油菜花海

油菜花海

油菜花海

油菜花海

油菜花海

油菜花海

油菜花海

油菜花海

ငါးလေးတွေဟာ ရေကူးတဲ့ ပုံစံမမှန်တာတွေ တွေ့ရတယ်လို့ ဆိုပါတယ်။
🐟🐟🐟🐟🐟🐟🐟🐟🐟🐟🐟🐟🐟🐟🐟🐟🐟🐟

ပြီးခဲ့တဲ့ အောက်တိုဘာ ၃၁ ရက် မနက်စောစောမှာ တရုတ်အာကာသယာဉ်မှူး ၃ ဦး ပါဝင်တဲ့ ရှန်ကျိုး- ၁၉ (Shenzhou-19) အာကာသခရီးစဉ်ကို လွှတ်တင်ခဲ့ပါတယ်။ အချိန် ၆ နာရီခွဲကြာမြင့်တဲ့ ခရီးစဉ်အပြီးမှာ အာကာသ ယာဉ်မှူး ၃ ဦးဟာ တရုတ်အာကာသသိပ္ပံစခန်း ထျန်ကုန်း (Tiangong) ကို ရောက်ရှိခဲ့ပြီး သူတို့အရင် လွန်ခဲ့တဲ့ ၆ လက အာကာသစခန်းကို ရောက်ရှိနေတဲ့ ရှန်ကျိုး-၁၈ (Shenzhou-18) အာကာသသိပ္ပံအဖွဲ့နဲ့ တွေ့ဆုံခဲ့ကြပါတယ်။

ရှန်ကျိုး-၁၈ ကနေ ရှန်ကျိုး-၁၉ ထံ တာဝန်လွှဲ‌ပြောင်းမှုတွေကို ၅ ရက်ကြာ လုပ်ဆောင်ပြီးတဲ့နောက် Ye Guangfu ၊ Li Cong နဲ့ Li Guangsu ရှန် ကျိုး-၁၈ အဖွဲ့သားတွေက ကမ္ဘာမြေပေါ်ကို နိုဝင်ဘာ ၅ ရက်နေ့မှာ ချောချောမွေ့မွေ့ ပြန်လည်ရောက်ရှိခဲ့ကြပါပြီ။ သူတို့အဖွဲ့ဟာ ပြီးခဲ့တဲ့ ၆ လအတွင်း အာကာသထဲမှာ သုတေသန စမ်းသပ်မှုပေါင်း ၂၈ ခု ဆောင်ရွက်ခဲ့ပါတယ်။ အဲဒီသုတေသနတွေထဲက တစ်ခုကတော့ အာကာသထဲမှာ ငါးလေးတွေ ရှင်သန်နိုင်သလား၊ သူတို့ရဲ့ အမူအကျင့်တွေဟာ အာကာသထဲမှာ ကမ္ဘာမြေပေါ်မှာနဲ့ မတူဘဲ ဘယ်လိုပြောင်း လဲလာသလဲ စတာတွေကို လေ့လာခဲ့ကြတာ ဖြစ်ပါတယ်။

သုတေသီတွေဟာ ဧပြီ ၂၅ ရက်က ကမ္ဘာမြေကနေယူသွားတဲ့ zebrafish လို့ခေါ်တဲ့ ငါးလေး ၄ ကောင်ကို ထျန်ကုန်း အာကာသသိပ္ပံစခန်းရဲ့ ဓာတ်ခွဲခန်းထဲက အထူးပြုလုပ်ထားတဲ့ မှန်ရေကန်လေးထဲမှာ ထည့်သွင်းမွေးမြူ ခဲ့ကြပါတယ်။ ငါးလေးတွေအပြင် hornwort ရေနေအပင်လေးတွေပါ ထည့်သွင်း‌ထားခဲ့ကြတာပါ။ Zebrafish ငါးလေးတွေဟာ တရုတ်အာကာသသိပ္ပံစခန်းကို လူတွေပြီးနောက်၊ ဒုတိယမြောက် ရောက်ရှိခဲ့တဲ့ ကျောရိုးရှိသတ္တဝါ လေးတွေအဖြစ် မှတ်တမ်းဝင်ခဲ့ပါပြီ။

*စိုက်ပျိုးရေး၊ မွေးမြူရေး၊ ရေလုပ်ငန်းနဲ့ ပတ်သက်တာ အစိိမ်းရောင်လမ်းဆော့ဝဲမှာမေးပါ*

ဒါပေမယ့် အာကာသထဲမှာ ငါးလေးတွေမွေးမြူကြည့်တဲ့သုတေသနလုပ်ငန်းဟာ ဒါ ပထမဆုံးအကြိမ်တော့ မဟုတ်ပါဘူး။ ၁၉၇၃ ခုနှစ်မှာ ဇူလိုင်လ ၂၈ ရက်မှာ အမေရိကန် အာကာသယာဉ်မှူးတွေဖြစ်ကြတဲ့ Alan Bean ၊ Owen Garriott နဲ့ Jack Lousma တို့ဟာ ပထမဆုံးအကြိမ်အဖြစ် Mummichog ငါးသန်လေး နှစ်ကောင်နဲ့ ငါးဥ အလုံးရေ ၅၀ ကို ကမ္ဘာပတ်လမ်းကြောင်းထဲကို ယူဆောင်သွားခဲ့ကြတာ ဖြစ်ပါတယ်။

အဲဒီနောက်မှာ ရေသတ္တဝါတွေကို အာကာသထဲ ယူသွားပြီး စမ်းသပ်တဲ့ သုတေသနလုပ်ငန်းတွေ အတော်များများ ရှိခဲ့ပါတယ်။

ဥပမာအားဖြင့် ၂၀၁၂ ခုနှစ်မှာ အမေရိကန် NASA ရဲ့ နိုင်ငံတကာအာကာသစခန်း (ISS) မှာ ဂျပန် အာ ကာသသိပ္ပံ (JAXA) က ပညာရှင်တွေက medaka လို့ခေါ်တဲ့ ဂျပန်ရေချိုငါးလေးတွေနဲ့ စမ်းသပ်ခဲ့ကြတာပါ။ အဲဒီ အဖွဲ့ရဲ့ ကောက်ချက်ကတော့ ဆွဲငင်အားမရှိတဲ့ အာကာသထဲက ပတ်ဝန်းကျင်အခြေအနေဟာ လူတွေအပေါ် သက် ရောက်တာထက်၊ ငါးတွေအပေါ် သက်ရောက်တာ ပိုကြီးမားတယ် ဆိုတာပါပဲ။

အခုနောက်ပိုင်း လူသားတွေရဲ့ ရောဂါတွေကို လေ့လာရာမှာ Zebrafish ငါးလေးတွေကို နမူနာ (model animal) အဖြစ် အသုံးပြုလာကြတယ်လို့ သိရပါတယ်။ သူတို့ရဲ့ မျိုးဗီဇ (DNA) ဟာ လူသားတွေရဲ့ မျိုးဗီဇ နဲ့ ၇၀% လောက် တူညီတယ်လို့ ဆိုပါတယ်။ လူသားတွေမှာ ရောဂါဖြစ်ပွားမှုနဲ့ ပတ်သက်နေတဲ့ မျိုးဗီဇ ၈၂% လောက်ဟာ Zebrafish ငါးလေးတွေမှာလည်း တွေ့ရတယ်လို့ ဆိုပါတယ်။ သူတို့ရဲ့ swim bladder လို့ခေါ်တဲ့ ခန္ဓာကိုယ်အစိတ် အပိုင်းကို လေ့လာရင် လူတွေရဲ့ အဆုတ်နဲ့ ပတ်သက်ပြီး အချက်အလက်‌တွေ ရလာနိုင်ပါတယ်။ ဒါကြောင့် သူတို့ကို သိပ္ပံသုတေသနတွေမှာ ပိုအသုံးချလာကြတာပါ။

ကုန်ကျစရိတ်သက်သာသလို မွေးရလွယ်ပြီး၊ အရွယ်အစား သေးငယ်တာကလည်း Zebrafish ငါးလေးတွေ ကို အာကာသထဲ ယူသွားဖို့ ရွေးချယ်ရတဲ့ အကြောင်းအရင်း တစ်ခုဖြစ်ပါလိမ့်မယ်။ သုတေသနလုပ်ငန်းတွေ လုပ် ဆောင်ဖို့ ကမ္ဘာမြေပြင်ကနေ အာကာသထဲထိ ယူဆောင်သွားရတဲ့ ပစ္စည်းတွေ သေးလေလေ၊ နည်းလေလေ၊ သယ် ယူသွားရတာ လွယ်ကူလေလေပဲ မဟုတ်ပါလား။ ကုန်ကျစရိတ်ကလည်း သက်သာလေပဲ မဟုတ်ပါလား။

အရမ်းနည်းတဲ့ဆွဲငင်အား (Microgravity) သာရှိတဲ့ ရေကန်လေးဟာ ငါးလေးတွေ၊ ရေနေအပင်လေးတွေ၊ ရေတွေနဲ့ သီးခြားတည်‌ဆောက်ပေးထားတဲ့ ဂေဟစနစ် (ecosystem) လေး ဖြစ်နေခဲ့တာပါ။ အဲဒီ ဂေဟစနစ်ထဲမှာ Zebrafish ငါးလေးတွေဟာ ရက်ပေါင်း ၄၀ ကြာအောင် ရှင်သန်နေထိုင်ခဲ့ကြတယ်လို့ ဆိုပါတယ်။ ရှန်ကျိုး-၁၈ အဖွဲ့ သားတွေက ငါးလေးတွေရဲ့ နေထိုင်ပြုမူပုံတွေကို မှတ်တမ်းတွေ ရယူခဲ့ကြပါတယ်။

ငါးလေးတွေဟာ ရေကူးတဲ့ ပုံစံမမှန်တာတွေ တွေ့ရတယ်လို့ ဆိုပါတယ်။ ဆွဲငင်အားနည်းလွန်းတာကြောင့် ဘယ်ဟာအပေါ်၊ ဘယ်ဟာအောက်ဆိုတာ သေသေချာချာမခွဲခြားနိုင်သလို၊ ဦးတည်ရာကိုလည်း ခွဲခြားခက်နေဟန် ရှိပါတယ်။ ငါးလေးတွေက ပတ်ခြာလည်နေတာ၊ ပက်လက်လန်ပြီး ရေကူးနေတာ စသည်ဖြင့် လှုပ်ရှားမှုပုံစံတွေမှာ ကမောက်ကမတွေ ဖြစ်နေတယ်လို့ ဆိုပါတယ်။

ဒါပေမယ့် ငါးကန်လေးထဲမှာ ဂေဟစနစ်တစ်ခုဟာ ကမ္ဘာမြေပြင်မှာထက်ကို မြန်မြန်ဆန်ဆန် ဖြစ်ပေါ်လာတာကိုလည်း တွေ့ရတယ်လို့ ဆိုပါတယ်။ အာကာသယာဉ်မှူးတွေဟာ ငါးကလေးတွေကို အချိန်ပြည့် ဗွီဒီယိုမှတ် တမ်းတင်ပြီး သူတို့ရဲ့ အမူအကျင့်တွေကို လေ့လာသလို၊ ရေအရည်အသွေး ပြောင်းလဲမှုတွေကိုလည်း တိုင်းတာ စစ် ဆေးပြီး မှတ်တမ်းတင်ထားခဲ့ပါတယ်။

ဒီသုတေသနလုပ်ငန်းရဲ့ နောက်ကွယ်ကနေ ကြီးကြပ်ပေးနေတဲ့ ပညာရှင်ကတော့ တရုတ်သိပ္ပံအကယ်ဒမီ၊ Institute of Hydrobiology က ပါမောက္ခ Wang Gaohong ဖြစ်ပါတယ်။ သူက အခု စမ်းသပ်တွေ့ရှိမှုတွေကြောင့် နောက်ပိုင်း ပိုမိုပြီး ရှုပ်ထွေးနက်နဲတဲ့ သုတေသနတွေ ဆက်လက်လုပ်ဆောင်နိုင်တော့မယ်လို့ ဆိုပါတယ်။ ငါးတွေ ကို ဥဘဝကနေ ငါးအဖြစ် မွေးမြူပြုစုတာ၊ သားဖောက်ပြီး၊ သူတို့ကနေ ဥတွေ ပြန်ပေါက်လာတာ စသည်ဖြင့် ငါးရဲ့ ဘဝစက်ဝန်းတစ်ခုလုံးကို အာကာသထဲမှာပဲ လုပ်နိုင်မလားဆိုတာကို ဆက်လက်လေ့လာကြဖို့ ရှိနေပါတယ်။

အဲဒီလိုသာ လုပ်နိုင်ခဲ့မယ်ဆိုရင် အနည်းဆုံးတော့ အာကာသ ယာဉ်မှူးတွေအတွက် အာကာသထဲမှာ ချက် စားစရာ ငါးတွေ ရနိုင်တော့မယ် ထင်ပါရဲ့။ အဲဒီကနေ ဆက်ပြီး အနာဂတ်နှစ်ပေါင်းများစွာအကြာမှာ အာကာသထဲ၊ ဒါမှမဟုတ် လကမ္ဘာပေါ်မှာ ငါးကန်တွေ၊ မွေးမြူရေးခြံတွေ၊ စိုက်ခင်းတွေ ပေါ်ပေါက်လာနိုင်တော့မလားလို့ ဆက်ပြီး စိတ်ကူးယဉ်ကြည့်စရာ ကောင်းလှပါတယ်။

Microgreens အမျိုးအစားများ🍀

Microgreens အပင်လေးတွေကို အမျိုးမျိုးသော ဟင်းသီးဟင်းရွက်မျိုးစေ့များကနေ စိုက်ပျိုးနိုင်ပါတယ်။

အောက်ဖော်ပြပါ မျိုးရင်းဝင် အပင်တွေကတော့ Microgreen အနေနဲ့ လူကြိုက်အများဆုံး အပင်လေးတွေ ဖြစ်ကြပါတယ်။

Brassicaceae မျိုးရင်းဝင်အပင်များ🍀

ပန်းဂေါ်ဖီ၊ ပန်းဂေါ်ဖီစိမ်း၊ ဂေါ်ဖီထုပ်၊ မုန်လာဥအဖြူ၊ အာရူဂူလာ (arugula)၊ ကန်စွန်း

Asteraceae မျိုးရင်းဝင်အပင်များ🍀

ဆလပ်၊ ​ဒေါင်းမြှီးဆလပ် (endive)၊ ချီကိုရီ (chicory)၊ အီတလီချီကိုရီ (radicchio)

Amaryllidaceae မျိုးရင်းဝင်အပင်များ 🍀

ကြက်သွန်ဖြူ၊ ကြက်သွန်နီ၊ ကြက်သွန်မြိတ်

Amaranthaceae မျိုးရင်းဝင်အပင်များ 🍀

ဟင်းနုနွယ်၊ သကြားမုန်လာ၊ swiss chard

Cucurbitaceae မျိုးရင်းဝင်အပင်များ 🍀

ဖရဲ၊ သခွား၊ သခွားမွေး၊ ဖရုံ

စပါး၊ အုတ်ဂျုံ၊ ဂျုံ၊ ပြောင်းနဲ့ မုယောစပါးတို့အပြင် ကုလားပဲနဲ့ ပဲအမျိုးမျိုးကဲ့သို့သော မျိုးစေ့များကိုလည်း တစ်ခါတစ်ရံမှာ microgreens အနေနဲ့ အသုံးပြုစိုက်ပျိုးကြပါတယ်။ Microgreens အပင်ပေါက်လေးတွေဟာ အမျိုးအစားပေါ်မူတည်ပြီး အ​ရသာ ပုံမှန်ကနေ စပ်တာမျိုးအထိ၊ ​ အနည်းငယ်ချဥ်တာကနေ ခါးတာမျိုးအထိ ရှိနိုင်ပါတယ်။

*စိုက်ပျိုးရေး၊ မွေးမြူရေး၊ ရေလုပ်ငန်းနဲ့ ပတ်သက်တာ အစိိမ်းရောင်လမ်းဆော့ဝဲမှာမေးပါ*

အာဟာရပြည့်ဝသော Microgreens အပင်ပေါက်လေးများ🍀

Microgreens အပင်ပေါက်လေးတွေမှာဆိုရင် အာဟာရဓာတ်တွေ အပြည့်အဝ ပါရှိနေတာဖြစ်ပါတယ်။ ၎င်းတို့ရဲ့ အာဟာရဓာတ်ပါဝင်မှုဟာ အနည်းငယ်ကွဲပြားပေမဲ့လည်း အများစုမှာတော့ ပိုတက်စီယမ်၊ အိုင်းယွန်း၊ ဇင့်၊ မဂ္ဂနီဆီယမ်နဲ့ ကော့ပါးဓာတ်တွေ ကြွယ်ဝစွာပါဝင်နေတာ ဖြစ်ပါတယ်။ Microgreens အပင်ပေါက်လေးတွေဟာ ဓာတ်တိုးဆန့်ကျင်ပစ္စည်းများ (antioxidants) ကဲ့သို့သော အကျိုးပြု အပင်ဒြပ်ပေါင်းများရဲ့ အရင်းအမြစ်ကောင်း တစ်ခုလည်းဖြစ်ပါတယ်။ ထို့အပြင် အပင်ပေါက်လေးတွေဟာ အရွယ်ရောက်ပြီးတဲ့ အပင်ကြီးတွေထက် ဗီတာမင်၊ သတ္တုဓာတ်နဲ့ ဓာတ်တိုးဆန့်ကျင်ပစ္စည်းတွေ ပိုမိုမြင့်မားစွာ ပါဝင်နေတာ ဖြစ်ပါတယ်။ အချို့သော သုတေသနတွေအရ Microgreens နဲ့ အရွယ်ရောက်ပြီးသား အပင်တွေကို နှိုင်းယှဥ်ရာမှာ မိုက်ခရိုဂရင်းမှာပါဝင်နေတဲ့ အာဟာရဓာတ်ပမာဏဟာ ၉ ဆအထိ ပိုများနိုင်တယ်လို့ ဆိုကြပါတယ်။

ကျန်းမာရေး ကောင်းကျိုးများ 🍀

✅ ဆီးချိုရောဂါကို သက်သာစေခြင်း

ဆီးချိုရောဂါရှိသူတွေဟာ ၎င်းတို့ရဲ့သွေးထဲက သကြားဓာတ် (ဂလူးကို့စ်) ပမာဏကို ထိန်းချုပ်နိုင်ခြင်းမရှိဘဲ ၎င်းတို့ရဲ့ဆဲလ်တွေဟာလည်း သွေးကြောထဲမှ သကြားဓာတ်များကို မဖယ်ရှားပေးနိုင်ကြပါဘူး။ သို့ပေမဲ့ microgreens အပင်လေးတွေကတော့ သွေးတွင်းသကြားဓာတ်ကို ထိန်းညှိပေးနိုင်ကြပါတယ်။ ဘရိုကိုလီ (ပန်းဂါ်ဖီစိမ်း) အပင်ပေါက်လေးတွေဆိုရင် အင်ဆူလင်ခံနိုင်ရည်ရှိမှုကို မြှင့်တင်ပေးနိုင်ပြီး သွေးတွင်းသကြားဓာတ်များ ဆဲလ်များအတွင်းသို့ ဝင်ရောက်သွားအောင် ကူညီပေးနိုင်တာ ဖြစ်ပါတယ်။ အိန္ဒိယဟင်းလျာ ချက်ပြုတ်ရာမှာ အဓိကကျသော ပဲပင်တစ်မျိုးဖြစ်တဲ့ ပဲနံ့သာ (Fenugreek microgreen) ဆိုရင် ဆဲလ်များအနေနဲ့ သကြားဓာတ်ကို ၂၅ မှ ၄၄ ရာခိုင်နှုန်းအထိ ကောင်းစွာစုပ်ယူနိုင်အောင် ကူညီပေးတယ်လို့ ဆိုကြပါတယ်။

✅ အယ်လ်ဇိုင်းမားရောဂါ ကာကွယ်ပေးခြင်း

ပိုလီဖီနောလ် (Polyphenols) ဓာတ်ဟာ ဓာတ်တိုးဆန့်ကျင်ဂုဏ်သတ္တိရှိတဲ့ အပင်အခြေခံပစ္စည်းဖြစ်ပါတယ်။ ၎င်းဟာ ကျန်းမာရေးအကျိုးကျေးဇူးများစွာကို ပေးစွမ်းနိုင်ပြီး မိုက်ခရိုဂရင်း အပင်လေးတွေထဲမှာ ပိုလီဖီနောလ်ဓာတ်တွေ များစွာပါဝင်နေတာ ဖြစ်ပါတယ်။ polyphenols ဓာတ်ဟာ စဥ်းစားတွေးခေါ်မှုဆိုင်ရာကို တိုးတက်စေပြီး အယ်လ်ဇိုင်းမားရောဂါကဲ့သို့သော အာရုံကြောဆိုင်ရာရောဂါများ အစပြုခြင်းကိုပင် ဟန့်တားနိုင်ကြောင်း (သို့မဟုတ်) နှောင့်နှေးစေနိုင်ကြောင်း သိပ္ပံနည်းကျအထောက်အထားများကတဆင့် ပြသထားတာဖြစ်ပါတယ်။

✅ နှလုံးရောဂါဖြစ်နိုင်ခြေကို လျှော့ချပေးခြင်း

Polyphenols ဓာတ်ဟာ နှလုံးရောဂါဖြစ်နိုင်ခြေနည်းပါးခြင်းနဲ့ ဆက်စပ်မှုရှိနေတာလည်းဖြစ်ပါတယ်။ မိုက်ခရိုဂရင်းအပင်လေးတွေဟာ နှလုံးရောဂါဖြစ်နိုင်ခြေကို လျှော့ချပေးတဲ့ ဓာတ်တိုးဆန့်ကျင်ပစ္စည်း polyphenols ကြွယ်ဝတဲ့ အရင်းအမြစ်တစ်ခုဖြစ်ပါတယ်။ လေ့လာမှုများအရ အဆီများတဲ့ အစားအစာတွေမှာ ဂေါ်ဖီထုပ်နီ microgreens အပင်ပေါက်လေးတွေကို ပေါင်းထည့်စားသုံးတဲ့အခါ မကောင်းတဲ့အဆီဓာတ် (triglyceride) နဲ့ မကောင်းတဲ့ ကိုလက်စထရောပမာဏကို လျှော့ချပေးနိုင်ပြီး ကိုယ်အလေးချိန်လျော့ကျစေကာ နှလုံးရောဂါဖြစ်နိုင်ခြေ နည်းပါးကြောင်း တွေ့ရှိခဲ့တာဖြစ်ပါတယ်။

✅ ကင်ဆာကာကွယ်ပေးခြင်း

Brassicaceae မျိုးရင်းဝင် (ပန်းဂေါ်ဖီ၊ ပန်းဂေါ်ဖီစိမ်း၊ ဂေါ်ဖီထုပ်၊ မုန်လာဥအဖြူ၊ ကန်စွန်း) စတဲ့ microgreens အပင်လေးတွေမှာ sulforaphane ဆိုတဲ့ ဓာတ်တစ်မျိုး ပါဝင်ပါတယ်။ sulforaphane ဓာတ်ရဲ့ ကျန်းမာရေးအကျိုးကျေးဇူးများစွာထဲမှ တစ်ခုကတော့ ကင်ဆာရောဂါကို ကာကွယ်ပေးနိုင်တာ ဖြစ်ပါတယ်။ သုတေသနပြုချက်များအရ Brassicaceae မျိုးရင်းဝင် အပင်ငယ်လေးတွေကို အစားအစာတွေထဲမှာ မျှတစွာထည့်သွင်းစားသုံးခြင်းဟာ ကင်ဆာကြီးထွားမှုကို ဟန့်တားရာမှာ အထောက်အကူဖြစ်စေတယ်လို့ ဆိုပါတယ်။ နောက်ထပ်လေ့လာမှုတစ်ခုအရ Brassicaceae မျိုးရင်းဝင် အပင်ငယ်လေးတွေဟာ အူမကြီးကင်ဆာကို ကာကွယ်ရာမှာ အထူးအသုံးဝင်ကြောင်း တွေ့ရှိခဲ့တာ ဖြစ်ပါတယ်။

✅ အမြင်အာရုံ ကောင်းမွန်စေခြင်း

Lutein ဆိုတဲ့ဓာတ်ဟာ ဟင်းနုနွယ်ရွက်၊ ပန်းဂေါ်ဖီစိမ်း၊ ဒုဓလီ (dandelion) နဲ့ ကန်စွန်းရွက် microgreens အပင်ငယ်လေးတွေမှာ ပါဝင်တဲ့ အစွမ်းထက်သော ဓာတ်တိုးဆန့်ကျင်ပစ္စည်း (antioxidant ) တစ်မျိုးဖြစ်ပါတယ်။ ၎င်းဓာတ်ဟာ အထူးသဖြင့် သက်ကြီးရွယ်အိုတွေရဲ့ မျက်စိကျန်းမာရေးအတွက် အထောက်အကူဖြစ်စေနိုင်ပါတယ်။ လေ့လာမှုများအရ Lutein ဓာတ်ဟာ အသက်အရွယ်နဲ့ဆိုင်တဲ့ မျက်စိအမြင်လွှာ ထိခိုက်ပျက်စီးခြင်း (Macular) ရောဂါကို ကာကွယ်နိုင်တယ်လို့ ဆိုပါတယ်။