“မင်းလိုချင်တာ ကမ္ဘာကြီးလား”
——————————————-
4th July မှာ စ ရေးဖြစ် တယ်။
မနေ့က အမေရိကန်သမ္မတလောင်း ထရန့် သေနတ်ပစ်ခတ်ခံရတဲ့ သတင်း တက်လာပြီး ဒီနေ့ 15 July မှာ ရေးသားပြီးစီးပါတယ်။
လူတယောက်
ကမ္ဘာကြီးကိုရတယ်
ကြီးကျယ်အောင်ရေးခြင်းမဟုတ်ပါ
ကြီးကျယ်တဲ့ ကမ္ဘာကြီးကိုရပြီး ကြီးကျယ်ရခြင်းပါ
သူ့ ယဉ်ကျေးမှုများ၊အနုပညာများ၊ပြဿနာများ၊ရောဂါများ၊စစ်ပွဲများ အား
လုံး ရပြီး ကြီးကျယ်နေရသော လူတယောက်ပါ။
ရတဲ့ကမ္ဘာကြီးကို ကိုယ်လိုချင်သလို၊မလိုချင်သလို ရွေးချယ်ခွင့်ရှိပါသည်။
လူတယောက်၊ကဗျာဆရာတယောက်နေရာမှ ဒီစာအုပ်ကိုရေးဖြစ်ပါတယ်။
“မင်းလိုချင်တာ ကမ္ဘာကြီးလား”
ဘယ်လိုကမ္ဘာကြီးလဲ
ဘယ်လောက်ပဲပျော်ပျော် တကယ်မပျော်ဘူး
ဘယ်လောက်ပဲ ငွေတွေရရ တကယ်မချမ်းသာဘူး
ကမ္ဘာကြီးရှိပြီး နေစရာမရှိကြဘူး
အဲဒါ ပြဿနာပဲ
ဒီ သံသရာကြော ပင်လယ်ကြောကြီးက ရှည်လျားလွန်းပါတယ်
အဆုံးမရှိ
ဒါဆိုရင် ဘယ်လိုအသက်ရှင်မလဲ
ကိုယ့် ကိုယ် ကို အရင် ပြင်ဆင်ဖို့ပါပဲ
ကောင်းမွန်တဲ့ စိတ်နှလုံးသားကို အရင်ပြင်ဆင်ဖို့ပါပဲ
ကိုယ် စိတ် နေကောင်းကျန်းမာအောင် ဂရုစိုက်ဖို့ပါပဲ
ဘယ်လွယ်မလဲ
လွယ်လွယ် ဘယ်နေကောင်းမလဲ
ကိုယ့်ကိုယ်ထဲမှာလည်း ကိုယ်မဖြစ်ချင်တဲ့စစ်တွေဖြစ်ခဲ့ပါတယ်
ဒါကြောင့် ဒီစာအုပ်ကိုရေးဖြစ်ပါတယ်
သုခမိန်လှိုင်
170
15 July 24

ကာရန်မပါလျှင် ကဗျာ မဟုတ်ဘူးလို့ တစ်စုံတစ်ယောက်က ပြောဆိုလာခဲ့ရင် အဲဒီစကားကို ကျွန်တော် ငြင်းဆိုမှာ မဟုတ်ဘူး။ ကာရန် ပါပေမဲ့ ကဗျာဓာတ် မပါတဲ့ ကဗျာ
တစ်ပုဒ်ကိုလည်း ကျွန်တော်ကတော့ ဘယ်တော့မှ ကဗျာလို့ မသတ်မှတ်ဘူး။ ငြင်းဆိုနိုင်ပါတယ်။
ကဗျာဓာတ်ဆိုတာ ကာရန်ထဲမှာ ပုန်းခိုနေတဲ့အရာ မဟုတ်ဘူး။ ရစ်သမ်ထဲမှာ၊ စကားလုံးထဲမှာ ပုန်းခိုနေတာလည်းမဟုတ်ဘူး။ ရင်ထဲမှာ တုန်ခါလာတဲ့ ခံစားမှု ပီတိအစဉ်ကို
ကာရန်တွေ၊ ရစ်သမ်တွေ၊ နိမိတ်ပုံတွေ၊ စကားလုံးတွေနဲ့ဖွဲ့စည်းထားတဲ့အရာ တစ်ခုပါ။
တချို့ ကဗျာတွေက ငှက်ကလေးတစ်ကောင် သီချင်းဆိုသွားသလို အသံ သာပြီး ခံစားမှု မပါဘူး။ တချို့ကဗျာတွေကျတော့ ဘုန်းတော်ကြီးတစ်ပါး တရားဟောနေသလို
အဘိဓမ္မာနွံ နစ်ပြီး ကဗျာ ဖြစ်မလာဘူး။
ခေတ်ပြိုင်ဘဝတွေကို ဖြတ်သန်းရင်း ကဗျာဆရာလုပ်မယ့်လူတစ်ယောက်ဟာ ကဗျာရေးနည်း ဥပဒေသကို နောက်မှ
လေ့လာပြီး ကဗျာဆရာတစ်ယောက် ဘယ်လို လမ်းလျှောက်ရမယ်ဆိုတာကို ပထမဆုံး သင်ယူဖို့ လိုလိမ့်မယ်။ အမှတ်တမဲ့ လက်ဖက်ရည်ဆိုင် အထိုင်မှားမိလို့ တစ်ဘဝလုံးလွဲချော်သွားခဲ့ကြရတဲ့ ကဗျာဆရာတွေရဲ့ ပုံပြင်တွေ ကျွန်တော့်
မှာ အများကြီး ရှိလှသပေါ့။
-ပိုင်စိုးဝေ
#ပိုင်စိုးဝေ

ကာဝါဘာတ ယဆုနာရိ ၁၉၆၈ ခုနှစ်အတွက် စာပေနိုဘယ်ဆုရခဲ့စဉ်က နိုဘယ်ဆုကော်မတီက Snow Country, A Thousand Cranes ဝတ္ထုရှည်နှစ်ပုဒ်နဲ့ အတူ The Old Capital ကိုလည်း ဆုရွေးချယ်ရတဲ့ အနုပညာလက်ရာတစ်ပုဒ်အဖြစ် ကိုးကားချီးကျူးခဲ့ပါတယ်။ The Old Capital ဟာ မူလက အဆဟိသတင်းစာ၊ တိုကျိုနဲ့ အိုဆာကာမူ နှစ်ခုစလုံးမှာ ၁၉၆၁ ခုနှစ်၊ အောက်တိုဘာကနေ နောက် တစ်နှစ် ဇန်နဝါရီလအထိ အခန်းဆက်ပေါင်း ၁ဝဝ အထိ ဖော်ပြခဲ့တာပါ။ ကာဝါဘာတဟာ ဝတ္ထု၊ အဆုံးသတ် ပြီးပြီးချင်း ဒီစာအုပ်ရေး​နေစဉ် အတောအတွင်း ဖြစ်ခဲ့ရတဲ့ အိပ်ဆေးစွဲမှုကို ကုသဖို့ ဆေးရုံတက်ခဲ့ရတယ်။ ကာဝါဘာတ ကိုယ်တိုင်က The Old Capital ကို သူ့ရဲ့ “ပုံမှန်မဟုတ်တဲ့ လက်ရာ” လို့ ပြောခဲ့ပေမဲ့ ဝတ္ထုက ရင်းနှီးကျွမ်းဝင်ပြီးသား ဇာတ်ကြောင်းပါ။ ကျား၊ မ လိင်ကွဲပြားမှုကြားက ကွာဟချက်နဲ့ အဲဒီကွာဟချက်ကြောင့် ဖြစ်ပေါ်လာတဲ့ သောက ဗျာပါဒတွေကို အသိအမှတ်ပြုခြင်း၊ အပျိုစင်စံကို တမ်းတခြင်း၊ သဘာဝတရားနဲ့ လူသားရဲ့ ဆက်သွယ်မှု၊ နောက်ခံကားချပ်နဲ့ ဇာတ်ကောင်စရိုက် စတာတွေပါပဲ။
ဝတ္ထုကို ကျိုတိုမှာ ဇာတ်အိမ် တည်ပါတယ်။ လွန်ခဲ့တဲ့ နှစ်ပေါင်း ၁၁ဝဝ နီးပါးလောက်မှာ မြို့တော် ဖြစ်ခဲ့ပြီးကတည်းက ကျိုတိုဟာ ဂျပန်နိုင်ငံရဲ့ အဆင့်မြင့်အနုပညာနဲ့ ယဉ်ကျေးမှုဝိညာဉ် ဖြစ်ခဲ့တယ်။ ဒီမြို့တော်ဟောင်းက အိုဘီ ဝတ်ဆင်သူတွေ၊ ကီမိုနို ဒီဇိုင်နာတွေ၊ လက်ဖက်ရည်ပွဲ တည်ခင်းမှု ပညာရှင်တွေနဲ့ လက်ရေးအတတ်ပညာသည်တွေ တစ်ဦးချင်းစီဟာ ခေတ်ကာလများစွာ ဆင်းသက်လာတဲ့ ရိုးရာအစဉ်အလာတွေကို ဆက်ခံခဲ့ကြသူတွေပါ။ သူတို့ရဲ့ လက်ရာတွေဟာ အနုပညာသည် ကိုယ်တိုင်ရဲ့ ထူးခြားတဲ့ ရသခံစားတတ်မှုသာမက အတိတ်ကာလကနေ ဆင်းသက်လာတဲ့ ရှေးလူတွေရဲ့ သွေးသားဝိညာဉ်ကိုလည်း သရုပ်ထင်နေစေပါတယ်။
ဂျပန်လူမျိုး အများအပြားက ကာဝါဘာတကို ရှေးရိုးစဉ်လာတွေကို အပြည့်အဝ သရုပ်ဖော်တတ်တဲ့ မော်ဒန်စာရေးဆရာအဖြစ် အသိအမှတ်ပြုကြပါတယ်။ မော်ဒန်ဂျပန်စာရေးဆရာတွေထဲမှာ ဂျပန်အဆန်ဆုံးတောင် ဖြစ်နိုင်ပါရဲ့။ တစ်ပြိုင်နက်တည်းမှာပဲ သူ့ရဲ့နည်းနာနဲ့ စိတ်ကူးပုံရိပ် အတော်များများဟာ အတွေးအမြင်သစ်ကို ဖော်ကျူးပြီး သူ့ခေတ်သူ့အခါ ဂျပန်စာဖတ်ပရိသတ်တွေတောင် တုန်လှုပ်ခဲ့ရတဲ့ အရေးအသားတွေလို့ ယူဆခြင်းခံရပါတယ်။ ဂျပန်နိုင်ငံ ဒုတိယကမ္ဘာစစ်မှာ စစ်ရှုံးခဲ့ပြီးနောက် ကာဝါဘာတက သူ့ဘဝရဲ့လက်ကျန်အချိန်တွေမှာ ဘာမှ မရေးတော့ဘဲ ‘တမ်းချင်း’ တွေသာ ရေးတော့မယ်လို့ ဆိုခဲ့ပါတယ်။ အဲဒါကြောင့်ပဲ The Old Capital မှာ ကျိုတိုမြို့တော်ဟောင်းရဲ့ ကျဆင်းမှုကို ဝမ်းနည်းပူဆွေးမှုတမ်းချင်းနဲ့ တမ်းတထားတာပဲ ဖြစ်ပါတယ်။ ဒါပေမဲ့ စစ်ပြီးခေတ် ဂျပန်နိုင်ငံရဲ့ ရိုးရာအနုပညာရှင်နဲ့ သူ ပုံဖော်ထားတဲ့ အကျပ်အတည်းမှာ မတင်မကျ စိတ်နှစ်ခွ ဖြစ်မှုတွေ ပါဝင်နေပါတယ်။ သူ့ဇာတ်ကောင်တွေဟာ စိတ်ရှုပ်စရာ ကောင်းပေမဲ့ ဆွဲဆောင်မှုရှိတဲ့ အပြောင်းအလဲတွေကို လက်ခံကြို ဆိုတာ၊ ကန့်ကွက်ရှုတ်ချတာတွေနဲ့အတူ ထိပ်တိုက် ရင်ဆိုင်ကြပါတယ်။ ဝတ္ထုဟာ တစ်ခါတစ်ရံ စွဲမက်စရာ ဖြစ်နေပေမဲ့ အထင်နဲ့အမြင် တခြားစီ ဖြစ်နေတဲ့ တီထွင်ဆန်းသစ်မှုနဲ့ အစဉ်အလာတို့ကြားက ဆက်သွယ်မှုကို အသိအမှတ်ပြုပြီး တင်ပြထားပါတယ်။ လူသားရဲ့ ဖြစ်တည်မှုနဲ့ ကြိုးပမ်းအားထုတ်မှုတွေထဲက တုံဏှိဘာဝေ ဖြစ်ခြင်းနဲ့ သက်ဝင် တက်ကြွမှုတို့ အပြန်အလှန် အားပြိုင်မှုကို ဖော်ကျူးထားပါတယ်။

❛ ၃၃ ❜ တွင် ကျော်မောင်နှင့်
သရဖီတို့၏ အချစ်ဇာတ်လမ်း
ကျော်မောင်၏ ပညာရေးလောကအတွက်
စွန့်လွှတ်လုပ်ဆောင်ခဲ့ရမှုများနှင့်
နောက်ဆုံး ချစ်ရသော သရဖီတစ်ယောက်
သူ့ကို စွန့်ခွာထွက်ပြေးခဲ့ရသော
အကြောင်းများဖြင့် နိဂုံးချုပ်ခဲ့သည်။
ကျော်မောင်တစ်ယောက်
သူချစ်ရသော သရဖီနောက်ကို
တကောက် ကောက်လိုက်ပြီး
ချစ်သူပျောက်ရှာခဲ့သည်။
သူ့ချစ်သူကိုရှာရင်းက
သူချစ်သော ကျောင်းဆရာအလုပ်ကိုပါ
စွန့်ခွာခဲ့ရသည်။
နောက်ဆုံး သူ့ချစ်သူကိုတွေ့သောအခါတွင်
ဆိုင်သာဆိုင်၊ မပိုင်သော ဘဝ
အခြေအနေကို ရောက်သွားသည်။
ထိုကာလကလည်း
“၈၈” အရေးတော်ပုံကြီး
စတင်ဖြစ်ပွားသော ကာလ။
ကျော်မောင်တစ်ယောက်ပဲခူးကို
ပြန်ရောက်ပြီး မမျှော်လင့်ပဲ
“၈၈ အရေးတော်ပုံကြီး ထဲကို
ရောက်သွားသည်။
ဤဝတ္ထုထဲတွင်ပါသော
အကြောင်းအရာများသည် ပဲခူးမြို့တွင်
ဖြစ်ပွား ခဲ့သော “၈၈” အရေးတော်ပုံကြီး၏
သမိုင်းမှတ်တမ်းများကို ကိုယ်တိုင်
ကြုံတွေ့ ခဲ့သူတစ်ဦးအနေဖြင့်
ဇာတ်လမ်းဖြင့် မှတ်တမ်းသမိုင်းကို
ရေးသားခြင်း ဖြစ်ပါသည်။
ဤ “ရိုးမကိုကျောခိုင်း၍" ဝတ္ထုကို
မူလက “၃၃” ၏အဆက် “၃၄” ဟူသော
အမည်ဖြင့် ထုတ်ဝေရန် စီစဉ်ခဲ့သည်။
သို့သော် “ရိုးမကိုကျောခိုင်း၍" ဆိုသည့်
အမည်ကို ပြောင်းလိုက်ရပါသည်။
ထိုသို့ ပြောင်းလဲလိုက်ရသည့်အတွက်လည်း ဇာတ်လမ်းကို ထိခိုက်နိုင်စရာမရှိဟု
ယူဆမိသည်။
သမိုင်းတစ်ကွေ့ ကိုယ်တွေ့
ဖြစ်ရပ်မှန်များကို အမှန်အတိုင်းသိစေရန်
အလို့ငှာ သမိုင်းမှတ်တမ်းတစ်ခုအနေဖြင့်
ရေးသားခြင်းဖြစ်ပါသည်။
လူတိုင်း ကိုယ့်သမိုင်းကိုယ်
ရေးကြသည်မဟုတ်ပါလား။
_ _ _ _ _ _ _ _ _ _ _ _ _
▫️တင်ညွန့်▫️
❛ ရိုးမကိုကျောခိုင်း၍ ❜

တကယ်တမ်းပြောရရင် ကျနော်က
ကျေးလက် ရုပ်ရှင်ဇာတ်ကားတွေထဲကလို
ဟိုက်ဝေးလမ်းမကြီးနဲ့ မနီးမဝေးနေရာတစ်ခုမှာ
တစ်ထပ်အိမ် ကြီးကြီးတစ်လုံး ဆောက်ထားတဲ့
ခြံကျယ်ကျယ်ဝန်းဝန်းကြီးမျိုးနဲ့ပဲ နေချင် တာ။
အဲဒီမှာ ကျနော်နှစ်သက်တဲ့ သီးပင်စားပင်တွေကို
စိုက်မယ်။ ကျနော် မွေးချင်တဲ့ သတ္တဝါတွေကို
မွေးမယ်ပေါ့။ ကျနော့်ရဲ့ ပိုင်နက်ထဲမှာ
ကျနော်နဲ့ တစ်သားတည်းကျမယ့် ခွေးကြီး
နှစ်ကောင်လောက်ကိုလည်း မွေးထားဦး မယ်။
လိုအပ်တာ ဝယ်ဖို့လောက်ကလွဲပြီး အချိန်ပြည့်
ပြန်ပြန်ပြင်နေရမယ့် ဗန်ကားအစုတ်ကြီး
တစ်စီးကလည်း ကျနော့်ရဲ့ ဆီမှာ ရှိနေမယ်။
ကျနော်နဲ့ မနီးမဝေးမှာ ၂၄ နာရီပတ်လုံး
လိုအပ်တဲ့ ပစ္စည်းကလေးတွေနဲ့ အရက်ကအစ
စားစရာကအဆုံး ပေါက်စိပေါက်စလေးတွေပါ
အားလုံး ကို အလွယ်တကူ ဝယ်ယူနေလို့ရနေမယ့် ဓာတ်ဆီထည့်တဲ့ ဆိုင်ကလေး တစ်ခုလည်း
ရှိနေမယ်။ ကျနော်ဟာ ညဘက်တွေဆိုရင်
ရေဒီယိုအဟောင်း ကြီးတစ်လုံးဆီက
ကြားနိုင်သမျှအသံတွေကို ချိန်ညှိနေခဲ့ရင်း
လွှဲလို့ရတဲ့ ပက်လက်ကုလားထိုင်ကြီးတစ်လုံးရဲ့
အပေါ်မှာ နားထောင်နေခဲ့ရင်းက အရက်တွေ
သောက်နေခဲ့မိမယ်။ တချို့ ညနေခင်းတွေဆို
ကော်ဖီအကြမ်း တစ်ခွက်လောက်နဲ့
နေဝင်တဲ့အချိန်ကိုကြည့်ရင်း အိမ်ရှေ့တံခါးအဝ
နေရာ လေးဆီမှာ စစ်ကျန်ခေတ်က အဘိုးကြီးတစ်ယောက်လို မျက်မှောင်ကျုံ့ရင်း
စာအုပ်တစ်အုပ်အုပ်ကို လေးငါးမျက်နှာလောက်
ဖတ်ချင် ဖတ်နေမိခဲ့ မယ်။
ခွေးဟောင်သံကြားရင် နှစ်လုံးပြူးသေနတ်ကြီး
ထဆွဲပြီး တစ်ဘဝလုံး ဘယ်အရာကိုမှ
မကြောက်ခဲ့ဖူးတဲ့ လူထူးလူဆန်းကြီး
တစ်ယောက်လိုမျိုး ဘောက်ဆတ်ဆတ်နဲ့
အသံကြားတဲ့နေရာကို ထပြီးတော့ သွားကြည့်မယ်။
ပြီးတော့လည်း ပွစိပွစိပြောပြီးတော့
ကျနော်ထိုင်နေခဲ့တဲ့ နေရာဆီကို ပြန်လာနေမိမယ်။
ကျနော်ထင်တယ် ဘဝမှာ အဲဒီလောက်
စိတ်ကျေနပ်နေရမယ့် ကိုယ့်လက်ကိုယ့်ခြေ
နေမှုထိုင်မှုမျိုး သိပ်လိုအပ်နေခဲ့ပြီဆိုတာကို။
ပြီးတော့ အဲဒါကိုပဲ
ကျနော်ဆိုတဲ့လူက ဘဝရဲ့ လိုအပ်သမျှလို့
ဆက်ပြီးတော့ ထင်မှတ်နေခဲ့မိဦးမှာ ။
• အသဲသိလား / မှ •
❝ ဆရာချစ်မင်းဝေ ❞ စာအုပ်များစုစည်းမှု

❛ ခေတ်ဆိုးခေတ်ပျက်ကြီးထဲ
စောက်ရူးတွေနဲ့ တွေ့တဲ့အခါ
သူတို့သွားချင်ရာ သွားလို့ ရအောင်
ကိုယ်ကတော့ လမ်းဖယ်ပေးလိုက်တာပဲ
မကွယ်လွန်ဘဲ သေဆုံးသွားကြပုံရတယ်
အခု ဘယ်သူမှ ရောက်မလာဘူး ❜
• စိုင်းဝင်းမြင့် •

#ယနေ့ထုတ်သတင်းစာ_သတင်း
◼ အလုပ်​ဗီဇာ သက်တမ်းတိုးလုပ်ဆောင်ရမည့် ထိုင်းရောက်မြန်မာလုပ်သားများအတွက်နေထိုင်အလုပ်လုပ်ခွင့် ခြောက်လထပ်တိုး
အလုပ်ဗီဇာသက်တမ်းတိုး လုပ်ဆောင်ရမည့် ထိုင်းရောက်မြန်မာလုပ်သားများအတွက် နေထိုင်အလုပ်လုပ်ခွင့် ခြောက်လထပ်တိုးပေးလိုက်ကြောင်း သိရသည်။
ထိုင်းနိုင်ငံကုန်သွယ်ရေးဘုတ်အဖွဲ့က မြန်မာဘက်မှ အတည်ပြုချက်အား စောင့်ဆိုင်းနေသည့် မြန်မာလုပ်သား ၁ ဒသမ ၈ သန်းအတွက် ထိုင်းနိုင်ငံတွင် နေထိုင်ခွင့်နှင့်အလုပ်လုပ်ခွင့်အား ခြောက်လထပ်မံတိုးမြှင့်ရန် သဘောတူညီခဲ့ကြောင်း သိရသည်။
၂၀၂၅ ခုနှစ်ဖေဖော်ဝါရီ ၁၄ ရက်မှ စတင်ကာ အလုပ်လုပ်ကိုင်ခွင့် ဗီဇာကုန်ဆုံးခဲ့သည့် မြန်မာလုပ်သား များအတွက် ထပ်မံသက်တမ်းတိုးလုပ်ငန်းစဉ် လုပ်ဆောင်ရန်ထိုင်းအစိုးရက လာမည့် ဩဂုတ် ၁၃ ရက်အထိယာယီ နေထိုင်အလုပ်လုပ်ကိုင်ခွင့်ပေးထားပြီး အချိန်မီ မလုပ်ဆောင်ပေးနိုင်သည့်အတွက် ထိုင်းအစိုးရက နောက်ထပ် ခြောက်လထပ်မံတိုးပေးခြင်းဖြစ်ကြောင်း သိရသည်။
ထို့ကြောင့် မြန်မာအလုပ်သမား သက်တမ်းတို လုပ်ဆောင်ထားသူများအနေဖြင့် ၂၀၂၅ ခုနှစ် ဩဂုတ် ၁၄ ရက်မှ ၂ဝ၂၆ ခုနှစ် ဖေဖော်ဝါရီ ၁၃ ရက်အထိ ထပ်မံယာယီနေထိုင် အလုပ်လုပ်ကိုင်ခွင့်ရရှိမည်ဖြစ်ပြီး အဆိုပါအလုပ်သမားများမှာ ကျန်းမာရေးစစ်ဆေးမှုခံယူရန်၊ ကျန်းမာရေးအာမခံရယူရန်၊ မှတ်ပုံတင်မှတ်တမ်း အချက်အလက်များ Update လုပ်ရန်နှင့် ထိုင်းနိုင်ငံသားမဟုတ်သူများအတွက် သက်သေခံကတ်ပြား ရယူရန်လိုအပ်မည်ဖြစ်ကြောင်း သိရသည်။

Star Wars ထဲက ပုံစံအတိုင်း စီးနိုင်မယ့် Airbike
Volonaut Airbike ဟာ ဂျက်အင်ဂျင် တပ်ဆင်ထားကာ တစ်ကိုယ်တော် စီးရမှာဖြစ်ပါတယ်။ 200 km/h နှုန်းအထိ သွားနိုင်ပါတယ်။ 3D ပရင့်နဲ့ထုတ်ထားတဲ့ အစိတ်အပိုင်းတွေ ပြီးတော့ ကာဗွန်ဖိုက်ဘာ နဲ့တည်ဆောက်ထားတာကြောင့် ပုံမှန် ဆိုင်ကယ်တစ်စီးအလေးချိန်ထက် ၇ဆ နီးပါးလောက် ပေါ့ပါတယ်။ ဒါပေမယ့် ဂျက်အင်ဂျင်ကြောင့် အသံက ပိုကျယ်ပါတယ်။ အခုချိန်ထိတော့ ရောင်းကုန်အဖြစ်မသတ်မှတ်သေးပါဘူး။

ဟမ်ဘာဂါ တစ်လုံးကို ၂၇ စက္ကန့်နဲ့ ပြုလုပ်ပေးနိုင်တဲ့စက်ရုပ်ကို အသုံးပြုနေတဲ့ စားသောက်ဆိုင်
ကယ်လီဖိုးနီးယားပြည်နယ် Los Gatos ကစားသောက်ဆိုင်ဟာစက်ရုပ်နဲ့ ဟမ်ဘာဂါကိုပြုလုပ်ရောင်းချပေးပါတယ်။
အဲဒီစက်ရုပ်က ၂၇ စက္ကန့်တည်းနဲ့ ဟမ်ဘာဂါ ပြုလုပ်ပေးနိုင်ပါတယ်။
စားသုံးသူတွေအနေနဲ့ ကိုယ်စားမယ့် ဟမ်ဘာဂါထဲမှာ ဘာတွေထည့်ချင်တယ်ဆိုတာ ကြိုမှာထားလို့ရကာ စက်ရုပ်က လိုအပ်တဲ့Toppings တွေကို ထည့်သွင်းပြင်ဆင်ပေးနိုင်ပါတယ်။ စက်ရုပ်ထားတဲ့ အားသာချက်ကတော့မြန်ဆန်မှု နဲ့ အလုပ်အပေါ်မှာအာရုံစိုက်နိုင်မှုရှိကာ လူသားဝန်ထမ်းလို ပျင်းတာ အပါးခိုတာမျိုးမရှိပါဘူး။

AI ဆရာဝန် , AI သူနာပြုတွေနဲ့ ကုသမယ့် AI ဆေးရုံကို ဖန်တီးနေတဲ့ တ-ရုတ်
AI ကို ရသလောက် အလုံးစုံအသုံးပြုဖို့ တ-ရုတ်က ကြိုးစားနေတာဖြစ်ပြီး လူသားအင်အား မပါသလောက်နည်းပါးမယ့် AI ဆေးရုံ ပေါ်ထွက်လာဖို့ကိုလည်း လုပ်ဆောင်နေပါတယ်။ အဲဒီ ကမ္ဘာ့ ပထမဆုံး AI နဲ့ လည်ပတ်မယ့် ဆေးရုံမှာ AI ဆရာဝန် (စက်ရုပ်) ၁၄ ယောက် , AI သူနာပြု ၄ ယောက်လောက်နဲ့ ဆေးကုဖိုု့ လျာထားပါတယ်။ AI ဆေးရုံရဲ့ ရည်ရွယ်ချက် တစ်ခုကတော့ ဆရာဝန်လိုအပ်တဲ့ နေရပ်မှာ မြန်မြန်ဆန်ဆန် အကျိုးရှိရှိ ကုသနိုင်ဖို့ ဖြစ်ပါတယ်။ ဒါပေမယ့် လူ့အသ-က် နဲ့ သက်ဆိုင်လို့ AI ဆေးရုံနဲ့ ပတ်သက်တဲ့ မေးခွန်းတွေကို ဖြေရှင်းနိုင်ဖို့ အချိန်ယူရပါအုံးမယ်။