မြေငလျင်သတင်း
၂၀၂၅ ခုနှစ်၊ စက်တင်ဘာလ ၃၀ ရက်နေ့၊ မြန်မာစံတော်ချိန် (၀၇)နာရီ၊ (၁၀)မိနစ်၊ (၁၂) စက္ကန့် အချိန်တွင် တမူးမြေငလျင်စခန်းမှ အရှေ့-အရှေ့တောင်ဘက် (၄၂) မိုင်ခန့်ကွာဝေးသော မြန်မာနိုင်ငံပြည်တွင်း (ဖောင်းပြင်မြို့၏ အရှေ့တောင်ဘက် (၁၄) မိုင်ခန့်အကွာ) မြောက်လတ္တီတွဒ် (၂၄.၁၀) ဒီဂရီ၊ အရှေ့လောင်ဂျီတွဒ် (၉၄.၉၅) ဒီဂရီ၊ အနက်(၆၅) ကီလိုမီတာကို ဗဟိုပြု၍ အင်အား ရစ်(ခ်)တာ စကေး (၄.၉) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွား ကြောင်း တိုင်းထွာရရှိပါသည်။

မြေငလျင်သတင်း
၂၀၂၅ ခုနှစ်၊ စက်တင်ဘာလ ၃၀ ရက်နေ့၊ မြန်မာစံတော်ချိန် (၀၇)နာရီ၊ (၁၀)မိနစ်၊ (၁၂) စက္ကန့် အချိန်တွင် တမူးမြေငလျင်စခန်းမှ အရှေ့-အရှေ့တောင်ဘက် (၄၂) မိုင်ခန့်ကွာဝေးသော မြန်မာနိုင်ငံပြည်တွင်း (ဖောင်းပြင်မြို့၏ အရှေ့တောင်ဘက် (၁၄) မိုင်ခန့်အကွာ) မြောက်လတ္တီတွဒ် (၂၄.၁၀) ဒီဂရီ၊ အရှေ့လောင်ဂျီတွဒ် (၉၄.၉၅) ဒီဂရီ၊ အနက်(၆၅) ကီလိုမီတာကို ဗဟိုပြု၍ အင်အား ရစ်(ခ်)တာ စကေး (၄.၉) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွား ကြောင်း တိုင်းထွာရရှိပါသည်။

စက်တင်ဘာ ၃၀ ရက်နေ့ စက်သုံးဆီစျေးနှုန်းများ

#သတင်းဟင်းလေးအိုးကြီး

စက်တင်ဘာ ၃၀ ရက်နေ့ စက်သုံးဆီစျေးနှုန်းများ

#centralnewsnaypyitaw

စက်တင်ဘာ ၃၀ ရက်နေ့ စက်သုံးဆီစျေးနှုန်းများ

#democracynowmm

မိုနာကိုနှင့်ပွဲကိုလည်း မန်စီးတီးကွင်းလယ်လူရိုဒရီ လွဲချော်လာဖွယ်ရှိ

စက်တင်ဘာ ၂၉

ပက်ဂွါဒီယိုလာက မန်စီးတီးစတားရိုဒရီမှာ ပြီးခဲ့တဲ့ရာသီတုန်းက ရရှိခဲ့တဲ့ ဒူးအရွတ်ဒဏ်ရာမှ နာကျင်လာမှုကြောင့် ဘန်လေအား ၅-၁ ဖြင့် အနိုင်ရတဲ့ပွဲကို လွဲချော်ခဲ့ခြင်း ဖြစ်ကြောင်း အတည်ပြုလာပါတယ်။

စပိန်လက်ရွေးစင်စတားဟာ မကြာသေးမီကမှ ကြံ့ခိုင်မှု ပြည့်ဝလာခဲ့သူ ဖြစ်ပြီး မိုနာကိုနှင့် ချန်ပီယံလိဂ်ပွဲအား လွဲချော်လာဖို့ ရှိနေပြီ ဖြစ်ပါတယ်။

ရိုဒရီဟာ စနေနေ့တုန်းက အီတီဟတ်ကွင်းတွင် ဘန်လေအား ၅-၁ ဖြင့် အနိုင်ရတဲ့ပွဲရဲ့ မန်စီးတီးလူစာရင်းမှာ ပါဝင်ခဲ့ခြင်း မရှိပါဘူး။

ဂွါဒီယိုလာက "လေ့ကျင့်ရေးကွင်းမှာ ရိုဒရီက ကျွန်တော် မကစားတော့ဘူး၊ ဒူးအရမ်း နာတယ်၊ မကစားနိုင်ဘူး ဆိုပြီး ပြောလာတယ်။ အဲဒီတော့ ကျုပ်ကလည်း မကစားနိုင်ဘူးဆိုရင် မကစားရဘူး။ ဒီတော့ တခြားတစ်ယောက် ကစားမယ်။ အရင်ဒူးဒဏ်ရာက နာလာတာ"လို့ ပြောကြားသွားပါတယ်။

အလယ်တန်းကစားသမားဟာ ဒူးအရွတ်ဒဏ်ရာမှ ပြန်လည်ကောင်းမွန်လာပြီးနောက် အကောင်းဆုံးပုံစံ ရရှိရေး ရုန်းကန်လာခဲ့ရသူလည်း ဖြစ်ပါတယ်။

ဂွါဒီယိုလာဟာ မိုနာကိုနှင့်ပွဲတွင် ရိုဒရီ မပါဝင်နိုင်ပါက နီကိုဂွန်ဇာလက်ဇ် (သို့မဟုတ်) ရီကိုလီဝစ်ကို ကွင်းလယ်မှာ အသုံးပြုလာဖို့ ရှိနေပါတယ်။

Credit - Playmaker Journal

#ဘောလုံးသတင်းစုံ

ကိုးကန့်သူဌေးကြီး မြီရှောက်ချန်းရဲ့ သားနဲ့ မြေးအပါအဝင် ၁၁ ဦးကို တရုတ် သေဒဏ်အမိန့်ချ

စက်တင်ဘာ ၂၉

ကွယ်လွန်သူ ကိုးကန့်သူဌေးကြီး မြီရှောက်ချန်းရဲ့သား မြီကော်ဖျင်နဲ့ မြေးဖြစ်သူ မြီကြိမ်းကြိမ်း စတဲ့ မြီမိသားစုအပါအဝင် လူ ၁၁ ဦးကို တရုတ်တရားရုံးတစ်ရုံးက ‌ဒီကနေ့ စက်တင်ဘာ ၂၉ ရက်မှာ သေဒဏ်အမိန့်ချမှတ်လိုက်တယ်လို့ တရုတ်နိုင်ငံပိုင် စီစီတီဗီသတင်းဌာနက သတင်းဖော်ပြပါတယ်။

တရုတ်နိုင်ငံ၊ ဂျဲကျန့်ပြည်နယ်၊ ဝမ်ဂျိုပြည်သူ့တရားရုံးကနေ သေဒဏ်ချမှတ်လိုက်တာဖြစ်တာလို့ သတင်းက ဆိုပါတယ်။

တရုတ်နိုင်ငံရဲ့ ပြည်သူတွေအပေါ် အွန်လိုင်းငွေလိမ်လည်မှု(ကျားဖြန့်)နဲ့ တခြားရာဇဝတ်မှုတွေကို ကျူးလွန်ခဲ့တာကြောင့် မြီရှောက်ချန်းရဲ့သား၊ သမီးနဲ့ မြေးတို့အပါအဝင် လူ ၄၀ နီးပါးကို တရုတ်ဘက်က ၂၀၂၄ နှစ်ကုန်ပိုင်းမှာ ဖမ်းဆီးပြီး စွဲချက်တင်ခဲ့ပါတယ်။

မြီမိသားစုကိုတော့ လိမ်လည်မှု၊ နိုင်ငံတကာအဆင့်လူသတ်မှု၊ ရည်ရွယ်ချက်ရှိရှိလူထိခိုက်စေမှု၊ လူတွေကိုတရားမဝင်ဖမ်းချုပ်မှု၊ လောင်းကစားဝိုင်းထောင်မှု၊ မူးယစ်မှောင်ခိုကူးမှုတွေနဲ့ တရားစွဲဆိုပြီးတဲ့နောက် ၂ နှစ်နီးပါးအကြာမှာ အခုလို သေဒဏ်ချမှတ်လိုက်တာ ဖြစ်ပါတယ်။

အဲဒီတရားရုံးဟာ ဒီနေ့တစ်နေ့တည်းမှာပဲ တရားခံ ၅ ဦး ကို သေဒဏ် ၂ နှစ် ဆိုင်းငံ့နဲ့ သေဒဏ်ချမှတ်ခံရပါတယ်။

အမှုတွဲ တရားခံ ၂၃ ဦးကိုတော့ အနည်းဆုံး ထောင်ဒဏ် ၅ နှစ်ကနေ အများဆုံးထောင်တစ်သက်အထိ တရားရုံးက ချမှတ်ပါတယ်။

ကိုးကန့်ဒေသရဲ့ အချမ်းသာဆုံးမိသားစု လေးခုထဲက မြီ မိသားစုဝင်တွေဖြစ်တဲ့ မြီရှောက်ချန်းရဲ့သား မြီကော်ဖျင်၊ သမီးဖြစ်သူ မြီကျူးလန့်နဲ့ မြေးဖြစ်သူ မြီကြိမ်းကြိမ်းတို့ကို တရုတ်က ပြီးခဲ့တဲ့နှစ်၊ နိုဝင်ဘာလမှာ ဖမ်းဝရမ်းထုတ်ခဲ့ပါတယ်။

အဲဒီနောက် ကိုးကန့်ဒေသမှာ မြန်မာ့တပ်မတော်နဲ့ တရုတ်ရဲတပ်ဖွဲ့က ပူးပေါင်းပြုလုပ်တဲ့စီးနင်းမှုတွေအတွင်း သူတို့ကို နိုဝင်ဘာ ၁၆ ရက် မနက်ပိုင်းမှာဖမ်းမိခဲ့ပြီး အဲဒီနေ့ နေ့လယ်ပိုင်းမှာပဲ သူတို့ကို မြန်မာစစ်ကောင်စီက တရုတ်နိုင်ငံဘက်ခြမ်းကို နယ်စပ်က ရန်လုံကျိုင်းဂိတ်ကနေ လွှဲခဲ့ပါတယ်။

အခုတော့ ဝမ်ဂျိုတရားရုံးမှာ စွဲချက်တင်ခံရတဲ့ မြီမိသားစုဝင်အချို့ကို သေဒဏ်အမိန့်ချမှတ်မှု ထွက်ပေါ်လာတာပါ။

မိသားစုလိုက်စီမံပြီး ၂၀၁၅ ခုနှစ်ကစလို့ ဂိုဏ်းအသွင် လုပ်ဆောင်ချက်တွေမှာ လူ ၁၄ ဦးသေဆုံးခဲ့တာအတွက် တာဝန်ရှိတယ်ဆိုပြီး တရားရုံးက ဒဒီလူတွေကိုပြစ်ဒဏ်အသီးသီး ချမှတ်ခဲ့တာဖြစ်ပါတယ်။

Credit - BBC Burmese

#သတင်းဟင်းလေးအိုးကြီး

❝မြန်မာ့ရွေးကောက်ပွဲကို ပူးပေါင်းကာကွယ်သွားမယ်လို့ ကရင်လက်နက်ကိုင် ၃ ဖွဲ့ ထုတ်ပြန်❞

စက်တင်ဘာ ၂၉

လာမယ့် ဒီဇင်ဘာလမှာ စတင်ကျင်းပမယ့်‌ မြန်မာ့ အထွေထွေရွေးကောက်ပွဲကို ပူးပေါင်းကာကွယ်သွားမယ်လို့ ကရင်လက်နက်ကိုင် (၃)ဖွဲ့ဖြစ်တဲ့ ကရင်နယ်ခြားစောင့်တပ်(BGF/ KNA)၊ ဒီမိုကရေစီအကျိုးပြုကရင့်တပ်မတော်(DKBA)နဲ့ KNU ခွဲထွက် ကရင်ငြိမ်းချမ်းရေးကောင်စီ(KNLA-PC) တို့က ပူးတွဲထုတ်ပြန်လိုက်ပါတယ်။

အဆိုပါ ကရင်လက်နက်ကိုင် (၃) ဖွဲ့တို့ရဲ့ ထိပ်ပိုင်းခေါင်းဆောင်တွေဟာ စက်တင်ဘာ ၂၈ ရက်နေ့က မြဝတီမြို့နယ်၊ သေ့ကတေကျေးရွာမှာရှိတဲ့ BGF အမှတ် ၂ တပ်နယ်ဌာနချုပ်မှာ တွေ့ဆုံဆွေးနွေးပွဲတစ်ခု ပြုလုပ်ခဲ့ပြီးနောက် ယခုလို ထုတ်ပြန်လာခဲ့တာဖြစ်ပြီး ကရင်ဒေသခံ လူထုတွေရဲ့ ဆန္ဒအရ မဲပေးတဲ့နေရာမှာ ထိခိုက်နစ်နာမှုမရှိဖို့အတွက် အဖွဲ့စုံ ပူးပေါင်းပြီး ကာကွယ်သွားမယ်လို့ ဆိုထားပါတယ်။

ဒါ့အပြင် အခုကျင်းပမယ့် ရွေးကောက်ပွဲဟာ ကရင်ပြည်နယ်ထဲက စစ်ရေး၊ နိုင်ငံရေးအခြေအနေတွေအပါအဝင် နိုင်ငံတွင်းက ပဋိပက္ခတွေကို ဖြေရှင်းပေးနိုင်ပြီး ကရင်လူထုကို အေးချမ်းတည်ငြိမ်အောင် ဖန်တီးပေးနိုင်လိမ့်မယ်လို့ ယုံကြည်ကြောင်းလည်း အဲဒီထုတ်ပြန်ချက်မှာ ဖော်ပြထားပါတယ်။

အဆိုပါဆွေးနွေးပွဲကို BGF ဗိုလ်မှူးကြီး စောချစ်သူ၊ ဗိုလ်မှူးချုပ် စောတင်ဝင်း၊ ဗိုလ်မှူးချုပ် စောမုတ်သုန်၊ ကရင်ငြိမ်းချမ်းရေးကောင်စီ(KNU/KNLA PC)ရဲ့ ဒုတိယဥက္ကဋ္ဌ ဒေါက်တာနော်ကပေါ်ထူး၊ ဒီမိုကရေစီအကျိုးပြုကရင်တပ်မတော်(DKBA)ရဲ့ စစ်ဦးစီးချုပ် ဗိုလ်ချုပ်ကြီး စောစတီး၊ ဗိုလ်ချုပ်စောဆန်းအောင် စတဲ့ ထိပ်ပိုင်းခေါင်းဆောင်တွေအပြင် တပ်မတော်အရာရှိအချို့လည်း တက်ရောက်ခဲ့ကြတယ်လို့ သိရပါတယ်။

#centralnewsnaypyitaw

UWSA ၏ (၁၇၁) စစ်ဒေသ အတွင်း ဖမ်းမိသော မူးယစ်ဆေးဝါးများအား မြန်မာနိုင်ငံ ရဲတပ်ဖွဲ့သို့ လွှဲပြောင်း

စက်တင်ဘာ ၂၉

UWSA ၏ (၁၇၁) စစ်ဒေသ အတွင်း ဖမ်းမိသော မူးယစ်ဆေးဝါးများအား မြန်မာနိုင်ငံ ရဲတပ်ဖွဲ့သို့ လွှဲပြောင်း ပေးအပ်သည့် အခမ်းအနားကို ယနေ့ (စက်တင်ဘာလ ၂၉ ရက်) တွင် ပြုလုပ်ခဲ့ကြောင်း UWSA မှ ပြောရေးဆိုခွင့်ရှိသူ ဦးညီရမ်းက ၎င်း၏ လူမှုကွန်ယက် ဖေ့စ်ဘွတ်ခ် စာမျက်နှာထက်တွင် ဖော်ပြ အသိပေးထားသည်။

UWSA က ရှမ်းပြည်နယ် အရှေ့ပိုင်းရှိ တာချီလိတ်၊ မိုင်းဆတ်၊ မိုင်းတုံ စသည်ဖြင့် မြန်မာ - ထိုင်း နယ်စပ် အနီး ရှိ ဒေသများကို ဝ တောင်ပိုင်း (၁၇၁) စစ်ဒေသ အဖြစ် သတ်မှတ်ထားခြင်း ဖြစ်သည်။

ယခု လွှဲပြောင်းပေးအပ်ခဲ့သော မူးယစ်ဆေးဝါးများမှာ ယခုနှစ် ဇူလိုင်လ စက်တင်ဘာလအတွင်း (၄) ကြိမ် ဖမ်းဆီးရမိခဲ့သော စိတ်ကြွရူးသွပ်ဆေးပြား (၁၄) သန်းခန့် ဖြစ်ကြောင်း သိရသည်။
ယင်းတို့ကို မိုင်းတုံမြို့နယ်တွင် အခမ်းအနား ဖြင့် မြန်မာနိုင်ငံ ရဲတပ်ဖွဲ့ထံ လွှဲပြောင်းပေးခဲ့ခြင်း ဖြစ်ကြောင်း သိရသည်။

Credit - NP News Agency

#သတင်းဟင်းလေးအိုးကြီး

တပ်မတော်စစ်ကြောင်းများ ကျောက်မဲမြို့အနီး ခိုမုန်းရွာသို့ရောက်ရှိနေပြီ

စက်တင်ဘာ ၂၉

TNLA ထိန်းချုပ်ထားသော ကျောက်မဲမြို့သို့ ထိုးစစ်ဆင်နေသော တပ်မတော်စစ်ကြောင်းများသည် ယစက်တင်ဘာ ၂၉ရက်တွင် မြို့အနီးရှိ ခိုမုန်းကျေးရွာသို့ ရောက်ရှိလာပြီဖြစ်ကြောင်း ဒေသခံများထံမှ သိရသည်။

တပ်မတော်စစ်ကြောင်းများသည် ကျောက်မဲမြို့သို့ ထိုးစစ်ဆင်ရန် ပြီးခဲ့သည့် ဩဂုတ်လ တတိယအပတ်ကစတင်လာခဲ့ခြင်းဖြစ်ပြီး ထန်းတပင်၊ ပင်တိန်၊ မက်မန်း(ကုန်းသာ)၊ နောင်ပိန်၊ ခိုက်တုန်ဟုန်း ကျေးရွာတို့ရှိ TNLA စခန်းများကို သိမ်ပိုက်နိုင်ခဲ့ကြောင်း သိရသည်။
လက်ရှိတွင် ကျေက်မဲမြို့ဧရိယာအတွင်းပါဝင်သော ခိုမုန်းကျေးရွာသို့ရောက်လာပြီဖြစ်ကြောင်း သိရသည်။

“အခုတောင် ခိုမုန်းရောက်နေပြီ။ ခိုမုန်းဆိုရင် မြို့နဲ့ (၂)မိုင်လောက်ပဲဝေးတော့တာ။ ခိုမုန်းဆို မြို့နဲ့ကပ်နေပြီလေ။ အခုတောင် အနီးစပ်ဆုံး ကိုရောက်ပြီလေ။ ဒီမြို့ဧရိယာပြီးတာနဲ့ အဲဒီရွာကို တန်းရောက်တာပဲ။ မြို့ဧရိယာက လမ်းခွဲထိပဲလေ။ လမ်းခွဲနဲ့ ခိုမုန်းဆိုတာက ကပ်ရပ် ပဲကို။ ရောက်ပြီလို့တောင်ပြောလို့ရတာပေါ့။ မြို့ဧရိယာထဲကိုရောက်ပြီ”ဟု ဒေသခံတစ်ဦးက ပြောသည်။

ခိုမုန်းကျေးရွာသို့ တပ်မတော်ထိုးစစ်ဆင်ချိန်တွင် TNLA အဖွဲ့ဝင်များက ပြည်သူပိုင်နေအိမ်များအတွင်း ဝင်ရောက်နေရာယူကာ ခံစစ်စစ်ခြင်းများ ရှိနေကြောင်းလည်း သိရသည်။

ကျောက်မဲမြို့ပေါ်ရှိ TNLA များ အနေဖြင့် ၎င်းတို့အလံများအားဖြုတ်ခြင်း၊ ဆိုင်းဘုတ်များကို ဖြုတ်ချခြင်းများ ပြုလုပ်ကာ မြို့မှ ထွက်ခွာရန် ပြင်ဆင်နေကြောင်းလည်း သိရသည်။

ရှမ်းပြည်နယ်မြောက်ပိုင်း မန္တလေး-မူဆယ်လမ်းမပေါ်ရှိ TNLA တို့ (၁) နှစ်ကျော် နောင်ချိုမြို့ကို တပ်မတော်က ပြီးခဲ့သည့် ဇူလိုင်လ ၁၆ ရက်တွင် ပြန်လည် သိမ်းပိုက်နိုင်ခဲ့သည်။

Credit - NP News Agency

#centralnewsnaypyitaw