iPhone ဝယ်ချင်လို့ ကျောက်ကပ်ရောင်းစားခဲ့တဲ့အမျိုးသား ကျောက်ကပ်ရောဂါခံစားနေရ
အသက် ၃၁ နှစ်အရွယ် အမျိုးသားတစ်ဦးဟာ သူ ဆယ်ကျော်သက်အရွယ်တုန်းက iPhone လိုချင်တဲ့စိတ်ကြောင့် လုပ်ခဲ့တဲ့အရာရဲ့အကျိုးဆက်ကို ခံစားနေရပါတယ်။ iPhone လိုချင်လို့ သူ့ကျောက်ကပ်ကို ရောင်းခဲ့တဲ့ လုပ်ရပ်ကြောင့် ကျောက်ကပ်ရောဂါခံစားနေရတာပါ။ သူကတော့ တရုတ်နိုင်ငံ၊ အန်ဟွေ့ပြည်နယ်က ဝမ် ရှောင်ကူဆိုသူပါ။
ရှောင်ကူက ဆင်းရဲတဲ့ဘဝကနေ ကြီးပြင်းလာခဲ့တဲ့သူပါ။ ၂၀၁၁ ခုနှစ်၊ သူ့အသက် ၁၇ နှစ်အရွယ်မှာ iPhone 4 လိုချင်ခဲ့ပါတယ်။ လူမှုကွန်ယက်ပေါ်က ပို့စ်တွေရဲ့လွှမ်းမိုးမှုခံရတဲ့ သူဟာ သူ့ရဲ့ကျောက်ကပ်ကို တရားမဝင်ခွဲစိတ်ရောင်းချဖို့ ဆုံးဖြတ်ခဲ့ပါတယ်။ ကျောက်ကပ်ရောင်းလိုက်လို့ ယွမ် ၂၀၀၀၀ ရခဲ့ပြီး အဲ့ဒီနောက် iPhone 4 နဲ့ iPad 2 ကို ဝယ်ယူခဲ့ပါတယ်။
နောက်ပိုင်းမှာ သူဟာ ဘက်တီးရီးယားပိုးကူးစက်မှုရှိနေကြောင်း သိရှိခဲ့ရပါတယ်။ သူ့ရဲ့ကျန်နေတဲ့ကျောက်ကပ်တစ်ဖက်ကလည်း ပျက်စီးကာ သူ့ကျန်းမာရေးအခြေအနေဆိုးရွားလာခဲ့ပါတယ်။ iPhone နဲ့ iPad အသစ်တွေဝယ်တာကို သံသယရှိလာခဲ့တဲ့ သူ့အမေက သူ လုပ်ခဲ့တဲ့အရာတွေကို အမှန်အတိုင်းပြောဖို့ တွန်းအားပေးခဲ့ပါတယ်။ သူ ကျောက်ကပ်ရောင်းခဲ့တာကို သိသွားတဲ့ သူ့အမေက ဝမ်းနည်းပူဆွေးခဲ့ရပါတယ်။
ရှောင်ကူက သူ့ရဲ့ကျန်းမာရေးအခြေအနေကြောင့် တစ်သက်လုံး မသန်စွမ်းဖြစ်သွားခဲ့ပါတယ်။ iPhone လိုချင်လို့ ကျောက်ကပ်ရောင်းတဲ့ သူ့ရဲ့ဆုံးဖြတ်ချက်ဟာ သူ့ဘဝမှာ အကြီးမားဆုံးနောင်တဖြစ်စေခဲ့တယ်လို့ တရုတ်သတင်းမီဒီယာတွေက ဖော်ပြထားပါတယ်။
တရားမဝင်ခွဲစိတ်မှုတွေရဲ့နောက်ကွယ်က အဖွဲ့အစည်းကို အာဏာပိုင်တွေက နောက်ပိုင်းမှာ ဖော်ထုတ်နိုင်ခဲ့ပါတယ်။ ရှန်ကူက လျော်ကြေးငွေ ယွမ် ၁.၄၈ သန်း ရရှိခဲ့ပါတယ်။ သူ့ဘဝကို ထာဝရပြောင်းလဲသွားစေခဲ့တဲ့ ဆုံးဖြတ်ချက်ကို သူ ချခဲ့တာက ၁၄ နှစ်ရှိသွားပါပြီ။ သူ့ရဲ့ကျောက်ကပ်လုပ်ဆောင်ချက်က ၂၅ ရာခိုင်နှုန်းအထိ ကျဆင်းသွားခဲ့ပြီး အခုအခါမှာတော့ ကျောက်ကပ်ဆေးနေရပါတယ်။

ချစ်ခြင်းမေတ္တာမှာ ရိုးသားရတယ်

မချစ်ဘဲနဲ့ လိမ်မပြောရဘူး

မမြတ်နိုးဘဲနဲ့ မချဉ်းကပ်ရဘူး

ဝဋ်ဆိုတာ လည်တတ်တယ်

ပြီးတော့ ချစ်ပေးဖို မတောင်းဆိုရဘူး

တကယ်ချစ်တဲ့သူက ချစ်ပေးတတ်တယ်။

crd

🔅 အဆိပ်အမျိုးမျိုးနှင့် ရောဂါ (၁၈) ပါး ကို ပျောက်ကင်းနိုင်သော...🔅
အဆိပ်အမျိုးမျိုးနှင့် ရောဂါ (၁၈) ပါး ကို ပျောက်ကင်းနိုင်သော ကြောင်လျှာသီး ကြောင်လျှာရွက် ကြောင်လျှာပွင့်ကြောင်လျှာပင် (Indian Trumpet Flower , Raw Material , Oroxylum indicun Vent ,Bignoniaceae)။ မြန်မာ့တိုင်ရင်းဆေးပညာ အသစ် တဖန် ပြန်လည်ထွန်းကားပါစေသော်။ ကြောင်လေးပင် မြွေနှင့် အဆိပ်မျိုးမျိုး နိုင်နင်းသော ဆေးဖော်စပ်ရာ၌ အသုံးပြု ကြောင် တစ်ကောင် ခေါ်သည့် ကြောင်လျှာရွက်
(က) ကြောင်လျှာအခေါက်အမှုန့်ပြု ၍ ချင်း(ဂျင်း)ရည် ၊ ပျားရည်တို့နှင့် ရောစပ်လျက်သောက်သော် ပန်းနာ ချောင်းဆိုးရောဂါ ပျောက်၏
(ခ) အခေါက်မှုန့်ကို ရေနွေးတွင် ၂ နာရီခန့်စိမ်၍ စစ်ပြီး နံနက် ည သောက်သော်အစာမကြေရောဂါ ပျောက်၏
(ဂ) ကြောင်လျှာခေါက် ကို ရေစိမ်၍ ၎င်းရေနှင့် ပလုတ်ကျင်း ပေးသော် ခံတွင်း ခြောက်ကွဲနာ ပျောက်ပါတယ်
(ဃ) သားဖွားပြီး နာကျင်ကိုက်ခဲသည့်ရောဂါ ၊ ခေါင်းတစ်ခြမ်းကိုက်ရောဂါများအတွက်လည်း ကြောင်လျှာခေါက်ကို သုံးနိုင်သေးသည်။
(င) အမြစ်ခေါက်ကို အဆစ်အမျက်ရောဂါဖျားရောဂါ ၊ ၀မ်းဖော ၊ ၀မ်းရောင် ၊၀မ်းကိုက်ရောဂါများအတွက် အသုံးပြု၏
(စ) ကြောင်လျှာရွက် ညှစ်ရေကို သောက်သော် ဘိန်းဆိပ်သင့် ခြင်း ပျောက်၏
(ဆ) ကြောင်လျှာရွက်ပြုတ်တို့စားက ၀မ်းမီးကောင်း၏။ နားအူ နားကိုက်ကောင်း၏
(ဇ) ကြောင်လျှာ အသီးကို ပြုတ်၍ လည်းကောင်း ၊ ဖုတ်၍ လည်းကောင်းစားခြင်းဖြင့်အစာမကြေရောဂါ ၊ လည်ပင်းကြီးရောဂါ ၊ သရိုက်ရောဂါ ပျောက်၏။ သုပ်စားခြင်းဖြင့်လည်ချောင်းတွင်း အပူဖုပေါက်သောရောဂါ ပျောက်သည်။
(စျ) ကြောင်လျှာသီး နှင့် ကြက်သား ရော ချက်စားပါက ပန်းနာရင်ကြပ်ရောဂါ ပျောက်၏
(ည) ကြောင်လျှာသီး နှင့် ငါးရံ့ဖြင့်ချက်စားပါက ကာလ၀မ်းရောဂါပျောက်၏ ။ အားကိုဖြစ်စေပြီး အစာမကြေရောဂါ ၀မ်းပျက်ရောဂါပျောက်၏။
(ဋ) ကြောင်လျှာသီး နှင့် ပုစွန် ချက်စားက နှလုံးလေရိုက်ရောဂါ ၊ နှလုံးတုန် ၊ ရင်တုန်ရောဂါပျောက်၏။
(ဌ) ကြောင်လျှာသီး နှင့် ငါးသလောက် ချက်စားက အဖောရောဂါကို ကျစေ၍ လူကို၀ဖြိုးစေပြီး နှလုံးအားနည်းခြင်း ကို ပျောက်စေသည်။
(ဍ) ကြောင်လျှာသီး နှင့် ငါးမြွေထိုး ချက်စားက ဒူလာသွေး၀မ်း မီးယပ်သွေး၀မ်း နှင့်မြင်းသရိုက် ရောဂါတို့ကို ပျောက်ကင်းစေ၏။
(ဎ) ကြောင်လျှာ အမြစ်ကိုသွေး၍ လိမ်းပေးခြင်းဖြင့် အနာ၀င် မန်းလိုက်ခြင်းပျောက်ကင်းသည်
(ဏ) ကြောင်လျှာသီးကို (၇) ရက် နှစ်ခါ စားသော် သုတ်ခွန်အား တိုးပွားစေ၏၊ဒေါသသုံးပါးကို ငြိမ်းစေ၏
(တ) ကြောင်လျှာ အခေါက်အမြစ် တို့ကို သွေးလိမ်းသော် လေဖြတ်လေငန်း တခြမ်းသေ၊တပိုင်းသေ၊ သွေးမလျှောက် လေမလျှောက်၊ ထုံနာကျင်နာ၊ ချိနဲ့သောသူများသက်သာပျောက်ကင်း၏။
(ထ) ကြောင်လျှာခေါက် ၆ ရွေးသား၊ ချင်းခြောက် ၆ ဆရွးသား၊ ထန်းလျက် ၁၂ရွေးသားတို့ကိုရော၍ အလုံး သုံးလုံးရအောင် လုံး၍ နံနက် နေ့ ည ဒသမှုပြုတ်ရည်နှင့်သောက်သော် သားဖွားမီးယပ်ရောဂါဖြစ်သည့် အမျိုး သမီးများသားဖွားပြီးနောက် ၄-၅-၆ရက်တိုင်အောင် ကြောက်မက်ဖွယ်ကောင်းသည့် ကိုက်ခဲနာကျင်ခြင်းတို့ကိုအံ့သြဖွယ်ကောင်းအောင် ပျောက်ကင်းသည်။
(ဒ) ကြောင်လျှာခေါက်ကို အမှုန့်ပြု၍ ချင်း (ဂျင်း)သတ္ထုရည်နှင့်လည်းကောင်း၊ ပျားရည်နှင့်လည်းကောင်း၊ ရောစပ်၍ လျက်စားသော် ပန်းနာချောင်းဆိုးရောဂါသည် ပျောက်ကင်း၏။
(ဓ) ကြောင်လျှာခေါက်ရေနှင့် စပ်၍ နွားနို့၊ ပဲစင်းငုံရွက် သတ္ထုရည်ရောပြီး ရှူပေးခဲ့သော်ခေါင်းတစ်ခြမ်းကိုက်ရောဂါ ပျောက်ကင်း၏
(န) ကြောင်လျှာ အခေါက်မှုန့်ကို ရေနွေးတွင် နှစ်နာရီကြာမျှ စိမ်၍စစ်ပြီးနောက် တစ်ကြိမ်လျှင် ၁ ကျပ်သားမျှ နံနက်ည သောက်ခဲ့သော် ၀မ်းမီးနုံခြင်း ကြောင့် ဖြစ်သောအစာမကြေရောဂါ ပျောက်ကင်း၏
(ပ) ကြောင်လျှာရွက် သတ္ထုရည်ကို တိုက်သော်ဘိန်းဆိပ်သင့်သူများ သက်သာပျောက်ကင်းသည်
(ဖ) ကြောင်လျှာရွက်ကို သို့မဟုတ် ကြောင်လျှာခေါက်ကို ရေနှင့်စိမ်၍ ၎င်းရေကိုပလုတ်ကျင်းပေးခဲ့သော် ခံတွင်းခြောက်ကွဲနာ ပျောက်ကင်း၏။
(ဗ) ကြောင်လျှာပွင့်ကို သုတ်စားခြင်း၊ ရေနွေးဖြောပြီး တို့ပြုတ်စားခြင်း ဖြင့် နှုတ်မမြိန်နာအတွက် ပျောက်ကင်း ၏။

တိုင်ဖွန်းမုန်တိုင်း (BUALOI) အရှိန်ကြောင့် နိုင်ငံအတွင်း မိုးများနေသည့်အတွက် ဆည်တမံများကို အချိန်နှင့် တပြေးညီစောင့်ကြည့်စစ်ဆေးနေ
တိုင်ဖွန်းမုန်တိုင်း (BUALOI) အကြွင်းအကျန်များ၏ အရှိန်ကြောင့် မြန်မာနိုင်ငံအတွင်း တိုင်းဒေသကြီး၊ ပြည်နယ်အ ချို့တွင် နေရာကွက်ပြီး မိုးများလျက်ရှိသည့်အတွက် ဆည်တမံများ ရေဝင်ရောက်မှုနှင့် တမံကြံ့ခိုင်မှုကို စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာန တာဝန်ရှိသူများက အ ချိန်နှင့်တစ်ပြေးညီ စောင့်ကြည့်စစ်ဆေးလျက်ရှိရာ တမံများ၏ ဘေးကင်းလုံခြုံမှုအတွက် စိုးရိမ်ဖွယ်မရှိကြောင်း ယနေ့ထုတ်နိုင်ငံပိုင်သတင်းစာကတဆင့် အသိပေးထားသည်။
စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ဒုတိယဝန်ကြီး ဦးဗိုလ်ဗိုလ်ကျော်နှင့် တာဝန်ရှိသူများနှင့်အတူ အောက်တိုဘာ(၁)ရက်က မန္တလေးတိုင်းဒေသကြီး၊ ကျောက်ပန်းတောင်းမြိုနယ် ၊ ကြက်မောက်တောင် ရေလှောင်တမံ၏ စီးဝင်ချောင်းများတွင် မိုးများရွာသွန်း၍ ရေလှောင်ကန်အတွင်း စီးဝင်ရေများပြားပြီး ရေလှောင်တမံ၏ ရေပိုလွှမှ ရေကျော်စီးဆင်းလျက်ရှိရာ ရေလှောင်တမံရေဝင်ရောက်မှု အခြေအနေနှင့် ဆက်စပ်ရေအား အဆောက်အအုံကြံ့ခိုင်မှု အခြေအနေများကို ကြည့်ရှုစစ်ဆေးခဲ့ကြောင်း သိရသည်။
ကြက်မောက်တောင် ရေလှောင်တမံသည် ယခုနှစ် မိုးရွာသွန်းမှု ကောင်းမွန်မှန်ကန်မှုရှိခဲ့သဖြင့် စက်တင်ဘာ (၂၈) ရက် နံနက် (၁၀) နာရီတွင် ကန်ရေပြည့်မှတ်သို ရောက်ရှိခဲ့ပြီး စက်တင်ဘာ (၃၀) ရက် မွန်းလွဲ (၃) နာရီတွင် ရေပိုလွှ မှ အ မြင့်ဆုံး (၃ ဒသမ ၄၀)ပေအထိ ရေကျော်စီးဆင်းခဲ့သော်လည်း အောက်တိုဘာ (၁) ရက်တွင် ရေပိုလွှမှ အမြင့်ပေ (၂ ဒသမ ၇)ပေသာ ရေကျော်မှုရှိ‌သောကြောင့် ရေအမှတ်များ ပြန်လည်ကျဆင်းလျက်ရှိ‌ကြောင်း သိရသည်။
အလားတူ ရေလှောင်တမံ အောက်ပိုင်း မိတ္ထီလာ-ကျောက်ပန်းတောင်း ကားလမ်းမှာလည်း စက်တင်ဘာ (၃၀) ရက် ည နေပိုင်းတွင် ကားလမ်းမပေါ် ရေနှစ်ပေခန့် ကျော်ခဲ့ပြီး ယနေ့ နံနက်ပိုင်းမှ စတင်၍ ရေကျော်မှု လျော့နည်းလာသဖြင့် မော်တော်ယာဉ်ငယ်လေးများပါ ဖြတ်သန်းမောင်းနှင်နေမှုများ ရှိသည်။
ကြက်မောက်တောင် ရေလှောင်တမံကို ရုရှား-မြန်မာ ချစ် ကြည်ရေးအဖြစ် ရုရှားပညာရှင်များနှင့် မြန်မာအင်ဂျင်နီယာများပူးပေါင်း၍ (၁၉၆၁-၁၉၆၂) ခုနှစ်တွင် စတင်တည်ဆောက်ခဲ့ကာ (၁၉၆၆-၁၉၆၇) ခုနှစ်တွင် ပြီးစီးခဲ့ပြီး တည်ဆောက်ပြီးခဲ့သည့်အချိန်မှ (၅၈)နှစ်တာကာလအတွင်း တမံရေပြည့်မှတ်သို့ ရောက်ရှိခဲ့ဖူးခြင်းမရှိဘဲ ယခုရက်ပိုင်း မိုးရွာသွန်းမှုများပြားသဖြင့် စက်တင်ဘာ (၂၉)ရက်တွင် တမံ၏ ရေပြည့်မှတ် F.T.L (RL-937.0ပေကို ကျော်လွန်ရောက်ရှိခဲ့ပြီး စက်တင်ဘာ(၃၀)ရက်၊ နံနက်(၉)နာရီတွင် ရေပြည့်မှတ် RL- 937.10 ပေသို့ရောက်ရှိခဲ့ကြောင်း သိရသည်။
ယခုဖြစ်စဉ်သည် ဆည်တည်ဆောက်ပြီးချိန်မှ (၅၈)နှစ်အတွင်း ရေလှောင်တမံ၏ ရေပိုလွှဲ Crest မှ ပထမဆုံးအကြိမ်အဖြစ် ရေကျော်စီးဆင်းခဲ့ခြင်းဖြစ်ကြောင်း သိရသည်။

ပတ်ဝန်းကျင်မှာ မြင်နေတွေ့နေကျ ... နာမည် ဘယ်လို ခေါ်ကြလဲ ... ?

၂၀၂၆ ကမ္ဘာ့ဖလားပြိုင်ပွဲ ပွဲကစားမယ့် နေရာများကို ဒေါ်နယ်ထရမ့် ပြောင်းပိုင်ခွင့် မရှိကြောင်း ဖီဖာ ပြောကြားလာ

အောက်တိုဘာ ၂

ဖီဖာဒုက္ကဌတစ်ဦးက အမေရိကန်သမ္မတ ဒေါ်နယ်ထရမ့်အနေဖြင့် ၂၀၂၆ ကမ္ဘာ့ဖလားပြိုင်ပွဲ ပွဲများ လက်ခံကျင်းပမယ့် မြို့များကို ဆုံးဖြတ်ပိုင်ခွင့် မရှိကြောင်း ပြောကြားလာပါတယ်။

မကြာသေးမီတုန်းက ဒေါ်နယ်ထရမ့်က ကမ္ဘာ့ဖလားပြိုင်ပွဲ လက်ခံကျင်းပမယ့် မြို့အား လုံခြုံမှု မရှိဘူးလို့ ယူဆလာပါက မြို့ ပြောင်းကျင်းပမယ်လို့ ပြောကြားခဲ့ဖူးပါတယ်။

ဒါပေမယ့် ဖီဖာဒုဥက္ကဌများမှ တစ်ဦးဖြစ်တဲ့ ကနေဒါနိုင်ငံသားမွန်တာဂလီယာနီက အိမ်ဖြူတော်တွင် ကမ္ဘာ့ဖလားလက်ခံကျင်းပမယ့် မြို့ကို ရွေးချယ်ပိုင်ခွင့် မရှိကြောင်း ဆိုလာပါတယ်။

၂၀၂၆ ကမ္ဘာ့ဖလားပြိုင်ပွဲကို အမေရိကန်၊ ကနေဒါနှင့် မက္ကဆီကိုတို့က ပူးတွဲ အိမ်ရှင်အဖြစ် လက်ခံကျင်းပသွားပါမယ်။

အမေရိကန်ဟာ ကမ္ဘာ့ဖလားပွဲ ၁၀၄ ပွဲမှ ဗိုလ်လုပွဲအပါအဝင် ၇၈ ပွဲကို မြို့ပေါင်း ၁၁ မြို့တွင် လက်ခံကျင်းပသွားပါမယ်။ ကမ္ဘာ့ဖလားပွဲများ လက်ခံကျင်းပမယ့် မြို့များမှာ အတ္တလန္တာ၊ ဘော့စတွန်၊ ဒဲလ်လက်စ်၊ ဟူစတန်၊ ကန်ဆက်စ်စီးတီး၊ အယ်လ်အေ၊ မိုင်ယာမီ၊ နယူးဂျာစီ/နယူးယော့ခ်၊ ဖယ်လာဒယ်ဖီယာ၊ ဆန်ဖရန်ဆစ္စကိုနှင့် ဆက်တယ်လို့ ဖြစ်ကြပါတယ်။

ဆက်တယ်နှင့် ဆန်ဖရန်ဆစ္စတို့တွင် ၆ ပွဲ လက်ခံကျင်းပလာမှာ ဖြစ်ပြီး အယ်လ်အေက ၈ ပွဲအထိ လက်ခံကျင်းပလာပါမယ်။

Credit - Playmaker Journal

#ဘောလုံးသတင်းစုံ

❝အရက်မူးပြီး မိသားစုအပေါ် ဆဲဆိုနေတဲ့ ဖခင်ဖြစ်သူကို သားဖြစ်သူက ဓားနဲ့ထိုးလို့ သေဆုံး❞

အောက်တိုဘာ ၂

ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့နယ်၊ ဥသျှစ်ပင်မြို့၊ ရတနာပုံရပ်ကွက်၊ အင်ကြင်း ၉ လမ်းမှာ အရက်မူးပြီး မိသားစုအပေါ် ဆဲဆိုရန်ရှာနေတဲ့ ဖခင်ဖြစ်သူကို သားဖြစ်သူက ဓါးနဲ့ထိုးလိုက်တာကြောင့် သေဆုံးသွားတဲ့ဖြစ်စဥ်တစ်ခု ပြီးခဲ့တဲ့ စက်တင်ဘာ ၃၀ ရက်၊ ည ၈နာရီခန့်က ဖြစ်ပွားခဲ့တယ်လို့ ဒေသခံတွေဆီက သိရပါတယ်။

သေဆုံးသူက အသက် (၆၅) အရွယ် ဦးသန့်ဇင် ဆိုသူဖြစ်တယ်လို့ သိရပြီး သူက အရက်ဆိုင်ကပြန်လာပြီး သားဖြစ်သူအပါအဝင် မိသားစုအားလုံးကို အော်ဟစ်ဆဲဆိုနေတာကြောင့် သားဖြစ်သူက စိတ်မထိန်းနိုင်ဘဲ ဟင်းလှီးဓားနဲ့ ထိုးလိုက်တာလို့ ဒေသခံတစ်ဦးက ပြောပါတယ်။

❝အဲဒီလူက အခုလိုပဲ အမြဲတမ်း မိသားစုကို ဆဲဆိုရမ်းကားနေတာဗျ။ အခု ဓားနဲ့ထိုးတဲ့ သူ့သားက အိမ်သာကျင်းတူးပြီး မိသားစုကို လုပ်ကျွေးနေတာ။ အဲဒီနေ့ကကျတော့ အရက်ဆိုင်ကပြန်လာပြီး သူ့သားကို မင်း ငါ့ရှေ့ကထွက်သွား၊ အိမ်သာကျင်းတူးတဲ့ကောင်၊ မင်းအစား ငါရှက်တယ် ဆိုပြီး ဆဲဆိုနေတာ။ ခနနေတော့ သားက ဓားနဲ့ထိုးလိုက်တယ်ကြားရတာပဲ။❞ လို့ ဒေသခံတစ်ဦးက ပြောပြခဲ့ပါတယ်။

အဲဒီဖြစ်စဥ်ကြောင့် ဖခင်ဖြစ်သူ ဦးသန့်ဇင်မှာ ဝဲလက်ဖျံပြတ်ရှဒဏ်ရာ ၁ ချက်၊ ရင်ညွန့်ထိုးသွင်းဒဏ်ရာ ၁ ချက်၊ ယာဘက်ဝမ်းဗိုက်စောင်း ပျက်ရှဒဏ်ရာ ၁ ချက်၊ ဦးခေါင်းထိပ်ပြက်ရှဒဏ်ရာ ၁ ချက်တို့ ရရှိပြီး ဥသျစ်ပင်ပြည်သူ့ဆေးရုံကို တင်ပို့ကုသစဥ်မှာ သေဆုံးသွားတာလို့ ဆိုပါတယ်။

လက်ရှိမှာတော့ ဖြစ်စဥ်နဲ့ပတ်သတ်လို့ အဖေဖြစ်သူကို ဓားနဲ့ထိုးတဲ့ သားဖြစ်သူ သက်နိုင်ဦး(၄၀နှစ်)ကို ဥသျှစ်ပင်ရဲစခန်းက (ပ) ၉၃/၂၀၂၅ ရာဇသတ်ကြီးပုဒ်မ ၃၀၂ နဲ့ အမှုဖွင့်ပြီး ဖမ်းဆီးအရေးယူထားတယ်လို့လည်း သိရပါတယ်။

#သတင်းဟင်းလေးအိုးကြီး

စစ်ရှုံးနေသော TNLA ဆက်တိုက်ချေမှုန်းခံနေရပြီး ဒီမနက်မှာလည်း နမ္မတူနဲ့ မန်တုံကို ​ဗုံးကြဲလို့ သုံးဦးထပ်သေ

အောက်တိုဘာ ၂

နယ်မြေလုယက် တိုက်ခိုက်သတ်ဖြတ်မှုများ ကျူးလွန်နေသောကြောင့် အကြမ်းဖက်လက်နက်ကိုင်အဖြစ် ထုတ်ဆင့်ခံထားရသော တအာင်းပလောင်လက်နက်ကိုင် TNLA အခြေပြုရာ နမ္မတူနှင့် မန်တုံမြို့တို့ကို ယနေ့မနက်တွင် လေကြောင်းဖြင့် ဗုံးကြဲတိုက်ခိုက်မှုကြောင့် (၃)ဦးသေဆုံးကာ (၆)ဦး ထိမှန်ဒဏ်ရာရရှိခဲ့သည်ဟု TNLA က ဝန်ခံသည်။

နယ်မြေလုယက် သတ်ဖြတ်သည့် အကြမ်းဖက်လက်နက်ကိုင်များကို တုံ့ပြန်တော့မည်ဟု ကမ္ဘာသိကြေညာပြီးနောက် TNLA နယ်မြေလုယက်ထားရာ နောင်ချို၊ သပိတ်ကျင်း၊ ကျောက်မဲနှင့် TNLA တပ်စခန်းများစွာကို ပြန်လည် သိမ်းယူ တိုက်ခိုက်နေသည့် တပ်မတော်က ယနေ့ နံနက် ၇ နာရီ ၂၀ အချိန်၌ လေကြောင်းဖြင့် နမ္မတူမြို့တွင် (၁)လုံးနှင့် မန်တုံမြို့တွင် (၄)လုံးတို့ဖြင့် ဗုံးများလာရောက်ကြဲချတိုက်ခိုက်ခဲ့သည်။

ထိုဗုံးကျရောက်ပေါက်ကွဲမှုကြောင့် နမ္မတူမြို့ရှိ လူ (၃)ဦး သေဆုံးခဲ့ပြီး (၆)ဦး ထိခိုက်ဒဏ်ရာရရှိခဲ့ကာ နေအိမ် (၈)အိမ်လည်း ထိခိုက်ပျက်စီးသွားခဲ့သည်ဟုဆိုသော်လည်း မန်တုံမြို့ ထိခိုက်ပျက်စီး သေဆုံးမှု မဖော်ပြထားပေ။

TNLA သည် ယင်းတို့အခြေစိုက်ရာ တပ်စခန်းများ ဗုံးကြဲခံရပြီး အသေအပျောက်များပါက လိမ်လည်ဖုံးဖိကာ ထုတ်ပြန်မှုမရှိတော့သလို သေဆုံးသူများကိုလည်း အရပ်သားဟုသာ ကြေညာပြီး TNLA တပ်သားများ သေဆုံးမှုကို တစ်ကြိမ်တစ်ခါမျှ ထုတ်ပြန်လေ့မရှိသလို ယခုလည်း သေဆုံးသူများကို အရပ်သားဟုသာ ထုတ်ပြန်ထားသည်။

Credit - Myanmar Transparency News Agency

#centralnewsnaypyitaw

ငှက်ပျောပင်မှ ဇီဝ မြေသြဇာ အရည်ပြုလုပ်နည်း
ငှက်ပျော ပင်နုနု နေမထွက်ခင်တူးပေးပြီ (၃)ပိသာကို နုပ်နုပ်စင်းပါ
ထန်းလျက် (၁)ပိသာကို ရေ ၃.လီတာဖြင့် ကြိုပေးပါ။ ငှက်ပျောပင်စဥ်းထားသည့်ထဲထည့်ပါ
အိုင်အိုဒင်း ဆား၂၀. ကျပ်သားထည့်ပေးပါ အရည်ထွက်အောင် နယ်ပေးပါ။
ဆန်ဆေးရည် ၅.လီတာ ထည့်ပေးပြီး ၁၅.ရက်ခန့် ထားပေးပါ
ရရှိလာမည် ငှက်ပျော အရည်ကို စစ်ယူပါ။
အသုံးပြုမယ်ဆိုရင် ၃.ဇွန်းကို ရေ ၂၀လီတာ နူန်း ၇.ရက်တစ်ခါဖျန်းပေးပါ။
စပါး၊ပဲ၊နှမ်း၊ပြောင်း ၊ခရမ်း၊ငရုပ် ၊ဟင်းသီးဟင်းရွက် စသဖြင့် သီးပင် စားပင်များလည် အသုံးပြုလို့ရပါတယ်။
မြေပြင်ပေးမယ်ဆိုရင် မြေအောက်မှာရှိတဲ့ ဘက်တီးရီးယာ ဗိုင်းရပ်စ် ဓာတုအကြွင်းကျန် ကို တိုက်ဖျက်နိုင်စွမ်းရှိပါတယ်။ငှက်ပျေားပင်ဇီဝ ၁.လီတာကို ရေ ၂၀.လီတာ နူန်းဖြင့် ရောပြီးမြေကို ဖျန်းပက် ပြုပြင်လို့နိုင်ပါတယ် စိုက်ပျိုးသည့်မြေ အဟာရဓာတ်ကောင်းမွန်ပြီး မြေကိုလည် ပွစေနိုင်ပါတယ်။
မှို စိုက်ပျိုးသည် နေရာမှာလည် များစွားအကျိုးရှိလှပါတယ်။ ငှက်ပျောပင်မှာ အဓိက ဟော်မုန်းတမျိုးဖြစ်တဲ့ အောက်ဇင်သည်အပင်ကို နုပျိုကြီးထွားစေပါတယ်။
မြေဆွေးပြုလုပ်သည့်နေရာမှာ ငှက်ပျော်ပင်ဇီဝကို အသုံးပြုပေးမယ်ဆိုရင် အလွယ်တကူ Em. ထက်နှစ်ဆပိုမိုဆွေးမြေ့ လွယ်ကူစေပါတယ်။ငှက်ပျောပင်ဇီဝ အကျိုးကျေးဇူးပေါင်း ၅၀.ကျော်လောက်ရှိပါတယ်။

ထိုင်းနိုင်ငံ၊ ချွန်ပူလီခရိုင်၊ဘန်ဘိုမြို့တွင် ရှိသော (ကားရေဆေးသည့်စက်ရုံတွင် အလုပ်လုပ်ကိုင်နေသော(PJ)ကိုင်ဆောင်ထားသော မြန်မာအလုပ်သမားကိုစည်သူအောင် အသက်(27)သည်ထိုအလုပ်တွင်အလုပ်လုပ်နေသည်မှာ(7)လကျော်ကြာပြီဟုဆိုသည်။(29.9.2025)ရက်နေ့ နေ့လည်(11အချိန်တွင်အလုပ်လုပ်နေရင်း ကိုစည်သူအောင်ကကားရေဆေးရန်အတွက် ကားကိုခုံပေါ်သို့နေရာမကျသေးသဖြင့် လမ်းပြရာမှ ကားမောင်းသူမှာ လီဗာနှင့်ဘရိတ်မှားနှင်းမိပြီး ကိုစည်သူအောင်အားဝင်တိုက်မီပြီးကားခေါင်းနှင့် အုတ်နံရံကြားညှပ်ကာ မေ့‌မျော သွားခဲ့သည်ဟုဆိုသည်။အခင်းဖြစ်ပြီးနောက်မွန်းလွဲ(2အချိန်တွင် ချွန်ပူလီဆေးရုံကြီးသို့ပို့ဆောင်ပြီးဆေးကုသမှုခံယူနေရင်း(2:3အချိန်တွင် သေဆုံးခဲ့ပြီဟုဆိုသည်။ကိုစည်သူအောင်၏ရုပ်အလောင်းကိုဆေးရုံတွင်ထားထားသည်ဟုဆိုသည်။အလုပ်ရှင်သူဌေးမှ အလောင်းကိုသဂြိုလ်ပေးပြီးနစ်နာကြေး(1000ပေးမည်ဟုကိုစည်သူအောင်၏ ညီအရင်းဖြစ်သူ ကိုနိုင်လွင်ဦးအား စကားပြောဆိုထားသည်ဟုဆိုသည်။(30.9.2025)ရက်နေ့ နေ့လည်(11အချိန်တွင် ကိုနိုင်လွင်ဦးကို ရဲစခန်း စကားပြန်မှ နစ်နာကြေးကို ကားထော်လော်ဘော်မှ နစ်နာကြေး(50000ဘတ်ပေး မည်ဟု ဆိုသည်။အလုပ်ရှင်သူဌေးမှအလောင်းသင်္ဂြိုလ်ရန်နှင့်နစ်နာကြေးအတွတ် (4000ဘတ်ပေးမည်ပြောပြိး နစ်နာကြေးအား မကျေနပ်ပါက ယာဥ်မောင်း ကျူးလွန်သူအား အမှုဖွင့်တိုင်ကြား တောင်းဆိုဟု သူဌေးမှ မိမိ အလုပ်သမားအား တာဝန်မယူဘဲ ယခုလိုထွတ်ဆိုထားပြီး ကျန်ကိစ္စအဝဝကို မိမိဘာသာဖြေရှင်းရန်ပြောသည်ဟုဆိုသည်။ကိုစည်သူအောင်၏ညီအရင်းဖြစ်သူ ကိုနိုင်လွင်းဦးမှ အစ်ကိုဖြစ်သူ၏အလောင်းကို သင်္ဂြိုလ်ရန်နှင့် ဆုံးရှုံးသွားသည့်အပေါ် ထိုက်သင့်သည့် နစ်နာကြေး ပြန်လည်ရရှိရန်အတွတ် WAG အလုပ်သမား မဟာမိတ်အဖွဲ့ထံ အကူအညီတောင်းခံလာသောကြောင့် (1.10.2025)ရက်နေ့လည်(12အချိန်တွင် အမှုလက်ခံခဲ့ပြီး WAGအဖွဲ့သားများမှ အလောင်းသင်္ဂြိုလ်ရန်နှင့် နစ်နာကြေးပြန်လည်ရရှိရန်အတွက် သေဆုံးသူ၏ညီဖြစ်သူနှင့် သွားရောက်တွေ့ဆုံပြီး လိုအပ်သည့်ကိစ္စ အဝဝကို ကူညီဆောင်ရွက်ပေးနေပါသည်။