ထိုင်းအစိုးရက မြန်မာလုပ်သား ၁.၈ သန်းအတွက် နေထိုင်လုပ်ကိုင်ခွင့် ၆ လ ထပ်တိုးပေးမည်

ထိုင်းအစိုးရက မြန်မာအလုပ်သမား ၁.၈ သန်းခန့်ကို ထိုင်းနိုင်ငံအတွင်း အထူးအခွင့်အရေးတစ်ရပ်အနေနဲ့ နေထိုင်လုပ်ကိုင်ခွင့် ၆ လ ထပ်တိုးပေးမှာဖြစ်ကြောင်း ထိုင်းနိုင်ငံ၊ အလုပ်သမားဝန်ကြီးဌာနမှ သိရပါတယ်။
မေလ ၂၈ ရက်နေ့က ပြုလုပ်ခဲ့တဲ့ ထိုင်းနိုင်ငံ၊ အလုပ်သမားဝန်ကြီးဌာနမှ နိုင်ငံခြားအလုပ်သမားများ နေထိုင်အလုပ်လုပ်ခွင့် သက်တမ်းတိုးရေး အစည်းအဝေးမှာ အထက်ပါအတိုင်း ဆုံးဖြတ်ခဲ့တာပါ။
နေထိုင်လုပ်ကိုင်ခွင့် သက်တမ်းတိုးလုပ်ငန်းစဉ်ကို သတ်မှတ်ကာလအတွင်း ဆောင်ရွက်နိုင်ဖို့ အခုလို သက်တမ်းတိုးပေးတာဖြစ်ပြီး သတ်မှတ်ထားတဲ့ လုပ်ငန်းစဉ်တွေ ဆောင်ရွက်ပြီးရင် အလုပ်လုပ်ကိုင်ခွင့်သက်တမ်း ၂ နှစ် ရရှိမယ်လို့ ဆိုပါတယ်။
အလုပ်သမားဝန်ကြီးဌာနအနေနဲ့ လုပ်ငန်းကဏ္ဍအတွင်း အလုပ်သမားရှားပါးမှုနဲ့ အလုပ်သမားတွေ တရားမဝင်ဖြစ်မလာအောင် တားဆီးဖို့အတွက် အစိုးရအဖွဲ့ထံ အမြန်ဆုံး တင်ပြသွားမယ်လို့ သိရပါတယ်။
ထိုင်းအစိုးရအနေနဲ့ ၂၀၂၅ ခုနှစ် ဖေဖော်ဝါရီ ၁၄ ရက်မှ စတင်ကာ အလုပ်လုပ်ကိုင်ခွင့် ဗီဇာကုန်ဆုံးခဲ့တဲ့ မြန်မာလုပ်သားတွေ ထပ်မံသက်တမ်းတိုးလုပ်ငန်းစဉ်တွေ ဆောင်ရွက်နိုင်ဖို့ ဩဂုတ်လ ၁၃ ရက်နေ့အထိ ယာယီနေထိုင်အလုပ်လုပ်ကိုင်ခွင့် ပေးခဲ့ပါတယ်။
သို့ပေမယ့် နေထိုင်လုပ်ကိုင်ခွင့် သက်တမ်းတိုးလုပ်ငန်းစဉ်ကို အချိန်မီ မလုပ်ဆောင်ပေးနိုင်တဲ့အတွက် ထိုင်းအစိုးရက နောက်ထပ် ၆ လ ထပ်မံတိုးပေးတာ ဖြစ်ပါတယ်။
ဒါ့ကြောင့် သက်တမ်းတိုးလုပ်ဆောင်ထားသူတွေအနေနဲ့ ၂၀၂၅ ခုနှစ် ဩဂုတ် ၁၄ ရက်မှ ၂၀၂၆ ခုနှစ် ဖေဖော်ဝါရီ ၁၃ ရက်နေ့အထိ ယာယီနေထိုင် အလုပ်လုပ်ကိုင်ခွင့်ရရှိတယ်လို့ နားလည်ရပါတယ်။
ထိုကာလအတွင်း လုပ်သားတွေက ကျန်းမာရေးစစ်ဆေးမှုခံယူတာ၊ ကျန်းမာရေးအာမခံရယူတာ၊ မှတ်ပုံတင်မှတ်တမ်းအချက်အလက်တွေ Update လုပ်ဖို့နဲ့ ထိုင်းနိုင်ငံသားမဟုတ်သူတွေအတွက် သက်သေခံကတ်ပြားရယူဖို့ လိုအပ်မယ်လို့ သိရပါတယ်။
မည်သူမည်ဝါဖြစ်ကြောင်း သက်သေခံလက်မှတ် (C.I) သက်တမ်းတိုးလုပ်ငန်းစဉ်တွေကိုလည်း ယခုလအတွင်း ဖွင့်လှစ်ဆောင်ရွက်ပေးသွားမယ်လို့ သိရပါတယ်။

မြန်မာအပါအဝင် နိုင်ငံအများအပြားကို အမေရိကန်က ပြည်ဝင်ခွင့်ပိတ်

အမေရိကန်ကို အန္တရာယ်ရှိတဲ့ ပြည်ပနိုင်ငံသားတွေရန်က ကာကွယ်ဖို့ နိုင်ငံအများအပြားက နိုင်ငံသားတွေ လာရောက်ခွင့်ကို ပိတ်ပင်တားမြစ်တဲ့ အမိန့်တရပ်ကို သမ္မတဒေါ်နယ်ထရန့်က လက်မှတ်ထိုး ထုတ်ပြန်လိုက်တယ်လို့ အိမ်ဖြူတော်က ပြောပါတယ်။
ဒီအမိန့်မှာတော့ အာဖဂန်နစ္စတန်၊ မြန်မာ၊ ချဒ်၊ ကွန်ဂို ၊ အီကွေတိုရီရယ်ဂီနီ၊ အီရီထရီးယား၊ ဟေတီ၊ အီရန်၊ လစ်ဗျား၊ ဆိုမာလီယာ၊ ဆူဒန်နဲ့ ယီမင်နိုင်ငံသားတွေ လာရောက်မှုကို အပြည့်အ၀ကန့်သတ်ထားပါတယ်။
အခြေား ခုနှစ်နိုင်ငံဖြစ်တဲ့ ဘူရွန်ဒီ၊ ကျူးဘား၊ လာအို၊ ဆီယာလီယွန်၊ တိုဂို၊ တာ့ခ်မင်နစ္စတန်နဲ့ ဗင်နီဇွဲလားနိုင်ငံသားတွေ ဝင်ရောက်မှုကိုတော့ တစိတ်တပိုင်း ကန့်သတ်ထားမှာဖြစ်ပါတယ်။
ပြည်ဝင်ခွင့် အလုံးစုံပိတ်ပင်ခံရတဲ့နိုင်ငံတွေဟာ စိစစ်တာနဲ့ စစ်ဆေးတဲ့လုပ်ငန်းစဉ်တွေမှာ ချို့ယွင်းချက်တွေရှိနေပြီး အမေရိကန်အတွက် အလွန်အန္တရာယ်မြင့်မားတာကို တွေ့ရှိရတယ်လို့ အိမ်ဖြူတော်က ထုတ်ပြန်ထားပါတယ်။
ဒီအမိန့်ဟာ ဇွန် ၉ ရက် အရှေ့ပိုင်း စံတော်ချိန် နံနက် ၁၂ နာရီ ၁ မိနစ်မှာ စတင်သက်ဝင်မယ်လို့ အိမ်ဖြူတော်က ဆိုပါတယ်။ အဲဒီနေ့မတိုင်ခင် ထုတ်ပြန်ပေးထားတဲ့ ပြည်ဝင်ခွင့်တွေကိုတော့ ရုပ်သိမ်းမှာ မဟုတ်ဘူးလို့ ဆိုပါတယ်။
ကမ္ဘာ့ဖလားနဲ့ အိုလံပစ်ပြိုင်ပွဲဝင် အားကစားသမားတွေ၊ နည်းပြတွေနဲ့ ဆွေမျိုးတွေကတော့ ပြည်ဝင်ခွင့် ပိတ်ပင်တာကနေ ကင်းလွတ်ခွင့်ရရှိမှာ ဖြစ်ပါတယ်။ ဥရောပမှာ ဖြစ်ပွားနေတဲ့ အကြမ်းဖက်မှုတွေ အမေရိကန်မှာ အဖြစ်မခံမှာမဟုတ်ဘူးလို့ ထရန့်ကပြောပါတယ်။
လုံခြုံပြီး ယုံကြည်လို့မရတဲ့ ဘယ်နိုင်ငံကိုမဆို အမေရိကန်ကို ပွင့်လင်းမြင်သာ တရားဝင်ရွှေ့ပြောင်းနေထိုင်ခွင့် ရမှာမဟုတ်ဘူးလို့ သူကပြောပါတယ်။
ဒေါ်နယ်ထရန့်ဟာ သူ့ရဲ့ ပထမအကြိမ် သမ္မတသက်တမ်းတုန်းကလည်း မွတ်ဆလင်နိုင်ငံအများအပြားအပေါ် ခရီးသွားလာခွင့် ပိတ်ပင်ကန့်သတ်မှုတွေ ပြုလုပ်ခဲ့ပြီး လက်ရှိ ပိတ်ပင်တားမြစ်မှုဟာ သူ့ရဲ့ ၂၀၂၄ ခုနှစ် သမ္မတမဲဆွယ်ပွဲ ကတိကဝတ်တခုလည်း ဖြစ်ပါတယ်။
Ref:CNA
Photo:AFP

#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၅၉၉ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၄၄၀ ကျပ်
ဝယ်ဈေး - ၄၃၈၀ ကျပ်
-စင်္ကာပူဒေါ်လာ
ရောင်းဈေး - ၃၄၃၅ ကျပ်
ဝယ်ဈေး - ၃၃၈၅ ကျပ်
-ယူရို
ရောင်းဈေး - ၅၀၅၀ ကျပ်
ဝယ်ဈေး - ၄၉၅၀ ကျပ်
-ထိုင်းဘတ်
ရောင်းဈေး - ၁၃၆.၀၅ ကျပ်
ဝယ်ဈေး - ၁၃၃.၃၃ ကျပ်
-မလေးရှားရင်းဂစ်
ရောင်းဈေး - ၁၀၅၀ ကျပ်
ဝယ်ဈေး - ၁၀၃၅ ကျပ်
-တရုတ်ယွမ်
ရောင်းဈေး - ၆၁၆ ကျပ်
ဝယ်ဈေး - ၆၀၄ ကျပ်
-ဂျပန်ယန်း
ရောင်းဈေး - ၃၀.၈၀ ကျပ်
ဝယ်ဈေး - ၃၀.၁၈ ကျပ်
-အိန္ဒိယရူပီး
ရောင်းဈေး - ၅၁.၅၁ ကျပ်
ဝယ်ဈေး - ၅၀.၄၈ ကျပ်
-ကိုရီးယားဝမ်
ရောင်းဈေး - ၃.၂၆ ကျပ်
ဝယ်ဈေး - ၃.၁၉ ကျပ်
-စတာလင်ပေါင်
ရောင်းဈေး - ၅၉၉၀ ကျပ်
ဝယ်ဈေး - ၅၈၇၀ ကျပ်
-ဩစတြေးလျဒေါ်လာ
ရောင်းဈေး - ၂၈၆၅ ကျပ်
ဝယ်ဈေး - ၂၈၁၅ ကျပ်
-ကနေဒါဒေါ်လာ
ရောင်းဈေး - ၃၂၃၀ ကျပ်
ဝယ်ဈေး - ၃၁၆၅ ကျပ်
-ဟောင်ကောင်ဒေါ်လာ
ရောင်းဈေး - ၅၆၄ ကျပ်
ဝယ်ဈေး - ၅၅၃ ကျပ်
-ယူအေအီး
ရောင်းဈေး - ၁၂၀၄ ကျပ်
ဝယ်ဈေး - ၁၁၈၀ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

#ရွှေဈေး
-ကမ္ဘာ့ရွှေဈေး
တအောင်စ ၃၃၇၂ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၅၈၀၀၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
* စနစ်ဟောင်း
(၁ိ - ၁၆.၆၀၆ ဂရမ် = ၁၂၈ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၇၇၆၀၀၀၀ ကျပ်
ဝယ်ဈေး ၇၇၂၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၇၃၆၀၀၀၀ ကျပ်
ဝယ်ဈေး ၇၃၂၀၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၇၆၄၀၀၀၀ ကျပ်
ဝယ်ဈေး ၇၆၀၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၇၂၄၀၀၀၀ ကျပ်
ဝယ်ဈေး ၇၂၀၀၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#ယနေ့ထုတ်သတင်းစာ_နိုင်ငံတကာသတင်း
◼ ဆူဒန်တွင် ကုလသမဂ္ဂယာဉ်တန်း ပစ်ခတ်ခံရမှု ဝန်ထမ်းငါးဦးသေဆုံး
လက်နက်ကိုင်ပဋိပက္ခများ ဖြစ်ပွားနေသော ဆူဒန်နိုင်ငံ အယ်လ်ဖာရှာမြို့တွင် အကူအညီများသယ်ဆောင်လာသော ကုလသမဂ္ဂယာဉ်တန်း တိုက်ခိုက်ခံရပြီး ဝန်ထမ်းငါးဦးသေဆုံးခဲ့ကြောင်း တာဝန်ရှိသူများက ဇွန် ၃ ရက်တွင်ပြောသည်။
မြောက်ဒါဖာပြည်နယ် အယ်လ်ကိုမာအနီးတွင် ဖြစ်ပွားခဲ့သော အဆိုပါတိုက်ခိုက်မှုကြောင့် လူအများအပြားဒဏ်ရာရခဲ့ပြီး ကုန်တင်ကား အများအပြားလည်း မီးလောင်ပျက်စီးခဲ့ကြောင်း ကုလသမဂ္ဂတာဝန်ရှိသူများက ပြောသည်။
အဆိုပါကုလသမဂ္ဂယာဉ်တန်းကို ဒရုန်းများဖြင့် တိုက်ခိုက်ခဲ့ကြောင်း ဆူဒန်စစ်ဘက်နှင့် အာရ်အက်စ်အက်ဖ် ပြည်သူ့စစ်အဖွဲ့တို့က အပြန်အလှန်စွပ်စွဲထားသည်။ တိုက်ခိုက်မှုဖြစ်ပွားပုံကို ကုလသမဂ္ဂက ပြောကြားခြင်းမရှိသော်လည်း အရေးပေါ် စုံစမ်း စစ်ဆေးရန်နှင့် ကျူးလွန်သူများကိုအရေးယူရန်တောင်းဆိုထားသည်။
ယာဉ်တန်းတွင် ကုလသမဂ္ဂစားနပ်ရိက္ခာအဖွဲ့နှင့်ကလေးငယ်များ အေဂျင်စီမှ ထရပ်ကား ၁၅ စီး ပါဝင်ပြီး ငတ်မွတ်ခေါင်းပါးမှုများ ကြုံတွေ့ နေရသည့် အယ်လ်ဖာရှာသို့ ပေးပို့ရန်ဖြစ်သည်။ အယ်လ်ဖာရှာသည် စစ်တပ်ထိန်းချုပ်မှုအောက်ရှိ အနောက်ဒါဖာပြည်နယ်၏ နောက်ဆုံးမြို့ဖြစ်ပြီးပြည်သူ့စစ်များ၏ တိုက်ခိုက်မှုခံနေရသည်မှာ တစ်နှစ်ကျော်ရှိလာပြီဖြစ်သည်။
စစ်တပ်နှင့်ပြည်သူ့စစ်တို့အကြား အာဏာလွန်ဆွဲမှုမှစတင်ခဲ့သည့် ပြည်တွင်းစစ်သည် နှစ်နှစ်ကျော်ကြာမြင့်လာခဲ့ပြီး အရပ်သားထောင်ပေါင်းများစွာသေဆုံးခဲ့ကာ လူလေးသန်းကျော် နေရပ်စွန့်ခွာ ထွက်ပြေးနေရသည်။
အကူအညီပေးရေး အဖွဲ့အချို့ကမူတိုက်ခိုက်မှုနှင့် ပတ်သက်၍ ဆူဒန်စစ်တပ်ကို အပြစ်တင်ထား သည်။ ပြည်သူ့စစ်များ ထိန်းချုပ် ထားသော အယ်လ်ကိုမာဒေသသည်လည်း ပြည်သူ့စစ်နှင့် ဆူဒန်စစ်ဘက်တို့အကြား မကြာခဏတိုက်ပွဲများ ဖြစ်ပွားရာဒေသဖြစ်သည်။
ဘီဘီစီ

#ပြည်တွင်းသတင်း
◼ရန်ကုန်တွင်လူဦးရေ ၂ ဒသမ ၇ သန်းခန့်ဆင်းရဲနွမ်းပါးမှုကြုံတွေ့နေဟု UNDP ထုတ်ပြန်
ရန်ကုန်တိုင်းရှိလူဦးရေ ၂ ဒသမ ၇ သန်းခန့်သည် ဆင်းရဲနွမ်းပါးမှုနှင့်ကြုံတွေ့နေရကြောင်း ကုလသမဂ္ဂ ဖွံ့ဖြိုးမှုအစီအစဉ် (UNDP) ၏ ရန်ကုန်မြို့ပြဆင်းရဲနွမ်းပါးမှုသုံးသပ်ခြင်းအစီရင်ခံစာတွင်ဖော်ပြသည်။
နိုင်ငံအတွင်းဖြစ်ပေါ်နေသည့် ပဋိပက္ခများနှင့်စီးပွားရေးကြပ်တည်းမှုများကြောင့် ရန်ကုန်မြို့ရှိရွှေ့ပြောင်းအခြေချနေထိုင်သူများပြားသည့် ဆင်ခြေဖုံးရပ်ကွက်များတွင် ဆင်းရဲနွမ်းပါးမှုဒဏ်ကို အဆိုးဆုံးကြုံတွေ့နေကြရသည်ဟုဆိုသည်။
၂၀၁၇ ခုနှစ်တွင် ရန်ကုန်မြို့ရှိလူဦးရေ၏ ၁၀ ရာခိုင်နှုန်းသာဆင်းရဲနွမ်းပါးသူအဖြစ်ရှိခဲ့ပြီး ၂၀၂၃ ခုနှစ် တွင် ၄၃ ရာခိုင်နှုန်းမြင့်တက်ခဲ့‌ကြောင်း၊ ရန်ကုန်မြို့ရှိဆင်းရဲနွမ်းပါးသူ ခန့်မှန်းလူဦးရေမှာ ၆ ဒသမ ၂ သန်းရှိပြီး လက်ရှိတွင်ဆင်းရဲနွမ်းပါးသူလူဦးရေ နှစ်သန်းခန့်ပိုတိုးလာကာ ဆင်းရဲနွမ်းပါးမှုအခြေအနေ နှင့်ကြုံတွေ့နေရကြောင်း အစီရင်ခံစာကဆိုသည်။
ရန်ကုန်တိုင်းအတွင်းရှိဆင်ခြေဖုံးရပ်ကွက်များ၌ ရွှေ့ပြောင်းအခြေချနေထိုင်သူအိမ်ထောင်စုများ၏ ၃၉ ရာခိုင်နှုန်းသည် အလွန်ဆင်းရဲနွမ်းပါးသူအုပ်စုတွင်ပါဝင်နေကြောင်း၊ ၎င်းတို့အနက်သုံးပုံတစ်ပုံခန့်သည် နိုင်ငံရေးမတည်ငြိမ်မှုများစတင်ဖြစ်ပေါ်ခဲ့သည့် ၂၀၂၁ ခုနှစ်အပြီးတွင် ရွှေ့ပြောင်းအခြေချလာသူများ ဖြစ်သည်ဟု UNDP ကဆိုသည်။
အဆိုပါ ရွှေ့ပြောင်းသူများသည် အိမ်ထောင်စုစာရင်း၊ နိုင်ငံသားအထောက်အထား စသည့် စာရွက် စာတမ်းများပျက်စီးခြင်းနှင့် ပြန်လည်ထုတ်ယူရန်ခက်ခဲမှုများရှိသောကြောင့် ကြုံရာကျပန်းအလုပ်များ လုပ်ကိုင်ခြင်း၊ ငွေကြေးချေးငှားခြင်းနှင့် ပိုင်ဆိုင်မှုများရောင်းချခြင်းတို့ဖြင့် အခြေခံလိုအပ်ချက်များ ကိုဖြည့်ဆည်းနေရကြောင်း သိရသည်။
ထို့ပြင် ကျန်းမာရေးအသုံးစရိတ်သည်လည်း ထပ်ဆောင်းဖိအားတစ်ခုဖြစ်ပြီး ကုသမှုကုန်ကျစရိတ် အတွက်လည်း အိမ်ထောင်စုပိုင်ပစ္စည်းများရောင်းချခြင်းနှင့် ပြင်ပမှငွေချေးယူခြင်းဖြင့် ဖြေရှင်းနေရ ကြောင်း အစီရင်ခံစာတွင်ဖော်ပြထားသည်။
ဆင်းရဲနွမ်းပါးမှုလွတ်မြောက်ရာလမ်းဖြစ်သည့် ပညာရေးနှင့်လည်း အလှမ်းဝေးကွာလျက်ရှိပြီး ဆင်းရဲသောမိသားစုများအတွင်း ၁၇ ရာခိုင်နှုန်းသော ကလေးငယ်များသည် ပညာသင်ကြားနိုင်ခြင်း မရှိကြောင်း၊ ၃၇ ရာခိုင်နှုန်းသောအိမ်ထောင်စုများတွင်မူ မိသားစုဝင်ငွေရှာဖွေရာတွင် ပါဝင်ရသည့် အတွက် အဆိုပါကလေးများ၏ပညာရေးမှာ ရပ်တန့်သွားရကြောင်းသိရသည်။
ယင်းအခက်အခဲများကိုဖြေရှင်းရန်ဘက်ပေါင်းစုံ၊ ကဏ္ဍပေါင်းစုံတွင် တုံ့ပြန်ဆောင်ရွက်မှုပုံစံမျိုးစုံကို လုပ်ဆောင်ရန်လိုအပ်နေပြီး စီးပွားရေးတည်ငြိမ်လုံခြုံမှုအား အတိုင်းအတာတစ်ခုအထိမြင့်တက်စေရန် အလုပ်အကိုင်အခွင့်အလမ်းများအားတိုးချဲ့ဖန်တီး‌ပေးရန် အစီရင်ခံစာတွင်ထည့်သွင်းပြောဆိုထား သည်။
အဆိုပါအစီရင်ခံစာကို ၂၀၂၄ ခုနှစ်၊ ဇူလိုင်လတွင်ကောက်ယူခဲ့သည့်စစ်တမ်းများမှ မေးမြန်းဖြေဆိုမှု ပေါင်း ၄,၈၀၀ ကျော်၏အချက်အလက်များကိုအခြေခံ၍ တင်ပြခြင်းဖြစ်ကြောင်း ကုလသမဂ္ဂဖွံ့ဖြိုးမှု အစီအစဉ် (UNDP) ၏ဖော်ပြချက်အရသိရသည်။
သတင်း - အင်ကြင်း

ကိုယ်ဝါသနာပါတဲ့ အလုပ်ကိုလုပ်‌ရပေမယ့် မပျော်နေတာမျိုးဖြစ်ဖူးကြလား၊တကယ်တော့ ကိုယ်ဝါနာပါတာကို လုပ်နေရတာမှန်ပေမယ့် ကိုယ်လုပ်ချင်တဲ့ ပုံစံနဲ့ကွဲပြားနေတာကြောင့်လို့ပဲပြောရမယ်ထင်ပါတယ်။
ဒီနေ့ကတော့ အစားဆို ဘာလာလာဒေါင်တဲ့သူတွေအတွက် ကြည့်နေရင်းဗိုက်စာစ်မယ့် စားဖွယ်တွေနဲ့အတူ စိတ်ခွန်အားပေးမယ့် ရုပ်ရှင်ကောင်းတစ်ခုကိုမိတ်ဆက်ပေးချင်ပါတယ်။IMDbမှာလည်း 7.3 အထိရရှိထားပြီး သရုပ်ဆောင်တွေအနေနဲ့လည်း John Favreau , Scarlett Johanssoj , John Leguizamo , Sofia Vergara နှင့် Robert Downey Jr. တိုလို မင်းသားကြီးတွေပါ၀င်ထားတာမလို့ကြည့်ရကျိုးနပ်စေမယ့် ရုပ်ရှင်တစ်ခုဖြစ်ပါတယ်။
ဇာတ်လမ်းအနေနဲ့ကတော့ Carl ဆိုတဲ့ စားဖိုမှူးတစ်ယောက်မှာ သားတစ်ယောက် နဲ့ လက်ထပ်မထားတော့ အိမ်ခွဲနေကြတဲ့ မိန်းမတစ်ယောက်ရှိပါတယ်။Carl အတွက်ကတော့ ဟင်းတွေကို ဘယ်လိုချက်မယ် ၊ ဘယ်လုပ်ရင်ပိုကောင်းမယ် ၊ ဘယ်လိုချက်လိုက်ရင် လူတွေကြိုက်မလဲ ဆိုတာပဲ တစ်နေကုန် စဉ်းစားပြီး စားဖိုဆောင်က မထွက်တဲ့ ဝါသနာအိုးတစ်ယောက်ဖြစ်ပါတယ်။တစ်ရက်တော့ ဝေဖန်ရေးသမားတစ်ယောက်က သူချက်ထားတာကို လိုင်းပေါ်မှာ မကောင်းပြောတော့ Carl ကလည်း Twitter မသုံးတတ်သုံးတတ်နဲ့ ဝေဖန်ရေးသမားစီ တိုက်ရိုက်ပို့ချင်တဲ့စာကို ပို့စ်အဖြစ်တင်မိလိုက်ပါတယ်။အဲ့ဒီကနေ ပွဲဖြစ်သွားပြီး အလုပ်ပါပြုတ်သွားပါတယ်။ဒီလိုနဲ့ သူများလက်အောက်မှာ အလုပ်မလုပ်ချင်တဲ့ Carl ကို သူ့မိန်းကပဲ ဗန်ကားလေးတစ်စီးစီစဉ်ပေးလိုက်ပါတယ်။ဗန်ကားတည်ရှိရာ မိုင်ယာမီကနေ ကယ်လီဖိုးနီးယားကို Carl လည်း တစ်ခါတည်း မုန့်ရောင်းရင်းပြန်ဖို့ စီစဉ်လိုက်ပြီး သူ့သား၊သူ့သူငယ်ချင်းနဲ့အတူ ကယ်လီဖိုးနီးယား ခရီးစဉ်လေးတွေကို စားဖိုဆောင်တုန်းကလိုတောင်မဟုတ်ဘဲ ပျော်ပျော်ရွှင်ရွှင်နဲ့ ကိုယ်လုပ်ရမယ့်အလုပ်လေးကိုလုပ်ရင်း ရိုးရိုးရှင်းရှင်းလေးနဲ့ အလှပဆုံးကြည့်ရှုရမှာဖြစ်ပါတယ်။
ရုပ်ရှင်မှာ ဘာမှရှုပ်နေတာမျိုးမပါဘဲ အေးအေးဆေးဆေးလေးနဲ့ စားချင်သဖွယ် အစားအသောက်တွေ၊ သားအဖ ‌ဆက်ဆံရေးတွေ၊ဘ၀မှာ အလုပ်တွေကြီး နပ်မျော်မိနေတာတွေ၊ကတိတည်တဲ့ သူငယ်ချင်းတွေ ဒါတွေကို ရိုးရိုးလေးပဲချပြပေးထားတဲ့ရုပ်ရှင်မျိုးဖြစ်ပါတယ်။ဒါကြောင့် လူငယ်တွေဆိုတာထက် လူတိုင်းကြည့်သင့်တဲ့ရုပ်ရှင်လေးတစ်ခုဖြစ်တာမလို့ "Chef(2014)" ရုပ်ရှင်ကိုတင်ဆက်ပေးလိုက်ပါတယ်ခင်ဗျာ။
Author : JinX

ဂျပန် Romance/Drama ရုပ်ရှင်တစ်ကားဖြစ်ပြီး IMDb မှာလည်း 7.6 အထိရရှိထားတဲ့ ရုပ်ရှင်ကားကောင်း‌လေးတစ်ကားဖြစ်ပါတယ်။ဂျပန် ကားတွေရဲ့ အချစ်ကားတွေကလည်း တမူထားခြားပြီး ကြည်နူးစရာ‌ကောင်းတာမလို့ ဒီရုပ်ရှင်လေးကို ကြည့်ရှုဖို့ ဇာတ်လမ်းလေးကို ပြောပြချင်ပါတယ်။
ဇာတ်လမ်းကတော့ ကောင်လေးတစ်ယောက် နှင့် ကောင်မလေး တစ်ယောက်ရဲ့ သူငယ်ချင်းမက ရည်းစားမကျတဲ့ ဆက်ဆံရေး‌လေးနဲ့ စတင်ထားပါတယ်။သူတို့နှစ်ယောက် သူတို့ နှစ်သက်တဲ့ စာအုပ်တွေ ရုပ်ရှင်တွေ နှင့် သီချင်းတွေကအစ အကြိုက်ချင်းတူကျတာမလို့ သူတို့ ရင်ထဲမှာတော့ သူငယ်ချင်းအဆင့်ထက်ပိုနေကြပါပြီ။ဒါကြောင့် တတိယ အကြိမ် တွေ့ဆုံမှုမှာတော့ သူတို့ရဲ့ ရင်ထဲက အချစ်တွေကို ဖွင့်ဟရင်း ရည်းစား‌တွေဖြစ်သွားကြပါတယ်။သမီးရည်းစားတွေရဲ့ အစအတိုင်း ပျားရည်ပေါ် သကာရည်လောင်းထားသလို သူတို့အချစ်ရေးလေးက အဆင်ပြေတာထက်တောင် ပိုနေပါသေးတယ်။ဒီလိုနဲ့ နှစ်‌ယောက်လုံး ဘွဲ့ရပြီး အလုပ်ရှာချိန်မှာလည်း တစ်ယောက်အပေါ်တစ်ယောက် ဂရုစိုက် ကြင်နာမှုတွေပေးရင်း သူတို့ဆက်ဆံရေးလေး‌ကို ရှေ့ဆက်သွားကြတယ်။နောက်ပိုင်းမှာတော့ ကောင်လေးက သူပါသနာပါတဲ့ ပုံဆွဲတာကို စွန့်လွှန့်ပြီး လစာ အဆင်ပြေတဲ့ အလုပ်မှာပဲ ၀င်လုပ်ရပါတော့တယ်။ဒီလို ကိုယ်စိတ်မပါတဲ့ အလုပ်မှာ လုပ်ရတဲ့ အကျိုးဆက်ကြောင့် ကောင်လေးက အလုပ်တွေပိုပြီးပင်ပန်းလာသလို ကောင်မလေးနဲ့ တွေ့ချိန်မှာလည်း အေးစက်လာပါတော့တယ်။ဒီလိုအေးစက်စက်ဖြစ်လာတဲ့ ဆက်ဆံရေးအတွင်းမှာဘဲ ကောင်မလေးကပါ သူမလုပ်ချင်တဲ့ အလုပ်ကနေ ထွက်ပြီး သူ့သူငယ်ချင်းရဲ့ Company အသစ်မှာ သွားလုပ်တော့ အစကတည်းက မလုပ်ချင်တာ လုပ်ပြီး အိမ်ရဲ့ ကုန်ကျစရိတ်ကို ခံနေရတဲ့ ကောင်လေးက စိတ်တိုသွားပြီး သူတို့ နှစ်ယောက် စကားများကြပါတယ်။နောက်နေ့တွေမှာတော့ သူတို့ရဲ့ မအားလပ်တဲ့ အလုပ်ကိုယ်စီကြောင့် အပြင်မှာ တွေ့ရင်တောင် ပြုံးပြနှုတ်ဆက်ယုံလောက်ပဲရှိပါတော့တယ်။တစ်ခန်းထဲ အတူတူနေရပေမယ့် ဘ၀တစ်ခုစာလောက် ဝေးကွာသွားတဲ့ သူတို့အချစ်တွေ နှင့် လူကြီးမင်းတို့ရဲ့ Crush နဲ့ ဆက်ဆံရေးလိုပဲ သူတို့ရဲ့ ဆက်ဆံရေးတွေ ပိုမိုအေးဆက်လာ‌တဲ့အခါ သူတို့ဘ၀ ရှေ့ရေးအတွက် သူတို့ဘယ်လမ်းကိုရွေးချယ်သွားကြမလဲ....
အချစ်၊အလွှမ်း၊ကြည်နူးစရာ၊၀မ်းနည်းစရာလေးတွေနဲ့ ပြည့်နက်နေတဲ့ ဂျပန်ရုပ်ရှင်ကောင်းတစ်ခုဖြစ်တာမလို့ " We Made a Beautiful Bouquet (2021) " ကို ကြည့်ရှုခံစားကြဖို့ တိုက်တွန်းလိုက်ပါတယ်ခင်ဗျာ။

အခုလို မိုးရာသီနဲ့ လိုက်မယ့် ရုပ်ရှင်လေးတစ်ခုကို မိတ်ဆက်ပေးချင်ပါတယ်။IMDb မှာလည်း 7.4 အထိရရှိထားတဲ့ ကိုရီယားကားလေးဖြစ်ပြီး မူရင်း တရုတ်ကားကို remake ပြန်ရိုက်ထားတာဖြစ်ပါတယ်။
ဇာတ်လမ်းကတော့ ငယ်ငယ်လေးကတည်းက အတူတူကြီးပျင်းလာကြတဲ့ ဆယ်ကျော်သက်ကောင်မလေး နှစ်ယောက်။သွားအတူလာအတူ အမြဲတမ်းတစ်တွဲတွဲနှင့် တစ်ယောက်မရှိရင် မနေနိုင်လောက်တဲ့အထိကို ချစ်ကြတဲ့ သူငယ်ချင်းတွေဖြစ်ပါတယ်။ဒီလို သူတို့နှစ်‌ယောက်ကြားထဲကို ဟန်ဂျင်ဝူး ဆိုတဲ့ ကောင်လေးတစ်ယောက်၀င်ရောက်လာတဲ့အခါမှာတော့ အဖြူရောင် သံယောဇဉ်တွေကြားထဲကို နောက်ထပ် အရောင်စုံတဲ့ သံယောဇဉ်တွေ ရောယှပ်လာရင်း သူတို့ရဲ့ သုံးပွင့်ဆိုင် ဇာတ်လမ်းလေးတစ်ခုကို ကြည့်ရှုရမှာဖြစ်ပါတယ်။
ဇာတ်လမ်းက အေးအေးလေးနဲ့ ရင်ထဲရောက်မယ့် ‌ရုပ်ရှင်တစ်ခုဖြစ်ပါတယ်။အဓိက ပါ၀င်တဲ့ မင်းသမီး နှစ်ယောက်ကလည်း Jeon SoNee နှင့် Byun WooSeok တို့အချောလေးနှစ်ယောက်ဖြစ်ပြီး ကောင်လေးကတော့ Our Beloved Summer ထဲက Kim Dami ဖြစ်ပါတယ်။ဒီလို မင်းသားချော မင်းသမီးအချောလေးတွေ နဲ့အတူ ကောင်းမွန်တဲ့ ဇာတ်လမ်းတည်ဆောက်မှုလေးတွေကြောင့် "Soulmate(2023)" ကိုကြည့်ရှုခံစားကြဖို့ တိုက်တွန်းလိုက်ပါတယ်ခင်ဗျာ။

ကိုရီးယားမှာ အတော်လေးသောင်းကျန်းနေတဲ့ ဖုန်းဆက်ပြီငွေလိမ်လည်တဲ့အကြောင်းကို ရိုက်ပြထားတဲ့ ဇာတ်ကားကောင်းလေးတစ်ကားပါ။
"Voice Phishing"လိုခေါ်တဲ့ ဖုန်းဆက်ပြီးလိမ်တဲ့လိမ်နည်းကိုအသုံးပြုပြိး ကျားဖြန့်တွေဟာ လူတွေရဲ့စိတ်လှုပ်ရှားဆုံး၊ အ ကြောက်ရွံ့ဆုံးအချိန်၊အမှားအမှန်မခွဲခြားနိုင်တဲ့အချိန်ကို အသုံးချပြီးငွေကြေးလိမ်လည်မှုတွေကို ပြုလုပ်နေကြပါတယ်။
ဟန်ဆောဂျွန်းဟာ ရဲဝန်ထမ်းဘဝနေထွက်ပြီးဆောက်လုပ်ရေးဆိုဒ်မှာ ဝင်လုပ်ပြီး သူ့ရဲ့ အမျိုးသမီးနဲ့အတူ သာမန်မိသားစုဘဝလေးကို တည် ဆောက်ပြီးနေထိုင်နေသူဖြစ်ပါတယ်။ တစ်နေ့မှာ တော့ ကျားဖြန့်အဖွဲ့က သူ့ရဲ့အမျိုးသမီးကို ပစ်မှတ်ထားပြီး သူ့အမျိုးသမီးရဲ့ ဘဏ်အကောင့်ထဲက ပိုက်ဆံတွေအကုန် ဖုန်းဆက်လိမ်ပြီးထုတ်သွားပါတော့တယ်။ အမျိုးသမီးဖြစ်သူဟာ အလိမ်ခံလိုက်ရမှန်းသိသိချင်း ဘဏ်ကိုအ ပြေးသွားပြီး ပိတ်ချဖို့သွားပေမယ့် အချိန်မမှီလိုက်ရှာပါဘူး။ အနှစ်နှစ်အလလကြိုးစားအလုပ်လုပ်ပြီး စုဆောင်းထားတဲ့ငွေအကုန် အလိမ်ခံလိုက်ရပြီးနောက် ဟန်ဆောဂျွန်းအမျိုးသမီးဟာ စိတ်နဲ့လူနဲ့မကပ်ဘဲ ဘဏ်က နေ အိမ်ပြန်အလာလမ်းမှာ ကားအတိုက်ခံရပြီး အတော်လေးအပြင်းအထန် ဒဏ်ရာရသွားပါတော့တယ်။ ကျားဖြန့်တွေရဲ့ အလိမ်ခံရမှုအကြောင်း ရဲတွေကို သွားတိုင်ပေမယ့် ရဲတွေလည်း ဘာမှမလုပ်ပေးနိုင်တဲ့အဆုံး ဟန်ဆောဂျွန်းတစ်ယောက် သူကိုယ်တိုင်လှုပ်ရှားဖို့ အကြောင်းဖန်လာပါတော့တယ်။
ဟန်ဆောဂျွန်းတစ်ယောက် ကျားဖြန့်ဂိုဏ်းထဲကို အသွင်ယူဝင်လို့ရအောင် ဘယ်လိုတွေလုပ်ဆောင်သွားမလဲဆိုတာကိုတော့ ဇာတ်လမ်းလေးထဲမှာပဲ ဆက်လိုက်ကြည့်ရှုလိုက်ပါတော့နော်။