ထီးရှိတဲ့လူက ‘ဒီနေ့ မိုးရွာလိမ့်မယ်” လို့
ပြောသလို အောင်မြင်ပြီးသားသူတွေကတော့
“ဘဝဆိုတာ ရည်မှန်းချက် ရှိရမယ်”လို့
ပြောတတ်ကြတာပဲ။ သူတို့
ကံကောင်းတာက မိုးဥတု မကုန်သေးတာပဲ။
တစ်ခု ခက်တာက
ကျွန်တော့် ရည်မှန်းချက်တွေက
လေဒီဂါးဂါးရဲ့ ဖက် ရှင်တွေလို
တစ်ခုပြီးတစ်ခု ခပ်မြန်မြန်
ပြောင်းလဲနေတာပဲ။ သုံးနှစ်သားလောက် က
စူပါမင်းရုပ်ပြတွေ ကြည့်ပြီး မိုးပေါ် ပျံချင်တယ်။
ဒါနဲ့ အဖေ့ပုဆိုးတစ်ထည် ကို
လည်ပင်းမှာသိုင်းချည်ပြီး
ထမင်းစားပွဲပေါ်တက် ခုန်ချလိုက်တာ
ခြေသပွတ် တိုင် လည်သွားတယ်။
နည်းနည်း ကြီးတော့ တာဇံကိုအားကျပြီး
သစ်ပင်ပေါ် တက် နွယ်ကြိုး လွှဲတယ်။
ကြိုးပြတ်ကျလို့ ၇ ရက်လောက်
အိပ်ရာထဲ လှဲနေ ခဲ့ရတယ်။
၇ တန်းရောက်တော့
အဆူအရိုက်ကြမ်းတဲ့
ကျောင်းအုပ်ဆရာမကြီးနဲ့ ကြုံပြီး
သူ့ယောက်ျား ဖြစ်ချင်ပြန်ရော။
(ကျောင်းအုပ်ဆရာမကြီးဟာ
သူ့ ယောက်ျားကို တော်တော်ကြောက်ရတယ်
ဆိုတဲ့ သတင်းကြောင့်ပါ) နောက်တော့
ဂျိမ်းစ်ဒင်းကို အားကျလို့ ၅ ပြားတန်
စီးကရက် နှုတ်ခမ်းထောင့်မှာ ခဲထားတုန်း
အဖေက တွေ့သွားပြီး အရွယ်မရောက်သေးဘဲ
ဆေးလိပ်သောက်လို့အရိုက်ခံခဲ့ရတယ်။
အဲဒီကတည်းက ရည်မှန်းချက်ဆိုတာ
ကြိမ်လုံး၊ ကျောင်းအုပ် ဆရာမကြီးယောက်ျား၊
ခြေသပွတ်တိုင် လည်ခြင်းတို့နဲ့
တစ်ခါတစ်ရံ ဆက်စပ်နေတတ်ပါလားလို့
သဘောပေါက်ခဲ့တယ်။ ဒါပေမဲ့
ကျွန်တော်က ရည်မှန်းချက်ကို
စွန့်လွှတ်လိုက်ဖို့ စိတ်ကူးမရှိပါဘူး။
အတန်းထဲက ခပ်လှလှကောင်မလေး
သုံးယောက်နဲ့ ရည်းစားဖြစ်ဖို့
ရည်မှန်းချက်ထားခဲ့ပေမဲ့ (သူတို့
ရည်မှန်းချက်ထဲမှာ ကျွန်တော်ပါပုံမရလို့)
မအောင်မြင်ခဲ့ပါဘူး။ အတန်းဖော်
ကျွန်တော့် သူငယ်ချင်းကတော့
ရည်မှန်းချက် တော်တော်ကြီးတယ်။
သူက တင် ၃၆၊ ရင် ၃၂ မပြည့်ရင်
ဘယ်မိန်းကလေးနဲ့မှ အရောတဝင် မနေဘူး။
ရတော့ မီးယပ်ပိန်ကလေးနဲ့ ရသွားရှာတယ်။
ရည်မှန်းချက်ဆိုတာ
တစ်ခါတလေတော့လည်း လွဲတတ်တာပါပဲ။
တစ် ခါက ကျွန်တော် စတိုးဆိုင်တစ်ဆိုင်ထဲ
ဝင်သွားတယ်။ အရောင်းစာရေး
ကောင်မလေးရဲ့ အလှကို မျက်စိအရသာခံရင်း
ဈေးပေါပေါ ပစ္စည်းတစ်ခုလောက်
ဟန်လုပ် ဝယ်မယ်ဆိုတဲ့ ရည်မှန်းချက်နဲ့ပေါ့။ ကောင်မလေး ကောင်တာရှေ့မှာ ရပ်မိလို့
ကောင်မလေးက ဘာလိုချင်သေးလို့လဲ
မေးတော့ ကျွန်တော်က ငုံ့ မကြည့်ဘဲ
မှန်ဗီရိုထဲကို လက်ညှိုးထိုးပြလိုက်တယ်။
ကျွန်တော် လက်ညှိုးထိုး ပြတဲ့အရာကို
ကောင်မလေးက ထုတ်ပေးတော့ အဲဒါက
ကွန်ဒုံးတစ်ခု ဖြစ်နေ တယ်။
ကောင်မလေးက ပြောလိုက်သေးတယ်။
“ပျော်တတ်ရင်
အဖော်ဆောင် ထားတာ ကောင်းတယ်”တဲ့
ကျွန်တော်လည်း ရှက်ရှက်နဲ့
လှည့်ထွက်လာခဲ့တာ မှန်တံခါးကြီး
တစ်ချပ်လုံးကို ထွက်ပေါက်ထင်ပြီး
ဝင်တိုးမိတော့တာပဲ ...
• ရည်မှန်းချက်များနှင့်ဘဝ / ဝတ္ထုတို - မှ
▪️သစ္စာနီဝတ္ထုတိုပေါင်းချုပ်▪️

❝ ဘရုစ်လီ ❞
ဒီစာအုပ်က ကမ္ဘာကျော်သရုပ်ဆောင်၊
ကိုယ်ခံပညာရှင်၊ ဒဿနသမား
ဘရုစ်လီရဲ့ အတွေးအခေါ်တွေကို
သက်ဆိုင်ရာ အခန်းကဏ္ဍအလိုက်
ဖော်ပြထားတဲ့ စာအုပ်ဖြစ်ပါတယ်။
ဒီစာအုပ်မှာပါဝင်တဲ့ အတွေးအခေါ်
ဒဿနတွေက ဘရုစ်လီရဲ့ မှတ်စုတွေ၊
အင်တာဗျုးတွေနဲ့ သူ့တပည့်တွေကို
သင်ကြားပေးခဲ့တာတွေကို စုစည်းထားတာပါ။
ဘ၀ကို ပြည့်ပြည့်၀၀နေနိုင်ဖို့၊
ရည်မှန်းချက်တွေကို အကောင်အထည်ဖော်နိုင်ဖို့၊
အလုပ်ကို အာရုံစိုက်ပြီး လုပ်နိုင်ဖို့၊
စိတ်တည်ငြိမ်နိုင်ဖို့ စတဲ့ နည်းလမ်းတွေကို
ဖော်ပြထားရုံတင်မကဘဲ၊ သက်ဆိုင်ရာ
နယ်ပယ်မှာ အသုံးချနိုင်မယ့်
ဒဿနတွေကို အပြည့်အစုံ ဖော်ပြထားပါတယ်။
ဒီစာအုပ်က စာဖတ်သူရဲ့
အတွေးအခေါ်တွေကို ရင့်သန်စေမယ့်အပြင်၊
ဘ၀မှာ ရင်ဆိုင်ကြုံတွေ့ရမယ့် အခြေအနေ
အရပ်ရပ်အတွက်လည်း စိတ်ကို
ကြိုတင်ပြင်ဆင်ပေးနိုင်ပါလိမ့်မယ် ...
▪️စာညွှန်း - ပန်းဆက်လမ်း / မှ

❛ စာအုပ်လေးအုပ် ❜
ယန်းလျန်ခဲ၏စာအုပ်လေးအုပ်
(The Four Books) သည် တရုတ်ပြည်၏
မဟာခုန်ပျံကျော်လွှားရေး (Great Leap Forward) ကာလ (၁၉၅၈ - ၁၉၆၁) က ဖြစ်ပျက်ခဲ့သည့် အဖြစ်အပျက်များကို အခြေခံထားသည့်
ဝတ္ထုဖြစ်ပါသည်။ တရုတ်ပြည်တွင်
မဟာခုန်ပျံကျော်လွှားရေးကာလမတိုင်မီ
ပြည်သူများကို အာ ဏာပိုင်တို့အား
ဝေဖန်ခွင့်ပြုခဲ့သည့်ပန်းပေါင်းတစ်ရာလှုပ်ရှားမှု Hundred Flower Campaign ( ၁၉၅၆) နှင့်
လက်ယာဆန့်ကျင်ရေး လှုပ်ရှားမှု Anti-Righitist Campaign (၁၉၅၇) ပေါ်ပေါက်လာခဲ့ပြီးနောက်
ပြည်သူများကြား တွင်လည်း လက်ယာဝါဒီအဖြစ် အချင်းချင်း တံဆိပ်ကပ်မှုများကြောင့် ပြန်လည် ပညာပေးရေးစခန်းများသို့ ပို့ဆောင်ခံကြရသည်။ ၁၉၅၇ ခုနှစ်နိုဝင်ဘာလကုန် တွင် မော်စကိုမှ ပြန်လာသည့် မော်စီတုန်းက ဗဟိုကော်မတီအစည်းအဝေး ကျင်းပကာ တရုတ်ပြည်၏ စီးပွားရေးကို တွန်းနှိုးရန်အတွက် မဟာခုန်ပျံကျော် လွှားရေး အထွေထွေလမ်းစဉ်ကို ချမှတ်ခဲ့ခြင်းဖြစ်သည်။ ယင်းပေါ်လစီအရ ငါးနှစ်အတွင်း ဗြိတိန်နိုင်ငံ၏ စီးပွားရေးကို ကျော်တက်မည်ဟု ကြွေးကြော်ခဲ့ သည်။ မဟာခုန်ပျံကျော်လွှားရေး၏ သေနင်္ဂဗျူဟာမှာ အရင်းအနှီးကို ဦးစား ပေး ရင်းနှီးမြှုပ်နှံသည့် နေရာတွင် အလုပ်ကို အစားထိုးရန်၊ အတတ်ပညာနှင့် စီးပွားရေးနေရာတွင် နိုင်ငံရေးကို အစားထိုးရန်နှင့် ကျွမ်းကျင်သူနှင့် ကျွမ်းကျင် လုပ်သားများနေရာတွင် စိတ်အားထက်သန်မှုကို အစားထိုးသည့် ပေါ်လစီဟု တချို့က ယူဆကြသည်။ ကွန်မြူနစ်အတွေးအခေါ်ကို အခြေခံသည့် ယင်း ပေါ်လစီအရ စက်မှုလုပ်ငန်းများ အလျင်အမြန် ဖွံ့ဖြိုးစေခြင်းနှင့် ဘုံလယ်ယာ မြေစနစ်များ ထူထောင်ခြင်း၊ ပြည်သူပိုင် သိမ်းပိုက်ခြင်းကို ဦးစားပေးလုပ် ဆောင်ခဲ့ကြသည့်အတွက် အကျိုးဆက်အဖြစ် လူဦးရေဆယ်သန်းခန့် အစာရေ စာငတ်မွတ်ကာ သေဆုံးခဲ့ရသည့် အငတ်ကပ်ဘေးကြီးအပါအဝင် ကွပ်မျက်ခံ ရမှု၊ မတရားအလုပ်ကြမ်းခိုင်းစေခံရမှုတို့ကြောင့် လူဦးရေ သန်း ၃၀ မှ ၄၅ ထိသေဆုံးခဲ့ကြရသည် ။
_ _ _ _ _ _ _ _ _ _ _
❛ စာအုပ်လေးအုပ် ❜

❝ အရက်ကို စီးပြီး
မြေကြီးထဲလည်း ခွဲဝင်သွားချင်တယ်၊
ကောင်းကင်ကိုလည်း ပျံတက်ချင်တယ်။
ဒါပေမယ့် အရက်မှာတန်ခိုးမရှိပါဘူးကွယ်။
အရက်က ငါမေ့ချင်တာတွေကိုလည်း
မေ့အောင် လုပ်မပေးနိုင်ပါဘူး။
ငါချစ်တာတွေကိုလည်း
ပိုချစ်အောင် မတတ်နိုင်ပါဘူး။
တချို့က ငါ့ကိုဒီလောက်တောင်ဖြစ်ရသလားတဲ့။
မဟုတ်ဘူး။ ငါဖြစ်ချင်တာက ဒိထက်မကပါဘူး။
ထွက်ပြေးတယ်ဆိုတာ တဒင်္ဂလောက်မှ
မလွတ်မြောက်ဘူးရင် ဘာလို့
ထွက်ပြေး ရတော့မှာလဲ။ ငါသိပါတယ်။
အရက်ကြောင့် လပ်ဟာသွားတဲ့ မှတ်ဉာဏ်
အတိုင်း အထွာဟာ အတွင်းစိတ်ရဲ့ ပုန်ကန်မှုပဲ။
ဒါပေမယ့် သိပ်ပေါ့ပါးနေပါသေးတယ်။
ဒါကြောင့်လည်း အရက်ကို ငါမယုံပါဘူး။
• ဖော်ဝေး - ဒိုင်ယာရီ / မှ•

❝ လမ်းဘေးရောက်မယ့် ကောင်လို့
အဆဲခံရဖူးတယ်
အိမ်ပေါ်က ဆင်းလို့
နှင်ချခံရဖူးတယ်
စာသင်ခန်းထဲက ထွက်သွားလို့
ငြင်းပယ်ခံရဖူးတယ်
ကျရာနေလို့လည်း အမေက ပြောတယ်
ကျွန်တော်ကလည်း ကိုယ်ချစ်ကိုယ်ခံပဲ
ရှုံးထွက်ကစားပွဲတွေထဲကျတော့
ဘယ်တော့မှ မထွက်ရလို့
ဒဏ်ရာနဲ့ ညဟာ အမြဲနက်တယ်
ဒါပေမဲ့
ပြန်သူကိုတော့ ကိုယ်မငြင်း
ကိုယ်က ဆင်းရဲတွင်းလေ ❞
၂ အောက်တိုဘာ ၂၀၂၀
• စိုင်းဝင်းမြင့် / ပြန်သူ၏လမ်း •

Tattoo ideas

Tattoo ideas

Tattoo ideas

Tattoo ideas

Tattoo ideas