(၁၁)ပွဲဆက်တိုက် အနိုင်ရရှိခြင်းက ဘာမှမဟုတ်ဘူးလို့ ဟန်ဆီဖလစ်ခ် ပြောကြား

ဘာစီလိုနာအသင်းရဲ့နည်းပြ ဟန်ဆီဖလစ်ခ်က အသင်းအနေနဲ့ ပြိုင်ပွဲစုံ(၁၁)ပွဲဆက်တိုက်အနိုင်ရတာဟာ ဘာမှမဟုတ်ကြောင်းနဲ့ မိမိအနေနဲ့ အဲဒီလိုအချက်အလက်တွေကို စိတ်မဝင်စားကြောင်း ပြောကြားခဲ့ပါတယ်။
ဘာစီလိုနာအသင်းဟာ မနေ့ညက ယှဉ်ပြိုင်ကစားခဲ့တဲ့ စပိန်ဘုရင့်ဖလားပွဲမှာ ရေးဆင်းအသင်းကို အနိုင်ရခဲ့တာကြောင့် ပြိုင်ပွဲစုံ (၁၁)ပွဲဆက်တိုက် အနိုင်ရရှိတဲ့မှတ်တမ်းကို ပိုင်ဆိုင်ခဲ့တာပါ။
ဘာစီလိုနာအသင်းဟာ နိုဝင်ဘာလက ယှဉ်ပြိုင်ခဲ့တဲ့ ချန်ပီယံလိဂ်ပွဲစဉ်မှာ ချယ်လ်ဆီးကို ရှုံးနိမ့်ခဲ့ပြီးနောက်ပိုင်း (၁၁)ပွဲဆက်တိုက် အနိုင်ရခဲ့တာဖြစ်ပြီး ဒီကာလအတွင်း စပိန်စူပါဖလားကိုလည်း ရယူနိုင်ခဲ့ပါတယ်။
''ဒါက ဘာမှမဟုတ်ပါဘူး။ ကျွန်တော်က အချက်အလက်တွေကို စိတ်မဝင်စားပါဘူး။ ကျွန်တော်တို့အတွက်၊ ကလပ်အသင်းနဲ့ ပရိသတ်တွေအတွက် ဒီနေ့ နိုင်ပွဲရခဲ့တာကို ပျော်ရွှင်ပါတယ်။ ဒါဟာ နောက်တစ်ဆင့်တက်ရောက်နိုင်တယ်ဆိုတဲ့ အဓိပ္ပာယ်ဖြစ်ပြီး ဒါဟာ ကျွန်တော်တို့ လိုချင်တဲ့အရာပါ'' လို့ ဟန်ဆီဖလစ်ခ်က ပြောကြားခဲ့ပါတယ်။
ဘာစီလိုနာအသင်းအနေနဲ့ ၂၀၀၅-၀၆ ရာသီတုန်းက (၁၈)ပွဲဆက်တိုက် အနိုင်ရရှိတာဟာ အသင်းရဲ့သမိုင်းမှာ နိုင်ပွဲဆက်မှုအများဆုံးဖြစ်ပြီး အခု (၁၁)ပွဲဆက် အနိုင်ရရှိခြင်းက ၂၀၁၄-၁၅ ရာသီက ဒုတိယနိုင်ပွဲဆက်မှုအများဆုံးမှတ်တမ်းကို လိုက်မီခဲ့ခြင်းဖြစ်ကြောင်း သိရပါတယ်။

၂၀၂၆ ASEAN Hyundai Cup အုပ်စုရေးဆွဲပွဲ အခမ်းအနားပြုလုပ်ခဲ့

၂၀၂၆ ASEAN Hyundai Cup အုပ်စုရေးဆွဲပွဲ အခမ်းအနားကို အင်ဒိုနီးရှားနိုင်ငံ၊ ဂျာကာတာမြို့မှာ ယနေ့ကျင်းပပြုလုပ်ခဲ့ပါတယ်။
မြန်မာအသင်းဟာ အုပ်စု B မှာ ကျရောက်ခဲ့ပြီး ထိုင်း၊ မလေးရှား၊ ဖိလစ်ပိုင်၊ လာအိုအသင်းတွေနဲ့ ရင်ဆိုင်ကစားရပါလိမ့်မယ်။
အုပ်စု A မှာတော့ လက်ရှိချန်ပီယံ ဗီယက်နမ်၊ စင်ကာပူ၊ အင်ဒိုနီးရှား၊ ကမ္ဘောဒီးယား၊ ခြေစစ်ပွဲအောင်အသင်းတို့ အတူကျရောက်နေပါတယ်။
ခြေစစ်ပွဲအဖြစ် ဇွန်လ ၂ ရက်နဲ့ ၉ ရက်မှာ ဘရူနိုင်းနဲ့ တီမောအသင်းတို့ နှစ်ကျော့ယှဉ်ပြိုင်ကစားမှာပါ။
နောက်ဆုံးအဆင့်ပြိုင်ပွဲကိုတော့ ဇူလိုင်လ ၂၄ ရက်ကနေ သြဂုတ်လ ၂၆ ရက်အထိ ကျင်းပမှာဖြစ်ပါတယ်။
အုပ်စုအဆင့်မှာ မြန်မာအသင်းဟာ အိမ်ကွင်းပွဲအဖြစ် မလေးရှားနဲ့ လာအို၊ အဝေးကွင်းပွဲအဖြစ်
ဖိလစ်ပိုင်၊ ထိုင်းအသင်းတွေနဲ့ ကစားရပါလိမ့်မယ်။
ဆီမီးဖိုင်နယ်နဲ့ ဗိုလ်လုပွဲကိုတော့ ယခင်ပုံစံအတိုင်း နှစ်ကျော့ကစားမှာ ဖြစ်ပါတယ်။

အန်ဇိုဖာနန်ဒက်ဇ်ကို PSG အသင်းစိတ်ဝင်စား

PSG အသင်းက ချယ်လ်ဆီးကွင်းလယ်လူ အန်ဇိုဖာနန်ဒက်ဇ်ကို ခေါ်ယူဖို့ စိတ်ဝင်စားနေပါတယ်။
အန်ဇိုဖာနန်ဒက်ဇ်က ချယ်လ်ဆီးအသင်းကို ပြောင်းရွှေ့ကြေး ပေါင် (၁၀၇)သန်းနဲ့
ရောက်ရှိခဲ့သူဖြစ်ပြီး လက်ရှိအချိန်မှာ အဓိကကွင်းလယ်လူအဖြစ် ရှိနေပါတယ်။
ဒါပေမဲ့ နည်းပြ မာရက်စ်ကာ ထုတ်ပယ်ခံရပြီးနောက် အန်ဇိုဖာနန်ဒက်ဇ်က သူ့ရဲ့ချယ်လ်ဆီးကစားသမားဘ၀ အနာဂတ်ကို ပြန်လည်စဉ်းစားနေတယ်လို့ သတင်းထွက်နေပါတယ်။
အန်ဇိုဖာနန်ဒက်ဇ်နဲ့ ချယ်လ်ဆီးအသင်းကြားက အခြေအနေကို PSG အသင်း စောင့်ကြည့်နေပြီး အခုဇန်နဝါရီအပြောင်းအရွှေ့ကာလမှာ မခေါ်ယူနိုင်လည်း လာမယ့်နွေရာသီအပြောင်းအရွှေ့ကာလမှာ ခေါ်ယူသွားဖွယ်ရှိပါတယ်။

ဇန်နဝါရီအပြောင်းအရွှေ့ကာလမှာ မန်ယူအသင်းက မထွက်ဘူးလို့ ဘရူနိုဖာနန်ဒက်စ် ကတိပေး

မန်ယူအသင်းခေါင်းဆောင် ဘရူနိုဖာနန်ဒက်စ်က လက်ရှိဇန်နဝါရီအပြောင်းအရွှေ့ကာလမှာ အသင်းကနေ မထွက်ခွာဘူးလို့ ကတိပေးလိုက်ပါတယ်။
မန်ယူအသင်းနည်းပြ ရာထူးကနေ အာမိုရင်မ် ထုတ်ပယ်ခံရပြီးနောက် ဘရူနိုဖာနန်ဒက်စ်ရဲ့အနာဂတ်လှုပ်ခတ်လာတာဖြစ်ပါတယ်။
ပြီးခဲ့တဲ့နွေရာသီအပြောင်းအရွှေ့ကာလမှာ
သူ့ကို ဆော်ဒီလိဂ်ကစိတ်ဝင်စားဖူးပြီး မန်ယူအသင်းဘက်ကလည်း ရောင်းချဖို့ စဉ်းစားခဲ့ဖူးပါတယ်။ ဒါပေမဲ့ ဘရူနိုဖာနန်ဒက်စ်က မန်ယူအသင်းမှာပဲဆက်ကစားဖို့ ဆုံးဖြတ်ခဲ့ပါတယ်။
ဘရူနိုဖာနန်ဒက်စ်က လက်ရှိရာသီကုန်ဆုံးရင် မန်ယူအသင်းနဲ့ စာချုပ်သက်တမ်းတစ်နှစ်သာကျန်တော့မှာ ဖြစ်ပြီး အဲဒီအချိန်ကျရင် သူ့ရဲ့အနာဂတ်ကို ဆုံးဖြတ်သွားမယ်လို့
ပြောထားပါတယ်။

ပရီးမီးယားလိဂ်မှာ VAR ကြောင့် အနစ်နာဆုံးအသင်းအဖြစ် မန်ယူ ရပ်တည်

လက်ရှိရာသီပရီးမီးယားလိဂ်မှာ VAR ကြောင့် အနစ်နာဆုံးအသင်းက မန်ယူအသင်းဖြစ်တယ်လို့ သိရပါတယ်။
လက်ရှိရာသီပရီးမီးယားလိဂ် ပွဲစဉ် (၂၁) ပြီးဆုံးချိန်မှာ VAR ကြောင့် အမှားအယွင်းတွေ
ပိုများလာပါတယ်။ VAR ကြောင့် မှားပြီးဆုံးဖြတ်တာ (၁၃) ကြိမ်အထိရှိပြီး
ပြီးခဲ့တဲ့ရာသီကထက် ပိုများလာတာလည်းဖြစ်ပါတယ်။
ပြီးခဲ့တဲ့ရာသီပွဲစဉ် (၂၁) ပြီးဆုံးချိန်မှာ VAR ကြောင့် မှားယွင်းဆုံးဖြတ်တာ (၁၀)ကြိမ်သာ
ရှိခဲ့တာဖြစ်ပါတယ်။
ပြီးခဲ့တဲ့ ၂၀၁၄-၂၅ တစ်ရာသီလုံးမှာ VAR ကြောင့် မှားယွင်းဆုံးဖြတ်တာ (၅၇) ကြိမ်အထိရှိခဲ့ပါတယ်

ယနေ့ ရွှေဈေးနဲ့ နိုင်ငံခြားငွေလဲနှုန်းများ
( ၂၀၂၆ - ဇန်နဝါရီ ၁၆ ၊ နံနက် ၁၀ နာရီ)

#ရွှေဈေး
-ကမ္ဘာ့ရွှေဈေး
တအောင်စ ၄၅၉၆ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၆၀၀၀၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉၈၄၀၀၀၀ ကျပ်
ဝယ်ဈေး ၉၈၀၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၉၄၄၀၀၀၀ ကျပ်
ဝယ်ဈေး ၉၄၀၀၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉၇၂၀၀၀၀ ကျပ်
ဝယ်ဈေး ၉၆၈၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၉၃၂၀၀၀၀ ကျပ်
ဝယ်ဈေး ၉၂၈၀၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)
#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၅၅ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၁၀၅ ကျပ်
ဝယ်ဈေး - ၄၀၀၀ ကျပ်
-စင်္ကာပူဒေါ်လာ
ရောင်းဈေး - ၃၁၈၅ ကျပ်
ဝယ်ဈေး - ၃၁၀၅ ကျပ်
-ယူရို
ရောင်းဈေး - ၄၇၆၅ ကျပ်
ဝယ်ဈေး - ၄၆၄၅ ကျပ်
-ထိုင်းဘတ်
ရောင်းဈေး - ၁၃၀.၇၂ ကျပ်
ဝယ်ဈေး - ၁၂၇.၃၉ ကျပ်
-မလေးရှားရင်းဂစ်
ရောင်းဈေး - ၁၀၀၉ ကျပ်
ဝယ်ဈေး - ၉၈၄ ကျပ်
-တရုတ်ယွမ်
ရောင်းဈေး - ၅၈၉ ကျပ်
ဝယ်ဈေး - ၅၇၄ ကျပ်
-ဂျပန်ယန်း
ရောင်းဈေး - ၂၅.၉၆ ကျပ်
ဝယ်ဈေး - ၂၅.၃ ကျပ်
-အိန္ဒိယရူပီး
ရောင်းဈေး - ၄၅.၃၉ ကျပ်
ဝယ်ဈေး - ၄၄.၂၃ ကျပ်
-ကိုရီးယားဝမ်
ရောင်းဈေး - ၂.၇၈ ကျပ်
ဝယ်ဈေး - ၂.၇၁ ကျပ်
-စတာလင်ပေါင်
ရောင်းဈေး - ၅၄၉၅ ကျပ်
ဝယ်ဈေး - ၅၃၅၅ ကျပ်
-ဩစတြေးလျဒေါ်လာ
ရောင်းဈေး - ၂၇၄၉ ကျပ်
ဝယ်ဈေး - ၂၆၇၉ ကျပ်
-ကနေဒါဒေါ်လာ
ရောင်းဈေး - ၂၉၅၅ ကျပ်
ဝယ်ဈေး - ၂၈၈၀ ကျပ်
-ဟောင်ကောင်ဒေါ်လာ
ရောင်းဈေး - ၅၂၆ ကျပ်
ဝယ်ဈေး - ၅၁၃ ကျပ်
-ယူအေအီး
ရောင်းဈေး - ၁၁၁၇ ကျပ်
ဝယ်ဈေး - ၁၀၈၉ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
*******************************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

အမေချီးမြှင့်တဲ့ Miss Useless ဆု

Top 2 Miss Cosmo 2025

Top 2 Miss Cosmo 2025