သံမဏိနဲ့ အလူမီနီယံသွင်းကုန်တွေကို အခွန် ၅၀ ရာခိုင်နှုန်းကောက်မယ့် အစီအစဉ် ဒေါ်နယ်ထရန့် စတင်
ဝါရှင်တန်၊ ဇွန်-၄-၂၀၂၅
ရတီ(VOM)
အမေရိကန်ကို တင်သွင်းလာတဲ့ သံမဏိနဲ့ အလူမီနီယံသွင်းကုန်တွေကို အခွန် ၂၅ ရာခိုင်နှုန်းကနေ ၅၀ ရာခို်ငနှုန်း ကောက်ခံမယ့် အမိန့်တရပ်ကို သမ္မတ ဒေါ်နယ်ထရန့်က ဒီကနေ့မှာ လက်မှတ်ရေးထိုး ထုတ်ပြန်လိုက်ပါတယ်။
ဒီလိုအခွန်ကောက်ခံမှုဟာ မော်တော်ယာဉ်တွေကနေ စည်သွပ်ဗူးတွေထိ သတ္တုသွင်းကုန်တွေအပေါ် မတ်လနောက်ပို်ငး ဒုတိယအကြိမ် အခွန်တိုးမြှင့်ကောက်ခံလိုက်တာပါ။ ဒီကနေ့မှာ စတင်သက်ဝင်မှာ ဒီအစီအမံဟာ အမေရိကန်သံမဏိလုပ်ငန်းရဲ့ အနာဂတ်ကို လုံခြုံစေဖို့ ရည်ရွယ်ကြောင်း ထရန့်က ပြောပါတယ်။
ဒါပေမယ့်လည်း ဒီလိုကာကွယ်မှုဟာ အမေရိကန်ပြင်ပရှိ သံမဏိထုတ်လုပ်သူတွေအပေါ် အနှောက်အယှက်ဖြစ်စေနိုင်ပြီး ကုန်သွယ်ရေးမိတ်ဖက်နိုင်ငံတွေဆီကနေ လက်တုံ့ပြန်မှုတွေ ရင်ဆိုင်ရနိုင်ကာ အမေရိကန်ဖောက်သည်တွေအတွက်လည်း ကုန်ကျစရိတ်များနိုင်တဲ့အပေါ် စိုးရိမ်မှုတွေရှိနေပါတယ်။
အခွန်ကောက်ခံမှုကို တိုက်ရိုက်သက်ရောက်မှုရှိတဲ့ ကုမ္ပဏီတွေကတော့ ဒါဟာ .ယာယီ သို့မဟုတ် စေ့စပ်ညှိနှိုင်းဖို့ အစီအမံများ ဖြစ်လာဖို့ မျှော်လင့်နေပါတယ်။ ထရန့်ရဲ့ အခွန်ကောက်ခံမှုမှာ ဗြိတိန်ကတော့ အခွန် ၅၀ ရာခိုင်နှုန်းလက်ရှိအစီအစဉ်ကနေ ကင်းလွတ်ခွင့်ရခဲ့ပြီး ဒါဟာ နှစ်နိုင်ငံအကြား ကုန်သွယ်ရေး သဘောတူညီချက်ကြောင့် ဖြစ်ပါတယ်။
မတ်လအတွင်းက ပထမအကြိမ် အခွန်တိုးမြှင့်ကြောင်း ကြေညာပြီးနောက် ဥရောပသမဂ္ဂ နဲ့ ကနေဒါတို့လို နိုင်ငံတွေဟာ အမေရိကန်ရဲ့ ထုတ်ကုန်ပစ္စည်းအချို့အပေါ် စည်းကြပ်ခွန်တွေ လက်တုံ့ပြန်ဖို့ ပြင်ဆင်ခဲ့ကြပါတယ်။ အမေရိကန်ဟာ ဥရောပသမဂ္ဂပြီးရင် ကမ္ဘာပေါ်မှာ သံမဏိအများဆုံး တင်သွင်းတဲ့နိုင်ငံဖြစ်ပြီး ကနေဒါ၊ ဘရာဇီး၊ မက္ကဆီကိုနဲ့ တောင်ကိုရီးယားတို့ထံကနေ သတ္တုအမြောက်အများ တင်သွင်းနေပါတယ်။
ထရန့်ဟာ သူ့ရဲ့ ပထမအကြိမ် သမ္မတသက်တမ်းအတွင်းမှာလည်း အမေရိကန်စက်မှုလုပ်ငန်းတွေကို ကာကွယ်ဖို့ဆိုကာ သံမဏိအပေါ် အခွန် ၂၅ ရာခိုင်နှုန်းနဲ့ အလူမီနီယံအပေါ် အခွန် ၁၀ ရာခိုင်နှုန်း ကောက်ခံခဲ့ပါတယ်။
Ref:BBC

တက္ကသိုလ်ဝင်စာမေးပွဲ အောင်စာရင်း ဇွန် ၁၃ ရက်မှာ ထုတ်ပြန်ဖွယ်ရှိ
ဇွန် - ၄ ၊ ၂၀၂၅
GG (VOM)
၂၀၂၅ ခုနှစ် တက္ကသိုလ်ဝင်စာမေးပွဲ အောင်စာရင်းကို ဇွန် ၁၃ ရက်နေ့မှာ ထုတ်ပြန်ကြေညာပေးသွားဖွယ်ရှိတယ်လို့ ပညာရေးဝန်းထမ်း အသိုင်းအဝိုင်းက သိရပါတယ်။
အောင်စာရင်းတွေကို မနက် ၄ နာရီကစပြီး မြန်မာနိုင်ငံစာစစ်ဦးစီးဌာန Website ဖြစ်တဲ့ www.myanmarexam.org မှာ ဝင်ရောက်ကြည့်ရှုနိုင်မှာဖြစ်သလို မနက် ၆ နာရီမှာဆိုရင် သက်ဆိုင်ရာမြို့နယ် အသီးသီးရှိ စာစစ်ဌာန ကျောင်းတွေမှာလည်း ကြည့်ရှူနိုင်မှာဖြစ်တယ်လို့သိရပါတယ်။
ဝေးလံတဲ့ ဒေသတွေက စာစစ်ဌာနတွေနဲ့ အင်တာနက်အဆက်အသွယ် ကောင်းစွာမရရှိတဲ့ စာစစ်ဌာနတွေရဲ့ အောင်စာရင်းကိုတော့ မြန်မာ့အသံရေဒီယို အစီအစဉ်ကနေလည်း အောင်စာရင်း ထွက်တဲ့နေ့မှာ ကြေညာပေးမယ်လို့ဆိုပါတယ်။
အောင်စာရင်းထွက်ရှိမယ့်အပေါ် ဖြေဆိုထားတဲ့ ပြည်မြို့မှာ ကျောင်းသူတစ်ယောက်က " ရင်ခုန်တာပေါ့။ခုနှစ်ဒီဘက်မှာသချင်္ာမေးခွန်း သတ်ထားတာဆိုတော့ကြောက်မိတယ်။ဆရာမကလည်းဒီနေ့ဖုန်းဆက်လာတယ် သချင်္ာနဲ့ကျသူများတယ်ပြောတော့ပိုကြောက်မိတယ်။ဂုဏ်ထူးဆိုရင်တော့ရူပဗေဒကိုမှန်းထားတယ်။"လို့ ပြောပါတယ်။
၂၀၂၅ ခုနှစ်တက္ကသိုလ်ဝင်စာမေးပွဲက စနစ်သစ်နဲ့ဖြေဆိုရတဲ့ ဒုတိယကြိမ်မြောက် စာမေးပွဲ ဖြစ်ပြီး စာမေးပွဲဝင်ရောက်ဖြေဆိုခဲ့တဲ့ ကျောင်းသားကျောင်းသူပေါင်း ၁၅၀၀၀၀ ဝန်းကျင်ရှိခဲ့တယ်လို့ သိရပါတယ်။
မြန်မာနိုင်ငံစာစစ် ဦးစီးဌာနက‌တော့ စာမေးပွဲအောင်စာရင်း ထုတ်ပြန်မယ့် နေ့ရက်ကို တရားဝင်ထုတ်ပြန်ကြေညာခြင်းမရှိသေးကြောင်းနဲ့ နေ့ရက်ကို ကြေညာပေးသွားမယ်လို့ အသိပေးထားပါတယ်။
စနစ်သစ်နဲ့ပထမဆုံးအကြိမ်ကျင်းပခဲ့တဲ့ ၂၀၂၄ ခုနှစ်၊ တက္ကသိုလ်ဝင်စာမေးပွဲမှာတုန်းကတော့ စာမေးပွဲဖြေဆိုသူဦးရေ စုစုပေါင်း ၁၂၈၈၂၀ ဦးရှိပြီး အောင်မြင်သူဦးရေ ၇၄၅၉၂ ဦး အောင်မြင်ခဲ့ပါတယ်။
ဓာတ်ပုံ - MOI

လားရှိုးမှာ မြန်မာ့စီးပွားရေးဘဏ် ပြန်ဖွင့်ပေမယ့် ငွေထုတ်လို့ အဆင်မပြေသေး
ဇွန် ၄၊ ၂၀၂၅
Shy V(VOM)
လားရှိုးမှာ မြန်မာ့ စီးပွားရေးဘဏ် ပြန်ဖွင့်ပြီဖြစ်ပေမယ့် အခု ရက်ပိုင်းအတွင်း ငွေ ထုတ်လို့ အဆင်မပြေသေးကြောင်း ဒေသခံတွေဆီက သိရပါတယ်။
"မြန်မာ့ စီးပွားရေးဘဏ်က ဖွင့်ထားပြီး။ ကြာဝောင် ကြာနေပြီ။ ဒါပေမယ့် ပိုက်ဆံ ထုတ်လို့ မရသေးဘူး။ ငွေ မရှိဘူးလို့ ပြောတယ်။" လို့ ပင်စင် ထုတ်မယ့် အမျိုးသမီး တယောက်က ပြောပါတယ်။
လေယာဉ် လာမှငွေထုတ်လို့ ရမယ်၊ ငွေ သားက သယ်လာမှ ရှိမယ်လို့လည်း ကြားရပြီး လောလောဆယ် ထုတ်ဖို့ ငွေသား မရှိသေးတာလို့ သိရကြောင်း သူက ပြောပါတယ်။
"ဘဏ်ကတော့ ဖွင့်ပါတယ်။ မကြာမီ ရက်ပိုင်းအတွင်း ငွေ ထုတ်လို့ ရတော့မယ်လို့ ကြားတယ်။ ဒီရက်ပိုင်း ထုတ်လို့ ရမှာပါ" လို့ ဒေသခံ အမျိုးသမီး တယောက်က ပြောကါတယ်။
ဘဏ်မှာ ဌာနဆိုင်ရာတွေရဲ့ လစာနဲ့ ငွေကြေးဆိုင်ရာကိစ္စအပြင် ပင်စင်လစာ၊ လူထုတွေရဲ့ ငွေစုငွေလွှဲ ငွေထုတ်တွေကို ပြန်လည် ဝန်ဆောင်မှု ပေးသွားမယ်လို့ သိရတယ်လို့ ဆိုပါတယ်။
လားရှိုးမြို့ မြန်မာ့စီးပွားရေးဘဏ်ကို ဇွန်လ ၃ ရက်နေ့ မနက် ၉ နာရီကစ ဘဏ်လုပ်ငန်းေတွကို ဆောင်ရွက်ပေးသွားမှာဖြစ် ပေမယ့် ဆက်သွယ်ရေး ဖုန်းလိုင်း နဲ့ အင်တာနက်လိုင်း တွေ သိပ်အဆင်မပြေသေးတာကြောင့် ဘဏ်လုပ်ငန်း ဝန်ဆောင်မှုတွေ နှောင့်နှေးကြန့်ကြာ ခက်ခဲ နိုင်တယ်လို့လည်း ဒေသခံတွေက ပြောပါတယ်။
လားရှိုးမြို့ပေါ်က ဘဏ်တွေကို MNDAA နဲ့ ပူးပေါင်းတပ်ဖွဲ့ မြို့သိမ်း တိုက်ပွဲ ထိုးစစ်ဆင်လာတဲ့ ပြီးခဲ့တဲ့ ၂၀၂၄ ခုနှစ် ဇူလိုင်လ လဆန်းပိုင်း ကစ ပိတ်သိမ်းထားခဲ့တာဖြစ်ကာ အုပ်ချုပ်ရေးပိုင်းကို နစကလက်လွှဲရယူပြီးနောက် ပြန်လည်ဖွင့်လှစ်ခဲ့တာဖြစ်ပါတယ်။
Photo Crd# ဒေသခံ

ရွှေပြည်သာ Joy Time စက်ရုံလုပ်သားတွေ လုပ်ခလစာ တိုးမြှင့် တောင်းဆိုမှု ပြေလည်မှုရရှိ
ဇွန် ၄ - ၂၀၂၅
SN (VOM)
ရန်ကုန်မြို့၊ ရွှေပြည်သာမြို့နယ်၊ ဝါးတရာစက်မှုဇုန်၊ ဗိုလ်တိုက်ချွန်းလမ်းမှာ ဖွင့်လှစ်ထားတဲ့ Joy Time (Myanmar) Garment အထည်ချုပ်စက်ရုံက အလုပ်သမားတွေ လုပ်ခလစာ တိုးမြှင့်ရရှိရေး တောင်းဆိုမှု ပြေလည်မှု ရရှိခဲ့တယ်လို့ အလုပ်သမားအရေး ဆောင်ရွက်နေသူတွေဆီက သိရပါတယ်။
စက်ရုံအထည်ချုပ် အလုပ်သမားတွေက အနည်းဆုံး အခကြေးငွေ တိုးမြှင့်ပေးဖို့ ပြီးခဲ့တဲ့ မေလ ၃၀ ရက်၊ ညနေပိုင်းက စတင်ပြီး တောင်းဆိုခဲ့ကြတာ ဖြစ်ပါတယ်။
“တောင်းဆိုတာကို စက်ရုံဘက်က ညှိနှိုင်းပေးတယ်။ အခု ပြေလည်သွားပါပြီ။ တောင်းဆိုမှု သုံးရက်အကြာပေါ့၊ ဇွန် ၂ ရက်နေ့ကပဲ ညှိနှိုင်းပြီး အဆင်ပြေသွားတာပါ။ သူတို့ တောင်းဆိုတာက အဓိက က အနည်းဆုံး အခကြေးငွေ တသောင်းသုံးထောင် ရရှိဖို့ပေါ့။ ဒါပေမယ့် တောင်းဆိုမှုတွေကိုတော့ ပြန်ပြီး ညှိနှိုင်းပေးရတာတွေတော့ ရှိတာပေါ့။ ကိုယ့်ဘက်က တိုးလိုက်၊ သူ့ဘက်က လျှော့လိုက်နဲ့ ဒီလိုပဲ လုပ်ရတာဆိုတော့ တောင်းဆိုမှု အပြည့်အဝတော့ မရခဲ့ဘူး” လို့ အလုပ်သမားအရေး ဆောင်ရွက်သူက ပြောပါတယ်။
အလုပ်သမားတွေဘက်က စတင် တောင်းဆိုခဲ့တာမှာ အနည်းဆုံးလုပ်ခကြေးငွေ တသောင်းသုံးထောက်ကျပ်၊ အချိန်ပိုကြေး တနာရီကို ၂၅၀၀ ကျပ်၊ ရက်မှန်ကြေး ခြောက်သောင်းကျပ် ဖြစ်တယ်လို့ သိရပါတယ်။
လက်ရှိမှာတော့ အနည်းဆုံးလုပ်ခကြေးငွေ ဒေးကြေး တသောင်းတထောင် ငါးရာကျပ်၊ အချိန်ပိုကြေး တနာရီ ၂၂၀၀ ကျပ်နဲ့ ရက်မှန်ကြေး ငါးသောင်းကျပ် ပေးဖို့ အလုပ်ရှင်နဲ့ အလုပ်သမား သဘောတူညီမှု ရရှိခဲ့တယ်လို့ သူက ပြောပါတယ်။
“အခုတော့ သူတို့ စက်ရုံဘက်က တိုးပေးတဲ့ ပမာဏအတိုင်း အလုပ်သမားတွေက လက်ခံလိုက်ပါတယ်။ ရက်မှန်ကြေး‌ရော၊ အချိန်ပိုကြေးတွေရောပေါ့။ အလုပ်သမားတွေဘက် တောင်းဆိုတာတွေကတော့ ဒါကတော့ စက်ရုံတိုင်းနီးပါး ဒီပမာဏကိုပဲ ပုံမှန် ကြမ်းခင်းဈေးအနေနဲ့ တောင်းကြတာပေါ့။ အဲဒီအပေါ်မှာ စက်ရုံ တရုံနဲ့တရုံက ပေးတဲ့ skill မတူကြတော့ အဲဒါတွေအပေါ်မှာ အလုပ်ရှင်က အလုပ်သမားတွေနဲ့ အကောင်းဆုံး ညှိနှိုင်းသွားတာပါပဲ” လို့ သူက ပြောပါတယ်။
Joy Time အထည်ချုပ်စက်ရုံမှာ XSide , SOUTHBLUE , LC WAIKIKI , mavi စတဲ့ အမှတ်တံဆိပ်တွေကို မြန်မာလုပ်သားတွေက ချုပ်လုပ်ပေးရတာဖြစ်ပြီး လက်ခစား (CMP) စနစ် အထည်ချုပ်စက်ရုံ ဖြစ်တယ်လို့ သိရပါတယ်။
“အခုက တရုံလုံး ရတာ။ အကုန်လုံးပဲ။ ပြီးတော့ အရင်တုန်းက ပိတ်ရက်တွေရော၊ တခြား အစိုးရ ရုံးပိတ်ရက်တွေရော ဒေးကြေးမရဘူး။ လစာထဲက ဖြတ်တယ်။ အခုက အစိုးရ ရုံးပိတ်ရက်၊ အလုပ်ပိတ်ရက်တွေ အတွက်ပါ ဒေးကြေး တသောင်းတထောင့်ငါးရာ ရတာပါ။ တကယ်လို့ ကိုယ်က ခွင့်ယူလို့ရှိရင်လည်း လူမှုဖူလုံရေးခွင့်တို့ဘာတို့ပေါ့၊ အဲဒါမျိုးကိုလည်း ဒီ ဒေးကြေးက အကျိုးခံစားခွင့် ရှိတယ်။ ရက်မှန်ကြေးကလည်း တသောင်း ထပ်တိုးပေးတယ်” လို့ စက်ရုံအလုပ်သမား တယောက်က ပြောပါတယ်။
မြန်မာနိုင်ငံမှာ လက်ရှိ မြင့်တက်နေတဲ့ ကုန်ဈေးနှုန်းတွေကြောင့် လာပ်လစာ လုံလောက်မှု မရှိတဲ့အတွက် အလုပ်သမားတွေအနေနဲ့ အခုလို တောင်းဆိုမှုတွေ ပြုလုပ်နေရခြင်း ဖြစ်တယ်လို့ သိရပါတယ်။
လက်ရှိမှာ စက်မှုဇုန်အသီးသီးက စက်ရုံတိုင်းလိုလိုမှာ လုပ်ခလစာ တိုးမြှင့် တောင်းဆိုမှုတွေ ပြုလုပ်နေကြတာဖြစ်ပြီး အခုလို တောင်းဆိုနေကြမှုတွေနဲ့ ပတ်သက်လို့ တချို့ စက်ရုံတွေဟာ အလုပ်သမား အားလုံး တညီတညွတ်တည်း တောင်းဆိုနေကြတာ ရှိသလို တချို့သော သက်ရုံတွေကတော့ စက်ရုံ အလုပ်သမားဦးရေရဲ့ ထက်ဝက် (ဒါမှမဟုတ်) သုံးချိုး၊ တချိုးလောက်သာ ပါဝင် တောင်းဆိုနေကြတာ ဖြစ်တယ်လို့ သိရပါတယ်။
ဒါနဲ့ ပတ်သက်လို့ အလုပ်သမားအရေး ဆောင်ရွက်သူက “အဲဒီလို တောင်းဆိုမှု မလုပ်ဘဲ ကျန်နေကြတဲ့သူတွေက သူတို့ရဲ့ supervisor ကို အားနာတာတွေရယ်၊ အဲဒီ super က လုပ်ငန်းရှင်ကို အားနာတာတွေရယ်၊ နောက်တချက်ကတော့ တွက်ကပ်တာပေါ့။ အပြင်ကိုထွက်၊ အလုပ် မလုပ်ဘဲ တောင်းဆိုနေကြတဲ့သူတွေကို တချို့ လုပ်ငန်းရှင်တွေက အဲဒီနေ့အတွက် ဒေးကြေးထည့်မပေးဘူး။ အဲဒီတော့ ဒေးကြေးပြုတ်မှာစိုးလို့ မထွက်တာတွေလည်း ရှိတယ်” လို့ ပြောပါတယ်။
ဒါဟာ ‌ရေသာခို၊ အချောင်သမားစိတ်ဓာတ်ကို ပြသတာသာဖြစ်ပြီး အလုပ်သမား လောကမှာတော့ ဒီလို စိတ်ဓာတ်မျိုးတွေ မရှိစေချင်ဘူးလို့ သူက ပြောပါတယ်။
“သူတို့စိတ်ထဲမှာ နင်တို့တောင်း၊ ငါတို့ရမှာပဲ၊ ငါတို့ကတော့ လက်ရှိ ရနေတဲ့ငွေကို အဆုံးရှုံးမခံနိုင်ဘူး ဆိုတဲ့ စိတ်မျိုးပေါ့။ အဲဒီလို စိတ်မျိုး မရှိစေချင်ဘူး။ တောင်းနေတဲ့သူတွေက လက်ရှိ ကုန်ဈေးနှုန်းနဲ့ အားလုံး အဆင်ပြေစေမယ့် လမ်းကြောင်းမျိုးကို ရွေးပြီးတော့ တောင်းနေတဲ့အချိန်မှာ ညီညွတ်မှုကို ပြသဖို့လိုတယ်” လို့ သူက ပြောပါတယ်။
ပြီးခဲ့တဲ့ မေ ၁၄ ရက်နေ့ကလည်း ရန်ကုန်မြို့ လှိုင်သာယာမြို့နယ်၊ အပြင်ပဒံရပ်ကွက်အနီး၊ အနော်ရထာစက်မှုဇုန် အပိုင်း (၂) မှာ ဖွင့်လှစ်ထားတဲ့ ချန်းရိ (Tsang Yih) ဖိနပ်စက်ရုံက အလုပ်သမား ၆၀၀၀ ကျော် လုပ်ခလစာ တိုးမြှင့်ပေးဖို့ ခုနစ်ရက်ကြာ တောင်းဆိုမှု ပြုလုပ်ခဲ့တာမှာ အဆင်ပြေမှု ရရှိခဲ့ပါတယ်။
ဒါအပြင် အဲဒီ မေလအတွင်းမှာပဲ ပဲခူးတိုင်း၊ သာယာဝတီမြို့နယ်မှာ ဖွင့်လှစ်ထားတဲ့ ဂုံမင်းမြောင်ဟွာရှိန် အထည်ချုပ်စက်ရုံ၊ ရန်ကုန်တိုင်း၊ ရွှေပြည်သာမြို့နယ်၊ သာဓုကန်စက်မှုဇုန်က Bontech Manufacturing Garment ကုမ္ပဏီလီမိတက်နဲ့ ရွှေပြည်သာ၊ ဝါးတရာစက်မှုဇုန်ထဲက GTIG အထည်ချုပ်စက်ရုံ ငါးရုံရဲ့ လုပ်ခ အခြေခံနှုန်းထား တပြေးညီ သတ်မှတ်ရေး တောင်းဆိုမှုတွေလည်း ပြေလည်မှု ရရှိခဲ့တယ်လို့ သိရပါတယ်။
Photo - STUM

ဂျပန်နိုင်ငံ ကလေးမွေးဖွားမှုနှုန်း ခုနှစ်သိန်းအောက်ကို ပထမဆုံးအကြိမ် ကျဆင်း
တိုကျို၊ ဇွန်-၄-၂၀၂၅
ရတီ(VOM)
ဂျပန်နိုင်ငံမှာ ပြီးခဲ့တဲ့နှစ်အတွင်း ကလေးမွေးဖွံားမှုနှုန်းဟာ ပထမဆုံးအကြိမ်အဖြစ် ခုနှစ်သိန်းအောက်ကို ကျဆင်းသွားကြောင်း ဂျပန်အစိုးရက ဒီကနေ့မှာ ထုတ်ပြန်တဲ့ အချက်အလက်တွေမှာ ဖော်ပြထားပါတယ်။
သက်ကြီးရွယ်အိုဦးရေ များပြားလာတဲ့ ဂျပန်နိုင်ငံမှာ ၂၀၂၄ ခုနှစ်အတွင်း ကလေးငယ် ၆၈၆၀၆၁ ယောက်သာ မွေးဖွားခဲ့ပြီး ၂၀၂၃ ခုနှစ်ကထက် ၄၁၂၂၇ ယောက် လျော့နည်းခဲ့တယ်လို့ အချက်အလက်တွေမှာ ဖော်ပြထားကာ ၁၈၉၉ ခုနှစ် မှတ်တမ်းတွေစတင်ပြီးနောက်ပိုင်း အနိမ့်ပါးဆုံးဖြစ်ပါတယ်။
ဒါဟာနိုင်ငံအတွက် တိတ်တဆိတ်အရေးပေါ်အခြေအနေလို့ ဂျပန်ဝန်ကြီးချုပ် အိုင်ရှီဘာက ပြောဆိုထားပြီး ဒီအခြေအနေကို လိုက်လျောညီထွေဖြစ်မယ့် အလုပ်ချိန်နဲ့ မိသားစုအစီအမံမျိုးတွေ ချမှတ်မယ်လို့ ဆိုပါတယ်။
ဂျပန်နိုင်ငံဟာ နိုင်ငံငယ်လေးဖြစ်တဲ့ မိုနာကပြီးရင် ကမ္ဘာပေါ်မှာ သက်ကြီးရွယ်အိုအများဆုံး ဒုတိယမြောက်နိုင်ငံလည်း ဖြစ်ပါတယ်။ ဂျပန်ကျန်းမာရေးဝန်ကြီးဌာနရဲ့ အချက်အလက်တွေအရ နိုင်ငံရဲ့ စုစုပေါင်းမွေးဖွားမှုနှုန်းဟာ အမျိုးသမီးတယောက်ကို မွေးဖွားမှုနှုန်း ၁ ဒဿမ ၁၅ ရာခိုင်နှုန်းထိ ကျဆင်းသွားတယ်လို့ ပြောပါတယ်။
နိုင်ငံမှာ ၂၀၂၄ ခုနှစ်အတွင်း သေဆုံးသူ ၁ ဒဿမ ၆ သန်းရှိပြီး ၂၀၂၃ ခုနှစ်ကထက် ၁ ဒဿ ၉ ရာခိုင်နှုန်းတိုးလာတယ်လို့ ကျန်းမာရေးဝန်ကြီးဌာနက ဆိုပါတယ်။ လူဦးရေ ၁၂၃ သန်းရှိသော ဂျပန်နိုင်ငံမှာ သက်ကြီးရွယ်အို များပြားလာတာနဲ့အမျှ လုပ်သားရှားပါးမှုနဲ့လည်း ရင်ဆိုင်နေရပါတယ်။
အိမ်နီးချင်းတောင်ကိုရီးယားမှာလည်း ၂၀၂၄ ခုနှစ်အတွင်း ကလေးမွေးဖွားနှုန်းဟာ ဂျပန်နိုင်ငံထက် သုည ဒဿမ ၇၅ ရာခိုင်နှုန်း နည်းပါးခဲ့ပါတယ်။ ဒါပေမယ့်လည်း လက်ထပ်ထိမ်းမြားမှုနှုန်းကတော့ ယခင်နှစ်ကထက် အနည်းတိုးလာတယ်လို့ ဆိုပါတယ်။
Ref:CNA

#နိုင်ငံတကာသတင်း
◼ ကူညီထောက်ပံ့‌ရေးစခန်းသွားလမ်းများအား တိုက်ပွဲဇုန်များအဖြစ် အစ္စရေးစစ်တပ်ကြေညာ
ဂါဇာမှ ကူညီထောက်ပံ့‌ရေးစခန်းများကို တစ်ရက်တာပိတ်ထားလိုက်ပြီး ယင်းနေရာများသို့ သွား သည့် လမ်းများကို တိုက်ပွဲဇုန်များအဖြစ် သတ်မှတ်မည်ဖြစ်ကြောင်း အစ္စရေးစစ်တပ် က ပြောကြားသည်။
ဖွဲ့စည်းတည်ဆောက်ပုံ နှင့် စွမ်းရည်မြှင့်တင်ရေး လုပ်ငန်းများအတွက် အကူအညီပေးရေး နေရာဌာများကို တစ်ရက်တာ ပိတ်သိမ်းလိုက်ကြောင်း အမေရိကန်နှင့်အစ္စရေးတို့ ထောက်ခံကာ ပြီးခဲ့သည့်သီတင်းပတ်က လုပ်ငန်းစတင်ခဲ့သည့် အငြင်းပွားဖွယ်ရာ အကူအညီပေး‌ရေး ကွန်ရက် ဖြစ်သည့် ဂါဇာ လူသားချင်း စာ နာထောက်ထားမှုဖောင်ဒေးရှင်း(GHF) က ပြောကြားသည်။
ယမန်နေ့ အစောပိုင်း တွင် အကူအညီပေးရေး စခန်းအနီး၌ အစ္စရေးစစ်ဘက်က ပစ်ခတ်မှုကြောင့် ပါလက်စတိုင်းလူမျိုး ၂၇ ဦး သေဆုံးခဲ့ကြောင်း ဟားမားစ်အရပ်ဘက်ကာကွယ်ရေး အေဂျင်စီက ပြောကြားသည်။
ယင်းမှာ GHF အကူအညီပေးရေးနေရာသို့ သွားရာ လမ်း‌ပေါ်၌ သုံးရက်ဆက်တိုက် ပစ်ခတ် သေဆုံးမှုများ ဖြစ်သည်။
အကူအညီပေးရေးနေရာများသို့ သွားရန် သတ်မှတ်ထားသော လမ်းကြောင်းများမှ ဘေးသို့ထွက်၍ ၎င်းတို့ဆီဦးတည်လာသော မသင်္ကာသူများကို တွေ့ရှိခဲ့ပြီးနောက် ပစ်ခတ်မှုများ လုပ်ဆောင်ခဲ့ကြောင်း အစ္စရေးစစ်ဘက်(IDF) က ပြောကြားသည်။
ရာဖာမြို့အနောက်ပိုင်းတွင် အကူအညီပစ္စည်းများ ရယူရန် စောင့်ဆိုင်းနေသော အရပ်သားလူအုပ်ကို အစ္စရေးတပ်ဖွဲ့များက ပစ်ခတ်ခဲ့ပြီးနောက် သေနတ်ဒဏ်ရာရထားသူများ ၎င်းတို့ ဆေးရုံသို့ ရောက်ရှိလာခဲ့ကြောင်း ယမန်နေ့ ဖြစ်ရပ် အပြီးတွင် ခန်ယူနစ်မြို့ နက်ဆာဆေးရုံ မှ ဒါရိုက်တာ အာတက်ဖ်အယ်ဟောက် က ဘီဘီစီအား ပြောကြားခဲ့သည်။
လူအစုလိုက် အပြုံလိုက်သတ်ဖြတ်မှုဖြစ်ပြီး မိမိတို့ထံသို့ လူနာအများအပြား ရောက်ရှိလာခဲ့ကြောင်း ယင်းဒေသတွင် အလုပ်လုပ်နေသော နိုင်ငံရပ်ခြား ဆေးပညာရှင်တစ်ဦးကလည်း ပြောသည်။
ယင်းပစ်ခတ်မှု ဖြစ်ရပ်များအား အမှီအခိုကင်းစွာချက်ချင်း စုံစမ်းစစ်ဆေးမှုလုပ်ရန် ကုလအတွင်းရေးမှူးချုပ် အန်တိုနီယိုဂူတာရက်စ်က ပြောကြားသည်။
အကူအညီပေးရေးနေရာများအား ပိတ်လိုက်ခြင်းမှာ GHF ဆိုသည်မှာ မည်သူမည်သူဝါများဆိုသည် နှင့် တာဝန်ယူမှု မရှိခြင်းကို ပြသနေကြောင်း ဂူတာရက်စ်၏ ပြောခွင့်ရပုဂ္ဂုလ် စတီဖိန်းဒူဂျာရစ် ကလည်း ပြောကြားပြီး အကူအညီပေးရေးနေရာများအနီးတွင် လက်နက်ကိုင်များကို တွေ့နေရပြီး ၎င်းတို့မည်သူ ၊ ၎င်းတို့ကို မည်သူက တာဝန်ခံသည်ဆိုသည်ကို မသိရကြောင်း ဒူဂျာရစ် က ဆက်လက်ပြောသည်။
သတင်း-ရဲမင်း
ကိုးကား-BBC

#ပြည်တွင်းသတင်း
◼မြစ်ကြီးနား၌ရေဘေးသင့်ပြည်သူ ၁၀,၀၀၀ ကျော်ရှိ၊ ရှာဖွေကယ်ဆယ်ရေးစုရပ် နေရာရှစ်ခုဖွင့်လှစ်
ကချင်ပြည်နယ်၊ မြစ်ကြီးနားမြို့၌ ရေဘေးသင့်ပြည်သူ ၁၀၀၀၀ ကျော်ရှိလာပြီး ရေဘေးရှာဖွေကယ်ဆယ်ရေးစုရပ်နေရာရှစ်နေရာအထိ တိုးမြှင့်ဖွင့်လှစ်ထားကြောင်း နစက၏ကချင်ပြည်နယ် အစိုးရအဖွဲ့ထံမှသိရသည်။
မြစ်ကြီးနားမြို့၌ ပြီးခဲ့သည့်မေ ၃၁ ရက်ညပိုင်းမှစတင်ကာ မိုးသည်းထန်စွာရွာသွန်းခြင်းကြောင့် ဧရာဝတီမြစ်‌ရေမြင့်တက်လာကာ လယ်ကုန်း၊ ကြက်ပေါင်ခြံ၊ ရမ်ပူ၊ မြို့သစ်ကြီးနှင့် ရေကြည်ရပ်ကွက် များ၏မြေနိမ့်ပိုင်းရှိ‌နေအိမ်များအတွင်း ရေဝင်ရောက်ကာရေကြီးရေလျှံခြင်းများဖြစ်ပေါ်ခဲ့ကြောင်း မြန်မာနိုင်ငံမီးသတ်ဦးစီးဌာနကထုတ်ပြန်ထားသည်။
အဆိုပါရေဝင်ရောက်ခြင်းကြောင့် သီတာတံတား၊ ကြက်ပေါင်ခြံရပ်ကွက်၊ အောင်တံတား(လယ်ကုန်း- ကြက်ပေါင်ခြံအစပ်)၊ အောင်ဇေရန်အောင်ဘုန်းတော်ကြီးကျောင်းအနီး၊ မနောဥပိန်တံတား (အနောက် လယ်ကုန်း - ကြက်ပေါင်ခြံအစပ်) နှင့် ကျွန်းပင်သာစက်လှေဆိပ်များတွင် ရေဘေးရှာဖွေကယ်ဆယ်ရေး စုရပ်နေရာခြောက်ခုတွင်ဖွင့်လှစ်ပြီး ကူညီဆောင်ရွက်လျက်ရှိကြောင်း၊ ယခုအခါ ရေဝင်ရပ်ကွက်ဧရိယာ တိုးခြင်းကြောင့် ရေဘေးကယ်ဆယ်ရေးအဖွဲ့စုရပ်အဖြစ် မြို့သစ်ကြီးရပ်ကွက်၊ ပြည်ထောင်စုလမ်းမကြီး နှင့် မဟာဗန္ဓုလလမ်းဆုံနေရာ၌ စုရပ်များထပ်မံတိုးမြှင့်ဖွင့်လှစ်ထားကြောင်းသိရသည်။
ယနေ့(ဇွန် ၄ ရက်)မွန်းလွဲ ၁၂ နာရီ ၃၀ မိနစ်အချိန်တိုင်းထွားချက်အရ မြစ်ကြီးနားမြို့၏ မြစ်ရေအခြေ အနေမှာကျဆင်းလျက်ရှိကြောင်း၊ စုစုပေါင်း ၁၂ ပေကျော်ခန့်ပြန်လည်ကျဆင်းပြီးဖြစ်ကြောင်း၊ မြစ်ကြီးနားမြို့မိုးလေဝသနှင့်ဇလဗေဒ ညွှန်ကြားမှုဦးစီးဌာနမှ ဦးစီးအရာရှိဖြစ်သူဦးနိုင်လင်းထွေးက ၎င်း၏လူမှုကွန်ရက်စာမျက်နှာတွင် ရေးသားထားသည်။
လက်ရှိတွင်မြစ်ကြီးနားမြို့ရှိရေဘေးသင့်အိမ်ထောင်စု ၂၂၅၇ စု၊ လူဦးရေ ၁၀၃၇၅ တို့အား ကြက်ပေါင်ခြံရပ်ကွက်အတွင်း ရွှေဆုပန်ဘုန်းတော်ကြီးကျောင်းနှင့် အမက(မူလွန်)ကျောင်း၊ လယ်ကုန်း ရပ်ကွက်အတွင်း အမှတ်(၁) မူလွန်ကျောင်း၊ အမှတ် (၁၂) အခြေခံပညာအထက်တန်းကျောင်း (ဇီးလွန်)၊ ရမ်ပူရပ်ကွက်အတွင်း မာမကဘုန်းတော်ကြီးကျောင်း၊ အမှတ်(၁) အခြေခံပညာအထက်တန်းကျောင်းခွဲ၊ အောင်သဒ္ဒိဘုန်းတော်ကြီးကျောင်းနှင့် ရွှေဘိုကျောင်း၊ မြို့သစ်ကြီးရပ်ကွက်အတွင်း အောင်ဇေရန် အောင်ဘုန်းကြီးကျောင်း၊ မြေမြင့်ရပ်ကွက်၊ မြေမြင့်ဘုန်းတော်ကြီးကျောင်း အစရှိသည့်နေရာများ အပါအဝင် မြို့ပေါ် ရပ်ကွက်များရှိ ဘုန်းတော်ကြီးကျောင်း၊ စာသင်ကျောင်းများနှင့် ခရစ်ယာန် ဘာသာရေးကျောင်းများတွင်လည်း ရေဘေးကယ်ဆယ်ရေးစခန်း ၃၀ အထိဖွင့်လှစ်၍ ရွှေ့ပြောင်းကူညီ ထားကြောင်း နစက၏ကချင်ပြည်နယ်အစိုးရအဖွဲ့ထံမှသိရသည်။
သတင်း-အင်ကြင်း
ဓာတ်ပုံ-MFSD

ကြက်ဟင်းခါးအညွန့်ကို ပြုတ်တို့၍လည်းကောင်း၊ အသီးကိုအခွံခြစ်လှီး၍ ဆားနှင့်နယ်၊ အခါးရည် ညစ်ထုတ်ပြီး ပုစွန်၊ အသားမျိုးစုံနှင့်ကြော်၍ လည်းကောင်း၊ မျှစ်၊ ပဲပုစွန်တို့နှင့် ရောနှောချက်ပြု၍လည်း ကောင်း၊ အသီးကင်းများကိုပြုတ်၍ အတို့အမြုပ် အဖြစ်လည်းကောင်း စားသောက်ကြသည်။
မျိုးရွေးချယ်ခြင်း
ဒေသမျိုးများသည် အသီးပုံစံအားဖြင့် အရှည်မျိုး၊ အပုမျိုး၊ အလုံးမျိုးဟူ၍ အမျိုးမျိုးရှိသည်။ အရောင် အားဖြင့် အစိမ်းနု၊ အစိမ်းရင့်၊ အဖြူမျိုးဟူ၍ရှိပြီး များသောအားဖြင့် ခါးသောအရသာရှိသည်။ အလုံးသေးမျိုး သည် ဟင်းချက်ရာတွင် လေးသောအရသာရှိ၍ ကြိုက်နှစ်သက်
ကြသည်။ အရှည် ၁၀ လက်မခန့်ရှိသော အဖြူရောင်၊ အစိမ်းရင့်မျိုးများကို တဖြည်းဖြည်း စိုက်ပျိုးလာကြသည်။ မျိုးအားလုံးသည် စိုက်ပြီးရက် ၅၀-၆၀ တွင် စတင်ခူးဆွတ်နိုင်သည်။ တစ်ဧကလျှင် အပင် ၆,၀၀၀-၈,၀၀၀ ခန့် စိုက်နိုင်သည်။
စိုက်ချိန်အေး၍ ဆီးနှင်းကျတတ်သောတောင်ပေါ်ဒေသတွင် ဆောင်းရာသီ၌ ဖြစ်ထွန်းမှုနည်း၍ နွေနှင့် မိုးရာသီ တွင် စိုက်သင့်ပြီး ကျန်ဒေသများတွင် တစ်နှစ်ပတ်လုံးစိုက်နိုင်သည်။
အပြည့်အစုံကို ပုံကိုနှိပ်၍ ဝင်ရောက်ဖတ်ရှနိုင်ပါတယ်။
ဗဟုသုတစဉ်ဆက်မပြတ်စေဖို့ မျိုးကောင်းရွေးချယ်စိုက်ကြစို့🌱

အုန်းချိုမွှေးစိုက်ပျိုးပြီအပင်အစားကြွေးပုံအဆင့်ဆင့်ပါ🌴🌴🌴🌴🌴🌴🌴🌴🌴🌴🌴🌴
၁၊အပင်အားပုံမှန်အစာကြွေးရန်လိုအပ်ပါသည် ရောဂါပိုးများမကျရောက်အောင်ရွက်ဖြန်းပိုးသတ်ဆေးများပေး၍ပုံမှန်ကုသကာကွယ်သင့်ပါသည်🌴🌴🌴🌴🌴🌴
၂၊၁၆ပတ်လည်ယိုးဒယာအစာကိုနို့ဆီဘူး၂ဘူးခန့်/အရိုးမူန့်မြေဩဇာဘူးတစ်ဝက်ခန့်(အရသာကောင်မွန်စေရန်)
၃လတစ်ကြိမ်/၄လတစ်ကြိမ် သို့မဟုတ်
မိုးဦးကာလ မိုးအလယ်ကာလနှင့် မိုးနှောင်းကာလ တို့ တွင် တစ်ကြိမ်စီ.အစိုဓါတ်ရရှိချိန်ကြွေးပေးပါ
၃ဆားကြမ်းကို၃လတစ်ကြိမ်တစ်ဘူးကြွေးပါ
အုန်းအလက်ကြားထဲဆားသိပ်ထည့်ထည့်ပေးပါ
အုန်းလက်ကိုမခုတ်ရမဖြတ်ရအားတိတ်တတ်သည်။
၄။အုန်းပတ်ပတ်လည်တွင်ရှိသောချုပ်ထားသောအမျှင်များကိုဖြတ်ပေးပါ အုန်းလက်ကိုကားအောင်ဖိပေးပါ
၅။Made in Thailand (Transform)ရွက်ဖြန်းအားဆေးကိုတစ်လတစ်ကြိမ်ဖြန်းပေးပါ
၆။အုန်းပင် အရင်းမှ ဘေးဖက် လေးပေအကွာ တွင် တစ်ပါတ်လုံး မြောင်းငယ် က လေး တူးပါ
ထိုမြောင်းထဲ သို့ ချ ကျွေးပါသည်
အချို့လည်း သံတူးရွင်း ဖြင့် တစ်ပေခန် အနက် မြေဆီလွှာ ထဲ စိုက်ထည့် ကာ စက်ဝိုင်း ပတ် လှည့်လိုက်ပြီး က တော့ပုံ တွင်း ငယ် ပြုလုပ်ကာ မြေသြဇာကို ထည့်ပေးနိုင်သည် ။
တစ်ပင် လျင် ၆ ကျင်း မှ ၁၂ ကျင်း အထိ ပြု လုပ်နိုင်သည်။
၇။အ ရေး အကြီးဆုံး ဒြပ်စင် ... ပိုတက်ဆီယမ် K , နို က် ထ ရို ဂျ င် N ၊ ဖော့ဖိုးရပ် P
ဒုတိယ အဆင့် .. မဂ္ဂနီဆီယမ် MG , ကလိုရင်း CL, ကယ်လ ဆီယမ် CA , ဆာလဖာခေါ် ကန့် S နှင့် ဆိုဒီယမ် NA တတိယအဆင့် .. ဇင့် ZN , ဘို ရွန် B နှင့် မ ဂ္ဂ နီး MN တို့ ဖြစ်သည်။
၈။လိုအပ် ပမာဏ .. အရွယ်ရောက်ပြီးသော အုန်းပင် တစ်ပင် ကို တစ်နှစ်တာကာလ အတွင်း နိုက်ထရိုဂျင် 👎 500 gm , ဖော့စဖိတ် (P) 320 gm , ပိုတက်ဆီယမ် (K) 1200 gm လိုအပ်ပါသည်.
အော်ဂဲ နစ်မြေသြဇာ ၂၅ ကီလိုမှ ကီလို ၅၀ အထိ အသုံးပြုသင့် သည်.၊၊
၉။အနုခူးပါကအရွယ်ရောက်အုန်းအနုကိုခူးရပါမည်
အရင့်ခူးအသားအတွက်ခူးပါကအရင့်မှန်သောအုန်းခူးရပါမည် အပင်ဖောက်ရန်အတွက် လိုအပ်ပါကရင့်‌ခြောက် သောအသီးကို ရွေးခူး၍ အပင်ဖောက်ရပါမယ်
၁၀။အုန်းချိုမွှေးခွဲခြားရန်အတွက်အမြစ်ကိုဖဲ့ပြီးနမ်းကြည့်ပါအုန်းရည်နံထက်ထန်းသီးနံပိုရပါသည်အုန်းချိုမွှေးလည်းအနံသည်ထန်ရည်အနံဖက်ပိုလိုက်ပါသည်
အပင်မှ အသီးခူးသည်အခါ မိမိသုံးလိုသောအသီးကိုရွေး ချယ်ခန့်မှန်းပြီး ခူးဖို့လိုအပ်ပါသည်။
၁၁။အုန်းပင်ဖောက်ပိုးကျရောက်ပါက အပေါက်လိုက်ရှာပြီး အတွင်းမှအကောင်ကိုဖမ်းပြီးရှင်းလင်းရပါမယ်
မဟုတ်ပါကအပင်သန်မူအားနည်းပြီးတစ်ဖြေးဖြေးအာဟာပြတ်ကာသေသွားနိူင်ပါသည်
၁၂ကြက်ခြေနွားချေးကျွေး ရာတွင်တိုက်ရိုက်မကျွေး ဘဲ
EMနှင့်ရော၍သဘာဝမြေဩဇာလုပ်ပြီးမှကျွေး
သင့်ပါသည်။
နောက် ချေးများမှပိုးမွှားများအပင်ကိုဒုက္ခပေးပြီးရောဂါများကျရောက်တတ်သဖြင့်အထူးသတိပြုရန်လိုအပ်ပါသည်

နှမ်းပင်တွင် ပိုးမွှားနှင့်မှိုရောဂါများ ကာကွယ်နှိမ်နင်းနည်း
1. အဓိကဖျက်ပိုးများနှင့် ကာကွယ်နည်းများ**
- နှမ်းဖြုတ်ညို
မိုးဦးတွင် ကျရောက်လေ့ရှိပြီး နှမ်းဖိုရောဂါပိုးကို သယ်ဆောင်နိုင်သည်။ ကာကွယ်ရန် "နိုးဝမ်း၊ ကေလာ" ဆေးများ ကြိုတင်ပက်ဖျန်းပါ ။
- နှမ်းသီးလုံးဖောက်ပိုး**
သီးတောင့်များကို ဖောက်ဖျက်စားသောက်သည်။ "အီမာလန်ဒါ၊ မိုးပျံ၊ ရယ်ဒီ" ဆေးများဖြင့် နှိမ်နင်းပါ ။
- ရွက်စုံစားခူဝါ*
အရွက်များကို စုတ်ပြတ်စေသည်။ "အီမာလန်ဒါ၊ ရယ်ဒီ" ဆေးများ အသုံးပြုပါ ။
- **နှမ်းစုပ်ဂျပိုး**
အသီးတောင့်အတွင်းမှ စေ့များကို စုပ်ယူဖျက်ဆီးသည်။ "လန်ဒါ ၅" ဆေးဖြင့် ကုသပါ ။
2. **မှိုရောဂါများအတွက် အရေးကြီးသော ကာကွယ်မှုများ**
- **နှမ်းဖိုရောဂါ (ဗိုင်းရပ်စ်)**
ဖြုတ်ညိုပိုးကို ကြိုတင်နှိမ်နင်းခြင်းဖြင့်သာ ကာကွယ်နိုင်သည် ။
- **နှမ်းရိုးမဲရောဂါ**
ရေဝပ်မှုကို ရှောင်ပြီး "ဒိုင်ကိုဇက်၊ ကျူပရိုမက်စ်" ဆေးများ သုံးပါ ။
- **ဖျူစေရီယမ်ပင်ညှိုးရောဂါ**
ရောဂါခံနိုင်ရည်ရှိသော မျိုးများစိုက်ပါ။ မျိုးစေ့ကို ထရိုင်ဂိုဒါးမားဆေးဖြင့် လူးနယ်စိုက်ပါ ။
### 3. **ယေဘုယျကာကွယ်ရေးနည်းလမ်းများ**
- **မျိုးစေ့ပြုပြင်ခြင်း**
မှိုသတ်ဆေး (သို့) ဝိစာရမျိုးစေ့လူးနယ်ဆေးသုံးပါ ။
- **စိုက်ခင်းအား သန့်ရှင်းခြင်း**
ရောဂါကျပင်များကို မီးရှို့ဖျက်ဆီးပါ။ ထယ်နက်နက်ထိုး၍ မြေမြှုပ်ပါ ။
- **သီးလှည့်စိုက်ပျိုးခြင်း**
တစ်နေရာတည်းတွင် နှစ်စဉ်နှမ်းစိုက်ခြင်းကို ရှောင်ပါ ။
4. **ဆေးဖျန်းရန် အချိန်နှင့် နည်းစနစ်**
- ပိုးကျသည့်အချိန်တွင် ချက်ချင်းဆေးဖျန်းပါ။
- ရွက်လိပ်ပိုးကဲ့သို့သော ပိုးများအတွက် ပိုးနှင့်ဆေးတွေ့စေရန် အလိပ်များကို ဖြန့်ဖျက်ပါ ။
5. **ရာသီဥတုနှင့် မြေအမျိုးအစား ဂရုစိုက်ခြင်း**
- ရေစီးကောင်းပြီး ရေမဝပ်သောမြေကို ရွေးချယ်ပါ။
- မြေချဉ်ငန်ဓာတ် (pH 5.8–7) ရှိသော မြေနီသဲဝန်း၊ နုန်းမြေတွင် စိုက်ပါ ။
ဤနည်းလမ်းများကို အသုံးပြု၍ နှမ်းပင်ကို ပိုးမွှားနှင့်မှိုရောဂါများမှ ကာကွယ်နိုင်ပါသည်။