Apple ကုမ္ပဏီ ရှယ်ယာရှင်များ၏ ဒေါ်လာဘီလီယံနှင့်ချီသော ဆုံးရှုံးမှုဖြင့် တရားစွဲဆိုခံရ
Apple ကုမ္ပဏီကို ၎င်း၏ ရှယ်ယာရှင်များက တရားစွဲဆိုလိုက်ပြီး၊ ကုမ္ပဏီသည် ၎င်း၏ Artificial Intelligence (AI) နည်းပညာ တိုးတက်မှုအခြေအနေနှင့် ပတ်သက်၍ ရင်းနှီးမြှုပ်နှံသူများကို လွဲမှားစွာတင်ပြခဲ့သည်ဟု စွပ်စွဲထားပါတယ် ။ အထူးသဖြင့် Siri ၏ AI အဆင့်မြှင့်တင်မှုများအတွက် အချိန်ဇယားကို မှန်ကန်စွာ မပြောခဲ့ခြင်းကြောင့် iPhone ရောင်းအားနှင့် ကုမ္ပဏီ၏ စတော့ရှယ်ယာဈေးနှုန်းကို ထိခိုက်စေခဲ့သည်ဟု ဆိုပါတယ် ။
တရားစွဲဆိုမှု၏ အဓိကအချက်များ
၁။ လွဲမှားစွာတင်ပြမှု - တရားစွဲဆိုမှုအရ၊ Apple ၏ အမှုဆောင်အရာရှိများသည် ၂၀၂၃ ခုနှစ် ဇွန်လမှ ၂၀၂၄ ခုနှစ် ဇွန်လအတွင်း AI နည်းပညာ အဆင်သင့်ဖြစ်နေပြီဟု ချဲ့ကားပြောဆိုခဲ့ကြောင်း သိရပါတယ် ။ သို့သော်လည်း Siri ၏ အဆင့်မြှင့်တင်မှုများကို ၂၀၂၆ ခုနှစ်အထိ ရွှေ့ဆိုင်းလိုက်ကြောင်း ၂၀၂၅ ခုနှစ် မတ်လတွင် ကြေညာခဲ့ပါတယ်။
၂။ iPhone 16 နှင့် AI - Apple သည် iPhone 16 အတွက် “Apple Intelligence” ကို အဓိကရောင်းအားမြှင့်တင်ရေးအဖြစ် အသုံးပြုရန် ရည်ရွယ်ခဲ့သော်လည်း၊ ရှယ်ယာရှင်များက Siri အတွက် ကတိပေးထားသည့် အင်္ဂါရပ်များ၏ လက်တွေ့အသုံးပြုနိုင်သော နမူနာပုံစံပင် မရှိသေးကြောင်း ပြောဆိုကြပါတယ်။
၃။ ဘဏ္ဍာရေးဆိုင်ရာ ထိခိုက်မှု- Apple ၏ စတော့ရှယ်ယာတန်ဖိုးသည် ၂၀၂၄ ခုနှစ် ဒီဇင်ဘာလတွင် အမြင့်ဆုံးသို့ရောက်ရှိခဲ့ပြီးနောက် ၂၅% နီးပါး ကျဆင်းခဲ့ကာ ဈေးကွက်တန်ဖိုး အမေရိကန်ဒေါ်လာ ဘီလီယံ ၉၀၀ ခန့် ဆုံးရှုံးခဲ့ပါတယ်။
၄။ တရားစွဲဆိုခံရသူများ - တရားစွဲဆိုခံရသူများထဲတွင် CEO Tim Cook နှင့် အခြားအမှုဆောင်အရာရှိများလည်း ပါဝင်ကြောင်း Reuters သတင်းအရ သိရပါတယ်။
ဤတရားစွဲဆိုမှုသည် နည်းပညာကုမ္ပဏီကြီးများ၏ AI ဆိုင်ရာ ပြောဆိုချက်များအပေါ် စိစစ်မှုများ တိုးမြှင့်လာနေသည်ကို မီးမောင်းထိုးပြနေပါတယ်။

နည်းပညာလောကကို ပုံဖော်ခဲ့တဲ့ အတွေးအခေါ်နှစ်ခုရဲ့ ဖခင်ကြီးတွေဖြစ်တဲ့ Microsoft တည်ထောင်သူ ဘီလ်ဂိတ်စ် (Bill Gates) နဲ့ Linux ကို ဖန်တီးခဲ့သူ လင်းနပ်စ် တော်ဗဲလ်စ် (Linus Torvalds) တို့ဟာ မကြာသေးမီက သမိုင်းဝင် ညစာစားပွဲတစ်ခုမှာ ပထမဆုံးအကြိမ်အဖြစ် မျက်နှာချင်းဆိုင် တွေ့ဆုံခဲ့ကြပါပြီ။
ဒီတွေ့ဆုံမှုဟာ ရိုးရိုးတွေ့ဆုံမှုတစ်ခုထက် ပိုပြီး နည်းပညာလောကရဲ့ အပြောင်းအလဲကို ဖော်ပြနေတဲ့ သမိုင်းဝင်အခိုက်အတန့်တစ်ခု ဖြစ်ခဲ့ပါတယ်။
ဒီညစာစားပွဲကို Microsoft Azure ရဲ့ CTO (နည်းပညာအရာရှိချုပ်) ဖြစ်သူ မာ့ခ် ရူဆိုနိုဗစ်ခ်ျ (Mark Russinovich) က တည်ခင်းဧည့်ခံခဲ့တာဖြစ်ပြီး သူ့ရဲ့ LinkedIn မှာ “ဘဝအတွက် အကြီးကျယ်ဆုံး စိတ်လှုပ်ရှားမှု” လို့ ရေးသားဖော်ပြခဲ့ပါတယ်။
ဒီတွေ့ဆုံမှုဟာ ဘီလ်ဂိတ်စ်နဲ့ လင်းနပ်စ် တော်ဗဲလ်စ်တို့ ပထမဆုံးအကြိမ် တွေ့ဖူးတာဖြစ်သလို၊ Windows NT ရဲ့ ဗိသုကာပညာရှင် ဒေးဗစ် ကတ်တလာ (David Cutler) နဲ့ လင်းနပ်စ် တော်ဗဲလ်စ် တို့လည်း တစ်ခါမှ မတွေ့ဖူးကြပါဘူး။ ဒါကြောင့် နည်းပညာလောကရဲ့ လမ်းကြောင်းနှစ်ခုကို ပုံဖော်ခဲ့တဲ့ ပုဂ္ဂိုလ်ကြီးတွေ စုံစည်းခဲ့တဲ့ ညတစ်ညလို့ ဆိုနိုင်ပါတယ်။
ရူဆိုနိုဗစ်ခ်ျက “Kernel နဲ့ ပတ်သက်တဲ့ အရေးကြီး ဆုံးဖြတ်ချက်ကြီးတွေတော့ မချဖြစ်ခဲ့ပါဘူး၊ နောက်တစ်ခါ ညစာစားပွဲကျမှပေါ့” လို့ ဟာသနှောပြီး ရေးသားခဲ့ပါတယ်။ တစ်ချိန်က Linux ကို “Microsoft ရဲ့ အကြီးမားဆုံး ရန်သူ” လို့ သတ်မှတ်ခဲ့တဲ့ အခြေအနေကနေ အခုလို တစ်စားပွဲတည်း အတူထိုင်နိုင်တဲ့အထိ ဆက်ဆံရေးတွေ ပြောင်းလဲလာတာဟာ တကယ့်ကို မှတ်တိုင်တစ်ခုပါပဲ။
Proprietary vs. Open-Source: အတွေးအခေါ်တိုက်ပွဲ
ဒီတွေ့ဆုံမှုဟာ နည်းပညာလောကကို ဆယ်စုနှစ်များစွာ လွှမ်းမိုးခဲ့တဲ့ မတူညီတဲ့ အတွေးအခေါ်နှစ်ခုရဲ့ ပေါင်းစည်းမှုကို ပြသနေပါတယ်။
Proprietary Software (Microsoft ရဲ့ လမ်းစဉ်) : ဘီလ်ဂိတ်စ် ဦးဆောင်ခဲ့တဲ့ Microsoft ရဲ့ Windows လို ဆော့ဖ်ဝဲတွေဟာ “ပိတ်ထားတဲ့” ဆော့ဖ်ဝဲအမျိုးအစားပါ။ သူ့ရဲ့ Source Code (ရေးသားထားတဲ့ ကွန်ပျူတာဘာသာစကား) တွေကို ကုမ္ပဏီကပဲ ပိုင်ဆိုင်ပြီး လျှို့ဝှက်ထားပါတယ်။ အသုံးပြုသူတွေအနေနဲ့ ပြင်ဆင်ခွင့်၊ ဖြန့်ဝေခွင့် ကန့်သတ်ထားပြီး လိုင်စင်နဲ့သာ သုံးစွဲရပါတယ်။
Open-Source Software (Linux ရဲ့ လမ်းစဉ်) : လင်းနပ်စ် တော်ဗဲလ်စ် ဖန်တီးခဲ့တဲ့ Linux ကတော့ “ဖွင့်ထားတဲ့” ဆော့ဖ်ဝဲပါ။ Source Code ကို လူတိုင်း လွတ်လပ်စွာ ကြည့်ရှုနိုင်တယ်၊ ပြင်ဆင်နိုင်တယ်၊ မြှင့်တင်နိုင်ပြီး ပြန်လည်မျှဝေနိုင်ပါတယ်။ ဒါဟာ ပူးပေါင်းဆောင်ရွက်မှုနဲ့ လွတ်လပ်မှုကို အခြေခံပြီး ကမ္ဘာတစ်ဝှမ်းက developer တွေရဲ့ အင်အားနဲ့ တည်ဆောက်ထားတာပါ။
တစ်ချိန်က ရန်သူတွေလို ပြင်းပြင်းထန်ထန် ယှဉ်ပြိုင်ခဲ့ကြပေမဲ့၊ အခုအချိန်မှာတော့ Microsoft ကိုယ်တိုင်က သူ့ရဲ့ Azure cloud လုပ်ငန်းတွေမှာ Linux ကို ကျယ်ကျယ်ပြန့်ပြန့် အသုံးပြုနေပြီး Open-Source လောကနဲ့ လက်တွဲလုပ်ဆောင်နေပါပြီ။
ဒီညစာစားပွဲဟာ ပြိုင်ဆိုင်မှုတွေ ပြင်းထန်ခဲ့တဲ့ အတိတ်ကနေ ပူးပေါင်းဆောင်ရွက်မှုတွေက အောင်မြင်မှုရဲ့ သော့ချက်ဖြစ်လာတဲ့ ပစ္စုပ္ပန်ဆီကို နည်းပညာလောကကြီး ဘယ်လိုကူးပြောင်းလာသလဲဆိုတာကို ပြသနေတဲ့ သမိုင်းဝင်ပြယုဂ်တစ်ခုပါပဲ။

တရုတ်နိုင်ငံဟာ ကိုယ်ပိုင် ယွမ်ငွေကို အခြေခံတဲ့ Stablecoin တွေကို အချိန်မဆွဲဘဲ အမြန်ဆုံး ဖန်တီးဖို့လိုနေပြီလို့ နိုင်ငံပိုင်မီဒီယာကနေတစ်ဆင့် အစိုးရကို တိုက်တွန်းလိုက်ပါတယ်။ ဒီသတင်းက ကမ္ဘာ့ငွေကြေးလောကမှာ လှုပ်ခတ်မှုတစ်ခု ဖြစ်လာနိုင်ပါတယ်။
ဘာကြောင့် အခုမှ ဒီလိုတိုက်တွန်းရတာလဲ?
၁။ အမေရိကန်ကို အမီလိုက်ဖို့ ကြိုးပမ်းခြင်း
အခုအချိန်မှာ အမေရိကန်ဒေါ်လာကို အခြေခံတဲ့ Stablecoin တွေ (ဥပမာ USDT, USDC) က ကမ္ဘာ့ Crypto ဈေးကွက်ကို လွှမ်းမိုးထားပါတယ်။ တရုတ်အနေနဲ့ ဒီအတိုင်းထိုင်စောင့်နေရင် နောက်ကျကျန်ခဲ့မှာဖြစ်လို့ ကိုယ်ပိုင် Stablecoin ကို အမြန်ဆုံးဖော်ဆောင်ဖို့ လိုအပ်တယ်လို့ ကျွမ်းကျင်သူတွေက သုံးသပ်ထားပါတယ်။
၂။ ယွမ်ငွေကို ကမ္ဘာသုံးငွေကြေး ဖြစ်စေလိုခြင်း
Yuan Stablecoin တွေ ဖန်တီးခြင်းအားဖြင့် တရုတ်ယွမ်ငွေကို နိုင်ငံတကာမှာ ပိုမိုသုံးစွဲလာအောင် တွန်းအားပေးပြီး ဒေါ်လာရဲ့ဩဇာကို စိန်ခေါ်ဖို့ ရည်ရွယ်ပါတယ်။ ဒါဟာ တရုတ်ရဲ့ Digital Silk Road စီမံကိန်းရဲ့ တစ်စိတ်တစ်ပိုင်းလည်း ဖြစ်လာနိုင်ပါတယ်။
၃။ ဟောင်ကောင်ကို “Sandbox” အဖြစ် အသုံးချဖွယ်ရှိခြင်း
Morgan Stanley လို ဘဏ်ကြီးတွေရဲ့ သုံးသပ်ချက်အရ, တရုတ်ဟာ ဒီစီမံကိန်းကို စတင်စမ်းသပ်ဖို့အတွက် ဟောင်ကောင်ကို “Sandbox” (စမ်းသပ်ကွင်း) အဖြစ် အသုံးချနိုင်တယ်လို့ ဆိုပါတယ်။ ဟောင်ကောင်မှာ Stablecoin နဲ့ပတ်သက်တဲ့ ဥပဒေမူဘောင်တွေ ရှိနှင့်ပြီးသားဖြစ်လို့ စတင်ဖို့ အကောင်းဆုံးနေရာတစ်ခု ဖြစ်နိုင်ပါတယ်။
ဒီခြေလှမ်းက ကမ္ဘာ့ငွေကြေးဈေးကွက်နဲ့ Crypto လောကကို ဘယ်လိုတွေပြောင်းလဲသွားစေနိုင်မလဲ?

နောက်တစ်ပတ်ထဲမှာ မိတ်ဆက်တော့မယ့် Honor Magic V5 ရဲ့ အထူ ခေါက်ထားရင်တောင် 8.8mm ပဲရှိမယ်လို့ ဖော်ပြလာပါတယ်။ ကမ္ဘာ့အပါးဆုံးဆိုပြီး သူ့ရှေ့က ထွက်ခဲ့တဲ့ Honor Magic V3 တောင်မှ 9.3mm ရှိခဲ့တာကိုး။ Oppo Find N5 ကတော့ 8.9mm အထူဆိုတော့ Honor Magic V5 က နည်းနည်းလေးပိုပါးသွားမယ်ဆိုတဲ့သဘော....
Samsung နဲ့ Apple ကျေးဇူးကြောင့် ဘယ်လောက်ပါးပါး ဘတ်ထရီကို ထရော်မာရနေတဲ့ကာလဆိုပေမဲ့ Honor တို့ကတော့ ပါးလည်းပါးပေမယ်၊ 6100mAh Battery လည်း ထည့်ပေးသွားမယ်ဆိုပြီး သတင်းတွေထွက်ထားပါတယ်။ သေချာတာကတော့ အာ့လောက်မများနိုင်တောင် အာ့လောက်နီးပါးပါလာမှာပါ။
Honor Magic V5 ကို အရောင် ၄ ရောင်ရွေးနိုင်မယ်။ Ram 16GB အထိ ပါဝင်မှာဖြစ်ပြီး Storage 1TB အထိ ရနိုင်ပါမယ်။ Snapdragon 8 Elite Chips, IPX8-rating, 6.45-inch LTPO OLED cover screen နှင့် 8-inch 2K inner display တို့နဲ့ဖြစ်မယ်။

တစ်ယောက်လျော့ ရီးရဲလ်မက်ဒရစ်ကို ကာ-ကွယ်မှု ၁၀ ကြိမ်အထိပြုလု၊ပ်ပြီး အကောင်းဆုံးကယ်တင်‌ပေးခဲ့တဲ့ ကော်တိုရစ်စ် 🧤🔥

ကမ္ဘာ့ကလပ်ပွဲစဉ်မှာ ဂုတ်ကြီးမက်ဆီရဲ့ဖိနပ်ကို ၀တ်ဆင်ကစားခဲ့တဲ့ ဂျူဗင်တပ်စ်ကြယ်ပွင့် Yildiz 🐐❤️

• ပေါ်တူဂီတစ်သင်းလုံးပေါင်း သွင်းဂိုး - ၉၀၇ ဂိုး
• ရော်နယ်ဒိုတစ်ဦးတည်း သွင်းဂိုး - ၉၃၈ ဂိုး
ပေါ်တူဂီရဲ့ပြယုဂ် (သို့မဟုတ်) ခရစ္စတီယာနိုရော်နယ်ဒို 🐐🇵🇹

"မက်ဆီရေ ငါ့ကို လက်ထပ်နိုင်မလား ?"
ယနေ့ မက်ဆီရဲ့ပွဲစဉ်မှ ကြည်နူးစရာမြင်ကွင်းလေးပဲဖြစ်ပါတယ်။ 😍
အဘွားကတော့ စားတယ်ဗျာ 😅❤️

ကလပ်ကမ္ဘာ့ဖလားပြိုင်ပွဲကတော့ ပူပြင်းတဲ့ ရာသီဥတုအောက်မှာ ကစားနေပြီး နာမည်ကျော်တွေ အသံထွက်လာကြပါပြီ။ ရာသီဥတုပူပြင်းတာကြောင့် ခြေစွမ်းပြနိုင်ဖို့ ရုန်းကန်နေရသလို ကွင်းမျက်နှာပြင်တွေကလည်း မကောင်းမွန်ဘူးလို့ စောဒကတက်နေကြပြီး ဒိပုံစံနဲ့ ကမ္ဘာ့ဖလားကို ကစားရမယ့်အပေါ် စိုးရိမ်မိတယ်လို့ပါ လေသံပစ်လာကြတာပါ။
အမေရိကရဲ့ ပူပြင်းတဲ့ ရာသီဥတုအောက်မှာ ကစားသမားတွေ ရုန်းကန်နေရတာတော့ အမှန်ပါပဲ။ အထူးသဖြင့် ဥရောပသားတွေ တိုင်ပတ်နေပြီး တစထက်တစ အသံထွက်လာရာကနေ အခုဆိုရင် တောင်အမေရိကသားတွေပါ ပြောလာကြပါပြီ။
ပုံမှန်ထက် ပိုပင်ပန်းနွမ်းနယ်နေတာကြောင့် ခြေစွမ်းမပြနိုင်ဘူးလို့ ပြောနေတာပါ။ ပူပြင်းတဲ့ နိုင်ငံက ကလပ်တွေနဲ့ အဲဒီမှာ ကစားနေသူတွေအတွက်တော့ ဒါက သိပ်မှုလောက်စရာမရှိပေမယ့် အများစုအတွက်တော့ အဆင်မပြေဖြစ်နေတာ အမှန်ပါပဲ။ ကာတာနဲ့ ဆော်ဒီမှာလိုမျိုး ကွင်းအတွင်း လေအေးပေးစက်တွေ တပ်ဆင်ထားတာမျိုးလည်း မရှိပါဘူး။ ကမ္ဘာ့ဖလားမှာတော့ ဒီလိုပုံစံအတိုင်းဆိုရင် ပြသနာပေါင်း သောင်းခြောက်ထောင် တက်လိမ့်မယ်ထင်တယ်။

"ခရစ်တီယာနိုအပေါ်မှာ ကျွန်တော်ရဲ့လေးစားမှုကအပြည့်အဝရှိပါတယ်။ သူ့ရဲ့ကစားသမားဘဝမှာ အောင်မြင်မှုတွေများစွာရခဲ့သလို အခုအချိန်ထိလည်း အမြင့်ဆုံးအဆင့်မှာကစားနေပြီး အောင်မြင်မှု‌တွေရယူနေတုန်းပါပဲ။ သူနဲ့အတူကွင်းထဲမှာ ပြိုင်ဆိုင်မှုတွေရှိခဲ့ပေမယ့် ကျွန်တော်တို့က ကိုယ့်အသင်းအတွက် အကောင်းဆုံးလုပ်ခဲ့ကြတာလေ။ ဒါကြောင့်မလို့ ကွင်းပြင်ပမှာဒီလိုပြိုင်ဆိုင်မှုတွေ သူနဲ့ကျွန်တော့်ကြားရှိမနေပါဘူး။
ကွင်းပြင်ပမှာဆိုရင် ကျွန်တော်တို့နှစ်ယောက်လုံးက သာမန်လူတွေပါပဲ။ အချိန်တွေအတူတူ မကုန်ဆုံးခဲ့ကြလို့သာ သူငယ်ချင်းတွေမဖြစ်ခဲ့ကြပေမယ့် ကျွန်တော်တို့တွေဆုံတိုင်း အချင်းချင်းအပြန်အလှန်လေးလေးစားစားနဲ့ ဆက်ဆံလေ့ရှိကြပါတယ်"
မက်ဆီ 🗣️
ပေါ်တိုအသင်းကို အနိုင်ရခဲ့တဲ့ Club World Cup ပွဲစဉ်အပြီးမှာ ခရစ်တီယာနိုရော်နယ်ဒိုနဲ့ပတ်သက်ပြီး မက်ဆီကအခုလိုပြောကြားခဲ့တာဖြစ်ပါတယ်။