ထိုင်းနိုင်ငံတွင် အရက်အတူတူသောက်နေရင်း ကာရာအိုကေဆိုရာက ဆဲဆိုပြီး မိုက်ကရိုဖုန်းလုသည့် ဦးလေးကို တူဖြစ်သူက ရိုက်သတ်
အောက်တိုဘာ ၈
ကာရာအိုကေ မိုက်ကရိုဖုန်းလုကာ သီချင်းလုဆိုရင်း အရက်မူးပြီး စကားများရာမှ ဦးလေးဖြစ်သူကို သတ်ဖြတ်ခဲ့ကြောင်း အသက် ၄၀ အရွယ် အမျိုးသားတစ်ဦးက ယမန်နေ့တွင် ဝန်ခံခဲ့သည်။
ဖြစ်စဥ်မှာ ယမန်နေ့ အောက်တိုဘာ ၆ ရက်က
ထိုင်းနိုင်ငံ၊ နခွန်ရတ်ချာစီးမားပြည်နယ်၊ ပတ်ချောင်ခရိုင်၊ ပွန်တလွန် တမ်ဘွန်ရှိ နေအိမ်တစ်လုံးသို့ ရဲများရောက်ရှိသွားရာ အသက် ၅၉ နှစ်အရွယ်ရှိပြီဖြစ်သော သီယန် အဖြစ် အတည်ပြုထားသူ အမျိုးသားတစ်ဦးကို ပြင်းထန်သော ဦးခေါင်းဒဏ်ရာများနှင့်အတူ သွေးအိုင်ထဲတွင် သေဆုံးနေသည်ကို တွေ့ရှိခဲ့ရသည်။ ရုပ်အလောင်းဘေးတွင် လက်ကိုင်ကျိုးနေသည့် Air Rifle သေနတ်တစ်လက်လည်း လဲကျနေသည်။
ရဲတပ်ဖွဲ့က သေဆုံးသူ၏ တူဖြစ်သူ အသက် ၄၀ အရွယ် အားထစ် ကို ဖမ်းဆီးခဲ့ပြီး ၎င်းက ဦးလေးကို သတ်ဖြတ်ခဲ့ကြောင်း ဝန်ခံခဲ့သည်ဟု ဆိုထားသည်။
အားထစ်၏ ထွက်ဆိုချက်အပေါ် ရဲတပ်ဖွဲ့၏ ပြောကြားချက်အရ အားထစ်တို့နှစ်ဦး အရက်အတူသောက်ကာ သီချင်းဆိုနေချိန်တွင် ဦးလေးဖြစ်သူက ရိုင်းရိုင်းစိုင်းစိုင်း ဆဲဆိုခဲ့ပြီး မိုက်ခရိုဖုန်းကို ဆွဲလုယူခဲ့သည်ဟု ဆိုသည်။ ထိုသို့ ပြုမူခဲ့သည့်အတွက် တူဖြစ်သူ အားထစ်က ဦးလေးဖြစ်သူ သီယန်အား Air Rifle လက်ကိုင်ဖြင့် ဦးခေါင်းကို ရိုက်ခဲ့ပြီးနောက် နားအောက်ကို ဓားဖြင့်ထိုး ခုတ်ကာ တုံ့ပြန်ခဲ့ကြောင်း အာထစ်က ဝန်ခံခဲ့သည်ဟု ဆိုသည်။
ရဲတပ်ဖွဲ့သည် အားထစ်ကို လူသတ်မှုဖြင့် တရားစွဲဆိုထားပြီး ဥပဒေအရ ဆက်လက်ဆောင်ရွက်နိုင်ရန်အတွက် ထိန်းသိမ်းထားသည်ဟု သိရသည်။
Credit - Myanmar Transprency News Agency
#သတင်းဟင်းလေးအိုးကြီး
