ပေါင် ၄ သိန်းတန် ရှားပါး မာစီးဒီးကားကို ဝယ်ယူလိုက်ပြီးနောက် ပေါင် ၁၀ သန်းဖိုးအထိ ကားဝယ်ယူစုဆောင်းလာပြီဖြစ်တဲ့ အာလင်းဟာလန်း
==================
မန်စီးတီးစူပါစတားအာလင်းဟာလန်းဟာ ပေါင် ၄၀၀၀၀၀ တန်ဖိုးရှိ ရှားပါး မားစီးဒီးကားအား ဝယ်ယူလိုက်ပြီးနောက် တန်ဖိုးကြီးကားများ ဝယ်ယူစုဆောင်းထားမှုမှာ ပေါင် ၁၀ သန်းအထိ ရှိလာပြီ ဖြစ်ပါတယ်။

နော်ဝေတိုက်စစ်မှူးဟာ အစီးရေ ၁၅၀ တည်းသာ ထုတ်လုပ်ရောင်းချထားတဲ့ Maybach Virgil Abloh အား ဝယ်ယူလာတာပါ။

တန်ဖိုးကြီးစူပါကားက အသက် ၄၁ နှစ် အရွယ်တွင် ရှားပါးကင်ဆာရောဂါဖြင့် ကွယ်လွန်သွားရှာပြီဖြစ်တဲ့ Louis Vuitton ရဲ့ အနုပညာဒါရိုက်တာနှင့် ပူးပေါင်း ဒီဇိုင်းဖန်တီးထားတဲ့ကားလည်း ဖြစ်ပါတယ်။

ဒီကားကို ၂၀၂၁ ခုနှစ်တွင် အက်လို မကွယ်လွန်မီ အပြီးသတ်ဖန်တီးတည်ဆောက်ခဲ့တာ ဖြစ်ပြီး second-hand ဈေးကွက်တွင် ကားဝယ်ယူစုဆောင်းထားသူများအတွက် ကြီးမားတဲ့ဈေးကွက်ရှိတဲ့ကားလည်း ဖြစ်ပါတယ်။

ကားခရေဇီ အာလင်းဟာလန်းဟာ တန်ဖိုးကြီးကားပေါင်းများစွာတို့ကို ဝယ်ယူစုဆောင်းထားသူဖြစ်ပြီး ယခုအခါ ရှားပါးကားတစ်စီးကို ထပ်မံ ပိုင်ဆိုင်လာနိုင်ခဲ့ပြီလည်း ဖြစ်ပါတယ်။

ဘယ်မောင်း Maybach Virgil Abloh ကားတွင် 6.0L V12 တာဘိုအင်ဂျင်နှစ်လုံး အသုံးပြုထားပြီး တစ်နာရီလျှင် ၁၅၅ မိုင်နှုန်းဖြင့် မောင်းနှင်နိုင်စွမ်း ရှိပါတယ်။

ဒီတန်ဖိုးကြီးကားကို ၄.၅ စက္ကန့်ဖြင့် ၀-၆၀ မိုင်နှုန်းအထိ အရှိန်မြှင့်နိုင်စွမ်းရှိပါတယ်။

Maybach ကားမှာ အာလင်းဟာလန်းရဲ့ တစ်ပတ်စာလုပ်ခတောင် မရှိပါဘူး။ အာလင်းဟာလန်းဟာ မန်စီးတီးမှာ တစ်ပတ်လုပ်ခ ပေါင် ၅၀၀၀၀၀ အထိ ရရှိနေတာပါ။

သူဟာ ပေါင် ၃၅၀၀၀၀ တန်ဖိုးရှိ Aston Martin DBX 707 ၊ ပေါင် ၃၀၀၀၀၀ တန်ဖိုးရှိ Rolls-Royce Cullinan နှင့် ပေါင် ၁၆၀၀၀၀ တန်ဖိုးရှိ Porsche 911 GT3 တို့ကိုလည်း ဝယ်ယူစုဆောင်းထားပါတယ်။

ပရိသတ်များ တားဆီးနေတဲ့ကြားမှ ရောဘတ်တိုဒီဇာဘီအား ပရီးမီးယားလိဂ်ရဲ့လုပ်ခအများဆုံးရနည်းပြများထဲမှ တစ်ဦးအဖြစ် ခန့်အပ်ရေး စပါးစ် ဆွေးနွေးမှု တိုးတက်နေ
======================
စပါးစ်ဟာ ရောဘတ်တိုဒီဇာဘီအား ပရီးမီးယားလိဂ်ရဲ့လုပ်ခအများဆုံးရ နည်းပြများထဲမှ တစ်ဦးအဖြစ် ခန့်အပ်ရေး ဆွေးနွေးမှု တိုးတက်ကောင်းမွန်နေပါတယ်။

တန်းမဆင်းရရေး တိုက်ပွဲဝင်နေရတဲ့ မြောက်လန်ဒန်ကလပ်ဟာ ပရိသတ်အချို့ရဲ့ ကန့်ကွက်မှု ရှိနေတဲ့ကြားထဲမှ ဘရိုက်တန်နည်းပြဟောင်းအား နံပါတ်တစ်ပစ်မှတ်အဖြစ် ခန့်အပ်ရေး အရှိန်မြှင့်ကြိုးပမ်းနေတာလည်း ဖြစ်ပါတယ်။

စပါးစ်ဟာ အီတလီလူမျိုးနည်းပြကို ၅ နှစ်စာချုပ်ဖြင့် ကမ်းလှမ်းထားတာ ဖြစ်ပါတယ်။ မာဆေးနည်းပြဟောင်းဟာ စပါးစ်ရဲ့ ကမ်းလှမ်းမှုကို လက်ခံလာပါက ပရီးမီးယားလိဂ်ရဲ့လုပ်ခအများဆုံးရ နည်းပြများထဲမှ တစ်ဦး ဖြစ်ပါတယ်။

တဖက်တွင် စပါးစ်ဟာ ရောဘတ်တိုဒီဇာဘီရဲ့ စာချုပ်အတွင်းတွင် တန်းဆင်းရပါက လမ်းခွဲနိုင်တဲ့အချက်ကိုလည်း ထည့်သွင်းရေး ဆွေးနွေးနေပါတယ်။

စပါးစ်ဟာ ပရီးမီးယားလိဂ်ရာသီသိမ်းရန် ၇ ပွဲတည်းသာ ကစားရန် ကျန်တော့တဲ့အချိန်တွင် အဆင့် ၁၇ နေရာမှာ ရပ်တည်နေပြီး တန်းဆင်းဇုန်နှင့် တစ်မှတ်အကွာတွင် ရပ်တည်နေတာပါ။

စပါးစ်ဟာ လာမယ့် ပရီးမီးယားလိဂ်ပွဲစဉ်အဖြစ် ဧပြီလ ၁၂ ရက်နေ့တွင် ဆန်းဒါးလန်းနှင့် ရင်ဆိုင်ရမှာ ဖြစ်ပြီး ယင်းမတိုင်မီ ၂ ရက်တွင် ကစားရမယ့် ဝက်စ်ဟမ်းက ဝုဗ်ကိုသာ အနိုင်ယူလာပါက တန်းဆင်းဇုန်အတွင်း ကျရောက်လာမှာလည်း ဖြစ်ပါတယ်။

စပါးစ်ဟာ တနင်္ဂနွေနေ့တုန်းက ယာယီနည်းပြအိုင်ဂေါ်ကျူဒေါ်နှင့် လမ်းခွဲလိုက်ပြီးနောက် ရက်ပိုင်းအတွင်း နည်းပြသစ် ခန့်အပ်ရေး လုပ်ဆောင်လာခဲ့တာပါ။

၎င်းတို့ဟာ ယာယီနည်းပြ ခန့်အပ်လိုခြင်း မရှိမှုနှင့်အတူ ရောဘတ်တိုဒီဇာဘီကို ခန့်အပ်ရေး ကြိုးပမ်းလာတာလည်း ဖြစ်ပါတယ်။

စပါးစ်ဟာ ဖေဖော်ဝါရီလတုန်းက သောမတ်စ်ဖရန့်ကို ထုတ်ပယ်လိုက်ပြီးနောက် ရောဘတ်တိုဒီဇာဘီကို ခန့်အပ်ရေး ကြိုးပမ်းခဲ့ပေမယ့် မအောင်မြင်ခဲ့ဘဲ ခရိုအေးရှားလူမျိုးနည်းပြအိုင်ဂေါ်ကျူဒေါ်ကိုသာ ခန့်အပ်ခဲ့တာပါ။

တဖက်တွင် စပါးစ်အမျိုးသမီးပရိသတ်များအုပ်စု ၃ ခုကလည်း ရောဘတ်တိုဒီဇာဘီမှာ မာဆေးကို ကိုင်တွယ်စဉ်တုန်းက တိုက်စစ်မှူးမေဆင်ဂရင်းဝုဒ်ကို ခေါ်ယူကာ အားပေးအားမြှောက်လုပ်မှုအတွက် မခန့်အပ်ရန် ကန့်ကွက်နေကြပါတယ်။

ယူနိုက်တက်တိုက်စစ်မှူးဟောင်းဟာ ၂၀၂၃ ခုနှစ်တုန်းက ဗလက္ကာယပြုကျင့်ရန် ကြိုးပမ်းမှု၊ ထိန်းချုပ်မှု၊ အနာတရဖြစ်အောင် ပြုလုပ်မှုစွဲချက်များနှင့် ရင်ဆိုင်ခဲ့ရပေမယ့် အမှုမှ လွတ်မြောက်လာခဲ့သူပါ။

ဒီဇာဘီဟာ ၂၀၂၅ ခုနှစ်တုန်းက အင်တာဗျူးတစ်ခုတွင် မေဆင်ဂရင်းဝုဒ်မှာ လူကောင်းတစ်ဦး ဖြစ်ကြောင်း ပြောဆိုခဲ့တာလည်း ဖြစ်ပါတယ်။

ယင်းနောက် စပါးစ်ပရိသတ်အဖွဲ့များဖြစ်ကြတဲ့ Proud Lilywhites၊ Women of the Lane နှင့် Spurs Reach တို့က ရောဘတ်တိုဒီဇာဘီအား မခန့်အပ်ရေး လုပ်ဆောင်ခဲ့ကြတာပါ။

စပါးစ်ဟာ ယခင်တုန်းက အန်တိုနီယိုကွန်တီနှင့် ဟိုဆေးမော်ရင်ဟိုတို့အား တစ်နှစ်လုပ်ခ ပေါင် ၁၅ သန်း၊ သောမတ်စ်ဖရန့်ကို တစ်နှစ်လုပ်ခပေါင် ၈ သန်းပေးခဲ့ဖူးပါတယ်။

ပလေးအော့ဖ်ဗိုလ်လုပွဲမတိုင်မီ လက်ရွေးစင်အသင်း လေ့ကျင့်ခန်းဆင်းမှုအား စစ်သားစေလွှတ်ကာ ကင်းထောက်စေခဲ့တယ်လို့ အီတလီကို ဘော့စနီးယားစွပ်စွဲလာ
=====================
ဘော့စနီးယားမီဒီယာများက ကမ္ဘာ့ဖလားပလေးအော့ဖ်ပွဲစဉ်မတိုင်မီ အီတလီစစ်သားအား စေလွှတ်ကာ ဘော့စနီးယားလက်ရွေးစင်အသင်း လေ့ကျင့်ခန်းဆင်းမှုအား လျို့ဝှက်ကင်းထောက်ခဲ့တယ်လို့ စွပ်စွဲ ရေးသားလာကြပါတယ်။

ဘော့စနီးယားဟာ ယနေ့ညတွင် ၂၀၂၆ ကမ္ဘာ့ဖလားဝင်ခွင့် တစ်နေရာအတွက် အီတလီကို ဧည့်ခံကစားရပါမယ်။

ဒါပေမယ့် ယင်းပွဲမတိုင်မီ ဘော့စနီးယားက အီတလီဟာ နိုင်ငံတွင်း တာဝန်ထမ်းဆောင်နေတဲ့ European Union Force (EUFOR) တပ်ဖွဲ့ဝင် စစ်သားတစ်ဦးအား စေလွှတ်ကာ အိမ်ရှင်အသင်းရဲ့ ပြင်ဆင်မှုများကို လျို့ဝှက်စပိုင်လုပ် ကင်းထောက်မှု ပြုလုပ်ခဲ့တယ်လို့ စွပ်စွဲလာပါတယ်။

ဒေသခံမီဒီယာများက အီတလီနိုင်ငံသားလို့ ယုံကြည်ရတဲ့ စစ်သားတစ်ဦးကို တနင်္ဂနွေနေ့တုန်းက ဘော့စနီးယားအသင်း အခြေစိုက်ရာ ဘတ်မာရှိ လေ့ကျင့်ရေးကွင်းအား ဗီဒီယိုမှတ်တမ်းတင် ရိုက်ကူးနေကြောင်း တွေ့ရှိခဲ့ရကြောင်း ရေးသားနေကြပါတယ်။

ဘော့စနီးယားအသင်းဟာ လေ့ကျင့်ခန်းဆင်းမှု ၁၅ မိနစ်အား မီဒီယာများကို မှတ်တမ်းတင် ရိုက်ကူးခွင့်ပေးခဲ့ပါတယ်။

ဒါပေမယ့် ယင်းအီတလီစစ်သားကတော့ ဘော့စနီးယားအသင်း လေ့ကျင့်ခန်းဆင်းမှုအား ကြာမြင့်စွာ မှတ်တမ်းတင် ရိုက်ကုးမှု ပြုလုပ်ခဲ့ပါတယ်။

ဘော့စနီးယားသတင်းစာ SportSport က ယင်းစစ်သားမှာ အီတလီအသင်းက စေလွှတ်လိုက်တဲ့ စပိုင်ဖြစ်ကြောင်း၊ ဘော့စနီးယားရဲ့ ပြင်ဆင်မှုကို လာရောက် ကင်းထောက်ခြင်းဖြစ်ကြောင်း ရေးသားသွားပါတယ်။

ယင်းသတင်းစာဟာ ဘော့စနီးယားဘောလုံးအဖွဲ့ချုပ်အား အသိပေးအကြောင်းကြားမှု ပြုလုပ်ခဲ့သလို၊ နိုင်ငံတွင်းရှိ EUFOR ထံလည်း တိုင်ကြားမှု ပြုလုပ်ထားပါတယ်။

ဒါပေမယ့် အခြားမီဒီယာများကတော့ ယင်းမှတ်တမ်းတင် ရိုက်ကူးတဲ့ လူမှာ အီတလီစစ်သားဖြစ်တယ်ဆိုတဲ့ သက်သေအထောက်အထားအခိုင်အလုံမရှိဘဲ သာမန်ပရိသတ်တစ်ဦးမျှသာ ဖြစ်ကြောင်း ရေးသားနေကြပါတယ်။

အင်္ဂလန်စတားများစွာ နုတ်ထွက်သွားမှုအပေါ် သောမတ်စ်တူချယ် ဒေါသထွက်ခြင်းမရှိ
===================
အင်္ဂလန်နည်းပြသောမတ်စ်တူချယ်က ယနေ့ည ဂျပန်နှင့် ခြေစမ်းပွဲမတိုင်မီ အင်္ဂလန်အသင်းမှ ကစားသမားများစွာ နုတ်ထွက်သွားမှုအပေါ် ဒေါသထွက်ခြင်း မရှိကြောင်း ပြောကြားလာပါတယ်။

နိုနီမာဒူကီ၊ ဒီကလန်ရိုက်စ်၊ ဘူကာယိုဆာကာ၊ ဂျွန်စတုန်းနှင့် အဒမ်ဝါတွန်တို့မှာ ဥရုဂွေးနှင့် တစ်ဂိုးစီသရေကျတဲ့ပွဲအပြီးတွင် အင်္ဂလန်အသင်းမှ နုတ်ထွက်သွားခဲ့ကြပါတယ်။

ဒါပေမယ့် ဒိုမီနစ်ကယ်ဗတ်လီဝင်း၊ ဖီကာယိုတိုမိုရီနှင့် အေရွန်ရမ်‌ဒေးလ်တို့မှာလည်း ဂျပန်နှင့်ပွဲကို လွဲချော်လာကြပါတယ်။

အင်္ဂလန်အသင်းဟာ မေလ ၃၀ ရက်နေ့ ကမ္ဘာ့ဖလားပြိုင်ပွဲအတွက် အပြီးသတ် လူစာရင်း မဝင်ကြေညာမီ နောက်ဆုံးအကြမ် စခန်းသွင်းလေ့ကျင့်ခန်းဆင်းနေတာပါ။

တူချယ်ဟာ ဥရုဂွေး၊ ဂျပန်တို့နှင့် ကစားရမယ့် ခြေစမ်းပွဲ ၂ ပွဲအတွက် ကစားသမား ၃၅ ဦးအထိ ရွေးချယ်ခဲ့တာလည်းပါ။

ဂျာမန်လူမျိုးနည်းပြဟာ ကစားသမားများကို အုပ်စုနှစ်စုခွဲပြီး လေ့ကျင့်ခန်းဆင်းစေခဲ့ပါတယ်။

တူချယ်က "ပြီးခဲ့တဲ့ရာသီတုန်းကထက် ပွဲပိုကစားရတဲ့ ကစားသမားတွေ ဒီစခန်းမှာ ရှိနေတယ်။ ဒီတော့ အနည်းငယ်စိုးရိမ်ရတယ်။ ကစားသမားတွေအနေနဲ့ ဘောလုံးနဲ့ စိတ်ရော ကိုယ်ပါ ဝေးကွာပြီး နားဖို့ လိုတယ်။ စခန်းသို့ ပြန်လာချိန်မှာ ဒီစွမ်းအင်တွေုကိ မြင်ရနိုင်တယ်။ ပတ်ဝန်းကျင်သစ်နဲ့ ပြန်ဆက်သွယ်နိုင်တယ်။ ကျွန်တော်တို့က သူတိ့ကို ကလပ်မှာ ခြေစွမ်းပြစေချင်တယ်။ ဒါပေမယ့် တဖက်မှာ ဒါက အမေရိက မသွားမီ ကျွန်တော်တို့ရဲ့ နောက်ဆုံးစခန်းသွင်းလေ့ကျင့်မှုပါ။ ကစားသမားတွေကို ကျွန်တော်တို့ရဲ့ ပင်မတွေနဲ့ ပြန်လည်ချိတ်ဆက်စေချင်တယ်။ စိတ်ပျက်ရတယ်။ ဒါပေယ့် မအံ့ပါဘူး။ ဒေါသမထွက်ပါဘူး"လို့ ပြောကြားသွားပါတယ်။

၂၀၂၆ ကမ္ဘာ့ဖလားပြိုင်ပွဲကို ဇွန်လ ၁၁ ရက်နေ့မှ ဇူလိုင်လ ၁၉ ရက်နေ့အထိ အမေရိကန်၊ မက္ကဆီကိုနှင့် ကနေဒါတို့တွင် ကျင်းပလာပါမယ်။

အင်္ဂလန်ဟာ ဇွန်လ ၁၈ ရက်နေ့တွင် ခရိုအေးရှားနှင့် အဖွင့်ပွဲကစားရမှာ ဖြစ်ပြီး ဇွန်လ ၂၃ ရက်နေ့တွင် ဂါနာနှင့်လည်းကောင်း၊ ဇွန်လ ၂၇ ရက်နေ့တွင် ပနားမားနှင့်လည်းကောင်း အုပ်စုပွဲများ ကစားရပါမယ်။

နွေရာသီတွင် ချဲလ်ဆီးမှ ထွက်ခွာလာနိုင်ကြောင်း ကူကူရယ်လာ ဖွင့်ဟလာ
====================
မာ့ခ်ကူကူရယ်လာက ဘာစီလိုနာသို့ ပြန်ရေးကို ငြင်းဆိုလာခြင်း မရှိဘဲ နွေရာသီတွင် စတမ်းဖို့ဒ်ဘရစ်ချ်မှ ထွက်ခွာနိုင်ကြောင်း ဖွင့်ဟ ပြောကြားလာပါတယ်။

ချဲလ်ဆီးဟာ နည်းပြအန်ဇိုမာရက်စ်ကာအား ထုတ်ပယ်လိုက်ပြီးနောက် နည်းပြသစ်လီယမ်ရိုဆင်နီယာလက်အောက်တွင် ရလဒ်မတည်ငြိမ်မှုများနှင့် ကြုံတွေ့နေရပါတယ်။

ယင်းသို့ အခြေအနေတွင် ချဲလ်ဆီးမှ စတားကစားသမားအချို့တို့ဟာလည်း နွေရာသီတွင် အသင်းပြောင်းရေး အလေးအနက်ထား စဉ်းစားနေကြပါတယ်။

ကိုးလ်ပါလ်မာမှာ အနောက်လန်ဒန်တွင် မပျော်မရွှင်ဖြစ်နေပြီး ငယ်စဉ်ကတည်းက အားပေးလာခဲ့တဲ့ ယူနိုက်တက်သို့ ပြောင်းရေး တံခါးဖွင့်ပေးထားပါတယ်။

ဒါ့အပြင် အန်ဇိုဖာနန်ဒက်ဇ်မှာလည်း ရီးရဲလ်မက်ဒရစ်ရဲ့ စိတ်ဝင်စားခြင်းခံရပြီးနောက် အသင်းပြောင်းရေး စိတ်ဝင်စားနေပါတယ်။

ယခုအခါ အသက် ၂၇ နှစ်ရှိ ကူကူရယ်လာကလည်း နွေရာသီတွင် ဘာစီလိုနာကို ပယ်ချရေး ခက်ခဲနေကြောင်း ဖွင့်ဟလာပြန်ပါတယ်။

နောက်တန်းအစွန်လူဟာ ၂၀၁၂ ခုနှစ်တွင် ဘာစီလိုနာအကယ်ဒမီသို့ ရောက်လာပြီးနောက် ရှစ်နှစ်တိုင်တိုင် ကစားခဲ့ပါတယ်။

ကူကူရယ်လာက "ဘာဖြစ်လာမလဲ ကြည့်ရမယ်။ အခြေအနေမြင့်တက်လာမယ်ဆိုရင်တော့ ပယ်ချဖို့ ခက်တယ်။ ဒါပေမမယ့် အဆုံးမှာ ကျွန်တော်ပဲ ဆုံးဖြတ်ရပါမယ်။ ကျွန်တော်ပဲ သီးသန့်မဟုတ်ပါဘူး။ မိသားစုကိုလည်း တွေးရမယ်။ အားလုံးအတူတကွ အကောင်းဆုံးဖြစ်မယ့်အရာကို ဆုံးဖြတ်ပါမယ်။ အရင်တုန်းက ကျွန်တော် ပြောခဲ့သလိုပဲ အခု ဒါနဲ့ပတ်သက်ပြီး မစဉ်းစားပါဘူး။ ဖြစ်လာစရာရှိရင် ဖြစ်လာလိမ့်မယ်။ ပြီးတော့မှ ဘယ်လို ဆုံးဖြတ်မလဲ ကြည့်ရမယ်"လို့ ပြောကြားသွားပါတယ်။

ကူကူရယ်လာဟာ ချဲလ်ဆီးနှင့် ၂၀၂၈ ခုနှစ်တွင် စာချုပ်သက်တမ်းကုန်ဆုံးမှာ ဖြစ်ပြီး ယခုရာသီအစောပိုင်းတုန်းက လုပ်ခတိုးမြှင့်ကာ စာချုပ်သက်တမ်းတိုးရေး ဆွေးနွေးခဲ့ပေမယ့် ယခုတိုင် ဖြစ်ပေါ်လာခြင်း မရှိပါဘူး။

အီရန်စစ်ပွဲကြောင့် ကမ္ဘာ့ဖလားပြိုင်ပွဲမှာ မကြုံစဖူး ဒရုန်းနှင့် ဆိုင်ဘာခြိမ်းခြောက်မှု ကြုံနေရကြောင်း အိမ်ဖြူတော် ကမ္ဘာ့ဖလားအထူးအဖွဲ့ဝန်ခံလာ
====================
ယခုနွေရာသီတွင် ကျင်းပလာမယ့် ကမ္ဘာ့ဖလားပြိုင်ပွဲမှာ အီရန်စစ်ပွဲကြောင့် မကြုံစဖူး ဒရုန်းနှင့် ဆိုင်ဘာခြိမ်းခြောက်မှု ကြုံနေရကြောင်း အမေရိကန်ထိပ်တန်းအရာရှိတစ်ဦးက ဖွင့်ဟလာပါတယ်။

အမေရိကန်၊ ကနေဒါနှင့် မက္ကဆီကိုတို့က အိမ်ရှင်အဖြစ် ကျင်းပလာမယ့် ၂၀၂၆ ကမ္ဘာ့ဖလားပြိုင်ပွဲမှာ အီရန်စစ်ပွဲ အမြင့်မားဆုံးအခြေအနေသို့ ရောက်လာနိုင်မှုနှင့်အတူ ခြိမ်းခြောက်ခံနေရပါတယ်။

အိမ်ဖြူတော် ကမ္ယာ့ဖလားအထူးအဖွဲ့အကြီးအကဲ အင်ဒရူးဂူလီယန်နီက "တိုက်ခိုက်ရေးဒရုန်းတွေက ဘယ်လောက်အထိ နည်းပညာပိုင်း တိုးတက်ပြောင်းလဲနေတယ်ဆိုတာ ပြည်ပစစ်ပွဲအချို့မှာ မြင်ခဲ့ရပါတယ်"လို့ The Sun သို့ ပြောကြားသွားပါတယ်။

အမေရိကန်၊ မက္ကဆီကိုနှင့် ကနေဒါနိုင်ငံတို့ဟာ တစ်ကမ္ဘာ့ဖလားမှ ရောက်လာကြမယ့် ဘောလုံးပရိသတ်များ လုံခြုံရေးအတွက် အစွမ်းကုန်လုပ်ဆောင်မယ်လို့ ဆိုထားကြပါတယ်။

ဒါပေမယ့် အမေရိကန်ပြည်ထဲရေးလုံခြုံရေးဌာနရဲ့ ဘတ်ဂျက်မှာ ရွှေ့ပြောင်းနေထိုင်သူများအရေးကြောင့် နိုင်ငံရေးသဘောထားတင်းမာမှုများ ဖြစ်ပွားမှုနှင့်အတူ ရပ်ဆိုင်းခံထားရပါတယ်။

တဖက်တွင် ဂူလီယန်နီက ဒီမိုကရက်တစ်နှင့် ရီပတ်ပလစ်ကန်နိုင်ငံရေးသမားများအား နိုင်ငံတော်ကာကွယ်ရေး အသုံးစရိတ်အတွက် ခွင့်ပြုချက်ပေးကြရန် တောင်းဆိုသွားပါတယ်။

ဒါ့အပြင် ဂူလီယန်နီက ကမ္ဘာ့ဖလားခြေစစ်ပွဲ အောင်မြင်ထားတဲ့ အီရန်ကို ကမ္ဘာ့ဖလားကစားရန် ကြိုဆိုကြောင်း၊ သို့ရာတွင် အီရန်ရဲ့ တာဝန်ရှိသူများနှင့် ခေါင်းဆောင်များကိုမူ လုံခြုံရေးအရ လာကြည့်ခွင့်ပေးမည်မဟုတ်ကြောင်း ဆိုထားပါတယ်။

တဖက်တွင် ပရိသတ်များဟာ အမေရိကန်သို့ ရောက်လာချိန်တွင် တင်းကြပ်တဲ့ လုံခြုံရေးစစ်ဆေးမှု၊ ဗီဇာစစ်ဆေးမှုတို့နှင့် ကြုံလာရပါမယ်။

ဒါပေမယ့် အိမ်ဖြူတော်ကတော့ အကာအကွယ်တိုးမြှင့်လုပ်ဆောင်မှုမှာ ပရိသတ်များလုံခြုံရေးအတွက်သာ ဖြစ်ကြောင်း ဆိုသွားပါတယ်။

ဇနီးသည်ကောလင်းရဲ့ အသက် ၄၀ နှစ်ပြည့် မွေးနေ့အား ပေါင်သန်း ၂၀ တန် နေအိမ်တွင် ကြီးကျယ်ခမ်းနားစွာ ကျင်းပရန် ဝိန်းရွန်းနီ စီစဉ်နေ
=====================
ယူနိုက်တက်နှင့် အင်္ဂလန်ဂန္ထဝင်တိုက်စစ်မှူးဝိန်းရွန်းနီဟာ ဇနီးသည် ကောလင်းရဲ့ အသက် ၄၀ နှစ်ပြည့် မွေးနေ့အား နေအိမ်တွင် ကြီးကျယ်ခမ်းနားစွာ ကျင်းပရေး လုပ်ဆောင်နေပါတယ်။

ဝိန်းရွန်းနီဟာ ကောလင်းရဲ့ အသက် ၄၀ နှစ်ပြည့်မယ့် လာမယ့် သောကြာနေ့တွင် မိသားစု၊ သူငယ်ချင်းများနှင့်အတူ ကြီးကျယ်ခမ်းနားတဲ့ မွေးနေ့ပွဲ ကျင်းပရန် စီစဉ်ထားတာပါ။

အလုပ်သမားများဟာ ပြီးခဲ့တဲ့အပတ်မှ စတင်ကာ ချီရှိုင်းယားရှိ ပေါင်သန်း ၂၀ တန် နေအိမ်သို့ ရောက်လာကာ ပြင်ဆင်မှု ပြုလုပ်ခဲ့ကြတာ ဖြစ်ပြီး မနေ့တုန်းက အပြင်ဘက်အပူပေးစက်တို့ တပ်ဆင်ခဲ့ကြပါတယ်။

ဝိန်းရွန်းနီ၊ ကောလင်းတို့ မိသားစုဝင်တို့ဟာ မကြာသေးမီတုန်းက အသက် ၄၀ နှစ်ပြည့် မွေးနေ့မတိုင်မီ ပြင်သစ်သို့ သွားရောက်လည်ပတ်ခဲ့ကြပါတယ်။

ဒီခရီးစဉ်မှာတော့ ကောလင်းဟာ လက်ထပ်လက်စွပ် ပြန်လည်ဝတ်ဆင်ထားတာ တွေ့ရပါတယ်။

ကောလင်းဟာ ယခုလအစောပိုင်းတုန်းက အမည်မသိ အမျိုးသမီးနှစ်ဦးနှင့်အတူ ဝိန်းရွန်းနီ အရက်မူးနေတဲ့ ဓာတ်ပုံများ ထွက်ပေါ်လာပြီးနောက် လက်ထပ်လက်စွပ်ချွတ်ခဲ့ပါတယ်။

ယူရို ၂၀၂၈ လက်မှတ်ဈေးနှုန်းမှာ ၂၀၂၆ ကမ္ဘာ့ဖလားကားပါကင်ကြေးထက် သက်သာလာမည်
======================
ယူအီးအက်ဖ်အေဟာ ယူရို ၂၀၂၈ လက်မှတ်ဈေးနှုန်းကို လျှော့ချလာမှာ ဖြစ်လို့ ပရိသတ်များအနေဖြင့် ယခုနှစ် အမေရိကန်တွင် ကျင်းပမယ့် ကမ္ဘာ့ဖလားပြိုင်ပွဲတွင် ကွင်းတစ်ကွင်းမှာ ကားပါကင်ကြေးထက် နည်းပါးတဲ့ ပမာဏဖြင့် ဝယ်ယူလာနိုင်ပါမယ်။

ယူရို ၂၀၂၈ ပြိုင်ပွဲကို အင်္ဂလန်၊ စကော့တလန်၊ အိုင်ယာလန်နှင့် ဝေးလ်တို့က ပူးတွဲအိမ်ရှင်အဖြစ် ကျင်းပလာမှာ ဖြစ်ပြီး လက်မှတ်အားလုံးရဲ့ ၄၀ ရာခိုင်နှုန်းကို Fans First အစီအစဉ်ဖြင့် သက်သာတဲ့ နှုန်းထားဖြင့် ရောင်းချလာပါမယ်။

ဂျာမနီတွင် ကျင်းပတဲ့ ယူရို ၂၀၂၄ ပြိုင်ပွဲတုန်းက ဈေးအသက်သာဆုံး လက်မှတ်ဈေးနှုန်းကို ယူရို ၃၀ မှ ယူရို ၆၀ အတွင်း သတ်မှတ်ရောင်းချခဲ့ပြီး ယူအီးအက်ဖ်အေဟာ ယင်းဈေးနုန်းကို ပြောင်းလာလာမှာ မဟုတ်ပါဘူး။

ယူအီးအက်ဖ်အေဟာ လက်မှတ်များကို အမျိုးအစား ၄ မျိုးဖြင့် ရောင်းချလာမှာ ဖြစ်ပြီး အရေအတွက် အနည်းငယ်သာ ရောင်းချတဲ့ VIP+ tickets လက်မှတ်အမျိုးအစားကိုလည်း ဈေးလျှော့လာပါမယ်။

ယူရို ၂၀၂၄ ပြိုင်ပွဲတုန်းက အုပ်စုပွဲများကို တန်ဖိုးအကြီးဆုံးအမျိုးအစားအဖြစ် ယူရို ၁၅၀ မှ ယူရို ၂၀၀ အတွင်း သတ်မှတ်ရောင်းချခဲ့ပါတယ်။

ယူအီးအက်ဖ်အေဟာ တန်ဖိုးအကြီးဆုံးလက်မှတ်ကို ယူရို ၂၀၂၈ ပြိုင်ပွဲတွင် ဘယ်လိုဈေးနှုန်းဖြင့် ရောင်းချလာမလဲဆိုတာကိုတော့ အတည်မပြုသေးပါဘူး။

တဖက်တွင် ဖီဖာဟာ ၂၀၂၆ ကမ္ဘာ့ဖလားပြိုင်ပွဲတွင် လက်မှတ်ဈေးနှုန်းအား အငြင်းပွားစရာကောင်းအောင် တိုးမြှင့် ရောင်းချနေပါတယ်။

တန်ဖိုးအနည်းဆုံးလက်မှတ်ဈေးနှုန်းက ဒေါ်လာ ၂၂၀ ဖြစ်ပြီး တန်ဖိုးအကြီးဆုံးအဖြစ် ဒေါ်လာ ၇၀၀ အထိ သတ်မှတ်ထားပါတယ်။

တဖက်တွင် The Athletic ရဲ့ ဖော်ပြလာမှုအရ နယူးယော့ခ်အနီး MetLife Stadium တွင် ကစားမယ့် ကမ္ဘာ့ဖလားအုပ်စုပွဲများတွင် ကားပါကင်ကြေး ၁၇၅ ဒေါ်လာအထိ ကျသင့်လာပါမယ်။

ယူအီးအက်ဖ်အေဟာ ယူရို ၂၀၂၈ ပြိုင်ပွဲတွင် နိုင်ငံတစ်ခုချင်းစီအား လက်မှတ်ခွဲတမ်း ၁၀၀၀၀ ပေးသွားပါမယ်။

ဖီဖာကတော့ ကမ္ဘာ့ဖလားပြိုင်ပွဲကို ပိုမိုကြီးမားတဲ့ ကွင်းများမှာ ကျင်းပနေပေမယ့်လည်း ဘောလုံးအဖွဲ့ချုပ်များအား လက်မှတ်ခွဲတမ်း ၄၀၀၀ အောက်သာပေးပါတယ်။

Pallet Boxes Market to Reach $12.6 Billion by 2032 with 7.1% CAGR Growth

The global Pallet Boxes market is witnessing significant expansion due to rising demand for efficient bulk storage and transportation solutions. Valued at USD 6.8 billion in 2023, the market is projected to reach USD 12.6 billion by 2032, growing at a CAGR of 7.1%. Increasing adoption across agriculture, food processing, and logistics industries is driving the demand for Pallet Boxes globally.

Read More -> https://marketintelo.com/repor....t/pallet-boxes-marke

အီမီလီယာနိုဆာလာ သေဆုံးမှုအတွက် ပေါင်သန်း ၁၀၀ ကျော် နစ်နာကြေး ရရှိရေး ကာဒစ်ဖ်ရဲ့ တောင်းဆိုမှုကို တရားရုံးပယ်ချ
====================
ကာဒစ်ဖ်စီးတီးရဲ့ ဘောလုံးသမားအီမီလီယာနိုဆာလာ သေဆုံးမှုအတွက် နစ်နာကြေး ပေါင်သန်း ၁၀၀ ကျော် ရရှိရေး တောင်းဆိုမှုအား ပြင်သစ်တရားသူကြီးတစ်ခုက ပယ်ချလာပါတယ်။

အသက် ၂၈ နှစ်ရှိ ဆာလာ၊ လေယာဉ်မှူးဒေးဗစ်အစ်ဘော့ဆန်တို့ဟာ ၂၀၁၉ ခုနှစ်၊ ဇန်နဝါရီလတုန်းက အင်္ဂလိပ်ရေလက်ကြားအား ဖြတ်သန်းစဉ် လေယာဉ်ပျက်ကျ သေဆုံးခဲ့ပါတယ်။

အာဂျင်တီးနားတိုက်စစ်မှူးဟာ နန့်တက်စ်မှ ကာဒစ်ဖ်စီးတီးသို့ ပေါင် ၁၅ သန်းဖြင့် ပြောင်းရေး ဆေးစစ်ဆေးမှုခံယူပြီးနောက် နန့်တက်စ်သို့ ပြန်ကာ ကစားဖော်ဟောင်းများ နှုတ်ဆက်ရန် အသွားတွင် လေယာဉ်ပျက်ကျကာ သေဆုံးသွားခဲ့တာပါ။

ဝေးလ်ကလပ်ဟာ ဆာလာ သေဆုံးမှုအတွက် နန့်တက်စ်ထံမှ နစ်နာကြေး ရရှိရေး ကာလရှည်ကြာ ကြိုးပမ်းလာခဲ့တာ ဖြစ်ပြီး ယခုအခါ ပြင်သစ်တရားသူကြီးတစ်ဦးက အမှုကို ပယ်ချလာခဲ့ပြီ ဖြစ်ပါတယ်။

ကာဒစ်ဖ်ဟာ ဝင်ငွေနှင့် အခြားနစ်နာများမှုအတွက် နန့်တက်စ်ထံမှ ပေါင်သန်း ၁၀၄ သန်း ရရှိရေး တရားစွဲဆိုလာခဲ့တာလည်း ဖြစ်ပါတယ်။

ဒါပေမယ့် ယခုအခါမှာတော့ နန့်တက်စ်ရှိ တရားရုံးတစ်ခုက ဝေးလ်ကလပ်ရဲ့ တောင်းဆိုမှုကို ပယ်ချလာတဲ့အပြင် တရားရုံးစရိတ်နှင့် နန့်တက်စ်အသင်း နစ်နာဆုံးရှုံးမှုများအတွက် ပေါင် ၄၀၀၀၀၀ လည်း ပေးရန် ဆုံးဖြတ်လာပါတယ်။

တရားရုံးက ကာဒစ်ဖ်ဘက်က အယူခံဝင်လာပါကလည်း ယင်းငွေကြေးများကို ချက်ချင်းပေးရန် ဆုံးဖြတ်လာပါတယ်။

လက်ရှိအချိန်တွင် ကာဒစ်ဖ်ဘက်က အယူခံဝင်ရေး မဆုံးဖြတ်ရသေးပါဘူး။