ဧရာဝတီတိုင်းဒေသကြီးသို့ ဇန်နဝါရီလမှ အောက်တိုဘာလအထိ ခရီးသွား (၁)သန်းကျော်ဝင်ရောက် လည်ပတ်ခဲ့
ယခုနှစ်ခရီးသွားရာသီ သီတင်းကျွတ်ပိတ်ရက်ကာလ အပါအဝင် ဧရာဝတီတိုင်းဒေသကြီး ပုသိမ်မြို့နှင့် ပင်လယ်ကမ်းခြေအပန်းဖြေစခန်းများဖြစ်သည့် ငွေဆောင်၊ ချောင်းသာနှင့် ရွှေသောင်ယံတို့သို့ ပြည်တွင်း/ ပြည်ပခရီးသွား (၁,၀၃၅,၄၄၈) ဦး ဝင်ရောက်လည်ပတ်ခဲ့ကြောင်း ဧရာဝတီတိုင်းဒေသကြီး ဟိုတယ်နှင့် ခရီးသွားညွှန်ကြားမှုဦးစီးဌာနမှ သိရသည်။
သီတင်းကျွတ်ပိတ်ရက်ဖြစ်သော အောက်တိုဘာ (၄) ရက်မှ (၇) ရက်အထိ (၄)ရက်တာ ကာလအတွင်း ပုသိမ်မြို့သို့ ပြည်တွင်း/ပြည်ပ ခရီးသွား (၄,၈၈၁) ဦး၊ ငွေဆောင်ကမ်းခြေသို့ (၁၆,၆၉၉) ဦး၊ ချောင်းသာကမ်းခြေသို့ (၁၅,၃၉၁) ဦးနှင့် ရွှေသောင်ယံကမ်းခြေသို့ (၆၈၀) ဖြင့် စုစုပေါင်းခရီးသွား (၃၇,၆၅၁)ဦး ဝင်ရောက်အပန်းဖြေလည်ပတ်ခဲ့ကြောင်း သိရသ ည်။
၂၀၂၅ ခုနှစ် ဇန်နဝါရီလမှ အောက်တိုဘာ (၁၅) ရက်အထိ ဧရာဝတီတိုင်းဒေသကြီး ငွေဆောင်ကမ်းခြေသို့ (၂၄၇,၇၇၈) ဦး၊ ချောင်းသာနှင့် ရွှေသောင်ယံသို့ (၂၀၀,၄၃၉) ဦးနှင့် ပုသိမ်မြို့သို့ ခရီးသွားများဝင်ရောက်ခဲ့ရာ ပြည်တွင်း/ပြည်ပခရီးသွား (၁,၀၃၅,၄၄၈) ဦး ဝင်ရောက်တည်းခိုခဲ့ခြင်းဖြစ်ကြောင်း သိရသည်။
ပြည်တွင်း ခရီးသွားများအနေဖြင့် သီတင်းကျွတ်ပိတ်ရက်ကာလ၌ ပုဂံယဉ်ကျေးမှုဒေသနှင့် ဧရာဝတီတိုင်းဒေသကြီးရှိ ပင်လယ်ကမ်းခြေများသို့ တဖွဲဖွဲဝင်ရောက်ခဲ့ကြပြီး ပွင့်လင်းခရီးသွားရာသီသို့ ဝင်ရောက်လာပြီဖြစ်ရာ နိုင်ငံခြားခ ရီးသွားများလည်း တရိပ်ရိပ်ဝင်ရောက်လာဖွယ်ရှိကြောင်း ဟိုတယ်လုပ်ငန်းရှင်များက ခန့်မှန်းထားကြသည်။
