရီးမီးယားလိဂ်သမိုင်းတွင် ဂိုးအများဆုံးသွင်းယူသူအဖြစ် ရပ်တည်နေတဲ့ ဂန္ထဝင်တိုက်စစ်မှူးအလန်ရှီးယားက ရူဘင်အမိုရမ်မှာ မကြာမီ အဖြစ်ဆိုးနှင့် ကြုံလာရတော့မှာ ဖြစ်ကြောင်း ပြောကြားလာပါတယ်။
အင်္ဂလန်တိုက်စစ်မှူးဟောင်းက "သူက ရှုံ့းနေတဲ့ တိုက်ပွဲတစ်ခုကို တိုက်နေရတာပါ။ အနိုင်ရမယ့်သူက ထွက်ပြီးသားပါ။ သူ ကြာကြာမရှိတော့ရင်တော့ ကျွန်တော့်အတွက် အံ့ဩစရာ ဖြစ်လာမှာ မဟုတ်ပါဘူး။ ဘုတ်အဖွဲ့ကို ဒီလို ကိုင်တွယ်ဖို့ သူ့မှာ လုံလောက်တဲ့ ခွန်အား မရှိပါဘူး"လို့ ဆိုသွားပါတယ်။
ဒါ့အပြင် အလန်ရှီးယားက ရူဘင်အမိုရမ်ဟာ နောက်ဆုံး ၂ ပွဲဆက် စီနီယာကစားသမား ၈ ဦး မပါဘဲ ကစားရပေမယ့်လည်း ကလပ်ဘက်က ဇန်နဝါရီတွင် ကစားသမားခေါ်ယူအားဖြည့်ရန် အစီအစဉ်မရှိမှုနှင့်အတူ ယခုကဲ့သို့ ဒေါသတကြီး တိုက်ခိုက်ပြောဆိုမှုပြုလုပ်လာတာလို ယူဆကြောင်းလည်း ဆိုသွားပါတယ်။
ရူဘင်အမိုရမ်ဟာ ယူနိုက်တက်အား ၁၃ လကြာ ကိုင်တွယ်စဉ်အတွင်း ၆၃ ပွဲကိုင်တွယ်ရာတွင် ၂၄ ပွဲသာ နိုင်ပွဲရယူပေးထားနိုင်ပြီး ရှုံးပွဲ ၂၁ ပွဲအထိ ကြုံထားပါတယ်။ ဒါပေမယ့် သူဟာ ပြီးခဲ့တဲ့ရာသီတုန်းက ယူနိုက်တက်အား ယူရိုပါလိဂ်ဗိုလ်လုပွဲသို့ ပို့ဆောင်ပေးထားနိုင်ပါတယ်။

လက်ထောက်ဟောင်းရိုစီနီယာမှာ ချဲလ်ဆီးအခွင့်အရေးနှင့် ထိပ်တန်ကြောင်း ဝိန်းရွန်းနီပြောကြားလာ
======================

လက်ထောက်နည်းပြဟောင်းလီယမ်ရိုစီနီယာမှာ နည်းပြကောင်းတစ်ဦးဖြစ်ပြီး ချဲလ်ဆီးအခွင့်အရေးနှင့် ထိုက်တန်ကြောင်း ဝိန်းရွန်းနီက ပြောကြားလာပါတယ်။
စထရာဘော့နည်းပြဟာ လစ်လပ်နေတဲ့ ချဲလ်ဆီးနည်းပြရာထူးအတွက် ထိပ်ဆုံးမှ ရေပန်းစားနေသူ ဖြစ်ပါတယ်။
အသက် ၄၁ နှစ်ရှိ ရိုစီနီယာဟာ စထရာဘော့ဥက္ကဌ၊ အားကစားဒါရိုက်တာတို့နှင့်အတူ တနင်္ဂနွေနေ့ကတည်းက လန်ဒန်သို့ ရောက်ရှိနေကာ ချဲလ်ဆီးနှင့် ဆွေးနွေးမှုများ ပြုလုပ်နေပါတယ်။
အားလုံး အဆင်ပြေချောမွေ့လာပါက ချဲလ်ဆီးဟာ ယနေ့ တနင်္လာနေ့တွင်ပင် ရိုစီနီယာကို နည်းပြသစ်အဖြစ် ခန့်အပ်လာမှာ ဖြစ်ပြီး ဗုဒ္ဓဟူးနေ့ ဖူလ်ဟမ်နှင့်ပွဲစဉ်မှ စတင်ကာ တာဝန်ယူလာစေပါမယ်။
ရိုစီနီယာဟာ ၂၀၂၁ ခုနှစ်မှ ၂၀၂၂ ခုနှစ်အတွင်းတွင် ဒါဘီကောင်တီအသင်းမှာ ဝိန်းရွန်းနီရဲ့ လက်ထောက်နည်းပြအဖြစ် တာဝန်ထမ်းဆောင်ခဲ့ဖူးပါတယ်။ သူဟာ ဝိန်းရွန်းနီ ထွက်ခွာသွားပြီးနောက် ဒါဘီကောင်တီတွင် ယာယီနည်းပြအဖြစ် ထမ်းဆောင်ခဲ့ပါတယ်။
ယင်းနောက် သူဟာ ဟားလ်စီးတီးကို ကိုင်တွယ်ခဲပြီး ချန်ပီယံရှစ်ပလေးအော့ဖ်ရလုနီးပါး အခြေအနေသို့ ပို့ဆောင်ခဲ့ပေမယ့် ထုတ်ပယ်ခြင်းခံခဲ့ရကာ ၂၀၂၄ ခုနှစ်တွင် စထရာဘော့နည်းပြဖြစ်လာပါတယ်။
ဝိန်းရွန်းနီက "သူက အခွင့်အရေးတွေကို အမိအရယူခဲ့တယ်။ လီယမ်က ကျွန်တော် အလုပ်တွဲလုပ်ဖူးတဲ့ နည်းပြကောင်းတစ်ဦးဖြစ်လို့ အကျိုးကျေးဇူးခံစားရဖို့ မျှော်လင့်ပါတယ်။ သူက အသေးစိတ်ကျတယ်။ တစ်နေ့ချင်းစီ ချဉ်းကပ်တယ်။ ကျွန်တော်နဲ့တွဲလုပ်တုန်းကလည်း ကောင်းတယ်"လို့ BBC ရဲ့ Wayne Rooney Show.ပြောကြားသွားပါတယ်။
ဝိန်းရွန်းနီဟာ ဒီစီယူနိုက်တက်၊ ဘာမင်ဂမ်စီးတီးနှင့် ပလိုင်းမောက်တို့ကို ကိုင်တွယ်ခဲ့ဖူးသူ ဖြစ်ပြီး လက်ရှိအချိန်တွင် မီဒီယာအလုပ်လုပ်နေပါတယ်။
ဆက်လက်ပြီး ရွန်းနီက "လီယမ်က ကျွန်တော့်အတွက် အရမ်းအရေးပါခဲတယ်။ နည်းပြအရည်အသွေးအရမ်းကောင်းတယ်။ ကျွန်တော်က မန်နေဂျာပိုဆန်ခဲ့တယ်။ ကစားသမားတွေနဲ့ အရာအားလုံးကို ကိုင်တွယ်တယ်။ သူ့ရဲ့အမြင်တွေဆီကနေ အများကြီးသင်ယူခဲ့ရတယ်။ သူ့အလုပ်ကို အကောင်းဆုံးလုပ်ခဲ့တယ်လို့ ထင်တယ်"လို့ ပြောကြားသွားပါတယ်။

ဂျာမန်ဘာသာစကားမှာ သင်ကြားရ အလွန်ခက်ခဲကြောင်း ပြောကြားကာ အနာဂတ်အား အရိပ်အမြွက်ပြောဆိုလာတဲ့ ဟယ်ရီကိန်း
======================

ဟယ်ရီကိန်းက ဂျာမန်ဘာသာစကားမှာ သင်ကြားရ အလွန်ခက်ခဲကြောင်း ဝန်ခံပြောဆိုလာကာ ဘိုင်ယန်မြူးနစ်အနာဂတ်အပေါ် အရိပ်အမြွက်ပြောဆိုလာပါတယ်။
စပါးစ်တိုက်စစ်မှူးဟောင်းဟာ ၂၀၂၃ ခုနှစ်နွေရာသီတွင် ဘိုင်ယန်မြူးနစ်သို့ ရောက်လာပြီးနောက် ဘာသာစကားသင်ကြားလာခဲ့ခြင်းဖြစ်ပေမယ့် ယခုတိုင် စကားကောင်းကောင်းပြောဆိုနိုင်ရန် ရုန်းကန်နေရတုန်း ဖြစ်ပါတယ်။
သူဟာ ဂျာမန်ဘာသာစကားသင်ကြားရ ခက်ခဲနေပေမယ့်လည်း ကွင်းအတွင်းတွင်မူ အကောင်းဆုံးပုံစံဖြင့် ကစားနေပါတယ်။
၎င်းက "ကြိုးစား သင်ကြားလိုပါတယ်။ ဒီနိုင်ငံ၊ ဒီယဉ်ကျေးမှုနဲ့ အသားကျဖို့ ကြိုးစားချင်တယ်။ အပတ်တိုင်း ဂျာမန်သင်ခန်းစာ အနည်းဆုံး တစ်ကြိမ် သို့မဟုတ် နှစ်ကြိမ် သင်လိုပါတယ်။ ဒါက အရမ်းခက်တယ်။ ဒါပေမယ့် ကြိုးစားသင်ယူနေပါတယ်"လို့ ပြောကြားသွားပါတယ်။
စက်တင်ဘာလတုန်းကလည်း အသက် ၃၂ နှစ်ရှိ အင်္ဂလန်အသင်းခေါင်းဆောင်က ဂျာမန်ဘာသာစကားသင်ကြားတုန်း ဖြစ်ကြောင်း၊ သို့ရာတွင် ပြောဆိုရန် မဝံ့မရဲဖြစ်နေတုန်း ဖြစ်ကြောင်း ပြောဆိုခဲ့ဖူးပါတယ်။
၎င်းက "ဂျာမန်စကားက အဆင်ပြေပါတယ်။ ဒီနေ့လေ့ကျင့်ရေးအစီအစဉ်ပြီးတော့ သင်ခန်းစာတစ်ခုသင်ခဲ့တယ်။ အခုစကားလုံးအချို့ ပြောနိုင်ပြီ။ တချို့အရာတွေ နားလည်နိုင်ပါပြီ။ ဒါပေမယ့် အမြဲတမ်းလေ့ကျင့်နေဖို့ လိုတယ်"လို့ ဆိုသွားပါတယ်။
ဒါပေမယ့် ဟယ်ရီကိန်းဟာ ဂျာမန်ဘာသာစကားကျွမ်းကျင်စွာ ပြောဆိုနိုင်ဖို့များစွာ လိုအပ်နေပါသေးတယ်။
ဟယ်ရီကိန်းက "အရမ်းခက်တယ်။ ရိုးသားစွာပဲ ပြောတာပါ။ ဒါပေမယ့် တစ်ပတ် နှစ်ကြိမ် ကြိုးစားသင်သွားမယ်။ အခု အဝတ်အစားလဲခန်းမှာ လူတွေ ပြောတာ တဖြည်းဖြည်းနားလည်လာနေပါပြီ။ ရာသီကုန်ရင်တော့ စကားအပြန်အလှန်ပြောတာ ဖြစ်ဖြစ်၊ ဂျာမန်အင်တာဗျူးပဲ ဖြစ်ဖြစ် လုပ်နိုင်ကောင်းတန်ရဲ့။ အခု ကိုယ့်ကိုယ်ကို ဒီအတွက် ဖိအားပေးနေတယ်"လို့ ပြောကြားသွားပါတယ်။
အကြိုက်ဆုံးဂျာမန်ဘာသစကားကို မေးမြန်းလာချိန်တွင် ဟယ်ရီကိန်းက "Tor!" (ဂိုး)လို့ ပြောကြားသွားပါတယ်။
ဟယ်ရီကိန်းဟာ ဘိုင်ယန်မြူးနစ်နှင့် ၂၀၂၇ ခုနှစ်အထိ စာချုပ်ချုပ်ဆိုထားသူ ဖြစ်ပြီး လာမယ့်နွေရာသီမှာ ထွက်ခွာဖို့ အစီအစဉ် မရှိပါဘူး။
၎င်းက "ဘယ်သူ့ဆီကမှ အဆက်အသွယ်မရပါဘူး။ ဘယ်သူကမှလည်း မဆက်သွယ်ပါဘူး။ အခုအခြေအနေအပေါ်မှာ သက်တောင့်သက်သာ ရှိပါတယ်။ လက်ရှိ ဘိုင်ယန်အခြေအနေအပေါ် မဆွေးနွေးရသေးပါဘူး။ အလျှင်လည်း မလိုပါဘူး။ မြူးနစ်မှာ အရမ်းပျော်ပါတယ်။ ကျွန်တော့်ကစားပုံကြည့်ရင် မြင်နိုင်ပါတယ်။ စာချုပ်ကိစ္စရှိလာရင် သိလာရမှာပါ။ ဒါပေမယ့် အခု ရာသီသစ်အတွက် မတွေးသေးပါဘူး။ ပထမဆုံး ကမ္ဘာ့ဖလားလာပါဦးမယ်။ ဒီရာသီပြီးရင်လည်း ဘာမှ ပြောင်းလဲလာဦးမှာ မဟုတ်ပါဘူး။ မြူးနစ်က ကျွန်တော့်အိမ်ဖြစ်နေပါပြီ။ ကျွန်တော့်မိသားစုရော ကျွန်တော်ရော ဒီမှာ အစစအရာရာအဆင်ပြေတယ်။ ကလပ်နဲ့ ပရိသတ်တွေကလည်း အရမ်းကောင်းတယ်။မြူးနစ်က ကျွန်တော့်နှလုံးထဲမှာ အမြဲရှိနေမှာပါ"လို့ ပြောကြားသွားပါတယ်။
ဟယ်ရီကိန်းဟာ ဘိုင်ယန်မြူးနစ်အတွက် ကစားတဲ့ ၁၂၁ ပွဲတွင် ၁၁၅ ဂိုးအထိ သွင်းထားပါတယ်။ သူဟာ ယခုရာသီတွင် ပြိုင်ပွဲအရပ်ရပ်တွင် ၂၅ ပွဲတွင် ဂိုး ၃၀ အထိ သွင်းထားနိုင်ပါတယ်။

ဆဲလ်တစ်ကို အနိုင်ရပြီး နာရီအနည်းငယ်အကြာတွင် အရက်သောက်စားပြီး ယာဉ်မတော်တဆမှုဖြစ်ကာ ဖမ်းဆီးခံခဲ့ရတဲ့ ရိန်းဂျားစတား
=======================

ရိန်းဂျားစတားဒူဂျွန်စတာလင်းဟာ ဆဲလ်တစ်ကို အနိုင်ရပြီးနောက် နာရီအတန်ကြာတွင် ယာဉ်မတော်တဆဖြစ်ပွားပြီးနောက် ဖမ်းဆီးထိန်းသိမ်းခြင်းခံခဲ့ရပါတယ်။
အသက် ၂၆ နှစ်ရှိ နောက်ခံလူဟာ စနေနေ့တုန်းက Parkhead တွင် ဆဲလ်တစ်ကို ၃-၁ ဖြင့် အနိုင်ရတဲ့ပွဲစဉ်တွင် ခြေစွမ်းပြနိုင်ခဲ့သူများထဲမှ တစ်ဦး ဖြစ်ပါတယ်။
ယင်းပွဲအပြီး တနင်္ဂနွေနေ့ နံနက်ပိုင်းမှာတော့ ရဲတပ်ဖွဲ့က ဂလက်စကိုရှိ ကောင်းကက်ဒန်ဧရိယာတွင် ယာဉ်မတော်တဆမှုတစ်ခု ဖြစ်ပွားခဲ့ကြောင်း အတည်ပြုသွားပါတယ်။
သူဟာ တနင်္ဂနွေနေ့ နံနက် ၁ နာရီ ၂၅ မိနစ်အချိန်တွင် ဝက်စ်ဂရေဟမ်လမ်းတွင် လမ်းဘေးအတားအဆီးကို တိုက်မိခဲ့တာ ဖြစ်ပြီး လေအိတ်ပွင့်သွားပါတယ်။
ကံကောင်းထောက်မစွာ စတာလင်းဟာ ဒဏ်ရာတစုံတရာ ရရှိခဲ့ခြင်း မရှိပေမယ့်လည်း အရက်သောက်စားကာ ယာဉ်မောင်းနှင်မှုကြောင့် ဖမ်းဆီးထိန်းသိမ်းခြင်းခံခဲ့ရပါတယ်။
စတာလင်းဟာ ယာဉ်မတော်တဆမှုအတွက် နောက်ပိုင်းတွင် ရုံးတက် တရားရင်ဆိုင်လာရဖို့ ရှိနေပါတယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ
(ဇန်နဝါရီ - ၆ ရက်၊ နံနက် ၁၀ နာရီ)

#ရွှေဈေး
-ကမ္ဘာ့ရွှေဈေး
တအောင်စ ၄၄၆၅ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၆၀၀၀၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉၃၈၀၀၀၀ ကျပ်
ဝယ်ဈေး ၉၃၄၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၈၉၈၀၀၀၀ ကျပ်
ဝယ်ဈေး ၈၉၄၀၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉၂၆၀၀၀၀ ကျပ်
ဝယ်ဈေး ၉၂၂၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၈၈၆၀၀၀၀ ကျပ်
ဝယ်ဈေး ၈၈၂၀၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)
#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၅၄ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၃၉၈၀ ကျပ်
ဝယ်ဈေး - ၃၈၈၀ ကျပ်
-စင်္ကာပူဒေါ်လာ
ရောင်းဈေး - ၃၁၀၅ ကျပ်
ဝယ်ဈေး - ၃၀၂၅ ကျပ်
-ယူရို
ရောင်းဈေး - ၄၆၆၀ ကျပ်
ဝယ်ဈေး - ၄၅၄၅ ကျပ်
-ထိုင်းဘတ်
ရောင်းဈေး - ၁၂၇.၃၉ ကျပ်
ဝယ်ဈေး - ၁၂၄.၂၂ ကျပ်
-မလေးရှားရင်းဂစ်
ရောင်းဈေး - ၉၈၀ ကျပ်
ဝယ်ဈေး - ၉၅၅ ကျပ်
-တရုတ်ယွမ်
ရောင်းဈေး - ၅၆၉ ကျပ်
ဝယ်ဈေး - ၅၅၅ ကျပ်
-ဂျပန်ယန်း
ရောင်းဈေး - ၂၅.၄၁ ကျပ်
ဝယ်ဈေး - ၂၄.၇၈ ကျပ်
-အိန္ဒိယရူပီး
ရောင်းဈေး - ၄၄.၀၆ ကျပ်
ဝယ်ဈေး - ၄၂.၉၇ ကျပ်
-ကိုရီးယားဝမ်
ရောင်းဈေး - ၂.၇၅ ကျပ်
ဝယ်ဈေး - ၂.၆၈ ကျပ်
-စတာလင်ပေါင်
ရောင်းဈေး - ၅၃၈၅ ကျပ်
ဝယ်ဈေး - ၅၂၅၅ ကျပ်
-ဩစတြေးလျဒေါ်လာ
ရောင်းဈေး - ၂၆၆၄ ကျပ်
ဝယ်ဈေး - ၂၅၉၇ ကျပ်
-ကနေဒါဒေါ်လာ
ရောင်းဈေး - ၂၈၈၈ ကျပ်
ဝယ်ဈေး - ၂၈၁၆ ကျပ်
-ဟောင်ကောင်ဒေါ်လာ
ရောင်းဈေး - ၅၁၁ ကျပ်
ဝယ်ဈေး - ၄၉၈ ကျပ်
-ယူအေအီး
ရောင်းဈေး - ၁၀၈၃ ကျပ်
ဝယ်ဈေး - ၁၀၅၆ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
****************************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

Introduction to the Aircraft Heavy Maintenance Visit Market

The Aircraft Heavy Maintenance Visit (HMV) market is a critical component of the aerospace and defense industry, focusing on the maintenance, repair, and overhaul (MRO) services for aircraft. As aircraft fleets continue to age and the demand for air travel increases, the importance of regular heavy maintenance visits has never been greater. These visits ensure that aircraft operate safely, efficiently, and in compliance with rigorous aviation standards.
Read Full Research Study: https://marketintelo.com/repor....t/aircraft-heavy-mai