သဘာဝဓာတ်ငွေ့ရည်များ သယ်ဆောင်လာသည့် MT DAPENG PRINCESS သင်္ဘော ထပ်မံရောက်ရှိ

Liquified Natural Gas LNG အပြည့် သယ်ဆောင်လာသည့် MT DAPENG PRINCESS သင်္ဘောသည် MCV Terminal သို့ ထပ်မံရောက်ရှိလာခဲ့ကြောင်း သိရသည်။
အဆိုပါသင်္ဘောသည် MCV Terminal ၌ ဆိုက်ကပ်ထားသည့် အဆင့်မြင့်နည်းပညာသုံး ဓာတ်ငွေ့သိုလှောင်သင်္ဘော (FSO - Floating Storage and Offloading) ဖြစ်သော MV CNTIC VPOWER ENERGY သင်္ဘောအတွင်းသို့ ဓာတ်ငွေ့များကို ဖြည့်တင်းပေးမည်ဖြစ်ကြောင်း သိရသည်။
ယခုရောက်ရှိလာသည့် MT DAPENG PRINCESS ကို ကပ်ပေးပြီးဖြစ်သည့်အတွက် CVE ထဲသို့ သဘာဝဓာတ်ငွေ့ကို ကူးပြောင်းပေးပို့ပြီးပါက မကြာမီအချိန်အတွင်း လျှပ်စစ်ဓာတ်အားကို ထုတ်ပေးနိုင်တော့မည်ဖြစ်ကြောင်း သိရသည်။
Photo:NS

မဲစာရင်းပါသည့် တက္ကသိုလ် ကျောင်းသား၊ ကျောင်းသူများ ကြိုတင်မဲပေးနိုင်မည့်အချိန် တစ်ရက်သာကျန်တော့

မဲစာရင်းပါရှိသည့် တက္ကသိုလ်ကျောင်းသား၊ ကျောင်းသူများ ကြိုတင်မဲပေးနိုင်မည့်အချိန်သည် နိုဝင်ဘာ (၂၁)ရက် တစ်ရက်သာ ကျန်တော့သည်။
တက္ကသိုလ် ကျောင်းသား၊ ကျောင်းသူများ အတွက် ကြိုတင်မဲပေးနိုင်သည့် အချိန်သည် နိုဝင်ဘာ(၁၇)ရက်မှ နိုဝင်ဘာ (၂၁)ရက်အထိ သတ်မှတ်ထားခြင်း ဖြစ်သည်။
တက္ကသိုလ်ကျောင်းသား၊ ကျောင်းသူများသည် မိမိ သက်ဆိုင်ရာမြို့နယ်ပြင်ပရှိ တက္ကသိုလ်၊ ဒီဂရီကောလိပ်နှင့် ကောလိပ်များတွင် တက်ရောက်ရမည်ဆိုပါက ဆန္ဒမဲပေးခြင်းကို မဲစာရင်းပါရှိရာ ရပ်ကွက်၊ ကျေးရွာများတွင် ကြိုတင်မဲပေးရမည် ဖြစ်သည်။
ထိုသို့ပေးရာတွင် နိုင်ငံသားစိစစ်ရေးကတ် (သို့မဟုတ်) ကျောင်းသားကတ် သို့မဟုတ် ကျောင်းဝင်ခွင့် အထောက် အထားတို့ကို ပြသ၍ ကြိုတင်ဆန္ဒမဲပေးနိုင်မည်ဟုလည်း ပြည်ထောင်စုရွေးကောက်ပွဲကော်မရှင်က ထုတ်ပြန်ထားပြီး ဖြစ်သည်။
ရွေးကောက်ပွဲကျင်းပမည့် ဒီဇင်ဘာ (၂၈) ရက်သည် သက်ဆိုင်ရာ ကျောင်းများ၌ ‌ပညာသင်ကြားနေမည့်အချိန်ဖြစ်သောကြောင့် အသက် (၁၈) နှစ်ပြည့်ပြီး ဥပဒေအရ မဲပေးခွင့်ရှိသည့် ကျောင်းသား၊ ကျောင်းသူများ မဲပေးခွင့်မဆုံးရှုံးစေရန် ထိုသို့စီစဉ်ပေးထားခြင်း ဖြစ်ကြောင်းလည်း သိရသည်။

နိုင်ငံအတွင်း နေရပ်စွန့်ခွာရွှေ့ပြောင်းနေရသူများတွင် ကလေးငယ်ပေါင်း တစ်သန်းကျော်အထိ ရှိနေ

မြန်မာနိုင်ငံပြည်သူ သုံးသန်းခွဲကျော်သည် နိုင်ငံအတွင်း နေရပ်စွန့်ခွာရွှေ့ပြောင်းနေရပြီး အဆိုပါသုံးသန်းခွဲအနက် တစ်သန်းကျော်သည် ကလေးသူငယ်များဖြစ်ကြောင်း UNICEF ၏ အချက်အလက်များအရ သိရှိရကြောင်း ဩစတြေးလျသံရုံး( မြန်မာ)က ယနေ့ နိုဝင်ဘာ(၂၀)ရက်နေ့တွင် အသိပေးထားသည်။
အနာဂတ်တွင် ပါဝင်လာမည့် ကလေးငယ်များ၏ အရေးပါသည့်အခန်းကဏ္ဍကို အသိမှတ်ပြုပြီး ပဋိပက္ခနှင့် ဘေးအန္တရာယ်ဖြစ်ပွားလေ့ရှိသည့် အခြေအနေများတွင် ကလေးငယ်များကြုံတွေ့နေရသည့် စိန်ခေါ်မှုများကို ထုတ်ဖော်လုပ်ဆောင်ရန် လိုအပ်ကြောင်းလည်း ဩစတြေးလျသံရုံး( မြန်မာ)က အသိပေးထားသည်။
ဩစတြေးလျအနေဖြင့် ဖွံ့ဖြိုးတိုးတက်ရေးနှင့် လူသားချင်းစာနာမှုလုပ်ငန်းအစီအစဉ်များမှတဆင့် မြန်မာနိုင်ငံရှိ ပဋိပက္ခဖြစ်ပွားမှုနှင့် ထိခို-က်လွယ်အသိုက်အဝန်းများရှိ ကလေးငယ်များအပါအဝင် ကလေးငယ်အားလုံး၏ အခွင့်အရေးနှင့် ကိုယ်စိတ်ကျန်းမာရေးတို့ကို ကာကွယ်ထားရှိမှု ကတိကဝတ်နှင့် ကာလရှည်ပံပိုးမှုများကိုလည်း ထပ်လောင်းအတည်ပြုကြောင်းလည်း အသိပေးချက်တွင် ဖော်ပြထားသည်။
တပ်မတော်နှင့် လက်နက်ကိုင်အဖွဲ့မျိုးစုံတို့၏ ပဋိပက္ခများ ဆက်လက်ဖြစ်ပွားနေပြီး အရပ်သားများသည် နေရပ်စွန့်ခွာတိမ်းရှောင်နေမှုများလည်း ဆက်လက်ဖြစ်ပွားနေကာ နိုဝင်ဘာလထိ နိုင်ငံတစ်ဝန်းတွင် ပြည်တွင်းနေရပ်စွန့်ခွာသူ ဦးရေ ၃ ဒဿမ ၆ သန်းအထိ ရှိနေကြောင်း UNOCHA Myanmar ၏ အချက်အလက်များအရ သိရသည်။
အဆိုပါ မိသားစုများအတွက် လူသားချင်းစာနာမှုဆိုင်ရာလိုအပ်ချက်များ ပိုမိုများပြားလာကြောင်းလည်း UNOCHA Myanmar က အသိပေးထားသည်။

လားရှိုးတက္ကသိုလ် ပြန်လည်ဖွင့်လှစ်မည်

ရှမ်းပြည်မြောက်ပိုင်း၊ လားရှိုးမြို့ရှိ လားရှိုးတက္ကသိုလ်ကို နိုဝင်ဘာလ (၂၄) ရက်တွင် ပြန်လည်ဖွင့်လှစ်သွားမည်ဖြစ် ကြောင်း ဒေသခံသတင်းရင်းမြစ်များထံက ကနဦး သိရသည်။
၂၀၂၅ -၂၀၂၆ ပညာသင်နှစ်၏ နေ့သင်တန်းများအားလုံး ဘာသာစုံ၊ အတန်းစုံ ဖွင့်သွားမည်ဖြစ်သည့်အပြင် ကျောင်းဝင်ခွင့်မှတ်ပုံတင်ခြင်းကို နိုဝင်ဘာ (၁၇)ရက်မှ စတင်ဆောင်ရွက်ပေးနေပြီဖြစ်ပြီး လားရှိုးတက္ကသိုလ် ပြန်လည်ဖွင့်လှစ်မည့် ဖွင့်ပွဲအခမ်းအနားအား နိုဝင်ဘာလ (၂၄)ရက်တွင် ကျင်းပသွားမည်ဖြစ်ကြောင်း သိရသည်။
နှစ်အတန်ကြာ တို-က်ပွဲများဖြစ်ပွားခဲ့သည့် ရှမ်း‌/မြောက်ဒေသ လားရှိုးမြို့အား တပ်မတော်က ပြန်လည်ထိန်းချုပ်နိုင်ပြီးနောက် ပညာရေး၊ ကျန်းမာရေးအစရှိသည့် ဒေသဖွံ့ဖြိုးရေးဆိုင်ရာ ကိစ္စရပ်များ အဆင့်လိုက် စီမံချက်ချ ဆောင်ရွက်ပေးနေခြင်းဖြစ်သည်။

အရှိန်လွန် Light Truck ကားက လမ်းသွားလမ်းလာများကိုဝင်တို-က်တိမ်းမှောက် (၁) ဦး​ေ-သဆုံး (၃) ဦးဒ-ဏ်ရာရ

ရန်ကုန်တိုင်း၊ လမ်းမတော်မြို့နယ်တွင် ယနေ့ နိုဝင်ဘာ ၂၀ ရက်မွန်းလွဲ ၂ နာရီ ၄၀ မိနစ်ခန့်က Light Truck ကားအရှိန်လွန်ကာ လမ်းသွားလမ်းလာများကို ဝင်တို-က်မိပြီး တိမ်းမှောက်ခဲ့ကြောင်း မီးသ-တ်တပ်ဖွဲ့ထံမှ သိရသည်။
လမ်းမတော်မြို့နယ်၊ မော်တင်ယာယီဈေးရပ်ကွက်၊ ကျောက်လမ်းပေါ်တွင် Light Truck ကားအရှိန်လွန်ကာ လမ်းသွားလမ်းလာများအားဝင်တို-က်မိပြီးနောက် တိမ်းမှောက်သွားခဲ့သဖြင့် ကျောက်တံတားမြို့နယ် မီးသ-တ်စခန်းမှတပ်ဖွဲ့ဝင်များက ကူညီကယ်ဆယ်မှုများပြုလုပ်ခဲ့ကြကြောင်း သိရသည်။
ဖြစ်စဥ်ကြောင့် အမျိုးသား (၁) ဦးမှာ ထိခိုက်ဒ-ဏ်ရာများရရှိ၍ အခင်းဖြစ်နေရာ၌​ေ-သဆုံးသွားခဲ့ပြီး (၃) ဦးတွင်လည်း ထိခိုက်ဒ-ဏ်ရာများရရှိခဲ့သဖြင့် ဒ-ဏ်ရာရသူများအား အနီးဝန်းကျင်နေသူများက ဆေးရုံသို့ပို့ဆောင်ပေးခဲ့ကြပြီး ​ေ-သဆုံးသူ၏ ရုပ်အလေ-ာင်းအား အေးမေတ္တာလူမှုကူညီရေးအသင်းက ရန်ကုန်ပြည်သူ့ဆေးရုံကြီးသို့ပို့ဆောင်ပေးခဲ့ကြကြောင်း သိရသည်။

စားသုံးဆီတင်သွင်းသည့်ကုမ္ပဏီများထံသို့ အမေရိကန်ဒေါ်လာ ၁၄ သိန်းရောင်းချပေးခဲ့

CMP ကုမ္ပဏီများထံမှ ဝယ်ယူထားသည့် နိုင်ငံခြားငွေများအနက် အမေရိကန်ဒေါ်လာ ၁,၄၃၇,၆၂၅.၀၀ အား စားသုံးဆီတင်သွင်းသည့်ကုမ္ပဏီများသို့ နိုဝင်ဘာ ၁၉ ရက်က ရောင်းချပေးခဲ့ကြောင်း ဗဟိုဘဏ်မှ သိရသည်။
FX Trading တွင် ပေါင်းသတ်ဆေး၊ ဓာတ်မြေဩဇာ၊ ကတ္တရာ၊ ဆေးဝါးနှင့်ဆေးဝါးကုန်ကြမ်းပစ္စည်း၊ စက်မှုကုန်ကြမ်း၊ ဆောက်လုပ်ရေးပစ္စည်း၊ ကား/ဆိုင်ကယ်အပိုပစ္စည်း၊ ဆက်သွယ်ရေးပစ္စည်း၊ တိရိစ္ဆာန်အစာ၊ ထုပ်ပိုးပစ္စည်းများ ၊ သံမဏိ ၊ စိုက်ပျိုးရေးလုပ်ငန်းသုံးပစ္စည်းများ၊ လူသုံးကုန်ပစ္စည်းများ၊ စားသုံးကုန်စည်တင်သွင်းသည့် Importer များမှ နိုင်ငံခြားငွေဝယ်ယူရရှိခဲ့ခြင်းဖြစ်သည်။
ထို့ပြင် မြန်မာနိုင်ငံတော်ဗဟိုဘဏ်အနေဖြင့် နိုင်ငံခြားငွေကြေးဈေးကွက်တွင် စက်သုံးဆီလုပ်ငန်းရှင်များအတွက် အမေရိကန်ဒေါ်လာ သန်း ၃၀ ရောင်းချပေးမည်ဖြစ်ကြောင်းလည်း အသိပေးကြေညာထားသည်။

သီတဂူဆရာတော်ကြီး စစ်ကိုင်းတောင်ရိုးရှိ ငလျင်ဒ-ဏ်သင့် စေတီပုထိုးပြုပြင်ပြီးစီးမှုများ ကြည့်ရှု

သီတဂူဆရာတော်ကြီးသည် မန္တလေးငလျင်ကြီးဒ-ဏ်ကြောင့် ပျ-က်စီးခဲ့ရသည့် စစ်ကိုင်းတောင်ရိုးရှိ ငလျင်ဒ-ဏ်သင့် စေတီပုထိုးများ၏ ပြုပြင်ပြီးစီးမှုများကို ကြည့်ရှူခဲ့သည်။
ယနေ့ (နိုဝင်ဘာ ၂၀) ရက် ညနေပိုင်းက ကြည့်ရှုစစ်ဆေးခဲ့ခြင်း ဖြစ်သည်။
ဆရာတော်ကြီးသည် ရာဇမဏိစူဠာကောင်းမှုတော်စေတီတော်ကြီး၊ မင်္ဂလာမဟာစေတီတော်ကြီး၊ ရတနာစေတီဆင်များရှင်စေတီတော်ကြီး၊ ရှင်ပင်နံကိုင်းစေတီတော်ကြီး၊ မဟိယင်္ဂနစေတီတော်ကြီး၊ မဟာစည်းခုံကြီးစေတီတော်ကြီး၊ ရတနာထွဋ်ခေါင်စေတီတော်ကြီး၊ ဆွမ်းဦးပုညရှင် စေတီတော်ကြီးတို့၏ ပြုပြင်ပြီးစီးမှုအခြေအနေများကို ကြည့်ရှူခဲ့သည်။
စစ်ကိုင်းတောင်ရိုးရှိ ငလျင်ဒ-ဏ်သင့် စေတီတော်ကြီးများ ပြန်လည်ပြုပြင်မွမ်းမံနေသည့် အပိုင်းသည် ယခုအခါတွင် ၇ လတာကျော်ကြာမြင့်ခဲ့ပြီဖြစ်ကာ သီတဂူဆရာတော်ကြီး၏ ဦးဆောင်မှုဖြင့် သာသနိကအဆောက်အဦးများ ပြန်လည်ကောင်းမွန်ရေးလုပ်ငန်းများကို အချိန်ယူ၍ အာရုံစိုက်ဆောင်ရွက်လျက်ရှိသည်ဟုလည်း သိရသည်။
ဓာတ်ပုံများ- သီတဂူဆရာတော်ဓမ္မသဘင် live

တရုတ်ရောက်ဂျပန်များ လုံခြုံရေးသတိရှိရန် ဂျပန်အစိုးရ တိုက်တွန်း

ဂျပန်ဝန်ကြီးချုပ် ဆနားအဲတာကာအိချီ၏ ထိုင်ဝမ်နှင့် ပတ်သက်သော ပြောစကားများကြောင့် တရုပ် နှင့် ဂျပန် နှစ်နှစ်နိုင်ငံအကြား အငြင်းပွားမှုများ နက်ရှိုင်းလာချိန်တွင် တရုတ်နိုင်ငံ၌ ရောက်ရှိနေသော နိုင်ငံသားများအနေဖြင့် လုံခြုံရေး ကြိုတင်သတိပြု မှုကိုတိုးမြှင့်ဆောင်ရွက်ထားရန်နှင့် လူစည်ကားသောနေရာများကို မသွားရောက်ရန် ဂျပန်က သတိပေးခဲ့သည်။
နှစ်နိုင်ငံတင်းမာမှုကို လျှော့ချရန်အတွက် ဂျပန်အစိုးရ အကြီးတန်းသံတမန်တစ်ဦးက ပေကျင်းကို သွားရောက်၍ ဆွေးနွေးနေခဲ့ချိန် နိုဝင်ဘာလ ၁၈ ရက် နေ့တွင် အဆိုပါ သတိပေးချက်ထွက်လာခြင်းဖြစ်သည်။ ဂျပန်သံတမန်၏ ဆွေးနွေးပွဲခရီးစဉ်သည် ပြေလည်မှု တစ်စုံတရာမရခဲ့ပေ။
မစ္စ တာကာအိချီအနေဖြင့် သူ၏ မှတ်ချက်များကို ပြန်ရုပ်သိမ်းစေရန် ဆွေးနွေးပွဲတွင် ဖိအားပေးခဲ့သည်ဟု တရုတ်နိုင်ငံခြားရေးဝန်ကြီးဌာနက ပြောသည်။ သို့ရာတွင် တိုကျိုသည် ၎င်း၏ ရေရှည်ရပ်တည်ချက်အမြင်အရ ထိုသို့လုပ်ဆောင်ရန် စိတ်မပါကြောင်း ပြန်လည်ဆွေးနွေးခဲ့သည်ဟု ဂျပန်အစိုးရ ထိပ်တန်းပြောရေးဆိုခွင့်ရှိသူတစ်ဦးက ပြောကြားခဲ့သည်။
“ဝန်ကြီးချုပ် တာကာအိချီရဲ့ ဖြေကြားချက်တွေနဲ့ပတ်သက်လို့၊ ဒါက အစိုးရရဲ့ လက်ရှိရပ်တည်ချက်ကို မပြောင်းလဲစေပါဘူး” ဟု ဝန်ကြီးချုပ်၏ မှတ်ချက်များကို ပြန်ရုပ်သိမ်းရန် ရှိပါသလားဟူသော သတင်းစာရှင်းလင်းပွဲ၌ မေးမြန်းခဲ့မှုကို မစ္စတာ မီနုရူ ကီဟာရာက တုန့်ပြန်ခဲ့သည်။
ထိုင်ဝမ်နှင့် ပတ်သက်သော ပြဿနာများကို ဆွေးနွေးပွဲများမှတဆင့် ငြိမ်းချမ်းစွာဖြေရှင်းနိုင်လိမ့်မည်ဟု ဂျပန်အစိုးရက မျှော်လင့်ကြောင်းလည်း ၎င်းက ဆက်လက်ပြောကြားခဲ့သည်။

ထိုင်းနိုင်ငံသို့ တရားမဝင် ဝင်ရောက်လာသူ နိုင်ငံခြားသား ၃၉ ဦးကို ထိုင်း အထူးတပ်ဖွဲ့ ဖမ်းဆီးရမိ

ထိုင်း အထူးတပ်ဖွဲ့ ရာဇမနူ သည် တာ့ခ်ခရိုင်၊ မဲဆောက်မြို့နယ်၊ တာ့ဆိုင်းလွတ်ခရိုင်ခွဲ၊ ဘန်မဲတောရွာရှိ လယ်ကွင်း ၇၀ နေရာ၌ ကင်းလှည့်နေစဉ် ထိုင်းနိုင်ငံဘက်ခြမ်းသို့ တရားမဝင် ဖြတ်ကျော်ဝင်ရောက်လာသူ နိုင်ငံခြားသား ၃၉ ဦးကို ဖမ်းဆီးရမိခဲ့သည်။ ၎င်းတို့တွင် အမျိုးသား ၃၄ ဦးနှင့် အမျိုးသမီး ၅ ဦး ပါဝင်ပြီး နိုင်ငံပေါင်း ၁၂ နိုင်ငံမှဖြစ်ကာ ၎င်းတို့မှာ ပါကစ္စတန်မှ (၁၂ ဦး)၊ အိန္ဒိယမှ (၂ ဦး)၊ နီပေါမှ (၂ ဦး)၊ ယူဂန်ဒါမှ (၃ ဦး)၊ တောင်ဆူဒန်မှ (၁ ဦး)၊ ကင်ညာမှ (၁၂ ဦး)၊ အီဂျစ်မှ (၁ ဦး)၊ ဗီယက်နမ်မှ (၃ ဦး)၊ ကာဇက်စတန်မှ (၁ ဦး)၊ ဘူရွန်ဒီမှ (၁ ဦး) နှင့် ရဝမ်ဒါမှ (၁ ဦး) တို့ဖြစ်ကြသည်။
နိုင်ငံခြားသားများက ၎င်းတို့သည် ထိုင်းနိုင်ငံဘက်သို့ ခိုးဝင်လာကြောင်း ဝန်ခံခဲ့သည်။ ကေကေပါ့ခ် (KK Park) တွင် နှိမ်နင်းမှုများ ပြုလုပ်ပြီးနောက် နိုင်ငံခြားသားအုပ်စုကို မြဝတီမြို့ဘက်သို့ ရွှေ့ပြောင်းထားသော်လည်း မည်သည့်အချိန်တွင် နေရပ် သို့မဟုတ် မိခင်နိုင်ငံသို့ ပြန်ရမည်ကို မသိသောကြောင့် ထွက်ပြေးရန် ဆုံးဖြတ်ခဲ့ခြင်းဖြစ်သည်။ ၎င်းတို့သည် မိခင်နိုင်ငံသို့ ပြန်ရန် နည်းလမ်းရှာရန်အတွက် တောလမ်းကို အသုံးပြု၍ ထိုင်းနိုင်ငံဘက်သို့ ဖြတ်ကျော်လာခဲ့ခြင်းဖြစ်သည်။ ဥပမာ- ပါကစ္စတန်နိုင်ငံသားများမှာ သံရုံးနှင့် ဆက်သွယ်ထားပြီးဖြစ်သည်။ အချို့မှာမူ ပြီးခဲ့သည့် သြဂုတ်လကမှ ကေကေပါ့ခ်၌ စကမ်မာ (Scammer) အဖြစ် လုပ်ကိုင်ရန် ရောက်ရှိလာသူများဖြစ်ကြသည်။
ဤနိုင်ငံခြားသားအုပ်စုမှ အများစုသည် အင်္ဂလိပ်စကားပြောနိုင်သောကြောင့် Call Center သို့မဟုတ် Customer Service အဖြစ် အလုပ်လုပ်ကိုင်ရန် ထိုင်းနိုင်ငံသို့ လာရောက်ရန် အကြံပြုသည့် ကြော်ငြာများ သို့မဟုတ် ကမ်းလှမ်းမှုများကို မြင်တွေ့ခဲ့ရကြောင်း ပြောကြားခဲ့သည်။ သို့သော် ဘန်ကောက်သို့ ရောက်ရှိလာသောအခါ မဲဆောက်မြို့သို့ ခေါ်ဆောင်ခြင်းခံရပြီး တောလမ်းမှတစ်ဆင့် မြန်မာနိုင်ငံဘက်သို့ ဖြတ်ကျော်ပို့ဆောင်ခံရခြင်းဖြစ်‌ကြောင်းပြောပြသည်။ ထို့နောက် သူတို့၏ နိုင်ငံကူးလက်မှတ်များကို သိမ်းယူခံရပြီး အတင်းအကျပ် အလုပ်လုပ်ခိုင်းခဲ့သည်။ အစောပိုင်းကာလများတွင် မည်သူနှင့်မျှ အဆက်အသွယ်မရရှိခဲ့ဘဲ မိမိတို့ မည်သည့်နေရာတွင် ရှိနေသည်ကိုလည်း မသိရှိခဲ့ကြောင်း ဖွင့်ဟခဲ့သည်။
လက်ရှိတွင် ထိုင်း အရာရှိများက နိုင်ငံကူးလက်မှတ်များကို စစ်ဆေးပြီး တရားမဝင် ဝင်ရောက်လာသည့် နိုင်ငံခြားသား အဖြစ် စွဲချက်တင်ခဲ့ကာ အချို့မှာ ဗီဇာသက်တမ်းလွန်နေမှု(Overstay) ဖြင့် စွဲချက်တင်ခံရသည်။ အရာရှိများက ဖမ်းဆီးရမိသူအားလုံးကို ဥပဒေအရ ဆက်လက်ဆောင်ရွက်ရန်အတွက် တာ့ခ်ခရိုင်၊ မဲဆောက်မြို့နယ်ရှိ လူဝင်မှုကြီးကြပ်ရေး ရဲတပ်ဖွဲ့ထံ လွှဲပြောင်းပေးအပ်ခဲ့သည်။

ဂျပန်တွင်မီးလေ-ာင်၊ အိမ်အဆောက်အအုံ ၁၇၀ ကျော် မီးလေ-ာင်ဆုံးရှုံး

ဂျပန်နိုင်ငံတောင်ပိုင်း ကမ်းရိုးတန်းမြို့တစ်မြို့တွင် မီးလေ-ာင်ရာနေအိမ်အဆောက်အအုံ ၁၇၀ ကျော် ပျ-က်စီးဆုံးရှုံးခဲ့ပြီး တစ်ညလုံးလောင်ကျွမ်းခဲ့သောမီးကို အပြည့်အ၀ မငြိမ်းသ-တ်နိုင်သေးကြောင်း နိုင်ငံတော်မီးသ-တ်ဌာနက ဗုဒ္ဓဟူးနေ့ (နိုဝင်ဘာလ ၁၉ရက်နေ့) တွင် ပြောကြားခဲ့သည်။
တိုကျိုမြို့ အ‌နောက်တောင်ဘက် ကီလိုမီတာ ၇၇၀ အကွာခန့်ရှိ အိုအီတာမြို့ ဆာဂါနို‌ဆေကီခရိုင်တွင် ဒေသစံတော်ချိန် အင်္ဂါနေ့ည ၅း၄၀ နာရီတွင် မီးလေ-ာင်မှုစတင်ဖြစ်ပွားခဲ့ပြီး ဒေသခံ ၁၇၅ ဦးဝန်းကျင်ခန့်သည် အရေးပေါ်ခိုလှုံရေးစခန်းသို့ ထွက်ပြေးတိမ်းရှောင်ခဲ့ရကြောင်း မီးနှင့် သဘာဝဘေး စီမံခန့်ခွဲရေးဌာနက ပြောကြားခဲ့သည်။
မီးလေ-ာင်မှုဖြစ်ရသည့် အကြောင်းရင်းကို စုံစမ်းစစ်ဆေးနေဆဲဖြစ်ပြီး လူတစ်ဦး ပျေ-ာက်ဆုံးလျက်ရှိနေသည်ဟုလည်း ဌာနက ပြောဆိုခဲ့သည်။
ဒေသတွင်း ရုပ်သံဌာနများက ဝေဟင်မှ ရို-က်ကူးထားသော ဗီဒီယိုဖိုင်တွင် မြို့ရှိ နေအိမ်အဆောက်အအုံများ အပျ-က်အစီးပုံအဖြစ် ပြောင်းလဲသွားကာ မီးခိုးများ ထူထပ်စွာထွက်လျက်ရှိသည်ကို တွေ့ရသည်။
မီးတောက်များသည် အနီးအနားရှိ တောထူထပ်သော တောင်စောင်းနေရာများအထိ ကူးစက်ပျံ့နှံ့ခဲ့ကြောင်းလည်း ဒေသတွင်း မီဒီယာက ဖော်ပြခဲ့သည်။
အိုအီတာစီရင်စုအုပ်ချုပ်ရေးမှူး၏ တောင်းဆိုချက်အရ စစ်ဘက်မီးသ-တ်ရဟတ်ယာဉ်တစ်စင်းကို စေလွှတ်၍ မီးငြိမ်းသ-တ်စေခဲ့ကြောင်း ဂျပန်ဝန်ကြီးချုပ် ဆနားအဲ တာကာအိချီက X ပေါ်တင်ခဲ့သောပို့စ်တွင် ပြောကြားခဲ့သည်။