ယနေ့ ရွှေဈေးနဲ့ နိုင်ငံခြားငွေလဲနှုန်းများ

စက်တင်ဘာ ၃၀

#ရွှေဈေး

-ကမ္ဘာ့ရွှေဈေး
တအောင်စ ၃၈၅၄ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၅၉၈၀၀၀၀ ကျပ်

ပြင်ပ အရောင်းအဝယ်ဖြစ်တဲ့ ရွှေဈေးနှုန်း

* စနစ်ဟောင်း
(၁ိ - ၁၆.၆၀၆ ဂရမ် = ၁၂၈ ရွေး)

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၈၁၀၀၀၀၀ ကျပ်
ဝယ်ဈေး ၈၀၆၀၀၀၀ ကျပ်

-၁၅ ပဲရည် တကျပ်သား
ရောင်းဈေး ၇၇၀၀၀၀၀ ကျပ်
ဝယ်ဈေး ၇၆၆၀၀၀၀ ကျပ်

* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၇၉၈၀၀၀၀ ကျပ်
ဝယ်ဈေး ၇၉၄၀၀၀၀ ကျပ်

-၁၅ ပဲရည် တကျပ်သား
ရောင်းဈေး ၇၅၈၀၀၀၀ ကျပ်
ဝယ်ဈေး ၇၅၄၀၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၅၉၉ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၁၇၀ ကျပ်
ဝယ်ဈေး - ၄၀၉၀ ကျပ်

-စင်္ကာပူဒေါ်လာ
ရောင်းဈေး - ၃၂၂၅ ကျပ်
ဝယ်ဈေး - ၃၁၆၅ ကျပ်

-ယူရို
ရောင်းဈေး - ၄၈၈၅ ကျပ်
ဝယ်ဈေး - ၄၇၉၀ ကျပ်

-ထိုင်းဘတ်
ရောင်းဈေး - ၁၂၉.၀၃ ကျပ်
ဝယ်ဈေး - ၁၂၆.၅၈ ကျပ်

-မလေးရှားရင်းဂစ်
ရောင်းဈေး - ၉၈၇ ကျပ်
ဝယ်ဈေး - ၉၆၉ ကျပ်

-တရုတ်ယွမ်
ရောင်းဈေး - ၅၈၄ ကျပ်
ဝယ်ဈေး - ၅၇၃ ကျပ်

-ဂျပန်ယန်း
ရောင်းဈေး - ၂၈.၀၁ ကျပ်
ဝယ်ဈေး - ၂၇.၄၈ ကျပ်

-အိန္ဒိယရူပီး
ရောင်းဈေး - ၄၆.၉၃ ကျပ်
ဝယ်ဈေး - ၄၆.၀၄ ကျပ်

-ကိုရီးယားဝမ်
ရောင်းဈေး - ၂.၉၇ ကျပ်
ဝယ်ဈေး - ၂.၉၁ ကျပ်

-စတာလင်ပေါင်
ရောင်းဈေး - ၅၅၉၅ ကျပ်
ဝယ်ဈေး - ၅၄၉၀ ကျပ်

-ဩစတြေးလျဒေါ်လာ
ရောင်းဈေး - ၂၇၄၃ ကျပ်
ဝယ်ဈေး - ၂၆၉၁ ကျပ်

-ကနေဒါဒေါ်လာ
ရောင်းဈေး - ၂၉၉၀ ကျပ်
ဝယ်ဈေး - ၂၉၃၅ ကျပ်

-ဟောင်ကောင်ဒေါ်လာ
ရောင်းဈေး - ၅၃၅ ကျပ်
ဝယ်ဈေး - ၅၂၅ ကျပ်

-ယူအေအီး
ရောင်းဈေး - ၁၁၃၄ ကျပ်
ဝယ်ဈေး - ၁၁၁၃ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

Credit - Voice of Myanmar News Agency

#သတင်းဟင်းလေးအိုးကြီး

ပြင်ဦးလွင်၊ ရှစ်ထပ်ရေတံခွန်တောင်တွင် လူငါးဦး ရေနစ်၊ ရုရှားနိုင်ငံသား အမျိုးသားတစ်ဦးကို အသက်ရှင်လျက် ကယ်ဆယ်ထားပြီး နှစ်ဦးကို ရုပ်အလောင်းအဖြစ် တွေ့ရှိ

စက်တင်ဘာ ၃၀

မန္တလေးတိုင်းဒေသကြီး၊ ပြင်ဦးလွင်မြို့နယ်၊ ဇီးပင်ကျေးရွာအုပ်စု၊ အုန်းနှဲရေ အရှေ့ကျေးရွာရှိ ရှစ်ထပ်ရေ တံခွန်တောင်တွင် လူငါးဦးရေနစ်ရာ ရုရှားနိုင်ငံသား အမျိုးသားတစ်ဦးကို အသက်ရှင်လျက် ကယ်ဆယ်ထားပြီး နှစ်ဦး၏ ရုပ်အလောင်းကို တွေ့ရှိထားကြောင်း သိရသည်။

ယနေ့ စက်တင်ဘာလ ၂၉ ရက် ညနေပိုင်းတွင် ရေကစားသွားကြသူများထဲမှ လူငါးဦး ရေနစ်ခဲ့ရာအမျိုးသမီးနှစ်ဦး၏ ရုပ်အလောင်းကို ဆယ်ယူရရှိခဲ့ကြောင်း မြန်မာနိုင်ငံမီးသတ်တပ်ဖွဲ့က သိရသည်။

အဆိုပါ ရှစ်ထပ်ရေတံခွန်‌တောင်သို့ လူ(၁၄)ဦး သွားရောက်ရေကစားရာ ငါးဦးမှာ သုံးထပ်ရေတံခွန်သို့ ပြုတ်ကျသွားကြောင်း သတင်းရရှိသဖြင့် ပုသိမ်ကြီးမြို့နယ် မီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ ဆောင်ရွက်ခဲ့ခြင်းဖြစ်ကြောင်း သိရသည်။

ညနေ ၅ နာရီအချိန်တွင် ရေနစ်သွားသည့် ရုရှားနိုင်ငံသား အမျိုးသားတစ်ဦးကို အသက်ရှင်လျက်ကယ်ဆယ်နိုင်ခဲ့သော်လည်း ည ၆ နာရီ ၅ မိနစ်အချိန်တွင် အမျိုးသမီးနှစ်ဦး၏ ရုပ်အ‌လောင်းကို ရှာဖွေတွေ့ ရှိခဲ့ကြောင်း သိရသည်။

လက်ရှိတွင် ကျန်ရှိသည့် နှစ်ဦးကိုလည်း ရှာဖွေကယ်ဆယ်ရေးလုပ်ငန်းများ ဆက်လက်ဆောင်ရွက်လျက်ရှိကြောင်း သိရသည်။

Credit - Myanmar Transparency News Agency

#centralnewsnaypyitaw

ဘိုစားပဲမျိုးစေ့
မျိုးစေ့ပျိုးနည်း
step 1 -compost 1: စပ်မြေ 2 ရောသမ မွှေပေးပါ
2- ကိုယ်စိုက်မယ့် ပန်းအိုး သို့မဟုတ် container တစ်ခုခု ထဲ ထည့်ပါ
3- ရေဆင်းပေါက်ရှိသော အိုး သို့မဟုတ် container ဖြစ်ဖို့ လိုပါတယ်
4- မြေဖြည့်ပြီးပါက ရေဝအောင် ရွှဲအောင် လောင်းပေးပါ
5- ရေစစ်သွားပြီဆို ရင် မျိုးစေ့လေးတွေ ခပ်ကျဲကျဲ ဖြူးလိုက်ပါ
6- ကျဲထားသော မျိုးစေ့ပေါ်သို့ ပထမပိုင်းက ရောထားတဲ့မြေခပ်ပါးပါးလေး ထပ်ဖြူးပေးပါ
7-(1-2) ရက်နေလို့ မြေသားမှာ ရေအစိုဓါတ် လိုနေရင် ရေဖွဖွ လေးလောင်းပေးပါရှင်
7ရက် မှ 10 ရက် အတွင်း
အပင်ပေါက်လာပါလိမ့်မယ်နော်
သတိပြုရန်မှာ
၁- မိုးရေ တိုက်ရိုက်ကျသောနေရာမှာ
မျိုးစေ့ ပျိုးပင် ပျိုးအိုးများထားခြင်းကို
ရှောင်ပေးပါ
၂- နေ ရိပ်လွန်းသော နေရာ/နေပူလွန်းသော နေရာ
များကို ရှောင်ပေးပါ
၃- ရေ လောင်းလွန်ခြင်း/ ရေလောင်းဖို့ လိုခြင်းကို
သတိပြုပေးပါ
(Spray ဖျန်းရုံ ရေ အစိုဓါတ် ရှိရုံဆို ရပါပြီ)
၄- မျိုးစေ့လေးများ မပေါက်မှီ အချိန်တွင်
နွားချေး ကြက်ချေး အခြား မည်သည့်
မြေဩဇာ ဓါတ်မြေဩဇာများမ ထည့်ပါဘူရှင်

အမြဲတမ်း ချဲလ်ဆီးပရိသတ်လို့ မော်ရင်ဟို ပြောကြားလာ

စက်တင်ဘာ ၃၀

ချဲလ်ဆီးနည်းပြဟောင်းဟိုဆေးမော်ရင်ဟိုက ၎င်းမှာ ချဲလ်ဆီးပရိသတ်တစ်ဦးအဖြစ် အမြဲရှိနေမှာ ဖြစ်ကြောင်း၊ သို့ရာတွင် အင်္ဂါနေ့ စတမ်းဖို့ဒ်ဘရစ်ချ်တွင် ကစားရမယ့် ချန်ပီယံလိဂ်ပွဲစဉ်တွင် အနိုင်ရရှိရန် မျှော်လင့်ကြောင်း ပြောကြားလာပါတယ်။

ချဲလ်ဆီးဟာ အသင်းကို မော်ရင်ဟိုကိုင်တွယ်တဲ့ ၂ ကြိမ်အတွင်း ပရီးမီးယားလိဂ်ဖလား ၃ ကြိမ်၊ အက်ဖ်အေဖလား ၁ ကြိမ်၊ ခါရာဘောင်ဖလား ၃ ကြိမ် ဆွတ်ခူးနိုင်ခဲ့ပါတယ်။

အသက် ၆၂ နှစ်ရှိ မော်ရင်ဟိုဟာ အင်တာမီလန်၊ ရီးရဲလ်မက်ဒရစ်၊ ယူနိုက်တက်၊ စပါးစ်၊ ရိုးမားနှင့် ဖီနာဘာချီတို့ကိုလည်း ကိုင်တွယ်ခဲ့သူ ဖြစ်ပါတယ်။

သူဟာ ဩဂုတ်လတုန်းက တူရကီကလပ်မှ ထုတ်ပယ်ခြင်းခံရပြီးနောက် အသင်းဟောင်းဘင်ဖီကာသို့ ရောက်လာပါတယ်။

ဘင်ဖီကာတွင် နည်းပြဘဝစတင်ခဲ့တဲ့ မော်ရင်ဟိုဟာ ဘင်ဖီကာအား ကိုင်တွယ်တဲ့ ပထမဆုံး ၃ ပွဲတွင် ၂ ပွဲနိုင်၊ ၁ ပွဲသရေကျ ရရှိထားပါတယ်။

ချဲလ်ဆီးနှင့် ဆက်ဆံရေးအား မေးမြန်းလာချိန်တွင် မော်ရင်ဟိုက "အပြာတစ်ယောက်အနေနဲ့ အမြဲရှိနေမယ်။ ကျွန်တော်က သူတို့သမိုင်းရဲ့အစိတ်အပိုင်းတစ်ရပ်ပါ။ သူတို့ကလည်း ကျွန်တော့်သမိုင်းရဲ့အစိတ်အပိုင်းပါ။ သူတို့က ပိုကြီးတဲ့ ချဲလ်ဆီးဖြစ်လာအောင် ကျွန်တော် ကူညီခဲ့တယ်။ သူတို့ကလည်း ပိုကြီးတဲ့ ဟိုဆေးဖြစ်လာအောင် ကူညီခဲ့တယ်။ ဒီပွဲမတိုင်ခင်နဲ့ ဒီပွဲပြီးချိန်မှာ ချဲလ်ဆီးအဖြစ် ရှိနေမယ်။ ဒါပေမယ့် ပွဲချိန်ထဲမှာတော့ ဘင်ဖီကာပါ။ အပြာတစ်ယောက် မဟုတ်ဘူးလို့ ပြောလာချိန်မှာ ကျွန်တော်က မနက်ဖြန်လုပ်ရမယ့်အလုပ်အကြောင်းပဲ ပြောလာမယ်"လို့ ပြောကြားသွားပါတယ်။

မော်ရင်ဟိုဟာ ပေါ်တိုနှင့်အတူ ၂၀၀၄ ခုနှစ် ချန်ပီယံလိဂ်ဖလား ရရှိခဲ့သလို အင်တာမီလန်နှင့်အတူ ၂၀၁၀ ချန်ပီယံလိဂ်ဖလား ရရှိခဲ့ပါတယ်။

Credit - Playmaker Journal

#ဘောလုံးသတင်းစုံ

​မြန်မာနိုင်ငံမှ ကိုးကန့်တရုတ် မြီမိသားစု ရာဇဝတ်ဂိုဏ်းနှင့် ဆက်နွှယ်သူ ၁၆ ဦးကို တရုတ်တရားရုံးက သေဒဏ်ချ

စက်တင်ဘာ ၃၀
​
​နာမည်ဆိုးဖြင့် ကျော်ကြားသော မြန်မာနိုင်ငံအခြေစိုက် အွန်လိုင်းလိမ်လည်မှု တရုတ်ကျားဖြန့်လုပ်ငန်း လုပ်ကိုင်သူ မြီမိသားစုအပါအဝင် ဆက်နွှယ်သူ တရားခံ ၁၆ ဦးကို အွန်လိုင်းလိမ်လည်မှု၊ လူသတ်မှု၊ မူးယစ်ဆေးဝါး ကူးသန်းရောင်းဝယ်မှုနှင့် ပြည့်တန်ဆာလုပ်ငန်းများ အပါအဝင် ရာဇဝတ်မှုများစွာအတွက် တရုတ်တရားရုံးက တနင်္လာနေ့တွင် သေဒဏ်ချမှတ်လိုက်သည်။

​တရုတ်နိုင်ငံပိုင် CCTV ၏ သတင်း ဖော်ပြချက်အရ တရုတ်နိုင်ငံအရှေ့ပိုင်း ကျဲ့ကျန်းပြည်နယ်မှ အစိုးရရှေ့နေများက ၂၀၁၅ ခုနှစ်မှစ၍ မြီ မိသားစု ရာဇဝတ်ဂိုဏ်းသည် မြန်မာနိုင်ငံ ကိုးကန့်ဒေသရှိ ၎င်းတို့၏ သြဇာအာဏာကို အသုံးပြု၍ ကျားဖြန့်ဂိုဏ်းများစွာကို တည်ထောင်ပြီး ဘဏ္ဍာရေး အထောက်အပံ့ပေးသူများနှင့် ပူးပေါင်းကာ ရာဇဝတ်မှုများကို ကျူးလွန်ခဲ့ကြောင်း တွေ့ရှိရသည်ဟု ပြောကြားခဲ့သည်။

ထို့အတွက် တရုတ်အစိုးရက မြီမိသားစု ရာဇဝတ်ဂိုဏ်းမှ မြီရှောက်ချန်း၏သား မြီကော်ဖျင်၊ သမီးဖြစ်သူ မြီကျူးလန့်၊ မြေးဖြစ်သူ မြီကြိမ်းကြိမ်း အပါအဝင် လူ ၃၉ ဦးကို ဖမ်းဆီး စွဲချက်တင်ခဲ့သည်။ အဆိုပါ ဂိုဏ်းများက ကျူးလွန်သော ရာဇဝတ်မှုများတွင် လူသတ်မှု၊ တရုတ်ကျားဖြန့် အွန်လိုင်းလိမ်လည်မှု၊ လောင်းကစားလုပ်ငန်း၊ မူးယစ်ဆေးဝါး ကူးသန်းရောင်းဝယ်မှုနှင့် ပြည့်တန်ဆာလုပ်ငန်းများလည်း ပါဝင်ခဲ့ပြီး ထိုလုပ်ငန်းများတွင် ယွမ် ၁၀ ဘီလျံ (အမေရိကန်ဒေါ်လာ ၁ ဒသမ ၄ ဘီလျံကျော်) ကျော် ပါဝင်ပတ်သက်ခဲ့သည်ဟုလည်း သတင်းများက ဖော်ပြသည်။

​အစီရင်ခံစာအရ မြီမိသားစုသည် အခြားရာဇဝတ်ဂိုဏ်းများနှင့်အတူ "ထွက်ပြေးရန် ကြိုးစားသူ သို့မဟုတ် ၎င်းတို့၏ စကားကို မနာခံသော လိမ်လည်မှုနှင့်ပတ်သက်သည့် လူများကို သတ်ဖြတ်ခြင်းနှင့် ဒဏ်ရာရစေခြင်း" တို့ကို ပြုလုပ်ခဲ့သည်။

​ဝမ်ကျိုး အလယ်အလတ်ပြည်သူ့တရားရုံး၏ ကြားနာချက်အရ ၂၀၂၃ ခုနှစ် အောက်တိုဘာလတွင် အဆိုပါဂိုဏ်းသည် တရုတ်လူမျိုး ဖမ်းဆီးခံထားရသူများကို တရုတ်နိုင်ငံသို့ လွှဲပြောင်းပေးအပ်ခြင်းမှ တားဆီးရန်အတွက် ပစ်ခတ်မှုကျူးလွန်ခဲ့ပြီး ထိုပစ်ခတ်မှုအတွင်း တရုတ်နိုင်ငံသား လေးဦး သေဆုံးခဲ့သည်ဟုလည်း ပြောသည်။ ထို့အပြင် ၂၀၁၅ ခုနှစ်ခန့်မှ စတင်ခဲ့သော ကျားဖြန့်ဂိုဏ်းလုပ်ရပ်များကြောင့် လူ ၁၄ ဦးသေဆုံးခဲ့မှုများအတွက် တာဝန်ရှိသည်ဟုလည်း တရားရုံးက စီရင်ချက်တွင် ဖော်ပြခဲ့သည်။

ယနေ့ ​သေဒဏ်ချမှတ်ခံရသူများအနက် ငါးဦးကို နှစ်နှစ် ဆိုင်းငံ့ပြစ်ဒဏ် ချမှတ်ခဲ့ပြီး ထိုငါးဦးသည် သေဒဏ်ပြစ်ဒဏ်ကို ထောင်ဒဏ်တစ်သက်တစ်ကျွန်းသို့ ပြောင်းလဲကျခံရနိုင်သည်။ ဆိုင်းငံ့ပြစ်ဒဏ် မပါဝင်သော သေဒဏ်ကျခံရသည့် ကျန် ၁၁ ဦးတွင် မြီမိသားစု ရာဇဝတ်အုပ်စုကို ဦးဆောင်ခဲ့သူ တရုတ်-မြန်မာနိုင်ငံသား မြီရှောက်ချန်း၏ သားဖြစ်သူ မြီကော်ဖျင်လည်း ပါဝင်သည်။ ထို့အတူ ကျန် ၂၃ ဦးကိုလည်း ထောင်ဒဏ် ငါးနှစ်မှ တစ်သက်တစ်ကျွန်းအထိ ပြစ်ဒဏ် အသီးသီး ချမှတ်ခဲ့သည်။

Ref, SCMP & BBC & AFP

Credit - Myanmar Transparency News Agency

#သတင်းဟင်းလေးအိုးကြီး

❝မဲဆန္ဒရှင်ပြည်သူများ မပျက်မကွက် မဲစာရင်းလာကြည့်ကြရန် UEC မေတ္တာရပ်ခံ❞

စက်တင်ဘာ ၃၀

ပြည့်စုံမှန်ကန်သော မဲဆန္ဒရှင်စာရင်းရရှိရန်အတွက် မဲဆန္ဒရှင်ပြည်သူများအနေဖြင့် အိမ်ထောင်စုတစ်စုလျှင် အနည်းဆုံးတစ်ဦး (မပျက်မကွက်) လာရောက်၍ မဲစာရင်းကြည့်ရှုခြင်းဖြင့် ပူးပေါင်းကူညီဆောင်ရွက်ပေးကြရန် ပြည်ထောင်စုရွေးကောက်ပွဲကော်မရှင်(UEC) က မေတ္တာရပ်ခံအသိပေးထားသည်။

လာမည့် ဒီဇင်ဘာလ ၂၈ ရက်တွင် စတင်ကျင်းပမည့် အထွေထွေရွေးကောက်ပွဲအတွက် မဲစာရင်းများကို ယနေ့ စက်တင်ဘာ ၃၀ ရက်နေ့မှ အောက်တိုဘာ ၁၃ ရက်နေ့အထိ ၁၄ ရက်ကြာ သက်ဆိုင်ရာ ရပ်ကွက်/ ကျေးရွာအုပ်စုကော်မရှင်အဖွဲ့ခွဲရုံးများနှင့် ကျေးရွာအုပ်စုအတွင်းရှိ ကျေးရွာများတွင် ပထမအကြိမ်အဖြစ် ကပ်ထားကြေညာမည်ဖြစ်ကြောင်း သိရသည်။

အကြောင်းအမျိုးမျိုးကြောင့် ရပ်ကွက်နှင့်ကျေးရွာအုပ်စုများတွင် ကပ်ထားကြေညာနိုင်ခြင်း မရှိပါက သက်ဆိုင်ရာမြို့နယ်ကော်မရှင်အဖွဲ့ခွဲရုံးများတွင် မဲစာရင်းကြည့်ရှုနိုင်ရေးဆောင်ရွက်ထားမည်ဖြစ်ပြီး မဲဆန္ဒရှင်စာရင်းများ ကပ်ထားကြေညာစဉ် မဲဆန္ဒရှင်များက မဲစာရင်း လာရောက်ကြည့်ရှုမှသာ ပြည့်စုံမှန်ကန်သော မဲစာရင်း ရရှိနိုင်မည် ဖြစ်ကြောင်း UEC က ဆိုထားသည်။

အလားတူ မဲဆန္ဒရှင်များအနေဖြင့် မဲစာရင်းကို လာရောက်ကြည့်ရှုပြီး မိမိအမည်မဲစာရင်းတွင် မပါဝင်ပါက ပုံစံ (၃) ဖြင့် မဲစာရင်းတွင် အမည်ထည့်သွင်းပေးရန် တောင်းဆိုခြင်း၊ မပါဝင်သင့်သူများပါဝင်နေပါက ပုံစံ (၄) ဖြင့် ကန့်ကွက်ခြင်း၊ မဲစာရင်းပါအချက်အလက်များ မှားယွင်းနေပါက ပုံစံ (၄-ဂ) ဖြင့် ပြင်ဆင်လွှာတင်သွင်းခြင်းတို့ကို ဆောင်ရွက်စေလိုကြောင်း အသိပေးထားသည်။

လိုအပ်သောပုံစံများကို ရပ်ကွက်/ကျေးရွာအုပ်စုကော်မရှင်အဖွဲ့ခွဲရုံးများတွင် အခမဲ့ (အခမဲ့) ရယူနိုင်မည်ဖြစ်ပြီး ထိုသို့ ဖြည့်စွက်ခြင်း၊ ပယ်ဖျက်ခြင်း၊ ပြင်ဆင်ခြင်းတို့ ဆောင်ရွက်ပြီးပါက အထွေထွေရွေးကောက်ပွဲအတွက် မဲဆန္ဒရှင်စာရင်းကို ၂၀၂၅ ခုနှစ်၊ နိုဝင်ဘာလအတွင်းတွင် နောက်ဆုံးအကြိမ်အဖြစ် ထပ်မံကပ်ထားကြေညာမည်ဖြစ်သလို မဲဆန္ဒရှင်များအနေဖြင့်လည်း လိုအပ်သော တောင်းဆိုမှု၊ ပြင်ဆင်မှု၊ ကန့်ကွက်မှုများ ထပ်မံဆောင်ရွက်နိုင်မည်ဖြစ်ကြောင်း သိရသည်။

Credit - MHT News Agency

#centralnewsnaypyitaw

ပြင်ဦးလွင် ၈ ထပ်ရေတံခွန် တောင်ချချောင်းရေမြင့်တက်မှုမှာ ပျောက်ဆုံးနေသူ အမျိုးသမီးအချို့ကို ဒီနေ့မှာ ဆက်လက်ရှာဖွေမယ်လို့ မြန်မာနိုင်ငံလူမှုကယ်ဆယ်ရေးအဖွဲ့ (မန္တလေးတိုင်းရုံး)က တာဝန်ရှိသူတစ်ဦးက ဘီဘီစီကို ပြောပါတယ်။
မနေ့ညနေပိုင်းက ဖြစ်တဲ့အဲဒီဖြစ်စဉ်မှာ လူ ၂ ဦး သေဆုံးပြီး ရုရှားနိုင်ငံသား ၁ ဦး ဒဏ်ရာရခဲ့ပါတယ်။

ပြင်ဦးလွင် ၈ ထပ်ရေတံခွန် တောင်ချချောင်းရေမြင့်တက်မှုမှာ ပျောက်ဆုံးနေသူ အမျိုးသမီးအချို့ကို ဒီနေ့မှာ ဆက်လက်ရှာဖွေမယ်လို့ မြန်မာနိုင်ငံလူမှုကယ်ဆယ်ရေးအဖွဲ့ (မန္တလေးတိုင်းရုံး)က တာဝန်ရှိသူတစ်ဦးက ဘီဘီစီကို ပြောပါတယ်။
မနေ့ညနေပိုင်းက ဖြစ်တဲ့အဲဒီဖြစ်စဉ်မှာ လူ ၂ ဦး သေဆုံးပြီး ရုရှားနိုင်ငံသား ၁ ဦး ဒဏ်ရာရခဲ့ပါတယ်။

ပြင်ဦးလွင် ၈ ထပ်ရေတံခွန် တောင်ချချောင်းရေမြင့်တက်မှုမှာ ပျောက်ဆုံးနေသူ အမျိုးသမီးအချို့ကို ဒီနေ့မှာ ဆက်လက်ရှာဖွေမယ်လို့ မြန်မာနိုင်ငံလူမှုကယ်ဆယ်ရေးအဖွဲ့ (မန္တလေးတိုင်းရုံး)က တာဝန်ရှိသူတစ်ဦးက ဘီဘီစီကို ပြောပါတယ်။
မနေ့ညနေပိုင်းက ဖြစ်တဲ့အဲဒီဖြစ်စဉ်မှာ လူ ၂ ဦး သေဆုံးပြီး ရုရှားနိုင်ငံသား ၁ ဦး ဒဏ်ရာရခဲ့ပါတယ်။

ပြင်ဦးလွင် ၈ ထပ်ရေတံခွန် တောင်ချချောင်းရေမြင့်တက်မှုမှာ ပျောက်ဆုံးနေသူ အမျိုးသမီးအချို့ကို ဒီနေ့မှာ ဆက်လက်ရှာဖွေမယ်လို့ မြန်မာနိုင်ငံလူမှုကယ်ဆယ်ရေးအဖွဲ့ (မန္တလေးတိုင်းရုံး)က တာဝန်ရှိသူတစ်ဦးက ဘီဘီစီကို ပြောပါတယ်။
မနေ့ညနေပိုင်းက ဖြစ်တဲ့အဲဒီဖြစ်စဉ်မှာ လူ ၂ ဦး သေဆုံးပြီး ရုရှားနိုင်ငံသား ၁ ဦး ဒဏ်ရာရခဲ့ပါတယ်။