မန်စီးတီးကစားဖော်အာလင်းဟာလန်းနှင့် ကမ္ဘာ့ဖလားကွာတားဖိုင်နယ်တိုက်ပွဲဝင်ရန် မစောင့်နိုင်အောင် ဖြစ်နေပြီဖြစ်တဲ့ မာ့ခ်ဂူဟီ
======================

မာ့ခ်ဂူဟီက မန်စီးတီးကစားဖော်အာလင်းဟာလန်းနှင့် ကမ္ဘာ့ဖလားကွာတားဖိုင်နယ်တိုက်ပွဲဝင်ရန် မစောင့်နိုင်အောင် ဖြစ်နေပြီ ဖြစ်ကြောင်း ပြောကြားလာပါတယ်။
အင်္ဂလန်နှင့် နော်ဝေတို့ဟာ စနေနေ့တို့မှာ ကမ္ဘာ့ဖလားကွာတားဖိုင်နယ်မှာ ရင်ဆိုင်တွေ့ကြပါမယ်။
အကောင်းဆုံးပုံစံရနေတဲ့ အာလင်းဟာလန်းဟာ ကမ္ဘာ့ဖလားပြိုင်ပွဲမှာ နော်ဝေအတွက် ၇ ဂိုးသွင်းထားနိုင်ပါတယ်။
သူဟာ ပထမဆုံးဝင်ရောက်ယှဉ်ပြိုင်ခွင့်ရတဲ့ ကမ္ဘာ့ဖလားပြိုင်ပွဲမှာ ပွဲတိုင်း ဂိုးသွင်းထားနိုင်ကာ ဘရာဇီးအား အနိုင်ရတဲ့ ၃၂ သင်းရှုံးထွက်ပွဲစဉ်မှာ ၂ ဂိုးသွင်းနိုင်ခဲ့ပါတယ်။
ဂူဟီက "သူလည်း ကစားဖို့ စိတ်အားထက်သန်နေမယ်ဆိုတာ သိပါတယ်။ စိန်ခေါ်မှုတစ်ခု ဖြစ်လာမှာပါ။ ဒါပေမဲ့ မျက်နှာသိတချို့နဲ့ ရင်ဆိုင်ရတာ ကောင်းပါတယ်။ ကျွန်တော်တို့လည်း အနိုင်ရဖို့ အစွမ်းကုန် ကြိုးပမ်းပါမယ်"လို့ ပြောကြားသွားပါတယ်။
အင်္ဂလန်အသင်းဟာ ပြင်သစ်၊ စပိန်၊ အာဂျင်တီးနားတို့နှင့်အတူ ကမ္ဘာ့ဖလားချန်ပီယံဖြစ်ရန် ရေပန်းအစားဆုံးအသင်းများထဲတွင် ပါဝင်နေပါတယ်။
လက်ရှိအချိန်တွင် ဘရာဇီး၊ ပေါ်တူဂီ၊ ဂျာမနီ၊ နယ်သာလန်တို့ ကမ္ဘာ့ဖလားမှ ထွက်ခွာထားရပြီး ဖြစ်ပါတယ်။
အဆိုပါပွဲစဉ်တွင် အာလင်းဟာလန်းဟာ မန်စီးတီးကစားဖော်များဖြစ်ကြတဲ့ ဂျွန်စတုန်း၊ နီကိုအိုရိုင်လီတို့နှင့်လည်း ရင်ဆိုင်တွေ့ရပါမယ်။
သောမတ်စ်တူချယ်ဟာ မာ့ခ်ဂူဟီနှင့် ကွန်ဆာတို့ကို ပွဲထွက်ဗဟိုနောက်ခံလူအတွဲအဖြစ် အသုံးပြုလာမှာ ဖြစ်ပြီး ဂျွန်စတုန်းကို ဟင်ဒါဆင် ဒဏ်ရာရရှိနေမှုနှင့်အတူ လိုအပ်ပါက ကွင်းလယ်အဖျက်နေရာတွင် အသုံးပြုလာနိုင်ပါတယ်။

အာဂျင်တီးနားအား ရှုံးနိမ့်ပြီးနောက် မမျှမတ ဆက်ဆံခံရသလို မတရားလုပ်ခံရကြောင်း အီဂျစ်ဝေဖန်လာ
======================

အီဂျစ်ဟာ နိုင်ငံသမိုင်းတွင် အကြီးကျယ်ဆုံးကမ္ဘာ့ဖလားရလဒ် ရယူနိုင်မဲ့ အခွင့်အရေးက ၁၂ မိနစ်အတွင်းမှာပဲ အဆုံးသတ်သွားခဲ့ပါတယ်။
အီဂျစ်ဟာ အတ္တလန္တာကွင်းမှာ လက်ရှိ ချန်ပီယံအာဂျင်တီးနားကို ၂-၀ ဂိုးဖြင့် ဦးဆောင်ထားနိုင်ခဲ့ပါတယ်။
အီဂျစ်ဟာ သမိုင်းတွင် ပထမဆုံးအကြိမ်အဖြစ် ကမ္ဘာ့ဖလားကွာတားဖိုင်နယ်သို့ တက် ရောက်နိုင်မဲ့အခွင့်အရေး ရရှိနေခဲ့ပြီလည်း ဖြစ်ပါတယ်။
ဒါပေမဲ့ ချက်ချင်းဆိုသလိုပဲ ပွဲဟာ အကြီးအကျယ် အပြောင်းအလဲ ဖြစ်လာပါတော့တယ်။
ခရစ္စတီယန်ရိုမီရိုက ခေါင်းတိုက်က ချေပဂိုးသွင်းလာသလို မက်ဆီကလည်း ပြန်အံထွက်လာတဲ့ ဘောလုံးကနေ ချေပဂိုးသွင်းလာကာ ၂ ဂိုးစီသရေကျလာပါတယ်။
ယင်းနောက် အချိန်ပို ၂ မိနစ်မှာ ဖာနန်ဒက်ဇ်က ခေါင်းတိုက်ပြီး အာဂျင်တီးနားအတွက် အနိုင်ဂိုးသွင်းလာခဲ့ပါတယ်။
အီဂျစ်အတွက် ဒီပွဲမှာ ကြီးမားတဲ့ ထိုးနှက်ချက်တွေ ကြုံခဲ့ရပါတယ်။ ၁-၀ ဂိုးဖြင့် ဦးဆောင်ထားနိုင်ချိန်မှာ မိုစတာဖာဇစ်ကိုက ဒုတိယဂိုးသွင်းခဲ့ပေမဲ့ ပြစ်ဒဏ်ဘော ကျူးလွန်တယ်ဆိုပြီး VAR က ငြင်းပယ်ခဲ့သလို မာဝန်အက်တီယာက လီဆန်ဒရိုမာတီနက်ဇ်ကို မဆိုစလောက်လေး ထိသွားမှုအပေါ် ပင်နယ်တီပေးခဲ့မှုနှင့် ကြုံခဲ့ရပါတယ်။
ဒါတင်မကသေးပါဘူး။ အာဂျင်တီးနားတို့ အနိုင်ဂိုး မသွင်းမီ အာဂျင်တီးနားပင်နယ်တီဧရိယာအတွင်းမှာ မိုဟာမက်ဆာလက် ပြစ်ဒဏ်ကျူးလွန်ခံခဲ့ရပါသေးတယ်။
ပြင်သစ်ဒိုင်လူကြီးဖရန်ကို့စ်လီတက်စီယာက ပွဲအပြီးခရာမှုတ်လိုက်ချိန်မှာတော့ အီဂျစ်ကစားသမားများဟာ မယုံကြည်နိုင်အောင် ဖြစ်ပြီး ကွင်းအတွင်း ခြေပစ်လက်ပစ် လှဲချခဲ့ကြပါတယ်။
ပွဲအပြီး အင်တာဗျူးမှာတော့ အီဂျစ်နည်းပြဟိုဆမ်ဟက်စ်ဆန်က ၎င်းတို့အသင်းမှာ မမျှမတ ဆက်ဆံခြင်းခံခဲ့ရသလို မတရားမှုရဲ့ သားကောင်းဖြစ်ခဲ့ရကြောင်း ဝေဖန် ပြောကြားသွားပါတယ်။
ဟက်စ်ဆန်က "ကွင်းတွင်း ကွင်းပြင် မေးခွန်းထုတ်စရာတွေက အများကြီးပါ။ အားလုံးက အပြုသဘောမဆောင်တာတွေ ချည်းပါ။ အဖြစ်အပျက်တွေ ဘယ်လို ဖြစ်ပျက်ခဲ့တယ်ဆိုတာ ယုံနိုင်စရာ မရှိဘူး။ သူတို့က ကမ္ဘာ့ချန်ပီယံကို ပြိုင်ပွဲမှာ ဆက်ထိန်းချင်တယ်၊ သူတို့ မက်ဆီကို ပြိုင်ပွဲမှာ ဆက်ထားချင်တယ်"လို့ ပြောကြားသွားပါတယ်။
ယခုပွဲစဉ်တွင် ပင်နယ်တီကာကွယ်မှု၊ ခွင့်မပြုတဲ့ဂိုး၊ အနီကတ်၊ မယုံကြည်နိုင်စရာ Comeback တို့ကို မြင်ခဲ့ရပါတယ်။
အာဂျင်တီးနားဟာ ကမ္ဘာ့ဖလားကွာတားဖိုင်နယ်တွင် ဆွစ်ဇာလန်နှင့် ရင်ဆိုင်ကစားရပါမယ်။ ဆွစ်ဇာလန်မှာ ၁၆ သင်း ရှုံးထွက်အဆင့်တွင် ကိုလံဘီယာအား ပင်နယ်တီအဆုံးအဖြတ်ဖြင့် အနိုင်ရရှိကာ ကွာတားဖိုင်နယ်သို့ တက်လာတာပါ။

ပေါ်တူဂီအား အနိုင်ရတဲ့ပွဲစဉ်အဖြစ် အဖြစ်အပျက်တွင် ဘာနာဒိုဆေးလ်ဗားကို ရိုဒရီ တောင်းပန်လာ
====================

ရိုဒရီဟာ ပေါ်တူဂီအား စပိန်တို့ ၁-၀ ဖြင့် အနိုင်ရတဲ့ ကမ္ဘာ့ဖလား ၁၆ သင်းရှုံးထွက်အဆင့်ပွဲစဉ်မှ အဖြစ်အပျက်အတွက် ကစားဖော်ဟောင်ဘာနာဒိုဆေးလ်ဗားကို တောင်းပန်ခဲ့ပါတယ်။
လက်ရှိ ယူရိုချန်ပီယံဟာ မီခေးလ်မီရီနိုရဲ့ နောက်ကျအနိုင်ဂိုးဖြင့် ခရစ္စတီယာနိုရော်နယ်ဒိုရဲ့ ပေါ်တူဂီအား ၁-၀ ဖြင့် အနိုင်ယူကာ ကမ္ဘာ့ဖလားမှ ကန်ထုတ်ခဲ့ပါတယ်။
ပွဲပြီးခါနီးတွင် ပေါ်တူဂီတို့ အခွင့်အရေး ရရှိလာခဲ့တဲ့ ရီးရဲလ်မက်ဒရစ်ကစားသမားသစ် ဖြစ်လာတော့မဲ့ ဘာနာဒိုဆေးလ်ဗားဟာ ဂိုးအဖြစ် မပြောင်းလဲနိုင်ခဲ့ပါဘူး။
ပေါ်တူဂီကွင်းလယ်လူဟာ မန်စီးတီးတွင် ၉ နှစ်ကြာ ကစားပြီးနောက် ထွက်ခွာလာခဲ့သူဖြစ်ပြီး အီတီဟတ်တွင် ရိုဒရီနှင့် ၇ နှစ်ကြာ တွဲကစားခဲ့သူလည်း ဖြစ်ပါတယ်။
ကွင်းလယ်အဖျက်ကစားသမားဟာ ခေါင်းတိုက်ချက်လွဲချော်သွားလို့ စိတ်ပျက်နေတဲ့ ဆေးလ်ဗားအပေါ်တွင် ရပ်ကာ အောင်ပွဲခံခဲပါတယ်။ ထိုအခါ ဘာနာဒိုဆေးလ်ဗားက ဒေါသပေါက်ကွဲပြီး တုံပြန်ရာ ကြိုးပမ်းခဲ့ပါတယ်။ ဒါကြောင့်လည်း စပိန်ကစားသမားများ ကြားဝင် လူခွဲဖြေဖျန်မှု ပြုလုပ်ခဲ့ပါတယ်။
ပွဲအပြီးမှာတော သူ့အမှားကို သိတဲ့ အသက် ၃၀ နှစ်ရှိ ရိုဒရီက "နောက်ကျခေါင်းတိုက်ချက် လွဲသွားလို့ အောင်ပွဲခံမှုအတွက် ဘာနာဒိုဆေးလ်ဗားကို တောင်းပန်ပါတယ်။ ဒါက ကျွန်တော့်အမှားပါ"လို့ ပြောကြားသွားပါတယ်။
၎င်းတို့နှစ်ဦးဟာ မန်စီးတီးတွင် ၂၄၈ ပွဲ အတူတကွ ကစားလာခဲ့ပြီး ၂၀၂၃ ခုနှစ်တုန်းက သမိုင်းဝင် ဆုဖလား ၃ လုံး အတူတကွဲ ရယူခဲ့ကြသူများဖြစ်ပါတယ်။
စပိန်ဟာ သောကြာနေ့တွင် ကမ္ဘာ့ဖလားကွာတားဖိုင်နယ်အဖြစ် ဘယ်ဂျီယံနှင့် ရင်ဆိုင်ကစားရပါမယ်။

အမေရိကန်ကို အနိုင်ယူပြီးနောက် ဒေါ်နယ်ထရမ့်ကို လှောင်ပြောင်ကာ ကခဲ့ကြတဲ့ ဘယ်ဂျီယံစတားများ
======================

ဘယ်ဂျီယံစတားများဟာ ကမ္ဘာ့ဖလား ၁၆ သင်း ရှုံးထွက်အဆင့်တွင် အမေရိကန်ကို အနိုင်ယူပြီးနောက် ဒေါ်နယ်ထရမ့်အား လှောင်ပြောင်မှု ပြုလုပ်ခဲ့ကြပါတယ်။
ဘယ်ဂျီယံဟာ ဆက်တယ်တွင် အမေရိကန်အား ၄-၁ ဖြင့် အနိုင်ယူကာ ကမ္ဘာ့ဖလားကွာတားဖိုင်နယ်သို့ တက်ရောက်နိုင်ခဲ့ပါတယ်။
ဒါပေမဲ့ ယင်းပွဲမတိုင်မီ ဖီဖာဟာ အမေရိကန်တိုက်စစ်မှူးဘာလိုဂန်အား ဒေါ်နယ်ထရမ့်ရဲ့ တောင်းဆိုမှုကြောင့် ၁ ပွဲပယ်အား ဆိုင်းငံ့ပြစ်ဒဏ်အဖြစ် အငြင်းပွားဖွယ် ပြောင်းလဲခဲ့ပါတယ်။
ဘာလိုဂန်ဟာ ဘော့စနီးယားအား အနိုင်ရတဲ့ ကမ္ဘာ့ဖလား ၃၂ သင်း ရှုံးထွက်အဆင့်ပွဲစဉ်တွင် အနီကတ်ပြထုတ်ပယ်ခြင်းခံခဲ့ရကာ ၁ ပွဲပယ်အလိုအလျှောက်ခံရမှာ ဖြစ်ပေမဲ့လည်း ဖီဖာဟာ ဒေါ်နယ်ထရမ့်ရဲ့ တောင်းဆိုမှုကြောင့် ဆိုင်းငံ့ပြစ်ဒဏ်အဖြစ် ပြောင်းလဲချမှတ်ခဲ့ပါတယ်။
အထက်ပါ အငြင်းပွားဖွယ် ဆုံးဖြတ်ချက်အတွက် ဖီဖာဟာ ဘယ်ဂျီယံဘောလုံးအဖွဲ့ချုပ်နှင့် ယူအီးအက်ဖ်အေတို့ရဲ့ ဝေဖန်မှုများ ခံခဲ့ရပါတယ်။
ဘယ်ဂျီယံဟာ အမေရိကန်ကို ရှုံးနိမ့်ပါက ယင်းဆုံးဖြတ်ချက်အား အားကစားသမာဓိခုံရုံးတွင် အမှုဖွင့်ရန် စီစဉ်ထားပြီးလည်း ဖြစ်ပါတယ်။
ဒါပေမဲ့ ဘယ်ဂျီယံဟာ အမေရိကန်ကို ၄-၁ ဖြင့် ပြတ်သားစွာ အနိုင်ယူကာ ကွာတားဖိုင်နယ်သို့ တက်နိုင်ခဲ့ပါတယ်။
ပွဲအပြီးမှာတော့ ဘယ်ဂျီယံကစားသမားများဟာ ဒေါ်နယ်ထရမ့်လို လက်ကို အနည်းငယ်လှုပ်ရှားပြီး ကကာ အောင်ပွဲခံခဲ့ကြပါတယ်။
ဒေါ်နယ်ထရမ့်ဟာ သူ့အသက်အရွယ်ကြောင့် လက်ကို အနည်းငယ်သာ လှုပ်ကာ ကနိုင်တာလည်း ဖြစ်ပါတယ်။
အမေရိကန်နှင့်အတူ ပူးတွဲအိမ်ရှင်များဖြစ်ကြတဲ့ မက္ကဆီကိုနှင့် ကနေဒါတို့မှာလည်း ကမ္ဘာ့ဖလား ၁၆ သင်း ရှုံးထွက်အဆင့်တွင် အင်္ဂလန်၊ မော်ရိုကိုတို့အား ရှုံးနိမ့်ကာ ထွက်ခွာထားရပါတယ်။

ကွင်းလယ်ပြဿနာရှိနေမှုကြောင့် မော်ရိုကိုနှင့် ကမ္ဘာ့ဖလားပြိုင်ပွဲတွင် ပြင်သစ်အတွက် ပွဲထွက်ခွင့်ရလာဖို့ ရှိနေတဲ့ ကန်တီ
====================

အန်ဂိုလိုကန်တီဟာ မော်ရိုကိုနှင့် ကမ္ဘာ့ဖလားကွာတားဖိုင်နယ်ပွဲစဉ်တွင် ပြင်သစ်ပွဲထွက်လူစာရင်းတွင် ပြန်လည်ပါဝင်လာဖို့ ရှိနေပါတယ်။
အသက် ၃၅ နှစ်ရှိ လက်စတာနှင့် ချဲလ်ဆီးကွင်းလယ်ကစားသမားဟောင်းဟာ ဒီဒီယာဒက်ချမ့်ရဲ့ ပြင်သစ် ၂၆ ဦးလူစာရင်းတွင် ပါဝင်ပေမဲ့လည်း ကစားခွင့်မရသေးပါဘူး။
ဖေဖော်ဝါရီလတုန်းက ဖီနာဘာချီသို့ ပြောင်းခဲ့တဲ့ ကန်တီဟာ ပြင်သစ်အသင်းတွင် ကွင်းလယ်ပြဿနာကြုံနေရမှုနှင့်အတူ ပွဲထွက်ကစားခွင့်ရလာဖို့ ရှိနေပါတယ်။
ပြင်သစ်ရဲ့ အဓိကွင်းလယ်ကစားသမားချူအာမီနီမှာ ဒဏ်ရာကြောင့် မော်ရိုကိုနှင့်ပွဲစဉ်ကို လွဲချော်လာဖို့ ရှိနေပါတယ်။
ယူနိုက်တက်ပစ်မှတ်ဟာ ပြီးခဲ့တဲ့အပတ်တုန်းက ပေါင်ကြွက်သားဒဏ်ရာပြဿနာကြုံလာခဲ့တာ ဖြစ်ပြီး ပါရာဂွေးအား အနိုင်ရတဲ့ ၁၆ သင်း ရှုံးထွက်အဆင့်ပွဲစဉ်ကို လွဲချော်ခဲ့ပါတယ်။
တဖက်တွင် ပြင်သစ်ဟာ ဆီမီးဖိုင်နယ်ပွဲစဉ်အား လွဲချော်လာနိုင်ခြေ ရှိနေမှုနှင့်အတူ ကိုနေးအား အနားပေးရဖို့ ရှိနေပါတယ်။
ရိုးမားကွင်းလယ်ကစားသမားဟာ ပါရာဂွေးနှင့်ပွဲတွင် အဝါကတ်ပြသခံခဲ့ရပြီး မော်ရိုကိုနှင့်ပွဲတွင် အဝါကတ်ပြသခြင်းခံရပါက ဆီမီးဖိုင်နယ်အား လွဲချော်လာပါမယ်။
ယင်းသို့ အခြေအနေများကြောင့် ကန်တီမှာ ပြင်သစ်ပွဲထွက်လူစာရင်းတွင် ပါဝင်လာနိုင်မဲ့ အခွင့်အရေးများ ရရှိနေတာလည်း ဖြစ်ပါတယ်။
ပရီးမီးယားလိဂ်ဖလား ၂ ကြိမ် ရရှိထားတဲ့ စတားဟာ ၂၀၁၈ ကမ္ဘာ့ဖလားဗိုလ်လုပွဲတွင် ခရိုအေးရှားကို အနိုင်ရပြီးနောက် ပြင်သစ်နှင့်အတူ ပထမဆုံးကမ္ဘာ့ဖလားကစားခွင့်ရလာတာ ဖြစ်လာပါမယ်။
ကန်တီအတွက် ပြင်သစ်အတွက် နောက်ဆုံးအကြိမ် ပွဲထွက်ကစားခွင့်ရခဲ့တာ မတ်လတုန်းက ကိုလံဘီယာကို အနိုင်ရတဲ့ ခြေစမ်းပွဲမှာ ဖြစ်ပါတယ်။
ဒါ့အပြင် ကန်တီအနေဖြင့် ပြင်သစ်ပွဲထွက်ကစားခွင့် နေရာအတွက် ပီအက်စ်ဂျီရဲ့ ဝါရန်းဇိုင်ရီအမ်မရီနှင့် ယှဉ်ပြိုင်ရပါဦးမယ်။

တောင်အာဖရိကတွင် သေနတ်ဖြင့် ပစ်ခတ်ခံခဲ့ရပေမဲ့ အသက်ရှင်ခဲ့တဲ့ ဇမ်ဘာဘွေစတား
==================

ဇမ်ဘာဘွေလက်ရွေးစင်ကစားသမားဒီဗိုင်းလန်ဂါဟာ ဂျိုဟန်နက်စ်ဘတ်တွင် သေနတ်ဖြင့် ပစ်ခတ်တိုက်ခိုက်မှုခံခဲ့ရပေမဲ့ အသက်ရှင်သန်နေခဲ့ကြောင်း ရဲတပ်ဖွဲ့က အတည်ပြု ကြေညာလာပါတယ်။
အသက် ၃၁ နှစ်ရှိ ဘောလုံးစတားဟာ တနင်္ဂနွေနေ့တုန်းက ဟီးဘရိုးတွင် ကားမောင်းနေစဉ် အမည်မသိ သေနတ်သမားတစ်ဦးရဲ့ ပစ်ခတ်လုပ်ကြံခြင်းခံခဲ့ရတာပါ။
လန်ဂါဟာ ဇမ်ဘာဘွေလက်ရွေးစင်တစ်ဦး ဖြစ်သလို တောင်အာဖရိကထိပ်သီးကလပ် Mamelodi Sundowns တွင်လည်း ကစားနေသူ ဖြစ်ပြီး ကံကောင်းထောက်မစွာ တစုံတရာ ဒဏ်ရာရရှိခဲ့ခြင်း မရှိပါဘူး။
တောင်အာဖရိကတွင် ဒုစရိုက်မှုများက အဓိကပြဿနာတစ်ရပ် ဖြစ်နေပြီး ကမ္ဘာ့လူသတ်မှုအများဆုံးဖြစ်ရာ နိုင်ငံများထဲမှ တစ်နိုင်ငံအဖြစ်လည်း ရပ်တည်နေပါတယ်။
ရဲတပ်ဖွဲ့က ယင်းအမှုကို စုံစမ်းစစ်ဆေးမှုများ ပြုလုပ်နေပေမဲ့လည်း မည်သည့်သံသယရှိသူကိုမျှ ဖမ်းဆီးနိုင်ခြင်း မှရိသေးကြောင်း ဆိုထားပါတယ်။
လန်ဂါဟာ ညီဖြစ်သူနှင့် ဘုရားကျောင်းသို့ သွားနေစဉ် သူတိုရဲ့ကားကို ပစ်ခတ်တာနှင့် ကြုံခဲ့ရတာပါ။ ရဲတပ်ဖွဲက လန်ဂါမှာ မှားယွင်းပစ်ခတ်ခြင်းခံရတာမျိုးလည်း ဖြစ်နိုင်ကြောင်း သုံးသပ်နေကြပါတယ်။
လန်ဂါဟာ ဇမ်ဘာဘွေလက်ရွေးစင်အသင်းအတွက် ၂၁ ပွဲကစားထားသူ ဖြစ်ပါတယ်။

ပဲရစ်အက်ဖ်စီနည်းပြသစ်အဖြစ် ခန့်အပ်ခြင်းခံလာရတဲ့ ချဲလ်ဆီးနည်းပြဟောင်းရိုဆင်နီယာ
===================

လီယမ်ရိုဆင်နီယာဟာ ပြီးခဲ့တဲ့ ဧပြီလတုန်းက ချဲလ်ဆီးနည်းပြရာထူးမှ ထုတ်ပယ်ခြင်းခံရပြီးနောက် ပဲရစ်အက်ဖ်စီနည်းပြသစ်အဖြစ် ခန့်အပ်ခြင်းခံလာရပါတယ်။
အသက် ၄၁ နှစ်ရှိ နည်းပြဟာ စတမ်းဖို့ဒ်ဘရစ်ချ်တွင် လေးလမျှသာ ကိုင်တွယ်ခွင့်ရခဲ့သူ ဖြစ်ပါတယ်။ ယခုအခါမှာတော့ သူဟာ ပဲရစ်အခြေစိုက်ကလပ်အား တစ်နှစ်သက်တမ်းတိုးနိုင်မဲ့အချက်ပါ ၂ နှစ်စာချုပ်ဖြင့် ကိုင်တွယ်လာပါတော့မယ်။
ရိုဆင်နီယာဟာ ချဲလ်ဆီးအား မကိုင်တွယ်မီ စထရာဘော့အား ကိုင်တွယ်ခဲ့ဖူးသူ ဖြစ်ပါတယ်။
ပဲရစ်အက်ဖ်စီကို Arnault မိသားစုက ပိုင်ဆိုင်တာ ဖြစ်ပြီး ရက်ဘူးလ်ကလည်း ရှယ်ယာအချို့ ပိုင်ဆိုင်ပါတယ်။
ရိုဆင်နီယာဟာ ဇန်နဝါရီလတုန်းက လက်ရှိ မန်စီးတီးနည်းပြအန်ဇိုမာရက်စ်ကာနေရာမှာ ချဲလ်ဆီးနည်းပြသစ်အဖြစ် ခန့်အပ်ခြင်းခံခဲ့ရပါတယ်။
ဒါပေမဲ့ သူဟာ နောက်ဆုံးကိုင်တွယ်တဲ့ ပရီးမီးယားလိဂ် ၅ ပွဲဆက် ရှုံးနိမ့်ပြီးနောက် ဧပြီလမှာတော့ ထုတ်ပယ်ခြင်းခံခဲ့ရပါတယ်။
သူဟာ ချဲလ်ဆီးရဲ့ ညီအစ်မကလပ် စထရာဘော့ကို ကိုင်တွယ်စဉ်တုန်းက ၂၀၂၄-၂၅ ရာသီတုန်းက ဥရောပထိပ်သီးလိဂ်ကြီး ၅ ခုတွင် အသက်အငယ်ဆုံးအသင်းဖြင့် ကွန်ဖရင့်လိဂ်ဝင်ခွင့်ရရှိအောင် စွမ်းဆောင်ပေးနိုင်ခဲ့သူ ဖြစ်ပါတယ်။
သူဟာ ယင်းမတိုင်မီ ဟားလ်စီးတီးကို ချန်ပီယံရှစ်တွင် ကိုင်တွယ်ခဲ့ရာ ပထမရာသီတွင် အဆင့် ၁၅ နေရာမှာ ရပ်တည်နိုင်ပြီးနောက် ဒုတိယရာသီတွင် အဆင့် ၇ ဖြင့် ပလေးအော့ဖ်ဝင်ခွင်ရအောင် စွမ်းဆောင်နိုင်ခဲ့ပေမဲ့ ပလေးအော့ဖ်မှ ထွက်ခွာရချိန်တွင် ထုတ်ပယ်ခြင်းခံခဲ့ရပါတယ်။

စပိန်ကို ကမ္ဘာ့ဖလားတွင် ရှုံးနိမ့်ပြီးနောက် သတင်းစာရှင်းလင်းပွဲမှ မေးခွန်းတစ်ခုမှ မဖြေဘဲ ဒေါသတကြီးထွက်ခွာသွားခဲ့တဲ့ ရူဘင်ဒီယာ့စ်
=================

မန်စီးတီးစတားရူဘင်ဒီယာ့စ်ဟာ ပေါ်တူဂီတို့ ကမ္ဘာ့ဖလားမှ ထွက်ခွာခဲ့ရပြီးနောက် သတင်းစာရှင်းလင်းပွဲမှ မေးခွန်းတစ်ခုမှ ဖြေကြားမှု မပြုလုပ်ဘဲ ဒေါသတကြီးထွက်ခွာသွားခဲ့ပါတယ်။
ပေါ်တူဂီဟာ ယနေ့နံနက်ပိုင်းတုန်းက စပိန်တို့ အာဆင်နယ်စတားမီခေးလ်မီရီနိုရဲ့ နောက်ကျဂိုးဖြင့် ၁-၀ ဂိုးဖြင့် ရှုံးနိမ့်ကာ ကမ္ဘာ့ဖလား ၃၂ သင်း ရှုံးထွက်အဆင့်မှ ထွက်ခဲ့ရပါတယ်။
ပွဲအပြီးတွင် မန်စီးတီးစတားရူဘင်ဒီယာ့စ်ဟာ သတင်းစာရှင်းလင်းပွဲသို့ တက်ရောက်လာခဲ့ပါတယ်။
ယင်းသတင်းစာရှင်းလင်းပွဲတွင် ပေါ်တူဂီအသင်းရဲ့မီဒီယာအော်ဖစ်ဆာက ပေါ်တူဂီသတင်းထောက်တစ်ဦးအား ပထမ မေးခွန်းမေးဖို့ ပြောဆိုခဲ့ပါတယ်။
ဒါပေမဲ့ ယင်းအချိန်တွင် အသက် ၃၀ နှစ်ရှိ စပိန်စတားမီရီနီုကလည်း သတင်းစာရှင်းလင်းပွဲတွင် နီးကပ်စွာ ရှိနေခဲ့ပါတယ်။
ဒါကြောင့်လည်း ဒေါသထွက်နေတဲ့ ဒီယာ့စ်ဟာ မေးခွန်းတစ်ခုမျှ ဖြေကြားခြင်း မပြုလုပ်ဘဲ ထွက်ခွာသွားပါတော့တယ်။
စပိန်အသင်းမှ သတင်းစာရှင်းလင်းပွဲသို့ ကစားသမား ၃ ဦး တက်ရောက်ခဲ့ပါတယ်။
တဖက်တွင် ပေါ်တူဂီအသင်းမှ အသင်းခေါင်းဆောင်ခရစ္စတီယာနိုရော်နယ်ဒိုက သတင်းစာရှင်းလင်းပွဲသို့ တက်ရောက်ကာ မေးခွန်းများအား ဖြေကြားခဲပါတယ်။
သတင်းစာရှင်းလင်းပွဲတင် ရော်နယ်ဒိုက ၂၀၂၆ ကမ္ဘာ့ဖလားက သူ့ရဲ့နောက်ဆုံးကမ္ဘာ့ဖလားဖြစ်ကြောင်း၊ သို့ရာတွင် ပေါ်တူဂီအသင်းအတွက် ဆက်ကစားသွားနိုင်သေးကြောင်း ပြောကြားသွားပါတယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ
( ၂၀၂၆ - ဇူလိုင် ၉ ၊ နံနက် ၁၀ နာရီ)

#ရွှေဈေး
-ကမ္ဘာ့ရွှေဈေး
တအောင်စ ၄၀၆၀ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၆,၉၅၀,၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉,၅၈၀,၀၀၀ ကျပ်
ဝယ်ဈေး ၉,၅၄၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၉,၁၈၀,၀၀၀ ကျပ်
ဝယ်ဈေး ၉,၁၄၀,၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉,၄၆၀,၀၀၀ ကျပ်
ဝယ်ဈေး ၉,၄၂၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၉,၀၆၀,၀၀၀ ကျပ်
ဝယ်ဈေး ၉,၀၂၀,၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)
#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၆၃ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၃၉၀ ကျပ်
ဝယ်ဈေး - ၄၂၉၀ ကျပ်
-စင်္ကာပူဒေါ်လာ
ရောင်းဈေး - ၃၃၆၀ ကျပ်
ဝယ်ဈေး - ၃၂၆၀ ကျပ်
-ယူရို
ရောင်းဈေး - ၅၀၁၅ ကျပ်
ဝယ်ဈေး - ၄၈၈၅ ကျပ်
-ထိုင်းဘတ်
ရောင်းဈေး - ၁၃၁.၈ ကျပ်
ဝယ်ဈေး - ၁၂၈.၅ ကျပ်
-မလေးရှားရင်းဂစ်
ရောင်းဈေး - ၁၀၈၀ ကျပ်
ဝယ်ဈေး - ၁၀၅၂ ကျပ်
-တရုတ်ယွမ်
ရောင်းဈေး - ၆၄၇ ကျပ်
ဝယ်ဈေး - ၆၃၁ ကျပ်
-ဂျပန်ယန်း
ရောင်းဈေး - ၂၇.၁၄ ကျပ်
ဝယ်ဈေး - ၂၆.၅ ကျပ်
-အိန္ဒိယရူပီး
ရောင်းဈေး - ၄၅.၇၇ ကျပ်
ဝယ်ဈေး - ၄၄.၆၂ ကျပ်
-ကိုရီးယားဝမ်
ရောင်းဈေး - ၂.၉၂ ကျပ်
ဝယ်ဈေး - ၂.၈၄ ကျပ်
-စတာလင်ပေါင်
ရောင်းဈေး - ၅၈၇၄ ကျပ်
ဝယ်ဈေး - ၅၇၂၇ ကျပ်
-ဩစတြေးလျဒေါ်လာ
ရောင်းဈေး - ၃၀၅၃ ကျပ်
ဝယ်ဈေး - ၂၉၇၅ ကျပ်
-ကနေဒါဒေါ်လာ
ရောင်းဈေး - ၃၀၉၃ ကျပ်
ဝယ်ဈေး - ၃၀၁၃ ကျပ်
-ဟောင်ကောင်ဒေါ်လာ
ရောင်းဈေး - ၅၆၆ ကျပ်
ဝယ်ဈေး - ၅၅၁ ကျပ်
-ယူအေအီး
ရောင်းဈေး - ၁၁၉၈ ကျပ်
ဝယ်ဈေး - ၁၁၆၈ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
*****************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ