မလေးရှားသို့ မြန်မာနိုင်ငံသားများ ဗီဇာမလိုဘဲ ၁၄ ရက် သွားနိုင်မည်
ဧရာဝတီ၊ စက်တင်ဘာ ၂၆၊ ၂၀၂၅
မလေးရှားနိုင်ငံသည် မြန်မာနိုင်ငံသားများကို ဗီဇာမလိုဘဲ နိုင်ငံအတွင်း ၁၄ ရက်လည်ပတ်ခွင့်ပြုလိုက်ကြောင်း ရန်ကုန်မြို့ရှိ မလေးရှားသံရုံးက ယမန်နေ့ ညပိုင်း ထုတ်ပြန်သည်။
အောက်တိုဘာလ ၁ ရက်နေ့မှစတင်၍ မြန်မာနိုင်ငံသားနိုင်ငံကူးလက်မှတ် ကိုင်ဆောင်ထားသူများအနေဖြင့် မလေးရှားနိုင်ငံသို့ ကာလတို လည်ပတ်မှုအတွက် ဗီဇာကင်းလွတ်ခွင့်ပြုလိုက်ကြောင်း၊ အဆိုပါ ဗီဇာကင်းလွတ်ခွင့်တွင် မလေးရှားနိုင်ငံအတွင်း ရက်ပေါင်း ၁၄ ရက် နေထိုင်နိုင်ကြောင်း မလေးရှားသံရုံးက ဖော်ပြသည်။
မလေးရှားနိုင်ငံသို့ ဝင်ရောက်ခွင့်သည် သတ်မှတ်ထားသည့် နိုင်ငံဝင်ပေါက်၊ ထွက်ပေါက်များရှိ လူဝင်မှုကြီးကြပ်ရေး အရာရှိ၏ အတည်ပြုမှုချက်အပေါ် မူတည်သဖြင့် ဗီဇာလိုအပ်ချက် ကင်းလွတ်ခွင့်ပြုခြင်းသည် မလေးရှားနိုင်ငံသထဲ ဝင်ရောက်ခွင့်ရရန် အာမခံချက်မဟုတ်သည်ကို သတိပြုစေလိုကြောင်း သံရုံးထုတ်ပြန်ချက်တွင် ဖော်ပြထားသည်။
ထို့ကြောင့် မလေးရှားနိုင်ငံသို့ ၁၄ ရက် ဗီဇာကင်းလွတ်ခွင့်ဖြင့် သွားရောက်လည်ပတ်မည့် မြန်မာနိုင်ငံသားများသည် သံရုံးမှ ညွှန်ကြားချက်များအတိုင်း လိုက်နာပြီး လိုအပ်သည်များ ပြည့်စုံစွာ ယူဆောင်သွားကြရန် ခရီးသွား ကုမ္ပဏီများက အကြံပြုထားသည်။

အစကတော့ သမ္မတကို သူ့အတွင်းရေးမှူးမနဲ့ ဖော၊က်ပြ၊န်နေတယ်ထင်တာ ခုတော့သူ့သမီးသူငယ်ချင်းနဲ့တဲ့ Ep 2ကြည့်ရသလောက်တော့ သူ့သမီးသူငယ်ချင်းနဲ့ သမ္မတကြားမှာ ကိစ္စတစ်ခုခုတော့ရှိလိမ့်မယ် ဖော၊က်ပြ၊န်တဲ့ကိစ္စကတော့ ဖြစ်နိုင်ချေနည်းတယ် 🤔

ဦးနှောက်ဒဏ်ရာရခဲ့တဲ့ အာဆင်နယ်ကစားသမားဟောင်း ဗီဂါ သေဆုံး

စက်တင်ဘာ ၂၆

အာဆင်နယ်လူငယ် ကစားသမားဟောင်း ဘီလီဗီဂါဟာ ပွဲချိန်အတွင်းမှာ ဖြစ်ခဲ့တဲ့ အဖြစ်အပျက်ကြောင့် ဦးနှောက်ဒဏ်ရာ ပြင်းထန်စွာခံစားရပြီး သေဆုံးသွားခဲ့တယ်လို့ ချီချက်စတာစီးတီးအသင်းက အတည်ပြုခဲ့ပါတယ်။

အသက် ၂၁ နှစ် အရွယ်ရှိ ဗီဂါဟာ အင်္ဂလိဂ်ဘောလုံးရဲ့သတ္တမတန်းပွဲစဉ်တစ်ပွဲဖြစ်တဲ့ စနေနေ့က ဝင်းဂိတ် အသင်းနဲ့ ပွဲစဉ်မှာ ဘောလုံးကို ကွင်းအပြင်မထွက်အောင် ထိန်းဖို့ကြိုးစားရင်း ကွန်ကရစ်နံရံနဲ့ တိုက်မိခဲ့တယ်လို့ သတင်းတွေမှာ ဖော်ပြထားပါတယ်။

ဗီဂါဟာ သတိလစ်မေ့မျောသွားခဲ့တာကြောင့် ဆေးရုံပို့ဆောင်ခဲ့ရပြီး ပြန်ကောင်းလာဖို့အတွက် အင်္ဂါနေ့မှာ ခွဲစိတ်မှုခံယူခဲ့ပေမယ့် ကြာသပတေးနေ့မနက်မှာ သေဆုံးသွားခဲ့တာဖြစ်ပါတယ်။

ချီချက်စတာစီးတီးအသင်းက ဘီလီဗီဂါသေဆုံးသွားကြောင်းအတည်ပြုရတဲ့အတွက် အလွန်ဝမ်းနည်းမိကြောင်းနဲ့ သူဟာ အသင်းရဲ့နှလုံးသားထဲမှာ ထာဝရရှိနေမှာဖြစ်တယ်လို့ ထုတ်ပြန်ချက်ထဲမှာ ဖော်ပြထားတာပါ။

ချီချက်စတာအသင်းဟာ ဘီလီဗီဂါသေဆုံးမှုကြောင့် စနေနေ့မှာကစားမယ့် လူးဝစ်အသင်းနဲ့ပွဲစဉ်ကို ရွှေ့ဆိုင်းခဲ့ပါတယ်။

ဗီဂါဟာ အာဆင်နယ်အသင်းအကယ်ဒမီကို ၂၀၁၇ ခုနှစ်မှာ ရောက်ရှိခဲ့ပြီး ၂၀၂၂ ခုနှစ်မှာ ပရော်ဖက်ရှင်နယ် စာချုပ်ချုပ်ဆိုခဲ့ကာ စွယ်စုံရတဲ့ တိုက်စစ်မှူးအဖြစ်ဖော်ပြခြင်းခံခဲ့ရတာပါ။

အာဆင်နယ်အသင်းကလည်း ဗီဂါကွယ်လွန်သွားပြီဆိုတဲ့ တုန်လှုပ်ခြောက်ချားဖွယ်သတင်းကြောင့် အသင်းမှာရှိတဲ့ လူတိုင်းကြေကွဲနေပြီး ငြိမ်းချမ်းစွာအနားယူပါ ဗီဂါဆိုပြီး ရေးသားထားတဲ့ ကြေညာချက်ထုတ်ပြန်ခဲ့ပါတယ်။

ဗီဂါဟာ အာဆင်နယ်အသင်းကြီးအတွက် တစ်ပွဲမှ ပါဝင်ကစားရခြင်းမရှိခဲ့ဘဲ ၂၀၂၄ ခုနှစ်နွေရာသီမှာ အသင်းကနေ ထွက်ခွာခဲ့တာပါ။

ဗီဂါဟာ ဒါဘီယူ-၂၁ အသင်းအပြင် ဟက်စတင်းအသင်းတွေမှာလည်း အငှားသွားရောက်ကစားခဲ့ပါတယ်။

ဒီအသင်းတွေကလည်း ကစားသမားဟောင်းဗီဂါသေဆုံးမှုအပေါ် ဝမ်းနည်းကြောင်းသူတို့ရဲ့ဆိုရှယ်မီဒီယာတွေမှာ ကြေညာချက်ထုတ်ပြန်ခဲ့ကြတာဖြစ်ပါတယ်။


ပုံ - ဗီဂါ၏ မွေးဖွားသည့်ခုနှစ်နှင့် သေဆုံးသည့်ခုနှစ်

ဂျင်း၊ ကြက်သွန်ဖြူ၊ ကြက်သွန်နီတို့နဲ့ ရေနွေးကြမ်းလုပ်ပြီး သောက်သုံးခြင်းဟာ သင့်ကျန်းမာရေးအတွက် တကယ်ကို အကျိုးရှိပါတယ်။ ဒီအပင်သုံးမျိုးရဲ့ ကျန်းမာရေးဆိုင်ရာ အကျိုးကျေးဇူးတွေနဲ့ ရေနွေးကြမ်းပြုလုပ်နည်းကို အောက်မှာ လေ့လာကြည့်လိုက်ရအောင်။
ကျန်းမာရေးအကျိုးကျေးဇူးများ
* ဂျင်း – ဂျင်းက သွေးလည်ပတ်မှုကို ကောင်းမွန်စေပြီး သင့်ခန္ဓာကိုယ်ကို နွေးထွေးစေပါတယ်။ ဒါ့အပြင် ရောင်ရမ်းမှုတွေကို လျှော့ချပေးနိုင်တဲ့ အစွမ်းသတ္တိလည်း ရှိပါတယ်။
* ကြက်သွန်ဖြူ – ကြက်သွန်ဖြူဟာ သွေးကြောတွေကို သန့်စင်ပေးပြီး သွေးတွင်းက မကောင်းတဲ့အဆီတွေကို လျှော့ချပေးနိုင်ပါတယ်။ နှလုံးရောဂါဖြစ်နိုင်ခြေကိုလည်း လျော့နည်းအောင် ကူညီပေးပါတယ်။
* ကြက်သွန်နီ – ကြက်သွန်နီက သွေးခဲတွေကို ပျော်ဝင်အောင် ကူညီပေးတာကြောင့် သွေးကြောပိတ်ဆို့ခြင်းကို ကာကွယ်ပေးပြီး သွေးလည်ပတ်မှုကို ပိုမိုကောင်းမွန်စေပါတယ်။
ဒီဆေးဖက်ဝင်အပင်တွေကို ပုံမှန်သောက်သုံးမယ်ဆိုရင် သွေးလည်ပတ်မှုကောင်းမွန်စေပြီး လက်ထုံ၊ ခြေထုံဖြစ်တာ၊ နှလုံးခုန်မမှန်တာနဲ့ သွေးကြောပိတ်ဆို့တာမျိုးတွေကို ကာကွယ်နိုင်ပါတယ်။
ဂျင်း၊ ကြက်သွန်ဖြူ၊ ကြက်သွန်နီ ရေနွေးကြမ်း ပြုလုပ်နည်း
ဒီရေနွေးကြမ်းကို အလွယ်တကူ ကိုယ်တိုင် ပြုလုပ်နိုင်ပါတယ်။
လိုအပ်တဲ့ ပစ္စည်းများ:
* ပါးပါးလှီးထားတဲ့ ဂျင်း ၅-၆ ချပ်
* အနည်းငယ် ထုထားတဲ့ ကြက်သွန်ဖြူ ၅-၆ မြွှာ
* အနည်းငယ် ထုထားတဲ့ ကြက်သွန်နီ ၃-၄ လုံး
* ရေ ၁ လီတာ
ပြုလုပ်နည်းအဆင့်ဆင့်:
၁။ အိုးတစ်လုံးထဲမှာ ရေ ၁ လီတာကို ထည့်ပါ။
၂။ ဂျင်း၊ ကြက်သွန်ဖြူနဲ့ ကြက်သွန်နီတို့ကို ရေထဲမှာ ထည့်ပြီး မီးအသင့်အတင့်နဲ့ ၁၀-၁၅ မိနစ်ခန့် ဆူပွက်အောင် တည်ပါ။
၃။ ပြီးရင် အရည်ကို စစ်ယူပြီး နွေးနွေးလေး သောက်နိုင်ပါတယ်။
၎။ တစ်နေ့တာလုံး သောက်ဖို့အတွက် ပုလင်းထဲ ထည့်ထားလို့လည်း ရပါတယ်။
ဒီသဘာဝဆေးဖက်ဝင် ရေနွေးကြမ်းကို ပုံမှန်သောက်သုံးပေးခြင်းဖြင့် သင့်ရဲ့ ခန္ဓာကိုယ်ဟာ ပိုမိုကျန်းမာပြီး သွေးလည်ပတ်မှုလည်း ကောင်းမွန်ချောမွေ့လာမှာပါ။
#crd

သိန္နီမှာ MNDAA ထိန်းချုပ်နယ်မြေအတွင်း မုဒိမ်းမှုနဲ့ လူသတ်မှု ကျူးလွန်သူတွေကို တရားစီရင်

စက်တင်ဘာ ၂၆

သိန္နီမှာ စက်တင်ဘာလ ၂၆ ရက်နေ့ မနက်ပိုင်းက MNDAA ထိန်းချုပ်နယ်မြေအတွင်း မုဒိမ်းမှုနဲ့ လူသတ်မှု ကျူးလွန်သူတွေကို တရားစီရင်ခဲ့ပြီး သေဒဏ် ချမှတ်ခံရသူတွေလည်း ပါကြောင်း ဒေသခံဆွေဆီက သိရပါတယ်။

"ဒီနေ့ သေဒဏ် ချမှတ်ခံရသူတွေက ဗမာ နှစ်ယောက် တရုတ် တယောက် " လို့ ဒေသခံ အမျိုးသား တယောက်က ပြောပါတယ်။

ပြစ်မှုကျူးလွန်သူ ခုနှစ်ယောက်ထဲက နှစ်ယောက်ကို ဒီနေ့ စက်တင်ဘာ ၂၆ ရက်နေ့မှာပဲ သေဒဏ် ချမှတ်ခံရတယ်လို့ သူက ပြောပါတယ်။

"သိန္နီမှာ လူအများရှေ့ သေဒဏ် ချမှတ်တာ MNDAA တွေ ထိန်းချုပ်တဲ့ အချိန်မှပဲ မြင်ဖူးတာ။ ခုမှ ကြီးပြင်းလာတဲ့ ကလေးတွေရှေ့မှာ လုပ်ပြတာက နမူနာကောင်းတော့ မဟုတ်ဘူးထင်တယ်" လို့ နောက်ထပ် ဒေသခံ အမျိုးသား တယောက်က ပြောပါတယ်။

ပြစ်မှုကျူးလွန်လို့ တရားစီရင်ခံထားရသူ ခုနှစ်ယောက်ရှိပြီး အဲဒီထဲမှာ တရုတ်လူမျိုး သုံးယောက်နဲ့ ဗမာလူမျိုး လေးယောက်ပါဝင်ကာ မုဒိမ်းမှု၊ လူသတ်မှု၊ ပြန်ပေးဆွဲမှု၊ ခိုးမှု၊ လုယက်မှု တွေပါတယ်လို့ ဆိုပါတယ်။

လားရှိုးကို MNDAA ထိန်းချုပ် ထားချိန် ပြီးခဲ့တဲ့ ဧပြီလ ၁၀ ရက်နေ့ မနက်ပိုင်းကလည်း လားရှိုး အပါအဝင် MNDAA ထိန်းချုပ်နယ်မြေအတွင်း ပြစ်မှုကြီးကြီးမားမား ကျူးလွန်ခဲ့တဲ့ တရားခံ ခြောက်‌ယောက်ထဲက လေး‌ေယာက်ကိုသေဒဏ်ချမှတ်ခဲ့ပြီး တရားခံ တယောက်ကို သေဒဏ်ကို ၂ နှစ် ဆိုင်းငံ့ထားကာ တရားခံ နောက်တယောက်ကို ထောင်ဒဏ်တသက်တကျွန်း ချမှတ်ခဲ့တာ ဖြစ်ပါတယ်။

Photo Crd# ဒေသခံ

Credit - Voice of Myanmar News Agency

#သတင်းဟင်းလေးအိုးကြီး

ခင်ပွန်းဟောင်းနဲ့ ပထမဆုံးချိန်းတွေ့စဉ်က ဝတ်ဆင်ခဲ့တဲ့ ဝတ်စုံ ရှိနေဆဲဖြစ်ကြောင်း ထုတ်ပြောလာခဲ့တဲ့ မိုင်လီ ဆိုင်းရပ်စ်
အဆိုတော်မင်းသမီး မိုင်လီ ဆိုင်းရပ်စ်ဟာ စက်တင်ဘာ ၂၄ ရက်နေ့က Vogue မဂ္ဂဇင်းနဲ့ ဖက်ရှင်အကြောင်း အင်တာဗျူးဖြေဆိုခဲ့ပါတယ်။ အဲ့ဒီအင်တာဗျူးအတွင်း သူ့ရဲ့ခင်ပွန်းဟောင်း မင်းသားလီယမ် ဟမ်းစဝေါ့သ်နဲ့ ချစ်သူတွေဖြစ်ခဲ့စဉ်က ဝတ်ဆင်ခဲ့တဲ့ အဝတ်အစားတွေရှိနေသေးတယ်လို့လည်း ဖွင့်ဟသွားခဲ့ပါတယ်။
မိုင်လီက ခင်ပွန်းဟောင်းနဲ့ တွေ့တုန်းက ဝတ်ခဲ့တဲ့ ဝတ်စုံနဲ့ သူတို့ ပထမဆုံးချိန်းတွေတုန်းက ဝတ်ခဲ့တဲ့ ဝတ်စုံတွေရှိသေးတယ်လို့ ဆိုပါတယ်။ သူ့ဘဝရဲ့လှပတဲ့ အခိုက်အတန့်တွေကို ခံစားချင်ပေမဲ့ ဒီအခိုက်အတန့်တွေကလည်း လူသိရှင်ကြားအခိုက်အတန့်တွေလည်းဖြစ်ခဲ့တာကြောင့် သူ မျှဝေချင်တဲ့အရာနဲ့ ဘယ်အရာကို အမြဲမြင့်ခွင့်ရမလဲဆိုတာ ဆုံးဖြတ်ဖို့ ခက်တယ်လို့လည်း ပြောထားပါတယ်။
မိုင်လီနဲ့ လီယမ်တို့ဟာ ၂၀၀၉ ခုနှစ်က The Last Song ဇာတ်ကားရိုက်ကွင်းမှာ ဆုံတွေ့ခဲ့ကြတာပါ။ ဇာတ်ကားရိုက်ကူးအပြီး မကြာခင်မှာ သူတို့ရဲ့ဆက်ဆံရေးကို အတည်ပြုခဲ့တာပါ။ အဲ့ဒီကစပြီး သူတို့နှစ်ဦးက ပြတ်လိုက်ဆက်လိုက်ဆက်ဆံရေးဖြစ်နေခဲ့ပါတယ်။ ၂၀၁၂ ခုနှစ်မှာ လီယမ်က မိုင်လီကို လက်ထပ်ခွင့်တောင်းခဲ့ပါတယ်။
၂၀၁၃ ခုနှစ်စက်တင်ဘာမှာ သူတို့ရဲ့စေ့စပ်ပွဲကို ဖျက်သိမ်းခဲ့ပါတယ်။ ၂၀၁၆ ခုနှစ်မှာ သူတို့ပြန်တွဲခဲ့ကြကာ ပြန်ပြီး စေ့စပ်ခဲ့ကြပါတယ်။ ၂၀၁၈ ခုနှစ် ဒီဇင်ဘာမှာ လက်ထပ်ခဲ့ကြပါတယ်။ ၂၀၁၉ ခုနှစ် ဩဂုတ်လမှာ လီယမ်က ကွာရှင်းခွင့်တင်ခဲ့ပါတယ်။ ၂၀၂၀ ခုနှစ် ဇန်နဝါရီ ၂၈ ရက်နေ့မှာတော့ သူတို့နှစ်ဦး ကွာရှင်းတာ အပြီးသတ်ခဲ့ပါတယ်။
လက်ရှိမှာတော့ မိုင်လီက အသက် ၂၆ နှစ်အရွယ်အမေရိကန်လူမျိုးဒရမ်သမား Maxx Morando နဲ့ တွဲနေတဲ့အပြင် လီယမ်ကလည်း မော်ဒယ် Gabriella Brooks နဲ့ အခုလထဲမှာ စေ့စပ်လိုက်ပါတယ်။
Ref: Miley Cyrus Reveals She Still Owns the Dress She Wore for Her First Date with Ex-Husband Liam Hemsworth

မြောက်ကိုရီးယားတွင် ယူရေနီယံသန့်စင်သည့် စက်ရုံ ၄ ခုရှိ

ဆိုးလ်၊ စက်တင်ဘာ ၂၆

မြောက်ကိုရီးယားတွင် ယူရေနီယံသန့်စင်သည့် စက်ရုံ ၄ ရုံရှိပြီး ထိုစက်ရုံများသည် လည်ပတ်နေကြောင်း တောင်ကိုရီးယား ထိပ်သီးအရာရှိတစ်ဦးက စက်တင်ဘာ ၂၅ ရက်၌ ပြောကြားခဲ့သည်ဟု အေပီမှ ဖော်ပြခဲ့သည်။

မြောက်ကိုရီးယားခေါင်းဆောင် ကင်မ်ဂျုံအန် (Kim Jong Un) ကလည်း နျူကလီးယား လက်နက်စီမံကိန်းကို လျင်မြန်စွာတိုးချဲ့ရန် တိုက်တွန်းခဲ့သည်။

ထို့နောက် အမေရိကန်သမ္မတ ဒေါ်နယ်ထရမ့် (Donald Trump) ၏ ဆွေးနွေးပွဲ ကမ်းလှမ်းမှုများကို တုံ့ပြန်ရာတွင် နျူကလီးယား လက်နက်များအား အပေးအယူ လုပ်သွားမည် မဟုတ်ကြောင်း ကင်မ်က ပြောကြားခဲ့သည်။

ပြုံယမ်း (Pyongyang) မြို့တော်မြောက်ဘက် ကီလိုမီတာ ၁၀၀ (မိုင် ၆၀) အကွာရှိ ယုံဗြောင် (Yongbyon) နျူကလီးယားသုတေသန စင်တာတွင် စက်ရုံ ၁ ရုံရှိပြီး ကျန်နေရာများ၌ စက်ရုံ ၃ ရုံရှိသည်။

ထိုစက်ရုံများတွင် ယူရေနီယံ သန့်စင်သည့် စက်များရှိကြောင်း တောင်ကိုရီးယား၏ ပြန်လည်ပေါင်းစည်းရေး ဝန်ကြီး ချန်းဒေါင်ယန်း (Chung Dong-young) က ပြောကြားခဲ့သည်။

ယွန်ဗြောင် စက်ရုံ ၁ ရုံမှလွဲပြီး ကျန်စက်ရုံ ၃ ရုံ၏ တည်နေရာကိုမူ ချန်းက ပြောကြားခဲ့ခြင်းမရှိပေ။

ထို့ပြင် မြောက်ကိုရီးယားတွင် အဆင့်မြင့် သန့်စင်ထားသည့် ယူရေနီယံ ၂၀၀၀ ကီလိုဂရမ် (ပေါင် ၄၄၀၀) ခန့် ပိုင်ဆိုင်ထားကြောင်းလည်း ချန်းက ပြောကြားခဲ့သည်။

၂၀၁၈ ခုနှစ်တွင် စတန်းဖို့ဒ် တက္ကသိုလ် (Stanford University) ၏ ပညာရှင်များက မြောက်ကိုရီးယား၌ အဆင့် မြင့် သန့်စင်ပြီး ယူရေနီယံ ၂၅၀ ကီလိုဂရမ်မှ ၅၀၀ ကီလိုဂရမ်အထိ ရှိကြောင်း ခန့်မှန်းထုတ်ပြန်ခဲ့သည်။

သို့သော် ယခုထွက်ပေါ်လာသည့် သတင်းအရ မြောက်ကိုရီးယားတွင် အဆင့်မြင့်သန့်စင်ပြီး ယူရေနီယံ ကီလိုဂရမ် ၂၀၀၀ ရှိသည့် ခန့်မှန်းချက်သည် အတည်ပြုနိုင်ခဲ့မည်ဆိုပါက နျူကလီးယား လက်နက်များ အများအပြား ထုတ်လုပ်ရန်အတွက် လုံလောက်မှုရှိကြောင်း ချန်းက ပြောကြားခဲ့သည်။

နိုင်ငံတကာ အဏုမြူစွမ်းအင်အေဂျင်စီ (IAEA) ၏ ထုတ်ပြန်ချက်တွင် နျူကလီးယား လက်နက်တစ်ခု ထုတ်လုပ် ရန်အတွက် အလွန် အဆင့်မြင့် သန့်စင်ထားသည့် ယူရေနီယံ ၄၂ ကီလိုဂရမ် လိုအပ်သဖြင့် ယူရေနီယံ ၂ဝဝဝ ကီလိုဂရမ်သည် နျူကလီးယားဗုံး ၄၇ လုံးအထိ ထုတ်လုပ်ရန် လုံလောက်မှုရှိကြောင်း ဖော်ပြခဲ့သည်။

နျူကလီးယား လက်နက်များကို အလွန်အဆင့်မြင့် သန့်စင်ထားသည့် ယူရေနီယံ သို့မဟုတ် ပလူတိုနီယံများဖြင့် ထုတ်လုပ်နိုင်ပြီး မြောက်ကိုရီးယားသည် ၂၀၀၆ ခုနှစ်က ပထမဆုံးအကြိမ် နျူကလီးယား လက်နက်စမ်းသပ်မှု ပြုလုပ်ခဲ့သည်။

Source: အေပီ

ပုံ - မြောက်ကိုရီးယားခေါင်းဆောင် ကင်မ်ဂျုံအန်ကို တွေ့ရစဉ်

Credit - Central News Independence

#centralnewsnaypyitaw

"အလုပ်များများလုပ်ခြင်းသည် လူကိုထက်မြက်တောက်ပစေပါတယ်"
Me တစ်လလုံးတစ်ရက်မှမနားရသောအခါ;

အကြော်၊သ၊ည်သာ: အဖြစ်ကနေ နိုင်ငံတကာလေကြော၊င်းလိုင်းမှာ လေယာဉ်မော၊င်ဖြစ်လာတဲ့ မြန်မာပြည်သားလေး ငွေမင်းအောင်
နိုင်ငံတကာ လေကြော၊င်းလိုင်းမှာ အလုပ်ရတဲ့သူတွေထဲ မြန်မာပြည်က လူတွေ အတော်များများရှိလာပေမဲ့ မိဘတွေက အကြော်သ၊ည်ဘဝကနေ ခုလို ပံ့၊ပိုးပေးခဲ့တယ်ဆိုတာကို ထု၊တ်ပြောရဲတဲ့သူတော့ ရှားတယ်နော်
မိဘတွေကတော့ ဂု၊ဏ်ယူနေတော့မှာပဲ Congratulations ပါ

☸ အတွေ့ရများတတ်တဲ့ ပိုးလေးဖက်နာရောဂါ ☸
အဆစ်အမြစ်တွေ နာလို့ လေးဘက်နာရောဂါ များရှိသလားလို့ လာမေးတဲ့ လူနာတွေကို ဆေးခန်းကို ခဏခဏ ရောက်လာတတ်ပါတယ်။ ဒါကြောင့် ဒီနေ့တော့ ဒီ ပိုးလေးဖက်နာ အကြောင်းကို နည်းနည်းရှင်းပြပေးချင်ပါတယ်။
ပိုးလေးဖက်နာ ဘယ်ကစဖြစ်သလဲ...?
ပိုးလေးဖက်နာ လို့ ဆိုတဲ့ အတိုင်း ရောဂါ ဖြစ်ရခြင်းဟာ Group A Streptococcal ဘက်တီးရီးယား တွေ ကူးစက်ခံရတာက စတင်ပါတယ်။ ဒီရောဂါပိုးဟာ တိုးတက်နေပြီဖြစ်တဲ့ ဥရောပတိုင်းပြည်တွေ နဲ့ USA လို မြောက်အမေရိက တိုင်းပြည်တွေမှာ ကူးစက်ခံရတာဟာ မရှိသလောက် နည်းနေပြီဖြစ်ပြီး အာရှ ၊ အာဖရိက နဲ့ တောင်အမေရိကတိုက် တစ်ချို့ နိုင်ငံတွေ မှာတော့ ဒီရောဂါ ဖြစ်ပွားမှုဟာ ရှိနေဆဲပဲ ဖြစ်ပါတယ်။
အသက် ၅နှစ် ၁၀နှစ် အရွယ် ကလေးတွေ နဲ့ အပျို လူပျိုပေါက် ဝင်ခါစ အရွယ်တွေမှာ ဒီဘက်တီးရီးယားပိုး စဝင်တတ်ပါတယ်။ ဒီလို ဝင်တဲ့ အချိန်မှာ လည်ချောင်းနာတတ်ပါတယ်။ ကိုယ်တွင်းကို ဘက်တီးရီးယားပိုး ဝင်ရောက်လာတာ ဖြစ်တဲ့ အတွက် ကိုယ်တွင်းက ခုခံအားစနစ်ဟာ ဘက်တီးရီးယားကို ပြန်လည် တိုက်ထုတ်ဖို့ အတွက် antibody တွေ ထုတ်ပါတယ်။ ဒီထွက်လာတဲ့ antibody တွေဟာ ဘက်တီးရီးယား ကိုသာမကပဲ လူ့ခန္ဓာကိုယ်ထဲမှာ ရှိနေတဲ့ နှလုံး အဆစ် နဲ့ အရေပြားတွေကိုပါ တိုက်ခိုက်မိတဲ့အခါမှာ ထိတဲ့ အင်္ဂါပေါ်လိုက်ပြီး ပိုးလေးဖက်နာ အစရှိတဲ့ ရောဂါ လက္ခဏာမျိုးတွေ ပေါ်လာတာပဲ ဖြစ်ပါတယ်။
ASO ဆိုတာဘာလဲ...?
ပိုးလေးဖက်နာရှိတယ်လို့ ထင်ကြတဲ့ အခါမှာ ဆရာဝန် ညွှန်ကြားလို့ပဲ ဖြစ်ဖြစ် ကိုယ့်သဘောနဲ့ ကိုယ်ပဲ ဖြစ်ဖြစ် Antistreptolysin O (ASO) တွေကို ဖောက်လာကြပါတယ်။ ဒါကြောင့် ASO ဆိုတာဟာ ဘာလဲ ဆိုတာကို သိချင်ကြမှာ ဖြစ်သလို သိလည်းသိသင့်တယ်လို့ ထင်ပါတယ်။ ASO စစ်တယ်ဆိုတာဟာ ကိုယ်တွင်းကို ဘက်တီးရီးယားဝင်သွားတယ် ဆိုတာ ဟုတ်မဟုတ်ကို သိချင်တဲ့ အတွက်ကြောင့် စစ်တာဖြစ်ပါတယ်။ ASO တွေများနေတယ် ဆိုတာဟာ ဒီ ဘက်တီးရီးယားပိုး ကိုယ်တွင်းကို ဝင်သွားတယ်လို့ပဲ ယေဘုယျ ကောက်ချက်ဆွဲလို့ ရပါတယ်။
ဒါပေမဲ့ စောစောက ပြောခဲ့တဲ့ အတိုင်း ပိုးလေးဖက်နာဟာ ပိုးကြောင့် တိုက်ရိုက်မဟုတ်ဘဲ antibody တွေကြောင့် ဖြစ်တာ ဖြစ်တဲ့ အတွက် ASO တစ်မျိုးတည်းတက်ပြီး ကျန်တဲ့ လက္ခဏာတွေ မရှိဘူးဆိုရင်တော့ အဆစ်အမြစ်နာတာဟာ ပိုးလေးဖက်နာကြောင့် ဖြစ်တယ် ဟုတ်မဟုတ်ဆိုတာကို အတိအကျ ပြောနိုင်ဖို့ ခက်ပါလိမ့်မယ်။ ဒါကြောင့် ASO တစ်မျိုးတည်းတက်ပြီး ပိုးလေးဖက်နာမှာ တွေ့တတ်တဲ့ ကျန်တဲ့ လက္ခဏာတွေ မရှိဘူးဆိုရင် အဆစ်ကိုက်ခဲတာဟာ တခြားရောဂါတွေကြောင့်လည်း ဖြစ်နိုင်သေးတဲ့ အတွက် တခြားရောဂါတွေကိုပါ လိုက်ရှာရလေ့ ရှိပါတယ်။
ပိုးလေးဖက်နာလို့ ဘယ်အခါမှာ သတ်မှတ်သလဲ ?
ပိုးလေးဖက်နာကို ဖြစ်စေတဲ့ antibody ဟာ အဆစ်တွေကိုသာမက နှလုံးနဲ့ အရေပြားတွေကိုပါ တိုက်ခိုက်ပါတယ်။ ဒါကြောင့် ASO တက်တာ အပြင် တခြားလက္ခဏာတွေ ဖြစ်တဲ့ နှလုံးရောင်လို့ ရင်ဘတ်အောင့်တာ၊ အရေပြားမှာ အကွက်ဖြစ်တာ အစရှိတာတွေပါ ရှိတယ်ဆိုရင် ပိုးလေးဖက်နာ ဖြစ်ဖို့ ပိုသေချာလာပါတယ်။ ဖျားတာဟာလည်း ကိုယ်တွင်းမှာ ရောင်ရမ်းမှုတွေ လက်ရှိဖြစ်နေတာကို ပြသနိုင်တဲ့အတွက် ဖျားနေတယ်ဆိုရင် ပိုးလေးဖက်နာ ဖြစ်နိုင်ချေ ပိုများပါတယ်။ ECG ဆွဲကြည့်တဲ့ အခါ နှလုံးခုန်မမှန်တာတွေ တွေ့ရတာ ၊ သွေးစစ်ကြည့်တဲ့ အခါ သွေးဖြူဥတွေ များနေတာ ESR CRP တွေများနေတာဟာ ပိုးလေးဖက်နာ ပိုဖြစ်နိုင်တယ် ဆိုတာကို ပြပေးပါတယ်။
သေချာပြီ ဆိုရင် ဘယ်လို ကုသမလဲ...?
Penicillin သောက်ဆေး သို့ ထိုးဆေးပေးတတ်ပါတယ်။ ဒီနေရာမှာလည်း Antibody ကြောင့် ဖြစ်တာကို ဘာကြောင့် ပိုးသတ်ဆေး ပေးတာလဲ လို့ မေးစရာရှိနိုင်ပါတယ်။ ကိုယ်တွင်းမှာ ပိုးတွေရှိနေသေးတဲ့အခါမှာ ဒီ ဘက်တီးရီးယားတွေကို တိုက်ထုတ်ဖို့ အတွက် Antibody ဆက်များနေပါလိမ့်မယ်။ ဒါကြောင့် Antibody တွေကို လျော့ချပေးဖို့ အတွက် ကိုယ်တွင်းမှာ ရှိနေတဲ့ ဘက်တီးရီးယားပိုးကို ရှင်းရပါမယ်။ ပိုးသတ်ဆေးကို ဒီရည်ရွယ်ချက်နဲ့ ပေးပါတယ်။
Credit original writter