MySPACE

21 w - Translate

ရွှေတစ်အောင်စလျှင် ဒေါ်လာ ၃၉၀၀ ကျော်မြင့်တက်

ဘန်ကောက်၊ အောက်တိုဘာ ၈

အမေရိကန်ဗဟိုဘဏ်သည် အတိုးနှုန်းများကို လျှော့ချဖွယ်ရှိသည်ဆိုသည့် ခန့်မှန်းချက်များကြောင့် လက်ရှိ ရွှေစျေးသည် တစ်အောင်စလျှင် ဒေါ်လာ ၃၉၀၀ ကျော်အထိ စံချိန်တင်မြင့်တက်ခဲ့ကြောင်း The Nation မှ ဖော်ပြခဲ့သည်။

အမေရိကန်အစိုးရ၏ယန္တရား ရပ်ဆိုင်းမှုနှင့် ပြင်သစ်တွင် နိုင်ငံရေး မတည်ငြိမ်မှုတို့နှင့်အတူ ရွှေစျေးများလည်း မြင့်တက်ခဲ့ခြင်း ဖြစ်သည်။

ရိုက်တာသတင်းဌာ၏ ဖော်ပြချက်တွင် အောက်တိုဘာ ၆ ရက် အမေရိကန် အရှေ့ပိုင်း စံတော်ချိန် မွန်းလွဲ ၂ နာရီ ၄၁ မိနစ်၌ ရွှေတစ်အောင်စလျှင် ၃၉၅၆ ဒသမ ၁၉ ဒေါ်လာရှိပြီး ၁ ဒသမ ၈ ရာခိုင်နှုန်း မြင့်တက်ခဲ့သည်။

အမေရိကန်တွင် ဒီဇင်ဘာလအတွက် ရွှေအရောင်းအဝယ် စျေးနှုန်းမှာ တစ်အောင်စလျှင် ၃၉၇၆ ဒသမ ၃၀ ဒေါ်လာရှိပြီး ၁ ဒသမ ၇ ရာခိုင်နှုန်းအထိ မြင့်တက်ခဲ့သည်။

ပြင်သစ်တွင် နိုင်ငံရေး မတည်ငြိမ်မှု၊ ဂျပန်၌ ငွေကြေးဖောင်းပွခြင်း စိုးရိမ်စိတ်များကြောင့် ငွေတိုက်စာချုပ် စျေးကွက် မြင့်တက်မှု၊ အမေရိကန်အစိုးရယန္တရား ရပ်ဆိုင်းမှု အစရှိသည့် အခြေအနေများကြောင့် ရွှေစျေး မြင့်တက်ာလာခြင်းဖြစ်သည်ဟု Marex ကုမ္ပဏီမှ လေ့လာသူ အက်ဒွပ်မီယာ (Edward Meir) က ပြောကြားခဲ့ သည်။

ပြင်သစ်တွင် နိုင်ငံရေး အကျပ်အတည်း ပိုမိုဆိုးရွားလာသဖြင့် ဝန်ကြီးချုပ် ဆီဘက်စတီယန် လီကော်နျူ (Sebastien Lecornu) နှင့် ၎င်း၏ အစိုးရအဖွဲ့သည် အောက်တိုဘာ ၆ ရက်က နုတ်ထွက်သွားခဲ့သည်။

အမေရိကန်တွင်လည်း အစိုးရအဖွဲ့ယန္တရား တစ်ပိုင်းတစ်စ ရပ်ဆိုင်းမှုသည် ၆ ရက်အထိ ကြာမြင့်လာပြီဖြစ်ပြီး အိမ်ဖြူတော်ကမူ ဖက်ဒရယ်ဝန်ထမ်းများ ခွင့်အကြာကြီး ယူရနိုင်ကြောင်း သတိပေးခဲ့သည်။

ယခုနှစ်အတွင်း ဗဟိုဘဏ်များ၏ ဝယ်လိုအားများ၊ ရင်းနှီးမြှုပ်နှံသူများ၏ ဝယ်လိုအားများနှင့် အမေရိကန် ဒေါ်လာ၏ ငွေတန်ဖိုး အားနည်လာမှုတို့ကြောင့် ရွှေစျေးများသည် ၅၀ ရာခိုင်နှုန်းအထိ မြင့်တက်ခဲ့သည်။

မတ်လအတွင်းက ရွှေတစ်အောင်စလျှင် ဒေါ်လာ ၃၀၀၀ ရှိခဲ့ရာမှာ စက်တင်ဘာလကုန်တွင် ဒေါ်လာ ၃၈၀၀ ကျော်အထိ မြင့်တက်ခဲ့သည်။

Source: The Nation

ပုံ - ရွှေနဲ့ဒေါ်လာကို တွေ့ရစဉ်

#သတင်းဟင်းလေးအိုးကြီး