မိုနာကိုရှုံးပွဲတွင် ၈၁၁ ရက်အတွင်း ပထဆုံးပွဲ ကစားနိုင်ခဲ့တဲ့ ပေါ့ဘာ
=====================

ပေါလ်ပေါ့ဘာဟာ မနေ့ညတုန်းက မိုနာကိုတို့ ရန်းနက်စ်အား ၄-၁ ဂိုးဖြင့် ရှုံးနိမ့်တဲ့ပွဲတွင် အရန်အဖြစ် ဝင်ရောက်ကစားကာ ၂ နှစ်ကျော် ကာလအတွင်း ပထမဆုံး ပရော်ဖက်ရှင်နယ်ပွဲ ကစားနိုင်ခဲ့ပါတယ်။

အသက် ၃၂ နှစ်ရှိ ပြင်သစ်ကွင်းလယ်ကစားသမားဟာ ရန်းနက်စ်ရဲ့ Roazhon Park ပွဲစဉ်တွင် ၄-၀ ဂိုးဖြင့် ရှုံးနိမ့်နေကာ တစ်ယောက်အလျှော့ဖြင့် ကစားနေရချိန် ပွဲချိန် ၈၅ မိနစ်တွင် လူစားဝင်ရောက် ကစားခဲ့တာလည်း ဖြစ်ပါတယ်။

ပြင်သစ်နှင့်အတူ ကမ္ဘာ့ဖလားဆွတ်ခူးခဲ့တဲ့ ပေါ့ဘာဟာ တားမြစ်ဆေးသုံးစွဲမှုကြောင့် ၄ ပွဲပယ်ခံခဲ့ရပြီးနောက် အယူခံအောင်မြင်မှုကြောင့် ၁၉ လသို့ လျှော့ချခံခဲ့သူ ဖြစ်ပါတယ်။ ယင်းနောက် သူဟာ နွေရာသီတုန်းက မိုနာကိုသို့ ပြောင်းလာခဲ့သူ ဖြစ်ပါတယ်။

သူဟာ ၂၀၂၃ ခုနှစ် စက်တင်ဘာလ ၃ ရက်နေ့တုန်းက အမ်ပိုလီနှင့်ပွဲတွင် ဂျူဗင်တပ်အတွက် ကစားကာ နောက်ဆုံးပရော်ဖက်ရှင်နယ်ပွဲကစားခဲ့တာ ဖြစ်ပြီး ၈၁၁ ရက်အကြာတွင် ပထမဆုံးပွဲကစားခဲ့တာလည်း ဖြစ်ပါတယ်။

သူဟာ ၂၀၂၃ ခုနှစ် ဩဂုတ်လတုန်းက တားမြစ်ဆေးကျခဲ့ပြီးနောက် ၂၀၂၄ ခုနှစ် ဖေဖော်ဝါရီလတွင် ဒီဟိုက်ဒရိုအီပီယန်ဒရိုစတီရုန်း အသုံးပြုထားကြောင်း စစ်ဆေးတွေ့ရှိခဲ့ကာ ၄ နှစ်ပွဲပယ်ခံခဲ့ရပါတယ်။

ပေါ့ဘာက ၎င်းမှာ မှားယွင်းသုံးစွဲမှုမျှသာ ဖြစ်ကြောင်း အခါခါ ပြောဆိုခဲ့ပြီး အယူခံဝင်ခဲ့ရာ ၁၉ လသို့ လျှော့ချခြင်းခံခဲ့ရကာ မတ်လကတည်းက ပြစ်ဒဏ်မှ လွတ်မြောက်လာခဲ့ပါတယ်။

မိုနာကိုဟာ မနေ့ညကပွဲစဉ်တွင် အိတ်ဘောက်လာ၊ မာဒီကာမာရာ၊ အမ်ဘိုလို၊ လူဒိုဗစ်ဘလစ်တို့ရဲ့ သွင်းဂိုးတွေကြောင့် ၄-၀ ဂိုးဖြင့် ရှုံးနိမ့်နေခဲ့ပေမယ့်လည်း ပေါ့ဘာဝင်လာပြီးနောက် ၉၅ မိနစ်တွင် လူစားဝင်လာတဲ့ ဘီရက်ရဲ့ ဂိုးကြောင့် နှစ်သိမ့်ဂိုး ရရှိခဲ့ပါတယ်။

မိုနာကိုဟာ ရန်းနက်စ်ရှုံ့းပွဲကြောင့် ပွဲစဉ် ၁၃ အပြီး ရမှတ် ၂၀ ဖြင့် အဆင့် ၈ နေရာမှာ ရပ်တည်နေပါတယ်။

နယူးကာဆယ်ရှုံးပွဲအပြီးတွင် ကင်မရာမန်းနှင့် ပြဿနာတက်ခဲ့တဲ့ ဂွါဒီယိုလာ
====================

ပက်ဂွါဒီယိုလာဟာ စိန့်ဂျိမ်းစ်ပါ့ခ်တွင် နယူးကာဆယ်ကို ၂-၁ ဖြင့် ရှုံးနိမ့်ပြီးနောက် နယူးကာဆယ်စတားဘရူနိုဂူမာရေးစ်၊ ဒိုင်လူကြီးအပြင် ကင်မရာမန်းနှင့်လည်း ပြဿနာတက်ခဲ့ပါတယ်။

နယူးကာဆယ်တို့ ၂-၁ ဖြင့် ရှုံးနိမ့်ပြီးနောက် ဂျိုးလင်တန်နှင့် မန်စီးတီးဂိုးသမားဒွန်နာရမ်မာတို့က အသင်းဖော်များ ဖြေဖျန်ခဲ့ရပါတယ်။

နယူးကာဆယ်နည်းပြအက်ဒီဟောင်းဟာ ဟာဗေးဘန်းစ်ရဲ့ သွင်းဂိုး ၂ ဂိုးဖြင့် ၂-၁ ဖြင့် အနိုင်ရပြီးနောက် နည်းပြဘဝ ပထမဆုံးအကြိမ်အဖြစ် ဂွါဒီယိုလာအား အနိုင်ရရှိခဲ့ပါတယ်။

အချိန်ပို ၈ မိနစ်အပြီး ပြီးပြီးခရာမှုတ်ချိန်တွင် စိတ်ပျက်စရာ ရလဒ်ကြုံမှုနဲ့အတူ ရုန်းရင်းဆန်ခတ်မှု ဖြစ်လာတာလည်း ဖြစ်ပါတယ်။

နယူးကာဆယ်စတားဂျိုးလင်တန်နှင့် မန်စီးတီးစတားဒွန်နာရမ်မာတို့အကြား ပွတ်တိုက်မှု ဖြစ်ခဲ့ပြီး အသင်းသားများ ဝင်ထိန်းခဲ့ရပါတယ်။ ၎င်းတို့အကြား ဘယ်လို ပြဿနာတက်တယ်ဆိုတာကိုတော့ မသိရသေးပါဘူး။

ဒွန်နာရမ်မာဟာ ဘန်းစ်ရဲ့ အနိုင်ဂိုးသွင်းချိန်တွင် သူ့ကို ပြစ်ဒဏ်ကျူးလွန်မှုအပေါ် ပြစ်ဒဏ်ဘော မပေးမှုအတွက် ဒေါသထွက်နေခဲ့သူပါ။

တဖက်တွင် ဂွါဒီယိုလာဟာ နယူးကာဆယ်အသင်းခေါင်းဆောင်ဂူမာရေးစ်နှင့် စကားအပြန်အလှန်ပြောဆိုပြီး တင်းမာမှုဖြစ်ခဲ့ပါတယ်။

ဒါ့အပြင် ဂွါဒီယိုလာဟာ မန်စီးတီးတို့ နစ်နာခဲ့ရတဲ့ ဆုံးဖြတ်ချက်များအတွက် ဒိုင်လူကြီးဆင်မြူရယ်ဘာရော့ကို ဒေါသတကြီး ပြောဆိုခဲ့ပြီး ကင်မရာမန်းအား တွန်းထိုးခဲ့သလို ခေါင်းမှ နားကြပ်ကိုလည်း ဆွဲဖြုတ်ခဲ့ပါတယ်။

ဂွါဒီယိုလာဟာ ပွဲအပြီးတွင် ဒိုင်လူကြီးအဝတ်အစားလဲခန်းသို့ ဝင်ရောက်သွားခဲ့သေးကြောင်းလည်း သိရပါတယ်။

အပေါ်ပိုင်း အဝတ်မဲ့ ဓာတ်ပုံများဖြင့် အားလုံးပါးစပ်အဟောင်းသား ဖြစ်အောင် လုပ်လာတဲ့ ကမ္ဘာ့ဆွဲဆောင်မှုအရှိဆုံးဘောလုံးမယ်
====================

အလီရှာလေမန်းဟာ နွေရာသီတုန်းက ဂျူဗင်တပ်ကနေ ကိုမိုအမျိုးသမီးအသင်းသို့ ပြောင်းပြီးနောက် ပထမဆုံး စီးရီးအေဂိုးပေါက်တွေ့ရေး ရှာဖွေနေရတုန်း ဖြစ်ပါတယ်။

ဒါပေမယ့် လေမန်းဟာ ဘောလုံးပြင်ပမှာတော့ မပေါ့တပေါ် ဓာတ်ပုံတွေဖြင့် ပရိသတ်များ မျက်စိကျလာအောင် လုပ်ဆောင်နိုင်တုန်း ဖြစ်ပါတယ်။

အသက် ၂၆ နှစ်ရှိ ဆွစ်ဇာလန်တောင်ပံကစားသမားဟာ ယခုရာသီမှာ ကွင်းတွင်း ကွင်းပြင် ပြဿနာများစွာနဲ့ ရင်ဆိုင်နေရသူလည်း ဖြစ်ပါတယ်။

သူမဟာ ယခုအပတ်အစောပိုင်းတုန်းက နေအိမ်ဖောက်ထွင်းခံခဲ့ရပါတယ်။

ဒါပေမယ့် သူမဟာ ဖက်ရှင်ဓာတ်ပုံဆရာ ပါအိုလိုစတိဗ်နှင့် အပေါ်ပိုင်း အဝတ်မဲ့ ဓာတ်ပုံတွေ ရိုက်ကူးပြီး ပရိသတ်များ ကြိတ်မနိုင်ခဲမရ ဖြစ်အောင် လုပ်လာပါတယ်။

လေမန်းဟာ ဂျင်းဘောင်းဘီသာ ဝတ်ဆင်ထားတဲ့ ဓာတ်ပုံလေးပုံကို အင်စတာဂရမ်မှာ တင်လာပါတယ်။

ပရိသတ်များဟာလည်း မဆိုင်းမတွပင် ယင်းပို့စ်အောက်မှာ မှတ်ချက်များ ဝင်ရေးလာကြပါတယ်။

ပရိသတ်တစ်ဦးက "ကမ္ဘာ့ဆွဲဆောင်မှုအရှိဆုံးဘောလုံးမယ်"လို့ ဆိုလာပြီး တစ်ဦးက "ဝိုး ဝိုး ဝိုး"လို့ ဆိုသွားသလို တစ်ဦးကလည်း "တကယ့်ကို ပြီးပြည့်စုံလွန်းလှပါတယ်"လို့ ဆိုသွားပါတယ်။

လေမန်းဟာ ဂျူဗင်တပ်တွင် တစ်ရာသီတည်းသာ ကစားပြီးနောက် နွေရာသီတွင် ကိုမိုသို့ ပြောင်းလာခဲ့သူ ဖြစ်ပါတယ်။

သူမဟာ စီးရီးအေပွဲ ၅ ပွဲကစားထားရာမှာ ဂိုးသွင်းနိုင်ခြင်း မရှိသလို ဖန်တီးမှုလည်း ပြုလုပ်ထားနိုင်ခြင်း မရှိပါဘူး။

အမျိုးသမီးနှင့်လည်း ချစ်ကြိုက်ဖူးတဲ့ နှစ်ဖက်ချွန် လေမန်းဟာ ယခုနှစ် အစောပိုင်းတုန်းက အက်စတွန်ဗီလာကွင်းလယ်ကစားသမားဟောင်းဒေါက်ကလပ်လူးဝစ်ဇ်နှင့် လမ်းခွဲခဲ့သူလည်း ဖြစ်ပါတယ်။

ဘရာဇီးကွင်းလယ်ကစားသမားမှာလည်း နွေရာသီတွင် ဂျူဗင်တပ်မှ ထွက်ခွာကာ နော်တင်ဟမ်ဖောရက်စ်သို့ အငှားဖြင့် သွားကစားနေပါတယ်။

မိသားစုနေအိမ်နှင့် ကိုက် ၁၀၀ အတွင်းတွင် တည်ရှိတဲ့ ပေါင် ၁၃.၅ သန်းတန် နေအိမ်ကို ဝယ်ယူရန် စီစဉ်နေတဲ့ ဂွါဒီယိုလာ
====================

ပက်ဂွါဒီယိုလာဟာ လမ်းခွဲလိုက်ပြီဖြစ်တဲ့ ဇနီးနှင့် အတူနေထိုင်ခဲ့တဲ့ ပေါင် ၈.၅ သန်းတန် နေအိမ်နှင့် ကိုက် ၁၀၀ အကွာအတွင်းတွင် ရှိတဲ့ တန်ဖိုးကြီး ဇိမ်ခံအိမ်တစ်လုံးကို ဝယ်ယူရန် ကြိုးပမ်းနေပါတယ်။

အသက် ၅၄ နှစ်ရှိ ဂွါဒီယိုလာဟာ ဇနီးသည် ဖက်ရှင်ဆိုင်ပိုင်ရှင် ခရစ္စတီနာဆာရာနှင့် ကွာရှင်းပြတ်စဲရေး နောက်ဆုံးအဆင့် လုပ်ဆောင်နေသူလည်း ဖြစ်ပါတယ်။

အသစ်တည်ဆောက်ထားတဲ့ အိမ်သစ်ကြီးက ဘာစီလိုနာရှိ လူကုံထံ အသိုင်းအဝိုင်းများ နေထိုင်တဲ့ ပီဒရဲလ်ဘီတွင် တည်ရှိတာ ဖြစ်ပြီး နေအိမ်ဟောင်းနှင့် လမ်းတစ်လျှောက်စာ အကွာအဝေးတွင်သာ ရှိပါတယ်။

ယင်းပေါင် ၁၃.၅ သန်းတန် နေအိမ်ကို ဖန်တီးသူများဟာ နေအိမ်ဝန်းကျင်တွင် အမြဲစိမ်းသစ်ပင်၊ သံပုရာပင်များ၊ ဆိုက်ပရက်စ်ပင်များ၊ မက်ဂနိုးလီးယားပင်များ၊ ရှေးဟောင်းသံလွင်ပင်များ ဝိုင်းရံ နေပြီး အထူးသီးသန့်နေထိုင်နိုင်အောင် တည်ဆောက်ထားတာပါ။

တဖက်တွင် ဂွါဒီယိုလာဟာ ယခု နေအိမ်အား အနာဂတ်အတွက် ရင်းနှီးမြှပ်နှံမှုတစ်ခုအဖြစ် ဝယ်ယူလိုနေတာလည်း ဖြစ်ပါတယ်။

ပက်ဂွါဒီယိုလာဟာ ၂၀၂၇ ခုနှစ်တွင် ကုန်ဆုံးမယ့် မန်စီးတီးနှင့် ပေါင်သန်း ၄၀ တန် စာချုပ်ကုန်ဆုံးပါက ဘောလုံးလောကမှ ခေတ္တအနားယူရန် စီစဉ်ထားသူလည်း ဖြစ်ပါတယ်။

အင်တာမိုင်ယာမီကို မေဂျာလိဂ်အရှေ့ပိုင်းကွန်ဖရင့်ဗိုလ်လုပွဲသို့ ပို့ဆောင်လာတဲ့ လီယွန်နယ်မက်ဆီ
=================

လီယွန်နယ်မက်ဆီဟာ နောက်ထပ် ဂိုးသွင်းလာကာ အင်တာမိုင်ယာမီကို မေဂျာလိဂ်အရှေ့ပိုင်းကွန်ဖရင့်ဗိုလ်လုပွဲသို့ ပို့ဆောင်လာပါတယ်။

အာဂျင်တီးနားစူပါစတားဟာ စင်စင်နာတီအား ၄-၁ ဂိုးဖြင့် အနိုင်ရတဲ့ပွဲတွင် ကိုယ်တိုင် အဖွင့်ဂိုးသွင်းခဲ့သလို ကစားဖော်များ ဂိုးသွင်းနိုင်ဖို့အတွက် ၃ ကြိမ်အထိ ဖန်တီးပေးနိုင်ခဲ့တာလည်း ဖြစ်ပါတယ်။

မက်ဆီဟာ မာတီယိုဆေးလ်ဗား ၂ ဂိုးသွင်းနိုင်အောင် ဖန်တီးနိုင်ခဲ့သလို တာဒီယိုအယ်လန်ဒီ ဂိုးသွင်းနိုင်အောင်လည်း ဖန်တီးခဲ့တာပါ။

မက်ဆီဟာ မေဂျာလိဂ်ရာသီအလွန်မှာ ၁၂ ကြိမ်အထိ ဂိုးနှင့် ဖန်တီးမှု ပြုလုပ်ထားနိုင်တဲ့ စံချိန်သစ်ကိုလည်း ပိုင်ဆိုင်လာပါတယ်။

ဂျာဗီးယားမာရှေးယာနိုရဲ့ အင်တာမိုင်ယာမီဟာ မေဂျာလိဂ်ဗိုလ်လုပွဲသို့ တက်ရောက်ရေးအတွက် အရှေ့ပိုင်းကွန်ဖရင့်ဗိုလ်လုပွဲမှာ ဖယ်လာဒယ်ဖီယာ (သို့မဟုတ်) နယူးယောက်စီးတီးကို အနိုင်ကစားရပါဦးမယ်။

မီလန်ဒါဘီပွဲတွင် အနိုင်ယူပြီး စီးရီးအေအမှတ်ပေးဇယားဒုတိယနေရာသို့ တက်လှမ်းလာတဲ့ အေစီမီလန်
====================

အေစီမီလန်ဟာ ခရစ္စတီယန်ပူလီဆစ်ရဲ့ တစ်လုံးတည်းသော အနိုင်ဂိုးဖြင့် မြို့ခံပြိုင်ဘက် အင်တာမီလန်ကို အနိုင်ယူကာ စီးရီးအေအမှတ်ပေးဇယားဒုတိယနေရာသို့ တက်လှမ်းလာပါတယ်။

အမေရိကန်စတားဟာ ပွဲချိန် ၅၄ မိနစ်တွင် အလက်ဆစ်ဆီလီမီကာရဲ့ ကန်ချက်ကို အင်တာဂိုးသမားဆွမ်မား ပုတ်ထုတ်လိုက်ရာကနေ ကျလာတဲ့ဘောလုံးကို အနီးကပ် ကန်သွင်းခဲ့တာလည်း ဖြစ်ပါတယ်။

ဒါပေမယ့် အင်တာမီလန်ဟာ မားကပ်စ်သူရမ်ကို ပါလိုဗစ် ပြစ်ဒဏ်ကျူးလွန်လို့ VAR ပေးလို့ ရရှိတဲ့ ပင်နယ်တီကနေ ချေပဂိုးရနိုင်မယ့် အခွင့်အရေး ရခဲ့ပါတယ်။

တူရကီအလယ်တန်းကစားသမားဟာကန်ကယ်ဟန်နိုဂလူ ကန်ရာမှာ ပြင်သစ်ဂိုးသမားမိုက်မိုင်နန်က ဘယ်ထောင့်ကို ဒိုင်ဗင်ထိုးပြီး ကာကွယ်သွားခဲ့ပါတယ်။

အသက် ၃၀ နှစ်ရှိ ဂိုးသမားဟာ လူသာရိုမာတီနက်ဇ်ရဲ့ အပိုင်ကန်ချက်ကိုလည်း လက်စွမ်းပြကာကွယ်သွားခဲ့ပါသေးတယ်။

အေစီမီလန်ဟာ မီလန်ဒါဘီနိုင်ပွဲကြောင့် ထိပ်ဆုံးမှ ရိုးမားနှင့် ၂ မှတ်အကွာ ဒုတိယနေရာသို့ တက်လှမ်းလာပါတယ်။

ရိုးမားဟာ တနင်္ဂနွေနေ့တွင်ပင် ခရီမိုနက်စ်ကို ၃-၁ ဖြင့် အနိုင်ယူပြီး အမှတ်ပေးဇယားကို ဆက်လက်ဦးဆောင်ခဲ့ပါတယ်။

အင်တာမီလန်က ရိုးမားနှင့် ၃ မှတ်အကွာ၊ အေစီမီလန်နှင့် ၁ မှတ်အကွာ အဆင့် ၄ နေရာမှာ ရပ်တည်နေပါတယ်။

ကြီးကျယ်ခမ်းနားလွန်းလှတဲ့ Overhead Kick ကို အသက် ၄၀ အရွယ်မှာ သွင်းပြလာတဲ့ ခရစ္စတီယာနိုရော်နယ်ဒို
=====================

ခရစ္စတီယာနိုရော်နယ်ဒိုဟာ Al Nassr နိုင်ပွဲတွင် အမိုက်စား Overhead Kick ဂိုးအား သွင်းပြလာပါတယ်။

ရော်နယ်ဒိုဦးဆောင်တဲ့ Al Nassr ဟာ Al Khaleej အား ၄-၁ ဂိုးဖြင့် အနိုင်ယူကာ ဆော်ဒီပရိုလိဂ် ၉ ပွဲဆက် နိုင်ပွဲ ရရှိပြီး အမှတ်ပေးဇယားကို ဆက်လက် ဦးဆောင်လာပါတယ်။

အိမ်ရှင် Al Nassr ဟာ ပထမပိုင်းပြီးဖို့ ၆ မိနစ်အလိုတွင် ဂျိုအာဖီးလစ်ရဲ့ ဂိုးဖြင့် ဦးဆောင်နိုင်ပြီးနောက် ပထမပိုင်းပြီးရန် ၃ မိနစ်အလိုတွင် ဝက်စ်လေရဲ့ ဂိုးဖြင့် ဒုတိယဂိုး ရရှိခဲ့ပါတယ်။

ဒုတိယပိုင်းအစ ၄၇ မိနစ်တွင် မူရက်အယ်ဟောဆာဝီက ဧည့်သည်အသင်းအတွက် ချေပဂိုး သွင်းလာပေမယ့်လည်း ၇၇ မိနစ်တွင် ဆာဒေယိုမာနေးက Al Nassr အတွက် တတိယဂိုးသွင်းလာပါတယ်။

ယင်းနောက် နာကျင်အချိန်ပို ၉၆ မိနစ်မှာ ယူနိုက်တက်နှင့် ရီးရဲလ်မက်ဒရစ်ဂန္ထဝင် ခရစ္စတီယာနိုရော်နယ်ဒိုဟာ အံ့ဩစရာကောင်းလွန်းလှတဲ့ Overhead Kick ဖြင့် စတုတ္ထဂိုးအား သွင်းလာခဲ့တာ ဖြစ်ပါတယ်။

စူပါစတားဟာ နာဝါဘူရှယ်ရဲ့ ညာခြမ်းမှ ဖြတ်တင်ဘောကနေ အားလုံးထက် အမြင့်ခုန်ပြီး Overhead Kick ဖြင့် ဂိုးသွင်းခဲ့တာ ဖြစ်ပါတယ်။

အသက် ၄၀ အရွယ်တွင် ယင်းသို့ အမိုက်စား Overhead Kick ဂိုးအား သွင်းယူလာမှုနှင့်အတူ ခရစ္စတီယာနိုရော်နယ်ဒိုကို အားလုံးက ချီးကျူးနေကြပါတယ်။

မြောက်လန်ဒန်ဒါဘီပွဲတွင် ရှုံးနိမ့်ပြီးနောက် စပါးစ်ပရိသတ်များကို သောမတ်စ်ဖရန့် တောင်းပန်လာ
=====================

သောမတ်စ်ဖရန့်ဟာ မြောက်လန်ဒန်ဒါဘီပွဲတွင် ရှုံးပွဲကြုံတွေ့ပြီးနောက် စပါးစ်ပရိသတ်များအား တောင်းပန်လာပါတယ်။

ဒါ့အပြင် စပါးစ်ဂိုးသမားဂူဂလီမိုဗီကာရီယိုဟာလည်း တိုက်ပွဲဝင်စိတ်ဓာတ်နည်းပါးမှုအတွက် ပရိသတ်များကို တောင်းပန်သွားပါတယ်။

အစွယ်မရှိတဲ့ စပါးစ်ဟာ မနေ့ညတုန်းက ပစ်မှတ်ဟောင်းအီးဇီးရဲ့ ဟက်ထရစ်ဂိုးနဲ့အတူ အာဆင်နယ်ကို ၄-၁ ဖြင့် အရေးနိမ့်ခဲ့တာလည်း ဖြစ်ပါတယ်။

ဖရန့်က "တကယ့်ကို နာကျင်လွန်းရတယ်။ သိပ်ပြီးတော့ မပြောချင်ဘူး။ ဆိုးရွားတဲ့ ခြေစွမ်းပါ။ လုပ်ချင်တဲ့အရာတွေနဲ့ လုံးဝ တခြားစီ။ ဒီခြေစွမ်းအတွက် ပရိသတ်တွေကို တောင်းပန်တာပဲ လုပ်နိုင်ပါတယ်"လို့ ပြောကြားသွားပါတယ်။

စပါးစ်ဟာ မနေ့ညက ပွဲတွင် ရီချာလီဆင်ရဲ့ ကိုက် ၅၀ အကွာမှာ တစ်နှစ်တာအကောင်းဆုံးဂိုးဆုရနိုင်တဲ့ အံ့ဩစရာကောင်းတဲ့ ဂိုးဖြင့် ဂိုးရခဲ့ပါတယ်။

စပါးစ်ဟာ မနေ့ညက အမ်းမရိတ်ကွင်းရှုံ့းပွဲကြောင့် ယခုရာသီ အဝေးကွင်း ရှုံးပွဲမရှိမှတ်တမ်းလည်း အဆုံးသတ်သွားပါတယ်။ ၎င်းတို့ဟာ ဗုဒ္ဓဟူးနေ့တွင် ပါရီသို့ သွားရောက်ကာ ပီအက်စ်ဂျီနှင့် ချန်ပီယံလိဂ်ပွဲ ကစားရပါမယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ

(နိုဝင်ဘာ - ၂၄ ရက်၊ နံနက် ၁၀ နာရီ)

#ရွှေဈေး

-ကမ္ဘာ့ရွှေဈေး
တအောင်စ ၄၀၄၇ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၅၉၇၀၀၀၀ ကျပ်

ပြင်ပ အရောင်းအဝယ်ဖြစ်တဲ့ ရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၈၅၇၀၀၀၀ ကျပ်
ဝယ်ဈေး ၈၅၃၀၀၀၀ ကျပ်

-၁၅ ပဲရည် တကျပ်သား
ရောင်းဈေး ၈၁၇၀၀၀၀ ကျပ်
ဝယ်ဈေး ၈၁၃၀၀၀၀ ကျပ်

* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၈၄၅၀၀၀၀ ကျပ်
ဝယ်ဈေး ၈၄၁၀၀၀၀ ကျပ်

-၁၅ ပဲရည် တကျပ်သား
ရောင်းဈေး ၈၀၅၀၀၀၀ ကျပ်
ဝယ်ဈေး ၈၀၁၀၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၄၅ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၀၆၀ ကျပ်
ဝယ်ဈေး - ၃၉၆၀ ကျပ်

-စင်္ကာပူဒေါ်လာ
ရောင်းဈေး - ၃၁၀၅ ကျပ်
ဝယ်ဈေး - ၃၀၃၀ ကျပ်

-ယူရို
ရောင်းဈေး - ၄၆၇၅ ကျပ်
ဝယ်ဈေး - ၄၅၆၀ ကျပ်

-ထိုင်းဘတ်
ရောင်းဈေး - ၁၂၅ ကျပ်
ဝယ်ဈေး - ၁၂၁.၉၅ ကျပ်

-မလေးရှားရင်းဂစ်
ရောင်းဈေး - ၉၈၀ ကျပ်
ဝယ်ဈေး - ၉၅၆ ကျပ်

-တရုတ်ယွမ်
ရောင်းဈေး - ၅၇၁ ကျပ်
ဝယ်ဈေး - ၅၅၇ ကျပ်

-ဂျပန်ယန်း
ရောင်းဈေး - ၂၅.၉၁ ကျပ်
ဝယ်ဈေး - ၂၅.၂၈ ကျပ်

-အိန္ဒိယရူပီး
ရောင်းဈေး - ၄၅.၂၉ ကျပ်
ဝယ်ဈေး - ၄၄.၁၈ ကျပ်

-ကိုရီးယားဝမ်
ရောင်းဈေး - ၂.၇၆ ကျပ်
ဝယ်ဈေး - ၂.၆၉ ကျပ်

-စတာလင်ပေါင်
ရောင်းဈေး - ၅၃၁၅ ကျပ်
ဝယ်ဈေး - ၅၁၈၅ ကျပ်

-ဩစတြေးလျဒေါ်လာ
ရောင်းဈေး - ၂၆၂၅ ကျပ်
ဝယ်ဈေး - ၂၅၆၀ ကျပ်

-ကနေဒါဒေါ်လာ
ရောင်းဈေး - ၂၈၇၈ ကျပ်
ဝယ်ဈေး - ၂၈၀၈ ကျပ်

-ဟောင်ကောင်ဒေါ်လာ
ရောင်းဈေး - ၅၂၁ ကျပ်
ဝယ်ဈေး - ၅၀၉ ကျပ်

-ယူအေအီး
ရောင်းဈေး - ၁၁၀၅ ကျပ်
ဝယ်ဈေး - ၁၀၇၈ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
**************************************

🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ပြည်နယ်မြို့တော်များ